الحلقة30
ابراهيم ندي::مشينا حوش امي فرحت بككككل ودمعت
سلوي قعدت تضبط فيا فرحت بالفلوس
عزمت نخشو بس انا قتلها عندي حاجات نبي نديرهن مشغول
طلعنا
ابراهيم ::اليوم الدلع لكي وين تبي تتعشي
ندي::يحكو علي مطعم اسمه القلعه قالو حلو نمشوله
هيما::اها عرفته كويس قريب من ماركت فينيسيا
خشينا للمطعم وبالصدفة لقينا احمد وريحان سلمنا عليهم
عزمو بس انا قتلهم لالا خودو راحتكم وانا ناخد راحتي. لاني عارف ندي تبي تقعد بروحنا
خديت طاوله بعيده عليهم
تعشينا وهدرزنا وروحنا
ابراهيم ::اركبي انت وشيلي هذين معاك
انا توا نخش نحطهن ولاحقك
ندي::باه وفي عقلي أحسن
ابراهيم ::خشيت لقيت محمود يهزب في صفاء وبعد شافني سكتو
كنكم شن في
محمود ::لا شي نهزب فيها علي دبشي
ابراهيم ::وشن دخل ندي في دبشك هههههه سمعت اسمها
هاجر ؛؛؛هههههه لالا غير قاللها استعملي معطر اسمه الندي بس انت في عقلك ندي
سكينه::آيه صح هههههه
وطبعا في الوقت هذا كان محمود يهزب في صفاء ومش خاش راسه انها امبدري نقاش مع ندي
لانه سمع كل الكلام وووجعه في ابراهيم
هيما::ههههههه باهي هاكي ياهجوره
سكينه:: ماشاءالله عليش هذا كله واجد ياحبيبي
هيما::لا يكمل عيله ماشاءالله
سكينه::وين ندي
هيما::ركبت للشقه
سكينه::فطوركم هنا بكرا صح
هيما::ان شاءالله
صفاء :::قول لمراتك اتدير نوع
ابراهيم ::ان شاءالله باهي
سكينه::لالا راك تقوللها متعدلش علي كلام الغبيه هذي
هيما::لا عادي. انا منبيش نركز لعند توا. ندير في روحي أطرش. عرفتي ياصفصف
صفاء::اسمع انا مقلتش حاجه غلط ماما قديش منها تطيب وهنا ينزلن لابسات ورايقات الجمعه ينزلن علي الظهر وبكرا المغرب
مروه::صفاء صكري فمك عيد فكينا من طولت لسانك متعدلش عليها ياهيما غبيه هذي
ابراهيم ::بكككل غبيه انا مش عارف كنها مع ندي ليش مقلدتها من اول ايام الفرح وانا نشوف في مواقف وساكت. انا اللي فارض عليها تنزل من اول يوم قتلها هذوووما هلي
