#براءة_عشق
للكاتبة ام مصطفى
البارت الاخير
سجاد بعدوماازوجت
بتول اختفت وماعادت تتصل وانقطعت اخبارها
من راحت حسيت بفراغ جبير بحياتي حيل اشتاق الها برغم من زواجي وزوجتي ممقصرة وياي
بس مكدرت انساها جنت اعتقد زوجتي راح تنسبني وتعوضني بس طلعت غلطان
الحب ماينسي ابد
كل ما تكثر فترة غيابها كل ما اشتاق الها اكثر
جنت نايم صاحي احلم بيها واشوفها كبالي
مريت بفترة صعبة كلش اختنك ومااعرف شنو السبب
اتعصب واصيح ونفسي احسة ينكطع
روحي جانت ممرتاحة
هاي الانسانه حيل حبيتها واكبر غلطة سويتها هي اتنازلت عنها بسهولة
ماكدرت اوكف بوجه اخوي صادق
وادافع عن حبنا بسرعة استسلمت
وعفتها بس خسرت روحي وياها
طول هاي الفترة واني متعذب
ما مرتاح بحياتي ابد
مرت علي ايام عصيبة
بسبب اهلي بعد زواجي اهلي شدوا فد شدة وياي وي زوجتي حتى بذاك الوكت كلت الحمد لله ماازوجت بتول وعذبتها وياي لان اعرفها بت دلال وماتحمل عيشة اهلي
جنت طالب كلية بعدني واشتغل ب ٥٠٠٠دينار باليوم هاي متكفي كراوي الي
لذالك اهلي حاربوني تصوروا مرات نبات اني وزوجتي بله عشه لان ماعندي اطيهم فلوس.........
تعبت حيل مامرتاح ابد يوم الله يشهد علي بذيج الفترة احس بتول بيها شي
جنت اقرة اشعار واذكرها
وادعيلها الله يوفقها
صح كسرت كلبها اني بس جنت مجبور
عيشة اهلي صعبة واعرف لو خذتها غصب عنهم يحاربوها
اخر فترة من خطبة واحجي وياها شفتها حيل متعلقة بيها فردت اكرها بيه
كمت احجيلها عن خطيبتي احاول ابعدها
بس هي جانت تحبني بجنون ماتفرق عدها
الى ان طلبت منها ماتتصل بعد
جنت بداخلي اتألم حزن بس جان لازم ابعدها مااريدها تتعلق بيه اكثر
خل تشوف حياتها الله يوفقها
بس الحب اكبر مني ومنها جان ....
كدرت اخلص كلية الحمد لله
بهاي الفترة صارت عندي بنية سميتها غسق نفس الاسم الجنة اني وياها متفقين عليه
جنت اتمنى اسميها بتول بس للاسف
زوجتي تعرف اسمها وتعرف هي حبي الاول لان البيت كله يعرف بعلاقتي ابتول
فجان صعب علي اسميها ع اسمها
سميتها غسق لان جانت بتول دكلي لو جتنا بنت نسميها غسق
بعد ولادة الله وفقني وتعينت براتب زين الف الحمد لله
وكدرت اسحب قرض ع راتبي اواشتري قطعة ارض
وابنيها وطلعت من اهلي وهم انرزقت بولد وسميته باقر
الحمد لله حالتي المادية بدت تتحسن
وكدرت اطلع من اهلي واخلص من حكم اخوي
ومانسيت بتول ابد دوم ع بالي اتمى اعرف شي عنها
مرات الكة روحي بمنطقتهم افتر بس مااندل بيتهم بالظبط
اكول بلكت اشوفها
بس ماكوو
حتى مرة اني وزوجتي فتنا بالسيارة من المنطقة
واني سرحت ابتول واذكرتها
كالت حنيت
التفت الزوجتي كتلها المن
كالت لحبك الاول لبتول
مرة كتلي اسم منطقتهم
كتلها لا يابة بس اباوع ع المنطقة كلش حلوة وراقية
