رواية #جروح_القلب
#للكاتبه_الهميل_الشارد ,,
الحلقة 6/
وطبعا سافرت بلقيس مع عدي لليبيا وهي في حيرة عن وضعها,, وفي قلبها جرح ينزف علي فراق عيلتها وخايفه من مستقبلها المجهول ,,
واول ماخشت الطياره سما ليبيا ,, فاقت علي صوت المضيفه تعطي في التعليمات السلامه عند النزول ,,
وبدا قلبها يدق بخوف وحيرة والتفتت علي عدي اللي كان جالس جنبها والثقه ماليه وجه ومش معدل وهي في عقلها اسئله ,,
طبعا بعد وقت نزلت الطياره في المطار وبدو الركاب ينزلو وبلقيس بحكم اوووول مرة اتجي لليبيا كانت متوترة بشكل مش عادي تسمع ديما عليها من باتها وامها المتوفيين اتشوف فيها عالتلفزيون وممكن اصفحت عالنت وشافت معالمها السياحيه بس مش عارفة طبع ناسها وهلها وخصوصا عيلت باتها ,,
واول مانزلت مشت ورا عدي اللي ماشي وواثق وهي خايفه وباين التوتر 😓عليها وتمو اجراءاتهم في المطار واتجهو لسياره فخمة ترجا فيهم وركبو في السياره وحور تمسك في صوابع ايديها والتفتت علي عدي وقالت: ممكن سؤال استاذ عدي ?! 😓
عدي: شنو ?
بلقيس: هو عيلت بابا ليش ماستنوني في المطار ?!
عدي: لأنهم مش فاضيين ,, انتي تحسابي الوضع هنا كيف في ايطاليا ?
بلقيس : 😟
عدي: لا لا لازم اتغيري من برستيجك وجوك هضا ,, انتي توا في ليبيا ,, يعني كل شي له حدود وقواعد وهكي ,, وعيلت جدك اول مثال حي عليهم ,,😒
بلقيس : عليش ? كنهم عيلت بابا ?😕
عدي شافلها وفي سره ( حي علمك انتي حتتعبي تعب مش عادي ,, تي رقتك هذي مش حتمشي معانا بككككل ),,
وبعد كم ساعه وصلو لشارع واسع والفيلات راقيات والناس برا ملتمين طبعا جد عدي داير حفلة برجوع ولد ولده بأوامر من عدي والجيران ملتمين وخيمه وغيطه وجو وعدي ابتسم ابتسامه عالجنب وبلقيس متوتره وخايفه ومش عارفه اللي ساير ,, وبحكم عيلت عدي وعيلت جد بلقيس جيران ومقابلين بعضهن في الجيرة ,, وقفت السياره في نص الشارع طبعا عدي طلب من السواق هكي والتفت علي جيهت حوش عيلت احمد الي اشرف وولد عمهم شاب في نص العشرينات اسمه عادل ,, ومعاهم كم شاب من اقارب عيلتهم ,, والتفت علي جيهت فيلتهم القي جده وعمه فارس واعيال عمه الاثنين شباب واحد في بداية العشرينات واسمه حمزه والشاب التاني من عمر عدي واسمه حسام ,, وبعض اقاربهم والدنيا مجتمعه والنظرات مانحكيلكن عليهن بين الشباب من العيلتين ,, يلتفت علي بلقيس وقاللها : هيا انزلي ورايا ,, بيش انوصلك لعمك ,,😒
بلقيس وهي اتشوف لوين ايشير : هضا عمو ?😕
عدي : اها ,, عمك اشرف ,😐
ونزلت ونزل عدي والكل ايشوف لبلقيس والكل مش عارفها والأنظار عليها بالرغم انها لابسه وشاح رغم عيشتها برا وولادتها برا الا ان احمد كان معود اولاده عالدين اكويس وملتزم بدينه وعيلته محافظه ,, بس شكل بلقيس الناعم والكيوت وباين عليها انها اجنبيه من ملامحها وبشرتها فاول ماوصل عدي لأشرف ومسك يد بلقيس ومدها لأشرف وبصوت عالي قال : سلمي علي عمك يابلقيس ,
اشرف مستك وشاف للطفلة وشاف لعدي ونظرة تحدي بيناتهم وبلقيس قربت من اشرف عمها وسلمت عليه وقالت : عمو اشرف ,,😢
واخنقتها العبره لأن اشرف فيه شبه كبير من باتها الفرق اختلاف بسيط وقربت منه بس اشرف قال : من هذي ?😒
عدي بثقه : بنت خوك احمد ,,, كيف مش عارفها ? معقوووله ,😏
اشرف : بنت خوي مع هلها في مكان مستحيل توصله ياولد طارق ,😏
عدي : لا وصلتله ,, واااه علي فكرة ,, البقيه في حياتكم ,, وربي يصبركم علي فراق خووووك ,😎
اشرف : انت فيش تحكي ? والبنت هذي من تكون ?
بلقيس ببكا : عمو اشرف انا بلقيس بنت احمد خوك ,, و .. وبابا .... بابا الله يرحمه ماااات 😭
اشرف مسك يد بلقيس وقال. انتي شنو اتقولي ? 😬
عدي مد شنطة فيها اوراق احمد وعيلته اللي تثبت ان بلقيس بنته وجوازات سفرهم وبطاقاتهم الشخصيه وغيره وقال لأشرف : ماهو خوك وعيلته دارو حادث في رحلة لهم وسبحان الله اللي نجا من الحادث بنته هذي ,,, وطبعا الكلام هضا له قريب شهرين وهي انكسرت رجلها وكانت حالتها النفسيه زفت ,, وقبل كنت ماشيلا بناخذ بثاري بس للأسف عزرائل كان اقرب منه ليا ,, ومن حنية قلبي ماهنش عليا انسيب بنته الحلوة هذي في الغربة ابروحها فخليتها تحت وصايتي لعند شفيت وجبتها معاي لكم ,,😏
اشرف العيون انحمرن والوجه انعصر😡 وعدي نظرة النصر علي وجه 😏 لانه وصل للي يبيه ,, انه ايبين للناس ان بنت احمد ولد عيت اسماعيل روحت معاه من الغربه ابروحها وكان معاها بدون محرم ومايغباكن في مجتمعنا كيف بيحسبها عاد 😒 عليك تفكير تفكيره ,,
وتعمد انه يتصل بجده ويتفق معاه بالشي اللي صار الحفلة والناس الملتمه عشان ايرد بثاره علي قوله قدام الكل ويشوه سمعة عيلت احمد كيف ماصار لعمته هناء ,, ان احمد كان علي علاقه بيها او استفرد بيها ,,
احمد مسك يد بلقيس وخش بيها للفيلا وهو ايجر فيها وهي منفجعه😨 من ردت فعل عمها ومش فاهمه شي وعدي بعد شاف نظرة الرعب في وجه بلقيس قرن حاجبه وحس بغصه في قلبه لكن الثار كان عامي قلبه ومشا لفيلتهم وخلا المسكينة الجاهله اتواجه مصير مرعب ,,
