حكاية خواتي ...حلقه 14
#ريتاج_الموسوي
شبسرعه تنسونه ، شعجب !
مو چنه كلشي البارحة
مو كلتو نهواكم نظل لو هيه كلمة ورايحة 🖤
حاولت الهي نفسي بأي شي في سبيل ماافكر لان احس اذا ابقه افكر اموت
طلعت الملابس بديت بملابس عمتي وملابسي اجيت لخانة فرح اسحب بالملابس
وگعت علبه من بين الملابس فتحتها شفت سوار ذهب
خفت فرح منين اجاها الذهب
هو احنه حته تراجي ماعدنه صحت عليها فرررح
اجتني
..هاا حنين
..،رفعتلها السوار ..شنو هذا
فرح..سوار
حنين..يعني اني ماعرفه گليلي منين اجاج
فرح ..حنين راح احجيلج كولشي بس گعدي واهدي
گعدنه ثنينه
تذكرين عيد ميلادي من رحت للكليه لگيته ع الأستيج مالتي بعلبته وورقة معايده وياه
صدگيني مااعرف من منو
حنين...وليش ماگلتيلي
فرح..خفت اكلج وماتصدكيني
حنين..فرح حبيبتي اني اثق بيج ومستحيل اكذبج بس الي اريده تكونين گد هاي الثقه الي ناطيتها الج
وماتفشليني
مااريد عمج ومرته يشمتون بينه ترا بساعة الغلط كلها تلكينها موجوده
وتدعي المثاليه ابد محد يفكر بينه
فرح..تبتسم..ان شاءالله
واوعدج اي شي يصير وياي انتي اول وحده تعرفين بيه
حته متگولين تضم عليه
حنين..عفيه بأختي هيج اريدج سبعه
فرح ...سبعه لو ثمانيه 😬
حنين..هههه خايبه انتي والله فارغه بس تحششين
اخذت الملابس وگعدت اغسل بيهن بالحوش
باجر اخر يوم الي بالمستشفى لازم اخلص من شي اسمه فارس
ادري هذا صاحب نفوذ ولو يريد يوصلني للبيت ماعنده مانع
بس بأجازتي هاي اريد ابينله انو اني اتهرب مااريده
ومستحيل اسوي الشي الي يطلبه مني لو على جثتي
كملت الملابس وشريتهن ع الحبل
رجعت للمطبخ سويت عشا
گليت بتيته اصابع ووياهن جاي عمتي سلگتلها سلگ
أنت تقرأ
حكاية خواتي (مكتمله)
Чиклитانا وااخواتي ها قد وقفنا امام الزمان لتذكر كل منا حكايتها مع قدرها
