رواية #جروح_القلب
#للكاتبه_هميلو
الحلقه 2/
عند عيلت عدي مقمعز يفطر مع جده سالم وامه فوزيه وهرز اشويه عليهم طبعا طبعه كتوم وغامض وماحد بعرف كيف ايفكر وكلامه قليل بس يفعل اكثر شي ,,
فوزيه : كمل فطورك ياعدي ,
عدي : الحمدلله شبعت , اتوصو علي شي ?
فوزيه : سلامتك ياغالي ,
وطلع ولبس نظاراته ,, وركب سيارته العاليه وشغلها ومشا ,,
سالم جد عدي بات باته : مازال متضايق ومهموم ,
فوزيه : اكيده ,
سالم : ربي يفرج ,,
ووقف وطلع حتى هو وفوزيه حاست عالحوش وبدت بطيب الغدا ,
**************************
عند عيلت احمد في ايطاليا ,,,,
مقمعزين يتفرجو عالتلفزيون ,, واشويه باسم نعس وخش لداره وبلقيس راقده علي كتر باتها وخذاها النوم وهدرز احمد وبدور اشويه,,
احمد : هذي رقدت ,
بدور : ميت مره انقوللها بعد تنعس اتخش لدارها ,
احمد : مازالت صغيره ,, بشواش عليها ,
بدور : صغيره شنو عطيها كم سنة يبدو يخطبو فيها ,
احمد : عينك بنتي نازالت صغيره ومش بالساهل نعطيها لأي حد ,,
ورفعها بين ايديه وهو مبتسم وشالها لدارها وحطها عالسرير وباس جبهتها وغطاها وطلع ,,,
وخش مع مراته لداره ورقدو ,,,
%%%%%%%%%%%%%%%%%%
عند عيلت احمد امه مريم مقمعزه اااكرسي نادت بصوت عالي : علااااا ,,, صابريييين ,, يالطرش انتن ,
خشت عليها علا وهي اتنشف في ايدبها .
علا. نعم ياامي ,
مريم : رني علي اشرف نبيه بسرعه ,
علا : حاضر ,
وطلعت ملمت خوها وفعلا بعد نص ساعه جاها وخش عليها في دارها ,,
اشرف كيف حالك ياحويجه ?
مريم : بخير ,,, بسرعه رنلي علي احمد نبيه ,
اشرف مستغرب : انشاءلله خير وعليش ?
مريم عصبت : بلاش تكثير دوه ورن قتلك ,,
اشرف: حاضر ,بس اكيده توا راقدين ,
مريم : مافيش فرق واجد بيناتنا رن قتلك ,,
اشرف : حاضر حاضر اشويه بس ,
ورن علي رقم خوه احمد ,,
واحمد فطن لفونه ايهز عالكوميدينو جنب سربره وفتح اعيونه وخذاه ولقيه خوه اشرف فطلع للصاله وفتح فونه ,
احمد : ايوه اشرف شن في ?انشاءلله خير ,
اشرف : لالا ماتخافش ,,مغير اني ابيك ضروري بس ,
وعطاها اشرف الفون وخذاته ,
احمد : الووو,,
مريم : ايوه يااحميده ,
احمد : نعم ياحاجه شخبارك ,
مريم : من ربي بخير ,
احمد : انشاءلله خير ,
مريم : نبيك اتروح انت وعيلتك وتعيش بيناتنا ,
احمد : مانتي عارفه اللي ساير ياامي ,
مريم : ريت القيت حل لك ولنا وحتقزر انعيش ببناتنا,
احمد : وشنو هو ?
مريم : توافق علي شرط عيت #### وترجع اتعيش بيناتنا وتكسبهم في صفك ومعش ايدوروك ,
احمد : لالا مستحيل ياامي ,, مانقدرش انضحي بح. من عيلتي ,, شرطهم مستحيل انوافق عليه ,
مريم : احمد ياتوافق وتروح ,, بانغضب عليك دنيا وآخره ,, نا نبيك جنبذ ونتونس ببك مانبي انعيش اكثر ماعشت ووليدك ومن عمره عامين معش شفته ,,
احمد سكت واعيونه دمعن ,
مريم : روح سلم وليدي ووافق ,
احمد : تي بلقيس مازاات طفله ياامي حرام عليك ,
مريم لا ماهيش طفله عطيها سنه اخره تقعد وليه ,هيا وافق وارجع والا انت عارف نغضب عليك وتنسى وجي راه ,
وسكرت عليه وقعدت تبكي واحمد غمتلا وتنهد بحزن وحس بيدين علي اكتوفه ورفع راسه القيها بزور واقفه وراه وعلامات الحزن علي وجهها ,, ووقفاته وخشت بيه لدارهم ,,
**************************
بعد كم يوم تناقش احمد مع مراته بدور وخافت وبدت تبكي وماقالتش لاهي ولا احمد لعيالهم اي حاجه ,, وقعدو متنكدين طبعا عيلت احمد ناس واصله وطبعهم واعر ,, وسايره بينهم وبين عايله عدي مشكله قديمه ومتهمين فيها احمد اللي حكالهم انه مظلوم بس الادله للأسف كانت ضده ,, واظطر انه يسافر مع مراته وولده باسم وكان عمره عامين بس وتغربو في ايطاليا واشتلل احمد غادي مترجم في شركه استثمار ,, وخالتهم اكويسه ,,, بس ديما حسيين بالغربه ويشتاقو للوطن وبعد كم سنة نورتهم بلقيس بنوته عسل واتهببببل ملامحها جميله والكل ايحبها وطبعا مشهوره بجمالها اللي مختلط عربي علي غربي ,,
وباقيس وباسم مايعرفوش بشي علي المشكله اللي سايره بين العيلتين اللي حتعرفو احداثها بالشوي ,,
كل اللي يعرفوه ان باتهم عنده عمل في ايطاليا وبس ,,
%%%%%%%%%%%%%%%%%
في الوطن ,, وفي فيلا عدي يكلم بالفون وقارن حواجبه وابتسامه علي جنب فمه ,,
عدي : تم تم ,,, لا منور وااااجد ,,, اكيده بابرو ,,
ههههههههه تم ,,, نتلاقو ,
وسكر وهو فرحان ونزل لجده وامه لقي امه في المطبخ وجده في الصاله االتلفزيون ,
عدي : حدي لنسافر بكره راه ,
سالم التغت عليه وقال : وبن ? وعليش ?
عدي : سفريه مهمه ,, ولازم منها ,يومين ومروح ,
فوزيه جايبه الشاهي لعمها وقالت لعدي : وين مسافر ?
عدي بنظرة نصر 😏 : مسافر ل...............
قراءة ممتعه ,,💚
