الحلقة 38
ندي ::طلعت انا وسمر زي السرقات اللي يديرن في جريمه ويساعدو فيهن رجاله كان يوم برغم الهم بس حلووو بكككل عدا كله ضحك
طلعنا القصعه مع الروشن وطلعنا اختفينا درناها سريعة عند دولت وطبعا هي كملتها تقرم في حماتها وتحكي في مواقف تضحك طيبناها ودرنا كيكه وبسبوسة وجاب مروان بيبسي ومشينا عند شجر الفرواله بعييد عّن الحوش فرشنا وقعمزنا
مروان::نمشي نشوف الجو ونجي
عدا لقي امه طالعه هي ورنده وهاجر لحوش جنبهم دايره صحبه بيهم ومروه تدوش في الحمام وصفاء تتفرج
برم شويه وطلع جتنا
سمر::ها شنو
مروان:: مفش حد مدوركم هيا صبي
درنا القهوه علي الكانون وقعدنا نهدرزو ابراهيم عزم علينا نسافرو معاه بس مروان مبش عشان الفلوس.
ابراهيم ::ياراجل بطل هبال انا مأجر شقه مأجر ومصروف الحوش نشتركو فيه. حتي شهر علي الأقل نديرو حتي نفسيتنا
مروان::لالا انا وصيت احمد ياجرلي جنبه
ابراهيم ::شوف روحك
ندي::والله يامروان تفكر كويس خلينا نردو ايام تركيا
مروان::يصير خير
مروان:: امبدري باتي قالي كلمه بات خطيب صفاء ويبو يقرو فاتحه وياخدها الفتره هذي
ابراهيم ::صاح باهي ربي يهنيهم والراجل انا مهدرز معاه ممتاز بكل
سمر::قصدك خلاص صفاء بحح قريب نتريحً
مروان::فنصت فيها ابراهيم وندي قعدو يضحكو
ابراهيم :: تي خليها تعبر ياراجل كبدت مسكينه
سمر::هههههههه هذا ديما هك اسهل حاجه عنده يطّلع عيونه
ابراهيم ::فرحان بيهن وهن نقطه قريب اختفن
سمر::ههههههه مش غير
مروان::عدي روح ياصلوعه مقهور مني عيوني فيهن تلوينه وشعري ناعم طويل
ندي:.مش صلوعه ابراهيم شعره خفيف بس
مروان::وكنك زعلتي وبرمت علي سمر شفتي متحملتش فيه مش كيفك
ابراهيم ::ههههههه زعل
مروان::اها زعلت هي
ابراهيم ::نقولك هي ندي خلينا نتمشو غادي وانت راضيه
سمر::هههههههه الله يعيني
~~<~>~>
ندي ابراهيم ::
صبينا وقعدنا نتمشو مشينا مسافه بعدها قتله
ندي::حبيبي ظهري خلاص بنقعمز
هيما::تعالي هنا قعمزنا علي لوحه علي الساس وقعدنا نهدرزو
