رواية #جروح_القلب
#للكاتبه_الهميل_الشارد
الحلقة 8/
وعدت دقايق تقريبا وهي راقده وفاقت علي صوت رجولي قريييب منها عالسرير وفتحت عيونها ولقت راجل حنطي وملامحه سوده ولحيته كثيفه وحواجبه مقرونات طوله وسط ومليان سمين ومبتسم ويشوفلها ,, بلقيس استكت وانفجعت 😨 منه وقمعزت وقعدت اتشوفلا بخوف ,,
بلقيس : انت من ?😲
سامي : انتي اللي من ? وشن اديري هنا ياحلوة ? 😎
بلقيس وقفت من ع السرير وقربت من باب الغرفه وقالت : اا..انا في حوش عمتو .. انت من ?😓
سامي عرف انها بنت خو مراته فقال : اااااه انتي بنت خو صابرين ? 😰
بلقيس: 😓
سامي وقف وحط ايديه في جيوب سرواله وقال : انا رتثثاجل عمتك صابرين ,, اسمي سامي وانتي شنو اسمك ? 😊
بلقيس : انا بلقيس ,
سامي : تشرفنا يابلقيس ,, انستينا في حوشنا ,, ☺
بلقيس : شكرا عمو ,😟
سامي : كنك خايفه ? ماتخافيش انا زي بابا ولا لا ?😊
بلقيس اذكرت باتها وبدن الدموع ينزلن 😢وقرب سامي منها وحط يده علي كتفها وقال : هضا حال الدنيا ,, الله غالب , انتي انسانه مؤمنه واكيدة مش حتعارضي امر الله ,, ولا لا ? 😔
بلقيس شافتلا وبعبرة قالت : البقاء والدوام لله ,, اكيد عمو الحمدلله علي كل حال 😢
واشويه تدلف عليهم عمتكن صابرين جوا الدار طبعا الباب مفتوح بس خشت بسرعه وقالت : ساااامي شن ادير انت 😒
سامي ببسمة : اه ,, لا شي مغير تعرفت علي بنوتتنا الحلوة بلقيس ,, وعزيتها علي هلها ,☺
صابرين : قتلي اتعزي فيها ,, 😒 باهي هيا نبيك في موضوع ضروري ,😒
والتفتت علي بلقيس وقالتلها : وانتي خشي للمطبخ ديري قهوة لعمك سامي ,, وماتكثريش السكر 😒
بلقيس : حاضر ,
وطلعت تعرج قدامهم وصابرين التفتت علي راجلها لقاته ايشوف لبلقيس ومبتسم قالتله : كنك سارح ? شن في ? 😒
سامي : لا شي ياعيوني ,, بس وجعتني بنت خوك باين عليها القزن ,
صابرين : اها ,, واللي يوجعه حد يقعد يضحك هكي 😒
سامي أرتبك وقرن حواجبه وقال: يووووه بدينا في نغمة كل يوم ,, صابرين مش وقتك بكل راه ,, تعبان ونبي نتريح 😤
وطلع من قدامها وهي اتشوفلا وبعد هزت راسها يمين ويسار وقالت : استغفر الله العظيم من كثر شكي فيه نين قعدت انهلوس ,,مش لهدرجة عاد سامي ونعرفه مع عيت حنة لخرات بس هذي طفلة ,, استغفر الله العظيم ,😔
وطلعت في جرته عالدار متاعم ,,
وبلقيس خشت للمطبخ لقياته مش خبر مطبخ وقعدت حايرة وادور في البكرج والقهوة والسكر يييييي ماحوتك تلايمت معاهن بحكم ماتعرفش مكانهن وطيبت قهوة وجت وقفت قدام غرفة نوم عمتها وخبطت الباب وفتح سامي القيها واقفه قال : خشي يابلقيس حطيها عالزيانه ,😊
بلقيس خشت وحطت القهوة وجت بتلف لقت سامي وراها بالضبط خافت وانفجعت وحطت يدها علي صدرها ,,
بلقيس: سوري عمو ,, فجعتني,,😰
سامي بضحكه وهو يتأمل فيها : بعيد السو عليك يالسمحه ,, ماتخافيش مني انا زي بابا باهي ? 😀
بلقيس توترت وتباعدت منه وطلعت وهي تمشي بسرعه وشعرت انه يلحق فيها بعيونه ,,ومش عارفه ليش حست بخووووف ورعشة ,,
المهم هي طلعت وخشت للدار مع عيال عمتها الصغيرين وسكرو الباب ,, وعمتها كانت في التواليت تدوش خشت لغرفتها ,
