الحلقة36
ريحان احمد:::
جيت خديتها من حوش هلها طلعت ساكته ركبت في السياره بدون ماتحكي
احمد::مبروك عليها
ريحان::الله يبارك فيك
احمد::شن الجو جوا
ريحان::حلو
احمد::جيت انا امبدري وهله شكلهم ناس كويسيين
ريحان:فعلالالا ربي يهنيها نصيب يهبل وفرصه متضيعش
احمد ::شن قصدك انك ضيعتيه قصدك انك نادمه عشان رفضتيه وحرقت السياره قريب درت حادث
ريحان::انا قلت هكي انت اللي تفسر من عندك انا نحكي علي اختي
احمد::دروحك تردي فيها كلمه قصادها كلمه انا قتلك مش قصدي
ربحان::ولا قصدك عادي المهم انا وتثقه من نفسي
احمد::لاحول ولاقوة الا بالله
وصلت للحوش ركبنا فوق علي طوووول
اول ماخشينا
ريحان::خشيت للدار خديت روبي وطلعت للحمام
دوشت ولبست وطلعت للدار خشيت في الفراش
احمد::بترقدي انا متعشيتش
ريحان::علي الطاوله في موالح جبتهن سخنهن في المكروييف
احمد::منعرفش نسخن فيه صبي
ريحان:: عليك قصه باهي. صبيت خطمت من حداه وكنت لابسه روب سماوي. قصير واسع ستان سيور وخيوط من لاورا
مشيت للمطبخ حطيتهن في المكروييف فتحت الثلاجة طبست نبي ناخد عصير لقيت حاجه مداته ليا نبي برتقال
وضحك
ريحان::بحتت فيه وخديته وفردت طولي وبرمت
صكر الثلاجه وانا طفيت المكروييف وطلعت الموالح وجيت نبي نطلع مسكني مع يدي
احمد::منقدرش نزعلها جيت بالعاني نبي نحكي معاها تحججت بالعشاء صبت معصبه خشيت ورآها في المطبخ كانت مطبسه ومنظرها حلووو جت تبي تطلع مسكتها وحطيت فمي علي وذنها
نحبك
ريحان ::قالي نحبك مبيتش نتأثر حاولت نفك يدي كرها عنده بحتت فيه وشعري نزل علي وجي رفعه ليا قتله بصوت يرعش لاني بديت ندوخ من شكله ومن ريحت عطره
احمد اطلق يدي نبي نرقد
مسك وجي من تحت الفم وباسني علي فمي
أسف أسف أسف مع كل كلمة أسف بوسه
ريحان::انت زعلتني بجد أمس معقوله تطلع منك كلمه هكي اوزن كلامك قبل لا تطلعه
احمد ::مش قتلك انا حمار خلاص معنديش عقل يفكر
حطيت يديا علي وسطها وقربت من الطاوله
