حكاية خواتي ..حلقه 12
ريتاج الموسوي
مساء الورد ❤️حبايبي اليوم البارت قصير ادري
شسوي من رجعت من الدوام واني اكتب استوني خلصت بس علمود مااخلي بالوعد
وهسه اتركم ويا البارت وانتضر تعليقاتكم
لـو يعـزونه صـدگ ، ماتيهـونه ،
ماحچـوا كلمـات خشنه وضيعـونهَ ! 💔
ام مخلص ...شلون دكتور هاي البنيه صعبه
فارس..لا مو صعبه انتي حاولي تستدرجينها بالكلام اريد تعرفين كلشي عنها اتوددي الها خليها تحبج وتثق بيج
واذا ماكدرتي اعلمج بطريقه ثانيه
ام مخلص..دكتور مو كافي انه خايفه عليك انته دكتور الك سمعتك بالمستشفى وهذا الشي يحط من قيمتك
فارس..ام مخلص من الأخير شگد تردين
ام مخلص..صدكني مو شغلة فلوس بس انه خايفه عليك
فارس..انتي سوي الي كتلج عليه وماعليج بيه
حنين
گعدت على صوت المنبه گعدت فرح
فرح ..حنين اني مااروح اليوم احس روحي تعبانه
حنين..ليش شبيج اتلمست وجهه حرارتها مرتفعه
هاي شنو مصخنه حيل شنو ماخذه برد
فرح بتعب..مادري يمكن لان تبللت البارحه من الغسل
انتي روحي واني هنا تبقه يمي عمه
حنين..لا شلون اعوفج بهالحاله عادي ابقى وياج واخابر سرور تسويلي اجازه
..لا والله روحي مابيه شي بس تعبانه لشوي اصير زينه
..واعوفج هنا
الوحدج صار بيج شي تروح عمتي تحير بيج هيه شايله روحها يلا تشيلج عاد ابقه اداريج تحتاجين شي يمج
فرح ..بكيفج
حنين..اخذت تليفوني واتصلت على سرور..
صباح الخير
..هلا حنونه صباح النور
حنين..اكولج عيني سرورة فدوه اختي فرح االيوم تعبانه شويه ومااكدر اداوم واعوفها الوحدها
بلكي تروحين لأبو فاطمه وتسويلي اجازه
سرور..ياخطيه تدللين حبي يمها العافيه ان شاءالله
حنين...اشكرج حبيبتي متقصرين
سديت الخط منها ورجعت لفرح حرارتها كلما الها ترتفع اكثر
جبت حبوب وعندي شراب خافض حراره انطيتها سويتلها كمادات
گعدت عمتي خلت راسها بحضنها وگامت تقرا عليها ايات
أنت تقرأ
حكاية خواتي (مكتمله)
Chick-Litانا وااخواتي ها قد وقفنا امام الزمان لتذكر كل منا حكايتها مع قدرها
