Loss in the Dangerous Path

Chapter 14 . Revelation 1.0

Dinikit niya ang noo niya sa akin at ngumiti, ginantihan ko din naman yun ng ngiti.

"Hindi ko alam kung anong sinasabi mo Travis.. pero gusto ko lang malaman mo na I trust you. Alam ko na hindi mo ko sasaktan. Hindi ko alam kung bakit kita pinagkakatiwalaan pero ganun talaga." Saad ko.

Mariin siyang napapikit at nang mag mulat ay sobra sobra ang emosyon na binibigay ng mata niya.

"Okay.. trust me" sabi niya at yinakap ako. 

"Go to your class" aniya.

Tmango naman ako at umalis na.

Papasok na sana ako pero nakita kong naglalakad si Caly kasama si Bea.

"Oh? Saan pa kayo pupunta?" tanong ko pero biglang napahawak sakin si Caly kaya sinapo ko siya.

"Anong nangyayari sayo?" tanong ko kahit alam ko naman ang sagot. Natakot ako lalo nung dumaing siya.

"CALY! Dalhin na natin siya sa hospital" sabi ni Bea sa akin at tumango naman ako.

"We need help" sabi ko at isang tao lang ang naiisip ko na iiwan ang lahat para sakanya. Kinuha ko ang phone ko at tinawagan si Kuya Third.

"Hello?" sagot ni Kuya sakin.

"Kuya kasama mo ba si Zicko? if kasama mo siya can you turn this call to speaker?" tanong ko kay kuya at napatingin sakin si Caly. Umiling sakin si Caly pero hindi ko siya sinunod.

"'Yes, wait I'll turn this to speaker mode." Aniya.

Napatingin ako kay Caly kasi bigla siyang dumaing ulit. Lalo akong nataranta. Damn!

"Ang sakit na Alina.. hindi ko na kaya." Daing niya. Napakagat ako sa ilalim ng labi ko.

I think narinig nila yun kasi narinig kong nagmura si Zicko at namatay ang call. Now, it's confirmed. Gusto siya ni Zicko. Gustong gusto.

Tinayo ko si Caly at inakay namin siya ni Bea pero hindi talaga siya makatayo.

"Natatakot ako guys.." saad niya habang umiiyak. Putlang putla narin siya.

Nagulat kami nung biglang makita si Kuya Third, Zicko at Travis. Halatang sobrang nag-alala si Zicko. Tumakbo siya nung makitang namimilipit sa sakit si Caly at binuhat niya to.

"Let's bring her to the hospital" sabi niya at nagmadaling pumunta ng parking lot at sumakay sa kotse ni Zicko.

Seryosong seryoso si Zicko sa pagmamaneho. Katabi niya si Travis, si Kuya Third ay nagpaiwan para ipaalam sa main office ang nangyari. Kami ni Bea ay kasama ni Caly sa likod.

"Guys.. bumalik na tayo ng school. Huwag niyo nakong dalhin sa hospital" ani Caly habang nakapikit. Kumunot ang noo ko dahil sa sinabi niya. Halatang hirap na hirap siya tapos gumagaganito pa siya.

"Shut up! Are you nuts? Tignan mo nga ang sarili mo! Gusto mo ba talagang nag-aalala ako sayo!" sigaw ni Zicko kaya napatahimik kaming lahat. Pagkarating namin dun ay sinugod siya sa Emergency room.

Kilala na kami sa hospital kasi pagmamay ari nila Kuya Bryan 'to at pag ganitong sitwasyon, dinadala na si Caly sa private room niya. Madalas kasi mangyari to dati.. medyo tumigil na nga ang sakit niya kaya hindi ko alam kung bakit bumabalik. 

Nasa labas lang kami ng private room ni Caly at sobrang nag aalala si Zicko.

"Anong sakit niya?" natigilan ako sa tanong ni Zicko. Nangako ako kay Caly na hindi ko sasabihin pero tingin ko.. napatunayan na ni Zicko ang sarili niya at alam kong kailangan niyang malaman.