#براءة_عشق
للكاتبة ام مصطفى
البارت الثاني عشر
بقيت هالمرة ابيتي مرحت مقبل كرار
اجتي امي يمي ويوم عمتي
بعدين راحوا اجتي رنا بنت حماي زمان
حماي جان مزوج قبل ليلى ومطلك وعندة بنية من طليقته ماخذها منها من اول مطلكوا
المهم خطية بقت يمي عمرها تقريب ١٤ سنة
طبعا بازعة من ضيم مرت ابوها وكيفت بقت يمي هاي الفترة حتى بدها متروح
دكلي كون ابوي يقبل اعيش وياكم عمة
والله ارتاحيت عدكم
-هلة بيج شعندي اني اذا تردينةالبيت مفتوح
-ابوي ميقبل وليلى هم كوة اجيت هسه
-اني اخلي كرار كل مايروح يجيبج تبقين يوم يومين وبرجعج
هنا ابوي كام يتخربط يوم ضغط يوم سكر
حالته الصحية بدت تدهور بسع بسع راسا وكع هالوكعة وكعة
كمت كل اسبوع اني يم اهلي
سجودي كام
يكبر وملامحة تبين فدوه مدنفش وابيض ويضحك للرايح وجاي
ابوه يموت علي كام
هو كرار يحب الجهال
خو غسق روحة من الدنيا مدللها دلال
نهار كله ينكل حلويات ملاعيب الها
رنا كامت كل فترة تجينه تروح وتجي
اني اكوله لكرار جيبها خطيه
مثل اليتيمة ام هي امها ابد متسئل عليها ولا تعرفها اصلا وضالة تحت رحمت ليلى
فديوم هي يمنا واني اطبخ
دخلت ملكيتها بالصالة
وين راحت فتت للغرفة واشوفها فاتحة كنتوري وطلعت فلوس من كنتوري وخلت بصدرها بسرعه
اني باقيه اباوع عليها متفاجأة
دارت وجهه شافتني ارتبكت كامت ترجف
كتلها -شسوين رنا
-هااا
دنكت
-معقوله تمدين ايدج مو عيب انت جاهل
اذا تردين فلوس كليلي واني اطيج
بس انت بنيه عيب تبوكين
-عمة والله اعذريني
وركضت تبوس ادي بس لا تفضحيني الله يخليج
والله اشتري ملابس احتياجات
مرت ابوي ليلى ماتشتريلي ولا ترضى ابوي يشتريلي
ويعني هذا يخليج تبوكين مو حرام
-عمة فدوه تويه توبه
هاج شوفي بس ٢٥ الف اخذت
بس كد احتياجي
-الله عليج كم مره مسويتها
-ها صار رابع مرة اخذ منج فلوس كل مرة ع ٢٥ الف
-ومحد يكلج منيلج
-اكلهم عمة بتول اطتني واشترتلي
عمه والله حصرة علي اللبسه واني صف ثالث متوسط البنات يلبسن اشكال الوان واني بس اتحصر اضل عليهن
-عمة ميخالف بس ميصير نعالج الغلط بالغلط
اذا مرت بوج متنطيج وكاطعة بيج
ميصير انت تمدين ايدج
اني مو ع الفلوس خل يولن بس هاي عادة مو حلوه
هاي مو ٢٥ الف وهاج هاي هم بعد ٢٥
وكل ماتحتاجين كليلي واني اشتريلج
واني اطيج شتحتاجين بس ايدج لا تمديها هاي العادة حرام وعيب
باجر احد يشوفج ويفضحج وانت بنية
موخوش سمعة تره
-التوبة عمة والله ابد ما امد ايدي بعد
من ذاك اليوم ورنا كمت ادز عليها كرار كل اسبوع وانطيها مصرف
وادرسها اني واشتريلها ملابس
اكول خطية مراهقة خاف تنحرف
كامت تحبني وتعلقت بيه
بس ابوها مقبل تجيني كل اسبوع
طبعا بتحريض من ليلى لان رنا تخدمها وتخدم جهالها وهاي الشغله متصرف الها
.........
بيوم نايمة الفجر ودك المبايل طفرت مرعوبة اويلي بيش الساعة كلت الكرار
كال ب ٣ منو يخابر هالوكت
باوعت اشوف رقم اخوي محمد
لزمت كلبي بيدي
شمرت المبايل ع كرار انت جاوب اخاف اني مااريد اسمع خبر يصدمني
فتح خط
جان هدوء ودنيا ليل
اسمع اخوي محمد يصرخ بتول ابوي مات
اني سمعت هيج واني احس طلقةةانضربت براسي من الصدمه
صرخت بعالي صوتي بوووووووية
