روايه احببتك ايها المجهول الفصل العاشر
"وما وراء القسوه سوى حب كبير"
(خرجت وتين من المستشفى ورجعت اسكندريه ومحكتش لمامتها حاجه علشان متتخضش وتانى يوم راحت الشركه)
فى شركه الليث للبناء
تدخل وتين مكتب زين بعد ما استأذنت بالدخول
وتين وهى مرتديه بنطلون جينز وتيشرت احمر بنص كوم وفارده شعرها:انا جايه اخد اذن النقل لفرع تانى
زين:تنقلى ليه
وتين باستغراب: حضرتك عايز كده
زين وهو بيفكر فى حجه علشان يبرر موقفه واخيرا قال:انا محتاجلك قصدى المقر هنا محتاجلك
وتين باستسلام:يعنى اروح اشتغل
زين وهو بيحاول يكون قاسى ومعرفش :انتى لسه تعبانه
وتين :لا خالص انا كويسه ودى زى ما قولت حضرتك كانت تمثيل أو فيلم هندي فمتشغلش بالك
زين:وتين انا
وتين:لو سمحت حضرتك لو مش عايزنى انا هاروح اشوف شغلى
زين:اتفضلى
وتين بعد ما خرجت من عنده قررت انها تقسى قلبها وتعيش معاه فى أحلامها واخيرا اعترفت لنفسها بأن ده مش حبيبها المجهول ده مجرد شبه وعرفت انها مستحيل تلاقيه
(فى باريس)
اسر قاعد فى مكتبه ودخل مروان دراعه اليمين
مروان:يا باشا البنت عايشه
اسر :ازاى ده
مروان:هى بتشتغل فى شركه الليث مع زين الليث
اسر بشر:احجزلى تذكره طياره نازله مصر فى اسرع وقت
مروان:ليه يا باشا
اسر:هنعمل شراكه مع شركات الليث وأشوف اختى الحلوه نجت من الموت ازاى بس والله المره دى انا هخليها تتمنى الموت ومتطولهوش
(فى بيت ليث والد زين)
فريده :رايحه فين يا كارولين
كارولين:رايحه لزين يا خالتو أصله رجع امبارح
فريده:طيب يا روحي
(تخرج كارولين وتذهب لشركه الليث للبناء وتحديدا مكتب زين)
كارولين بصدمه عندما رأت وتين:انتى معقول
وتين بعدم فهم واستغراب: حضرتك تعرفيني
كارولين بتذكر
فلاش باك
فى إحدى اجازتها اللى بتقضيها فى باريس وتحديدا بيت اسر شافت صوره كبيره متعلقه لوتين معمول عليها علامه اكس باللون الاحمر
كارولين:مين دى يا اسر
اسر وهو سكران:دى اكتر بنت بكرهها فى حياتى أو الأدق انا عايش علشان انتقم منها
كارولين:ليه دى باين عليها بريئه
اسر بضحك:انتى مش عارفه حاجه
كارولين :هى دى حبيبتك
اسر وقد على صوت ضحكه:للاسف الشديد اختى
كارولين بصدمه:وعايز تقتلها
اسر:لو فى حاجه اشد من القتل كنت عملتها
باك
كارولين:لا معرفكيش
وتين:طب حضرتك عايزه ايه
كارولين:عايزه زين
وتين وهى تنظر الى ملابسها:واقوله مين
كارولين:حبيبته
وقعت هذه الكلمه على وتين كالصاعقة
وتين: حاضر
(دخلت وتين لزين)
وتين بنبره صوت ضعيفه:حبيبه حضرتك بره
زين اتصدم:مين
جه صوت كارولين من وراى:انا يا بيبى
(زين بص على وتين لاقها حزينه ونظرات الغيره باينه فى عيونها وحس انها هتتعب )
زين بجديه:عايزه ايه يا كارولين
كارولين: وحشتنى
وتين بنبره شبه عياط : عن اذنكوا
زين بسرعه :استنى يا وتين كارولين لو مش عايزه حاجه اتفضلى امشى
كارولين بصتله وبصتلها وفهمت أنه فى حاجه بينهم فقالت بصوت كله حقد :طيب ماشيه
(خرجت كارولين وسابت زين ووتين لوحدهم)
زين :دى بنت خالتى مش حبيبتى
وتين باندفاع وغيره واضحه:شئ ميهمنيش ومطلبتش انك توضحلى وانا اصلا مش غيرانه ولا حاجه وبعدين اغير عليك ليه بس اصلا البنت دى مش مرتحالها علشان كده كنت مضايقه
(عذرا يا ادم وحواء تفقد ثباتها أمام الغيره ويسقط ضعفها وتتحول إلى بركان ثائر يحرق بل يفتك بمن يتجرئ على الاقتراب من ممتلكاتها واهم ممتلكاتها هو انت)
زين بشبه ابتسامه: اه باين من عينيكى اللى كانت هتقتل البنت وبعدين انا مسألتش انتى بتغيرى ليه
وتين:عن اذن حضرتك
زين مسك ايديها:كنتى بتحلمى بيا ليه يا وتينى
وتين وبصت لعيونه وسرحت فى سواد الليل اللى جواهم وتاهت فى نطق اسمها من شفايفه
فى باريس
اسر وهو يتحدث فى الهاتف:ايه ده كارولين نفسها بتكلمنى
كارولين بضيق :اسر انا شوفت اختك
اسر باستغراب:فين
كارولين:بتشتغل فى شركة الليث للبناء مع زين وده يبقى ابن خالتى وشكل فى حاجه بينهم
اسر :وانتى عايزه ايه
كارولين:اساعدك تقتلها وتحقق انتقامك وانا اخد زين
اسر:كده تمام تعجبينى يا لينا انا هنزل مصر فى اسرع وقت
كارولين :تمام
فى مكتب زين
زين:قولى بتحلمى بيا ليه ومن امتى
وتين :انا مبحلمش بحاجة
زين: والله
وتين:اه وانا اصلا معرفش حضرتك قبل كده هحلم بيك ازاى وانا مبغيرش حضرتك مديرى وبس
زين بسخرية: بتحلمى بيا علشان بتحبينى مثلا (ضحك)متخبيش عينيكي فاضحاكى
وتين وحست بالسخريه فى كلامه:وانا لما احب اكيد مش هحبك انت اكيد مش هحب واحد قاسى ميعرفش الحب طريق مش عارف فى حياته غير القسوه وبيتفنن فى وجع الناس وفاكر أنه كده راجل ولو انت اخر رجل فى العالم مستحيل احبك
(كلامها وجعه هان رجولته كرجل شرقى)
زين بصوت مثل فحيح الافعى :اطلعى بره
وتين:انا
زين بغضب وبصوت عالى كاد أن يحطم زجاج الشركه : انتى مرفوده واطلعى بره ومشوفش وشك تانى
وتين:انا مقصدش
زين:برررره
(احذرى يا حواء من المساس بكرامته و اغضاب ابن ادم فإن اشعلتى فتيل غضبه ستصابين بنيرانه لا محاله )
(خرجت وتين من الشركه تحت نظرات الشماته من بعض الموظفين اللذين استمعوا للطردها والحزن من الآخرين واتصل زين على مازن علشان يشوفلو سكرتيره جديده)
"وقلب الزين مهما قسى هيفضل حنين على وتينه"
انتهى الفصل العاشر
*وتين*
