حكاية خواتي ...حلقه 16
مثـَل شمـَس الله بطـّو
شگـد بچيتَ وما إجـّو
دمعـُي مثل إعنادهم ما سوّه شيَ
ويمكن بغيـْري التهـو
***************************
صباحكم عسل ❤️تفاعلكم بدا يقل ليش ساعدوني حته اكمل لان ح نوصل للنهايه بعد شكم بارت
اگعد بعمتي ماكو
كشفت الغطا عن وجهه گلبي من الخوف احسه يريد يطلع
خفت لاصار بيها شي شلت ايدها وتحسست النبض
الحمدالله بيها نبض
ركضت جبت مي بارد غسلت وجهه رمشت شويه
جبتلهه حلاه وخليتها بحلگها
عمتي عدها هبوط بالسكر مزمن وهيه نايمه يهبط لذالك تعودنه عليها وعلى هبطاته صرنه نعرف علاجها
بقيت ادلك ايديها ورجليها شويه بدت تتحسن
مااگدر اخذها للطبيب اخاف تجي وفرح وماتلكه احد تتخبل
..عمه شلون صرتي هسه بس تجي فرح اخذج للمضمد يعلكلج مغذي حلو
حسنه..يطيج العافيه عمه هسه ردت رويحتي مساع متت ورحت
رجليه تربطن مااكدر اگوم اجيبلي شي حلو واكله حسيت بيج من اجيتي بس ماگدرت احاجيج الساني ثگيل
حنين..سودة عليه عمه بعد راح اشتريلج حلويات وخليها يمج بس تحسين روحج دايخه اكلي منهن
دخلت علينه فرح شافتني ادلك بأيد عمتي
فرح تعلگ جنطتها ..هاا خير شبيها عمتي بس لاتكولين هبط سكرها
حنين..اي غير اجيت ميته من التعب علما سويت اكل فگدتها گعدتها مااكو صوت عرفت صاير بيها شي
لگيتها ثلج راسا جبت حلاوه وخليتها بحلگها يلا اتحسنت
فرح ..يااا عمت عيني عمه وهسه شلونج
ناخذج للطبيب
حسنه..لا عمه هسه صرت زينه
شيسويلي الطبيب لازم سكري صعد بس يحلله ويطلع صاعد مايعلگلي مغذي لأن يأذيني
حنين
مرت 3اشهر واني بالدوام بدون مضايقه من فارس
ولا يحجي وياي ابد واذا راد شي بخصوص الشغل
يوصي العامله
جنت مرتاحه بهاي الوضعيه حسيت روحي صرت حرة
مااكو خوف وطبعا الي خطبها فارس من نفس المستشفى
دائما يصادفوني واشوفهم يتمشون بالحديقه لو اشوفه معصب عليها
أنت تقرأ
حكاية خواتي (مكتمله)
Chick-Litانا وااخواتي ها قد وقفنا امام الزمان لتذكر كل منا حكايتها مع قدرها