رواية #جروح_القلب
#للكاتبه_هميلو ,,
الحلقه 3/
عدي بنظرة نصر : بنسافر لإيطاليا ,,😏
فوزيه : وعليش ?😕
عدي : شغل ضروري ,😎
سالم. عدي الحقني لداري ,👴
ومشا سالم لداره ومعاه عدي وخشو وقمعز سالم عالسرير وعدي عالكرسي اللي في الدار ,,
سالم : احكي ,,👴
عدي : احمد في ايطاليا ,وعايش حياته ولا كأنه ساير شي ,, 😒
سالم : من جابلك المعلومات هذين ,👴
عدي : خالد ,😐
سالم : تمام ,, وعلي شنو ناوي ,?👴
عدي وقف وفتح باب الدار وهو بيطلع قال : بناخد حقي ,😒
وطلع وسالم تنهد تنهيده قويه واتكا عالسرير واذكر الماضي ايام كانت عيلته وعيلة احمد أحباب واصحاب وجيران وكيف كانو يلتمو عالحلوة والمره لعند صارت مشكله فرقت العيلتين ,,
حنفهمكن ,, 😅✋
طبعا احمد بات بلقيس متجوز من بدور وجاب منها باسم وكانو فرحانين وايحبو بعض لكن اللي مايندروش عليه ان احمد كانت اتحبه بنت سالم واسمها هناء وكانت شبه يوميا عند عيلت احمد اولا لان صاحبة صابرين ومن عمر بعضهن وتانيا عشان اتشوف احمد وطبعا حتى بعد اتجوز ماطلعاتاش من بالها ,, وحاولت اتفرق بين احمد ومراته بالفتنه والكذب ,, وكل العيلتين مش عارفين شي الا صابرين اللي كانت مخطوبه لولد سالم واسمه فارس ,, وطبعا فارس ماكنش يحبها ولا يبيها ,,
المهم ,,, في ليله خططت هناء انها بتحط احمد في الأمر الواقع لان الغيرة وحبها الأناني عموها وتجبره يتجوزها وطبعا استغلت يوم بدور عند هلها واحمد عند امه وسبقاته لسور حوش هله وهو طالع وقفت قدامه ,,
هناء: كيف حالك احمد ?😍
احمد بأستغراب : اهلين هناء ,, فيش اديري هنا وفي الليل ?😕
هناء بتجعوين : خايفه ,, كنت عند صابرين ونا طالعه شفت الليل ليل ,, معش اقدرت نروح بروحي ,😟
احمد : ساهله ,, امشي قدامي وحنوصلك ,😐
هناء قربت من احمد ومسكت في يده. احمد انا ... انا نبي انقولك .....😍
احمد عصب وكر يده منها وقال : هنا قدامي عالحوش ,😡
هناء : احمد انا انحبك ,😍
احمد : زي خووووك ,, لأني نحب زوجتي ,😡
هناء : بس انا نحبك ومن نا صغيره ومن قبل ماتشوف مراتك ,😔
احمد : هناء عيب الكلام هضا واطلعي قدامي بيش تمشي تروحي ,😠
هناء : ونا مش حنروح نين اتقولي انك بتوافق وتتجوزني ,😬
احمد : هناء انتي مش طبيعيه ,, واليوم بالذات ,, حنمشي انكلم صابرين تمشي تونسك ,😒
وجا بيلف ايخش لحوش امه طبعا الكلام هضا في سور هله والدنيا ليل ,, وهنا اتجيه تجري وتحضنه واحمد من الصدمه 😨 دفها ,, وقفت هنا وشافتلا بقهر وقالت : احمد معقوله ادفني ,,😢💔
احمد : ونضربك اذا قللتي ادبك ,, امشي اطلعي لحوشكم ,😠
وسمعو حد بيطلع من حوش عيلت احمد وهنا تخطر عليها فكرة شيطانيه وبدت اتشرط في دبشها ونتشت شعرها وعزقت روحها علي احمد واحمد مستك ومصدوم 😨 من الشي اللي دارته وماقدرش يصرف الا علي طلعت امه مريم وام هناء وفارس ولد سالم مروحين منهم وهناء دارت اطروح اللي يبغددن😤 ياشرينتي حاولت يعتدي عليا طبعا احمد حاول ايدافع علي روحه بس فارس ماعاطاش لأحمد فرصه وبدو يضاربو👊 والصبايا ايتعايطن 😭وكبرت القصه والعيلة كلها فهمت ان احمد حاول يعتدي علي هناء وقررو انهن يلمو الموضوع عشان الفضايح وطبعا خوت هنا اثنين فارس وطارق ,, ضربوها قبل اقتلوها وهي علي كبدها زي العسل المهم بتاخذ احمد ,, واحمد يحلف ويقسم لأهله انه مظلوم وصابرين عارفه اللي صار ظلم في حق خوها وعارفه هناء اكويس بس اسكتت لانها ماتبيش تخسر خطيبها فارس خو هناء ,, وقرر بات احمد انه يجوز هنا وبدور علمت وانهارت وتبكي وقعدت عند هلها,, وزادن فرص هناء انها بتملك احمد بروحها ,,,
المهم,, في يوم الخطوبه احمد متضايق وهنا بطير من الفرحه وبدور منهاره عند هلها ,,, ولبسو عمتكن هنا الدبله والجو مازال متكرهب بين العيلتين اما العزايز فرحانات بيطيرن ,, حبيبات من قبل بابال تناسبن ,,😒 وطارق متضايق وجا تلفون من واحد ايقولا ان فرحكم حيقلب عزا ,, معش عرف من اللي اتصل بيه برقم غريب وحاول يتصل بالرقم القيه مقفل ,, فخمم انه احمد لانهم عارفين انه مش موافق علي الزواج وفي نظرهم احمد خان الجيره والصحبه ,,
ويوم العرس والزفه واحمد مازال عند الحلاق طلع في سيارته ومشا بروحه وخوه اشرف لاحظ اغيابه ,,
وعند المزين عمتكن هنا فرحانه ويرن فونها خذاته وتباعدت عن الدوشه ,
المتصل : بتتجوزي ياخاينه وتسيبيني ,😠
هناء : انا ماوعدتكش بشي ,, وبعدين من الاول قلتها لكي انا نحب احمد ونبيه ,😒
المتصل : اها قلتيلي بتحبيه ?! تم ,,, مش حطقي لا فيه ولا حتى في القاعه ياحلوة ونا ********* ماينضحكش عليا ,😠
هناء بغرور : اعلا مافي خيلك اركبه ,, مايهمنيش الا حبيبي احمد وبس ,, تشاو ,😏
وسكرت عليه وهي ترجف وخايفه بس ماعدلتش ,, وكملت وطلعت بتركب في السياره جايها خوها طارق واركبت وطلعت السياره وكانت وحدها وطارق قارن الحواجب وفي لحظه اتجيه سياره عاليه وفيها اثنين ملثمين ومعاهم سلاح واللي جنب السواق جا في جيهت طارق وقالا : هضا سلام من احمد العريس ,
و🔫رششششششسششششششششسشس 🔫
رشو السياره وانقلبت السياره وراحت سيارة الملثمين والناس اللي شافت الحادثه سارعو بسرعه اتصلو بالأسعاف وجت الاسعاف طلعو طارق وحطوه عالبريلا بين الحياة والموت اما هناء كانت مليانه دم والفيلو تحول لونه احمر من كثر الدم ,, وحاصله في السياره
واشوي ويسمعو صوت فتيل بيولع تباعدو رجال الأسعاف والسياره بوووووووم ,,, ولعت فيها النار وانحرقت هناء في يوم عرسها وانقلب العرس لنكد وحزن وطبعا وصلو بيه للمستشفى وهو ايطلع في الروح قال لخوه فارس ,,
طارق : ااا هه اسمعني يافارس ,, ا اللي دز. ال ..ال.. اللي رشونا .... اا احم ... احمد ولد اسماعيل ,,قووو
..قوولها .....
ومات وخوه فارس انهار علي خوه وبكا عليه وخبر هله باللي قاله طارق وعلمت عيلت احمد والشايب اسماعيل ناض قلبه عليه وجا طايح عليهم وقعد يوم .في العنايه ومات واحمد اختفى ومعش عرفولا طريق الا بعد سنتين اتصل بهله وقاللهم انه يوم عرسه هرب ببدور وولده وسافر برا ليبيا وخبروه باللي صار وان عيلت سالم ادور فيه بتقتله , وقعد في ايطاليا ,, هو ماخططش انه يقعد ديما فكر انه يهرب وياخذ مراته وولده وايفوت العرس اللي جبروه عليه بس ماصارش الا الحزن والنكد والحقد بين العيلتين ,,
&&&&&&&&&&&&&&&&&&&
عند عيلت احمد ""
بلقيس : ماما عليش بابا زعلان ?
بدور : مرايف علي هله حبيبتي ,
بلقيس: عادي خلينا نمشو نزوروهم خاطري انشوفهم ماما ,
بدور : لا حبيبتي ,, ما..نحن ..ااا
بلقيس: عليش ماما ?
بدور : لا شي مغير مانقدروش عشان عمل بابا حبيبتي ,
احمد خش عليهن وهو تعبان ومهموم ,,
بدور : اهلين ,
احمد : هلا ,
بلقيس : بابا نبي منك طلب ,
احمد : شنو هو حبيبتي ?
بدور : خلي بابا يتريح قبل بلقيس,
احمد : لاعادي ,, تعالي حبيبة بابا ,, قولي شن تبي ?
بلقيس : نبي نمشي للملاهي بابا ,😔
احمد ضحك : ههههه حاضر ياعيون بابا ,, حنشيلك نتغدا بس ونتريح ومن عيوني ,😊
بلقيس بفرحه : هيييييييي ربي ايخليك ليا ياأحلا بابا في الدنيا ,,😍
بدور 😒
احمد ضحك : هههههه امك غارت 😂
بلييس حضنت امها : معقوله الجميل يغار ,,😙
وباستها ,,
ومشا الوقت لعند جا وقت اطلوعهم وطلعو وغيرو جو في الملاهي وبلقيس زي الفراشه بيناتهم واحمد وبدور خايفين عليها ,,
وبعد كم يوم احمد خذا عيلته وبيسافر بيهم لرحله اجازة وفي الطريق اي.....................
قراءة ممتعه نعموشاتي ,,❤
