#براءة_عشق
للكاتبة ام مصطفى
لعد طلكني من هسة لان البيت مستحيل ابيعة لو اتنازل عنه هذا ورثي من ابوي ومستقبل لجهالي
اني شنو احصل من تنطيه لخوانك لا وفوكاها ترجعني وي اهلك
والله لو اموت ماارجع
هيج يعني صارت كمتي ادورين وياي فلوس ابوي وفلوسك
شوفي مدام هذا بيتج اني طالع من البيت
وخليه الج اذا ترديني تلكيني يم اهلي
ومااقبل اله تتنازلين عن البيت ونرجع لهلي
انت صدك تحجي من كل عقلك متفكر بجهالك بمستقبلهم
اني كلت العندي
طلع من البيت وعافني
ياربي شسوي اني هسه معقولة ابيع البيت وارجع وي اهلة من سابع المستحيل والله هذا البيت ابوي اشتراه الي حتى ارتاح بيه
معقوله افرط بيه ومنو يستاهل
لا والله ماابيعه لو اموت.
بقيت بالبيت لا كلت لهلي ع الموضوع
ولا رحت الهم ولا هو خابرني
صار الليل وهو ماكو سوها صدك هذا
خفت بالبيت وحدي اول مره يتاخر هجي للوحده
كل شويه اكول هسه يرجع ونحل الموضوع ونتفتهم ويتراجع عن قرارة
بس ماكو للصبح واني ولا نمت ياربي
هذا من كل عقلة
كمت صليت الفجر وطلع الصبح يله نمت اخاف لحد يدخل علينا
صار عندي خوف لحد الصبح يله نمت
كعدني سجاد يبجي
كمت سويت ريوك الهم
ولزمت مبايلي اخابره لا
خل اخابر اطمن عليه خاف صارله شي
دكيت عليه مره مرتين ميجاوب
اخر شي دزيتله رساله
كرار وين انت معقوله سويتها صدوك
كتبلي
ماارجع للبيت اله تتنازلين عن البيت وترجعين لهلي
قريتها استغفر الله ياربي يعني بعده مصر ع رايه والله مصيبه
شسوي هسه اني
بقيت اكل بروحي اكل
يوم وثاني يوم ويوم الثالث خلص المسواك والجهال تريد شرايه
واني مااطلع اخاف ع جهالي
شسوي يربي مااريد اوصلها لخواني
ادري بيهم عصبيين ومايسكتون
اخذت جهالي وطلعت اسوك من البكال اليمنا واشتريت حلويات للجهال ورجعت
وهم ماكو لا خابر ولا اجه وهاي الليل كله للصبح اسهر من الخوف
شلون بيه يربي مااريد اطلع من بيتي
لا لهلي ولا لهله مستقره وكاعدة ابيتي
ليش اتجهول اني وجهالي
واسبوع كامل كرار مالفة للبيت
ومستبد برأيه
خابرتني حوراء نسولف
كالت مو ع بعضج شبيج
اني بجيت ماتحملت
حوراء كرار صارله اسبوع عايف البيت
-ياا شنو السالفة ليش
-يريدني ارجع لهله ويريد يبيع البيت
يشتري محلات لخوانه
-ليش هو بيته ويصرف بكيفه غير بيت ابوي ومسجل باسمج
-اي يريدني اتنازل حوراء تعبت شسوي هاي اسبوع اني بالبيت لا سئل ولا اجه
شسوي
وج خل يولي طبه مرض بالهم رضينا ومارضى الهم بينا عشتوا
فوك ماابوي سواه ادمي وكعده ابيت.
اندك الباب اكلج حوراء الباب اندك بلكت هو بعدين اخابرج
سدسته منها ورحت صحت منو
كال اني
صوت اخوي حسن
يمة شجابه
ركضت فتحت الباب هله خويه شلونك شخبارك
-انت شلونج شخبارج
طب خويه طب
-ابو سجاد هنا
-لا لا طب طب
طب جوه واني افرك بديه شسوي هسه
قدمتله عصير ومي واسولف وياه اسئله ع امي
دك المبايل
كتله حوراء هاي
كال اطينياها
فتح خط حجت حوراء ها ولج بشري رجع كرار
باوعلي مستغرب لعد وين كرار
كمت افرك بديه خاف اجذب وتطلع علي
لازم اكله الصدك
-حسن خوية خل احجيلك الي صار
-شكو شصاير
خزرني حسن
-كرار ترك البيت صار اسبوع
-شنووو شلون يعني عيدي
-اي والله خل احجيلك
