الحلقة 26
ابراهيم ::لما خششت السياره بناخد ندي والله مش عشان
طروح ولا دلع زايد بس لأَنِّي خفت عليها لابسه دبش ثقيل عليها وحامي وخفت عليها من الكعب.
خششت السياره لفم باب المدخل نزلت ركبتها وقعدو الشباب يشفطو وينابشو. مخوفته
حركتلهم حواجبي. ودرتلهم حركة انقهرو بيديا وركبت ومشيت.
مرات صح تحس روحك بايخه تبين الاهتمام الزايد قدام الناس
بس لاشعوريا يطّلع منك خوفك وحبك قدام الناس بتصرفات عاديه بس الناس تشوفها طح سعدهم ومخوفته. وغيرررره من هل الكلام
لما بيطلعو من الصاله قتلها متطلعيش الا لما تفضي انا اخر سيارة بنقعد
روحنا للحوش وقتلها مطوليش اركبي
بعد ربع ساعه رنيت عليها وقتلها انا علي الدروج اطلعي
مسكتها وركبتها بشويه للشقه
ندي::وانا طالعه عميمه غيّرن وتعالن تعشن تحت هل العروس دازين عشاء
ركبت انا وهيما
وصورنا كم صوره حلوه بس هوا كان لابس بدله سوده
ساعدني في تحويل العربي. نجه ليا ياخيه حتي الصندل نزل فتحه وحوله مبش يخليني نطبس ❤️
هيما::خلاص كملنا وأخيرا كيف متحمله تمشي به هذا
ندي::ووواووو بكل عمه تصدق في الصاله بعد حطو وشق والعربي حامي. صارلي زي الاختناق قعدت صفاء وسمر ينشن عليا وطلعني برا باش رقت شويا
هيما:: انا مش راضي عليه العربي تلبسيه لكن انت صكرتي راسك شنو توا كويسه
ندي::اها كويسه هكي تضايقت او ماخشن بالبخاره
بس بعدها. ساره صبت تجررري خلتهم يحولوها.
هيما::باهي وشن صار اخري احكيلي محد ضايقك اليوم
ندي::اصبر توا نهدرزلك عررررم حاجات. بس خليني نخش
نبرد علي جسمي بالميه ونطلع
هيما:تمام باه ووين حاطه بجامة الزفه امتاعي
ندي::ههههههههه شن خطرها موقتلي تحمي فيك
هيما::شي هكي خاطري نلبسها اليوم شن دخلك وانت والبسي امتاع الزفه معش لبستيه بكككل ❤️❤️
ندي:: ههههههههه تبيش نصلو بالمره.
هيما::ههههههههههه هبله
ندي::هبله وهبل ماشيين مع بَعضنا.
بس انا بننزل بايتات عماتك وبناتهن وجو يهبل تحت وفي
عشاء جعانه بككككل متعشيتش. غادي
هيما::لالا والنبي فكينا خلينا هنا تي انا سيبت جو هدرزه
تحت عشان نركبلك وسيبتهم كلهم يقولو عليا مخوفته
ندي::ههههههههه باهي بس انا والبيبي جعانيين وجت عيني عليهن
