رواية #جروح_القلب
#للكاتبه_هميلو ,,
الحلقه الاولى /
ينفتح الباب متاع غرفة نوم بناتيه حلوة والوانها زاهيه واتخش وليه في بداية الثلاثينات وملامحها حلوة وهاديه وطبعا اسمها (بدور )وتقرب من السرير وبصوت هادي : بلقيس ,,, يا بلقيس نوضي خلااص ,😊
بلقيس من تحت الغطا : امممممم ,
بدور : هيا ياماما نوضي سادك نوم. 😒
بلقيس اتشيل الغطا من علي وجهها وتمطط ديها وتفتح اعيونها وتبتسم لامها وبصوت كسول : صباحو ماما ,☺
دور : صباح الورد ,,,يالله انشطي ,, بابا حيوصل بعد ساعه لازم اتكوني جاهزه ,😀
بلقيس : الله ,,واخيرا بابا بيرجع ,, ثواني وانكون جاهزه ,😃
وناضت من عالسرير وطلعت للتواليت وامها رتبت الغرفه والسرير وفتحت الروشن وطلعت لباقي الحوش ,,
*****************
خلوني انعرفكم علي الشخصيات توا ,,
طبعا (بلقيس) بطلة الروايه ,, عمرها 13 سنه بنوته جمييييله وجذابه بشرتها بيضا وخدودها ورديات وشعرها بني غامق وناااعم وجها مدور واعيونها بنيات داكنات وفيهن ذبله وحواجبها داكنه ,, والخشم صغير وايهبل والشفايف مرسومات رسم ,,وملامحها مليانه طفوله وبراءه ,,😍
وامها (بدور) ملامحها مش بعيده عن بنتها مغير هي شقرا وعيونها زرق لأن امها ايطاليه بس باتها ليبي وبات بلقيس اسمه احمد راجل في نص الثلاثينات من عمره راجل شخصيته حلوة طول بعرض وملامحه بنيه غامقه كي بنته وعندهم ولد واسمه( باسم )واكبر من بلقيس عمره 18 سنه وملامحه شقرا واعيونه زرق كأمه بس واخذ شكل باته ,,
المهم هالعايله موجودين في ايطاليا ,, منزل حلو وبسيط في قريه في ايطاليا.
💚💜💚💜💚💜💚💜💚💜💚💜
طلعت بلقيس من التواليت بعد ادوشت ولبست سروال جينز اسود وعليه تيشرت كم طويل للركبه لونه ابيض مخصر بحزام مضفور جلد ,, وشوز بناتي من لون التيشرت ,, ومشطت شعرها وتعطرت وخشت للمطبخ لقت امها وخوها باسم يفطرو ,,قمعزت تفطر معاهم ويهدرزو وبعد كملو طلعت بلقيس للصاله وفتحت التلفزيون واحمد طلع لصحابه برا وبدور حايسه في المطبخ ,,واشويه طلعت بدور لبلقيس وقالت : بلقييس تعالي عاونيني بنيتي انديرو غدا للبابا ,
بلقيس : حاضر ماما ,
ومشت اتساعد في امها وامها اتعلم فيها وبعد ربع ساعه وصل احمد واستقبلوه بفرحه وبلقيس فرحانه بباتها اللي روح بعد غياب عشره ايام ,
وخش باسم ولقي باته وسلم عليه
احمد : اااااه واخيرا شفتكم ,, وحشتوووني كلكم 😊
بدور : وانت اكتر والله ,, الحمدلله اللي جيت طيب😃
بلقيس : طولت المرة هدي يابابا ,, لليز معش تسافر وتسيبنا ,😢
احمد حضنها وقال : لا ياعيون بابا معش بنسيبكم. , امغير سافرت لموضوع مهم ,, وتوا خلاص ,
بدور : شن صار في الموضوع انحل والا كيف صار ?
والتفت علي .بدور وقال : حنحكيلك بعد نتريح وناكل حاجه ,,, ميت جوع ,😔
بدور : خمس دقايق والاكل ايكون جاهز ,☺
بلقيس لباتها : ساعدت ماما في التطييب يابابا ,,😊
باسها احمد علي راسها وقال : سلم بنتي الشاطره ,, عارفك شطوره ,, 😉
ومشا الوقت عندهم عادي تغدو وهدرزو وجوهم سمح وفي الليل بعد خش كل حد في داره بلقيس رقدت وباسم عالنت في داره ,, واحمد وبدور في دارهم ,,
بدور : ها طمني شن صار معاك ?
احمد : والله يابدور ماني عارف ,, مازالت القصة مانحلت والجو مش تمام غادي 😔
بدور قمعزت عالسرير وخنقتها العبره : يعني لأمتا بنقعدو في الغربه ? وهلك شن قالو ? 😢
احمد : مازالو عند راييهم ومسكرين روسهم ,, والمشكله ان امي تبينا انروحو ,, وموافقه عالموضوع ,😔
بدور بخوف ووقفت : لاااا مستحيل ياأحمد ,, مش موافقه وخلينا قاعدين ,,مادام هما امسكرين روسهم ويبوها بالعناد انت ماغلطتش انت دافعت علي شرفك واي حد يقول انك علي حق 😢
احمد رقد علي سريره وغمض اعيونه وقال : خلاااص خليها على الله ,, حتفرج بأذن الله واللي كاتبها ربي بتصير ,😔
ورقدو وهم يواسو في بعضهم ,, ويدعو ربي يفرجها عليهم ,,
&&&&&&&&&&&&&&&&&&&&&&&&&&&
في مكان تاني في ليبيا ,,, بيت كبيييير وعلي تلات ادوار مقمعزه عزوز كبيره بالسن اسمها مريم علي كرسي العجزه واتشوف للتلفزيون في الصاله وحذاها بنتها صابرين وطبعا متجوزه بس جايه حرجانه من راجلها وقاعده عند هلها ,, ويخش عليهم أشرف ولد مريم راجل في نص عمره طويل وعريض وحنطي البشره وماسك بنت في يده وخش قمعز بعد سلم.علي امه واخته وخشت وراه مراته فاطمه وشايله عيل في اللفه وسلمت علي عمتها وحماتها وقمعزو يهدرزو واشويه تطلع علا. اخت اشرف وبنت مريم وسلمت وثعليهم وقعزو ايهدرزو
اشرف : وين احمد روح ?😐
مريم بزعل : اها ,,روح من امس ,😒
اشرف : لازم ابجيب عيلته وايروح ,,, ولازم تنحل المشكله هذي سادنا مشاكل,,😒
مريم : لازم ياولدي وكان االمشكله حتنحل امغير يروح يوافق ياع تنحل ,انضحو بنفر خير مانضحو بالعيلة كلها ,,
صابرين وهي اتهارج : اصلا هو الغلطان ,,مان ماسرعش ماصارش اللي صار ,,😒
مريم : انتي اسكتي ,,ولا كلمة ,,اصلا انتي سبب المشاكل كلهن ,,😒
وصبت عمتكن صابرين مش ااجبها كلام امها وانها اتلوم فيها وخشت فاطمه مع علا عالمطبخ ,, وخلن العويل خثحذا اشرف وامه اللي تلعب في البيبي اللي في القماط ,,
ومشا اليوم.عادي عند العيله البي حتتعرفو غلي شخصياتهم مع الاحداث الجايه ,,
وحنعرفو شة القصه اللذ سايره وشن يبو عيلة احمد منه وشنو الطلب اللي طلبوه منه وعليش مسافر ,,????
**************************************
في بيت ثاني كبير وراقي وحلو ,, امقمعز شاب حنطي البشره وملامحه سودا واعيونه سووود وحواجله كثيفه ولحيته وشخصيتها جننننننتل ,, 😍 طوله متوسط وجسمه رياضي واكتافه عريضه ولابس نظاره شمسيه ولابس طرحه ومقمعز علي كرسي في خديقة.فيلته و يحكي بالفون وغامتلا ,,واسمه (عدي )
عدي : اممم ,, صار سافر ,,باه ,, تمام ,,لالا خلاص ,اوكذ باي ,
وسكر فونه وخط رجز علي رحل ويد تحت احنكه وقال في سره : ( اي وين بتهرب بس ,,, وراك وراك ولو بتمشي للمريخ حنجيبك ,)
انتظروني ,,😘💚
هذي البدايه بس وطبعا مازالت غامضه اشويه ,,,بس لاقدام حتعرفن كل شي,,
الكاتبه #هميلو ,,
