الفصل العاشر ....
رحله انتقام .....
مرام ... مراد احنا لازم نمشي من هنا بسرعه
نظر لها باستغراب قائلا ... نمشي ليه المكان مش عجبك
مرام بتوتر وحيره ... مش عارفه حاسه اني مخنوقه
نظر لها بحزن ثم قال ... تمام يلا هنمشي
شعرت مرام بالحزن ع وجهه وأيضا نظرت للحديقه مزينه بالورود والانوار ثم قالت لنفسها بتأنيب الضمير ... مينفعش امشي بعد ماعمل كل دا عشاني مش عارفه اعمل ايه والبيت هيتحرق دلوقتي بس لا مش هبقى انانيه وامشي، ثم قاطع أفكارها قائلا ... مرام واقفه ليه يلا
اقتربت نحو مراد قائله بابتسامه ... انا بقيت كويسه وبصراحه المكان عجبني جدا ومش عايزه امشي قبل ما اعرف المفاجأة
مراد باستغراب قائلا ... مرام انا مبقتش فاهمك
مرام بمكر ... عشان صعب تفهمني المهم خلينا في الحديقه شكلها يجنن
مراد ... عايز افهم برضو ليه اتخنقتي فجاءه كدا من غير سبب
مرام .... مراد ممكن نأجل الموضوع دا لوقت تاني
مراد بابتسامه قائلا ... تمام تعالي هنرقص
ثم رقصوا سويا ينظرون لبعضهم بحب
مرام ... مراد ممكن أسألك سؤال غريب
مراد بابتسامه قائلا .. اكيد
مرام ... انت محبتش قبلي يعني اقصد كان في حد في حياتك قبل ما تعرفني
مراد بجدية ... طب هتصدقيني لو قولتلك انا معرفتش معني الحب غير معاكي انا محبتش غيرك ولا هحب غيرك خليكي فاهمه النقطه دي
نظرت له بصدمه قائله ... طب ونور محبتهاش
مراد بصدمه قائلا ... انتي تعرفيها منين
شعرت بالندم لتسرعها في الكلام ثم قالت بقلق ... مياده قالتلي انا بصراحه سألتها لو في حد في حياتك و هي قالتلي
مراد بغضب ... بس ما اشوفها ع العموم انا ونور مكنش في بينا حاجه
مرام بإصرار قائله ... مراد انا لازم اعرف كل حاجه ارجوك متخبيش عليا ، ايه اللي حصل بينك وبين نور
مراد ... مرام دا موضوع قديم وانتهي انتي ليه مهتمه بيه ولا تكوني غيرانه اعترفي
نظرت له بحزن ثم قالت بتوسل ... ارجوك انا لازم اعرف ايه اللي كان بينك وبين نور
مراد بزهق ... خلاص خلاص هقولك ، نور كانت صديقتي من ايام الجامعه كنا اصدقاء جدا انا كنت بعتبرها اختي بس للأسف نور كانت بتحبني بجنون حاولت افهمها كتير هي اختي وبس لكن للأسف مقتنعتش فطردتها من حياتي وبعد كام يوم سمعت انها انتحرت انا زعلت جدا وحسيت انا السبب بس اعمل ايه انا مكنتش بحبها انا كنت شايفها كأخت وبس
