الحلقة71
نزلنا نجرو لقينا عماتي يتعايطن جديده توفت.
كانت فجعه لين حسّيت بدوخه. وبطني بتقلب. المنظر كان يرعش عمري ماشفت حد ميت. خشيت وكانت مش مغطيه
وأعمامي حايسيين في الجنان
قربت منها ومسكت يدها وماحكيتش الا
الله يسامحك ياامي. الله يسامحك. ربي يغفرلك
مسامحتك دنيا وآخره يااااااارب سامحها
خش عمو مصطفي حظني وغطا وجها وطلعني برا ومسك وجي
عمو:: سامحي جدتك ياسمر. قولي الله يسامحها
سمر::بحتت فيه ززززين وعيوني ينزلن دموع الله يسامحها الله يسامحكم كلكم انتم هلي انتم عزوتي. حظني وقَعَدت نبكي.
خشو أعمامي ورجاله عمتي. وبدو ينصبو في الخيام
الصبح نضت نحس بعيوني مغبشات قعدت نحك فيهن
صبيت حسّيت فقد توازن. خشيت للحمام غسلت وجي
وطلعت مع عماتي عزيتهن. ومسكت تلفوني بنرن علي مروان بس مقفل.
شفت حكيم. حطيت وشاحي.
سمر::عظم الله أجرك
حكيم ::العزا واحد كيف حالك سمر انا اسف علي دارته ساره معش عرفت نوصلك انت مصكره علينا كلنا
سمر:: مكتوب ومحتوم عليا. اني نعيش الوضع هذا
قدري اني يصير فيا هكي.
حكيم::ربي يرد مروان طيب. ويسمعك الأخبار الكويسه
سمر::حكيم بنطلب منك طلب
حكيم ::تفضلي
سمر::رد مراتك. خلاص ملهش فايده تخرب حوشك. وتشرد عيالك. ردها راهي مكنتش ناويه يوصل الكلام لباتها
هوا بروحه سمع و نزل حكم الإعدام علينا
حكيم:: مش طايقها
سمر::هي اكيد توا تجي العزاء. انت خلاص ردها عشان خاطري بلكي. لما نعمر حوش ونحمي عيال من التشتت ربي يجبر بخاطري ويرد مروان. عشاني حكيم. تعوذ من الشيطان
حكيم ::يصير خير توا خلاص خشن جوا
خشيت
وبدا الناس تمشي وتجي تعزي
~<~<~>
سكينه::عدي للدفينه ياحاج عيب
محمد::ريحني انتن بتعدن عدن انا مش ماشي
ساره متمشيش عزقها خليه يرد هو ياخدها
سكينه::هذوما عربها ولازم تقعد غادي معاهم بعدين بنتك اللي غلطت تصنت علي الراجل وأخته بنتك اللي تبي قَص رقبه
