وزي ما وعدنا وفينا نزلنا الرواية مرة وحدة ونتمنى انها تعجبكم زي سابقاتها
#سرطان_اسعدني
الفصل العاشر والاخير
حاولت نصبي لكن كرعيا ماحملونيش وطحت من جديد ع الوطا وساعدني سراج وانس قمعزوني على الكرسي
ومسحت دموعي لازم نكون قوي على خاطرها وخاطر عمي كيف يرعش قدامي وهو يسئل فيا
انا ونحس في راسي دايخ بس حاوالت ما انركز عليه .. اهدا يا عمي اكيد حكالك سراج صح
عمي خالد .. اه حكالي لكن قالي ان تو حالها مستقر
انا.. فعلا ياعمي لعند صليت الفجر في الجامع وروحت وهيا مافيها شئ وبعدها اللي صار الجهاز دار صوت ولما فطنت كانت الممرضة احذاها وهيا تنزف وجتها الدكتورة وخششوها للعمليات ولادة مبكرة ويستنو في الدكتور حسام دكتور الاورام اللي يتابع في حالتها ويستر الله
قاعد نكمل في كلامي وشفت الدكتور حسام جاي يجري وماعطانيش فرصة اني حتى نتكلم معاه وخش لحجرة العمليات طول وبعد شوي طلع عليا ولابس لبس العمليات والممرضة اللي معاه طلعت حتى هيا
انا صبيت بخوف .. طمني يا دكتور شنو حال مرتي
عمي خالد .. بنتي كيف حالها وشنو وضعها
د/حسام .. اهدو شوي انت عارف يا استاذ احمد وشارح ليك شنو احتمال يصير واللي حسبته صار وحاليا الورم كبر بحجم يخوف وقاعد يضغط على البيبهات وتو حاليا الدكتورة بدير ليها ولادة قيصيرية ونا لازم قبل ماتخيط نستئصل الورم
انا .. وبه فيش تستنى
د/حسام بتردد.. احتمال لو لقيت الورم كبير بكل وداير عروق نطر اني نشيل الرحم مش جزء منه زي مافهمتك في اول مرة لان على حسب الصورة اللي دارتها الدكتورة تو اللي باين مايطمنش
انا.. دير اي شئ ينوضلي هبة على خير والباقي مايهمش حولت الرحم والله خليته اللي كاتبه ربي بيصير
د/حسام .. يبقى الممرضة حتجيبلك الاوراق لازم توقع عليهن
وعدى وسيبني الدكتور والممرضة جابت الاوراق وشديت بنوقع وقفني انس
انس .. فكر يا احمد قبل
انا باستغراب .. بنفكر في شنو
انس .. في ازالة الرحم معناها معاش تقدر تضنا بكل
انا.. طز في الضنوة كان ربي سلملي اللي جابتهم الحمدلله يارب على نعمتك وكان صارتلهم حاجة لقدر الله هذا اللي رايده ربي اهم حاجة عندي هبة
ووقعت على الاوراق وعمي وسراج ماحكوش بكل وخش الدكتور حسام وبعد وقت ونا على نار طلعت الممرضة
الممرضة .. مبارك عليك عيلين بسم الله ماشاءالله ربي ينوض امهم على خير
انا وماعرفتش نفرح بعيالي .. امين يارب
سراج .. كيف حالهم تو
الممرضة .. بنحطوهم في الحضانة عشان جايين ضعاف بس واما الباقي كله كويس وربي يطمنكم على امهم يارب
كلنا .. امين يارب
وماقدرش واحد فيهم يباركلي خايفين نولع فيهم لان فعلا قلبي نار يغلي عليها وماحد طلعلي وبعد اكثر من اربع ساعات طلع الدكتور حسام وجيته ودمعتي على خذي لاني فعلا خلاص معاش عند عزم
أنت تقرأ
نوفيلا.. سرطان اسعدني
Short Storyولان التشجيع على رواية السابقة كان مرتفع سوى هنا على الوتباد او على الفيس فوعدنا متابعاتنا الحلوات بهدية وكانت هديتنا تنزيل الرواية هذي مرة وحدة اتمنى ان تنال اعجابكم
