#غريبه_في_المدينه
بقلم نور حيدر
ﻗﺼﻪ ﺣﻘﻴﻘﻪ ١٠٠ / ١٠٠ ﻗﺼﺔ ﻓﺘﺎﺓ ﺗﻬﺮﺏ ﻣﻦ ﺩﻳﺎﺭﻫﺎ ﺑﺴﺒﺐ ﺍﻟﺤﺮﻭﺏ ﻭﺍﻟﻤﻌﺎﻧﺎﺓ ﺍﻟﺘﻲ ﺟﺮﺕ ﻓﺘﺬﻫﺐ ﻫﻴﺎ ﻭﺃﻫﻠﻬﺎ ﺍﻟﻰ ﻣﺪﻳﻨﻪ ﺃﺧﺮﻯ ﻟﺘﻜﻮﻥ ﻏﺮﻳﺒﻪ ﻓﻴﻬﺎ ﻻ ﺗﻌﺮﻑ ﺍﻫﻠﻬﻢ ﻭﻻ ﺗﻘﺎﻟﻴﺪﻫﻢ ﺷﻴﺌﺎً ﻓﻤﺎﺍ ﻣﺼﻴﺮ ﺗﻠﻚ ﺍﻟﻔﺘﺎﺓ ﻭﻣﺎﺫﺍ ﺳﻴﺨﺒﺊ ﻟﻬﺎ ﺍﻟﻘﺪﺭ ! ؟
القصه جديده ودتنزل يوميا
ﺑﻘﻠﻢ : ﻧﻮﺭ ﺣﻴﺪﺭ ✍
ﻏﺮﺑﻪ ﻣﻦ ﺍﻧﮕﻮﻝ
ﻏﺮﺑﻪ
ﺍﺑﻜﻞ ﺣﺮﺍﺭﻩ
ﺍﺑﻜﻞ ﻗﺴﺎﻭﻩ
ﺍﻧﮕﻮﻟﻬﻪ
ﺍﺑﺤﺮﮔﺔ ﺻﺪﺭ
ﺍﻟﻌﺮﻑ
ﻣﺎ ﻫﻮﻩ ﻋﺮﻓﻨﻪ
ﺍﻟﻘﻴﻢ ﻣﺎ ﻫﻴﻪ
ﻗﻴﻤﻨﻪ
ﺍﻟﻮﻛﺖ ﻣﺎﻣﻌﺮﻭﻑ
ﺻﺒﺤﻪ
ﺍﻣﻦ ﺍﻟﻌﺼﺮ
"""""""""""
ﺻﺮﻧﻪ ﻧﺘﻨﮕﻞ
ﺑﻌﺪ ﺑﻴﻦ ﺍﻟﻄﻮﺍﻳﻒ
ﻣﻠﺔ ﻣﻠﺔ
ﻭﺩﻳﺮﻩ ﺩﻳﺮﻩ
ﺍﻭﺷﻔﻨﻪ
ﺍﺷﻜﺎﻝ ﺍﻟﺒﺸﺮ
ﺷﻔﻨﻪ ﻧﺎﺱ
ﺑﻼﻳﻪ ﺫﻣﻪ
ﺍﻭﺷﻔﻨﻪ ﻧﺎﺱ
ﺍﺑﻼﻳﻪ ﺭﺣﻤﻪ
ﺍﻭﺷﻔﻨﻪ ﻧﺎﺱ
ﺍﺩﻭﺱ ﻓﻮﮒ
ﺍﻟﻨﺎﺱ
ﺳﻮﻭﻫﻢ ﺟﺴﺮ
#بارت١
ﺑﻘﻠﻢ : ﻧﻮﺭ ﺣﻴﺪﺭ ✍
ﺍﻟﻐﺮﺑﻪ
ﺁﻫﺎﺕ ﺍﻟﺴﻨﻴﻦ
ﺍﻟﻐﺮﺑﻪ
ﺷﻮﺑﺎﺵ
ﺍﻟﺤﻨﻴﻦ
ﺍﻟﻐﺮﺑﻪ ﻗﻄﺮﺍﺕ
ﺍﻟﻨﺪﻯ
ﺇﺑﻮﻛﺖ ﺍﻟﻔﺠﺮ
ﺍﻟﻐﺮﺑﻪ
ﻋﺘﻤﻪ
ﺍﻟﻐﺮﺑﻪ ﻟﭽﻤﻪ
ﺍﻟﻐﺮﺑﻪ
ﭼﻠﻤﺎﺕ ﺍﻟﺴﻮﺍﻟﻒ
ﻟﻮ ﻳﺪﺍﻋﺒﻬﻪ
ﺍﻟﺴﻤﺮ
ﺍﻟﺴﺎﻋﻪ 4 ﺍﻟﻌﺼﺮ
ﺻﺎﻋﺪﻳﻦ ﺑﻠﻮﺭﻱ ﻭﻣﺘﺮﻭﺱ ﻧﺎﺱ ﻭﺍﺣﺪ ﻛﺎﻋﺪ ﺑﺼﻒ ﺍﻟﺜﺎﻧﻲ
ﻣﻦ ﻧﺴﻮﺍﻥ ﻭﺭﺟﺎﻝ ﻭﺍﻃﻔﺎﻝ ﻭﺷﻴﺎﺏ ﻭﻣﻦ ﺍﻟﻜﺜﺮ ﺣﺘﻰ ﻣﺎ ﻧﻜﺪﺭ ﻧﺘﺤﺮﻙ
ﺍﺩﺣﻚ ﻋﻠﻰ ﺍﻟﻮﺟﻮﻩ ﻛﻞ ﺷﺨﺺ ﺣﺎﻁ ﻋﺎﺋﻠﺘﻪ ﺑﺼﻔﻪ ﻭﺍﻟﻲ ﺣﺎﻇﻦ ﺍﺑﻨﻮ ﻭ ﺑﻮﺟﻪ ﺍﻟﺘﻌﺐ ﻭﺍﻟﻬﻤﻮﻡ ﻭﺍﻟﺤﺰﻥ
ﺩﺣﻜﺖ ﻋﻠﻰ ﺃﻣﻲ ﻣﻐﻤﻀﻪ ﻋﻴﻮﻧﻬﺎ ﻭﺑﺼﻔﻪ ﻣﺮﺕ ﺃﺧﻮﻱ
ﻭﺣﺎﻇﻨﻪ ﺑﻨﺘﻬﺎ ﺍﻟﺼﻐﻴﺮﻩ ﺍﻟﻲ ﻋﻤﺮﻫﺎ ﻣﺎﻳﺘﺠﺎﻭﺯ ﺧﻤﺲ ﺳﻨﻴﻦ
ﺩﺣﻜﺖ ﻋﻠﻰ ﺃﺧﻮﻱ ﻭﺣﺎﻁ ﺃﻳﺪﻳﻪ ﻋﻠﻰ ﻋﻴﻮﻧﻮ ﺩﺣﻜﺖ ﻋﻠﻰ ﻧﻔﺴﻲ ﻣﻼﺑﺴﻲ ﻛﻠﻬﻦ ﺗﺮﺍﺏ ﻭﺍﻟﺸﺎﻝ ﻻﺑﺴﺘﻮ ﺑﻬﻤﺎﻝ
ﻫﻮ ﺃﺣﻨﻪ ﺑﻴﺎ ﺣﺎﻝ
ﺧﻠﻴﺖ ﺭﺍﺳﻲ ﻋﻠﻰ ﻛﺘﻒ ﺃﻣﻲ ﻭﺃﻓﻜﺮ ﺷﺮﺍﺡ ﻳﻜﻮﻥ ﻣﺼﻴﺮﻧﺎ
ﻭﻭﻳﻦ ﺟﻨﻪ ﻭﻭﻳﻦ ﺻﺮﻧﻪ ﺍﻭﻭﻑ ﻳﺎﺭﺏ ﺩﺧﻴﻠﻚ ﺳﺎﻋﺪﻧﻪ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻰ ﺍﻟﻲ ﺟﺎﻧﻮ ﺍﻟﺴﺒﺐ
ﺍﺩﻣﺮﻧﺎ ﻭﺍﺗﺸﺘﻨﺎ ﻋﻦ ﺩﻳﺎﺭﻧﺎ ﻭﺍﻫﻠﻨﻪ ﻛﻞ ﻭﺍﺣﺪ ﺻﺎﺭ ﺑﺼﻔﺤﻪ
ﺟﻨﻪ ﻋﺎﻳﺸﻴﻦ ﺑﺨﻴﺮ ﻭﻧﻌﻤﻪ ﻭﻋﺪﻧﻪ ﺑﻴﺖ ﺍﻟﻨﻪ ﻣﻠﻚ..بيج قصص عراقيه حقيقيه من واقعنا.روعه الطائي..ﻫﺴﻪ ﻻ ﺍﻧﻲ ﻭﺍﻫﻠﻲ ﻭﻫﺬﻭﻝ ﺍﻟﻨﺎﺱ ﺭﺍﺡ ﻧﻌﻴﺶ ﺳﻮﻩ
ﻭﺑﻤﻮﻛﺐ ﺍﻭﻑ
ﺑﺲ ﺍﺣﺴﻦ ﻣﻦ ﻣﺎﻛﻮ ﺍﻟﺤﻤﺪﻟﻠﻪ ﺭﺑﻲ ﺩﺣﻜﺖ ﻋﻠﻰ ﺃﻣﻲ ﻭﻛﺘﻠﻬﺎ
: ﻣﺎﻣﺎ
: ﻫﺎﺍ ﻳﺎﻗﻮﺗﻪ ﺷﺒﻴﺞ
: ﻣﺎﻣﺎ ﺧﺎﻳﻔﻪ ﻣﻦ ﺍﻟﺠﺎﻱ
: ﻣﻦ ﺷﻨﻮ ﻳﺎ ﻳﻤﻪ
: ﻳﻤﻪ ﺍﺣﻨﻪ ﺣﺎﺩﺭﻳﻦ ﺑﻤﺪﻳﻨﻪ ﺛﺎﻧﻴﻪ ﻭﻣﺎﻧﻌﺮﻑ ﺷﻨﻮ ﺷﻴﺼﻴﺮ ﻭﻫﻤﻪ ﻃﺎﺋﻔﻪ ﻏﻴﺮ ﻃﺎﺋﻔﺘﻨﻪ ﻭﺧﺎﻳﻔﻪ ﻣﻨﻬﻢ ﻭﺧﺎﻑ ﻳﺬﻟﻮﻧﻪ
ﺍﺑﺘﺴﻤﺖ ﺍﻃﻤﻨﻬﺎ : ﻻ ﺗﺨﺎﻓﻴﻦ ﻳﻤﻪ ﻣﺎﻛﻮ ﺷﻲ ﺍﻥ ﺷﺎﺀﺍﻟﻠﻪ ﺍﻫﻞ ﺍﻟﺠﻨﻮﺏ ﻫﻤﻪ ﺍﻫﻞ ﺍﻟﻐﻴﺮﻩ ﻭﺑﺎﻭﻋﺘﻲ ﺷﻠﻮﻥ ﻓﺘﺤﻮ ﺑﻴﻮﺗﻬﻢ ﻭﻣﻮﺍﻛﺒﻬﻢ ﺍﻟﻨﻪ
: ﺍﻥ ﺷﺎﺀﺍﻟﻠﻪ ﻳﻤﻪ ﻣﺜﻞ ﻛﻼﻣﺞ ﻳﺼﻴﺮ
ﺭﺟﻌﺖ ﺣﻄﻴﺖ ﺭﺍﺳﻲ ﻋﻠﻰ ﺟﺘﻒ ﺍﻣﻲ ﻭﻏﻤﻀﺖ ﻋﻴﻨﻲ ﻭﺍﻓﻜﺮ ﺍﻧﻲ ﺭﺍﻳﺤﻪ ﻟﻤﺤﺎﻓﻈﻪ ﻋﺎﺩﺍﺗﻬﻢ ﺗﺨﺘﻠﻒ ﻋﻦ ﻋﺎﺩﺍﺗﻨﺎ
ﻛﻼﻣﻬﻢ ﻣﻮ ﻣﺜﻞ ﻛﻼﻣﻨﻪ ﺗﻘﺎﻟﺪﻳﻬﻢ ﻣﺎﻋﺮﻓﻪ
ﺍﻭﻑ ﺍﻧﻲ ﺷﻠﻲ ﺩﺧﻞ ﻫﺴﻪ ﻳﻌﻨﻲ ﺷﻨﻮ ﺭﺍﺡ ﺍﻋﺎﺷﺮﻫﻢ
" ﺃﺳﻤﻲ ﻳﺎﻗﻮﺕ ﻋﻤﺮﻱ 22 ﺳﻨﻪ ﻣﻦ ﺍﻻﻧﺒﺎﺭ
ﺍﺩﺭﺱ ﻛﻠﻴﻪ ﻣﺮﺣﻠﻪ ﺛﺎﻧﻴﻪ ﺑﺲ ﻣﺎﻛﻤﻠﺖ ﻷﻧﻮ ﺩﺧﻞ ﺩﺍﻋﺶ ﻋﻠﻰ ﺍﻻﻧﺒﺎﺭ ﻭﺻﺎﺭﺕ ﺍﻻﺣﺪﺍﺙ ﻭﺍﻟﻘﺘﻞ ﻭﺣﺘﻰ ﻛﻤﻨﺎ ﻧﺨﺎﻑ
ﻧﻄﻠﻊ ﻟﺸﺎﺭﻉ ﺑﻌﺪﻳﻦ ﺯﺍﺩﺕ ﺍﻻﺣﺪﺍﺙ ﻭﺍﻟﻘﺼﻒ ﻳﺰﻳﺪ
ﺃﻣﻲ ﻛﺎﻟﺖ ﻷﺧﻮﻱ ﺑﻌﺪ ﻣﺎﺍﺑﻘﻪ ﻫﻨﺎ ﻻﺯﻡ ﻧﻄﻠﻊ ﻭﻧﺨﻠﺺ
ﻭﺻﺪﻙ ﻃﻠﻌﻨﻪ ﻭﺑﺼﻌﻮﻭﺑﻪ ﺍﻟﻠﻪ ﻻ ﻳﺸﻮﻓﻨﻪ ﺫﻳﺞ ﺍﻻﻳﺎﻡ
ﺍﻟﻲ ﻋﺸﻨﺎﻫﺎ ﻣﻦ ﺧﻮﻑ ﻭﻗﻠﻖ ﻭﺩﻣﻮﻋﻨﻪ ﺍﺑﺪ ﻣﺎﻧﺸﻔﺖ
ﻭﻣﻦ ﺧﺮﺟﻨﻪ ﻣﻦ ﺍﻻﻧﺒﺎﺭ ﻫﻢ ﺗﺒﻬﺬﻟﻨﻪ ﻭﻧﺮﻳﺪ ﻣﻜﺎﻥ ﻧﻨﺎﻡ ﺑﻴﻪ ﻣﺎﻛﻮ ﺑﺲ ﻣﻦ ﻭﺻﻠﻨﻪ ﻟﻠﺠﻴﺶ ﺍﻟﻌﺮﺍﻗﻲ ﻭﺍﻟﺤﺸﺪ ﺍﻟﺸﻌﺒﻲ ﻻ ﻭﺍﻟﻠﻪ ﺍﻧﻄﻮﻧﻪ ﺍﻛﻞ ﻭﻣﺎﻱ ﻭﻣﺎﻗﺼﺮﻭ ﻭﻳﺎﻧﻪ ﺭﺑﻲ ﻳﺤﻔﻈﻬﻢ ﻟﺸﺒﺎﺑﻬﻢ
ﻭﻧﺎﺱ ﻓﺘﺤﺖ ﻣﻮﺍﻛﺒﻬﻢ ﻭﺑﻴﻮﺗﻬﻢ ﺃﻟﻨﻪ ﻭﻫﺴﻪ ﺍﺣﻨﻪ ﺑﻠﻄﺮﻳﻖ ﺭﺍﻳﺤﻴﻦ ﻟﻤﺤﺎﻓﻈﻪ ﺍﻟﻨﺎﺻﺮﻳﻪ ﻭﺯﻋﻮﻧﻪ ﻋﻠﻰ ﻣﻮﺍﻛﺐ ﻭﺣﺴﻴﻨﻴﺎﺕ ﻭﻳﻦ ﺟﻨﺖ ﻋﺎﻳﺶ ﻭﻳﻦ ﻫﺴﻪ ﺻﺮﺕ ﺑﺲ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
ﺍﻧﻲ ﺃﺑﻮﻱ ﻣﺘﻮﻓﻲ ﻗﺒﻞ ﺧﻤﺲ ﺳﻨﻴﻦ ﻭﻋﺎﻳﺸﻴﻦ ﺍﻧﻲ ﻭﺍﻣﻲ ﻭﺃﺧﺘﻲ ﺳﺪﻳﻢ ﺍﻟﻲ ﺍﺻﻐﺮ ﻣﻨﻲ ﺑﺴﻨﺘﻴﻦ..بيج قصص عراقيه حقيقيه من واقعنا.روعه الطائي
ﻭﺃﺧﻮﻱ ﺃﻣﻴﺮ ﻭﺯﻭﺟﺘﻪ ﻣﺮﺍﻡ ﻭﺑﻨﺘﻪ ﺍﻟﺼﻐﻴﺮﻩ ﺟﻨﻰ
ﺍﻧﻲ ﻣﻮﺍﺻﻔﺎﺗﻲ ﺑﻴﻀﻪ ﻭﻋﻴﻮﻧﻲ ﻛﺒﺎﺭ ﻭﺭﻣﻮﺷﻲ ﻃﻮﺍﻝ ﻭﺳﻮﺩ
ﻭﻟﻮﻥ ﻋﻴﻮﻧﻲ ﺑﻨﻲ ﻏﺎﻣﻖ ﺷﻔﺎﻳﻔﻲ ﺻﻐﺎﺭ ﻛﻠﺶ ﻭﻋﻨﺪﻱ ﺷﺎﻣﻪ ﺟﻮﻩ ﺍﻟﺸﻔﻪ ﻭﺷﻌﺮﻱ ﻣﺎﻳﻞ ﻟﺸﻜﺎﺭ
ﻃﻮﻟﻲ ﻣﺘﻮﺳﻂ ﻳﻌﻨﻲ ﻻﻗﺼﻴﺮ ﻭﻻ ﻃﻮﻳﻠﻪ ﺟﺴﻤﻲ ﻣﺘﺮﻭﺱ ﺑﺲ ﻣﺮﺗﺐ "
ﺻﺤﻴﺖ ﻣﻦ ﺻﻔﻨﺘﻲ ﻋﻠﻰ ﺻﻮﺕ ﺟﻨﻰ ﺑﻨﺖ ﺍﺧﻮﻱ ﺍﺗﻜﻞ ﻷﺧﻮﻱ
: ﺑﺎﺑﺎ ﺟﻮﻋﺎﻧﻪ
: ﻣﻴﺨﺎﻟﻒ ﺑﺎﺑﺎ ﻣﻦ ﻧﻮﺻﻞ ﺍﺟﻴﺒﻠﺞ ﺍﻛﻞ
ﺳﻜﺘﺖ ﻫﻴﺎ ﺑﻬﺬﺍ ﺍﻟﻜﻼﻡ ﻭﺣﻄﺖ ﺭﺍﺳﻬﺎ ﻋﻠﻰ ﺣﻈﻦ ﺃﻣﻴﺮ
ﺍﺑﺘﺴﻤﺖ ﺑﺄﻟﻢ ﺩﺣﻜﺖ ﻋﻠﻰ ﺳﺪﻳﻢ ﺍﻟﻲ ﺗﺒﺎﻭﻉ ﺑﻔﺮﺍﻍ ﻭﻋﻴﻮﻧﻪ ﻣﺪﻣﻌﻪ
: ﺳﺪﻳﻢ ﺷﺒﻴﺞ
: ﺧﺎﻳﻔﻪ ﻳﺎﻗﻮﺕ ﻟﻴﺶ ﻫﻴﺞ ﺻﺎﺭﻟﻨﻪ
: ﻻ ﺗﺨﺎﻓﻴﻦ ﺣﺒﻴﺒﻪ ﻣﺎﻛﻮ ﺷﻲ ﺍﻥ ﺷﺎﺀﺍﻟﻠﻪ
ﺑﺎﻭﻋﺘﻠﻪ : ﻳﺎﻗﻮﺕ ﺧﺎﻑ ﻧﻨﺬﻝ
: ﻻ ﺍﻥ ﺷﺎﺀﺍﻟﻠﻪ ﻣﺎﻛﻮ ﻣﺬﻟﻪ ﻣﺎﺳﻤﻌﺘﻲ ﺃﻣﻲ ﺍﻟﻲ ﻛﺎﻟﺘﻪ
ﻫﺰﺕ ﺭﺍﺳﻪ : ﺍﻱ ﺳﻤﻌﺖ
: ﻋﺠﻞ ﻟﻴﺶ ﺗﺒﺠﻴﻦ ﺍﻃﻤﺌﻨﻲ ﺣﺒﻲ
ﺳﻜﺘﺖ ﻭﺍﻧﻲ ﻫﻢ ﺳﻜﺘﺖ ﻭﺣﻄﻴﺖ ﺭﺍﺳﻲ ﺑﻜﺘﻒ ﺍﻣﻲ ﻭﻏﻤﻀﺖ ﻋﻴﻨﻲ ﻭﻛﻌﺪﺕ ﻋﻠﻰ ﺻﻮﺕ ﺳﺪﻳﻢ ﺗﻨﺪﻫﻨﻲ
: ﻳﻮﻝ ﻳﺎﻗﻮﺗﻪ ﺍﻛﻌﺪﻱ
ﻛﻌﺪﺕ ﻭﺑﺎﻭﻋﺘﻠﻪ ﻋﺪﻟﺖ ﻧﻔﺴﻲ ﻭﻛﻠﺖ : ﻫﺎ ﺷﺒﻴﺞ
: ﻛﻌﺪﻱ ﻋﻴﻨﻲ ﻭﺻﻠﻨﻪ ﻭﺑﺎﻋﻲ ﺍﻟﻨﺎﺱ ﻧﺰﻟﺖ ﻳﺎﻟﻪ ﻧﻨﺰﻝ ﺍﺣﻨﻪ ﻫﻢ
ﻛﻤﺖ ﻣﻦ ﻣﻜﺎﻧﻲ ﻭﻋﺪﻟﺖ ﺍﻟﺤﺠﺎﺏ ﺍﻟﻲ ﻻﺑﺴﺘﻪ ﺭﻓﻌﺖ ﺭﺍﺳﻲ ﻭﺩﺣﻜﺖ ﺯﻟﻢ ﺷﻴﺎﺏ ﻭﺷﺒﺎﺏ ﻣﻌﻜﻠﻴﻦ ﻭﺑﻴﻬﻢ ﻻ ﻳﺮﺣﺒﻮﻥ ﺑﻠﻨﺎﺱ
ﻧﺰﻝ ﺃﺧﻮﻱ ﻭﺳﺎﻋﺪ ﺃﻣﻲ ﺑﻠﻨﺰﻭﻝ ﻻﻥ ﻋﺎﻟﻴﻪ ﺍﻟﺴﻴﺎﺭﻩ ﻭﺍﺧﺬﺕ ﺑﻨﺘﻪ ﻣﻦ ﻣﺮﺗﻮ ﻭﻧﺰﻟﺖ ﺳﺪﻳﻢ
ﺩﺣﻜﺖ ﻳﻌﻨﻲ ﺍﻧﻲ ﺑﻘﻴﺖ ﺍﺧﻴﺮ ﺷﺨﺺ ﺭﺩﺕ ﺍﻧﺰﻝ ﺑﺲ ﻣﺎﻛﺪﺭ ﻻﻥ ﻋﺎﻟﻴﻪ ﺩﺣﻜﺖ ﻋﻠﻰ ﺃﺧﻮﻱ ﺷﻔﺖ ﻣﺨﺒﻮﺹ ﺑﻨﺘﻪ
ﺗﺒﺠﻲ
ﺳﻤﻴﺖ ﺑﺎﻟﻠﻪ ﻭﻃﻔﺮﺕ ﻧﺰﻟﺖ ﻭﻋﺜﺮﺕ ﺭﺩﺕ ﺍﻭﻛﻊ ﺑﺲ ﻛﻀﺒﺖ ﺃﻳﺪ ﺳﺪﻳﻢ
ﺳﻤﻌﺖ ﺻﻮﺕ ﺷﺨﺺ ﻳﻜﻠﻲ
: ﺍﻟﻠﻪ ﺍﻟﻠﻪ ﺍﻧﺘﺒﻬﻲ ﺑﻮﻳﻪ ﻻ ﺗﻮﻛﻌﻴﻦ
ﺭﻓﻌﺖ ﺭﺍﺳﻲ ﻟﺸﺨﺺ ﺻﺎﺭﺕ ﻋﻴﻨﻲ ﺑﻌﻴﻨﻪ ﺍﻧﺘﺒﻬﺖ ﻋﻠﻴﻪ ﻳﺪﺣﻜﻠﻲ ﺑﻨﻈﺮﺍﺕ ﻭﺭﺍﻓﻊ ﺣﺎﺟﺒﻪ ﺍﻧﺘﺒﻬﺖ ﻋﻠﻰ ﻋﻴﻮﻧﻪ
ﻟﻮﻧﻬﻦ ﺧﻀﺮ ﻭﺣﺎﺩﺍﺕ
ﺣﺴﻴﺖ ﺍﺣﺪ ﻛﻀﺐ ﺃﻳﺪﻱ ﺩﺣﻜﺖ ﻫﻲ ﺳﺪﻳﻢ ﺧﺰﺭﺗﻨﻲ
ﻭﻫﻤﺴﺖ ﻳﻢ ﺍﺫﻧﻲ : ﻳﻮﻝ ﺍﻛﻠﺘﻲ ﺍﻟﻮﻟﺪ ﺑﻌﻴﻮﻧﺞ ﺧﻞ ﻧﻤﺸﻲ ﻳﺎﻟﻠﻪ
ﺍﺗﻔﺸﻠﺖ ﺃﻧﻲ ﻭﺩﻧﻜﺖ ﺭﺍﺳﻲ ﻭﻣﺸﻴﺖ ﻭﺭﻩ ﺳﺪﻳﻢ
ﻭﻗﻔﺖ ﻭﺩﺣﻜﺖ ﻭﻳﻦ ﺍﻋﺒﺮ ﺯﻟﻢ ﻫﻮﺍﻱ
: ﺳﺪﻳﻢ ﻭﻳﻦ ﻧﻌﺒﺮ ﻣﻨﻴﻦ
: ﻣﺎﻋﺮﻑ ﻭﺍﻟﻠﻪ ﻛﻠﻪ ﻣﻦ ﻭﺭﺍﺝ ﻋﻔﻨﻪ ﺍﻣﻲ ﻭﺗﻴﻬﻨﻪ ﻫﺴﻪ
ﺳﻜﺘﺖ ﻭﺍﺳﻤﻊ ﺻﻮﺕ ﺍﺧﻮﻱ ﺍﻣﻴﺮ ﺍﺟﻪ ﻋﻠﻴﻪ ﻭﻋﺼﺒﻲ ﻇﻞ ﻳﺰﻛﺢ ﻋﻠﻴﻨﻪ : ﻭﻳﻦ ﻭﻟﻴﺘﻦ ﻫﺎﺍ ﻟﻴﺶ ﻣﺎﺭﺣﺘﻦ ﻭﺭﻩ ﺍﻣﻲ
ﻛﺘﻠﻪ : ﻣﻮ ﻣﻦ ﻧﺰﻟﺖ ﻋﺜﺮﺕ ﻭﻣﺸﻴﻨﻪ ﻭﺗﻴﻬﻨﻪ ﺍﻣﻲ
: ﻣﺎﻝ ﺛﻮﻝ ﻭﺍﻟﻠﻪ ﺭﻭﺣﻦ ﺣﺪﺭﻥ ﻣﻦ ﻫﻴﻦ ﻭﺗﻠﻜﻨﻪ ﻣﻮﺟﻮﺩﻩ ﻫﻴﺎ ﻭﻣﺮﺍﻡ ﻭﺟﻨﻰ...بيج قصص عراقيه حقيقيه من واقعنا.روعه الطائي
ﻫﺰﻳﺖ ﺭﺍﺳﻲ ﻭﻣﺸﻴﻨﻪ ﺍﻧﻲ ﻭﺳﺪﻳﻢ ﻭﻣﻦ ﻭﺻﻠﻨﻪ ﺩﺣﻜﺖ ﺍﻣﻲ ﻭﺍﻛﻔﻪ ﻫﻴﺎ ﻭﻣﺮﺍﻡ ﻭﺑﻨﺘﻪ ﻣﻨﺘﻈﺮﻳﻨﻪ ﺭﺣﻨﻪ ﺗﻘﺪﻣﻨﻪ ﻋﻠﻴﻬﻦ ﺩﺣﻜﺖ ﻋﻠﻴﻨﻪ ﺃﻣﻲ
: ﻭﻳﻦ ﺟﻨﺘﻦ ﻳﻮﻝ
ﺳﺪﻳﻢ : ﻳﺎﻗﻮﺕ ﻫﺎﻧﻢ ﻋﺜﺮﺕ ﻭﻇﻠﻴﺖ ﻳﻤﻪ ﻭﻣﻦ ﻣﺸﻴﻨﻪ ﺗﻴﻬﻨﻪ ﻭﺍﺟﺎﻧﻪ ﺍﻣﻴﺮ ﻭﺩﻻﻧﻪ ﻋﻠﻴﺠﻦ
: ﻳﻤﻪ ﻟﺨﺎﻃﺮ ﺍﻟﻠﻪ ﻻ ﺗﻌﻮﻓﻨﻲ ﻭﺣﺪﻱ ﻭﺗﺨﻠﻦ ﻛﻠﺒﻲ ﻣﺸﻠﻮﻉ ﺗﺮﻯ ﻣﻨﺎﻗﺼﻪ ﻋﺬﺍﺏ ﻭﻫﻢ
ﻛﺘﻠﻪ : ﺍﻥ ﺷﺎﺀﺍﻟﻠﻪ ﻣﺎﻣﺎ ﻻ ﺗﺨﺎﻓﻦ
ﺑﻘﻴﻨﻪ ﺑﻤﻜﺎﻧﻪ ﻭﺍﻛﻔﻴﻦ ﻭﺍﺩﺣﻚ ﻋﻠﻰ ﻧﺎﺱ ﺗﺪﺧﻞ ﻟﻠﻤﻮﻛﺐ ﺍﺻﺤﺎﺑﻪ ﻳﺪﺧﻠﻮﻫﻢ ﻭﻳﺮﺣﺒﻮﻥ ﺑﻴﻨﻪ ﺣﺴﻴﺖ ﺷﻮﻱ ﺑﺮﺍﺣﻪ ﺍﺗﺠﺎﻫﻦ ﺍﻣﺒﻴﻨﻴﻦ ﺧﻮﺵ ﻧﺎﺱ ﻃﻴﺒﻴﻦ ﻭﺍﻧﺘﺒﻬﺖ ﻋﻠﻰ ﺷﺨﺺ
ﺳﺎﻋﺪ ﻣﺮﻩ ﻋﺠﻮﺯ ﺟﺎﻧﺖ ﻭﻳﺎﻧﻪ ﺻﺎﻋﺪﻩ ﻣﺎﺗﻜﺪﺭ ﺗﻤﺸﻲ
ﻫﻮ ﺍﻧﺘﺒﻬﺖ ﻋﻠﻴﻪ ﻇﻞ ﻳﺴﺎﻋﺪﻩ ﺑﻠﻤﺸﻲ ﻟﺤﺪ ﻣﺎﻛﻌﺪﺕ ﺑﻜﺮﺳﻲ ﺍﺑﺘﺴﻤﺖ ﻋﻠﻰ ﻫﻴﺞ ﻣﻮﻗﻒ ﺑﺲ ﻓﺰﻳﺖ ﻣﻦ ﺳﻤﻌﺖ ﺻﻮﺕ ﺷﺨﺺ
ﺭﻓﻌﺖ ﺭﺍﺳﻲ ﺷﻔﺘﻮ ﻧﻔﺴﻪ ﺍﻟﻲ ﺣﺎﺟﺎﻧﻲ ﻣﺴﺎﻉ ﺩﺣﻜﺖ ﻋﻠﻴﻪ
ﺍﺷﻮﻓﻪ ﺑﺲ ﻫﻮ ﻳﺴﻮﻟﻒ ﻭﻱ ﺍﻣﻲ ﻭﻣﺎﻣﻨﺘﺒﻪ
: ﺧﺎﻟﻪ ﻟﻴﺶ ﻛﺎﻋﺪﻩ ﻫﻨﺎ ﻣﺎﺩﺧﻠﻴﻦ ﺟﻮﻩ
: ﻭﺍﻟﻠﻪ ﻳﺎﺧﺎﻟﻪ ﻣﺎﻋﺮﻑ ﻭﻳﻦ ﺍﺭﻭﺡ ﻫﻴﻦ ﻭﻣﻨﺘﻈﺮﻩ ﺍﺑﻨﻲ ﻳﺠﻲ
: ﺧﺎﻟﻪ ﺍﻟﺰﻟﻢ ﺩﺧﻠﺖ ﺟﻮﻩ ﻭﻳﻤﻜﻦ ﺍﺑﻨﺞ ﺣﺴﺒﺎﻟﻪ ﺍﻧﺘﻦ ﺩﺧﻠﺘﻦ ﺟﻮﻩ ﻓﺎ ﻣﺎﺍﺟﺎ
ﺷﻮﻓﻲ ﺧﺎﻟﻪ ﺍﺩﺧﻠﻲ ﻣﻦ ﻫﺬﺍ ﺍﻟﺒﺎﺏ ﻭﺭﺍﺡ ﺗﻠﻜﻴﻦ ﺍﻟﻨﺴﻮﺍﻥ ﻛﻠﻬﻦ ﻛﺎﻋﺪﺍﺕ ﻻﻥ ﻣﺎﻳﺼﻴﺮ ﺗﺒﻘﻦ ﺑﺮﻩ
: ﺍﻥ ﺷﺎﺀﺍﻟﻠﻪ ﻣﺸﻜﻮﺭ ﺗﻌﺒﻨﺎﻛﻢ ﻭﻳﺎﻧﻪ
: ﻭﻟﻮ ﺧﺎﻟﻪ ﻣﺎﻛﻮ ﺩﺍﻋﻲ ﺗﺸﻜﺮﻳﻨﻪ ﻭﻣﺎﻛﻮ ﻛﻞ ﺗﻌﺐ ﺑﻠﻌﻜﺲ ﺭﺍﺣﻪ ﻭﺍﻧﺘﻮ ﺍﻫﻠﻨﻪ ﻭﺍﻧﺘﻮ ﺍﻟﺪﺍﺧﻠﻴﻦ ﻭﺍﺣﻨﻪ ﺍﻟﻄﺎﻟﻌﻴﻦ
: ﺭﺑﻲ ﻳﺴﻠﻤﻚ ﻳﺒﻨﻲ ﻭﻳﺤﻔﻈﻚ ﻟﺸﺒﺎﺑﻚ
: ﻳﻄﻮﻝ ﺑﻌﻤﺮﺝ ﻳﺎﺭﺏ
ﺭﺍﺡ ﻫﻮ ﻭﺍﺧﺬﺕ ﺍﻣﻲ ﻛﻀﺒﺘﻪ ﻣﻦ ﺍﻳﺪﻫﺎ ﺣﺘﻰ ﺍﺳﺎﻋﺪﻫﺎ ﺑﻠﻤﺸﻲ ﻭﺍﻟﺒﻨﺎﺕ ﻭﺭﺍﻱ ﻭﺩﺧﻠﻨﻪ ﺟﻮﻩ ﻟﻠﻤﻮﻛﺐ ﺩﺣﻜﺖ ﺍﻟﻨﺴﻮﺍﻥ ﻛﺎﻋﺪﺍﺕ ﻳﻤﻜﻦ ﺻﺎﺭﺕ ﺻﻔﺤﻪ ﻟﺰﻟﻢ ﻭﺻﻔﺤﻪ ﻟﻨﺴﻮﺍﻥ
ﻛﻌﺪﺕ ﻭﺣﺲ ﻧﻔﺴﻲ ﻣﻜﺴﺮﻩ ﻣﻦ ﻛﻌﺪﻩ ﻭﻃﻮﻝ ﺍﻟﻄﺮﻳﻖ ﻭﺗﻌﺐ ﺻﺎﺭ ﺍﻟﻤﻐﺮﺏ ﻭﺍﺫﻥ ﺍﻻﺫﺍﻥ ﻛﻤﻨﻪ ﻭﺗﻌﻮﺫﻧﻪ ﻣﻦ ﺍﻟﺸﻴﻄﺎﻥ ﺭﺣﻨﻪ ﻟﻠﺤﻤﺎﻣﺎﺕ( ﺗﻜﺮﻣﻮﻥ ) ﻗﺮﻳﺒﻪ ﻣﻦ ﻏﺮﻓﺔ ﺍﻟﻨﺴﻮﺍﻥ ﺍﺗﻮﺿﻴﺖ ﻭﺍﺟﻴﺖ ﺻﻠﻴﺖ ﻭﺧﻠﺼﺖ
ﻭﺷﻮﻱ ﻭﺍﺳﻤﻊ ﺻﻴﺎﺡ ﺍﻟﺰﻟﻢ
ﺍﻧﺘﺒﻬﺖ ﺣﻄﻮ ﻋﺸﻪ ﻳﻢ ﺍﻟﺒﺎﺏ ﻣﺎﻳﻜﺪﺭﻭﻥ ﻳﺪﺧﻠﻮﻥ ﻭﺻﻮﺕ ﺯﻟﻤﻪ ﻛﺎﻝ : ﻳﺎﺑﻪ ﻫﺬﺍ ﻋﺸﻪ ﺍﻟﻜﻢ ﺗﻌﺎﻟﻮ ﻧﻜﻠﻮﻭﻩ
ﻃﻠﻌﺖ ﺍﻧﻲ ﻭﺷﻜﻢ ﺑﻨﻴﻪ ﻭﺍﺧﺬﻧﻪ ﺍﻻﻛﻞ ﻭﻣﻮﺟﻮﺩﻩ ﺳﻔﺮﻩ ﻓﺮﺷﻨﺎﻩ ﻭﺣﻄﻴﻨﻪ ﺍﻻﻛﻞ ﻭﺟﺎﻳﺒﻴﻦ ﺍﻛﻞ ﺟﺜﻴﺮ ﺗﻤﻦ ﻭﻣﺮﻙ ﻭﺩﺟﺎﺝ ﻭﺧﺒﺰ
ﺍﻟﺠﻬﺎﻝ ﺧﻄﻴﻪ ﺭﻛﻀﺖ ﻻﻥ ﺟﻮﻋﺎﻧﻪ ﻳﻮﻡ ﻛﺎﻣﻞ ﺑﺪﻭﻥ ﺍﻛﻞ
ﺭﺣﺖ ﺍﻧﻲ ﺷﺒﻜﺖ ﺟﻨﻰ ﻭﻛﻤﺖ ﺍﻭﻛﻞ ﺑﻴﻪ
ﻭﺍﻛﻠﺖ ﺍﻧﻲ ﺷﻮﻱ ﺻﺢ ﺍﻭﻝ ﺷﻲ ﺟﻨﺖ ﺟﻮﻋﺎﻧﻪ ﺑﺲ ﻣﻦ ﺻﺎﺭ ﺍﻻﻛﻞ ﻛﺒﺎﻟﻲ ﻧﺴﺪﺕ ﺷﺎﻫﻴﺘﻲ ﻭﺍﻛﻠﺖ ﻗﻠﻴﻞ
ﻛﻤﺖ ﻣﻦ ﻣﻜﺎﻧﻲ ﻭﻛﻌﺪﺕ ﺑﺰﺍﻭﻳﻪ ﻭﺣﺪﻱ ﻭﺍﻓﻜﺮ ﺗﻌﺒﺎﻧﻪ
ﺩﺍﻋﺶ ﺳﻠﺒﺖ ﻓﺮﺣﻨﻪ ﻭﺭﺍﺣﺘﻨﻪ ﺧﻠﺘﻨﻪ ﻧﻌﻴﺶ ﺑﺨﻮﻑ ﻭﻧﻜﻮﻝ ﻫﺴﻪ ﺭﺍﺡ ﻳﺠﻔﺘﻮﻥ ﻋﻠﻴﻨﻪ ﻭﻳﺎﺧﺬﻭﻥ ﺷﺨﺺ ﻣﻦ ﻳﻤﻨﻪ ﻟﻮ ﺍﺫﺍ ﻃﻠﻊ ﺍﻣﻴﺮ ﺃﻣﻲ ﺗﻈﻞ ﺗﺒﺠﻲ ﺍﺗﻜﻮﻝ ﺍﺧﺬﻭﻩ ﺑﻌﺪ ﻣﺎﻳﺮﺩﻭﻩ
ﻭﺍﺣﻨﻪ ﻧﻈﻞ ﺧﺎﻳﻔﻴﻦ ﻳﻤﻜﻦ ﺻﺪﻙ ﻭﻣﺎﻧﺮﺗﺎﺡ ﺍﻻ ﺍﺫﺍ ﻫﻮ ﻳﺠﻲ
ﺣﺴﻴﺖ ﺍﺣﺪ ﻛﻌﺪ ﺑﺼﻔﻲ ﺩﺣﻜﺖ ﺟﺎﻥ ﺗﻄﻠﻊ ﺳﺪﻳﻢ
ﻛﺎﻟﺖ : ﻫﺎ ﻳﻮﻝ ﺷﺒﻴﺞ
: ﺍﻭﻭﻑ ﻳﺎﺳﺪﻳﻢ ﻳﻤﺘﻪ ﻧﺨﻠﺺ ﻭﻧﺮﺟﻊ ﻟﺪﻳﺎﺭﻧﺎ
: ﻛﻮﻟﻲ ﻳﺎﻟﻠﻪ ﺍﻟﻴﻮﻡ ﻳﺎﻟﻪ ﺍﺟﻴﻨﻪ
: ﺍﻱ ﺍﻋﺮﻑ ﺑﺲ ﺍﺷﺘﺎﻗﻴﺖ ﻟﺪﻳﺮﺗﻨﺎ ﻭﻟﺒﻴﺘﻨﻪ ﻭﺍﺷﺘﺎﻗﻴﺖ ﻟﺤﻮﺷﻨﻪ ﺍﻟﺼﻐﻴﺮ ﻧﻜﻌﺪ ﺑﻴﻪ ﺍﻟﻌﺼﺮﻳﻪ ﺍﻟﻲ ﻣﺎﻳﺨﺎﻓﻮﻥ ﺍﻟﻠﻪ ﺩﻣﺮﻭﻫﺎ
ﺳﺪﻳﻢ ﺑﺤﺰﻥ : ﺗﻔﺮﺝ ﺍﻥ ﺷﺎﺀﺍﻟﻠﻪ ﺑﺲ ﻛﻮﻟﻲ ﻳﺎﻟﻠﻪ
ﺍﻟﻠﻪ ﻳﺎﺧﺬ ﺣﻘﻨﻪ
ﻳﺎﻗﻮﺕ ﺑﺤﺰﻥ : ﻳﺎﺭﺏ ﺗﺮﻯ ﺧﻠﺺ ﺻﺒﺮﻧﻪ ﻭﺗﻌﺒﻨﻪ
ﺳﺪﻳﻢ : ﻋﺠﻞ ﻳﺎﺍﺧﺘﻲ ﺷﺘﻜﻮﻟﻴﻦ ﺍﻟﻲ ﻓﻘﺪﻭﻭ ﻭﻟﺪﻫﻢ
ﻭﺍﻟﻲ ﺭﺍﺣﻮ ﺟﺜﻴﺮ ﻣﻦ ﻭﻟﺪﻩ ﺍﺣﻨﻪ ﺍﻟﺤﻤﺪﻟﻠﻪ ﻣﻦ ﻃﻠﻌﻨﻪ ﻭﺗﻼﺣﻜﻨﻪ ﻋﻠﻰ ﺍﺭﻭﺣﺘﻨﺎ
: ﺍﻱ ﺍﻟﺤﻤﺪﻟﻠﻪ ﻳﺎﺭﺏ ﻭﺍﻟﻠﻪ ﻳﺼﺒﺮ ﺍﻟﻨﺎﺱ
ﺳﺪﻳﻢ : ﺍﻣﻴﻦ ﻳﺎﺭﺏ .. ﻳﺎﻟﻪ ﺗﻌﺎﻟﻲ ﺍﻣﻲ ﺗﺮﻳﺪﻧﻪ ﺗﻜﻮﻝ ﺧﻞ ﻳﺠﻦ ﻳﻤﻲ
: ﻣﺎﺷﻲ ﻳﺎﻟﻪ
ﻛﻤﺖ ﻣﻦ ﻣﻜﺎﻧﻲ ﻭﻛﺎﻣﺖ ﺳﺮﺍﺏ ﻭﻳﺎﻱ ﻭﺭﺣﻨﻪ ﻛﻌﺪﻧﻪ ﺟﻨﺐ ﺍﻣﻲ ﻭﻣﺮﺍﻡ ﺍﺗﻨﻮﻡ ﺑﻨﺘﻬﺎ ﻇﻠﻴﻨﻪ ﻳﻤﻪ ﻧﺴﻮﻟﻒ
ﺻﺎﺭﺕ ﺍﻟﺴﺎﻋﻪ ﺏ 9:30 ﺑﻠﻴﻞ
ﺑﻌﺪﻧﻪ ﻛﺎﻋﺪﻳﻦ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ ﻛﻠﻨﻪ ﺍﻟﺘﻔﺘﻨﻪ
ﻭﺟﺎﻥ ﺍﺩﺣﻚ ﻧﺴﻮﺍﻥ ﺩﺧﻠﻦ ﻻﺑﺴﺎﺕ ﻋﺒﺎﻳﻪ ﻛﻠﻬﻦ ﺑﻨﺎﺕ ﻭﻧﺴﻮﺍﻥ ﻛﺒﺎﺭ ﺍﻧﻲ ﺍﺳﺘﻐﺮﺑﺖ ﻣﻨﻲ ﺫﻧﻲ
ﺻﺎﺣﺖ ﻭﺣﺪﻩ ﻣﻦ ﺍﻟﻨﺴﻮﺍﻥ ﺑﺎﺍﺑﺘﺴﺎﻣﻪ : ﺍﻟﺴﻼﻡ ﻋﻠﻴﻜﻢ
ﺻﺎﺣﺖ ﺍﻣﻲ ﻭﺍﻟﻨﺴﻮﺍﻥ : ﻭﻋﻠﻴﻜﻢ ﺍﻟﺴﻼﻡ ﻫﻼ
ﺩﺧﻠﻦ ﺍﻟﻨﺴﻮﺍﻥ ﻭﻛﻌﺪﻥ ﻗﺮﻳﺐ ﻋﻠﻴﻨﻪ ﻭﺍﻟﺒﻨﺎﺕ ﻳﺒﺎﻭﻋﻦ ﻋﻠﻴﻨﻪ ﻳﺒﺘﺴﻤﻦ ﻭﺍﻧﻲ ﻟﺤﺪ ﻫﺴﻪ ﻣﺎﻣﻔﺘﻬﻤﻪ ﺷﻲ
ﻛﺎﻟﺖ ﻣﺮﻩ ﻣﻦ ﻳﻤﻬﻦ ﺷﻮﻱ ﺟﺒﻴﺮﻩ : ﺍﻋﺮﻑ ﺍﻧﺘﻦ ﻣﺴﺘﻐﺮﺑﺎﺕ ﻣﻦ ﻳﻤﻨﻪ ﺑﺲ ﺍﺣﻨﻪ ﺍﺻﺤﺎﺏ ﻫﺬﺍ ﺍﻟﻤﻮﻛﺐ
ﺳﻤﻌﺖ ﺍﻣﻲ : ﻳﺎ ﺟﺜﻴﺮ ﺍﻟﻬﻼ ﻋﺬﺭﻳﻨﻪ ﻣﺎﻋﺮﻓﻨﺎﻛﻢ ﻻﻥ ﻣﺎﻧﻌﺮﻑ ﻭﺍﻟﻠﻪ ﻭﺍﺣﻨﻪ ﺍﻟﻴﻮﻡ ﻳﺎﻟﻪ ﺟﻴﻨﻪ
ﺍﺑﺘﺴﻤﺖ ﺍﻟﻤﺮﻩ : ﻻ ﻳﺎﺣﺒﻴﺒﻪ ﻣﺎﻛﻮ ﺩﺍﻋﻲ ﺗﻌﺘﺬﺭﻳﻦ ﺍﻋﺮﻑ
ﻭﺍﺣﻨﻪ ﻣﻦ ﺳﻤﻌﻨﻪ ﺣﺒﻴﻨﻪ ﻧﺠﻲ ﻧﺸﻮﻓﻜﻢ ﻭﻧﺮﺣﺐ ﺑﻴﻜﻢ ﻣﻴﺔ ﻫﻼ ﻭﻻ ﺗﺨﺎﻓﻮﻥ ﺍﻥ ﺷﺎﺀﺍﻟﻠﻪ ﺍﻧﺘﻮ ﻳﻢ ﺍﻫﻠﻜﻢ
ﺍﻣﻲ ﻛﺎﻟﺖ : ﺍﻟﻠﻪ ﻳﺠﺜﺮ ﺧﻴﺮﻛﻢ ﺍﻥ ﺷﺎﺀﺍﻟﻠﻪ ﻭﻫﺬﺍ ﻣﻌﺮﻭﻑ ﺑﻴﻜﻢ ﺍﻫﻞ ﻏﻴﺮﻩ ﻭﻧﺨﻮﻩ ﻣﻮ ﻏﺮﻳﺒﻪ ﻋﻠﻴﻜﻢ
: ﻳﻄﻮﻝ ﺑﻌﻤﺮﺝ ﺍﻥ ﺷﺎﺀﺍﻟﻠﻪ ﺧﻞ ﺍﻋﺮﻓﺞ ﺑﻴﻪ ﺍﻧﻲ ﺍﺻﻴﺮ ﻣﺮﺕ ﺍﻟﺸﻴﺦ ﺍﻡ ﺿﺮﻏﺎﻡ ﺍﻟﻲ ﻫﻮ ﺍﻟﻤﻮﻛﺐ ﺍﻟﻪ ﻭﻟﺨﻮﺍﻧﻪ
ﻭﻫﺬﻧﻲ ﻧﺴﻮﺍﻥ ﺣﻤﻮﺍﻱ ﻭﺣﻤﻮﺍﺗﻲ ﻭﺍﻟﺒﻨﺎﺕ ﻫﺬﻧﻲ ﺑﻨﺎﺗﻲ
ﺟﻮﺭﻱ ﻭﻭﺭﻭﺩ ﻭﺍﻟﺒﻘﻴﻪ ﺑﻨﺎﺕ ﺣﻤﻮﻳﻨﻲ
ﺣﺠﺖ ﻭﺣﺪﻩ ﻣﻦ ﻳﻤﻨﻪ : ﺍﻟﻠﻪ ﻳﺨﻠﻴﻜﻢ ﺍﻥ ﺷﺎﺀﻟﻠﻪ ﺭﺑﻲ ﻳﺤﻔﻈﻬﻦ
: ﺗﺴﻠﻤﻴﻦ ﺣﺒﻴﺒﻪ ﻭﺍﺣﻨﻪ ﺟﺒﻨﻪ ﺍﺷﻴﺎﺀ ﺍﻟﻜﻢ ﻻﻥ ﻧﻌﺮﻑ ﻃﻠﻌﺘﻮ ﻭﻣﺎﺟﺒﺘﻮ ﺷﻲ ﻭﻳﺎﻛﻢ
ﺩﺣﻜﺖ ﻋﻠﻴﻪ ﻫﻤﺴﺖ ﻋﻠﻰ ﻭﺣﺪﻩ ﻣﻦ ﺑﻨﺎﺗﻪ ﻭﻫﻴﺎ ﻫﺰﺕ ﺭﺍﺳﻪ ﻭﻧﺎﺩﺕ ﺍﻟﺒﻨﺎﺕ ﺍﻟﺒﺎﻗﻴﻪ ﻭﻛﺎﻣﻦ ﻭﻃﻠﻌﻦ ﻭﺷﻮﻱ ﻭﺩﺧﻠﻦ ﻭﺑﻴﺪﻫﻦ ﻋﻼﻟﻴﻚ ﻛﺒﺎﺭ....بيج قصص عراقيه حقيقيه من واقعنا.روعه الطائي
ﻓﺘﺤﻦ ﺍﻟﻌﻼﻟﻴﻚ ﻭﻃﻠﻌﻦ ﻭﺍﻧﺼﺪﻣﺖ ﻣﻦ ﺷﻔﺖ ﺟﺎﻳﺒﻴﻦ ﻣﻼﺑﺲ ﺍﻟﻨﻪ ﻭﻻﻃﻔﺎﻝ ﺑﻴﻬﻦ ﺟﺪﺩ ﻭﺑﻴﻬﻦ ﻣﻠﺒﻮﺱ ﻳﻤﻜﻦ ﻭﺍﻟﻌﺎﺏ ﻻﻃﻔﺎﻝ ﻫﻤﻪ ﻣﻦ ﺷﺎﻓﻮ ﺍﻟﻌﺎﺏ ﻛﺎﻣﻮ ﻳﺘﺮﺍﻛﻀﻮﻥ ﻭﻓﺮﺣﺎﻧﻴﻦ ﻭﺑﻨﻴﻪ ﻇﻠﺖ ﺗﻨﻄﻴﻬﻢ
ﻭﺟﺎﻳﺒﻴﻦ ﺍﺷﻴﺎﺀ ﻫﻮﺍﻱ ﻧﺤﺘﺎﺟﻬﻦ
ﻭﻫﻢ ﻃﻠﻌﻦ ﻭﺭﺟﻌﻦ ﻛﺎﻣﻦ ﻳﺠﻴﺒﻦ ﺍﻛﻞ ﻋﻼﻛﻪ ﺟﺒﻴﺮﻩ ﺑﻴﻪ ﺧﺒﺰ . ﻭﺍﻛﻞ ﻭﺧﻀﺮﻩ
: ﻋﺬﺭﻳﻨﻪ ﺣﺒﻴﺒﻪ ﺧﺎﻑ ﻗﺼﺮﻧﻪ ﻭﻳﺎﻛﻢ ﻭﻫﺎﻱ ﻣﻼﺑﺲ ﺍﻟﻜﻢ
ﻭﻻﻃﻔﺎﻝ ﻭﻫﺬﺍ ﺍﻛﻞ ﺍﻟﻜﻢ ﺧﺎﻑ ﻳﻜﻔﻲ ﻭﺍﻥ ﺷﺎﺀﺍﻟﻠﻪ ﺍﻟﻮﻟﺪ
ﻳﻈﻠﻮﻥ ﻳﻤﺮﻭﻥ ﻋﻠﻴﻜﻢ ﺧﺎﻑ ﺗﺮﺩﻭﻥ ﺷﻲ
ﺍﻣﻲ ﻛﺎﻟﺖ ﺍﻟﻬﻦ ﻭﺩﻣﻌﻪ ﻧﺰﻟﺖ ﻣﻦ ﻋﻴﻨﻪ : ﺭﺑﻲ ﻳﻄﻮﻝ ﺑﻌﻤﺎﺭﻫﻢ ﻭﻳﺤﻔﻈﻬﻢ ﻟﺸﺒﺎﺑﻬﻢ ﻭﺍﻟﻠﻪ ﺍﺣﻨﻪ ﻣﺘﻌﺒﻴﻨﻜﻢ ﺑﺲ ﺷﻨﺴﻮﻱ ﺍﻧﺘﻮ ﺍﻫﻠﻨﻪ ﺍﺫﺍ ﻣﺎﺩﺧﻠﻨﻪ ﻋﺪﻛﻢ ﻋﻠﻴﻤﻦ ﻧﺪﺧﻞ
: ﻻ ﺣﺒﻴﺒﻪ ﺍﻧﺘﻮ ﺍﻫﻠﻨﻪ ﻭﺗﻌﺒﻜﻢ ﺑﻠﻨﺴﺒﻪ ﺭﺍﺣﻪ ﺍﻟﻨﻪ ﻭﺍﻟﻠﻪ ﺷﺎﻫﺪ
ﺍﻧﻲ ﺩﻣﻮﻋﻲ ﻧﺰﻟﻦ ﻣﺴﺘﻬﻀﻤﻪ ﻭﻳﻦ ﺟﻨﺖ ﻭﻫﺴﻪ ﻧﺎﺱ ﺗﺘﺼﺪﻕ ﻋﻠﻴﻪ ﺑﺲ ﻧﻌﻢ ﺍﻟﻠﻪ ﻋﻠﻴﻬﻢ ﺭﺑﻲ ﻳﺨﻠﻴﻬﻢ ﻭﺍﻟﺤﻤﺪﻟﻠﻪ ﺍﺛﺒﺘﻮ ﺍﻧﻮ ﺻﺪﻙ ﺍﻫﻞ ﻏﻴﺮﻩ ﻭﺷﻬﺎﻣﻪ
ﺑﻘﻦ ﻳﻤﻨﻪ ﻭﻳﺴﻮﻟﻔﻦ ﻭﻳﺎﻫﻦ ﻭﺣﺘﻰ ﺳﺪﻳﻢ ﻛﺎﻣﺖ ﺗﺴﻮﻟﻒ ﻭﻱ ﺍﻟﺒﻨﺎﺕ ﺍﻻ ﺍﻧﻲ ﻛﺎﻋﺪﻩ ﺑﺰﺍﻭﻳﻪ ﻭﺍﺑﺎﻭﻉ ﻋﻠﻴﻬﻦ ﻭﺷﻮﻱ ﻭﺍﻟﺘﻔﺘﻬﻦ ﻋﻠﻴﻪ ﻭﻫﺰﻥ ﺭﺍﺳﻬﻦ ﻭﺭﺟﻌﻦ ﻛﻤﻠﺖ ﻛﻼﻣﻬﻦ ﺍﻧﻲ ﺍﺳﺘﻐﺮﺑﺖ ﺷﺒﻴﻬﻦ ﺫﻧﻲ ﻭﻭﺭﻩ ﻧﺺ ﺳﺎﻋﻪ ﺍﺟﻪ ﻟﻠﻤﺮﻩ ﺍﺗﺼﺎﻝ ﻭﻫﻴﺎ ﻛﺎﻣﺖ
: ﻳﺎﻟﻪ ﻳﻨﺎﺕ ﺧﻞ ﻧﻤﺸﻲ ﺍﺗﺼﻠﻮ ﻛﺎﻟﻮ ﻳﺎﻟﻪ
ﺍﻟﺘﻔﺘﺖ ﻫﻴﺎ ﻋﻠﻰ ﺍﻣﻲ ﻭﺍﻟﻨﺴﻮﺍﻥ ﺍﻟﻲ ﻳﻤﻨﻪ ﻭﻛﺎﻟﺖ : ﻭﺍﺩﻋﻨﺎﺝ ﺣﺒﻴﺒﺎﺕ ﻣﻊ ﺍﻟﺴﻼﻣﻪ ﻭﺍﻥ ﺷﺎﺀﺍﻟﻠﻪ ﻧﺠﻴﻜﻢ
ﻛﺎﻣﻦ ﻭﺳﻠﻤﻦ ﻭﻃﻠﻌﻦ ﺍﻧﻲ ﺑﺴﺮﻋﻪ ﺭﺣﺖ ﻓﺮﺷﺖ ﺍﻟﻲ ﻓﺮﺍﺷﻲ ﻭﺳﺪﻳﻢ ﻓﺮﺷﺖ ﺍﻟﻪ ﻭﻻﻣﻲ ﻭﻟﻤﺮﺍﻡ ﻭﺑﻨﺘﻪ
ﺍﻧﻲ ﺩﺭﺕ ﻭﺟﻬﻲ ﻋﻨﻬﻦ ﻭﻏﻄﻴﺖ ﻭﺟﻬﻲ ﺑﻠﻐﻄﻰ ﻭﻇﻠﻴﺖ ﺍﺑﺠﻲ ﺑﺼﻤﺖ
ﺩﺧﻴﻠﻚ ﻳﺎﺭﺏ ﻓﺮﺟﻪ ﻋﻠﻴﻨﻪ ﻣﻮ ﺗﻌﺒﻨﻪ ﻭﺍﻟﻠﻪ .. ﺍﻟﻠﻪ ﻻﻳﻮﻓﻘﻚ ﺍﻟﻲ ﻛﺎﻥ ﺍﻟﺴﺒﺐ ﻭﺧﺮﺏ ﺩﻳﺎﺭﻧﺎ ﻭﺷﺘﺘﻨﺎ
ﻏﻤﻀﺖ ﻋﻴﻨﻲ ﻭﻧﻤﺖ ﺑﺘﻌﺐ ﺍﺣﺴﻪ ﻣﺎﻝ ﺳﻨﻴﻦ
ﻳﺘﺒﻊ،،
ﺍﻧﺘﻬﻰ ﺍﻟﺒﺎﺭﺕ ﺍﺗﻤﻨﻰ ﻋﺠﺒﻜﻢ ﻭﺍﺗﻤﻨﻰ ﻣﻨﻜﻢ ﺍﻟﺪﻋﻢ ﻟﺮﻭﺍﻳﻪ ﻭﺍﻟﺘﻔﺎﻋﻞ ﺑﻴﻪ 💙😍
ﻻ ﺗﻨﺴﻮﻥ ﺍﻻﻳﻚ + ﺍﻟﺘﻌﻠﻴﻖ ️
