#براءة_عشق
للكاتبة ام مصطفى
البارت السابع
تعبت واني امثل عليك
-شتحجين انت ليش شبيه اني شنو ناقصني
-والله مبيك شي الشي بيه اني مدا اتقبلك
كلت بلكت بمرور الوقت اتعود عليك
بس مكدرت ليش اكذب عليك
-لا خلص عاشت ايدج واني اراح افسخ الخطبه وادللي
شال مبايله بيدة وكام باوعلي اخر نظرة دنكت جر حسرة وطلع
صح خفت من ردت فعل اهلي بس احس ارتاحيت جبل وانزاح مني
طلعت يم اهلي اباوع بالوجوه خاف عرفوا
بس جان الوضع طبيبعي
الى ثاني يوم اتصل عدي بابوي وكله اريد افسخ الخطبة
اني وياها مامتوالمين وماكوو توافق بينه من هسه كلت ليش نزوج واظلمها
خلي افسخ الخطبه
ابوي انصدم
شنو عمي شفت شي ع بتول سمعت شي
شنو الاستجد البارحه جنتوا مثل الورد
شصار حتى دكول افسخ الخطبه
-عمي الصوج بيه اني اريد افسخ وشتردون اني حاضر قسمة ومصارت
-شنو بوية هو لعب
جيب ابوك وتعال نتفاهم
بتول بتول
صاح ابوي
-ها يابه
-شصاير بينج وبين عدي
-هاا كمت افرك بيدي ودنكت راسي
طفر محمد وحسن وكف
شكوو
حسن صاح احجي ولج شكوو
اندار ع ابوي هو شكلك
-يكول اريد افسخ الخطبه ماتوالمنه ومن هالحجي
خزرني حسن ولج بتول شصار
-كلشي مصار
اني من البدايه مردته بس انتم ضغطتوا علي
-ولج هو انت يصحلج مثل عدي ومتردي
عاط ابوي بي
حسن اني موجود محد يعلي صوته عليها
طلعوا بره خل احجي وياها
يابه ميصير ترة دللتها زايد والله متستاهل دلالك شنو لعب هو هسه الناس شدكول علينه من تعرف ابن عمي عافها
اكلك اطلع خل افتهم
شتفتهم هاي وحدة ماعدها عقل بتك متعرف مصلحتها وادللت زايد
اندار علي ابوي
بويه انت كتيله مااريدك
يابه اني محجيت شي
هو كلك اني كتله شي
-لا يكول اني اريد افسخها
-اي خلص اني شلي علاقة بعد
يعني انت ماكتيله شي
لا كلشي مكلت
زين لعد كومي
حسن صاح اكص ايدي اذا مو هي هججت الولد شنو احنه منعرفه قابل
عفتهم بعد اني وطلعت
امي تحجي علي كامت ولج ليش ضيعتي الولد
يمةة اني شعلي شنو اجلب بيه قابل
بعد احسن من يفسخها
نور كالت ممعقوله هو كتل نفسه عليج
هيج صبح صاح مااريدج
باوعتلها والله روحي اسئليه اني شكوو
كولوا خربت الخطبه
اجه عمي وعدي بالليل وصار حجي وصياح وفسخوا الخطبة وصار زعل بين
ابوي وبيت عمي
والسبب اني والوهم الي عايشة سجاد
وهم تعبني
فرحت من كل كلبي خربت الخطبه
جان عيد عندي واول يوم من انخطبت لهذا اليوم انام مرتاحة وفرحانة
هنا صرت بموضع شك الجميع خصوصا اغلبهم يعرفون بقصتي وي سجاد
بس ابوي جان مقهور علي
وكل شويه يكلي والله لزوجج تاج راسه
مع الاسف طلع مو كفو
لا تنقهرين بويه
-لا عليمن يابه قسمة ومصارت
وره كم يوم اجه عدي وياه سيد
جان ميباوع بوجهي ابد
ومن شكله مقهور وضايج مو عدي الي يشاقي ويضحك
لا واحد حزين
طلكني واخذ السيد وراح.
