السلام عليكم و رحمة اللهاسمي ربا عمري حاليا 30 سنة حبيت احكي ليكم قصتي من و انا طفلة و اسرد عليكم كل التفاصيل الصغيرة و كل المشاكل و المصاعب اللي مريت بيها ... مبدئيا كدة حاابة انبه الكل انو الرواية دي بتحتوي على كلام 18+ ف رجاء خااص اللي ما قدر الرواية دي ما يفتحها من الاول .#انثى_بهيئة_رجل1الجزء الاول بعنوان (استيقاظ الماضي)مشهد ربا في عمر (العاشرة)ابوي زول كبير مسؤول في الحكومة عندو حوالي 15 اخ و اخت يعني عندي اعمام و عمات بالهبل و نسبة لانو ظروف اخوانو صعبة ف بيقوم يستقبل اولاد اخوانو و اخواتو و بيقعدو معانا ف البيت لحدي ما يقرو جامعه و يكونو نفسهم عندي ولد عمي اسمو حاتم دة قااعد معانا في البيت لكن ما بقرا جامعه بمشي الخلوة و لا بيعرف يقرا ولا يكتب و عندي اولاد عمي تانيين ماف داعي لذكر اسمائهم. ابوي ما بقعد معانا كتير نسبة للمسؤوليات اللي عندو كل يوم في بلد نادرا ما اشوفه ... مع انو علاقتي بيهو شبه منعدمة لكن بعتبرو مثلي الاعلى في قوة شخصيته و كلمته الواحدةبتذكر مرة قال لي بعد ما اتشاكلت مع اخوي الكبير (احمد ) و طلعوني انا الغلطانة صرخت في وشو و قلت ليهو "لازم تطلعوني انا الغلطانة لانو هو ولد و انا بت بكرهك شديد " بعد ما قلت الكلام دة جريت طوالي ع غرفتي و قعدت ابكي ... طبعا المتوقع انو ابوي كان حيجي و يضربني و يشاكلني لاني كوركت فيهو لكن ما عمل كدة دقة لي باب الاوضة مع انو كان مفتوح و قال لي ادخل ؟ ما رديت عليهو و سكت تاني دقة لي الباب قلت ليهو اتفضل ... لقاني نايمة على بطني في السرير و وشي وارم من كتر البكا قعد جمبي و مسح على شعري و قال لي "ا انا يا بتي بديت من مرتبة في الارض سرير ما كان عندي" عاينت ليهو بإستغراب .. ابتسم وواصل " ما عايزكم تغترو بي مال الدنيا و دايما بحب انبهكم انو انا ما بفرق بين بت وولد انتو كلكم بالنسبة لي واحد و الغلط اللي بيقع عقابة واحد سواء اكان منك انتي او اخوكي (احمد) ... لكن منطقيا كدة يا ربا حبيبتي .. انتي شلتي السكين و رفعتيها في وش اخوكي و انا شفتك صح ولا لا ؟؟ " سكت و ما رديت عليهو لاني عارفة نفسي غلطانة بس بكابر واصل وقال لي " ودة اخوكي و سندك في الدنيا حتى لو بتلعبو مع بعض ما صح منك تعملي كدة ولازم تتقبلي العقاب بتاعك.و انك حتكوني محرومة من التلفزيون لمدة شهر و دة موضوع غير قابل للنقاش " عاينت ليهو و دموعي خلاص قربت تنزل فهمت من نظرتو انو مستحيل يغير رأيو .. باسني في راسي وطلع ... زعلت شديد لكن اعترفت اني كنت غلطانة... طلعت برة اعتزرت من احمد اخوي كان عمرو وقتها 10 سنوات قال لي ما مشكلة و ما اشتغل بالموضوع كتير لانو احنا متعودين ع الكلام نلعب بسكاكين المطبخ لكن امي م بتشوفنا ... بيتنا بيتكون من امي و هي ربة منزل و اجتماعية شديد بتحب الناس و طيبانة و قلبها ابيض اي زول بيجي يسكن جنبنا هي بتكون اول المرحبين دي عادة فيها و بتهتم بينا شديد انا و احمد و اخواني الصغار عمر و ابوبكر .بتذكر حتى الان قبل نهاية السنة و الاجازة الكبيرة تجي كنت قاعدة براي بلعب ف الحوش في الرملة ببني لي بيت بالتراب.. جا حاتم ود عمي من الخلوة تووشك اول ما فتح الباب جريت عليهو و حضنتو عااين قام شالني و رفعني فوق و بقينا نضحك حاتم دة زول مقررب لي شديد و دايما بلعب معاي لما ارجع من المدرسة ..قعد معاي في الرملة و قعد يبني معاي ف البيت و اتونسنا وضحكنا كان في خرطوش قاعد في حوض الزهور شالو و قعد يرش فيني من راسي لي تحت بقيت مبلولة ضحكت و قمت رشيتو بالموية و اتبلينا الاتنين مع بعض حسيت بي نفسي بردانة قمت قلت ليهو انا داخلة جوة قال لي لا خليكي الجو ما بارد شديد قلت ليهو لا عايزة ادخل حأتجمد قال لي تحدي بيني و بينك اللي بقعد اكتر هو الفائز ضحكت و قلت ليهو مووافقة و قعدت في البرد بررة لمن سنوني بقو يتطاقشو مع بعض حسيت اني خلاص عايزة اموت من البرد و هو بس كان بعاين لي بي نظرة كدة حياتي ما شفتها فيهو ما قدرت افسرها بس طبعا انا اخدت الموضوع عادي لاني كنت طفلة بريئة وقتها جات امي طالعه برة لقتني مبلولة قامت هرشتني و قالت لي خشي جوة و غيري ملابسك هسي تمرضي و تجيك حمة وانا ما نااقصة عاينت لي ولد عمي و قالت ليهو لي خليتها بررة كدة قال ليها كلمتها تخش لكن ابت تسمع كلامي و بس عايز اقوم ادخلها كدة انتي جيتي طالعه امي اتلفتت و حمرت لي و جرتني من يدي و غيرت لي ملابسي و الموضوع انتهى ع كدة و انا اتصدمت من حاتم انو هو ليه عمل كدة انا قلت اخش و هو ابا لي و قعدت ابكي و رقدت نمت ما صحيت الا صباح يوم الخميس حسيت نفسي داايخة و ما شايفة قدامي و امي قاعدة جمبي قالت لي جاتك حمة بالليل ما حتقدري تمشي المدرسة ابوي جا داخل باسني في راسي و قال لي امي سوقيها الدكتور لو الحمة ما نزلت قالت ليهو الموضوع ما بستاهل التهاب عادي قال ليها بس للضمان يعني لو ما نزلت وديها امي قالت ليهو كويس ما تقلق سافر وانت مرتاح عاينت لي ابوي بي خلعة قلت ليهو حتسافر اسي قال لي اي مضطر اسافر عندي شغل ضروري حبيبتي باسني و باس امي و طلع و انا خلاص نعست و رقدت نمتة .. امي جاتني صحتني من النوم قالت لي اخوانك طلعو مشو المدرسة و حاتم مشا الخلوة و انا حأمشي اشوف الجيران واجي بسرعه ما بتخافي تقعدي براك صح ؟ قلت ليها اي و ضحكت ابتسمت لي و قالت لي شاطرة ي عسل انتي و ختت يدها في جبهتي الحمة كانت نزلت لكن لسة كنت حاسة بدوار و راسي مصدع امي ادتني الدوا و لبست توبا و قالت لي ما حأتأخر ما تفتحي الباب لي زول و خليك في سريرك لحدي ما اجي قلت ليها كويس و رجعت نمت .بعد نص ساعه كدة جرس الباب رن و قلت اكيد دي امي لانها قالت ما بتتأخر علي و هسي حتجي بس استغربت لانو هي عندها مفتاح البيت قلت خلاص بتكون نستو فتحت الباب لقيت دي ما امي عااينت ليهو مساافة كدة و قلت ليهو .....للبقية تتمة ❤️
