الحلقة58
مروه وليد
مروه قالو اعتصام في الأبرق مفش طيران لمدة يومين
وليد::اها قصة بعدك ضروري نروح منقدرش نقعد محدد عملية لراجل كبير موعدها بعد بكرا وحرام نطول عليه
مروه::يلا نصيب اتصل بالمستشفي واعتذر
وليد::لالا نفكر نروح بسياره وخلاص
مروه::واعره عليك الطريق بعدين في كلام انه طريق مغرب. خطيرة رايحه وجيج سرت دواعش اللي منتشرين استيقافات
وليد::كلام راهو مش كل حاجه تشوفيها في الفيس صح
واجدين يمشو ويجو وبعدين الحافظ ربي انا لاني عسكري في الجيش ولاني من الثوار
لاخشيت في فبراير ولا في الكرامه
مروه::ههههههه
وليد:: عليش الضحك والسميلات
مروه::شي هك
وليد::والله احكي عليش حلفتك
مروه:: نخاف ندوي تزعل بس يعني
وليد::لا منزعلش احكي بس
مروه::تخيلت منظرك لو انت طالع مظاهره ولا ماسك سلاح ههههههه وكل شوي تكلم في ماما تطمن فيها مش ماشي معاك اصلا النضال
وليد::تشفطي ياحانطه خليته لكم النضال كلها فتنه وين النضال بعدين خليني نقول ماما لكن راجل ولا مش راجل اني بشغلي وعيالي ومتجوز وحياتي سمحه
وبعدين راني شغلي بروحه نضالمروه::باهي كليتني وووه كلمه راهي
وليد:: وخطرها كيف حالها ماما اليوم رنيت مردتش عليا العصر
مروه:اها ماميتك مكنتش قاعده اليوم المغرب روحت
وليد::يييي كرهتيني فيها الكلمه من نقيقك عليها
مروه::وووووراك لين تقول امي
وليد:: المهم شن جو قالو اليوم عندكم ضرب
مروه::اها واجد حتي العيال مخليتهمش يطلعو الجنان اليوم
وليد::رد بالك يطلعو مروه ضرب ولا غيره
مروه: عارفه بس أمس طلعت بيهم فطرت فوف جو حلو
وليد:: اها المهم معاهم بروحهم لالا
مروه::لا معاهم وليد
وليد::عيونه
مروه::جيب معاك بكلاوه من العالم خاطري فيها
وليد::امبدري خديت منها مع القهوه ابداع الصراحه
مروه::جيب منها باهي نتوحم عليها هههههه
وليد::
مروه::وينك
وليد::معاك كنت نحكي مع صاحب بس
شوفي كندره هذي تمشي مع قفطان ميلو