الحلقة 33
ندي هيما ::
ندي::رقد معصب قتله متزعلش مني شيرلي بيده بمعني اسكتي
سكتت وبرمت حتي انا فته يعني ميصرش الوحده تقول لا
لازم ديما تقعد رايقه وتجامل حتي علي حساب نفسها
رقدت
ونضت الصبح رنت التلفون هيما
مسكته لقيتها صفاء شن تبي الساعه 10رديت عليها وقتلها ايوا صباح الخير
ردت عليا صباح الخير قتلها تبي حاجه ابراهيم راقد مبش ينوض
ردت عليا والله قعدنا لازم نمرو علي البداله نوضيه عطيه ليا
رقالي منها ورديت مراته والله شن فيها من بداله بعدين احكي معايا بأسلوب كويس نشتغلش عندك انا
ناض هيما سمعني نحكي بنبرة حاده مديتله تلفون وقتله صفاء تبيك وزعلانه ليش انا نرد
فنص فيا وخدا التلفون
ابراهيم :أيوا خير
صفاء::خيرات كنها مراتك منفصلة وجبيتها الحاله
ابراهيم ::شن تبي انت ياصفاء
صفاء::علي يرن عليكم خلاص شي
ابراهيم::صفاء صببببححح قولي شن تبي انا كيف نايض مش فاهم شي
صفاء::بابا يبي مشيت للمزرعه وقالي رني عليهم ساعه كم يطلعو
ابراهيم ::اها باهي ليش مقلتي من الاول تمام وتو روحكم واللي يوتا ياخد المفتاح ويعدي
صفاء ::تمام معناها نحن طالعين توا اطلع ارمي المفتاح
ابراهيم ::باهي هيا
رميت المفتاح وطلعت للصاله لقيت ندي جوها قلق وانا اصلا بروحي راقيلي من أمس
جيتها كنك معاها شن الرد هذا
ندي::انا رديت كويس هي اللي تهزب ليش نرد علي تلفونك
ابراهيم ::مستحيل هي ترد عليك بهزيبه عشان تلفون هذي انت بالعاني عشان من الاول ناويه توزعيهم تبيهمش يمشو معاك هذي نيتك الحقوده وعقلك المريض عالجي نفسك ياأخي
ندي::
انا حرام عليك انا هذك اليوم دويت معاك وبعدها نسيت الموضوع اليوم رديت عادي لانك راقد وناديت عليك مرديتش
انا مش نيتي شينه ولاني حقوده انا رديت طبيعي والله رديت طبيعي باهي لو نيتي شينه راهو نركب نحكيلك ونعبيك عليهم لو نيتي شينه راهو اي موقف يصير نركب نحكيه ونزيد عليه انا متربيتش علي تغليض القلوب ولا علي
القطيعه نحكي ونبكي منهاره وهوا نظاراته حاده وواعراه وكالعادة منعرفش ناخد حقي ولا نكمل دوتي نمل ونتعب وننسحب خشيت للحمام بكييييت واجد وطلعت لقيته في الدار علي السرير متكئ
