#براءة_عشق
للكاتبة ام مصطفى
طلعت من بيت ابوي بيت العز والدلال من صدك دلال مو اتباهة بس ابوب حيل يحبنا ومدللنا وبالاخص اني
الى بيت قديم منطقة شعبية.
من نزلوني طبيت للبيت اختنكت وبس ابجي كمت حتى مكياجي خرب
والكل يصيح خطية تبجي ع اهلها
طبعا امي مااجت وياي بس خواتي
وجانن خايفات اسوي شي لو تجيني هاي الحالة
يياعلي بخوف
اختي الجبيرة كالت بتول صيري سباعية انت جبيرة وفاهمة وعاقلة
طول عمرج محد سمعلج صوت بالبيت
فدوه عديها ع خير عليمن هالبجي
ترة هياتهم اهلي شمرة عصى شوكت ميعجبج خابري يجون يركضون
صيري سباعية الوراج والوراج ازوجن انت شبيج يحضي
ضلت اختي تحجي علي
اذكرت ابوي وكال مااريد تفشليني هالمرة
كمت امسح بدموعي لا بوية لخاطرك
راح اصير قوية
ورة ساعة زفونة للغرفة
كمت ارجف مثل السعفة من الخوف
كرار شافني
كال شبيج خايفة يمعودة قابل راح اذبحج ترة انتي زوجتي هسه اني اخاف عليج اكثر من نفسج
لزمني من ايدي
ومكعدني ع الجرباية رفع وجهي
ومسح دمعتي
اكو واحد يبجي بيوم عرسة
دكومي ياعيني كومي انزعي هاي البدلة ادري شلون حاملتها الله يعينج
باوعت بوجهة
شبيج تباوعيلي
اغمض عيوني ترة وداعتج ابد مااباوع
بس بدلي كومي
يله
كتلة اطلع وابدل
لاةشلون خاف متكدرين وحدج اني اساعدج ويغمز
انداري افتح السحابة انداري بله دلال زايد يله
جرني اله وبدة يفتح السحاب
جنت خايفة متوترة كلش ........
ثاني يوم من الصبح كال نطلع نتريك وي اهلي
كتلة استحي
-ماكو مستحة تعودي من اول يوم ع اهلي
طلعت عمتي كامت تهلهل
صباحية مباركة
وصاحت ع ليلى جيبي ريوك العرسان يلة
اجت ليلى مرت حماي
تباوعلي من فوك ليجوة
جنت لابسة نفنوف ابيض مشذر بكرستال ابيض
مال صباحية
تباوعلي معاجبها لبسي
كالت حاضر عمة
وراحت
شوية واجت بالصبنية
حطتها التمت الجهال علينا
وعمتي تصيح تعالن شيلن جهالجن
اجت ليلى عمة همة جهال عوفيهم عادي
مو غربة عمهم ومرت عمهم
خلي يتعرفون عليها
وعافتهم وراحت
والجهال اكلوا الصينيةة وكاموا
اني استحيت امد ايدي
عمتي كالت
يمة بتول من اول يوم اكلج
انت صرتي جنة بهذا البيت
حالج من حال الجناين بشغل البيت
دكومين تساعديهن بكلشي
هزيت راسي
صار عمة
ديله انزعي هذا ثوبج مو مال شغل وروحي ويلهن للمطبخ
انصدمت من اول يوم للمطبخ
يبووي بتول لعد شعبالج بيت اهلج تدللين وتنامين للضهر ويجيج الاكل وانت كاعدة
كمت دخلت للغرفة نزعت نفنوفي
ولبست دشداشة عادية
طب وراي
ليش نزعتي مو يخبل عليج
مو ما سمعت عمتي
وانت شيكلولج تسوين احنه بعدنه عرسان ياشغل يابطيخ
اني كاعدلج بالبيت. حتى انتي ترحين للمطبخ
شو تعاي ...
