رواية #جروح_القلب
#للكاتبه_الهميل_الشارد_هميلو
الحلقه 7/
وفي يوم بلقيس اتحدد في دبش عيت عمها اشرف ,, وطبعا كانت عندهم بحكم الغندوره فاطمه مرت عمها طمعت فيها 😒 اتخلي فيها اتضملها وتمسك في عويلها اذا عندها مشوار ولا لمة ولا فرح وبلقيس ماتقدر اتقول لا ,, والا بتحصل طريحة من عمها ,, والمصيبه ان ماحد من عيلت باتها يشفق عليها ,, بالعكس حكمو عليها انها مش تمام وكانت مع عدي وقعدت سيرتها علي كل لسان في حارتهم والكل يحكو عليها انها كانت برا بعد ماتو اهلها مع عدي ,,, وهي غافله ياناري ,,,💔
المهم طلعتلكن من اللي بيصير ,,😒
هي تحدد في الدبش خشت عليها بنت عمها بنوته عمرها 5 اسنين بس منبره ,, اتقول للجن انزل ولا نرقالك 😬 وبلقيس كم مرة امحصلة في جرت عياطها وكذبها طريحة من عمها اشرف ,,😳
المهم بلقيس اتحدد وحاطه الدبش اللي حدداته عالطاوله جنبها اتجيها اللي ماتسما واسمها اروى ,, عاطها بلوه ,,😒
واتكر الدبش جاباته عالوطا بلقيس بشهقه ,,
بلقيس : هيييييي ,,, اروي !! لا .. الدبش اللي تاعبه فيه ,😓
اروى : مادخلكش ,, دبشنا هضا 😒
وقعدت اطرطش في الدبش وبلقيس في جرتها بتاخذ الدبس والكاينه تنسى الحداده عالقفطان متاع ست الحسن مرت عمها 😒 وفاحت البنة وبلقيس داهشه في جرت الفرخه اروى ,,
واتخش فاطمه اتشمشم بخشمها فاحت عليها بنت الشياط ,, واتشوف بنتها اطرطش في الدبش واتنطر عالسرير وبلقيس تجدا فيها ياروحي وتلم في الدبش وقريب تبكي ,,😢
فاطمه شافت للحداده ولاحظت الدخاخين عاد ومانحكيلكن عالأنفجار عااااد ,,😲
فاطمه : بلقيييييس ياحمااااااره واااااك قفطاني 😲
بلقيس تلفتت وهي ماسكه الدبش بين ايديها وقالت وهي حاطه يدها علي فمها وقالت : اااا...انا ... ماهو اروى... اللي ... والله مابقصدي 😨
وتقرب فاطمه منها بعد رفعت الحداده وشافت التصميم الجديد عاد في القفطان وكان جديد العطيب وياما اجدت في اشرف بيش يشريه لها ,, المهم وقفت قدام بلقيس وتعطيها كف 👋 نين بلقيس طاحت عالوطا وتبكي وخلاص ,, 😭
بلقيس : والله مابقصدي ,,بنتك خربتلي الدبش ونا نكوي وقعدت انلم في الدبش ونسيت الحداده ,, والله مابقصدي 😭
فاطمه بغل : والله انحرش فيك عمك ايربيك ياصايعه يامتاعت بلاد برا .. انتي وحده تبي ترباي هلك ماعرفو ايربوك 😡
بلقيس وجعها الكلام في هلها وقالت : هلي ربوني اكويس ولو سمحتي معش تغلطي فيهم شن دارولك هما 😢
فاطمه تمسك الحداده اللي مازالت والعه وتقرب منها واتقول : اتردي عليا يابنت بدور ? وبانلك لسان 😡
وتحطلها الحداده علي رجلها وبلقيس عيطت ودفت يد مرت عمها وطلعت تجري بتهرب بتطلع من العذاب هضا ,,, وهي فتحت باب السور وتخبط في عمها اشرف بيخش لحوشه وشافاته وبدت تررررعش والدموع عبن وجهها وقعدت توخر 😢
اشرف بقرنت حواجب : كنك ? شن في ? 😬
بلقيس : عمو ....انا ... انا ... 😢
اشرف : انتي شنو احكي ووين كنتي بتطلعي ?😬
ولحقت عليها فاطمه بعد سمعت صوت راجلها وهي حاطه يد في جنبها ويد ماسكة بيه فستانها وقالت: شفت بنت خوك شن دارت ? خربتلي قفطاني وردت عليا وجت بتضرب اروى 😬
بلقيس فتحت فمها من كلام مرت عمها اللي حرفت في الكلام ومصدومه ولفت بتحكي لعمها ومافطنت الا بيده تطبع علي خدها نين طاااحت. عالوطا وقاللها بصوت عالي وايخوف : شكله خوي احمد ماعرفش ايربي ,, لكن حنربيك ياف........ ياحيوانه ..😠
بلقيس ترجف واتشوفلا والنفس بيريح منها من الخوف : وو...و ..والله. ماصااار .. الدبش ..اروى ..😭
وقطع كلامها وكرها من شعرها وهي اتعييييط وتبكي وخش بيها في الدار وطلع جاب خيط ضي مقطوع عنده وخش عليها ومانحكيلكن عاد شن دار ,,😭😤
قعد يضرب فيها وهي اتعيط وتحلف وتجدا وتهرب منه من تركينه لتركينه واتحاول تحمي روحها بالفراشات او الوسادات ,, وهو ولا عبرها وتحلف فيه براس امه ولا عبرها وهي خلاااص جسمها علما لها كله بالضرب ,, تي هو حاقد وقلبه مليان عليها يحسابها زي ماتخيل بعد روح بيها عدي ,,, عاطه محماط ايمحمطه حتى هو 😒 ناقصه راقدة الريح هي ,,
المهم بلقيس اغمى عليها من الضرب وطلع وسكر باب الدار عليها وكله صار قدام مراته وبنته اللي تفرجت عالموقف ,,, العتب مش عليها علي راجلها اللي مفروض ايصون ويحافظ علي بنت خوه ,,😤
