حكاية خواتي...حلقه 15
#ريتاج_الموسوي
صباح الورد حبايب اعتذر والله النت البارحه جدا ضعيف حاولت انشر ماكدرت جان كامل ب 8
هسه هذا بارت وتدللون بعد بارت بليل
يحـاسـدنـي عليـش تضـوج
هـم شـايـف شنـو بصـدري
مـرات ابتــسم مجـبـور
واضحـك مـن كثـر قهري
اندگ الباب مرة ثانيه عبالي الجهال
فتحت الباب وصحت عليهم ..ولكم ليش ادكون بالباب
مااحس الا الباب يندفع عليه
شفته ..فااارس
ردت اسد الباب ماگدرت جان اقوى مني دخل وسد الباب
انوب اجه عليه واني ارجع لوره ..يحجي صاك على اسنونه بعصبيه
ولج حنين اني اضحكين عليه اتجاريني بالكلام
واي اي تاالي تحظريني واروح اسال عليج اطلعين ماخذه اجازه شهر
ومخليتني منتضرج وهسه تجي هيج اسوين
عبالج تفلتين مني لو مااندلج ولج انتي ماتعرفيني عدل
اذا اريد شي اجيبه عد رجليه
مو انتي الي تقشمرين عليه
حنين..گلبي يدگ بسرعه والخوف كتلني
احجي وارجف ...شتريد مني شسويتلك
فارس...شسويتيلي؟ ضحكتي عليه سويتيني طفل عندج واني مصدگج مثل الأثول وتگليلي شسويتلك
حنين..گتلك اني مو مالت هاي السوالف والله
باوع على بيتنه شلون جنه خرابنه نايمين جوه سگفه نريد بس يسترنا
جبت عمري اكرف واعيش خواتي مايوم فكرت بنفسي
البسهن واني ابقه اوكلهن واجوع
تريد هسه اضربهن بعرض الحايط واروح ازوج بالسر
شوكت ماتمل مني اطلگني اني مو لعبه عندك
اقتل نفسي ولا اسوي التريده افتهمت
فارس..مااطلگج حنين احبج صدگيني تشوفين هذا بيتج
اشتريلج قصر احسن منه اعيشج انتي وخواتج بنعيممم
بس ابقي وياي ولاتعوفيني
حنين..والي يرحم والديك عوفني بحااالي احجي وابجي
لو تحبني صدگ مجان طلبت هيج واسترخصتني
فارس..ماشي تريدين اخطبج رسمي ونتزوج علني اهم شي تبقين بجانبي
لج غيابج عني يوم واحد دمرني صح كنت مااحجي وياج بس اراقبج من بعيد ونتي متدرين صرت اعرف كلشي عنج وعن حياتج
أنت تقرأ
حكاية خواتي (مكتمله)
Chick-Litانا وااخواتي ها قد وقفنا امام الزمان لتذكر كل منا حكايتها مع قدرها
