حكاية خواتي (مكتمله)

الحلقه 1

هلو،
اسمي حنين عمري 25سنه
وخواتي فرح 18 سنه تدرس بلاعداديه
و وردة 19 تاركه المدرسه لانو متحبها

حنين
صافنه فكره تجيبني وفكره توديني ....فزيت من صفنتي على صوت فرح
...حنيييين
...هااا من زمان انتي هنا
...لا صار خمس دقايق مگابلتج اريدج تنتبهين ماكو عبالي صار بيج شي
....ههههه لا مبيه شي

...لعد شنو الماخذ بالج وشاغل تفكيرج
..هواي شغلات فرح هواي
النسوان گامت متخيط عندي ادور موديلات وفصالات كله ع النت
واني خياطي ع القديم وهاي المجلات محد گامت تگلبها صارت قديمه والي يخيطن بالدين
ماعرف شلون...ادبر المصرف

فرح...حضنت حنين ...حبيبتي طول عمرج وانتي شايله همنه وتفكرين بينه
الي مثلج تزوجن وخلفن وانتي مضحيه بعمرج وشبابج علمودنه
حنونه لاتهتمين حته لو ناكل خبز ومي هم قابلين
لمن الله يفرجها علينه

....اووووف يافرح خلي نگول نجوع ونسكت ندبر حالنه بأي شي بس بعد شهر يبدي دوامج
ولاتنسين انتي سادس يرادلج ملابس من غير الملازم والدفاتر
عاد انتي بينه اطلعين وتكملين دراسه بلكي تعينينه

...فدوه العمرج لتكلفين على نفسج ملابسي مالت العام البسها واذا ع الملازم
اخذ دفاتر البنات مالت الدورات واقره بيهن

...لا فروحه لا صح ماعدنه بس اني طول عمري احاول مااخلي شي ناقصجن
صدك مو مثل بقيه البنات بس الحمدالله والشكر سادين ارواحتنه

قطع كلامنه صوت عمتي مره كبيره بالعمر
...يمه ياهي هنا اريد ماي

...گومي فرح لعمتي بين ما اكمل خياطي
...گمت اخذت گلاص مي وشفت ورده تباوع على نفسها بالمرايه
گلت
...خفي علينا انجلينا جولي

...شفايتلها انجلينا كون تشبهني...تميل بگذلتها عين عيونها
...ههههه هواي واثقه من نفسج
...اي حبي مسامعه يگولون واثق الخطوة يمشي ملكا
....اوك ممكن ياحظرت الملك تميل عن طريقي

مشيت من يمها واني اضحك عليها
خليت المي على جهه وگعدت عمتي شربتها المي
هاا عمه ارجعج تنامين
...حسنه...لا عمه خليني گاعده مليت من النوم احس ضهري انوكل من الگاع
عاد ابقه گاعده اسبح استغفر

لليل صبينه العشا وگعدنه ناكل
بس احس حنين مو على بعضها اشو ترگع صفنات بس مخليه ايدها ع الصحن ماتاكل .....
ماعرف مريضه لو اكو شي شاغل بالها مرااات اباوعلها اشوفها
مو بس اخت احسها امنه او يمكن الي سوته النه الأم ماتسويه لبناتها
ضحت بدراستها وشبابها في سبيل تكبرنه وتعيشنه ومتخلينه نحتاج لأحد

حنين
خلصت القطعه وكويتها خليتها فوگ المكينه
رحت للغرفه لگيت البنات نايمات وعمتي هم
احنه كلنه انام بغرفه وحده
...مديت ضهري ع الفراش ضهري يوجعني كلش
اليوم كله مارتاحيت بس اخيط