رواية_ #جروح_القلب
#للكاتبه_هميلو ,,
الحلقة 14/ والأخيرة ,,
بلقيس شافت لعمها وقالت : شنو عمو ,,,ونا متأكدة انك مستحيل تأذييني ,
وحكالها اشرف باللي يبيها اديره وبلقيس توترت وخافت وفعدت اتشوف لعمها
وقالت ,: بس ياعمو خايفه منه بصراحه ,😖
اشرف : ماتخافيش مش حيقدر ايديرلك شي انتي ديري اللي قتلك عليه ونا متابعك خطوة خطوة ,,, تم ?😐
بلقيس : تم ,😓
وطلع اشرف بعد اطمن ,, واتصل بسمير وحكاله وطبعا سمير خايف علي بلقيس والتوتر لاعب فيه لعب واشرف بروحه علي اي خطوة بديرها بلقيس عشان سلامتها ,,
وعند بلقيس متوترة وقلبها يرجف وماسكة فونها عشان بترن عالمغضوب ,,😒
وتشجعت ورنت علي رقمه وهي متقززة منه ,, وقعدت خمس دقايق يضرب وينفتح الخط وبلقيس ساكته وغمضت اعيونها😖 وتلعن واتسب في حظها اللي حطها في الموقف البايخ هضا بس للضرورة احكام ,,وتسمع صوت سامي ,
سامي : الووو ,, 😍بلقييييس ? الووو ?😕
بلقيس اشجعت وردت : الوو !😒
سامي : اااااه 😍 احلا الو سمعتها في حياتي 😘
بلقيس تقززت منه وسكتت ,,
سامي : ايوا ياحلوة وين رحتي 😘
بلقيس : ممكن تحترم نفسك اشويه ,,شنو هضا دلاله واخدها طول !😒
سامي : مش مني غصبن عني ,,, قلبي اللي يحكي ,,تعرفي اول ماشفت رقمك ايرن ماصدقتش ,, نحساب روحي انتخيل ,,, لعند ضربت روحي كف ,😙
بلقيس في سرها : ( انشاءلله ايجيك الكف والهف والدف من ولد امه 😠),,
سامي بصوت هاااادي : ايوااا ,, وين تريحي ياسمحه 😍
بلقيس : قاعده ,😒
سامي : كيف حنيتي ورنيتي عليا ,, والا رسايلي جابن دور معاك ?😉
بلقيس : ابدااا انا مانتهددش ,, بس ... بس قلت يعني....😓
سامي : شنو ? احكي خوذي راحتك.,, انا نسمع فيك 😍
بلقيس : بصراحة ماعمرش حد اصر زيك بالرغم اني فايتك وهزبتك واستكردت مكالماتك ,, بس اصرارك ورسايلك الرومانسيه مش التهديد هن اللي اثرن فيا الحق ,
سامي : تي والله نحكي معاك ومش مصدق تعرفي ? من امتا نرجا فيها المكالمه هذي ,, قتلك ,, سكري اشويه ,, وبعد 10 دقايق بالضبط انكلمك باهي ?
بلقيس : شكلك مش فاضي ? خلاص اذا ضايقتك انسى اني رنيت عليك وتقدر تصكر ,
سامي بلهفه : لالالا اتسكري شنو وننسى شنو بس ,, تي نا مااااصدقت انك حنيتي عليا ورنيتي ,, مغير نبي انهيئ الجو بس وانرد انكلمك للصبببح اخرا 😍
