عااينت ليها و انا خلاص حسيت نفسي ما مرغوب بي ... قلت ليها "اسفة اذا ازعجتك بس ممكن تقولي لي ازعجتك من اي ناحية يعني".... مازن اتوتر و ما عرف يعمل شنو قال لي "هي اكيد ما قاصدة بس تعرفك اكتر حتحبك زي ما انا حبيتك صح و لا لا يا اليانا؟؟؟" ... قال كلامو دة و عاين ليها...... ما ردت على سؤالي ... عاينت لمازن و هزت كتافينها و قالت ليهو طيب انا عايزة امشي البيت ... مازن قال ليها خلينا نتعشى اول ... ابت تقعد ولا دقيقة معاي اصرت الا تمشي ...قلت ل مازن خلاص امشو انتو انا حأرجع البيت .... مازن اعتذر مني شديد عن اللي حصل و انا بقول ليهو ما مشكلة و لا يهمك ... اختو كانت ساكتة و بتعاين لينا سااي ..... ودعتهم الاتنين و مشيت على عربيتي .... رجعت البيت صليت العشا و بصراحة ما اتضايقت شديد لاني شفت الاسوأ قبل كدة يعني اغتصاب و مشاكل بيت و خطيبي خلاني اكيد ما حأزعل عشان موقف زي دة ..... مازن اتصل علي ... قال لي "اسف ع الموقف السخيف اللي حصل اختي اصلا كدة من ما اتوفى ولدها و اجهضت ي ريت تعزريها" .... اتخلعت و قلت ليهو"يعني دي هي اختك الزمان ديك .... يحليها الله يصبرهاا ي رب ... عادي ما يههمك ياا مازن م مشكلة"... قال لي "حأعوضك صدقيني و انا بحبك شديد"... قلت ليهو ان شاااء الله ... غمغم كدة و قال لي ماف كلمة بحبك طيب ؟؟؟ ولا اي حاجة حلوة منك ؟؟ .. سكت و رديت بعد مسافة و قلت ليهو "ليك مني دعوات في ظهر الغيب" .... ضحك و قال لي "عشان كدة حياتي ماشة تماام يعني ♡؟؟ ....ضحكت و قلت ليهو "ان شاء الله "...اتونست معاه مسافة كدة و انا لسة من سجادة الصلاة ما قمت ... ما عارفة ليه كنت مرتاحة شديد و انا بتكلم معاه ......لمن يتصل لي و يظهر اسمه في شاشة تلفوني قلبي بضرب بطريقة ما طبيعية و بكون متوترة لما ارد عليهو ما حصل جاني الشعور دة مع ايهم حاجة كدة ما بتتوصف ابدا ...قفلت منو الخط و رقدت نمت للصبااح ....تاني يوم بعد ما رجعت من الجامعه اتصل علي مازن و قال لي " عايز اهلي يقابلوك يا ربا ... اصلا كلمتهم عنك من زمان و حكيت ليهم كل شي " ... اتخلعت و قلت ليهو " كل شيي كيف يعني؟ ".... قال لي " لا لا ما اللي في بالك داك كلام بيناتنا نحن بس ... قصدي حكيت ليهم عنك و عن اخلاقك و قرايتك و انو نحن بنحب بعض و كدة و امي من زمان بتصر علي انها تشوفك"...ما عرفت ارد عليهو كيف و انا مفهما ابوي اني قطعت علاقتي مع مازن .... بس بصراحة فرحت لانو كلم اهلو عني حسسني لأول مرة انو متقبلني على طبيعتي بالماضي و الذكريات و كل شي ....قلت ليهو طيب حأقابلها ما عندي مشكلة .....بصراحة كنت خايفة شديد لانو دة مجتمع غريب عننا و انا اصلا ما بفهم امور الزواج دي و لا عارفة اني في وضع زي دة مفروض اعمل شنو ..يعني امشي بيتهم براي كدة و ماف زول من اهلي و لا اعمل شنو ؟.... مشيت صليت صلاة الاستخارة و اهتديت لأني مفروض ارجع السودان عديل و اكلم ابوي باللي حصل معاي عشان الموضوع يكون على العلن يعني ...اتصلت على مازن و كلمتو اني موافقة اقابل اهلو بس بعد رضا ابوي لاني ما بحب اعمل شي من وراه .... مازن وافق و ايدني على كلامي و احترم رأيي ... استنيت 5 شهور لحدي ما الاجازة تجي عشان ما بقدر اقطع دراستي فجأة كدة و اسافر .... رجعت السودان و اخدت معاي هدايا و حاجات كدة لي امي و ابوي و احمد .... استقبلني في المطار عمو احمد و احمد اخوي ....اول ما شفتو حضنتو شديد بالجد كنت مشتاقة ليهو لأبعد الحدود و طبعا التواصل بالتلفون ما زي اللقاء على ارض الواقع ... سلمت على عمو احمد و خلاص راجعين على البيت.... اول ما وصلت لقيت امي و ابوي في الاستقبال سلمت عليهم و لأول مرة من كبرت بست راس امي و ابوي .... حسيت بشوق ليهم ما طبيعي و تدريجيا بقيت انسى حاتم و اللي عملو فيني زمان و نسيت خالتو اروى و عمايلها هي و امي .... قعدنا مع بعض لقيت امي مجهزة الصفرة بكل انواع الاكل اللي بحبها ما خلت صنف بتاع اكل الا و ختتو في الصفرة ....قبل ما اطلع ملابسي و اي شي امي اصرت نقعد كلنا و نتغدى مع بعض .... قعدنا و بقينا نتونس و امي تسألني عن الجامعه و كيف اموري ماشة ... و كنت برد عليها بكل ادب .. بطلت استفزها زي زمان و بطلت المح ليها بالماضي خلاص انا نسيت كل شي او كنت فاكرة اني نسيت ...بعد ما اتغدينا و خلاص مشيت على غرفتي عشان ارتاح شوية رقدت في سريري و ما عارفة ليه حسيت قلبي اتقبض شديد ... حياتي الجامعية و الثانوية كلها قضيتها بكا و دموع في السرير دة ... الخيبات و المشاكل كلها بترجع لي لما ادخل غرفتي دي حسيتها كئيبة شديد ..ياما.اتشاكلت مع امي هنا و اول مرة حاتم فكر يلمسني كانت في السرير دة .... جسمي قشعر شديد من ما اتذكرت حاتم و قمت على حيلي ... طلعت برة بقيت حايمة في البيت ساي في الاخر اهتديت لإني امشي الحديقة (ملحق بتاع حديقة صغيرة كدة ورا بيتنا طوالي ) ... عملت لي كاسة شاي و مشيت الحديقة قعدت في المرجيحة و بتأمل في اللاشئ .... قعدت براي حوالي نص ساعة و انا بفكر في حاجات مختلفة مرة الجامعه و مرة مازن و حاتم و اتذكر ايهم و مروة اللي اتزوجته .....فجأة جاني ابوي و قعدت معاي ... اول سؤال سألني ليهو" كيفك يا بتي ؟" قلت ليهو " كويسة الحمد لله في نعمة" ... قعدنا نتونس فترة كدة و سألتو من الشغل كيف و امورو كلها ... قام سألني قال لي " مازن كيف ؟" .... اتكركبت في الكلام و ما عرفت اقول شنو ... قال لي " انا عارف انك بتحبيه و متواصلة معاه للآن ... واضح من نظرتك لما سألتك عنه" .... قلت ليهو" ابوي انا بحبه شديد حتى بحبه اكتر من ايهم ... اول مرة زول يتقبلني على طبيعتي و ما يحاسبني على حاجات ما لي يد فيها " ...قمت رفعت راسي و عاينت لأبوي و اتذكرت انو ما عارف الموضوع بتاع حاتم خجلت شديد .... و حاولت اغير الموضوع قام ابوي مسك يدي و قال لي " عارف انا بأي حاجة و انا متقبلك زي ما انتي لأنك بنتي الغالية.." ... عاينت ليهو و اتخلعت منه و قلت ليهو عرفت من وين ؟؟ ... قال لي " امك كلمتني ... من زمان عارف الموضوع دة ... حتى حصلت بيناتنا مشاكل كتيرة و طلقت امك" ..... انا بقيت مصدومة و بعاين لي ابوي و عيوني اتملت دموع ..... و قلت ليهو و هسي انتو منفصلين يعني ؟؟ ... قال لي " لا رجعنا بس ما زي زمان" ... خليني من امك و انا .... مازن دة عايز اشوفه طالما هو عارف القصة يعني ..... مسحت دموعي و قلت ليهو كويس ... فرحت شديد لانو ابوي اقتنع اخيرا .... و فرحت اكتر لاني اتأكدت انو بالجد مازن بحبني و حيعمل اي شي عشاني ....طوالي شلت تلفوني و اتصلت عليهو .... اتونست معاه كدة و وريته انو ابووي موافق و قال عايز يقابلك .... مازن داير يموت من الفرح .... و شغال يقول لي " انا فرحت كتير لانو ابوك وافق و خلاص حنبقى لبعض " ... حتى ردة فعلو كانت اقوى من ايهم لمن كلمتو بموافقة ابوي ..... بعد اسبوع جو اهل مازن السودان (امو ة ابوه و و اليانا و اخته التانية و اخوه الصغير) ... نزلو في فندق معروف و تاني يوم طوالي جونا في البيت ......انا كنت متوترة شديد و خايفة مع اني عارفة ابوي موافق بس برضو قلبي كان محسسني انو حيحصل شي سئ .....جونا في البيت و اهلي واقفين بسلمو لبعض ... مازن (حردت اللون الاسود فيهو ... كان لابس بنطلون جينز كحلي داكن ... و قميص ابيض ... و جاكيت و جزمة و ساعه باللون الاسود ) انا اتلبشت اول ما شفته .... انا كنت لابسة فستان بني ب اكمام طويلة و تحت الركبة و شعري رافعاه فوق .... مازن اول ما شافني حرك شفايفة بس بدون ما يطلع صوت و قال لي " طالعه حلوة شديد " .... وقفنا مسافة بنعاين لبعض و الناس سلمو لبعض و قعدو و احنا لسة متنحين في بعض 😂😂.... حتى امي جرتني من يدي و قالت لي امشي اعملي قهوة يا ربا .....اتحرجت شديد و اهل مازن بقو يضحكو فينا ...... مشيت ع المطبخ عملت القهوة و قدمتها ليهم و قعدت ...ابوي طبعا بقا يسأل مازن الاسئلة المعتادة " شغال شنو؟ بتدخن ولا لا ؟؟ و غيرو من الاسئلة ... مازن كان بجاوب بكل ادب و هدوء ... خلص التعاارف و الناس بقت تتونس ونسة عادية ... قامت ام مازن (خالة ميسون) قالت لي امي " من اول ما مصدقين انو اخيرا شفناها مازن طول الوقت بيتكلم عنها و قعدت تضحك مع امي " .... انا عاينت لمازن و خجلت شديد ... ف الاخر عشان ما اطول عليكم ابوي وافق عليهو و تمت الخطبة .... و العرس اتحدد بعد سنة و نص ... عشان اجازتي تصادف مع اجازة اخواني في لندن و يحضرو عرسي ..... جا موعد العرس عملناه في السودان و عزمنا كل اهلنا و اصحابنا و مازن ما جاب ناس كتار بس امه و ابوه و اخوانه و اصحابه المقربين منه شديد .... مشيت الكوافير مع اليانا اخته .... و بقت تتونس معاي و قالت لي " تتذكري لما مشينا السينما السنة اللي فاتت " ... قلت ليها اي ... قالت لي " كنت خايفة انك تجرحي اخوي زي ما عملت معاه خطيبته بس لما شفت النظرة اللي كانت في عيونه عرفت انك حتكوني غير بتمنى انك تكوني صحبتي " .... خجلت من كلامها و قلت ليها اكيد بسعد اني اكون صحبتك .... مكيجوني و عملو لي شعري مموج منسدل كنت لابسة فستان زفاف عاجي فيهو تخريمات في منطقة الصدر الفستان كان مع الجسم و اخرو جاري في الارض ما كنت لابسة طرحة زفاف بس كنت خاتة وردة عاجية زي الفستان في شعري ..... الياانا جاها تلفون و قالت لي مازن جا .... انا قلبي حسيته حيذلع من مكانه ... فرحت شديد .. و اخيرا حأتزف للإنسان اللي اختارو قلبي ♡ بقيت بضحك براي ... قامت اليانا قالت لي "اصبري هسي حيجي حاساكي حتجني " ..... ضحكت ليها و مازن جا داخل .... يااا الله حااجة فووق الوصف اول ما شافني جا و حضني عليهو انا طبعا ضربات قلبي بقت بتتسمع .. دي كانت اول مرة احضن لي فيها ولد .... بقا بقول لي " انا مبسوط شديد انك معاي و مبسوط اكتر انو حنكمل حياتنا مع بعض ♡♡.... اليانا استأذنت مننا و خلتنا برانا .... قلت ليهو " الله ما يحرمني منك و دايما مع بعض على طول " ..... مسكنيمن يديو طلعنا مشينا ع الصالة
....بعد ما العرس خلص ودعت اهلي و اخواني لانو حنسافر بكرة طوالي الاردن مشينا شقتنا و انا بصراحة كنت مرهقة خالص لانو بالجد كان يوم متعب شديد .....اول ما دخلنا وقفلنا الباب مازن مسكني من يدي و انا طبعا الخجل ما داير يفكني ما قدرت اعاين ليهو في عيونو و مازن يتبسم سااي .... قال لي انا مبسوط شديد و بحبك والله قد الدنيا و بوعدك اني اسعدك انتي هسي بقيتي لي و عايزك في الاخرة برضو... خت يدو في خدي و رفع راسي و قرب علي شديد ...قمت طوالي ادفرتو بي يدي و صرخت بأعلى صوت " اوعك تلمسني اووعك " ... للبقية تتمة ❤️
