#بارت١٨
ﻏﺮﻳﺒﻪ ﻓﻲ ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
" ﻳﺆﻟﻤﻨﻲ ﺃﻥ ﻻ ﻳﻠﺘﻔﺖ ﺍﻵﺧﺮﻳﻦ ﻟﻤﺎ ﺃﻟﺘﻔﺖُ ﻟﻪ ﺃﻧﺎ، ﺗﺠﺮﺣﻨﻲ ﺍﻟﻨﺒﺮﺓ ﺍﻟﺤﺎﺩﺓ ﺣﺘﻰ ﻟﻮ ﻛﺎﻧﺖ ﻋﻦ ﻏﻴﺮ ﻗﺼﺪ، ﻳﻔﺰﻋﻨﻲ ﺻﻮﺕ ﺍﻟﻬﻮﺍﺀ ﻭﻫﻮ ﻳﺼﻔﻖ ﺑﺎﻷﺑﻮﺍﺏ، ﺗﺮﺑﻜﻨﻲ ﺍﻟﺮﺩﻭﺩ ﺍﻟﻤﺘﺄﺧﺮﺓ، ﺗﻜﺴﺮ ﻗﻠﺒﻲ ﺍﻟﻐﺮﺑﺔ ﺑﻌﺪ ﺍﻟﻤﻌﺮﻓﺔ، ﺗﻨﻬﻴﻨﻲ ﺍﻟﺸﻜﻮﻙ ﺑﻌﺪ ﺍﻟﺜﻘﺔ، ﺗﻌﺼﺮ ﺭﻭﺣﻲ ﻛﻠﻤﺎﺕ ﺍﻟﻮﺩﺍﻉ ﺣﺘﻰ ﻟﻮ ﻛﺎﻥ ﻣﻦ ﺍﺧﺘﻴـﺎﺭﻱ ".
..........
ﻳﺎﻗﻮﺕ / ﺍﻟﻴﻮﻡ ﺣﻨﺔ ﻭﺭﻭﺩ ﻭﺗﻜﻮﻥ ﻭﺭﻩ ﺍﻟﻈﻬﺮ
ﻓﺎ ﺭﺣﻨﻪ ﻣﻦ ١ ﺍﻟﻈﻬﺮ ﺍﻧﻲ ﻭﺳﺪﻳﻢ ﻭﺃﻣﻲ ﻭﻣﺮﺍﻡ ﻭﺍﺧﺬﺕ ﺑﻨﺘﻬﺎ ﻭﻳﺎﻫﺎ
ﻭﺻﻠﻨﻪ ﻭﻟﻜﻴﻨﺎﻫﺎ ﻫﻮﺳﻪ ﺍﻫﻠﻬﻢ ﻛﻠﻬﻢ ﻣﻮﺟﻮﺩﻳﻦ ﻭ ﻣﺸﻐﻠﻴﻦ ﺍﻏﺎﻧﻲ ﻭﻳﺮﻛﺼﻮﻥ
ﺍﻣﻲ ﻭﻣﺮﺍﻡ ﺭﺍﺣﻦ ﺳﻠﻤﻦ ﻋﻠﻴﻬﻦ ﻭﻛﻌﺪﻥ ﻳﻤﻬﻦ ﻭﺍﻧﻲ ﻭﺳﺪﻳﻢ ﺭﺣﻨﻪ ﺳﺎﻋﺪﻧﻪ ﺍﻟﺒﻨﻮﺍﺕ
ﺷﻔﺖ ﺟﻮﺭﻱ ﺧﻄﻴﻪ ﺍﻣﺒﻴﻦ ﻋﻠﻴﻪ ﺍﻟﺘﻌﺐ ﻣﻊ ﺃﻧﻮ ﻫﻴﺎ ﺑﺪﺍﻳﺔ ﺣﻤﻠﻪ
ﻇﻠﻴﻨﻪ ﻧﺸﺘﻐﻞ ﻭﺣﺘﻰ ﻣﺎﻟﺤﻜﻨﻪ ﻧﺸﻮﻑ ﻭﺭﻭﺩ
ﻇﻠﻴﺖ ﺍﺣﻈﺮ ﺑﻠﻌﺼﺎﻳﺮ ﻭﺳﺪﻳﻢ ﺭﺍﺣﺖ ﺗﺤﻈﺮ ﺍﻟﻜﻴﻚ .. ﺑﻘﺖ ﺟﻮﺭﻱ ﻳﻤﻲ ﻛﺎﻋﺪﻩ ﻋﻠﻰ ﻛﺮﺳﻲ
ﻭﺍﻟﺒﻨﺎﺕ ﺭﺍﻳﺤﺎﺕ ﺭﺍﺟﻌﺎﺕ ﻳﺸﺘﻐﻠﻦ ﺧﻄﻴﻪ .. ﺑﺲ ﺫﻧﻲ ﺍﻟﻤﺴﻤﻮﻣﺎﺕ ﻣﻬﺎ ﻭﺳﻮﺯﺍﻥ ﺑﺲ ﻳﻔﺘﺮﻥ ﻟﻮ ﻳﺮﻛﺼﻦ
ﺑﻘﻴﻨﻪ ﺑﻠﻤﻄﺒﺦ ﺍﻧﻲ ﻭﺟﻮﺭﻱ ﻭﺩﺧﻠﺖ ﺳﻮﺯﺍﻥ ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﻩ : ﻫﺎﻱ ﺷﻨﻮﻭ ﻟﻴﺶ ﻣﺎﺍﻣﺒﺪﻟﻪ ﻟﻮ ﻣﺎﻋﻨﺪﺝ ﺷﻲ ﺗﻠﺒﺴﻴﻪ .. ﻳﺎﺻﺪﻙ ﻧﺴﻴﺖ ﺍﻧﺘﻮ ﻃﻠﻌﺘﻮ ﺑﻄﺮﻙ ﻣﻼﺑﺴﻜﻢ ﻫﺎﻱ
ﻫﻪ ﻟﻮ ﻛﺎﻳﻠﺘﻠﻲ ﺟﺎﻥ ﺟﺒﺘﻠﺞ ﻣﻦ ﻣﻼﺑﺴﻲ ﺍﻟﻲ ﻣﺎﺭﻳﺪﻫﻦ
ﻋﺼﺮﺕ ﺍﻳﺪﻱ ﺑﻘﻮﻭﻩ ﺣﻴﻞ ﻋﺰﺕ ﻋﻠﻲ ﻧﻔﺴﻲ ﺑﻬﺎﻱ ﺍﻟﻠﺤﻈﻪ ﺷﻠﻮﻥ ﻛﺎﻋﺪ ﺍﺗﻬﻴﻨﻪ ﻭﺗﺬﻟﻨﻪ
ﺭﺩﺕ ﺍﺣﺠﻲ ﺑﺲ ﻗﺎﻃﻌﺘﻨﻲ ﺟﻮﺭﻱ : ﻋﻴﺐ ﻋﻠﻴﺞ ﺳﻮﺯﺍﻥ ﺷﻨﻮ ﻫﺬﺍ ﺍﻟﺤﺠﻲ ..
: ﺍﻭﻭﻱ ﻫﺴﻪ ﺍﻧﻲ ﺷﻜﻠﺖ
: ﻻ ﻣﻜﻠﺘﻲ ﺷﻲ .. ﻭﺗﻌﺎﻱ ﺍﺻﻼ ﻣﻨﻮ ﺍﻣﺒﺪﻝ ﻫﺴﻪ ﻛﺎﻋﺪ ﻧﺸﺘﻐﻞ ﻭﻣﻦ ﻧﺨﻠﺺ ﻳﺎﻟﻪ ﻧﺠﻬﺰ ﻧﻔﺴﻨﻪ ﺑﺲ ﺍﻧﺘﻲ ﺍﺳﻢ ﺍﻟﻠﻪ ﺍﻟﻮﺣﻴﺪﻩ ﺍﻟﻲ ﻛﺎﺷﺨﻪ ﻣﻦ ﻭﻗﺖ ﻳﻜﻮﻝ ﻣﺸﺎﻳﻔﻪ
ﻣﻼﺑﺲ
ﺍﺑﺘﺴﻤﺖ ﻋﻠﻰ ﻛﻼﻡ ﺟﻮﺭﻱ ﺍﻭﻭﻱ ﻓﺪﻭﻩ ﺑﺮﺩﺕ ﻛﻠﺒﻲ
ﺩﺣﻜﺖ ﻋﻠﻰ ﺳﻮﺯﺍﻥ ﻭﺟﻬﻪ ﻛﺎﻡ ﻳﻨﻄﻲ ﺃﻟﻮﺍﻥ ﻭﺳﻜﺘﺖ ﻣﺎﺣﺠﺖ ﺷﻲ
ﺩﺧﻞ ﺳﺮﺍﺝ ﻋﻠﻴﻨﻪ ﻣﺒﻮﺯ ﻭﺭﺍﺡ ﻟﺠﻮﺭﻱ
: ﻋﻤﻪ
ﺑﺎﺳﺘﻪ ﻣﻦ ﺧﺪﻩ ﻭﻛﺎﻟﺘﻠﻪ : ﻫﺎﺍ ﻳﺮﻭﺡ ﻋﻤﻪ ﺷﺮﺍﻳﺪ
: ﻋﻤﻪ ﺍﺭﻳﺪ ﺍﺣﺪ ﻳﺼﻌﺪ ﻭﻳﺎﻱ ﻭﻳﺒﺪﻟﻲ
: ﻋﻤﻪ ﺍﻧﻲ ﻣﺎﻛﺪﺭ ﺍﺻﻌﺪ ﻭﺍﻟﻠﻪ ﺗﻌﺒﺎﻧﻪ .. ﺭﻭﺡ ﺍﻧﺖ ﺑﺪﻝ ﻋﻴﺐ ﻛﺒﺮﺕ ﺍﻧﺖ ﺣﺘﻰ ﺍﺣﺪ ﻳﺒﺪﻟﻚ
: ﺍﻱ ﺍﻋﺮﻑ ﻛﺒﺮﺕ ﺑﺲ ﺍﺭﻳﺪ ﺍﺣﺪ ﻳﻤﺸﻄﻠﻲ ﻭﻳﺤﻄﻠﻲ ﻋﻄﺮ ﻻﻥ ﻣﺎﻟﻮﺡ ﻭ ﻣﻼﺑﺴﻲ ﺑﻠﻜﻨﺘﻮﺭ
ﻏﻤﻀﺖ ﻋﻴﻨﻪ ﺑﺼﺒﺮ : ﺍﺳﺘﻐﻔﺮ ﺍﻟﻠﻪ ﺭﺑﻲ .. ﻟﻴﺶ ﻫﻴﺞ ﺿﺮﻏﺎﻡ
ﺍﺳﺘﻐﺮﺑﺖ ﺷﻜﻮ ﺿﺮﻏﺎﻡ ﺑﻬﺬﺍ ﺍﻟﻜﻼﻡ
: ﻋﻤﻪ ﺭﻭﺡ ﺷﻮﻑ ﻭﺣﺪﻩ ﻣﻦ ﺍﻟﺒﻨﺎﺕ ﺗﺮﻭﺡ ﻭﻳﺎﻙ ﺗﺒﺪﻟﻚ ﺍﻧﻲ ﻣﺎﻛﺪﺭ ﻭﺍﻟﻠﻪ
ﺭﺍﺡ ﺧﻄﻴﻪ ﻟﺴﻮﺯﺍﻥ ﺍﻟﻲ ﻭﺍﻛﻔﻪ ﻭﺗﺒﺎﻭﻉ ﻋﻠﻴﻪ : ﺍﻛﻠﺞ ﺗﻌﺎﻱ ﻭﻳﺎﻱ ﺍﺭﻳﺪ ﺍﺭﻭﺡ ﺍﺑﺪﻝ
ﻫﻴﺎ ﺟﺎﻧﺖ ﻣﻨﺎ ﺿﺎﻳﺠﻪ ﺩﺣﻜﺘﻠﻪ ﻭﺧﺰﺭﺗﻪ : ﺍﻛﻠﻚ ﺭﻭﺡ ﻣﺎﺑﻴﻪ ﺣﻴﻠﻚ ﺍﻧﺖ ﺍﻟﺜﺎﻧﻲ ﻭﺍﻟﻠﻪ ﻳﺎﻟﻠﻪ
ﺷﻔﺖ ﻋﻴﻮﻧﻪ ﻣﻐﻮﺭﻛﻪ ﺻﺪﻙ ﺍﻧﻘﻬﺮﺕ ﻋﻠﻴﻪ ﺑﻬﺎﻱ ﺍﻟﺤﻈﻪ .. ﺻﺪﻙ ﺍﻟﺸﺨﺺ ﺍﻟﻲ ﻣﺎﻋﻨﺪﻩ ﺍﻡ ﻳﺤﺲ ﺑﻔﻘﺪ ﻭﻧﻘﺺ
ﺣﺘﻰ ﻟﻮ ﻧﺎﺱ ﺯﻳﻨﻴﻦ ﻭﻳﺎﻩ ﻭﻳﺤﺒﻮﻩ ﺑﺲ ﻣﺤﺪ ﺭﺍﺡ ﻳﻌﻮﺽ ﺣﻨﺎﻥ ﻭﺧﻮﻑ ﺍﻻﻡ
ﺟﻮﺭﻱ ﻛﺎﻟﺖ ﺑﺤﺪﻩ : ﻋﻠﻰ ﻛﻴﻔﺞ ﺳﻮﺯﺍﻥ ﻭﻱ ﺍﻟﻮﻟﺪ ﺷﺒﻴﺞ ﺍﻧﺘﻲ
: ﺍﻭﻭﻱ ﺍﻧﺘﻲ ﺍﻟﺜﺎﻧﻴﻪ ﺷﺒﻴﺞ ﻫﺴﻪ ﺍﻧﻲ ﺷﺤﺠﻴﺖ
ﻛﺴﺮ ﺧﺎﻃﺮﻱ ﻣﻨﻈﺮ ﺳﺮﺍﺝ ﻣﺪﻧﻚ ﺭﺍﺳﻪ ﻭﻣﺎﻳﺤﺠﻲ
ﺭﺣﺖ ﺍﺗﻘﺪﻣﺖ ﺍﻟﻪ ﻭﻧﺰﻟﺖ ﻟﻤﺴﺘﻮﺍﻩ ﺣﻄﻴﺖ ﺍﻳﺪﻱ ﻋﻠﻰ ﻛﺘﻮﻓﻪ ﻫﻮ ﺭﻓﻊ ﺭﺍﺳﻪ ﺍﻟﻲ ﻭﺩﺣﻜﻠﻲ ﻭﻋﻴﻮﻧﻪ ﻣﺪﻣﻌﻪ
ﺍﻭﻭﻑ ﺧﻄﻴﻪ ﻭﺍﻟﻠﻪ ﺍﺑﺘﺴﻤﺘﻠﻪ ﺑﺤﻨﻴﻪ : ﻋﺎﺩﻱ ﺍﻧﻲ ﺍﺭﻭﺡ ﻭﻳﺎﻙ ﺍﺑﺪﻟﻚ
ﺑﺎﻭﻋﻠﻲ : ﺻﺪﻙ
ﻫﺰﻳﺖ ﺭﺍﺳﻲ .. ﺳﻤﻌﺖ ﺟﻮﺭﻱ : ﺍﻟﻠﻪ ﻳﻨﻄﻴﺞ ﻳﺎ ﻳﺎﻗﻮﺕ
ﺧﻄﻴﻪ ﺑﺪﻟﻴﻠﻪ
ﺳﻤﻌﺖ ﺻﻮﺕ ﺿﺮﻏﺎﻡ ﻭﺭﺍﻱ ﻭﺻﻮﺗﻪ ﺍﻣﺒﻴﻦ ﻋﻠﻴﻪ ﺍﻟﻌﺼﺒﻴﻪ : ﻋﻮﻭﻓﻲ
ﻛﻤﺖ ﻋﻠﻰ ﺣﻴﻠﻲ ﻭﺭﻓﻌﺖ ﺭﺍﺳﻲ ﺍﻟﻪ ﻭﺩﺣﻜﺘﻠﻮﻭ .. ﻳﺪﺣﻚ ﻋﻠﻰ ﺃﺑﻨﻮ ﻭﺣﻮﺍﺟﺒﻮﻭ ﻋﺎﻗﺪﻫﻦ ﺍﻣﺒﻴﻦ ﻋﻠﻴﻪ ﺍﻟﻌﺼﺒﻴﻪ ﻭﻳﺨﺰﺭ
ﺟﻮﺭﻱ : ﺷﻨﻮ ﻋﻮﻓﻬﺎ .. ﺧﻞ ﺍﻟﺒﻨﻴﻪ ﺗﺮﻭﺡ ﺗﺒﺪﻟﻪ ﺧﻄﻴﻪ ﻫﻢ ﻳﺎﻟﻪ ﻳﻠﺤﻚ
ﺿﺮﻏﺎﻡ ﻛﺎﻝ ﺑﻌﺼﺒﻴﻪ : ﻻ ﻣﺮﺍﺡ ﻳﺘﺄﺧﺮ ﺍﻧﻲ ﻫﺴﻪ ﺭﺍﺡ ﺍﺧﺬﻩ ﻭﺍﺑﺪﻟﻪ
: ﻳﺎﺍ ﻟﻴﺶ ﺗﺼﻌﺪ ﻭﺗﺒﺪﻟﻪ .. ﻫﺴﻪ ﻳﺎﻗﻮﺕ ﺗﺎﺧﺬﻩ ﻭﺗﺒﺪﻟﻪ
ﺍﻧﻲ ﻇﻠﻴﺖ ﺳﺎﻛﺘﻪ ﻣﺎﺣﺠﻴﺖ ﺷﻲ ﺑﺲ ﻫﻮ ﺍﺗﻘﺪﻡ ﺑﺘﺠﺎﻫﻨﻪ ﻭﻛﻀﺐ ﺍﻳﺪ ﺃﺑﻨﻮﻭ ﻭﻛﺎﻝ ﻟﺠﻮﺭﻱ ﻭﺍﻣﺒﻴﻦ ﻋﻠﻴﻪ ﺍﻟﻘﻬﺮ : ﻣﺸﻜﻮﺭﻩ ﺧﻴﺘﻲ ﺍﻧﻲ ﻫﺴﻪ ﺍﺧﺬﻩ ﻭﺍﺑﺪﻟﻪ ﻣﺎﻧﺮﻳﺪ ﺍﻧﺘﻌﺒﺠﻦ
ﺟﻮﺭﻱ ﻛﺎﻣﺖ ﻣﻦ ﻣﻜﺎﻧﻪ ﻭﻋﺮﻓﺖ ﻋﻠﻴﻪ ﺍﻧﻮ ﺳﺎﻣﻊ ﻛﻼﻣﻬﻦ
ﻭﺿﺎﻳﺞ ﻣﻦ ﻫﺬﺍ ﺍﻟﺸﻲ ﻛﺎﻟﺖ ﺑﺘﻮﺗﺮ : ﺿﺮﻏﺎﻡ ﻋﻔﻴﻪ ﻻ ﺗﻔﻬﻢ ﻏﻠﻂ ﺑﺲ ﺍﻧﻲ ﻭﺍﻟﻠﻪ ﻻﻥ ﻣﺎﻛﺪﺭ ﺍﺻﻌﺪ ﻭﺗﻌﺒﺎﻧﻪ ﻓﺎ ﻛﺘﻠﻪ ﺷﻮﻑ ﻭﺣﺪﻩ ﺛﺎﻧﻴﻪ ﻻ ﺗﺰﻋﻞ ﺧﻮﻳﻪ
: ﻻ ﺧﻮﻳﻪ ﻋﻠﻴﺶ ﺯﻋﻼﻥ ﺣﻘﺞ .. ﻭﺃﻧﻲ ﺃﺑﻮ ﻭﻣﺴﺆﻝ ﻋﻠﻴﻪ ﺍﻧﻲ ﺍﺑﺪﻟﻪ
ﺍﺟﺖ ﺳﻮﺯﺍﻥ ﻋﻠﻴﻪ ﻭﺗﺤﺠﻲ ﺑﺪﻟﻊ : ﺿﺮﻏﺎﻡ ﺍﻧﻄﻴﻨﻲ ﺍﻳﺎﻩ ﺧﻞ ﺍﺧﺬﻩ ﺍﻧﻲ ﺍﺑﺪﻟﻪ
ﺍﺷﻮ ﻫﻴﺎ ﺣﺠﺖ ﻫﻴﺞ ﻭﻫﺬﺍ ﺧﺰﺭﻩ ﺧﻼﻫﺎ ﺗﻨﺨﺮﺱ ﻭﻣﺎﺗﺤﺠﻲ ﺭﺟﻊ ﺩﺣﻚ ﻋﻠﻰ ﺃﺑﻨﻮﻭ : ﻳﺎﻟﻪ ﺑﺎﺑﺎ ﺍﻣﺸﻲ ﺧﻞ ﺍﻏﻴﺮﻟﻚ
ﺍﺧﺬ ﺍﺑﻨﻮ ﻭﻃﻠﻊ ﻣﻦ ﺍﻟﻤﻄﺒﺦ ﻭﺻﻌﺪ ﻓﻮﻙ .. ﺟﻮﺭﻱ ﺿﺮﺑﺖ ﺧﺪﻩ ﺑﺨﻔﻪ ﻭﻛﺎﻟﺖ ﺑﻘﻬﺮ : ﻳﺒﻮﻭ ﻣﻦ ﻃﺎﺡ ﺣﻈﻲ ﺍﻱ ﻭﺍﻟﻠﻪ ﺻﺎﺭ ﺑﺨﺎﻃﺮ ﺿﺮﻏﺎﻡ ﻭﻓﻬﻢ ﻏﻠﻂ
ﺳﻮﺯﺍﻥ ﻫﺰﺕ ﺍﻳﺪﻫﺎ : ﺷﺪﻋﻮﺍﺝ ﻋﻴﻨﻲ ﻟﻴﺶ ﻳﺼﻴﺮ ﺑﺨﺎﻃﺮﻩ
: ﺍﺳﻜﺘﻲ ﺍﻧﺘﻲ ﺍﻡ ﻟﺴﺎﻥ ﺩﻫﺮ ﺩﻫﺮﺝ ﻣﻦ ﻟﺴﺎﻥ
ﺫﻳﺞ ﻣﺎﻋﺠﺒﻪ ﺍﻟﻜﻼﻡ ﻭﻣﺸﺖ .. ﻛﻌﺪﺕ ﺟﻮﺭﻱ ﻭﻛﺎﻟﺖ ﺑﺤﺰﻥ : ﺍﻟﻒ ﻣﺮﻩ ﻧﻜﻠﻪ ﺿﺮﻏﺎﻡ ﺗﺰﻭﺝ ﻭﺟﻴﺐ ﻭﺣﺪﻩ ﺗﺼﻴﺮ ﺍﻡ ﻟﺴﺮﺍﺝ ﺧﻄﻴﻪ ﻫﻮ ﺷﻨﻮ ﺫﻧﺒﻪ ﻫﻴﺞ ﻳﺼﻴﺮ ﻭﻳﺎﻩ
ﻭﻣﺎﻋﻨﺪﻩ ﻻ ﺍﻡ ﻭﻻ ﺍﺧﻮﻭ ﻳﻠﻌﺐ ﻭﻳﺎﻩ ﺣﺘﻰ ﻣﻦ ﻫﺎﻱ ﺍﻟﻮﻟﺪ ﺍﻧﻌﺰﻝ ﻭﺻﺎﺭ ﻭﺣﺪﻩ
ﻛﺘﻠﻪ ﺑﻘﻬﺮ : ﺧﻄﻴﻪ ﻭﺍﻟﻠﻪ ... ﺍﻟﻠﻪ ﻳﺴﺎﻋﺪﻩ ﺻﻌﺐ ﺷﺨﺺ ﻳﻜﻮﻥ ﻣﺎﻋﻨﺪﻩ ﺃﻡ
ﺟﺮﺕ ﺣﺴﺮﻩ ﺟﻮﺭﻱ : ﺣﺴﺒﻲ ﺁﻟﻠﻪ ﻭﻧﻌﻢ ﺍﻟﻮﻛﻴﻞ ﻛﻠﻪ ﺑﺴﺒﺐ ﺃﻣﻪ ﺍﻟﺤﻴﻪ ﺍﻭﻭﻑ
ﺳﻜﺘﺖ ﺍﻧﻲ ﻣﺎﻋﻠﻘﺖ ﺑﺲ ﺍﺟﺎﻧﻲ ﻓﻈﻮﻝ ﺍﻋﺮﻑ ﺷﺒﻴﻪ ﺍﻣﻬﺎ ﻭﺷﺴﻮﺕ ﺣﺘﻰ ﻃﻠﻜﻪ ﺿﺮﻏﺎﻡ
ﺑﺲ ﻓﻈﻠﺖ ﺍﻟﺴﻜﻮﺕ ﻻﻥ ﻋﻴﺐ ﻋﻠﻴﻪ ﺃﻧﻲ ﺷﻜﻮﻭ
ﺧﻠﺼﻨﻪ ﺷﻐﻠﻨﻪ ﻭﻛﻞ ﻭﺣﺪﻩ ﻃﺸﺖ ﺗﺤﻈﺮ ﻧﻔﺴﻪ ..
ﺍﻧﻲ ﺟﻨﺖ ﻻﺑﺴﻪ ﺩﺷﺪﺍﺷﻪ ﻟﻮﻧﻪ ﻭﺭﺩﻱ ﻭﺷﻮﻱ ﻣﺨﺼﺮﻩ ﻋﻠﻰ ﺟﺴﻤﻲ ﻭﺣﻄﻴﺖ ﻛﺤﻠﻪ ﻭﻣﺮﻃﺐ ﺷﻔﻪ
ﻭﻋﺪﻟﺖ ﺷﻌﺮﻱ
ﻭﺳﺪﻳﻢ ﻻ ﺟﺎﻥ ﻋﺪﻩ ﻓﺴﺘﺎﻥ ﻃﻮﻳﻞ ﺍﺯﺭﻕ ﻟﺒﺴﺘﻪ
ﺑﺪﺕ ﺍﻟﺤﻔﻠﻪ ﻭﻣﺎﺷﺎﺀﺍﻟﻠﻪ ﻋﻠﻴﻪ ﻭﺭﻭﺩ ﻃﺎﻟﻌﻪ ﺗﺨﺒﻞ ﺑﺪﺕ ﻫﻴﺎ ﺍﻻﻏﺎﻧﻲ ﻭﻇﻠﻦ ﺍﻟﻨﺴﻮﺍﻥ ﻳﺮﻛﺼﻦ
ﻫﻴﺎ ﺗﺪﺣﻜﻠﻬﻦ ﻭﺗﻀﺤﻚ ﺍﺧﺮ ﺷﻲ ﻛﻮﻣﻨﻪ ﺗﺎ ﺗﺮﻛﺺ ﻭﻫﻴﺎ ﻛﺎﻣﺖ ﻭﻇﻠﺖ ﺗﻀﺤﻚ ﻭﺗﺮﻛﺺ ﻣﻮ ﻳﻜﻮﻝ ﺳﺪﻳﻢ ﺍﻟﻲ ﺟﺎﻧﺖ ﺑﻴﻮﻡ ﻋﻘﺪﻩ ﺍﻟﺰﻋﻼﻧﻪ ﻭﺿﺎﻳﺠﻪ
ﺍﺑﺘﺴﻤﺖ ﺍﻟﻬﺎ ﻭﺩﻋﻴﺖ ﺑﺴﺮﻱ ﺍﻟﻠﻪ ﻳﺴﻌﺪﻫﺎ ﺑﺤﻴﺎﺗﻪ ﺍﻟﺠﺪﻳﺪﻩ ﻳﺎﺭﺏ
ﺍﺧﺮ ﺷﻲ ﻛﺎﻟﻮ ﺭﺍﺡ ﺗﺒﺪﻱ ﺍﻟﺠﻠﻮﻩ .. ﻛﻌﺪﺕ ﻫﻴﺎ ﻭﺟﺎﺑﻮﻟﻪ
ﻗﻤﺎﺵ ﺍﺑﻴﺾ ﻭﻣﻠﻤﻊ ﺧﻠﻮﻩ ﻓﻮﻙ ﺭﺍﺳﻬﺎ ﻭﻛﺎﻟﻮ ﺑﺲ ﺍﻟﺒﻨﺎﺕ ﺍﻟﻲ ﻣﺎﻣﺰﻭﺟﺎﺕ ﻳﺠﻦ ﻳﻠﺰﻣﻨﻪ
ﻫﻴﺎ ﺩﺣﻜﺘﻠﻲ ﻭﺻﺎﺣﺘﻨﻲ ﺍﻧﻲ ﻭﺳﺪﻳﻢ ﻭﺩﺭﺓ ﻭﺍﺟﺖ ﺳﻮﺯﺍﻥ ﻫﻢ ﺣﻄﺖ ﺭﻭﺣﻪ ﻭﻟﺰﻣﺘﻪ ﻣﻦ ﺍﻟﻄﺮﻑ
ﺑﺪﺕ ﻫﺎﻱ ﺍﻟﻤﺮﻩ ﺟﺎﻳﺒﻴﻪ ﻭﺗﻬﻮﺱ ﺍﻟﻬﻦ ﻭﺗﻐﻨﻲ ﻭﺍﻟﻨﺴﻮﺍﻥ ﻳﻬﻠﻬﻠﻦ ﻭﻳﺼﻔﻜﻦ ﻭﺍﺣﻨﺎ ﻻﺯﻣﻴﻦ ﺍﻟﻘﻤﺎﺵ ﻭﺍﺟﺖ ﻋﻤﺘﻪ ﻭﺣﻨﺖ ﺍﻳﺪﻳﻬﺎ ﺍﻟﺜﻨﻴﻦ
ﺍﻭﻝ ﻣﺮﻩ ﺍﻧﻲ ﺍﺣﻈﺮ ﻫﻴﺞ ﺷﻲ ﻭﺻﺪﻙ ﻓﺮﺣﺖ ﺑﻴﻮﻣﻬﺎ ﻭﺍﺳﺘﺎﻧﺴﺖ
ﺍﻟﻮﻟﺪ ﻛﺎﻟﻮ ﻣﺎﻳﺤﻈﺮ ﺣﺘﻰ ﺗﺤﻨﻲ ﺍﻳﺪﻭﻭ ﻓﻠﺬﻟﻚ ﺍﻟﻨﺴﻮﺍﻥ ﺣﻨﻦ ﻭﺭﻭﺩ
ﺣﺴﻴﺘﻬﺎ ﺿﺎﺟﺖ ﻻﻧﻮ ﻣﺎﺣﻈﺮ ﻓﺎ ﻛﺎﻟﻦ ﺍﻟﻬﺎ ﺃﻧﻮ ﻫﻮ ﻳﺴﺘﺤﻲ ﻻﻥ ﻫﻮﺳﻪ ﻭﻧﺴﻮﺍﻥ ..
ﺑﺪﺕ ﺍﻟﺤﻔﻠﻪ ﺗﺨﻠﺺ ﻭﺍﻟﻨﺴﻮﺍﻥ ﺗﺨﻒ ﺷﻮﻱ ﺷﻮﻱ ﻭﺑﻘﻦ ﺑﺲ ﺷﻜﻢ ﻭﺣﺪﻩ ﻣﻦ ﺍﻫﻠﻬﻢ
ﺍﻟﺒﻨﺎﺕ ﺍﻟﻲ ﺑﻘﻦ ﺭﺍﺣﻦ ﺑﺪﻟﻦ ﻭﺍﺟﻦ ﻭﻇﻠﻴﻨﻪ ﺍﻧﻈﻒ ﺍﻟﺒﻴﺖ ﺍﻧﻲ ﻭﺳﺪﻳﻢ ﻭﺩﺭﺓ ﻭﺷﻜﻢ ﺑﻨﺖ
ﻋﺰﻟﺖ ﺍﻻﺳﺘﻘﺒﺎﻝ ﻭﻫﻨﺎ ﻋﻠﻴﻬﻦ ﺍﻟﻤﻄﺒﺦ
ﺧﻠﺼﻨﻪ ﻛﻠﺸﻲ ﻭﺍﻣﻲ ﻛﺎﻟﺖ ﻳﺎﻟﻪ ﺗﺎﻧﺮﻭﺡ .. ﺭﺣﻨﻪ ﺳﻠﻤﻨﻪ ﻋﻠﻰ ﻭﺭﻭﺩ ﻭﺑﺎﺭﻛﻨﻪ ﺍﻟﻬﺎ
ﺗﻬﻴﺮﻧﻪ ﺗﺎ ﻧﻤﺸﻲ ﻭﺻﻠﻨﻪ ﻟﻠﻤﻄﺒﺦ ﻭﺟﺎﻥ ﻭﺍﻛﻒ ﺿﺮﻏﺎﻡ ﺩﺣﻜﻠﻨﻪ ﻭﺷﺎﻑ ﺍﻣﻲ ﻭﺳﻠﻢ ﻋﻠﻴﻪ ﻭﻫﻴﺎ ﺳﻠﻤﺖ
ﻛﺎﻝ : ﻫﺎ ﺧﺎﻟﻪ ﺭﺍﻳﺤﻴﻦ
: ﺍﻱ ﻭﺍﻟﻠﻪ ﻳﻤﻪ ﺭﺍﻳﺤﻴﻦ ﺗﺎﺧﺮ ﺍﻟﻮﻗﺖ
: ﺧﻮﺵ ﻟﻌﺪ ﺧﻞ ﺍﻭﺻﻠﻜﻢ
: ﻻ ﻳﻤﻪ ﻋﻠﻴﺶ ﻫﺬﺍ ﺍﻟﺒﻴﺖ ﻫﻴﻦ ﻗﺮﻳﺐ .. ﻣﺎﻧﺮﻳﺪ ﻧﺘﻌﺒﻚ
: ﻻ ﺧﺎﻟﻪ ﻣﺎﻛﻮ ﻛﻞ ﺗﻌﺐ ﺧﻞ ﺍﻭﺻﻠﻜﻢ ﻻﻥ ﻧﺎﺱ ﻭﺍﻛﻔﻪ ﻫﻨﺎ ﻭﺍﺳﻮﻳﻠﻜﻢ ﻃﺮﻳﻖ ﺣﺘﻰ ﺗﻌﺒﺮﻥ
: ﺑﺮﺍﺣﺘﻚ ﻳﻤﻪ ﺍﻟﻲ ﺗﺸﻮﻓﻪ
ﻫﺰ ﺭﺍﺳﻪ ﻭﻣﺸﻪ ﻭﺍﺣﻨﻪ ﻭﺭﺍﻫﺎ .. ﻭﺍﻧﻲ ﻓﺮﺣﺎﻧﻪ ﻳﺮﻳﺪ ﻳﻮﺻﻠﻨﻪ ﻫﻮﻭ ﻇﻠﻴﺖ ﺍﺩﺣﻚ ﻋﻠﻴﻪ ﻭﻣﺤﺪ ﻣﻨﺘﺒﻪ ﺍﻟﻲ
ﻭﺍﻧﻲ ﺍﺩﺣﻜﻠﻮ ﺑﺮﺍﺣﺘﻲ
ﻭﺻﻠﻨﻪ ﻟﻠﺒﻴﺖ ﻭﺍﻧﻲ ﺑﻌﺪﻧﻲ ﺻﺎﻓﻨﻪ ﻋﻠﻴﻪ ﻫﻮ ﺩﺍﺭ ﻭﺟﻬﻮ ﺗﺎ ﻳﺘﻜﻠﻢ ﻭﻱ ﺍﻣﻲ ﺑﺲ ﻃﺎﺣﺖ ﻋﻴﻨﻮ ﻋﻠﻴﻪ ﻭﺭﻓﻊ ﺣﺎﺟﺒﻮ ﻣﺴﺘﻐﺮﺏ
ﺍﺳﺘﺤﻴﺖ ﻭﻧﺼﻴﺖ ﺭﺍﺳﻲ ﺣﻘﻮ ﻭﺍﻟﻠﻪ ﻳﺴﺘﻐﺮﺏ ﺍﺫﺍ ﺍﻧﻲ ﻇﺎﻟﻪ ﺻﺎﻓﻨﻪ ﻋﻠﻴﻪ
: ﻭﺻﻠﻨﻪ ﺧﺎﻟﻪ ﻳﺎﻟﻪ ﺍﻧﻲ ﺍﺳﺘﺄﺫﻥ
: ﻭﻳﻦ ﻳﻤﻪ ﺍﺗﻔﻈﻞ ﺍﺩﺧﻞ ﻧﺴﻮﻳﻠﻚ ﺟﺎﻱ ﺗﺸﺮﺏ
: ﻣﺸﻜﻮﺭﻩ ﺧﺎﻟﻪ ﻏﻴﺮ ﻣﺮﻩ ﺃﻥ ﺷﺎﺀﺍﻟﻠﻪ ﻻﻥ ﺗﻌﺒﺎﻥ ﻭﺍﺭﻳﺪ ﺍﻧﺎﻡ
ﺗﺼﺒﺤﻮﻥ ﻋﻠﻰ ﺧﻴﺮ
ﺭﺩﺕ ﻋﻠﻴﻪ ﺍﻣﻲ : ﻭﺍﻧﺖ ﻣﻦ ﺍﻫﻠﻮﻭ ﻳﻤﻪ .. ﻳﺤﻔﻈﻚ ﺍﻟﻠﻪ ﻟﺸﺒﺎﺑﻚ
ﻫﻮ ﺭﺍﺡ ﻭﻋﻴﻨﻲ ﻋﻠﻴﻪ ﺍﻭﻑ ﺭﺑﻲ ﻳﺤﺮﺳﻚ ﻣﻦ ﺍﻟﻌﻴﻦ
ﻛﻀﺒﺘﻨﻲ ﺳﺪﻳﻢ ﻣﻦ ﺍﻳﺪﻱ : ﻳﻮﻝ ﻓﻮﺗﻲ ﺟﻮﻩ ﺗﺮﻯ ﺍﻟﺰﻟﻤﻪ ﺭﺍﺡ ﻭﺍﻧﺘﻲ ﺑﻌﺪﺝ ﻫﻴﻦ ﻓﻮﺗﻲ ﻳﺎﻟﻪ
ﻫﺰﻳﺖ ﺭﺍﺳﻲ ﻭﺩﺧﻠﻨﻪ ﺟﻮﻭﻩ ﻭﻛﻞ ﻭﺍﺣﺪ ﺭﺍﺡ ﻟﻐﺮﻓﺘﻪ ..
........
ﺿﺮﻏﺎﻡ / ﺍﻟﻴﻮﻡ ﺣﻨﺖ ﻭﺭﻭﺩ .. ﻛﻌﺪﺕ ﻣﻦ ﻭﻛﺖ ﺣﻈﺮﺕ ﻧﻔﺴﻲ ﻭﻧﺰﻟﺖ ﻟﻠﻤﻈﻴﻒ ﻛﻌﺪﺕ ﻭﺍﻫﻠﻨﻪ ﻛﻠﻬﻢ ﺍﺟﻮﻭ
ﺍﺟﺎﻧﻲ ﺍﺗﺼﺎﻝ ﻃﻠﻌﺖ ﺍﺧﺎﺑﺮ ﻭﺍﻧﻲ ﺍﺣﺠﻲ ﻭﻱ ﺍﻟﻤﺘﺼﻞ
ﻭﺻﻠﺖ ﻗﺮﻳﺐ ﺑﻴﺘﻨﻪ ﻭﺷﻔﺖ ﻳﺎﻗﻮﺕ ﻭﺍﺧﺘﻪ ﻭﺍﻣﻪ ﻭﻭﺣﺪﻩ ﻭﻳﺎﻫﻢ ﻳﻤﻜﻦ ﺯﻭﺟﺔ ﺍﻣﻴﺮ
ﻋﻴﻨﻲ ﺻﺎﺭﺕ ﻋﻠﻰ ﻳﺎﻗﻮﺕ ﺗﻤﺸﻲ ﻭﻣﺪﻧﻜﻪ ﺭﺍﺳﻪ ﻭﻣﺎﺗﺒﺎﻭﻉ ﻋﻠﻰ ﺍﺣﺪ ﺍﺳﺘﻐﺮﺑﺖ ﺗﺼﺮﻓﻪ ﻣﻌﻘﻮﻟﻪ ﺍﻛﻮ ﻫﻴﺞ ﺑﻨﻴﻪ ﻣﺎﻋﺮﻑ ﻭﺍﻟﻠﻪ ﻫﻴﺎ ﺗﻤﺜﻞ ﻟﻮ ﻫﻴﺎ ﻫﻴﺞ .. ﺑﺴﺒﺐ ﺗﺠﺮﺑﺘﻲ ﺍﻟﻔﺎﺷﻠﻪ ﺧﻠﺘﻨﻲ ﻣﺎﺻﺪﻙ ﺑﺄﻱ ﺑﻨﻴﻪ
ﺧﻠﺼﺖ ﻣﻜﺎﻟﻤﺘﻲ ﻭﺭﺟﻌﺖ ﻳﻢ ﺍﻟﺰﻟﻢ
ﻟﻈﻬﺮ ﻃﻠﻌﺖ ﺣﺘﻰ ﺍﺑﺪﻝ ﻭﺍﺭﺟﻌﻠﻬﻢ ﻭﺻﻠﺖ ﻳﻢ ﺍﻟﻤﻄﺒﺦ ﺑﺲ ﺍﺳﺘﻮﻗﻔﻨﻲ ﺻﻮﺕ ﺳﺮﺍﺝ
ﺭﺍﺡ ﻟﺠﻮﺭﻱ ﻭﻃﻠﺐ ﻣﻨﻬﺎ ﺗﺮﻭﺡ ﻭﻳﺎﻩ ﺣﺘﻰ ﻳﺒﺪﻝ ﺑﺲ ﻓﺎﺟﺌﺘﻨﻲ ﻣﺎﺗﻜﺪﺭ ﺗﺮﻭﺡ
ﺍﻋﺮﻑ ﺣﻘﻪ ﺗﺘﻌﺐ ﻭﺍﻟﻲ ﻏﻀﺒﻨﻲ ﺍﻛﺜﺮ ﻛﻼﻡ ﺳﻮﺯﺍﻥ ﻭﻳﺎﻩ
ﺣﺴﻴﺖ ﺭﺍﺳﻲ ﺻﺪﻉ ﻣﻦ ﺍﻟﻐﻀﺐ
ﺷﺪﻳﺪ ﻗﺒﻀﺖ ﺍﻳﺪﻱ ﺑﻘﻮﻭﻩ ﻭﺍﻧﻲ ﺍﺷﻮﻓﻪ ﺻﺎﻳﺮ ﺑﻠﻨﺺ ﻭﻣﺪﻧﻚ ﺭﺍﺳﻪ ﻭﻣﺎﻳﻜﺪﺭ ﻳﺤﺠﻲ
ﻭﻫﻨﺎ ﻳﺒﺎﻭﻋﻦ ﻋﻠﻴﻪ ﺣﺴﻴﺖ ﺑﻠﻌﺠﺰ ﻭﻣﺘﻨﺪﻡ ﺍﺣﺲ ﺍﻧﻲ ﺍﻟﺴﺒﺐ ﺑﻠﻲ ﻳﺼﻴﺮ ﻫﺴﻪ ﺑﺴﺮﺍﺝ
ﺍﺟﺖ ﺑﺎﻟﻲ ﻭﻛﻠﺖ ﻟﻮ ﻣﺘﺰﻭﺝ ﻫﺴﻪ ﻭﻳﺼﻴﺮ ﻋﻨﺪﻩ ﺃﻡ ﻭﻣﺎﻳﺤﺘﺎﺝ ﻻﺣﺪ ... ﺍﻭﻭﻑ ﻟﻴﺶ ﻫﻴﺞ ﺳﻮﻳﺘﻲ ﻳﺎﻣﻼﻙ
ﻣﻮ ﺟﻨﺖ ﻣﺤﺘﺮﻣﺞ ﻭﻋﺸﺘﻲ ﻭﻳﺎﻱ ﻣﻌﺰﺯﻩ ﻣﻜﺮﻣﻪ ﺷﺨﻼﺝ ﺗﺴﻮﻳﻦ ﻫﻴﺞ ﻭﺗﺨﻮﻧﻴﻨﻲ
ﺷﻠﻮﻥ ﺍﻧﻄﺎﺝ ﻛﻠﺒﺞ ﺳﻮﻳﺘﻲ ﺑﻴﻪ ﻭﺑﺄﺑﻨﺞ ﻫﻴﺞ ﻭﺧﻠﻴﺘﻲ ﻳﺤﺘﺎﺝ ﻟﻨﺎﺱ ﻭﻳﺘﻮﺳﻞ ﺑﻴﻬﻢ
ﺑﺲ ﺷﻨﻮ ﺍﻟﻲ ﻳﻀﻤﻨﻠﻲ ﺍﻧﻮ ﻣﺮﺕ ﺍﺑﻮ ﺭﺍﺡ ﺗﻌﺎﻣﻠﻪ ﺑﺤﻨﻴﻪ ﻫﺴﻪ ﻫﺎﻱ ﺳﻮﺯﺍﻥ ﻭﻛﺮﺍﻳﺒﻲ ﻭﺻﻴﺤﺖ ﻋﻠﻴﻪ ﻫﻴﺞ
ﻭﻫﺎﻱ ﺍﺧﺘﻲ ﻭﺗﻌﺎﺟﺰﺕ ﺑﺲ ﺣﻘﻪ ﺍﻛﻮﻝ ﺣﺎﻣﻞ
ﺑﺲ ﺍﻟﻲ ﻓﺎﺟﺌﺘﻨﻲ ﻳﺎﻗﻮﺕ ﺍﻟﻲ ﻫﻴﺎ ﻏﺮﻳﺒﻪ ﻭﻣﺼﺎﺭﻟﻪ ﺑﺲ ﺷﻜﻢ ﺷﻬﺮ ﻫﻨﺎ ﺷﻠﻮﻥ ﺣﻨﺖ ﻋﻠﻴﻪ ﻭﻛﺎﻟﺘﻠﻪ
ﻭﻛﺴﺮﻧﻲ ﺍﻛﺜﺮ ﺍﺑﻨﻲ ﻭﺩﻣﻌﺘﻪ ﺍﻟﻲ ﻣﺎﻳﻜﺪﺭ ﻳﻨﺰﻟﻬﻦ ﺍﻭﻭﻑ ﺍﺳﺘﻐﻔﺮﻙ ﺭﺑﻲ
ﺭﺍﺩﺕ ﺗﺎﺧﺬﻩ ﺑﺲ ﺻﺤﺖ ﻋﻠﻴﻬﺎ ﻭ ﻛﺘﻠﻬﺎ ﺑﻘﻴﻪ ﺍﻧﻲ ﺍﺧﺬﻩ .. ﻭﺻﺪﻙ ﺍﺧﺬﺗﻪ ﻭﺻﻌﺪﺕ ﻓﻮﻙ ﻭﺍﻧﻲ ﺍﺣﺲ ﻧﻔﺴﻲ ﻣﺨﻨﻮﻙ ﻛﻠﺶ ﻋﻠﻰ ﺍﺑﻨﻲ
ﺧﻠﻴﺘﻪ ﻋﻠﻰ ﺍﻟﺠﺮﺑﺎﻳﻪ ﻭﺭﺣﺖ ﻟﻠﻜﻨﺘﻮﺭ ﻃﻠﻌﺖ ﻟﺒﺴﻪ ﻭﺑﺪﻟﺘﻪ ﻭﺍﻧﻲ ﺍﺳﺪ ﺑﺰﺭﺍﺭ ﺍﻟﻘﻤﻴﺺ ﻭﻣﺎﺭﻳﺪ ﺍﺑﺎﻭﻉ ﻋﻠﻴﻪ
ﻛﺘﻠﻪ : ﺍﻧﺖ ﻛﺒﺮﺕ ﻋﻴﺐ ﺗﻄﻠﺐ ﻣﻦ ﺍﺣﺪ ﻳﺠﻲ ﻳﺴﺎﻋﺪﻙ .. ﺳﺎﻋﺪ ﻧﻔﺴﻚ ﺑﻨﻔﺴﻚ ﻭﺍﺫﺍ ﺗﺮﻳﺪ ﺷﻲ ﻛﻠﻲ ﺍﻟﻲ ﻻ ﺗﺮﻭﺡ ﻻﺣﺪ ﻓﻬﻤﺖ
ﻭﺍﻧﺖ ﺻﺮﺕ ﺭﺟﺎﻝ ﺗﻜﺪﺭ ﺗﺒﺪﻝ ﺑﻨﻔﺴﻚ
ﺣﺠﻪ ﺑﺼﻮﺕ ﺣﺴﻴﺘﻪ ﻣﻘﻬﻮﺭ : ﺍﻋﺮﻑ ﺑﺲ ﻣﺎﻟﻮﺡ ﻣﻼﺑﺴﻲ ﻭﺻﺤﺖ ﻋﻤﻪ ﺟﻮﺭﻱ ﻭﻣﺎﻗﺒﻠﺖ ﻭﻛﻠﺖ ﻟﺨﺎﻟﻪ ﺳﻮﺯﺍﻥ ﺑﺲ ﻣﺎﻗﺒﻠﺖ ﻭﺻﻴﺤﺖ ﻋﻠﻴﻪ
ﺑﺲ ﻳﺎﻗﻮﺕ ﺣﺒﺎﺑﻪ ﻛﺎﻟﺖ ﺗﻌﺎﻝ ﺍﻧﻲ ﺍﺳﺎﻋﺪﻙ
ﻏﻤﻀﺖ ﻋﻴﻨﻲ ﺑﺼﺒﺮ ﻣﻦ ﺟﺎﺏ ﻃﺎﺭﻱ ﺍﺳﻤﻬﺎ ﺍﺳﺘﻐﻔﺮﺍﻟﻠﻪ ﺭﺑﻲ ﻣﺪﺭﻱ ﻟﻴﺶ ﻣﻦ ﺍﺳﻤﻊ ﺍﺳﻤﻬﺎ ﻣﺎﻳﺼﻴﺮ ﻋﻨﺪﻱ ﺗﻮﺍﺯﻥ
ﻟﻮ ﺍﻋﺼﺐ ﻣﻦ ﺍﺳﻤﻌﻪ
: ﻛﺘﻠﻚ ﺑﻌﺪ ﻣﻮ ﺗﻌﻴﺪﻩ ﻣﻔﻬﻮﻡ ﺑﺎﺑﺎ
ﺩﻧﻜﺖ ﻭﻛﺎﻋﺪ ﺍﻟﺒﺴﻪ ﺣﺬﺍﺋﻪ ﺑﺲ ﺻﺪﻣﻨﻲ ﻛﻼﻣﻪ
ﻭﺻﻮﺗﻪ ﺍﻟﺤﺰﻳﻦ : ﺑﺎﺑﺎ ﻟﻌﺪ ﻣﺎﻣﺎ ﻭﻳﻦ ﺷﻮ ﻣﺎﻛﻮ
ﺭﻓﻌﺖ ﺭﺍﺳﻲ ﺍﻟﻪ ﻭﺍﺷﻮﻑ ﺩﻣﻌﻪ ﻧﺰﻟﺖ ﻣﻦ ﻋﻴﻨﻪ ﻭﻣﺴﺤﻬﺎ ﺑﺴﺮﻋﻪ : ﺑﺎﺑﺎ ﻟﻴﺶ ﺍﻧﻲ ﻣﺎﻋﻨﺪﻱ ﺃﻡ ... ﻟﻴﺶ ﻛﻞ ﺍﻟﻲ ﺍﺷﻮﻓﻪ ﻋﺪﻫﻢ ﺍﻣﻬﺎﺕ ﺑﺲ ﺍﻧﻲ ﻻ .. ﺍﻧﺖ ﻣﻮ ﻛﻠﺖ ﺗﺠﻲ ﺍﻣﻚ ﺷﻮ ﻣﺎﻛﻮ ﺍﺗﺄﺧﺮﺕ ﺍﺭﻳﺪ ﺍﺷﻮﻓﻪ
ﻟﺠﻢ ﻛﻠﺒﻲ ﺑﻬﺬﺍ ﻛﻼﻣﻪ ﻭﻛﺴﺮﻧﻲ ﺍﺍﺥ ﺍﺛﺎﺭﻳﻪ ﻣﺤﺘﺎﺝ ﻻﻡ ﻫﻮﺍﻱ ﻭﺧﺎﺻﻪ ﻻﻥ ﻛﺒﺮ ﻭﻛﺎﻡ ﻳﻌﺮﻑ ﻛﻠﺸﻲ
ﺟﺎﻧﻮ ﻳﻜﻠﻮﻟﻲ ﺍﺗﺰﻭﺝ ﺑﺲ ﺍﻧﻲ ﻛﺒﺮﻳﺎﺋﻲ ﻳﻤﻨﻌﻨﻲ ﺍﺗﺰﻭﺝ ﻻﻥ ﻟﻌﺒﺖ ﺭﻭﺣﻲ ﻣﻦ ﺟﻨﺲ ﺣﻮﺍﺀ ﻭﻳﻜﻠﻮﻟﻲ ﻋﻠﻤﻮﺩ ﺍﺑﻨﻚ ﺧﻄﻴﻪ ﺷﻨﻮ ﺫﻧﺒﻪ ﻭﺍﻧﻲ ﺍﻛﻠﻠﻬﻢ ﺍﺑﻨﻲ ﺍﻧﻲ ﺍﺭﺑﻴﻪ ﻣﺎﻳﺤﺘﺎﺝ ﺍﻡ
ﺑﺲ ﻫﺴﻪ ﺻﺪﻣﻨﻲ ﺑﻜﻼﻣﻪ ﺍﺛﺎﺭﻳﻪ ﻳﺮﻳﺪ ﺍﻣﻪ ﺑﺎﻭﻋﺘﻠﻪ ﻭﺍﺑﺘﺴﻤﺖ ﺍﻟﻪ ﺑﺤﻨﻴﻪ ﺍﻃﻤﺌﻨﻪ ﺣﻄﻴﺖ ﺍﻳﺪﻱ ﺍﻻﺛﻨﻴﻦ ﻋﻠﻰ ﺧﺪﻩ ﻭﺍﻧﻲ ﺍﺣﺠﻲ ﻫﺬﺍ ﺍﻟﻜﻼﻡ ﻭﻣﻮ ﻣﻦ ﻛﻠﺒﻲ ﺑﺲ ﻋﻠﻤﻮﺩﻩ
ﻭﻫﺎﻫﻴﻪ ﻗﺮﺭﺕ : ﺍﻥ ﺷﺎﺀﺍﻟﻠﻪ ﺣﺒﻴﺒﻲ ﻣﺎﻣﺎ ﺭﺍﺡ ﺗﺠﻲ ﻋﻦ ﻗﺮﻳﺐ ﻣﺮﺍﺡ ﺗﺘﺄﺧﺮ
ﺷﻔﺖ ﺍﻟﻔﺮﺣﻪ ﺑﻌﻴﻮﻧﻪ : ﺻﺪﻙ ﻳﻌﻨﻲ ﻳﻤﺘﻪ
ﺑﺴﺘﻪ ﻣﻦ ﺧﺪﻩ : ﻛﺘﻠﻚ ﻣﻮ ﻫﻮﺍﻱ ﻭﺗﺠﻲ
ﺣﺠﻪ ﺑﻄﻔﻮﻟﻴﻪ : ﻳﻌﻨﻲ ﺍﻧﺎﻡ ﻭﺍﻛﻌﺪ ﻭﺍﻧﺎﻡ ﻭﺍﻛﻌﺪ ﻭﺗﺠﻲ ﻣﻮﻭ ! ؟
ﺍﺑﺘﺴﻤﺖ ﻟﻜﻼﻣﻪ : ﺍﻱ ﺑﺎﺑﺎ ﺍﻥ ﺷﺎﺀﺍﻟﻠﻪ .. ﻫﺴﻪ ﻳﺎﻟﻪ ﺧﻞ ﻧﻨﺰﻝ ﻋﻴﺐ ﻧﻌﻮﻑ ﺍﻟﺰﻟﻢ
ﻫﺰ ﺭﺍﺳﻪ ﺑﺪﻟﺖ ﺍﻧﻲ .. ﻭﺍﺧﺬﺗﻪ ﻭﻣﺸﻴﺖ ﻧﺰﻟﺖ ﺟﻮﻩ ﻃﻠﻌﺖ ﻣﻦ ﺍﻟﻤﻄﺒﺦ ﻭﺷﻔﺖ ﻳﺎﻗﻮﺕ ﻭﺍﻟﺒﻨﺎﺕ ﻣﻠﺘﻠﻤﺎﺕ ﺩﻧﻜﺖ ﺭﺍﺳﻲ ﻭﻃﻠﻌﺖ
ﺍﻓﻜﺮ ﺑﻜﻼﻣﻲ ﻭﺍﻧﻲ ﻣﻘﺮﺭ ﻋﻠﻤﻮﺩ ﺳﺮﺍﺝ ﻭﺍﺗﺤﻤﻞ ﻋﻠﻤﻮﺩﻩ ﺷﺴﻮﻱ ﻟﻌﺪ ﻣﺜﻞ ﻣﺎﻛﺎﻝ ﺍﻟﻤﺜﻞ
ﻟﺠﻞ ﻋﻴﻦ ﺗﻜﺮﻡ ﻣﺪﻳﻨﻪ ...
ﺑﻠﻴﻞ ﻛﻠﺶ ﺍﻟﻨﺎﺱ ﺑﺪﺕ ﺗﻤﺸﻲ ﻭﻛﻠﻤﻦ ﺭﺍﺡ ﻋﻠﻰ ﺑﻴﺘﻪ ﺍﻧﻲ ﻃﻠﻌﺖ ﻣﻦ ﺍﻟﻤﻀﻴﻒ ﻭﺭﺣﺖ ﻟﻠﻤﻄﺒﺦ ﻇﻠﻴﺖ ﻭﺍﻛﻒ ﺷﻮﻱ ﺷﺮﺑﺖ ﻣﺎﻱ ﺣﺴﻴﺖ ﻧﻔﺴﻲ ﻋﻄﺸﺎﻥ
ﻃﻠﻌﺖ ﻛﺒﺎﻟﻲ ﺍﻡ ﺍﻣﻴﺮ ﻭﻳﺎﻗﻮﺕ ﻭﺍﺧﺘﻪ ﻭﻣﺮﺕ ﺍﺧﻮﻫﺎ
ﻭﺻﻠﺘﻬﻢ ﻟﻠﺒﻴﺖ ﻭﻣﻦ ﺩﺭﺕ ﻭﺟﻬﻲ ﺷﻔﺖ ﻳﺎﻗﻮﺕ ﺗﺒﺎﻭﻉ ﻋﻠﻴﻪ ﺍﻧﻲ ﺍﺳﺘﻐﺮﺑﺖ ﺷﻜﻮ ﻋﻠﻴﺶ ﺗﺒﺎﻭﻉ ﻫﺎﻱ
ﺑﺲ ﻣﺎﻓﻜﺮﺕ ﻛﻠﺶ ﺍﺳﺘﺄﺫﻧﺖ ﻣﻨﻬﻢ ﻭﻋﻔﺘﻬﻢ ﻣﺸﻴﺖ
ﻭﺻﻠﺖ ﻟﻠﺒﻴﺖ ﺩﺧﻠﺖ ﺷﻔﺖ ﺍﻣﻲ ﻭﺍﻟﺠﺪﻩ
ﺳﻠﻤﺖ ﻋﻠﻴﻬﻦ ﻭﻛﻌﺪﺕ ﻭﺍﻧﻲ ﻣﻘﺮﺭ ﺍﻧﻮ ﻻﺯﻡ ﻫﺎﻫﻴﻪ
ﺍﻟﺠﺪﻩ : ﻳﻤﻪ ﺧﺎﻑ ﺑﻌﺪﻙ ﺯﻋﻼﻥ ﻋﻠﻰ ﺟﻮﺭﻱ ﻻﻥ ﺧﻄﻴﻪ ﻣﺸﺖ ﺿﺎﻳﺠﻪ
ﺑﺎﻭﻋﺘﻠﻪ : ﻋﻠﻴﻤﻦ ﺣﺒﻮﺑﻪ ﺯﻋﻼﻥ
: ﻋﻠﻰ ﺍﻟﻴﻮﻡ ﻻﻥ ﻣﺮﺍﺣﺖ ﻭﻱ ﺍﺑﻨﻚ
: ﻻ ﻣﺼﺎﺭ ﺷﻲ ﺣﻘﻪ ﻫﻴﺎ ﺣﺎﻣﻞ ﻭﻣﺎﺗﻜﺪﺭ . ﻭﺍﻧﻲ ﺍﺻﻼ ﻣﺴﻮﺅﻝ ﻋﻨﻪ ﻭﺍﻧﻲ ﺍﺳﺎﻋﺪﻩ
ﺍﻡ ﺿﺮﻏﺎﻡ ﺑﻘﻬﺮ ﻛﺎﻟﺖ : ﺍﺍﺍﺥ ﻣﻨﻚ ﻭﻣﻦ ﺍﻋﻨﺎﺩﻙ ﻛﺘﻠﻚ ﻳﻤﻪ ﺍﺗﺰﻭﺝ ﻭﺧﻞ ﺗﺠﻲ ﻭﺣﺪﻩ ﺗﺼﻴﺮ ﺍﻡ ﻟﺴﺮﺍﺝ ﻭﻫﻢ ﺗﻌﻮﻑ ﻭﺣﺪﺗﻚ ﻫﺎﻱ ﺷﻮﻑ ﻋﻨﺎﺩﻙ ﺷﻴﺴﻮﻱ
ﻋﺎﺩ ﻳﻠﻜﻪ ﺍﻡ ﺣﻨﻴﻨﻪ ﻋﻠﻴﻪ ﻭﺗﺤﺒﻪ ﻭﻣﺎﺗﺘﻌﺐ ﻣﻨﻪ ﻭﺗﻤﻞ
ﺑﺎﻭﻋﺘﻠﻪ ﻭﺭﻓﻌﺖ ﺣﺎﺟﺒﻲ : ﻳﻌﻨﻲ ﺷﻨﻮ ﻣﻠﻴﺘﻮ ﻣﻨﻪ ﻭﺗﻌﺒﺘﻮ ﻣﻦ ﺳﺮﺍﺝ ﺍﻧﺘﻮ
ﺑﺎﻭﻋﺖ ﺍﻣﻲ ﻋﻠﻰ ﺣﺒﻮﺑﺘﻲ ﻭﻛﺎﻟﺖ : ﺷﻮﻓﻲ ﻋﻤﻪ ﺷﻠﻮﻥ ﻟﻴﻮﻑ ﻭﺩﺍﺭ ﺑﻠﻜﻼﻡ ﻫﺴﻪ ﺍﻧﻲ ﻳﻤﺘﻪ ﻛﻠﺖ ﻣﻠﻴﺖ ﻣﻨﻪ
ﻭﻟﻚ ﻫﺬﺍ ﺣﺘﻰ ﺻﺎﺭ ﺍﻋﺰ ﻣﻨﻜﻢ ﻛﻠﻜﻢ ﺑﺲ ﻗﺼﺪﻱ ﺗﺠﻲ ﺍﻡ ﺗﺤﺒﻪ ﻭﺩﺍﺭﻳﻪ
ﻛﺘﻠﻪ : ﻭﺷﺪﺭﺍﻧﻲ ﻳﻤﻪ ﺍﻟﻲ ﺭﺍﺡ ﺗﺠﻲ ﺗﻜﻮﻥ ﺣﻨﻴﻨﻪ ﻋﻠﻴﻪ ﻭﻣﺎﺗﻌﺬﺑﻪ
ﺍﻟﺠﺪﻩ ﻛﺎﻟﺖ : ﻳﻌﻨﻲ ﺍﻧﺖ ﻫﺴﻪ ﻣﻮﺍﻓﻖ ﺗﺰﻭﺝ ﻳﻤﻪ
ﻫﺰﻳﺖ ﺭﺍﺳﻲ ﻭﺍﻧﻲ ﺷﺒﻪ ﻣﺎﻣﻘﺘﻨﻊ ﺑﻜﻼﻣﻲ ﺑﺲ ﻋﻠﻤﻮﺩ ﺳﺮﺍﺝ : ﺍﻱ ﺣﺒﻮﺑﻪ ﻫﻮ ﺍﻧﻲ ﺍﺟﻴﺖ ﺣﺘﻰ ﺍﻓﺎﺗﺤﻜﻢ ﺑﻠﻤﻮﺿﻮﻉ
ﺷﻔﺘﻬﻦ ﻓﺮﺣﻦ ﻭﻛﺎﻟﺖ ﺍﻣﻲ : ﺻﻠﻮﺍﺕ ﻋﻠﻰ ﻣﺤﻤﺪ ﻭﺭﻭﺩ ﻃﻠﻌﺖ ﺭﺟﻠﻪ ﺧﻀﺮﻩ ﺭﺍﺡ ﺗﺰﻭﺝ ﻭﺭﺍﻫﺎ ﻛﺒﻞ ﻭﺍﻟﻠﻪ ﻓﺮﺣﺘﻨﻲ ﺑﻬﺬﺍ ﺣﺠﻴﻚ ﻳﺎﺑﻌﺪ ﺍﻣﻚ
ﺍﻟﺠﺪﻩ ﺑﻔﺮﺣﻪ : ﻭﻣﻨﻴﻪ ﻳﻤﻪ ﺍﻟﻲ ﺗﺮﻳﺪﻩ ﻟﻮ ﺍﺣﻨﻪ ﻧﺨﺘﺎﺭ
: ﻻ ﺍﻧﺘﻮ ﺍﺧﺘﺎﺭﻭ ﺍﻧﻲ ﺍﺧﺘﺎﺭﻳﺖ ﻣﺮﻩ ﻭﺣﺪﻩ ﻭﺷﻔﺖ ﺍﻟﻨﺘﻴﺠﻪ ﻓﺎ ﺑﻘﺖ ﻳﻤﻜﻢ
ﺍﻣﻲ ﻛﺎﻟﺖ : ﺷﺮﺍﻳﻚ ﻳﻤﻪ ﺑﺴﻮﺯﺍﻥ ﻟﻮ ﻣﻬﺎ ﻻﻥ ﺑﻘﻦ ﺑﺲ ﺫﻧﻲ ﻟﻮ ﺍﺷﻮﻓﻠﻚ ﻏﻴﺮﻫﻦ
ﺍﺗﺬﻛﺮﺕ ﻣﻌﺎﻣﻠﺔ ﺳﻮﺯﺍﻥ ﻭﺍﻟﺤﻤﺪ ﺍﻟﻠﻪ ﺍﻟﻒ ﻣﺮﻩ ﻻﻥ ﺷﻔﺘﻪ ﻭﻋﺮﻓﺘﻪ : ﻻ ﻳﻤﻪ ﻣﺎﺭﻳﺪ ﻣﻨﻬﻢ ﻭﺷﻮﻓﻠﻲ ﻏﻴﺮﻫﻦ
: ﻫﺎﻫﻴﻪ ﻳﻤﺎ ﺍﻟﻲ ﻳﺠﺮﺍﻟﻚ
ﻛﻤﺖ ﻣﻦ ﻣﻜﺎﻧﻲ : ﻳﺎﻟﻪ ﺗﺼﺒﺤﻦ ﻋﻠﻰ ﺧﻴﺮ ﻻﻥ ﺗﻌﺒﺎﻥ ﻭﺍﺭﻳﺪ ﺍﻧﺎﻡ
ﺍﻟﺠﺪﻩ : ﺭﻭﺡ ﻳﻤﺎ ﻭﺍﻧﺖ ﻣﻦ ﺍﻫﻠﻪ ﺍﻟﻠﻪ ﻭﻳﺎﻙ ﻳﺮﻭﺣﻲ
ﻋﻔﺘﻬﻦ ﻭﺍﻧﻲ ﺻﺎﻋﺪ ﺍﻟﺪﺭﺝ ﻣﺎﻋﺮﻑ ﻟﻴﺶ ﺍﺟﺖ ﻋﻠﻰ ﺑﺎﻟﻲ ﻳﺎﻗﻮﺕ ﻭﻛﻤﺖ ﺍﻓﻜﺮ ﺑﻴﻬﺎ ﻭﺑﺸﻮﻓﺘﻪ
ﻭﺧﺮﺕ ﻫﺎﻱ ﺍﻻﻓﻜﺎﺭ ﻣﻦ ﺭﺍﺳﻲ : ﺍﻭﻭﻑ ﺷﻮ ﻃﻠﻌﻲ ﻣﻦ ﺑﺎﻟﻲ ﺭﺣﻤﻪ ﻟﻬﻠﺞ ﻣﻮ ﻣﻮﺗﻴﻨﻲ ﻟﻴﺶ ﺗﺠﻴﻦ ﻋﻠﻰ ﺑﺎﻟﻲ
ﺩﺧﻠﺖ ﻟﻠﻐﺮﻓﻪ ﺷﻔﺖ ﺳﺮﺍﺝ ﻧﺎﻳﻢ ﻋﻠﻰ ﺍﻟﺠﺮﺑﺎﻳﻪ ﺭﺣﺖ ﺑﺪﻟﺖ ﻭﺍﺟﻴﺖ ﻧﻤﺖ ﺑﺼﻔﻪ ﺗﻐﻄﻴﺖ ﺑﻨﻔﺲ ﺍﻟﻐﻄﻪ
ﺣﻄﻴﺖ ﺍﻳﺪﻱ ﺟﻮﻩ ﺭﺍﺳﻲ ﻭﺍﻻﻳﺪ ﺍﻟﺜﺎﻧﻴﻪ ﺍﻣﺴﺢ ﺑﺸﻌﺮ ﺳﺮﺍﺝ ﻫﻤﺴﺖ : ﻛﻠﻪ ﻫﺬﺍ ﺳﻮﻳﺘﻪ ﻋﻠﻤﻮﺩﻙ ﺣﺘﻰ ﻣﺎﺗﺤﺲ ﺑﺄﻱ ﻧﻘﺺ ﻭﺗﻜﻮﻥ ﺣﺎﻟﻚ ﺣﺎﻝ ﺍﻱ ﻃﻔﻞ ﻳﺮﻳﺪ ﺍﻡ ﻭﻳﺤﺲ ﺑﺤﻨﺎﻧﻪ ﺑﺲ ﺍﺗﻤﻨﻰ ﺍﻟﻲ ﺍﺧﺬﻫﺎ ﺗﺼﻴﺮ ﻛﻔﻮﻭ
ﻭﺗﺤﻦ ﻋﻠﻴﻚ ﺑﺴﺘﻪ ﻣﻦ ﺭﺍﺳﻪ ﻭﻏﻤﻀﺖ ﻋﻴﻨﻲ ﻭﻣﺎﺣﺲ ﺍﻻ ﺷﺎﺑﻜﻨﻲ
ﻓﺘﺤﺖ ﻋﻴﻨﻲ ﺗﻔﺄﺟﺌﺖ ﻣﻦ ﺷﻔﺘﻪ ﻳﺒﺎﻭﻋﻠﻲ ﺍﺑﺘﺴﻤﺖ ﺍﻟﻪ ﻭﻛﻠﺖ : ﻫﺎﻱ ﺷﻨﻮ ﺑﻌﺪﻙ ﻛﺎﻋﺪ ﻭﻟﻚ ﻟﻴﺶ ﻣﺎﻧﺎﻳﻢ
ﺑﺲ ﺻﺪﻣﻨﻲ ﻣﻦ ﻛﺎﻝ : ﻋﺎﺩﻱ ﺗﺼﻴﺮ ﻳﺎﻗﻮﺕ ﺃﻣﻲ
ﺑﺎﻭﻋﺘﻠﻪ ﺑﺄﺳﺘﻐﺮﺍﺏ ﻋﻠﻰ ﺻﺪﻣﻪ : ﻟﻴﺶ ﺗﺤﺠﻲ ﻫﻴﺞ ﻋﻠﻴﺶ
: ﺍﻧﻲ ﺟﻨﺖ ﺟﻮﻩ ﻭﺳﻤﻌﺖ ﻛﻼﻣﻚ ﻭﻱ ﺑﻴﺒﻲ ﻭﻛﻠﺖ ﺗﺮﻳﺪ ﺗﺰﻭﺝ
ﻫﺰﻳﺖ ﺭﺍﺳﻲ : ﺍﻳﻲ ﻣﻮ ﻭﻋﺪﺗﻚ ﺭﺍﺡ ﻳﺼﻴﺮ ﻋﻨﺪﻙ ﺍﻡ
: ﺑﺲ ﺍﻧﻲ ﺍﺭﻳﺪ ﻳﺎﻗﻮﺕ ﺗﺼﻴﺮ ﺍﻣﻲ ﻫﻴﺎ ﺗﺤﺒﻨﻲ ﻭﺍﻧﻲ ﺍﺣﺒﻪ ﺗﺮﻯ
ﺍﺗﻔﺎﺟﺌﺖ ﻫﺴﻪ ﻫﺬﺍ ﺷﻜﻠﻪ : ﻟﻴﺶ ﺑﺎﺑﺎ ﺍﻻ ﻫﻴﺎ ﻳﻤﻜﻦ ﺗﺠﻲ ﻭﺣﺪﻩ ﺛﺎﻧﻴﻪ ﻭﺗﺼﻴﺮ ﺍﻣﻚ ﻭﺗﻈﻞ ﺗﺤﺒﻚ ﻫﻴﺎ ﻭﺍﻧﺖ ﻫﻢ ﺗﺤﺒﻪ
ﺍﺷﻮ ﻫﺬﺍ ﺷﺒﻜﻨﻲ ﻭﻏﻤﺾ ﻋﻴﻨﻪ : ﻓﺪﻭﻭﻩ ﺧﻞ ﺗﺼﻴﺮ ﻳﺎﻗﻮﺕ ﺍﻣﻲ
ﺳﻜﺘﺖ ﻭﺍﻧﻲ ﺍﻣﺴﺢ ﺑﺮﺍﺳﻪ .. ﺍﺳﺘﻐﻔﺮ ﺍﻟﻠﻪ ﺭﺑﻲ ﻫﺎﻱ ﻣﻨﻴﻦ ﻃﻠﻌﺘﻠﻲ ﺍﻟﺴﺎﻟﻔﻪ
ﺻﻔﻨﺖ ﻋﻠﻰ ﺍﻟﺴﻘﻒ ﻭﺍﻧﻲ ﺍﻓﻜﺮ ﺑﻜﻼﻡ ﺳﺮﺍﺝ ﻳﺮﻳﺪ ﻳﺎﻗﻮﺕ ﺍﻣﻪ ﺷﻠﻮﻥ
ﻇﻠﻴﺖ ﺍﺳﺘﺮﺟﻊ ﺑﺬﻛﺮﻳﺎﺗﻲ ﻭﺍﺷﻮﻑ ﺗﻌﺎﻣﻞ ﻳﺎﻗﻮﺕ ﻭﻱ ﺳﺮﺍﺝ ﻭﺷﻠﻮﻥ ﻳﻔﺮﺡ ﻣﻦ ﻳﺸﻮﻓﻬﺎ ﻭﺣﻨﻴﺘﻬﺎ ﻭﻳﺎﺍﻩ
ﻭﺧﺠﻠﻬﺎﻭﻋﻔﺘﻬﺎ .. ﻏﻤﻀﺖ ﻋﻴﻨﻲ ﺑﻘﻮﻭﻩ ﺍﺭﻳﺪ ﺍﻧﺎﻡ ﻭﺍﺑﻌﺪ ﺧﻴﺎﻟﻬﺎ ﺍﻟﻲ ﺍﺟﺎﻧﻲ ﻣﻦ ﺑﺎﻟﻲ
ﻧﻤﺖ ﺑﻌﺪ ﻃﻮﻝ ﺍﻟﺘﻔﻜﻴﺮ ﻭﺍﻟﺘﻌﺐ ...
..................
( ﺣﺎﻝ ﺿﺮﻏﺎﺍﻡ ﻫﺴﻪ )
ﻃﻠﻌﺖ ﻣﻨﻴﻦ ﺃﻧﺘﻪ ﺧﺬﺕ ﻛﻠﺒﻲ ﻭﺳﻜﻨﺘﻪ ...
ﻣﻨﻮ ﺍﻟﺪﻻﻙ ﺩﺭﺑﻲ ﺻﺮﺕ ﻣﺤﺒﻮﺏ ﻛﻠﺒﻲ ..
ﻭﻣﻨﻲ ﺷﻠﻮﻥ ﺃﺧﺬﺗﻪ ...
ﺟﻨﺖ ﻣﺮﺗﺎﺡ ﻭﺣﺪﻱ ﻭﻣﺎﻛﻮ ﻫﻤﻮﻡ ﻋﻨﺪﻱ ..
ﺗﻐﻴﺮ ﻛﻠﺸﻲ ﺑﻴﻪ ﺳﺒﺐ ﺣﺒﻚ ﺃﻟﻴﻪ ..
ﻟﻚ ﺃﻧﻲ ﺍﻟﻮﻳﻞ ﺷﻔﺘﻪ ﻃﻠﻌﺖ ﻣﻨﻴﻦ ﺃﻧﺘﻪ ...
ﺍﺟﻴﺖ ﻣﻨﻴﻦ ﻣﺪﺭﻱ ! ؟ ﺧﺬﺕ ﻭﻳﺎﻙ ﻋﻤﺮﻱ ..
ﺻﺪﻙ ﻣﻮﺗﻨﻲ ﺣﺒﻚ ﻳﺎﻭﻳﻞ ﺍﻟﻴﺤﺐ ﻛﻠﺒﻚ ..
ﻋﺬﺍﺑﻪ ﻳﺼﻴﺮ ﺳﻜﺘﻪ ..💔
.......
ﺳﺪﻳﻢ / ﺑﻌﺪﻧﻲ ﻛﺎﻋﺪﻩ ﻭﺍﻧﻲ ﺍﺩﺣﻚ ﻋﻠﻰ ﻳﺎﻗﻮﺕ ﺍﻟﻨﺎﻳﻤﻪ
ﺻﺎﻓﻨﻪ ﻭﺍﻓﻜﺮ ﺍﻟﻴﻮﻡ ﺑﻮﺍﺋﻞ ﻭﺑﻜﻼﻣﻪ
ﺟﻨﺖ ﺑﺮﻩ ﻻﺯﻣﻪ ﻃﺸﺖ ﻣﺎﻱ ﻭﺍﺭﻳﺪ ﺍﺫﺏ ﺍﻟﻤﺎﻱ ﺑﻠﺤﺪﻳﻘﻪ
ﻻﻥ ﻣﺎﻋﻨﺪﻱ ﻣﻜﺎﻥ ﺍﺫﺑﻪ ﻭﻫﻮ ﻣﻲ ﻫﻮﺍﻱ
ﺭﺣﺖ ﻟﻠﺤﺪﻳﻘﻪ ﻭﺫﺑﻴﺘﻪ ﺩﺭﺕ ﻭﺟﻬﻲ ﻭﺻﺎﺭ ﻛﺒﺎﻟﻲ ﺷﺨﺺ ﺭﻓﻌﺖ ﺭﺍﺳﻲ ﻭﺩﺣﻜﺖ ﻟﻨﻮ ﻭﺍﺋﻞ
ﺍﺷﻮ ﻫﺬﺍ ﻳﺨﺰﺭ ﻛﺘﻠﻮﻭ ﻭﺍﻧﻲ ﺭﺍﻓﻌﻪ ﺣﺎﺟﺒﻲ : ﻳﻮﻝ ﺷﺒﻴﻚ ﺗﺨﺰﺭ
ﻛﺎﻝ ﺑﺤﺪﻩ : ﻟﻴﺶ ﻃﺎﻟﻌﻪ ﺑﺮﻩ ﻫﺎﺍ
ﺍﺳﺘﻐﺮﺑﺖ ﻛﻼﻣﻪ .. ﺭﻓﻌﺖ ﺍﻟﻄﺸﺖ ﻛﺒﺎﻟﻮﻭ : ﺍﺷﺎﻳﻔﻨﻲ ﻟﻴﺶ ﻃﺎﻟﻌﻪ ﻳﻌﻨﻲ ﺫﺑﻴﺖ ﺍﻟﻤﺎﻱ ﻭﺭﺍﺡ ﺍﺭﺟﻊ
ﺑﻌﺼﺒﻴﻪ : ﻭﺷﻨﻮ ﻣﺎﻛﻮ ﺍﺣﺪ ﻏﻴﺮﺝ ﻳﺬﺏ ﺍﻟﻤﺎﻱ ﻫﺎﺍ
ﻫﺬﺍ ﺷﺒﻴﻪ ﺩﺣﻜﺘﻠﻮ ﻭﻛﺘﻠﻮ ﺑﺤﺰﻡ ﺻﺢ ﻫﻮ ﺑﻜﻠﺒﻲ ﻭﺍﺣﺐ ﺷﺨﺼﻴﺘﻮ ﺑﺲ ﻣﺎﻝ ﻳﺘﺤﻜﻢ ﺑﻴﻪ ﻻ ﻫﻴﻦ ﺍﻧﻲ ﻣﺎﺍﺳﻤﺤﻠﻮ
ﻛﺘﻠﻮ : ﻭﺍﻧﺖ ﺷﻜﻮﻭ ﺣﺘﻰ ﺗﺤﺠﻲ ﻭﺗﺤﺎﺳﺒﻨﻲ ﻫﻴﺞ ﺗﺮﻯ ﺍﻧﺖ ﻣﺎﻟﻚ ﻋﻼﻗﻪ ﺑﻴﻪ
ﺍﺷﻮ ﻫﺬﺍ ﺧﺰﺭﻧﻲ ﻭﻛﺎﻝ : ﻃﺒﻌﺎ ﺍﻟﻲ ﻋﻼﻗﻪ ﺑﻴﺞ ﻭﺍﺣﺎﺳﺒﺞ
ﺭﻓﻌﺖ ﺣﺎﺟﺒﻲ ﺍﻟﻮﻭ ﻭﺍﺩﺣﻜﻠﻮ ﺑﺘﺤﺪﻱ : ﺑﺼﻔﺘﻚ ﻣﻨﻮﻭ ﺍﻥ ﺷﺎﺀﺍﻟﻠﻪ ﻫﺎﺍﺍ ! ؟
ﺍﺷﻮ ﻫﺬﺍ ﺍﻗﺘﺮﺏ ﻣﻨﻲ ﻭﺍﺑﺘﺴﺎﻣﺔ ﻣﻜﺮ ﻋﻠﻰ ﺷﻔﺎﻳﻔﻮ : ﺑﺼﻔﺘﻲ ﺭﺍﺡ ﺍﺻﻴﺮ ﺟﺰﺀ ﻣﻬﻢ ﺑﺤﻴﺎﺗﺞ
ﺑﺎﺳﺘﻐﺮﺍﺏ : ﻫﺎﺍ ﺷﺘﻜﻮﻝ ﻣﺎﻓﻬﻤﺖ
ﺍﺑﺘﺴﻢ ﻭﺍﺑﺘﻌﺪ ﻋﻨﻲ : ﻻ ﺗﻔﻬﻤﻴﻦ ﻋﻠﻰ ﺭﺍﺣﺘﺞ ﺑﺲ ﺍﻻﻳﺎﻡ ﺭﺍﺡ ﺗﻔﻬﻤﺞ
ﺍﺷﻮ ﻫﺬﺍ ﺩﺍﺭ ﻭﺟﻬﻮﻭ ﻋﻨﻲ ﻭﺍﻧﻲ ﻻﺍﺭﺍﺩﻱ ﻣﻨﻲ ﻛﻀﺒﺖ ﺃﻳﺪﻭﻭ ﻭﻛﻠﺘﻮ ﺑﻔﻈﻮﻝ : ﻋﻔﻴﻪ ﻛﻮﻝ ﺗﺮﻯ ﺍﻟﻔﻈﻮﻝ ﻛﺘﻠﻨﻲ
ﻫﻮ ﻧﺼﻪ ﺭﺍﺳﻮﻭ ﻭﻇﻞ ﻳﺪﺣﻚ ﻋﻠﻰ ﺍﻳﺪﻱ ﺍﻧﻲ ﺍﻧﺘﺒﻬﺖ ﻋﻠﻰ ﻧﻔﺴﻲ ﻭﺧﺮﺕ ﻋﻨﻮﻭ ﻭﻣﺎﺳﻤﻊ ﻏﻴﺮ ﺿﺤﻜﺎﺗﻮ ﺍﻟﻌﺎﻟﻴﻪ
ﺩﺣﻜﺘﻠﻮﻭ ﻣﺴﺘﻐﺮﺑﻪ ﻋﻠﻴﺶ ﻳﻀﺤﻚ ﻛﺘﻠﻮﻭ : ﻟﻴﺶ ﺗﻀﺤﻚ
ﺷﻜﻮﻭ
ﺍﺑﺘﺴﻢ : ﺣﺘﻰ ﺍﻟﺒﺰﺍﺯﻳﻦ ﺻﺎﻳﺮ ﻋﺪﻫﻢ ﻓﻈﻮﻝ ﺍﻭﻭﻑ
ﺩﺣﻜﺘﻠﻮﻭ ﺑﻘﻬﺮ : ﺷﻨﻮ ﻫﺬﺍ ﺍﺳﻢ ﺑﺰﻭﻧﻪ ﻻ ﺗﻜﻮﻟﻪ ﺑﻌﺪ ﻣﺎﺣﺒﻮﻭ
ﺩﺣﻜﻠﻲ ﺍﺑﺘﺴﻢ ﻭﻗﻠﺪ ﻃﺮﻳﻘﺔ ﻛﻼﻣﻲ ﻭﻛﺎﻝ : ﺑﺲ ﺃﻧﻲ ﺃﺣﺒﻮﻭ
ﺍﺑﺘﺴﻤﺖ ﻋﻠﻰ ﻛﻼﻣﻪ : ﺷﻨﻮ ﺗﻘﻠﺪ
: ﻻ ﻋﻴﻨﻲ ﺍﺳﺘﻐﻔﺮ ﺍﻟﻠﻪ ﻟﻴﺶ ﺍﻗﻠﺪ
ﺩﺣﻜﺘﻠﻮﻭ ﺑﻄﺮﻑ ﻋﻴﻨﻲ ﻭﻛﺘﻠﻮ ﺑﻐﺮﻭﺭ : ﻋﺒﺎﻟﻲ
ﻋﺒﺮﺕ ﻣﻦ ﻳﻤﻪ ﻭﻣﺸﻴﺖ ﻭﺍﺳﻤﻊ ﺑﺲ ﺿﺤﻜﻪ .. ﺍﻣﺸﻲ ﻭﺍﺑﺘﺴﻢ ﻳﻤﺎﺍ ﻛﻠﺒﻲ
ﻣﻦ ﻓﺪﻳﺖ ﻫﺎﻱ ﺍﻟﻀﺤﻜﻪ ﺟﻌﻠﻨﻲ ﻣﺎﺍﻧﺤﺮﻡ ﻣﻨﻪ ..
ﺻﺤﻴﺖ ﻣﻦ ﺍﻓﻜﺎﺭﻱ ﻭﺍﻧﻲ ﻛﺎﺗﻤﻪ ﺿﺤﻜﺘﻲ ﻋﻠﻰ ﻛﻼﻣﻲ ﻭﻳﺎﻩ
ﺣﻈﻨﺖ ﺍﻟﻤﺨﺪﻩ ﻭﺍﻓﻜﺮ ﺑﻴﻪ ..
...........
ﺍﻟﺴﺎﻋﻪ ﺏ ٢:٤٥ ﻣﺴﺎﺀﺍً
ﺃﻳﻮﺏ / ﺭﺣﺖ ﻟﻠﺒﻴﺖ ﻇﻠﻴﺖ ﻛﺎﻋﺪ ﺑﺎﻟﺴﻴﺎﺭﻩ ﻭﺍﺑﺎﻭﻉ ﻋﻠﻰ ﺑﻴﺘﻬﻢ
ﺻﺎﺭﻟﻲ ﺷﻜﺪ ﻣﺎﺷﺎﻳﻔﻪ
ﻛﻤﺖ ﺍﺗﺄﺧﺮ ﻣﻦ ﺍﺟﻲ ﻟﻠﺒﻴﺖ ﻋﻠﻤﻮﺩ ﺑﺲ ﻣﺎﺍﺷﻮﻓﻪ ﻭﺣﺘﻰ ﻛﻤﺖ ﻣﺎﺍﺧﺎﺑﺮﻩ ﻫﻮﺍﻱ
ﺍﺭﻳﺪ ﺍﺗﻬﺮﺏ ﻣﻦ ﺳﺆﺍﻟﻪ ﺍﻭﻭﻑ ﺗﺎﻟﻴﺘﻚ ﻫﻴﺞ ﻳﺎﺍﻳﻮﺏ ﻛﻤﺖ ﺗﺘﻬﺮﺏ ﻣﻦ ﺣﺒﻴﺒﺘﻚ ﺍﻟﻲ ﺟﻨﺖ ﺑﺲ ﺗﺘﻤﻨﻰ ﺍﻧﻮ ﺗﻠﻤﺤﻬﺎ ﺍﻭ ﺗﺸﻮﻑ ﺧﻴﺎﻝ ﻣﻨﻬﺎ
ﻫﺴﻪ ﻣﻦ ﻗﻮﺕ ﻋﻼﻗﺘﻨﻪ ﻭﺯﺍﺩ ﺣﺒﻨﻪ ﻛﻤﺖ ﺍﺗﻬﺮﺏ ﻭﻫﺬﺍ ﻛﻠﻪ ﺑﺴﺒﺐ ﺃﻣﻲ
ﺭﺟﻌﺖ ﺭﺍﺳﻲ ﻋﻠﻰ ﺍﻟﻜﺸﻦ ﻭﻏﻤﻀﺖ ﻋﻴﻨﻲ ﻛﻠﺖ ﺑﺤﺰﻥ ﻭﺧﻨﻜﻪ : ﺍﺍﻭﻭﻭﻭﻭﻑ ﻟﻴﺶ ﻳﺎﺭﺑﻲ ﻫﻴﺞ ﻳﺼﻴﺮ ﻭﻳﺎﻱ ﻳﻌﻨﻲ ﺑﻌﺪ ﻣﺎﻟﻜﻴﺖ ﺍﻟﺒﻨﺖ ﺍﻟﻲ ﺍﺣﺒﻪ ﺗﺤﺮﻣﻨﻲ ﻣﻨﻪ
ﺭﺑﻲ ﻛﺘﻠﻚ ﻻ ﺗﺤﺮﻣﻨﻲ ﻣﻨﻬﺎ ﻟﻴﺶ ﻫﺴﻪ ﺍﻧﺤﺮﻡ ﻣﻨﻬﺎ ﻭﻣﻦ ﺷﻮﻓﺘﻪ
ﻭﺍﻟﻠﻪ ﻣﺸﺘﺎﻗﻠﻪ ﻭﻣﺸﺘﺎﻕ ﻟﺸﻮﻓﺘﻬﺖ ﻣﻊ ﺍﻧﻮ ﻫﻴﺎ ﻗﺮﻳﺒﻪ ﻋﻠﻴﻪ ﺑﺲ ﺍﺣﺴﻪ ﺑﻌﻴﺪﻩ
ﻟﻴﺶ ﻳﺎﻳﻤﻪ ﺗﺮﻳﺪﻥ ﺗﺤﺮﻣﻴﻨﻲ ﻣﻦ ﺣﺒﻲ ﻭﻣﻦ ﻓﺮﺣﺘﻲ ﺷﺴﻮﻳﺖ ﺭﺑﻲ ﺣﺘﻰ ﻫﻴﺞ ﻳﺼﻴﺮ ﻭﻳﺎﻱ
ﺍﺍﺥ ﺻﺪﻙ ﻣﺎ ﺟﺬﺑﻮ ﻣﻦ ﺳﻤﻮﻧﻲ ﺃﻳﻮﺏ ﺍﺳﻢ ﻋﻠﻰ ﻣﺴﻤﻰ
ﺿﺤﺖ ﺑﺄﺳﺘﻬﺰﺍﺀ : ﻳﻤﻜﻦ ﻋﺮﻓﻮ ﺷﻴﺼﻴﺮ ﺑﻴﻪ ﻭﻫﻴﺞ ﺳﻤﻮﻧﻲ ﺣﺘﻰ ﺍﺻﺒﺮ ﺍﺳﺘﻐﻔﺮﻙ ﺭﺑﻲ ﺣﺘﻰ ﻛﻤﺖ ﺍﺧﺮﺑﻂ ﺑﻜﻼﻣﻲ
ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﺍﺣﺲ ﻧﻔﺴﻲ ﺿﺎﻳﻊ ﺩﺧﻠﺖ ﻟﻠﺒﻴﺖ ﺷﻔﺖ ﺃﻣﻲ ﻛﺎﻋﺪ ﻭﺍﺧﻮﺍﻧﻲ ﻣﺼﻄﻔﻰ ﻭﻣﺤﻤﺪ
: ﺍﻟﺴﻼﻡ ﻋﻠﻴﻜﻢ
ﺭﺩﻭ ﻛﻠﻬﻢ : ﻭﻋﻠﻴﻜﻢ ﺍﻟﺴﻼﻡ
ﺭﺩﺕ ﺍﺻﻌﺪ ﺑﺲ ﻭﻗﻔﻨﻲ ﻛﻼﻡ ﺍﻣﻲ : ﻫﺎ ﻳﻤﻪ ﻫﻴﺞ ﺻﺎﺭﺕ ﻣﺎﺗﺮﻳﺪ ﺗﺸﻮﻓﻨﻲ ﻣﻦ ﻳﻤﺘﻪ ﻫﻴﺞ ﺗﺴﻮﻱ ﻭﻫﺎﻱ ﻛﻠﻪ ﻋﻠﻤﻮﺩ ﻣﺮﻩ
ﻏﻤﻀﺖ ﻋﻴﻮﻧﻲ ﺍﻃﻠﺐ ﻣﻦ ﺍﻟﻠﻪ ﺍﻟﺼﺒﺮ ﺭﺟﻌﺖ ﺑﺎﻭﻋﺘﻠﻪ ﻭﺭﺣﺖ ﻛﻌﺪﺕ ﻳﻤﻬﺎ ﺣﻄﻴﺖ ﺍﻳﺪﻱ ﻋﻠﻰ ﺭﺍﺳﻪ ﻭﺑﺴﺘﻪ
: ﺍﻟﺴﻤﻮﺣﻪ ﻳﻤﻪ ﺑﺲ ﺗﻌﺒﺎﻥ ﻫﺎﻱ ﺍﻻﻳﺎﻡ
: ﺍﺩﺭﻱ ﻣﻨﻴﻦ ﻳﻤﻪ ﻭﺍﻧﻲ ﻣﺎﺯﻭﺟﺘﻚ ﺍﻳﺎﻫﺎ ﻭﻫﻴﺞ ﺗﻐﻴﺮﺕ ﻋﻠﻴﻪ ﻟﻌﺪ ﻟﻮ ﺍﺯﻭﺟﻚ ﺷﺘﺴﻮﻱ ﻳﻤﻜﻦ ﺣﺘﻰ ﺍﺗﺸﻴﻞ ﻣﻦ ﺍﻟﺒﻴﺖ
ﻣﺤﻤﺪ : ﻳﻤﻪ ﻟﺨﺎﻃﺮ ﺍﻟﻠﻪ ﻣﺎﺗﺸﻮﻓﻴﻦ ﺍﻟﻮﻟﺪ ﻣﻴﺖ ﻋﻠﻴﻪ ﻭﻳﺮﻳﺪﻫﺎ ﻟﻴﺶ ﺗﺤﺮﻣﻴﻨﻪ ﻣﻨﻬﺎ
ﺑﺎﻭﻋﺘﻠﻪ ﺑﺤﺪﻩ : ﺍﺳﻜﺖ ﺍﻧﺘﻪ ﻣﺎﻟﻚ ﺩﺧﻞ
ﻣﺼﻄﻔﻰ ﻛﺎﻝ : ﻟﻴﺶ ﻣﺎﻟﻪ ﺩﺧﻞ ﺍﺧﻮﻧﻪ ﻣﻦ ﻧﺸﻮﻓﻪ ﻫﻴﺞ ﻣﺎﻧﺮﺿﻪ ﻋﻠﻴﻪ ﻭﺣﺘﻰ ﺍﻟﻠﻪ ﻣﺎﻳﻘﺒﻞ ﺍﻟﻲ ﺗﺴﻮﻳﻪ ﻣﻦ ﺗﺤﺮﻣﻴﻨﻪ ﺍﻟﺒﻨﻴﻪ ﺍﻟﻲ ﻳﺤﺒﻪ
ﺍﺷﻮ ﺍﻧﻲ ﻭﻣﺤﻤﺪ ﺗﺰﻭﺟﻨﻪ ﻋﻦ ﺣﺐ ﻭﻣﺎﺭﻓﻀﺘﻲ ﻭﺷﻜﺪ ﺟﻨﺘﻲ ﺗﺘﻤﻨﻴﻦ ﺗﺸﻮﻓﻴﻦ ﺃﻳﻮﺏ ﻋﺮﻳﺲ
ﻭﻫﺴﻪ ﻣﻦ ﻳﺠﻲ ﻳﻜﻠﺞ ﻳﻤﻪ ﺍﺭﻳﺪ ﺍﺗﺰﻭﺝ ﻣﺎﺗﻘﺒﻠﻴﻦ ..
: ﺍﻭﻝ ﺷﻲ ﺍﻧﺘﻮ ﺍﺧﺬﺗﻮ ﻣﻦ ﻛﺮﺍﻳﺒﻨﺎ ﻭﺍﻧﻲ ﻟﺤﺪ ﻫﺴﻪ ﺍﺭﻳﺪﻩ ﻳﺰﻭﺝ ﺑﺲ ﻣﻮ ﻫﻴﺎﺍ
ﺃﻳﻮﺏ ﺟﻨﺖ ﺳﺎﻛﺖ ﻻﺧﺮ ﻛﻼﻣﻬﺎ ﻃﻔﺮﺕ ﻭﻛﺘﻠﻪ : ﺍﻱ ﺯﻳﻦ ﻳﻤﺎ ﻛﻮﻟﻲ ﻟﻴﺶ ﻓﻬﻤﻴﻨﻲ ﻣﺎﺗﺮﻳﺪﻳﻨﻬﺎ ﺗﺮﻯ ﻭﺍﻟﻠﻪ ﻣﻮﺗﻴﻨﻲ ﺭﺍﺡ ﺍﻣﻮﺕ ﻣﻦ ﻭﺭﺍﺝ
: ﻛﺘﻠﻚ ﻣﺸﺎﻛﻞ ﺑﻴﻨﺎﺗﻨﻪ ﻭﺧﻠﺺ ﻭﺍﺫﺍ ﺗﺮﻳﺪ ﺗﺰﻭﺝ ﻟﻮ ﺗﺨﺘﺎﺭ ﻏﻴﺮﻫﺎ ﻟﻮ ﺍﻧﻲ ﺍﺧﺘﺎﺭﻟﻚ ﺍﻳﺎﻫﺎ ﺑﺲ ﻫﻴﺎ ﻻ
ﻭﺍﺫﺍ ﺗﺮﻳﺪ ﺗﺰﻭﺟﻪ ﻏﺼﺐ ﻋﻨﻲ ﻣﺮﺍﺡ ﺍﺭﺿﻪ ﻋﻠﻴﻚ
ﺑﺎﻭﻋﺘﻠﻪ ﺑﺘﻔﺎﺟﺊ : ﻫﻴﺞ ﻳﻤﺎ ﺻﺎﺭﺕ
ﺑﺎﻭﻋﺘﻠﻲ ﻭﺩﺍﺭﺕ ﻭﺟﻬﻪ : ﺍﻱ ﻫﻴﺞ ﺻﺎﺭﺕ ﻭﺷﺘﺮﻳﺪ ﺗﺴﻮﻱ ﺳﻮﻱ
ﺑﺎﻭﻋﺘﻠﻪ ﺑﻘﻬﺮ ﻣﻤﺰﻭﺝ ﺑﻌﺼﺒﻴﻪ : ﻣﺎﺷﻲ ﻳﻤﺎ ﺧﻠﻴﻨﻲ ﻫﻴﺞ
ﻣﻦ ﺍﻧﻌﻞ ﺍﺑﻮ ﺍﻟﺰﻭﺍﺝ ﻭﺍﻧﻌﻞ ﺍﺑﻮ ﺍﻟﻲ ﻳﺮﻳﺪ ﻳﺘﺰﻭﺝ ﺑﻌﺪ ﻻﻥ ﻃﻠﻌﺘﻴﻬﺎ ﻣﻦ ﻋﻴﻨﻲ
ﻭﻫﺎﻫﻴﻪ ﺑﺲ ﺛﻘﻲ ﺑﺎﻟﻠﻪ ﻳﺎﻳﻤﻪ ﻣﻌﺰﺗﺞ ﺭﺍﺣﺖ ﻣﻦ ﻛﻠﺒﻲ ﻭﺭﺍﺡ ﺗﺒﻘﻴﻦ ﻓﻘﻂ ﺑﻠﺠﻨﺴﻴﻪ ﺍﺳﻤﺞ ﺃﻣﻲ ﻭﻛﺪﺍﻡ ﺭﺏ ﺍﻟﻌﺎﻟﻤﻴﻦ
ﻣﺎﻟﻲ ﺩﺧﻞ ﺑﻌﺪ ﺑﻴﺞ ﻣﺜﻞ ﻣﺎﻫﺘﻤﻴﺘﻲ ﺍﻟﻲ ﻣﻊ ﺍﻻﺳﻒ ﻳﺎﻳﻤﻪ
ﻛﺴﺮﺗﻲ ﻛﻠﺐ ﺃﺑﻨﺞ ﺍﻟﺠﺒﻴﺮ ﻭﻗﻬﺮﺗﻴﻪ ﺟﻨﺖ ﺍﺗﺼﻮﺭ ﺍﻻﻣﻬﺎﺕ ﺗﻔﺮﺡ ﻟﻮﻟﺪﻫﻢ
ﺑﺲ ﺍﻧﻲ ﻣﻮ ﻣﻨﻬﻢ ﺍﻧﺘﻲ ﺍﺑﺪ ﻣﺎﺍﺗﻤﻨﻴﺘﻲ ﻓﺮﺣﺘﻲ ﻭﻻ ﺣﺒﻴﺘﻲ ﺗﺸﻮﻓﻴﻨﻲ ﻓﺮﺣﺎﻥ ..
ﺩﺭﺕ ﻭﺟﻬﻲ ﻭﻋﻔﺘﻬﻢ ﻭﻣﺸﻴﺖ ﺧﻠﻴﺖ ﺍﺧﻮﺍﻧﻲ ﻳﺼﻴﺤﻮﻥ ﻭﺭﺍﻱ ﻭﻳﺤﺠﻮﻥ ﻋﻠﻰ ﺍﻣﻲ
ﺻﻌﺪﺕ ﻓﻮﻙ ﻃﺒﻜﺖ ﺑﺎﺏ ﻏﺮﻓﺘﻲ ﺑﻜﻞ ﻗﻮﻭﺗﻲ ﻭﻗﻔﻠﺘﻪ ﻣﺎﺭﻳﺪ ﺍﺣﺪ ﻳﺠﻲ
ﻇﻠﻴﺖ ﺍﻓﺘﺮ ﺑﻘﻬﺮ : ﻟﻴﺶ ﻳﻤﺎﺍ ﻫﻴﺞ ﺳﻮﻳﺘﻲ ﻟﻴﺶ ﺭﺑﻲ ﺩﺧﻴﻠﻚ ﺍﻧﻲ ﺷﺴﻮﻳﺖ ﺑﺪﻧﻴﺘﻲ ﻭﻫﻴﺞ ﻳﺼﻴﺮ ﻭﻳﺎﻱ
ﻭﻛﻔﺖ ﻋﻠﻰ ﺍﻟﻤﺮﺍﻳﻪ ﻭﺍﺑﺎﻭﻉ ﻋﻠﻰ ﺭﻭﺣﻲ ﻭﺍﺣﺠﻲ ﺻﺮﺕ ﻣﺜﻞ ﺍﻟﻤﺨﺒﻞ ﻭﺍﻓﻜﺮ ﺑﻜﻼﻡ ﺃﻣﻲ ﻣﺼﺪﻭﻡ ﻣﻨﻬﺎ ﻭﻣﻦ ﺑﺮﻭﺩﻫﺎ ﻣﻌﻘﻮﻟﻪ ﺍﻛﻮ ﻫﻴﺞ ﺃﻡ ﺗﺸﻮﻑ ﺍﺑﻨﻪ ﻣﺤﺮﻭﻙ ﻛﻠﺒﻪ ﻭﻳﺮﻳﺪ ﺷﻲ ﻭﻣﺎ ﺗﻬﺘﻢ
ﺍﺍﺥ ﻳﺎﺑﺮﻭﺩﺕ ﻛﻠﺒﺞ ﻳﺎﻳﻤﻪ .. ﻛﻤﺖ ﺍﻓﺘﺮ ﺑﻠﻐﺮﻓﻪ ﺣﺴﻴﺘﻪ ﻇﻠﻤﻪ ﻭﻛﻠﺸﻲ ﻣﺎﺷﻮﻑ
ﻛﻤﺖ ﺍﻭﻛﻊ ﻭﺍﻛﺴﺮ ﻛﻠﺸﻲ ﻛﺒﺎﻟﻲ ﺍﺗﻬﺴﺘﺮﺕ ﺍﺟﺖ ﻓﺎﻃﻤﻪ ﺃﺑﺎﻟﻲ ﻭﺿﺤﻜﺘﻬﺎ ﻭﺧﺠﻠﻪ
ﻭﻓﺮﺣﺘﻬﺎ ﻣﻦ ﺍﻋﺘﺮﻓﺘﻠﻬﺎ ﺑﺤﺒﻲ ﺑﻨﻔﺴﻲ ﻭﻣﻦ ﻭﻋﺪﺗﻬﺎ ﺑﺰﻭﺍﺝ
ﺍﺍﺥ ﻭﻳﻦ ﺭﺍﺡ ﻭﻋﺪﻱ ﻭﺷﺮﺍﺡ ﺍﻛﻮﻝ ﻟﻠﺒﻨﻴﻪ
ﻛﻌﺪﺕ ﺑﻴﺄﺱ ﻭﻛﻠﻲ ﺍﺣﺒﺎﻁ ﻭﻛﻠﺒﻲ ﻣﺸﺘﻌﻞ ﻧﺎﺭ
ﺍﺭﺗﺎﻛﻴﺖ ﻋﻠﻰ ﺣﺎﻓﺔ ﺍﻟﺠﺮﺑﺎﻳﻪ : ﺍﺍﺍﺥ ﻳﻤﺎ ﻛﺴﺮﺗﻴﻨﻲ ﻭﻛﺴﺮﺗﻲ ﻫﺎﻱ ﺍﻟﺒﻨﻴﻪ
ﺍﺣﺲ ﻋﻴﻮﻧﻲ ﺗﺤﺮﻛﻨﻲ ﻣﺎﻋﺮﻑ ﻟﻴﺶ ﺭﻓﻌﺖ ﻣﻮﺑﺎﻳﻠﻲ ﻭﻋﻴﻮﻧﻲ ﻣﻐﻮﺷﻪ ﻭﺍﺑﺤﺚ ﻋﻦ ﺍﺳﻤﻬﺎ
ﺑﻠﻜﻮﻩ ﻟﻜﻴﺖ ﺍﺳﻤﻬﺎ ﺍﺗﺼﻠﺖ ﻋﻠﻴﻬﺖ ﻭﻣﻦ ﺍﻭﻝ ﺭﻧﻪ ﺭﺩﺕ ﻭﺻﻮﺗﻬﺎ ﺑﻲ ﻟﻬﻔﻪ ﻳﻤﻜﻦ ﺟﺎﻧﺖ ﻣﻨﺘﻈﺮﻩ ﺍﺗﺼﺎﻟﻲ
: ﺍﻟﻮﻭ ﺃﻳﻮﺏ ﻭﻳﻨﻚ ﻟﻴﺶ ﻣﺎﺗﺮﺩ ﻋﻠﻴﻪ
ﺣﺠﻴﺖ ﻭﺑﻠﻜﻮﻩ ﻫﺎﻱ ﺍﻟﻜﻠﻤﻪ ﻃﻠﻌﺖ ﻣﻨﻲ
ﻭﻛﻌﺖ ﺩﻣﻌﻪ ﻣﻦ ﻋﻴﻨﻲ ﻭﻋﺮﻓﺖ ﺳﺒﺐ ﺣﺮﻛﺖ ﻋﻴﻨﻲ
ﺣﺠﻴﺖ ﺑﺨﻨﻜﻪ : ﺷﻮﻭﻓﻲ ﺣﻴﺎﺗﺞ ﻓﺎﻃﻤﻪ ..
ﻳﺘﺒﻊ ...
ﺍﻧﺘﻬﻰ ﺍﻟﺒﺎﺭﺕ ﻳﺎﺭﺏ ﻋﺠﺒﻜﻢ ❤
ﻻﺗﻨﺴﻮﻥ ﺍﻻﻳﻚ + ﺍﻟﺘﻌﻠﻴﻖ
