#سرطان_اسعدني
الفصل الثامن
مشن علينا ايام حلوة وبالذات بخبر حمل هبة وكيف عقلها نسى الورم ومافكر في شئ سوى الحمل وفي الحالة هذي نا اللي بنهتم بكل شئ فيها وروحنا لليبيا وقديش النوم وهيا بين احضاني راحة مابعدها راحة نحبها والله نحبها وماحبيت حد في عمري زيها ولا حنحب
وخذينا موعد عند الدكتور عشان انتابعو معاه ويقوللنا على دكتورة نسائية كويسة تحت اشرافه نمشي نصلي في الجامع وكل صلاة ونا ساجد ندعي ليها ان يمشي حملها على خير خايف عليها والله
وصلنا للعيادة وخشينا على الدكتور وبعد ما سلمنا وعطيناه التقارير بتاعت مصر
د/حسام .. مدام هبة ليش ما درتيش العينة قبل الزواج لان تقريبا لما جيتيني ماكنتيش متزوجة
هبة باحراج .. عشان كنت خايفة ان العينة ممكن اضر غشاء البكرة خصوصا لما عرفت انها من جو بياخدوها
صدمني كلام هبة وقلت غير لما تروح تو نحاسبها على تفكيرها هذا
د/حسام .. تو اللي صار صار
انا.. طمني يا دكتور في خطورة عليها
د/حسام .. بما انك تو زوجها وانت معاها من البداية هو حاليا وتقدر تقول لمرور الثلاثة شهور مش حيكون في خطر لكن من بعد الشهر الرابع لان الجنين بيبدا يكبر ويتكون هنا حيكون الخوف
هبة بخوف وحطت ايدها على بطنها .. ممكن في خطر على الجنين
د/حسام .. حاليا ومن التقرير ان الورم في بدايته بكل وهذا ليش الحمل صار لكن النتائج مش مضمونة لكن نحن نتوقعو الخير
انا بتنهيدة .. ان شاءالله مش حيصير غير كل خير
هبة .. ان شاءالله يارب
د/حسام .. نا حنحول ملفك للدكتورة هيلين هنا في المصحة وحتابعك تحت اشرافي واستني نشوفو لو هيا فاضية
واتصل د/حسام وكلمها وبعد شوي نين طلعت المريضة اللي عندها وخشينا ليها وخش د/حسام معانا وشرح ليها حالة هبة بالتفصيل وكشفت على هبة وطمنتنا ان حالتها حاليا كويسة وان الجنين في اسبوعه الثاني
وطلعنا بعد ما حددت موعد المراجعة كل شهر وعطتنا رقمها الخاص وحتى الدكتور حسام عطانا رقمه الخاص لاي شئ يجد علينا وهنا خوفي زاد عليها اكثر وهي ولا هيا هنا غارقة في فرحتها وخايفة على جنينها اكثر من نفسها لهدرجة تبي تكون ام ودعيت ربي ماينقص فرحتها
وروحنا للحوش ونا في عقلي كلامها
انا .. هبة استني شوي بنحكي معاك
هبة .. ان شاءالله خير يا احمد الدكتور قالك حاجة نا مش منتبهة ليها
انا بجدية .. معقولة ياهبة وانتي بعمرك هضا وثقافتك هذي وربايتك يكون تفكيرك متخلف هكي
هبة باستغراب .. كيف مافهمتش
انا..معقولة ترفضي اديري تحليل العينة عشان شنو غشاء البكرة معقولة ياهبة
هبة بي احراج .. ماهو هيا علامة الطهارة
انا.. لا مش صح ياهبة ان غشاء البكرة دلالة على ان البنت بنت بس لكن الطهارة مايدل عليها شئ سوى ربايتك واخلاقك العالية الطهارة عمرها مايثبت عليها غشاء بكرة ونقطة دم تنزل ياما من بنات قاعدات بنات لكن هنا مافيش حاجة مادارنها فهمتي عليا وبعدين نا كان عندي علم واصلا في حالات زي هذي يعطو في ورقة ان غشاء البكرة انفض اثناء اجراء عينة
هبة .. والله هذا اللي وصل ليه تفكيري اني نبي نفرح زي اي بنت انها تفرح بليلة دخلتها فهمت عليا
انا بحب وبست جبينها لما حسيتها منحرجة .. حصل خير وربي ينوضك على خير يارب
أنت تقرأ
نوفيلا.. سرطان اسعدني
Historia Cortaولان التشجيع على رواية السابقة كان مرتفع سوى هنا على الوتباد او على الفيس فوعدنا متابعاتنا الحلوات بهدية وكانت هديتنا تنزيل الرواية هذي مرة وحدة اتمنى ان تنال اعجابكم
