رواية جروح القلب
للكاتبه هميلو ,,
الحلقه 11/
وخشت باقيس لدارها وغيرت دبسها ولبست ببجاما نوم وهست في سريرها وتغطت ورقدت وهي تتمنى ان بعد النوم ماتنوضش ,, ..
**************************
بلقيس حست بظلااام ومكان مهجور كأنه طريق سفر وهي مرميه عالأرض التفتت تبي اتشوف حد بس ماشافت حد وتحاول توقف ومش قادرة والتفتت اتشوف سيارة باتها احمد وهو يصرخلها بأسمها ويبكي وخوها في الكرسي الخلفي يخبط بيزيه عالقزاز متاع السياره ويبكي وبنادي فيها وامها مقمعزه واعيونها مفتوحااات والدم معبي اوجوهم وبلقيس تعييط ,,
بلقيس : باااابااااااا مااااماااااا ماتسيبونييييش ,😭
وفي لحظه شافت جدتها مريم وباتها وامها وخوها واقفين وبعدها لفو ومشو في مكان بعيد عنها وهي مش قادرة توقف او تمشي وهي تبكي وتنادي فيهم وحاوات تزحف بس ماقدرت وبعد تباعدو منها حست بروحها ارتفعت عن الوطا وكأن حد رفعخا وسالها بين ايزيه سافت للشخص اللي شايلها كانت ملامحه غامضه ومس واضح لها وسمعاته يقول : للقيس ماتخافيش حنطلعك ,,حنطلعك هيا اركبي معاي ,,
وناضت بلقيس من نومها وهي ادموعها نازلات علي وجهها وصوت تنفسها عالي والعرق لاين علي جبينها والتفتت لقت روحها راقده بروحها في دار جدتها تعذبت من الشيطان وعاودت رقدت ,,
صباح ثاني يوم اشرف دز عليه شيخ قبيلتهم ومشاله وحكاله علي موضوع الصلح مع عيلت سالم وسدكم عداوة والدنيا مادايمه لحد واشرف مازال واجعته امه ,, لأنه كان متعلق بيها واجد ,, بس الله غالب ,, وشيخ قبيلتهم قاله : ريت ياأشرف ,, الشهادة لله جاني سالم من.كم يوم وطلب مني اني نخش وساطه خير وتصالحو والحق وجعاته المرحومه , وقبل ببجيب عيلته وايجو ايعزو بس خافو من ردت فعلكم وخصوصا الصبايا ,, فشن قلت ياولدي ?
اشرف وهو منزل راسه وعلامات الحزن باينه علي وجه قال : انا في حياتي ماعمري شلت من حد ,, بس هما اتهمو خوي احمد الله يرحمه بشي الله اعلم اذا داره.او لا ,, بس نا عارف خوي مستحيل ايديرها ,, والحاجه الله يرحمها من يوم اللي صار مرضت وانشلت وقعدت علي هالحاله نين ربي خدا امانته ,, 😔
شيخ قبيلتهم : خلاص معناها احبال سو وطاحن في بير ,, نتفقو علي يوم وانديرو مصار وتصالحو واللي فات مات ,☺
اشرف : يستر الله ,,انشاءلله خير 😔
وطلع اشرف وهو حاسس بشوية راحه ان المشكله هذي حتنحل بعد عداوة دامت اسنين واشرف مايحبش المشاكل لكن عند الجد ينكلب ومعد يعرف يصرف ,,
المهم ,,
مر اسبوع عالكلام هضا وبلقيس بدت اتجهز لقرايتها بتبدا وسمير يكمل في بني حوشه وفرحان وزاد تعلق ببلقيس وحبها لطفولتها وبرائتها ,, وامه وليه اطروح ودمها خفيف فرحانه بولدها وببلقيس ,,
واما عدي فرحان بالخطوة اللي دارها جده وطبعا امه. فوزيه تقنع فيهم من زمان عالصلح وهضا وين اقتنعو الغنادير عاد 😒
ماعلينا ,, المهم عدي كلمه عمه فارس وضنا عمه وبدو فيها تحقيق كيف وليش وعليش بتصالحو عيلت اسماعيل ,, وعدي كان رده لهم ان اللي شاااكين فيه قاتل بوه مات والناس التانيه مالهاش ذنب ,, والموضوع تقرر وخلاص ,, وهو فرحان ومتضايق في نفس الوقت ,, خايف يندم عالصلح او شي حاجه ,,
المهم اتفقو العيلتين علي يوم بيديرو الصلح وكان في مربوعة شيخ قبيلت عيلت اسماعيل والتمو الرجاله والجو مازال متكرهب ,,
لعند بدا الشيخ وقال : ياجماعه صلو عالنبي ,,,
الكل : عليه افضل الصلاة والسلام ,
الشيخ : نحن اليوم ملتمين وانشاءلله مجتمعين ديما عالخير ,, عشان نصالحو بين عيلتين يعتبرن كيف عيلاتنا ,, والموضوع في المشكله كله شك راه ,, وكيف ماتعرفو ان بعض الظن أثم ,,والشك من الشيطان ,
الكل يسمع في الشيخ و ساكتين ومقتنعين بكلامه ,,
الشيخ : وتوا نبو انرجعو القلوب تصفا من جديد واتعاودو اهل واحباب واللي عنده شي بيقوله ايتفضل ,
اشرف شاف لسالم وولده فارس وعدي وقال : بالنسبة لنا ماعندناش مشكله في الصلح وكيف ماقلت كل شي صار مشكوك فيه ان احمد خوي داره وانا نعرف خوي اكويس راجل صلاي ويخاف ربي مستحيل يقتل حتي قطوس يابال ابنادم ,, ودفعنا ثمن الشك هضا سنين عداوة ردت عالعيلتين بالحقد والمشاكل ونحن في غنا عنهن ,واذا وافقو عالصلح فنحن موافقين ونصفو القلوب ,
سالم شاف للرجاله وللشيخ ولأشرف وضنا عمه ومن ضمنهم سمير ورجالت خواته محمد وسامي وقال : ونحن موافقين ,, وعفا الله عما سلف ,, وكل حد مكتوبلا امتا وبيش ايموت واللي قتل ولدي طارق الله يرحمه اذا كان خوك ربي انتقم منه وخدا حق ولدي واذا مش خوك احمد اللي قتل انقول حسبي الله ونعم الوكيل في اسبب الفتنة بينا ,, وربي ياخذ حق ولدي منه ,,
وفعلا تم الصلح ووقفو الرجاله وسلمو علي بعضهم بالخد وبالأحضان وعدي الفرحة مش سايعته بس كانن نظراته شرار علي سمير وسمير لاحظ الشي هضا بس فات ومادورش ,,
وطبعا كان الصلح غدا عند الشيخ وتغدو الرجاله وشربو الشاهي وسبحان الله بعد تصفا القلوب ,,
خشو للمربوعه عدوان طلعو احباب الا شخص كان نااااقم ومش عاجبه موضوع الصلح وحاول يقنع اشرف بالعكس انه مايصالحش وانهم السبب في شلت امه وموت باته بس اشرف كبر عقله وفات موضوعه حتعرفنه من لاقدام عاطه محماط 😒
&&&&&&&&&&&&&&&&&&&&&
ومرن الايام وبدت الزحمه اتخف وعمات بلقيس روحن لحيشانهن ,, وبلقيس اظطرت انها تقعد مع عمها فترة بحكم معش عندها من يونسها في الفيلا وبعد كم يوم قرر اشرف يرجع لفيلا هله وايأجر حوشه وفعلا عاودو ,, وفاطمه مستغله بلقيس للأخر ,, بس بلقيس مادورتش وقعدت متحمله وصابره وبدت القرايه وبدت تمشي بلقيس لمدرستها وطبعا سمير دز مع اخته فون لبلقيس بعد ماأستأذن من عمها اشرف وهو سمحله ,, ويطمن عليها بالفون وبلقيس بدت اتحس بالأمان من جيهت سمير بس اتحس بقلبها يوجعها بعد اتحس انها بتتجوزه ليش مش عارفه ,,😕
طبعا في شخص يراقب في تحركات بلقيس في المشيه والترويحه وبلقيس في السنتين هذين زادت جمال وحلاوة وعدي بينجن عليها بس ايكابر ,,
علي قولت حني الله يرحمها زامق ويده في القصعه 😂
ماااعليييينا ,,✋
المهم ,,,,,, مرن الشهور . متاع القرايه وهي تتهرب من حوش عمتها صابرين وزاد سامي في مضايقاته لها لدرجو عرف رقم فونها من صابرين طبعا اسرقه من فونها ,, وقعد ايدزلها في رسايل يبي يقنعها باللي في عقله المريض ,, وهي مسكرة علي موضوعه ومش عارفه كيف عرف رقم فونها ومابتش اترد عليه لا رسايل ولا مكالمه دفاته في الحظر لكن رسايله تلقا فيها ,, خزي هالبارد 😠
عموما مرت السنة هذي بخيرها وشرها وبلقيس كل ماتشوف عدي يتبع فيها في الترويحه بالسياره من بعيد او في الصبح ياشرينتي ماشي لعملي وهو في جرتها وهي قلبها بدا يلين له بس مابينتش
وفي يوم وهي مروحه لاحظت سيارة .....................
عارفه روحي طولت عليكن بس ماكنتش فاضيه ,,😔
عموما قراءة ممتعه 😉
