#براءة_عشق
للكاتبة ام مصطفى
البلرت الثالث
شلون نتشاوف سجاد ووين
اي مكان ترديه اجيج
مااعرف افكر واشوف
لا تترديين ترة مااتحمل بعد كمت احلم بيج ليل نهار
حتى مجاي اركز بشي
اتخيلج واتخيل شكلج خلاص تعبت -اريد اشوفج
-ليش اني قابل مااريد اشوفك والله اتمنى
-بس
-ماكووبس حبيبتي
-الله كريم اشوف
وانطيك خبر اني ماعندي بس صديقتي ضحى اكدر اروحلها وحدي
ويجوز اكدر اطلع وياها
خل اشوف ضروفها وضروفي شنو
-يعني ماعندج مانع انتضرج
-لا بالعكس اني اريد اشوفك
-اوكي
-انتضرج
-يله اروح اني
-سديته منه وافكر شلون راح ادبرها
امي والولد مسوين علينا حصار لا طلعة ولا طبة خرب حضي سجن هم مو هيج
خل اتفق وي وي ضحى واخابرها واشوف
للعصر خابرت ضحى
-هلوو ضحاوي
-هلو حبي شلونج
-انت شلونج البنات شلونهن
-والله دوم يسئلن عليج ويدزن بيدي سلام
-فدوه شكد مشتاقه الهم حبايبي
-اي والله احنه هم ولج وين مختفيه متخابرين
-موجودة بالبيت
-بعدج وي هذا تخابريه
-اسكتي ضحى اووف احبه احبه اموت عليه تعلقت بيه مو شلون مكان احس اعرفه من سنين
شكد ارتاح من احجي وياه
-تيرن تيرن عيني ياعيني ع الحب واكعه كلش ثاريج
-كلش كلش
ضحاوي سجاد يريد يشوفني
-سجاد منو
-شبيج هووالي اخابره
-يا اسمة سجاد والله حلو اسمه
-وج عوفي هسه اسمه تعالي كوليلي شسوي
-بشنو
-اريد يشوفني واشوفه
اي مترحين منوو لازمج
-شكد مكروهة اني احجي صدك وهي ابرود
-وج وين تشوفينه يعني شلون من كل عقلج بلكت طلع يلعب عليج
لو احد شافج من اهلج
والله سالفتج تخوف انسيها عيني
-عفيه ضحاوي لا تخوفيني
وبعدين اني اثق بيه
-هلووعيني مصارلج كم شهر عرفتيه بالتليفون شلون هاي تثقين بيه هسه يطلع مزوج لو جبير
-لا ولج ماكو هيج شي مرات امه تجاوبني واسئل عليه واسولف وياها
مرات مرت اخوه هم
يعني ميجذب وكل اهله تعرف بعلاقتنا
تقريبا صرت صديقة العائله
-يااا عزه خبله انت مو طبيعيه
شبيج ضحاوي عليج الله دبريني
شسوي ولج يعني
ماعندي غيرج عفيه
-هسه غير تفهمني شسوي
راح اكول ضحى مريضة واريد اروح اشوفها
واخابرج كدام امي ع اساس انت مريضة
-افف وبعدين
-بعدين اجيج واكلها لامج نطلع اني وياج لسوك ولج ياسوك
شبيج هذا السوك البي محلات ملابس واكسسوارات
المجمع القريب من ......
-ادري انت طالعةة وي حبيبج اني شكو اروح وياج
-شبيج والله بس اشوفه ويشوفني لا احجي وياه ولا شي
-اوكي يايوم تجين باجر العصر
-يااا هيج مستعجلة
-اي والله كلش روحي طافرة عليه
اريد اشوفة متحمسه لشوفته
-اوكي رتبي امورج وخابريني
سديته منها
كمت اروح هيج واجي هيج
حوراء : شبيج تفترين شعدج اعرفج من تردين شي متكعدين
-لا ماكو شي بس ضحى خابرتني خطيه مريضه كلش فدنوب
-شبيها مريضه يعني
-هاا فلاونزه
-عادي كولنه نوكع بيها
-بس اريد اروح الها والله اشتاقيت الها وهم لان مريضة
-مترحين منو لازمج
-امي كلما اريد اطلع دكلي اخوانج واخوانج والله تعبت شنو يعني سجن هو خوما سجن
-كولي لابوي ومحد راح يحجي عليج
- اي اكوله بس امي هم تضل تستفسر وخابريها وتخرب علي كولشي
-معليج من امي اني اكوللها عود
-اوي فدوه لاختي حبيبتي امواااه
-عيارة هسه حبيبتج وره مصلحتج تركضين
-هههه وج مو طلعت روحي اريد بس اطلع
والله حقج
رحت لامي جانت كاعدة هي وابوي وبصفها قوري الجاي وتصب لابوي
وابوي يتفرج ع التلفزيون
ماما
واححي بصوت حتى يسمع ابوي
ماما اريد اروح لضحى
-شعندج وي ضحى مكفتج ليل نهار تتخابرين وياها
-يمة مو مريضه خطيه ولازم اروح ازورها
التفت ابوي علي
امي ناوشته استكان الجاي
-شبيها صديقنج بويه
-بابا فلاونزه مريضه والبنيه دوم هي تجيني ميصير كوله هي تجيني
اريد اني هم اروح عليها
وبعدين هي مو بعيد بيتهم
بصف المجمع هياتها
-اي بابا روحي زيارة المريض واجب
حجت امي
-والله ماخربت هاي بس انت من دلالك
-عوفيها تدلل ماطولني عدل
روحي بابا شوكت تردين ترحين
-باجر لان هسه تاخر الوقت ع ماابدل يصير المغرب
-اي ع راحتج بنيتي
هاج
طلع من جيبه فلوس اخذي وياج شي من اطبين عليها فاكهة علبة حلويات
عيب ادخلين فارغة
