القدر المحتوم
بدون مقدمات نخشو في التفاصيل وبالحلقات والتسلسل راح تتعرفو عليهم كلهم
الحلقة 1
فيلا السيد محمد رمضان الساعة 4 قاعدات بناته في غرفة المعيشةويهدرزن مروة 22سنة صفاء22سنة توأم مروة, وهاجر 19وسارة 28سنة وآخر بنت علي قولتهم جت غلطة رندة 10سنوات. و الحاج محمد وزوجته سكينة في دارهم مقيلين واحمد وزوجته هند في شقتهم فوقهم ومحمود 28توأم سارة في العمل محل مواعين حلو بكككل وراقي وبطل القصة مروان العمر 33 العمل مهندس ديكور وعنده مكتب تصميم حلو وطبعا مروان كان خاطب وحده اسمها منار تقرا معاه وقبل الفرح تعرض لحادث خطير سببله في شلل وتشوه في الجبه والخشم خطيبته تمسكت به وياما دارت بس أمها وأختها متريحنش لين قنعنها تفسخ وتتخطب لسلف اختها ومروان حصل صدمه من منار تعب منها نفسيا واجد
بس تحسن لما باته سفره ألمانيا وعالجه ورد يهبل كيف قبل البنات قاعدات يتذكرن انه اليوم يصادف حادث مروان ويطق سنه ويتذكرن في تفاصيل حالة خوهن كيف قعدت وانه خاطرهن يقهرن منار وهلها ويجوزنه
سارة: اسمعن يابنات تعرفن سمر بنت خال حكيم راجلها يقعد البنات :اها عسل تهبل بس تحسيها مغروره ساره لا والله عسسل وتهبل مسكينه غير تحسيها ديما تحب تقعد ساكته ووعيونها حزينه مشفتش حنان الام والأب باتها لاهي في مراته وميدور فيها وهي مأثر فيها خصوصا بعد تشوف أعمامها مع عيالهم وهكي المهم انا عجبتني ونحس روحي خاطري نسعدها شن رأيكن نقول عليها لمروان بلكي تعجبه ونتريحو عليه البنات ياريت ياخيه مع خشت
مروان :اووووو سرو عندنا حبيبتي كيف حالك وشن جو حكيم مرايفين عليه سارة :تمام كويس سارة مروان نبي نحكي معاك في موضوع مروان :احكي ناقصتك حاجه قولي لا يا غالي خير حكيم وخيركم مغرقيني
انا نبي نحكي معاك نبيك تزوج ونفرحو بيك
مروان :والله شن نقولك حتي انا فكرت أني نقول لامي تدورلي بس قلت خليها علي الصيف نحكيلها
ساره :اها باهي تمام بس انا عندي عروس لكي عسسل مروان: تمام شن مواصفاتها حكتله طبعا ساره علي سمروحكتله علي حياتها وعلي غموضها وهدوؤها مروان خلاص شوفي أمي وانا طبعا شرطي شغل لاوسواقة لا وطبعا لازم نهدز معاها تمام بكل خلاص اليوم نحكي لماما ولو رضت نمشي نحكي سيمو بكرا. اصله في عرب جو حكو فيها غير مزالو يسألو عليهم
مروان :والله لو في نصيب تقعد لو لا شوفي غيرها وتوا انا بنركب ندوش وطالع اخري يلا باي
ساره: يابنات مروان وافق
البنات :الحمدالله يارب فرحنا بي
العشية ناصع سكينه وحكنلهت البنات ووافقت وقالت لسارة ليش بكرا رني علي حكيم روحي تواوتكي عليهم لو قالت باهي بكرا نحن نمشو نخطبو
سارة تمام :آلو كيمو وينك
حكيم :قاعد عند صاحبي كنك تبي حاجه ياسارة
سارة :باهي كيمو بنروح توا ونبي نتكي علي حوش جدك ضروري
حكيم :خير شن صاير سارة شي خير ان شاءالله غير تعال ونحكيلك علي الخبر الحلو بسرعة
حكيم امووووووووت واعررررررف انااااااا ههههههه هي هي جاي صكر وجاها وحكتله في الطريق وفرح بككككل وصلت لحوش الجد عبد السلام مختار وخشو سلمت علي اللي قاعدين وعدت ،
لسمر لقت عيونها حمر بكاء. كنك سيمو من مزعلك
سمر :مليت بكل كل يوم نخدم فيها زي الهبله وبابا ساكت وآخر ش ي اليوم فرح نجوي صاحبتي مبتش تخليني نعدي ولما حاولت نقنعهم ضربتني وبابا مصبي ولا تكلم لولا عزو خشت حولني من يديها عزو خو سمر من باتها ولد جميله كويس بكل عمره 26سنه سارة :بس حبيبتي خلاص اهدي وانا اللي جايه نبيك في موضوع مش عارفه نحكي فيه ولالا سمر: احكي سوسو خير شنو ساره اسمعي دغري ماما عاجبتيها ونبي تخطبك لمروان خويا سمر. ساكته سارة احكي سيمو شن نرد عليهم وعلي فكرة مروان حكيتله عليك وقالي تريحتلها وخويا والله مفش زيه مش تقولي عشان خوها لا بس هوا طبعه عسل عصبي صاح بس طيب ومش اعصاب هبال لا أبدا رومنسي يحب الحياة سفر ودلع يصلي ويحب عمل الخير ها سموره شن رأيك
سمر :شوفي ياساره انا منلقش خير من عليتكم خصوصا وانت عارفه ضروفي مش ناقصه نمشي لعيله تكمل عليا الهم والعذاب
ساره :يعني شنو
يسمر :تمام قوليلهم يتفضلو مرحبتين بيهم ساره نجك ليا مرت مروان الغالي
ساره :خلاص توا خليني نروح حكيم والعيال اكيد ملو وبكرا نتلاقو واسمعي بعد بكرا توا ياخدك حكيم عندي تهدرزي انت ومروان بعيد عن عيون عيله هنا انت عارفه مش كلهم يحبو الخير
سمر: تمام حتي انا هكي أحسن نحسه
ساره: باي توا وصلي استخارة اليوم باهي
سمر: تمام باي
روحت ساره وسمر تفكر وتفكر زعمك شن شكله وطبعه مروان ومروان حن علي سمر من كلام اخته وتشوق يشوفها
انتهت الحلقة الأولي نتمني نشوف انطباعات سريعة علي البدايه وهل نكمل تنزيل ولا لا
سلام
Reem
