حكاية خواتي (مكتمله)

الحلقه 6

حكاية خواتي ...حلقه 6
بقلمي...ريتاج الموسوي

................................
بارت اليوم 2000كلمه يعني مو قليل وهواي احداث بيه شوفوني تفاعلكم
وعلقو ع الي يستاهل تعليق فديتكم 😘 مو بس تصوتين حبي تركيلج بصمه 💜
&&&&&&&&&&&&&&&&&&&&
#من_زغري_وجنت_اسمع_نعاوي_فراكَ
#وكبرت_على__الحزن__والهم__سويه
#دنيا__بلا__رحم_ما_توفي_ويه_الزين
#عمت_عينج_يدنيه_شكد_قويه

سديت التليفون منها واني كلشي مافاهمه
شنو ليش هالأستعجال
بعده الجهاز بأيدي اجتني وردة
...ها حنين منو هاي ام سيف
..اي ام سيف
وردة ..بأبتسامه ..شتريد
حنين...خابرتني تگول راح نقدم العرس بعد 3ايام

وردة..شنو تلث ايام حنين تحجين صدگ وين نلحگ بس الملابس يرادلها فره شكبرها
مالحگ ليش وافقتي فدوه گليلهم مانگدر

حنين ..دگول عدهم عمهم يعالج خاف يموت ويتأجل وهمه مستعجلين
فرح ...هااا شعدجن شنو هذا التجمع من دوني خاينات
وردة ...ولج فرح تعالي لحگيلي
ام سيف مخابره تريد العرس بعد تلث ايام عدهم واحد مريض
...شنو شنو خير ان شاءالله
عساه يموت ومايرجع ننتظر لحد دورة سنته شعدنه مامستعجلين ولا هالركضه
حنين...مادري شسوي خلي اروح اشوف عمتي شتگول تبقه هيه اكبر منه وافهم

اجيت يم عمتي گعدت عد راسها
..عمه
...هاا عمه
..ذوله الناس الخطبو وردة خابروني هسه
..شيردون
...يردون يقدمون العرس بعد 3ايام مستعجلين عدهم مريض شتگولين
...والله ياعمه انه شمااشوف بيها خير خلي البنيه تمشي بحال سبيلها ولاتخلين هذا الشي يوگف بدربها
الناس مبين عليهم خوش ناس ومايتعوضون خير البر عاجله

...يعني نتوكل على الله ونرجعلهم خبر
...اي يمه بيها الخير ان شاءالله

خليت فرح ووردة وحده تخزر بالثانيه خابرت ام سيف وگتلها ميخالف نحاول ندبر امورنه على وقت
خطيه طارت من الفرحه
كانو مامصدگه

شفت وردة مكسور خاطرها وضايجه رحتلها گعدت گبالها ...حبيبتي ورودة لاتخافين اذا ع التجيز اجهزج احلا جهاز عروسه وماخلي شي ينقصج عسى مااركض ليل ونهار
بس لاتضوجين واوعدج كلشي يصير حسب ذوقج ويعجبج
شفت وجهه جنها اقتنعت بس بعدها ضايجه

للعصر اخذت ام احسان ووردة للسوگ وخليت فرح يم عمتي
اول شي اخذنه احتياجاتنه البسيطه من مكياج وعطور لانو البقيه يرادلها وقت لازم طلعه من الصبح

بقينه طول يومين نروح الصبح ونروح العصر تعبنه كلش
لحدما اجه يوم الخميس
جنه مرتبين كلشي گالو العرس يصير بين الأقارب سكته مو جبير وبالبيت احتراما لحالة عمهم وولده

اخذناها للصالون طلعت تخبل وردة ملامحها بريئه كلش
كانو طفله
گالو زفتنه بليل تطلع بعدين جابولنه السياره من غير العريس سألت ام سيف
...ليش خاله سيف وين مو المفروض هو يجي ياخذ عروسته ليش وحدكم