#براءة_عشق
للكاتبة ام مصطفى
البارت الاول
صباح الخير
صباح النور باباتي تعالي فدوة لطولج
تريكي شو اكعدي بصفي شوفتج تفتح النفس
اجيت متبسمة يمة بسته بس خل اغسل وجهي واجي اتريك
ديله بعد روحي
الام : بس بتول عبالك بتك خطية طايحة ع عشر ولد
-شبيج ام محمد جنج غيرانة من بنتج
-لا شنو جاهل واغار بس انت تبالغ وي دلالك لبتول ميصير هيج
الدلال يخرب
-مدامني عدل خلها تدلل علي شعندي غيرها
بتول : اجيت وكعدت بصف بابا
-يله بنيتي تريكي مدي ايدج
نزل اخوي الوسطاني حسن
-صباح الخير
-صباح النور بويه هله بيك
-حط بتول فدنوب بحضنك ووكلها
-ههههه ادري شجاكم بنيتي الكعده وادللها بيها شي
-لا مابيها بس احنه هم ولدك ترة
بتول : بابا اروح ابدل واروح لمدرستي احسن الظاهر اكو ناس مضغوطة مني 😜
-دولي لج مظغوط منها امشي يله
فتتت اضحك وحاسة بالفخر عندي اب مثل ابوي
يكنلي كل هذا الحب ومدللني ع الكل ..
.....
اني بتول من مواليد ٩٠
متوسطة الطول
شكلي مقبول بيضة عيوني مدورة سود وشعر سرح
بطبعي هادئة واحب الحياة
اعيش وي ابي انسان ملتزم دينيا طيب القلب كريم شجاع
كان له كلمة مسموعة بين اقاربه والعشيرة
وام طيبة القلب حنونه بسيطة
وااربع اخوات
زينب وزهراء و سكينه و حوراء
وثلاثة اخوة
محمد وحسن و امير
تسلسلي اخر العنقود
لذالك كان ابي يبالغ في حبه ودلاله لي
كنت ان ذاك في الصف الخامس علمي
كنت طالبة شاطرة وذكيه
كان ابي يشجعني كثيرا ع الدراسة
فكان كل سنة اتفوق بها
يجلب لي هدية قطعة ذهب فاحتفظ بها
حتى اصبح لدية علبة ذهب ...
لبست ملابس المدرسة وشلت جنطتي وطلعت من الغرفة
جانوا الولد ملتمين ع صينية الريوك
وكالعادة الكل مقابل ع دوامي
لكون احنه ماعدنة وحدة تكمل دراستها
اكثر وحدة من اخواتي وصلت ثالث متوسط وبعدها تترك المدرسة جبر
هاي عادات وتقاليدنا
بس وياي الوضع اختلف ابوي من حبه الي مبقيني لان اني شاطرة واحب الدراسه فميريد يكسر بخاطري ..
حسن : بله هاي لشوكت تظل تداوم مرة شكبرها وتروح وترجع شنو تره مصايره عدنه
-مالك شغل بيها عوفها ع راحتها
-شمعنى هي يعني والله هاي اخر سنة الج احسبي حساب
-اني موجود واني اقرر
روحي بنتي مالج شغل بيهم
تعاي اخذي مصرفج وروحي
اخذت مصرفي وبست ابوي الله يخليك الي يارب
وطلعت عندي صديقتي ضحى ع طريق المدرسة كل يوم امر عليها ونروح ونرجع سوة
حياتي حلوة وهادئة جانت جنت ملكة زماني بذاك الوكت
-هلو ضحاوي
-هلو عيني
-يله خل نستعجل جنا تاخرنه اليوم
-اي اي اكولج قريتي الامتحان مالت اليوم
-اي سهل كولش
-وينه سهل رياضيات خبلني اكثر مادة
-ركزي بيي ويصير سهل عندج مضل شي وتبدي امتحانات اخر سنة
