حكاية خواتي..حلقه 18
بهَت بيـة ضوة العشرين ،
العُمر يركض بكل حيلة 🌻💛،،
حنين
نومتها ع السرير ونطيتها التلفون لانو تريد تخابر فرح
رحت للمطبخ اسويلها شوربه
علما اروح لأبو الأسواق واجيبلها بسكت وعصير
لان عمليه لازم متاكل شي صلب كله سوائل فترة وبعدها ترجع ع الاكل الطبيعي
اسمعها صاحتني بصوتها الموجوع
...هاا ورودة
شفتها لازمه تليفوني هيه مدده ووجهته الي ..شنو هذا
كتلها ..شنوو اخذته منها
جانت رساله من فارس كاتب بيها (اقبلي بيه وراح اخلي ابن اختج يرجع لحظنها)
للحظه افترت الدنيا بيه شنو العرفه بابن وردة معقوله يكون عنده مو عد اهله
قاطع تفكيري صوت وردة ودموعها تنزل ...شنووو هذا حنين ابني وين انتي تعرفين وساكته
منوو هذا عندج تواصل ويا سيف وماخذين ابني
خليت ايدي على حلگها ..لا وردة لا
انتي مو فاهمه شي صدگيني
وردة..وشنو السالفه فهميني
باوعت العمتي جانت بعيده علينه شوي وهيه سمعها قليل يعني مو هاگد تسمع الا بصوت عالي
ومااكدر اخذ وردة بغير مكان نحجي بحسب وضعها
تقربت يمها وهمست
باعي وردة اني ماردت اكول لأي احد بس انتي جبرتيني
هذا دكتور وياي بالمستشفى
خطبني واني ماقبلت يمكن سمعج من تصرخين تردين ابنج
وعرف اهله ماخذينه لذالك يگول اقبلي وارجعه الها
وردة..وليش ماتقبلين بيه اذا دكتور ومابي شي الي ينرفض
حنين..گمت من مكاني ..مامقتنعه بيه وردة مامقتنعه
رجعت للمطبخ وگلبي شابه بيه نار
بس لايطلع شكي بمحله
اخذت التليفون وگعدت اتصل عليه ماكو مغلق جهازه
الدنيا المغرب مااگدر اروح واتأكد من بيت ام سيف
صبيتلها الشوربه وجبتها جانت تبجي
...شبيج ياوردة دعيني نفسج وعينيني والله انشلع گلبي
وردة..مو بيدي حنين صدري يوجعني در حليب على علاوي لازم هسه جوعاان ويبجي
محد يسهر ويا
اريده حنين جيبيلي ابني
حنين...الله كريم الصبح اني اروح واشوف شنو سالفتهم واذا مانفع الحجي وياهم اروح للمحكمه وارفع عليهم قضيه
أنت تقرأ
حكاية خواتي (مكتمله)
ChickLitانا وااخواتي ها قد وقفنا امام الزمان لتذكر كل منا حكايتها مع قدرها
