حكاية خواتي .....الحلقه 3
طلع عمي ورگع الباب حيل وراه
اشوف حنين اخذتلها زاويه باالحوش وگعدت تبجي مكرفصه على نفسها
و ورده حالها مو اقل من حال حنين بس تتضاهر بلا مبالاة
رحت يم حنين رفعت راسها بأيديه وعيوني بعيونها
الي مليانه دموع ...ورموشها مبلله ومتلازگه
..حنين لا تضعفين فدوه ترا احنه نستمد قوتنه منج لاتخلين ضعفج يسيطر عليج وتنهينه وياج
انتي الحايط المتسندين عليه اذا انهاريتي ننهار وياج
لاتخلين موقف مثل هذا
يكسرج
حنين صفنت وحجيت بگلبي
لا حنين لازم تصيرين قويه مو اقل موقف يهزج انتي عاندتي الدنيا وعشتي
هسه تنكسرين من الي اسمه عمج
لازم اتعود منا وهيج جايتني مواقف مو موقف واحد اذا مااواجهه اعيش حياتي بخوف
وماارتاح
باوعتلها وامسح بدموعي
ولج فرح اني ماجاي ابجي لان عمي مايريدنه ندرس
لو يريد يبطلنه
صدگيني اي قوه ماتزعزعني عن الشي الي سويناه
وهذا موغلط من حقنه ندرس ونعيش حياتنه
بس القاهرني وين جان عنه كل هاي السنين هسه جاي
يحاسبنه
تحجي وتبجي ورده لازمه عمتي ماحسينه الا عمتي واگعه
ركضنه عليها شلناها ورجعنها لفراشها
بقيت افرك ايديها ورجليها والخوف متملكنه وخصوصا احنه بنات مانگدر نتصرف
الدنيا مغيمه وبااارده عمتي حرارته ارتفعت حيل
حنين تلبس بعبايتها، ، عينجن عليها علما اروح للصيدليه اجيبلها علاج واجي
ورده،،، وين رايحه هسه مغيمه حيل وخاف تمطر
حنين، ، شسوي لعد اعوفها هيج تموت
هسه رايحه ركض ديرن بالجن على روحجن الباب ماينفتح خوش
الدنيا غيم ...والجو صار ضلمه بدا صوت الرعد يعلى والبرق شكله مرعب يخطف الأنضار
بدت تمطر زخات قويه والهوا
عالي
سرعت خطواتي بالمشي خوفي من الصوت هوه الي دفعني بالمشي بسرعه..... الشارع جان فارغ
وصلت للبيت فتحت الباب..ودخلت
علقت عباتي بالمسمار الي داگته وره الباب جانت مبلله وكلها طين
أنت تقرأ
حكاية خواتي (مكتمله)
ChickLitانا وااخواتي ها قد وقفنا امام الزمان لتذكر كل منا حكايتها مع قدرها
