امي عاينت ليهو و قالت "قبضتها بالليل و هي شايلة السكين و متوجهه ع سرير احمد،.... بتك دي مريضة نفسياا بقت مؤذية"..... ابوي اتخلع شديد و عااين لي،.... قلت ليهو " والله ما عملت كدة امي كذابة". ... و طاخ ابوي ضربني في ضهري بي يدو و قال لي اطلعي برة استنيني ..... طلعت برة و انا قلبي محروق و دموعي ما بتقيف... امي ليه عملت فيني كدة .. ليه بتحاول تخلي ابوي يكرهني .... استنيت مسافة و انا برة و سامعه امي و ابوي و خالتي،قاعدين يتكلمو جوة في الغرفة ... فجأة ابوي جا طالع و شايل الحزام في يدو و قال لي"انا نبهتك مليون مرة يا ربا ما تلعبي بالسكين ... لكن وصلت بيكي،قلة الادب لدرجة انك تشتمي امك،؟؟؟؟" ... قلت ليهو و انا ببكي "لاا ما عملت كدة ما شتمتها "....ابوي،صرخ فيني،و كان رافض يسمعني ... عرفت انو خلاص ابوي حيتقلب ضدي و خلاص ماف مفر،من انو يضربني قال لي افتحي يدينك .... مديت يديني و انا خايفة و غمضت عيوني.... بقيت اكره نفسي و اتعودت على الاذى من اقرب الناس لي... ابوي رفع يدو لكن ما ضربني ..... قال لي افتحي عيونك و عايني لي " ما حأضربك الليلة لكن اوعك تكرريها فهمتي" ....قلت ليهو حااضر و مشيت على غرفتي .....مرت 3سنين و انا على الحال دي ... بقيت ما بعني لأمي اي حاجة بقت تكرهني و كأني عدوتهاا ... ما بتسألني اذا اكلت و لا شربت ... ما بتهتم بي الا لما ابوي يكون قااعد ......في مرة من المرات و رغد لما كان عمرها سنتين ... كانت نايمة جمب امي في سرير الهول على الطرف .... بقت تزحف و هي نايمة لحدي ما وقعت في الارض على وشها و بقت تنزف ....كنت متعودة على اني اسمع بكاها بالليل لكن المرة دي صوتها كان غير ... جريت بسرعه عشان اشوفها لقيت رغد بتنزف من وشهاو بتبكي بشدة لمن وشها بقا احمرر ... اول ما شفت الدم اتذكرت نفسي لما الدم كان سايل في رجليني و قعدت ابكيي بهستيريا امي خاافت شديد من انو ابوي يقول عليها مهملة و ما بتهتم .... ابوي جا طالع من الغرفة مخلوع و قال لا حول و لا قوة الا بالله ...ماالا في شنوو ... حصل شنو اتكلمي.... امي قالت ليهو مشيت الحمام و قلت لي ربا تعاين ليها و لما جيت طالعه شفتها رمت رغد من السرير دة كلو لانها بتغار منهاا و هسي هي بتبكي عشان ضربتها .....ابووي و لا اتفاهم معاي كتير و طااخ ضربني كف لدرجة اني وقعت في الارض ... بقيت ببكي و بصرخ و قلت ليهو لا ما عملت كدة والله ما عملت كدة ....ابوي جراني من يدي و وداني على غرفتي و قال لي "خليكي فيها لحدي الصباح و اقسم بالله تفتحي خشمك بكلمة الا اكسرك الظاهر انا دلعتك شديد " سكت و بقيت بعاين للسقف عرفت اني بقيت منبوذة من اهلي،... امي و ابوي الاتنين بيكرهوني و انا ما عملت ليهم شي دة كلو بسبب حاتم خررب علي حياتي ودمرها .... نمت الليلة ديك في غرفتي و صحيت الصباح بدري قبل،ما اتسوك و قبل ما اعمل اي شي ... مشيت لغرفة امي لقيتهم كلهم قاعدين مع بعض ... عاينت ليهم و قلت ليهم "انا اسفة ما حأكررها مرة تانية " .... امي بقت تعاين لي مخلوعه نظام دة شنو حصل عليكي شنو عشان تقتنعي انو انتي خلاص تحت رحمتي .... نظرت لامي نظرة انتقام و اتوعدت في نفسي اني ما حأخليهااا ......و ابوي امي ملت راسو علي و نظرتو لي هو زاتو اتغيرت كلمة يا حبيبتي المتعودة اسمعها منو بقت حكر على اختي رغد بس ... انا بقيت عايشة وسطهم كأني دخيلة ....(نهاية الذكرى)ابتسمت و انا بتذكر في الماضي و بقيت بقول لي نفسي ... ليه انا ما عندي ذكريات حلوة زي كل الناس ؟ .. ليه ما عندي طفولة احكيها لي زول و انا مبسوطة ؟ ... لكن فعلا الحال بتغير البشوف امي زمان ما يشوف امي هسي .. بقت مسكينة و تفتش لي رضاي و سعادتي ... لكن بعد شنو للاسف اتأخرت شديد ....رن تلفوني لقيتو دة ايهم اول ما فتحت الخط قال لي " يلا ارح اطلعي برة انا في الشارع " قلت ليهو في شنو ليه اطلع " .. قال لي " يا بت انتي غبية ولا حاجة مش اتفقنا انو الليلة نطلع نشوف المستشفى اللي حننزل فيها الكورس " ... قلت ليهو و انا مخلوعه" والله يا ايهم نسيت دقيقة بس البس و اطلع ليك " وقفلت الخط قبل ما يرد علي ..... طلعت لي اقرب بنطلون و تي شيرت و سرحت شعري ضنب حصان شلت شنطتي و مفتاح عربيتي و طلعت .... لقيت ايهم واقف جمب عربيتو و قال لي ( سبحان الله غير كل البنات طلعتي بعد دقيقتين بالضبط لكن بس لو غيرتي ملاب...) و قبل ما يتم كلامو حدرت ليهو ابتسم و قال لي (خلاص خلاص ما تهيجي يلا ارح عشان ما نتأخر ) .... ركبت عربيتي و دورتها و مشينا الاتنين ع المستشفى .... وصلنا و مشينا عشان نقابل مدير المستشفى و يورينا الدكتور اللي حيكون مشرف علينا .... قعدت انا و ايهم برة في غرفة الانتظار .. و هو بتكلم معاي و انا ما بحب الكلام الكتير فجأة قام قال لي " يا ربا ما حصل مرة فكرتي ترتبطي " ... قلت ليهو و انا بعاين للتلفون " لا ما حصل ليه انت عايز ترتبط معاي ولا حاجة " ... اتلخبط في الكلام و قال لي لا لا والله دة مجرد سؤال ... ختيت تلفوني في رجلي و عاينت ليهو في عيونو و قلت " ماف ولد بحب بنت من قلبه ... ماف حاجة اسمها حب اصلا انا متأكدة من الحاجة دي،... كل،العلاقات بقت شهوانية يعني الولد بحب البت بس عشان الجنس و عشان جسمها و شكلها...." لقيت ايهم دنقر في الارض و خجل شديد من كلامي... ضحكت و قلت ليهو " اولاد الزمن ديل بقو خجولين زيادة عن اللزوم ".... شلت تلفوني و خليت ايهم بفكر ... قلت ليهو "انت مرتبط؟" ... قال لي " لااا ما مرتبط بحب لي واحدة و ما قادر اعترف ليها ".... اتلفت على ايهم كلي و ابتسمت و شغالة اقول،ليهو من الجامعه؟؟عليك الله وريني لو من الجامعه ؟؟ يلا قول لي؟؟؟.... ايهم عاايز يمووت من الخجل نزل راسو و قام من جمبي و عاين لي بنظرة كلها حب و مشا .... رجعت استعدلت في قعدتي و قلت" ان شاء الله ما اكون انا ما بقدر اجرحه " .... ايهم دة بحسه غير كل شباب الجامعه ما حصل شفته قاعد مع بنت الا لو عاوز يشرح ليها حاجة.. ولد في قمة الوسامة طويل لونه اخضر نااعم شعره سبيبي و ما شاء الله عندو من القروش مل يعادل مال قارون يعني شاب اي بت بتتمناه الا انا طبعا ... فجأة جاتني ممرضة صغيرة كدة قالت لي مدير المستشفى جاهز عايز يلاقيك .... فتشت ايهم ما لقيته قلت ليها معليش بس عندي زميلي جا معاي حأمشي افتشه و اجي ... قالت لي المدير ما بستنا زول .. قلت ليها طيب شلت تلفوني ورسلت لأيهم رسالة و قلت ليهو اني مشيت اقابل المدير تعال بسرعه و مشيت دخلت المكتب ...لقيت مدير المستشفى زول كبير بالعمر يعني خمسيني كدة ... معلق ليهو كمية بتاعت شهادات في الحيطة دخلت و انا مبهورة و بعاين للشهادات حتى ما سلمت ... قال لي بنبرة العجايز البتضحك ديك ( اقعدي ي بتي الظاهر الشهادات جذبتك اكتر من وسامتي)... ضحكت من كلامو و قلت ليهو (للاسف) ... قال لي طيب حندخل في الموضوع طوالي ...بدا يشرح لي طريقة الشغل كيف و المؤهلات المطلوبة و انو الكورس دة حيساعدني بعدين عشان افتش للشغل و كدة الكلام دة كلو ما اتجاوز العشرة دقايق .. قام من الكرسي بتاعو و مشا ع اتجاه الباب و اداني ورق كدة و قال لي شوفي دي طريقة الشغل حتكون كدة و الجدول الزمني بتاعك بتلقيهوعند الممرضة بعد تسجلي و تدفعي رسومك ... شلت الورق و بقيت بعاين ليهو و انا مندمجة .... فجأة سمعت باب غرفة المكتب اتقفل بالمفتاح عاينت وراي لقيت الدكتور واقف قدام الباب و بيضحك لي ......للبقية تتمة ❤️
