بارت هدية بمناسبة فوز المنتخب العراقي
#براءة_عشق
للكاتبة ام مصطفى
البارت الحادي عشر
بقيت يم اهلي ابوي كال ابقي واني اشوفلج حل مااخليج هيج
ذبيت بنتي ع امي اريد اشبع نوم اريد ارتاح والله عبالك جنت بالعمالة مكسرة تكسر
وياريت يغزر واليكتلج تجي وتكلج انت شمسوية ع الخبزات ع المواعين
هاي بدي الزمها اعلسها علس ماتقهرني بس كلمة شمسوية انتي ...
بقيت يم اهلي حوراء اختي خابرتها واجت
احجيلها متصدك
-وج صدك تحجين كل هذا وضامته ليش سكتيلهن من البدايه
-مااريد مشاكل واخاف ع ابوي لخاطرة متحملة
شحجيلج حوراء والله متت والقران ليل نهار اكرب مثل الحيوان حشاج
وفوكاها يتحكمن بلبسي باكلي بطلعتي بنومتي
اصوري لو تاخرت ربع ساعة ع السبعة الصبح يدكن الباب هنه يكعدن وي جهالهن يشوفني نايمة ميرتاحن الا يكعدني حتى الم وراهن واسوي ريوكات
لو لبسي شنو البس شنو اشتري منا واروح بيه تصير عركه عليه عينك عينك
يتحكمن بيه.
من غير يحجن براس كرار
تدرين بس اول شهرين اطاني مصرف تالي كطع امة دكلة شنو تطيها مصرف شسوي بيهن هي
شو تاكل وتشرب ويانه وهدوم كنتورها متروس
ومن ذاك اليوم لهليوم اني ربع ممطيني بيدي همزين بابا مكطع مصرفي
مرات اشتهي حلويات ادز بيد الجهال
تصير زقوم علي
كلها تحجي جابت علاليك واكلتهن
يبوووي شحجيلج حوراء هاي كل الناس هيج لوبس عيالي
اني مستغربه من تصرفاتهم
-وج كل هذا وساكته صوجج انت من البداية وامكفهن عد حدهن شنو يدخلن بلبسج وتسكتين انتي اطيتيهن مجال يدخلون بيج
باعي هي الوحدة من من اول يوم تسويلها كرامه وشخصيه
اذا من البدايه سكتي تضلين طول عمرج هيج بعد لان انت عودتيهم تسكتين وعودتيهن يجاوزن عليج ويدخلن بيج
فصارت عادي
-شسوي يمعوده حقج معايشة هناك
عصابة والقران واخلاقهن غير اخلاقنا
مع احترامي للمناطق الشعبيه جنت شكد احبهم احس لمتهم حلوه
بس من شفت من عيالي وهوستهن
الله يساعد جناينهم عليهم طكت عرب وبكلشي يدخلون بالجنه عبالك فلبينيه
شغلها تخدم وبس
-هسه شنو شقررتي
-خلص ماارجع تعبت خل يطلكوني
-انت اجتج من الله معقوله متحبين كرار
-يمعوده ياحب ياصخام هوواني اشفت
-الله عليج تحبيه لولا
-لا احبه ولا اكرهه عادي يعني احترمة ومداريته عادي علاقتنه وديه
-يعني هسه اذا اطلكتي عادي متشتاقيله
-لا والله عادييي كلش بس خل اخلص وارجع ادلل يم اهلي اخ يادلال اهلي
كله من وراجن قشمرتني ازوجي ازوجي
هو هذا الزواج لوبس حضي مصخم
-لا بس حضج هههههه
-اكول بتول خاف بعدج تفكرين بيه
-منو
-هذا سجاد
-هاااا.
كلت بكلبي ليش اني ناسيته يوم كل ماانقهر اذكره كلما اختنك اذكر اسمة احس اسمه اوكسجين واتنفسه
من ابجي اول مااكول اسمة ليش سجاد عفتني والله احبك مااكدر بلياك
مااغفى غير ع صورته ارسمهه بمخيلتي
اخخخخ كلشي ينسي بس الحب الاول الصادق مينسي تكدرين تتاعيشين وتزوجين وتخلفين بس تبقى لجمة الحب الاول بكلبج متنسيها ابد للموت كلما اتذكرة روحي تروح
