#براءة_عشق
للكاتبة ام مصطفى
البارت الثامن
بعد ماخربت الخطبة حسيت الكل صارت تكرهني حتى اني كرهت نفسي من تصرفاتي بس اقسم الكم اني جنت مو طبيعيه ولا بوعيي
مبقالي غير بس الله سبحانة وتعالى التجأ اله
كمت ليل نهار اصلي واقرة قران
اريد اتخلص من الهوس العايشته
من هاي الخوفة والخنكة الي تجيني مجرد ما اسمع بطاري الزواج اخاف واكوم ارجف واختنك ورحي تطلع
كلت ماكو غير الله سبحانه وتعالى يساعدني
الا بذكر الله تطمئن القلوب
كمت مااختلط هالكد وي اهلي مثل الي اعتكفت بغرفتي
اصلي اقرة قران اسبح واستغفر ادعي ربي يشافيني من مااني بيه لان تعبت وتعبت كل من حوالي
ابوي خربت علاقته وي عمامي وامي خربت وي خوالي والسبب اني
امي يوم تدعيلي ويوم ترزلني يوم تشد علي ويوم تلين.
وابي دائما بجانبي اكيد وجان خايف كلش علي يومية يكعد يمي ويسولف وياي يطمني يكلي مراح يصير الي ترديه اهم شي صحتج عندي يابنيتي
اما اخواني شبه قاطعوني
واخواتي دوم يلومني
اما اني فااعتزلت عبالك بغير عالم
احس ارتاحيت من اختليت بربي
مرت حسن صار عدها ولد
وحوراء عدها بنيه صارت
بعد مرور سنة من خطبة ابن خالي
اتقدلي شخص
من طرف خالتي.
كرايب رجلها يدور ع وحدة يريد يزوج
وخالتي كايله لامة بنت اختي اذا تردون احجي وياهم
هنا اني احس بديت انسى الماضي وصحيت ع نفسي وع كل الي سويته
من اشوف ابوي اموت قهر عليه
احس كل مرضة وتعبة من وراي
لخاطر ابوي بديت اتغيرر
من اجت خالتي حجت بالموضوع امي كالت الها لا تفشلين نفسج ويانه
اني اكلج من هسة بنتي ترة مو صاحبة طويله اذا اليوم وافقت باجر تكلب
اني مااثق بيها ولا بكلامها
-انت حاجيها ام محمد وحاجي ابو امحمد وان شاء الله خير بتول مؤديه وعاقله بس يجوز مسوالها عدها تابعة كلشي يصير
-مدري شكلج والله اشوف بلكت ع كصتج الخير وتصير والله اني شايلة همها هالبنية مادري شلون اتعامل وياها
اخاف تكبر وتضل ومحد ياخذها
-خية ان شاء الله خير اني متفائلة
والله الولد خوش ولد بس همة عايلة
عايش وي اهلة واخوانة ابيت واحد
بس خوش ناس مستورين والولد معلم
-خيه انت وبتول روحي حاجيها بلكت تقبل واللهةيهديها
صاحت علي خالتي ورحت يمها
-خالة بتول جايتج قسمة ولا دكولين مااريد ازوج
انت لشوكت اتضلين بله زواج ميصير يمة بديتي تكبرين وترة البت مو يوميه تجيها قسمة
اريدج تشوفين الولد وتكعدين وياه بلكت الله يهديج
-اي خالة موافقة
امي تباوع بوجهي مسغربة اول مرة اوافق باهلسرعه
كالت بتول لا تورطين خالتج وهم اطلعيها ابوجه الكباحة
متأكدة من قرارج
اي ماما
وبدون مااشوفه اني موافقة اني تعبتكم هواي اريد افرح بابا احسة سودة علي
شايل همي
-اي والله ليل نهار يدعيلج. يكول هالبت
شايل همها اريد اشوفها مرتاحة ومستقرة ابيت رجلها شوكت
ماادري
-هسه خالة امل يعني انطي موافقة مبدئية للناس
اي خاله
جنت احجي ومأيسة من دنياي متفرق عندي ياهو الجان
اقبل بي المهم ارضي اهلي واني هم ابدي حياة جديدة تنسيني الماضي الي عشتة
