الحلقة76
سمر:: تعرفي مش وقتك رمضان جايات توا هذين ساعه كم بيروحن
ناديه::سحور ياحبيبتي. غير اطلعي بس.
سمر::. سهي هيا اطلعي معايا شن نخش بروحي صحباتك ولا صحباتي
سهي:خشي انت انا وراك بالعصير
سمر::طلعت قابلت صلاح ورمزي. عزقولي تحيه بيديهم من بعيد. وضحكو. مفهمتش. شن قصدهم
خشيت للصالون كان مردود
وشفت واحد يصلي. عاطيني بضهره من الجنب مروان.
قعدت مجمده في مكاني ممكن صدمه ممكن. ارتباك
بس معش قدرت نقدم ولا نوخر
مروان::
الجنب اليمين السلام عليكم ورحمة الله وبركاته الجنب اليسار السلام عليكم ورحمة الله وبركاته
صبيت نطبق في السجاده. وبرمت.
شفت سمر لا مش هي
لاهي قعدت في مكاني. نبحت بعدها ضحكت ابتسامه بصوت تنهيده
سمر:: برم هوا مروان هوا اها هوا والله هوا.
قربت منه ودموعي نزلن
مروان:: جيت قربت حتي انا ومسكت يدها ودموعي. نزلن
وقَعَدت نبحت فيها. وهي نفس الشي ممكن دقيقه
وعلي طول كريتها. لصدري
وقَعَدت نبكي بعبرتي.
نسمع فيها تبكي وتحكي بس انا تعبان وكنت محتاج لحضنها مقدرتش نجاوب عليها
سمر؛؛خداني لصدره وقعد يبكي. حبيبي شكله مهموم
قعدت نبكي ونقوله
وين عديت وسيبتني. حبيبي. ليش طولت عليا
انا تعبت من غيرك. انا ضعت حبيبي. ليش سيبتني مش قتلي مستحيل نسيبك. ليش انا نحبك. والله نحبك انت كل حياتي مروان انا بدونك نضيع. انا ننهار بدونك انت الساس اللي مستنده عليه شفت ايام سود بدونك حبيبي
ليش سيبتني. انت وعدتني. مستحيل تتخلا عني
بس مستمر يبكي وخرت من عليه لقيته عيونه حمر
مسكته وقعمزته خديت ميه من الطاوله وشربته
وقَعَدت ماسكه إيديه
هديت حبيبي
مروان::برمت بحتت فيها وقَعَدت نمرر بيدي شعرها النازل
الحمدالله. مرايف عليك. كيف حالك.
سمر:: حاليا الخمدالله
مروان:: متصوريش كيف كنت مشغول عليك شن صار معاك حبيبتي وشن جابك هنا
متقوليش سيبتي اعمامك وعليش جيتي هنا سمر طمنيني
سمر:: مشغول عليا انا بس ومروان الصغير منشغلتش عليه
