١٠_______١١
#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
ﺍﺗﻤﻨﻰ ﺃﻥ
ﺗﻜﻮﻥ ﻣُﻠﺘﺼﻘًﺎ ﺑﻲّ
ﻛﺪﻣﻲ ﺍﻟﺬﻱ ﻳﺠﺮﻱ ﻓﻲ
ﺃﺟﺰﺍﺀِ ﺟﺴﺪﻱ
ﺃﻭ ﻣﻮﺷﻮﻣًﺎ ﻋﻠﻰ ﻛﺘﻔﻲ
ﻣُﺨﺘﺒﺌًﺎ ﺑﻴﻦ ﺧﻄﻮﻁِ ﻳﺪﻱ ،
ﻋﻠﻰ ﻋُﻘﺪ ﺣﺎﺟﺒﻲ ﻣﺜﻼً !
........
ﺳﻤﻌﺖ ﺣﺲ ﻭﺭﺍﻱ : ﻣﻨﻮ ﺍﻧﺘﻲ
ﻣﺴﺤﺖ ﺩﻣﻮﻋﻲ ﺑﻘﻮﻩ ﺑﻜﻒ ﺍﻳﺪﻱ ﺩﺭﺕ ﻭﺟﻬﻲ ﻭﺍﻧﺼﺪﻣﺖ
ﻣﻦ ﺩﺣﻜﺖ ﺿﺮﻏﺎﻡ ﻭﺍﻛﻒ ﻗﺮﻳﺐ ﻋﻠﻴﻪ
ﻇﻞ ﻳﺪﺣﻜﻠﻲ ﺑﺼﺪﻣﻪ ﻭﻋﻴﻮﻧﻮ ﺗﺘﺠﻮﻝ ﻋﻠﻴﻪ .. ﺍﻧﻲ ﺍﺗﻮﺗﺮﺕ
ﻭﻇﻠﻴﻨﻪ ﺛﻨﻴﻨﻪ ﺳﺎﻛﺘﻴﻦ
ﺑﺲ ﺍﻫﺠﺲ ﺍﻟﻌﺒﺮﻩ ﺧﺎﻧﻜﺘﻨﻲ ﺍﺭﻳﺪ ﺍﻛﻤﻞ ﺍﻟﺒﺠﻲ ﺑﺲ ﻫﻮ ﺍﺟﻪ
ﺭﻓﻊ ﺣﻮﺍﺟﺒﻮﻭ ﻭﻛﺎﻝ : ﺷﺒﻴﺞ ﻟﻴﺶ ﺗﺒﺠﻴﻦ ﺷﺼﺎﻳﺮ
ﻣﻦ ﻛﺎﻝ ﺷﺒﻴﺞ ﺍﻧﻲ ﺩﻣﻌﻪ ﻃﻔﺮﺕ ﻣﻦ ﻋﻴﻨﻲ ﻣﺴﺤﺘﻪ ﺑﺴﺮﻋﻪ ﻭﻣﺸﻴﺖ ﻣﻦ ﻳﻤﻪ ﺍﺭﻳﺪ ﺍﻋﺒﺮ
ﺑﺲ ﻭﻗﻔﻨﻲ ﺻﻮﺗﻪ ﺍﻟﻲ ﻳﻨﺘﺮ : ﺍﻧﻲ ﻣﻮ ﺍﺣﺎﺟﻴﺞ
ﺍﻧﺼﺪﻣﺖ ﻫﺬﺍ ﺷﺒﻴﻪ ﺍﻟﺘﻔﺖ ﻋﻠﻴﻪ ﻭﻛﺘﻠﻮ : ﻧﻌﻢ
: ﺷﻜﻮ ﺷﺼﺎﻳﺮ ﻋﻠﻴﺶ ﻫﺬﺍ ﺍﻟﺒﺠﻲ ﻭﻃﺎﻟﻌﻪ ﺑﻨﺺ ﺍﻟﻴﻞ ﻫﻨﺎ
ﻫﺴﺘﻮﻧﻲ ﺭﺩﺕ ﺍﺣﺠﻲ ﺑﺲ ﻭﻗﻔﻨﻲ ﺻﻮﺕ ﻭﺭﻭﺩ
: ﻳﺎﻗﻮﺕ ﺍﻧﺘﻲ ﻫﻨﺎ
ﻭﺍﺟﺖ ﺗﺮﻛﺾ ﻋﻠﻴﻪ ﻓﺠﺎﺀﻩ ﺑﺪﻭﻥ ﺳﺎﺑﻖ ﺍﻧﺬﺍﺭ ﺣﻈﻨﺘﻨﻲ
: ﺣﺒﻴﺒﺘﻲ ﻟﻀﻮﺟﻴﻦ ﻣﻌﻠﻴﺞ ﺑﻴﻬﺎ ﺧﻞ ﺗﻮﻟﻲ ﻫﺎﻱ ﻟﺴﺎﻧﻪ ﻃﻮﻳﻞ ﻣﺘﺒﺮﻱ ﻣﻨﻬﺎ ...
ﺍﺑﺘﻌﺪﺕ ﻋﻨﻬﺎ ﻭﺍﻧﻲ ﺍﻣﺴﺢ ﺩﻣﻮﻋﻲ ﻭﻧﺴﻴﺖ ﺍﻟﺸﺨﺺ ﺍﻟﻲ ﻭﺍﻛﻒ ﻭﻳﺒﺎﻭﻉ
ﺍﺑﺘﺴﻤﺖ ﺑﻤﺠﺎﻣﻠﻪ : ﻻ ﻋﺎﺩﻱ ﻫﻴﺎ ﻣﻜﺎﻟﺖ ﺷﻲ ﻏﻠﻂ
ﻭﺭﻭﺩ : ﻳﺎﻗﻮﺕ ﻛﺘﻠﺞ ﻻ ﺗﺰﻋﻠﻴﻦ ﻭﺍﻟﻠﻪ ﺣﺼﻠﺖ ﺭﺯﺍﻟﻪ ﻣﻦ ﺑﻴﺒﻲ ﻭﺍﻣﻲ
ﺣﺠﻪ ﺿﺮﻏﺎﻡ ﺑﻬﺪﻭﺀ : ﻭﺭﻭﺩ ﺷﺼﺎﻳﺮ
ﺍﻟﺘﻔﺖ ﻋﻠﻴﻪ ﺷﻔﺘﻮﻭ ﻳﺪﺣﻚ ﻟﻮﺭﻭﺩ ﻣﺜﻞ ﺍﻟﻲ ﻣﻨﺘﻈﺮ ﺍﻻﺟﺎﺑﻪ
ﺩﻧﺠﺖ ﺭﺍﺳﻲ ﺍﻧﻲ ﻭﻋﻔﺘﻬﻢ ﻻﻥ ﻏﻠﻂ ﻭﺟﻮﺩﻱ ﻳﻤﻬﻢ
ﺍﺗﻮﺟﻬﺖ ﻋﻠﻰ ﺍﻟﻤﻄﺒﺦ ﺩﺧﻠﺖ ﻭﺩﺣﻜﺖ ﻋﻠﻰ ﺍﻟﺒﻨﺎﺕ ﻛﻠﻬﻦ ﻣﻮﺟﻮﺩﺍﺕ ﻫﻨﺎ ﻣﻦ ﺷﺎﻓﻨﻲ ﺍﺟﻦ ﻳﻤﻲ ﻭﻳﺒﺘﺴﻤﻦ ﺑﻮﺟﻬﻲ .. ﺭﺩﻳﺖ ﺍﻟﻬﻦ ﺍﻻﺑﺘﺴﺎﻣﻪ
ﺍﺟﺖ ﻋﻠﻴﻪ ﺟﻤﺎﻧﻪ ﺍﺧﺖ ﺳﻮﺯﺍﻥ ﺗﺪﺣﻜﻠﻲ ﺑﻨﺤﺮﺍﺝ ﺍﺗﻘﺪﻣﺖ ﻧﺎﺣﻴﺘﻲ : ﺍﻋﺘﺬﺭ ﻳﺎﻗﻮﺕ ﻋﻠﻰ ﺗﺼﺮﻑ ﺍﺧﺘﻲ ﺣﺘﻰ ﻋﻴﺐ ﻋﻠﻴﻪ ﺍﺑﺮﺭ ﺍﻟﻲ ﺳﻮﺗﻪ ﻻﻥ ﻫﻴﺎ ﺟﺒﻴﺮﻩ .. ﺑﺲ ﺍﺑﻘﻪ ﺍﺧﺘﻪ ﺍﻧﻲ ﻭﻛﻼﻣﻪ ﻭﺗﺼﺮﻓﺎﺗﻪ ﺗﻨﺤﺴﺐ ﻋﻠﻴﻪ
ﻓﺎ ﺍﻧﻲ ﺍﺳﻔﻪ ﻭﺍﺗﻤﻨﻰ ﻣﺎﺗﺎﺧﺬﻳﻦ ﺑﻜﻼﻣﻬﺎ .. ﺍﺗﻤﻨﻰ ﻣﻨﺞ
ﺩﺭﺓ : ﻳﺎﻗﻮﺕ ﺣﺒﻴﺒﺘﻲ ﻻ ﺗﻬﺘﻤﻴﻦ ﺧﻞ ﻳﻮﻟﻦ
ﺍﺑﺘﺴﻤﺖ ﺍﻟﻬﻦ : ﻳﻮﻝ ﺷﺒﻴﺠﻦ ﻛﺘﻠﺠﻦ ﻣﺎ ﺯﻋﻼﻧﻪ ﻭﻣﺎﻣﺎﺧﺬﻩ ﺑﺨﺎﻃﺮﻱ ﻋﻠﻰ ﻛﻼﻣﻬﻦ
ﻭﺍﺣﻨﻪ ﻧﺤﺠﻲ ﺍﺳﻤﻊ ﺣﺴﻮﻭ ﻳﺤﻤﺤﻢ..بيج قصص عراقيه حقيقيه من واقعنا.روعه الطائي
ﻋﺪﻟﻨﻪ ﺣﺠﺎﺑﺎﺗﻨﻪ ﻭﻭﺭﻭﺩ ﻛﺎﻟﺘﻠﻮ : ﺍﺩﺧﻞ ﺿﺮﻏﺎﻡ
ﺩﺧﻞ ﺿﺮﻏﺎﻡ ﻭﻋﺒﺮ ﻣﻦ ﻳﻤﻨﺎ ﻭﻻ ﻛﺎﻧﻮ ﺍﺣﻨﺎ ﻣﻮﺟﻮﺩﻳﻦ ﻫﻴﻦ ﻛﺒﺎﻟﻮ ﺭﺍﺡ ﻋﺒﺮ ﻻﺳﺘﻘﺒﺎﻝ
ﻭﺭﻭﺩ ﺍﺑﺘﺴﻤﺖ : ﺑﻨﺎﺕ ﺍﻟﻲ ﻣﺎﺗﺮﻳﺪ ﺍﺗﻔﻮﺕ ﺍﻟﻌﺮﺽ ﺧﻞ ﺗﺮﻭﺡ ﻻﺳﺘﻘﺒﺎﻝ ﻭﺗﺸﻮﻑ
ﻭﺍﻟﻠﻪ ﻫﻨﺎ ﺳﻤﻌﻦ ﺍﻟﻜﻼﻡ ﻭﺭﺍﺣﻦ ﺑﺪﻭﻥ ﻣﺎﻳﻌﺮﻑ ﺷﻜﻮ
ﺍﻧﻲ ﻇﻠﻴﺖ ﻭﺍﻛﻔﻪ ﻻﻥ ﻋﻴﺐ ﺍﺭﻭﺡ
ﻭﺭﻭﺩ : ﻭﺍﻧﺘﻲ ﻣﺎﺗﺮﺣﻴﻦ ﻳﺎﻟﻪ
: ﻻ ﻋﻴﺐ ﻳﻮﻝ ﻭﻳﻦ ﺍﺭﻭﺡ ﺧﻠﻴﻨﻲ ﻫﻴﻦ ﺍﻧﻲ ﺷﻜﻮ
ﻭﺭﻭﺩ : ﺷﻨﻮ ﺍﻧﺘﻲ ﺷﻜﻮ ﻏﻴﺮ ﺍﻟﺴﺎﻟﻔﻪ ﺗﺨﺼﺞ
ﺍﺳﺘﻐﺮﺑﺖ : ﺗﺨﺼﻨﻲ ﻟﻴﺶ
ﺍﺑﺘﺴﻤﺖ ﻭﺍﺟﺖ ﻛﻀﺒﺘﻨﻲ ﻣﻦ ﺍﻳﺪﻱ ﻭﺗﻌﺖ ﺑﻴﻪ : ﺗﻌﺎﻱ ﻳﻮﻝ ﻋﻠﻰ ﻛﻮﻟﺘﺞ ... ﺧﻞ ﻧﺮﻭﺡ ﻭﺍﻧﺘﻲ ﺳﻤﻌﻲ ﺍﻟﻜﻼﻡ
ﻇﻠﺖ ﺗﻌﺖ ﺑﻴﻪ ﻭﺭﺣﺖ ﻭﻳﺎﻫﺎ ﺩﺧﻠﻨﻪ ﻻﺳﺘﻘﺒﺎﻝ ﺍﺩﺣﻚ ﺿﺮﻏﺎﻡ ﻭﺍﻛﻒ ﻭﺣﺎﻁ ﺍﻳﺪﻭ ﻭﺭﻩ ﻇﻬﺮﻭ
ﻭﻳﺤﺠﻲ ﻭﻱ ﺍﻟﻨﺴﻮﺍﻥ ﺩﺧﻠﺖ ﻭﺭﻭﺩ ﻭﺍﻧﻲ ﻇﻠﻴﺖ ﻭﺍﻛﻒ ﺑﻤﻜﺎﻧﻲ ﻳﻢ ﺍﻟﺤﺎﻳﻂ ﺑﻌﻴﺪ ﻋﻨﻬﻢ ﻭﻫﻮ ﻣﻴﺸﻮﻓﻨﻲ
ﻛﺎﻟﺖ ﺧﺎﻟﺘﻪ : ﺷﻨﻮ ﻫﺬﺍ ﺍﻟﺤﺠﻲ ﺿﺮﻏﺎﻡ ﻳﻌﻨﻲ ﺍﺗﻬﻴﻦ ﺑﻨﺖ ﺧﺎﻟﺘﻚ ﻭﺑﻨﺖ ﺧﺎﻟﻚ ﻣﻬﺎ ﻋﻠﻤﻮﺩ ﻧﺎﺯﺣﻴﻦ
ﺩﻧﺠﺖ ﺭﺍﺳﻲ ﻣﻦ ﻛﻼﻣﻪ ﻭﺑﺴﺎﻋﺘﻪ ﻋﺮﻓﺖ ﺍﻟﻜﻼﻡ ﻋﻠﻴﻨﻪ
ﺑﺲ ﺭﻓﻌﺖ ﺭﺍﺳﻲ ﻭﺍﻧﻲ ﺍﺳﻤﻊ ﻛﻼﻡ ﺿﺮﻏﺎﻡ
ﺑﺤﺪﻩ ﻛﺎﻝ : ﺧﺎﻟﺘﻲ ﺍﻧﻲ ﺍﺣﺘﺮﻣﺞ ﻋﻠﻰ ﻋﻴﻨﻲ ﻭﻋﻠﻰ ﺭﺍﺳﻲ .. ﺑﺲ ﺍﻟﻲ ﻳﺘﻌﺪﻯ ﻋﻠﻰ ﺧﻄﺎﺭﻱ ﻣﺮﺍﺡ ﺍﺳﻜﺖ
ﻭﺍﻧﺘﻲ ﺍﺫﺍ ﺻﺪﻙ ﺗﻌﺰﻳﻨﻲ ﻭﺗﺤﺒﻴﻨﺎ ﻻﺯﻡ ﺗﻌﺰﻳﻦ ﺧﻄﺎﺭﻱ ﻭﺗﻌﺘﺒﺮﻳﻬﻢ ﻣﻦ ﺍﻫﻞ ﺑﻴﺘﻨﺎ
ﺳﻮﺯﺍﻥ ﺑﻮﻛﺎﺣﻪ : ﻫﺴﻪ ﻳﻌﻨﻲ ﺷﺼﺎﺭ ﻭﻫﻴﺞ ﺗﺤﺠﻲ ﻋﻠﻴﻨﻪ ﻭﺗﺼﻴﺢ ﻋﻠﻤﻮﺩﻫﻦ ﺗﺮﻯ ﺍﺣﻨﻪ ﻋﺎﺋﻠﺘﻚ ﻣﻮ ﻫﻤﺎ ﻭﺍﺻﻼ ﺍﻧﺖ ﻣﺎﺗﻌﺮﻑ ﺷﺴﻮﺕ ﻫﺎﻱ ﺍﻟﻲ ﺍﺳﻤﻪ ﻳﺎﻗﻮﺕ
ﻧﺘﺮ : ﺳﻮﺯﺍﻥ ﺗﺮﻯ ﺍﻧﻲ ﺍﻋﺮﻑ ﻛﻠﺸﻲ ﻓﺎ ﻻ ﺗﻈﻠﻴﻦ ﺗﺤﺠﻴﻦ ﺣﺠﻲ ﺯﺍﻳﺪ
ﻣﻬﺎ : ﺍﻱ ﻣﺎﻏﻠﻄﻨﻪ ﺷﻲ ﻫﻨﺎ ﻣﺠﺮﺩ ﻧﺎﺯﺣﺎﺕ ﻭﻧﺰﺣﻮ ﻋﻠﻴﻨﻪ
.. ﺷﻨﻮ ﺍﺑﺘﻠﻴﻨﻪ ﺑﻴﻬﻦ ﻭﻳﺎﺧﻮﻓﻨﻪ ﻻ ﻳﺪﺧﻠﻮﻥ ﺩﺍﻋﺶ ﻋﻠﻴﻨﻪ ﻣﺜﻞ ﻣﺎﺩﺧﻠﻮﻫﻢ ﻋﻠﻰ ﻣﺤﺎﻓﻈﺎﺗﻬﻢ ﻭﺷﻮﻓﻮ ﺑﻠﻨﻬﺎﻳﻪ ﺷﺴﻮﻭ ﺑﻴﻬﻢ
ﺍﻧﻲ ﺍﻧﺼﺪﻣﺖ ﻣﻦ ﻛﻼﻣﻬﺎ ﺍﻻﺧﻴﺮ ﺍﻫﺠﺲ ﺭﻭﺣﻲ ﻣﺜﻞ ﺍﻟﻲ ﻭﻛﻊ ﻣﻦ ﺟﺒﻞ ﻋﺎﻟﻲ
ﺷﻨﻮ ﻫﺎﻱ ﻛﺎﻋﺪ ﺗﺘﻬﻤﻨﺎ ﺍﺣﻨﺎ ﺍﻟﻲ ﺩﺧﻠﻨﺎ ﺩﺍﻋﺶ ﻋﻠﻰ ﺩﻳﺎﺭﻧﺎ
ﺟﻔﻠﺖ ﻋﻠﻰ ﻋﻴﻄﺖ ﺿﺮﻏﺎﻡ : ﻣﻬﺎﺍﺍﺍﺍ
ﺑﻠﻌﺖ ﺭﻳﻜﻲ ﺑﺨﻮﻑ ﻣﻦ ﻋﻴﻄﺘﻮ ﺣﺘﻰ ﻫﻨﺎ ﺳﻜﺘﻦ ﻣﻦ ﺍﻟﺨﻮﻑ ﺩﺣﻜﺖ ﻋﻠﻰ ﻭﺭﻭﺩ ﺗﺒﺎﻭﻉ ﻋﻠﻴﻪ ﺑﺮﻋﺐ
: ﺷﻮﻓﻲ ﻳﺎ ﺑﻨﺖ ﺍﻟﺨﺎﻝ ﺍﻧﻲ ﻣﺤﺘﺮﻣﺞ ﻭﺳﺎﻛﺖ ﻋﻠﻤﻮﺩ ﺧﺎﻟﻲ ﻭﺍﻛﻮﻝ ﻋﻴﺐ ﺍﻫﻴﻨﺞ ﻛﺪﺍﻡ ﺍﻟﻨﺴﻮﺍﻥ ﻭﺍﻧﺘﻲ ﺍﺑﻴﺘﻲ ﻭﺗﻜﻮﻧﻴﻦ ﺑﻨﺖ ﺧﺎﻟﻲ ﻭﻣﺜﻞ ﺍﺧﺘﻲ
ﺑﺲ ﻟﻬﻨﺎ ﻛﺎﻓﻲ ﺍﻧﻲ ﻛﻠﺖ ﺍﻟﻲ ﻳﺘﻌﺪﻯ ﻋﻠﻰ ﺧﻄﺎﺭﻱ ﻣﺎﻳﻠﻮﻡ ﺍﻻ ﻧﻔﺴﻪ
ﻭﺍﻟﻠﻪ ﺛﻢ ﻭﺍﻟﻠﻪ ﺍﻟﻲ ﻳﻌﻴﺪ ﻫﺎﻱ ﺍﻟﺴﺎﻟﻔﻪ ﻣﺎﻳﻠﻮﻡ ﺍﻻ ﻧﻔﺴﻪ ﻭﺍﻧﺘﻦ ﺗﻌﺮﻓﻦ ﺿﺮﻏﺎﻡ ﻛﻠﺶ ﺯﻳﻦ
ﺣﺠﻪ ﺑﺸﺒﻪ ﺻﻴﺎﺡ : ﻛﻞ ﺍﻟﺤﻀﻮﺭ ﺍﻟﻲ ﻛﺎﻋﺪ ﻫﻨﺎ ﺧﻞ ﻳﺴﻤﻊ ﺯﻳﻦ ﻭﻓﺘﺤﻦ ﺍﺫﺍﻧﺎﺗﺠﻦ ﻛﻠﺶ ﺯﻳﻦ
ﻫﺬﻭﻟﻪ ﻣﻮ ﻧﺎﺯﺣﻴﻦ ﺫﻭﻟﻪ ﺍﻫﻠﻨﻪ ﻭﻃﺎﻳﺤﻴﻦ ﺑﺸﺪﻩ ﻭﺍﺣﺘﺎﺟﻮ ﺍﻫﻠﻬﻢ ﻳﻮﻛﻔﻮﻥ ﻭﻳﺎﻫﻢ .. ﻭﺍﺣﻨﻪ ﻣﺎﻛﻠﻨﻪ ﻻ ﻧﺤﻄﻬﻢ ﺑﻌﻴﻮﻧﺎ
ﻫﻤﺎ ﺍﻟﻄﺎﺑﻴﻦ ﻟﻬﺬﺍ ﺍﻟﺒﻴﺖ ﻭﺍﺣﻨﻪ ﺍﻟﻲ ﻧﻄﻠﻊ ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﻪ ﻋﻠﻴﻬﻢ ﻭﻳﺮﺟﻌﻮﻥ ﻟﺪﻳﺎﺭﻫﻢ ﺳﺎﻟﻤﻴﻦ
ﻓﺎﺍ ﻭﺍﻟﻠﻪ ﺍﻟﻲ ﺍﺳﻤﻌﻬﺎ ﺗﺤﺠﻲ ﺑﻜﻠﻤﻪ ﺗﺰﻋﻠﻬﻢ ﻣﺎﺗﺸﻮﻓﻦ ﺷﻲ ﺯﻳﻦ ﻣﻨﻲ ..
: ﻣﻔﻬﻮﻡ
ﺣﺠﻦ ﺑﺼﻮﺕ ﻭﺍﺣﺪ : ﻣﻔﻬﻮﻡ
ﻣﺎﻋﺪﺍ ﺳﻮﺯﺍﻥ ﻭﻣﻬﺎ ﺍﻟﻲ ﻣﺎﻋﺠﺒﻬﻦ ﺍﻟﻜﻼﻡ .. ﺍﻧﺘﺒﻪ ﻋﻠﻴﻬﻦ ﺿﺮﻏﺎﻡ
ﺑﺎﻭﻋﻠﻬﻦ ﻭﺻﺎﺍﺡ : ﻛﻠﺖ ﻣﻔﻬﻮﻭﻭﻡ
ﻫﻨﺎ ﻛﻤﺰﻥ ﻣﻦ ﺍﻟﺨﻮﻑ ﻭﺣﺠﻦ ﺑﺘﻮﺗﺮ : ﻫﺎ ﺍﻱ ﺍﻱ ﻣﻔﻬﻮﻡ ..
ﺣﺠﻪ ﺑﻬﺪﻭﺀ ﺑﻌﺪ ﻣﺎﺟﺎﻧﺖ ﻫﻨﺎ ﻋﺎﺻﻔﻪ ﺻﺎﻳﺮﻩ ﺑﺴﺒﺒﻪ : ﻳﺎﻟﻪ ﺍﻧﻲ ﺧﻠﺺ ﻛﻼﻣﻲ ﺍﺳﺘﻮﺩﻋﻨﺎﻛﻢ ...
ﺍﻟﺠﺪﻩ ﺑﺎﻭﻋﺘﻠﻪ ﺑﻔﺨﺮ : ﻣﺤﺮﻭﺱ ﺑﺎﻟﻠﻪ ﻳﻤﻪ ﺭﻭﺡ
ﺩﺍﺭ ﻭﺟﻬﻮﻭ ﻭﺻﺎﺭﺕ ﻋﻴﻨﻲ ﺑﻌﻴﻨﻮ ﻫﻮ ﺩﻧﺞ ﺭﺍﺳﻮﻭ ﻭﻓﺎﺕ ﻣﻦ ﻳﻤﻲ ﻭﻋﺒﺮ ..
ﺍﻫﺠﺲ ﺭﻭﺣﻲ ﺭﺩﺗﻠﻲ ﻣﻦ ﺣﺠﻪ ﻛﻼﻣﻪ ﺍﻫﺠﺲ ﻗﻴﻤﺘﻲ ﻭﻛﺮﺍﻣﺘﻲ ﻭﻛﺮﺍﻣﺔ ﺍﻫﻠﻲ ﺭﺩﺕ ﺑﺤﺠﻴﻪ ﻋﻴﻮﻧﻲ ﻏﻮﺭﻛﺖ ﺑﺲ ﻣﺎﺳﻤﺤﺖ ﺍﻟﻬﻦ ﺑﻠﻨﺰﻭﻝ ﺍﺑﺪ
ﻣﻦ ﻣﺸﻪ ﻫﻮ ﻇﻠﻦ ﻳﺤﺠﻦ ﻣﻬﺎ ﻭﺳﻮﺯﺍﻥ ... ﻭﺍﻡ ﺳﻮﺯﺍﻥ ﺍﺗﻌﺎﺗﺐ ﺑﺎﻡ ﺿﺮﻏﺎﻡ ﻭﺑﻠﺠﺪﻩ
ﺍﻧﻲ ﻛﻠﺖ ﺧﻞ ﺍﻣﺸﻲ ﺍﺣﺴﻦ ﺷﻲ ﻻ ﻳﺠﻴﻨﻲ ﻛﻼﻡ ﺍﻧﺎ ﺑﻐﻨﺎ ﻋﻨﻮﻭ ..
ﺭﺣﺖ ﻋﻠﻰ ﺍﻟﻤﺒﻄﺦ ﻭﺷﻮﻱ ﻭﺩﺧﻠﻦ ﺍﻟﺒﻨﺎﺕ ﻭﺭﺍﻱ
ﻭﺭﻭﺩ ﺗﻜﻤﺰ ﺑﻔﺮﺣﻪ : ﻳﻤﺎﺍﺍ ﺷﻔﺘﻦ ﻭﺟﻮﻩ ﻣﻬﺎ ﻭﺳﻮﺯﺍﻥ ﻣﻦ ﻋﺎﻁ ﻋﻠﻴﻬﻦ ﻳﻤﺎ ﺑﺮﺩ ﻛﻠﺒﻲ ﺑﻌﺪ ﺍﺧﺘﻪ ﻭﺍﻟﻠﻪ ..
ﺟﻮﺭﻱ ﻛﺎﺗﻤﻪ ﺿﺤﻜﺘﻪ : ﻭﻟﺞ ﺍﺳﻜﺘﻲ ﻋﻴﺐ ﻻ ﻳﺴﻤﻌﻨﺞ
ﻭﺭﻭﺩ : ﺧﻠﻲ ﻳﻮﻟﻦ ﺧﺎﻳﻔﻪ ﻣﻨﻬﻦ ﻭﻫﻨﺎ ﺍﺻﻼ ﺍﻟﻬﻦ ﻋﻴﻦ ﻳﺠﻦ ﻳﺸﻮﻓﻨﺎ ﻭﻭﺟﻬﻦ
ﺩﺭﺓ : ﺑﺲ ﺷﻌﺮﻓﻪ ﺿﺮﻏﺎﻡ ﻣﻨﻮ ﻛﻠﻪ
ﻭﺭﻭﺩ ﺑﻔﺨﺮ : ﺍﻧﻲ
ﺟﻮﺭﻱ : ﺷﻠﻮﻥ ﻭﻟﺞ
ﻭﺭﻭﺩ : ﺷﻔﺘﻪ ﻭﺍﻛﻒ ﻳﻢ ﻳﺎ .. ﺳﻜﺘﺖ ﺑﻌﺪﻳﻦ ﻭﺩﺣﻜﺘﻠﻲ ﺍﻧﻲ ﺍﺗﻮﺗﺮﺕ ﻣﻦ ﻧﻈﺮﺍﺗﻪ ﻭﻧﻈﺮﺍﺕ ﺍﻟﺒﺎﻗﻴﺎﺕ
ﻭﺭﻭﺩ : ﺻﺪﻙ ﻳﺎﻗﻮﺕ ﺍﻧﻲ ﻣﻦ ﺗﻮﺗﺮﻱ ﻣﺴﺎﻋﻪ ﻣﺎﺳﺌﻠﺘﺞ ﺷﻌﻨﺪﻩ ﺿﺮﻏﺎﻡ ﻣﺴﺎﻋﻪ ﻭﺍﻛﻒ ﻳﻤﺞ
ﺍﻟﺒﻨﺎﺕ ﺩﺣﻜﻠﻲ ﺑﺼﺪﻣﻪ ﻭﺣﺠﻦ ﺑﺼﻮﺕ ﻭﺍﺣﺪ : ﻫﺎﺍﺍﺍ
ﺍﺗﻮﺗﺮﺕ ﻭﻓﺮﻛﺖ ﺑﻴﺪﻱ ﺑﻌﺪﻳﻦ ﻗﻮﻳﺖ ﻧﻔﺴﻲ ﻭﺣﺠﻴﺖ ﺑﺜﻘﻪ : ﻣﺎﻛﻮ ﺷﻲ ﺷﺒﻴﺠﻦ ﻳﻮﻝ ﺑﺲ ﺍﻧﻲ ﺟﻨﺖ ﺩﺍﻳﺮﻩ ﻭﺟﻬﻲ ﺑﻠﺤﺪﻳﻘﻪ ﻭﺍﻛﻔﻪ ﻭﺍﺑﺠﻲ ﻣﻦ ﻛﻼﻡ ﺍﻟﺒﻨﺎﺕ ﻋﻠﻴﻨﻪ
ﻭﻫﻮ ﻣﺎﻋﺮﻓﻨﻲ ﺑﺲ ﻛﺎﻝ ﻣﻨﻮ ﺍﻧﺘﻲ ﻭﺑﻌﺪﻳﻦ ﺍﻧﺘﻲ ﺍﺟﻴﺘﻲ ﻭﺗﻌﺮﻓﻴﻦ ﺍﻟﻲ ﺻﺎﺭ
ﻭﺭﻭﺩ : ﺍﻫﺎ
: ﺍﻱ
ﻭﺭﻭﺩ : ﺍﻱ ﻫﻴﺎ ﻣﻨﺎ ﺳﺌﻠﻨﻲ ﻭﺍﻧﻲ ﻛﺘﻠﻪ ﻛﻞ ﺍﻟﻜﻼﻡ ﺷﺤﺠﻦ ﻋﻠﻰ ﻳﺎﻗﻮﺕ ﻭﺳﺪﻳﻢ ﻣﻦ ﺍﺟﻦ ﻣﻦ ﺍﻟﻈﻬﺮ ﻟﺤﺪ ﻫﺴﻪ
ﺍﺷﻮﻭ ﻫﻮ ﻣﻦ ﺳﻤﻊ ﻛﻼﻣﻲ ﻋﺼﺐ ﻭﻋﻴﻮﻧﻪ ﺻﺎﺭﻥ ﺣﻤﺮ
ﻭﻇﻞ ﻳﺼﻴﺢ : ﺫﻧﻲ ﻣﺎﻳﺴﺘﺤﻦ ﺷﻠﻮﻥ ﻳﺤﺠﻦ ﻫﻴﺞ ﻣﻮ ﻋﻴﺐ
ﻭﻫﻨﺎ ﺷﻜﻮﻭ ﺷﻌﺪﻫﻦ ﻭﻳﺎﻫﻦ ﺷﺎﺩﺍﺕ ﻭﻱ ﺍﻟﺒﻨﺎﺕ ﻃﺎﻳﺤﺎﺕ ﺍﻟﺤﻆ
ﻭﻇﻞ ﻳﻐﻠﻂ ﻭﻳﺼﻴﺢ ﻭﺍﻧﻲ ﻣﻴﺘﻪ ﻣﻦ ﺍﻟﺮﻋﺐ ﺍﺧﺮ ﺷﻲ ﻛﺎﻝ ﻭﻫﻮ ﻳﻤﺸﻲ : ﺍﻧﻲ ﺍﻟﻬﻦ ﻣﺎﺷﻲ ﻧﺎﺱ ﺧﻄﺎﺭ ﻋﻨﺪﻱ ﺷﻠﻮﻥ ﻫﻴﺞ ﻳﺤﺠﻦ ﺧﻮﺵ ..
ﺍﺑﺘﺴﻤﺖ ﺑﺪﺍﺧﻠﻲ ﻋﻠﻰ ﻛﻼﻣﻪ ﺑﻌﺪﻳﻦ ﺻﺤﻴﺖ ﻋﻠﻰ ﻧﻔﺴﻲ ﻳﻮﻝ ﻳﺎﻗﻮﺕ ﺍﺳﻜﺘﻲ ﺗﺮﺍ ﻫﻮ ﻣﺘﺰﻭﺝ
ﺩﺭﺓ : ﺑﻨﺎﺕ
ﺍﻟﺘﻔﺘﻨﻪ ﻋﻠﻴﻪ : ﻧﻌﻢ
: ﺍﻛﻠﺠﻦ ﻣﺎﺍﺳﺘﻐﺮﺑﺘﻦ ﺍﺧﺘﻔﺎﺀ ﺳﺪﻳﻢ ﻭﻳﻦ ﺭﺍﺣﺖ ﺍﺷﻮ ﻣﻦ ﺻﺎﺭﺕ ﺍﻟﺴﺎﻟﻔﻪ ﻛﻌﺪﺕ ﻳﻢ ﺣﺒﻮﺑﺘﻲ ﻭﺑﻌﺪﻳﻦ ﻛﺎﻣﺖ ﻭﻟﺤﺪ ﻫﺴﻪ ﻣﺎﺑﻴﻨﺖ
ﺑﺎﻭﻋﺘﻠﻬﻦ ﺑﺎﺍﺳﺘﻐﺮﺍﺏ : ﻟﻌﺪ ﻭﻳﻦ ﺣﺪﺭﺕ ﻫﺎﺍﺍ ﺍﻧﻲ ﻣﺎﺷﻔﺘﻪ
ﺟﻮﺭﻱ : ﺍﻧﻲ ﺷﻔﺘﻪ ﻭﺳﺌﻠﺘﻪ ﻛﺎﻟﺖ ﺭﺍﺡ ﺍﺭﻭﺡ ﻟﻠﺒﻴﺖ ﻭﺧﻞ ﻳﺎﻗﻮﺕ ﺗﻠﺤﻜﻨﻲ ﺑﺲ ﺧﻄﻴﻪ ﺟﺎﻧﺖ ﻋﻴﻮﻧﻪ ﻣﻐﻮﺭﻛﻪ ﻭﻣﻘﻬﻮﺭﻩ
ﻭﺭﻭﺩ ﺑﻘﻬﺮ : ﺍﺍﺥ ﺑﺪﻱ ﺍﺧﻨﻜﻬﻦ ﺑﻴﺪﻱ ﺿﻮﺟﻦ ﺍﻟﺒﻨﺎﺕ
ﺳﻜﺘﺖ ﺍﻧﻲ ﻭﺍﻋﺮﻑ ﺣﺎﻝ ﺳﺪﻳﻢ ﻣﺜﻞ ﺣﺎﻟﻲ ﻣﺴﺎﻉ ﻫﻢ ﺣﺴﺖ ﺑﻠﺬﻝ ﻭﺍﻧﻬﺎﻧﺖ ﻛﺮﺍﻣﺘﻪ ﻭﻣﺎﺣﺒﺖ ﺗﺒﻘﻪ ﻫﻨﺎ
ﺑﻘﻴﺖ ﺍﻧﻲ ﺍﺗﺎﺧﺮﺕ ﻳﻤﻬﻢ ﺗﺎﺍﻏﺴﻞ ﺍﻟﻤﺎﻋﻴﻦ ﻭﻳﺎﻫﻦ ﻭﺍﺭﺟﻊ ﻟﻠﺒﻴﺖ ﻻﻥ ﺯﺣﻤﻪ ﻣﺸﺖ ﺳﺪﻳﻢ ﻭﺍﻧﻲ ﻫﻤﻴﻦ ﺍﺭﻭﺡ ..
ﺳﺪﻳﻢ / ﻣﻦ ﺑﻌﺪ ﻛﻼﻣﻬﻦ ﺍﻟﻤﺴﻤﻮﻡ ﺭﺩﺕ ﺍﻣﺸﻲ ﺑﺲ ﺻﺎﺣﺘﻨﻲ ﺍﻟﺠﺪﻩ ﻭﻛﻌﺪﺕ ﻳﻤﻬﻦ ﻭﻇﻠﻴﺖ ﺍﻧﺘﻈﺮ ﻳﺎﻗﻮﺕ ﺗﺠﻲ ﺗﺎﻧﺮﻭﺡ ﺑﺲ ﺍﺗﺎﺧﺮﺕ ﻭﺫﻧﻲ ﻣﺎﺳﻜﺘﻦ ﻇﻠﻦ ﻳﺬﺑﻦ ﺣﺠﻲ .. ﺍﻧﻲ ﻫﻨﺎ ﻣﺎﺗﺤﻤﻠﺖ ﻛﻤﺖ ﻣﻦ ﻣﻜﺎﻧﻲ
ﺍﻟﺠﺪﻩ : ﻫﺎ ﻳﻤﻪ ﻭﻳﻦ ﺭﺍﻳﺤﻪ
ﺍﻟﺘﻔﺖ ﺍﻟﻪ ﻭﺍﺑﺘﺴﻤﺖ ﺑﻐﺼﻪ ﻭﺍﺿﺤﻪ : ﺭﺍﻳﺤﻪ ﻟﻠﺒﻴﺖ ﻻﻥ ﺗﻌﺒﺎﻧﻪ ﻋﻦ ﺍﺫﻧﻜﻢ
ﺣﺴﻴﺘﻪ ﻓﻬﻤﺘﻨﻲ ﻭﻣﺎﺿﻐﻄﺖ ﻋﻠﻴﻪ ﻫﺰﺕ ﺭﺍﺳﻪ : ﺍﻟﻠﻪ ﻭﻳﺎﺝ ﻳﻤﻪ
ﻛﻤﺖ ﻣﻦ ﻣﻜﺎﻧﻲ ﺭﺣﺖ ﻟﻠﻤﻄﺒﺦ ﺍﺧﺬﺕ ﺍﻟﺼﺎﻳﻪ ﻭﻟﺒﺴﺘﻪ ﻭﺍﻧﻲ ﻋﻴﻮﻧﻲ ﻣﻐﻮﺭﻛﻪ ﺣﺴﻴﺖ ﺑﻠﺬﻝ ﻭﺍﻻﻫﺎﻧﻪ
ﺭﺩﺕ ﺍﻃﻠﻊ ﻣﻦ ﺍﻟﻤﻄﺒﺦ ﺻﺎﺭﺕ ﺑﻮﺟﻬﻲ ﺟﻮﺭﻱ : ﻫﺎ ﻭﻳﻦ ﺭﺍﻳﺤﻪ
ﺣﺠﻴﺖ ﺑﺨﻨﻜﻪ : ﺭﺍﻳﺤﻪ ﻟﻠﺒﻴﺖ ﺗﻌﺒﺎﻧﻪ ﻭﻛﻠﻲ ﻟﻴﺎﻗﻮﺕ
ﻋﺒﺮﺕ ﻣﻦ ﻳﻤﻬﺎ ﺑﺪﻭﻥ ﻣﺎﺍﺳﻤﻊ ﺍﻱ ﺷﻲ ﻣﻨﻬﺎ .. ﺍﻧﻲ ﻣﻦ ﻃﻠﻌﺖ ﻣﻦ ﺍﻟﻤﻄﺒﺦ ﻭﺑﺪﺕ ﺩﻣﻮﻋﻲ ﺗﻨﺰﻝ ﺍﻫﺠﺲ ﺭﻭﺣﻲ ﻣﺨﺘﻨﻜﻪ
ﻣﺸﻴﺖ ﻭﺍﻧﻲ ﻣﺎﻋﺮﻑ ﻭﻳﻦ ﻃﺮﻳﻘﻲ ﻣﺎﺷﻮﻑ ﻣﻦ ﻛﺜﺮﺕ ﺍﻟﺪﻣﻮﻉ ﺍﺑﺠﻲ ﻭﺍﺣﺠﻲ ﺑﻘﻬﺮ
: ﻫﺬﻧﻲ ﺍﻟﺤﻘﻴﺮﺍﺕ ﺍﺷﺎﻳﻔﺎﺕ ﻧﻔﺴﻬﻦ ﻭﻫﻴﺞ ﻳﺤﺠﻦ ﻋﻠﻴﻨﻪ
ﺷﻨﻮ ﻛﺎﻋﺪﺍﺕ ﺍﺑﻴﺘﻬﻦ .. ﺍﻟﻠﻪ ﻻ ﻳﻨﻄﻲ ﺩﺍﻋﺶ ﺍﻟﻲ ﺧﻠﺘﻨﻪ ﺑﻬﺎﻱ ﺍﻟﺤﺎﻟﻪ
ﻇﻠﻴﺖ ﺍﺑﺠﻲ ﺣﺠﻴﺖ ﺑﻐﻀﺐ : ﺍﻫﻮﻭﻭ ﺷﻄﻠﻊ ﺍﻟﺒﻴﺖ ﻭﻳﻦ ﺻﺎﺭ
ﺣﺴﻴﺖ ﺍﻟﺒﻴﺖ ﺑﻌﺪ .. ﻣﺎﻋﺮﻑ ﻣﻦ ﻗﻬﺮﻱ ﻣﺎﺍﺷﻮﻑ ﺍﻱ ﺷﻲ ﺍﻣﺸﻲ ﺑﻌﻤﻰ ﻋﻴﻮﻧﻲ
ﻣﺎﺍﻫﺠﺲ ﺍﻻ ﺍﻳﺪ ﺟﺮﺗﻨﻲ ﻭﻟﻄﺨﺘﻨﻲ ﺑﻠﺤﺎﻳﻂ ﺷﻬﻜﺖ ﺑﻘﻮﻭﻩ ﻣﻦ ﺑﻴﻦ ﺍﺩﻣﻮﻋﻲ ... ﺍﺭﻳﺪ ﺍﻣﺴﺢ ﺍﻟﺪﻣﻮﻉ ﺣﺘﻰ ﺍﺷﻮﻑ ﻫﺬﺍ ﻣﻨﻮﻭ ﺑﺲ ﻫﻮ ﻻﺯﻣﻨﻲ ﻣﻦ ﺍﺛﻨﻴﻦ ﺍﻳﺪﻱ
: ﺍﻧﺘﻲ ﻣﺎﺗﺸﻮﻓﻴﻦ ﻭﻳﻦ ﺭﺍﻳﺤﻪ ﻫﺎﺍﺍ
ﺍﺭﻳﺪ ﺍﻭﺧﺮ ﻣﻨﻪ ﻭﻫﻮ ﻳﻤﻜﻦ ﺣﺲ ﻭﺑﻌﺪ ﺍﻳﺪﻭ ﻋﻨﻲ .. ﺭﻓﻌﺖ ﺍﻳﺪﻱ ﻭﻣﺴﺤﺖ ﺩﻣﻮﻋﻲ ﺑﻘﻮﻭﻩ ﺭﻓﻌﺖ ﺭﺍﺳﻲ ﻋﻠﻴﻪ ﻭﻳﻄﻠﻊ ﻭﺍﺋﻞ ﻛﺒﺎﻟﻲ ﻭﻳﺪﺣﻜﻠﻲ ﺑﺘﺮﻗﺐ ﻣﻨﺘﻈﺮ ﺍﻻﺟﺎﺑﻪ
ﺣﺠﻴﺖ ﺑﺘﻮﺗﺮ : ﺍﺍ ﺍﺭﻳﺪ ﺍﺭﻭﺡ ﻟﻠﺒﻴﺖ
: ﻭﺍﻧﺘﻲ ﺗﺸﻮﻓﻴﻦ ﻫﺬﺍ ﺍﻟﻄﺮﻳﻖ ﻳﻮﺩﻱ ﻋﻠﻰ ﺑﻴﺘﻜﻢ ! ؟
ﺩﺭﺕ ﻭﺟﻬﻲ ﻋﻨﻮﻭ ﺍﺭﻳﺪ ﺍﺷﻮﻑ ﻭﺟﺎﻥ ﺍﻧﺼﺪﻡ ﺍﻧﻮ ﺍﻧﻲ ﻋﺎﺑﺮﻩ ﺑﺎﺗﺠﺎﻩ ﺍﻟﻤﻀﻴﻒ ﻻﻥ ﺩﺣﻜﺖ ﻣﻦ ﺑﻌﻴﺪ ﻛﻠﻪ ﺷﺒﺎﺏ ﻭﺯﻟﻢ ﻣﻌﻜﻠﻴﻦ ﺑﺲ ﻣﺎﻳﺸﻮﻓﻮﻧﻲ ﻻﻥ ﻭﺍﻛﻔﻪ ﺑﻌﻴﺪ ﻋﻨﻬﻢ ﺑﺰﺍﻭﻳﻪ ..
ﺩﺣﻜﺖ ﻋﻠﻴﻪ : ﺍﺍﺍ ﻣﺎﺍﻧﺘﺒﻬﺖ ﻭﺍﻟﻠﻪ ﺣﺴﺒﺎﻟﻲ ﺍﻟﻄﺮﻳﻖ ﻟﺒﻴﺘﻨﻪ ﻻﻥ ﻣﺎﺷﻔﺖ
ﺣﺠﻪ ﺑﻬﺪﻭﺀ : ﻋﻠﻴﺶ ﻫﺎﻱ ﺍﻟﺪﻣﻮﻉ
: ﻣﺎﻛﻮ ﺷﻲ ...
ﻋﻔﺘﻪ ﺍﺭﻳﺪ ﺍﻣﺸﻲ ﺑﺲ ﻫﻮ ﺟﺮﻧﻲ ﻭﺭﺟﻌﻨﻲ ﻋﻠﻴﻪ
ﺑﺤﺪﻩ ﻛﺎﻝ : ﺍﻧﻲ ﻣﺎﻣﺨﻠﺺ ﻛﻼﻣﻲ ﺣﺘﻰ ﺍﺩﻳﺮﻳﻦ ﻭﺟﻬﺞ ﻓﻬﻤﺘﻲ ﻭﻛﻠﻴﻠﻲ ﺷﺒﻴﺞ ﻋﻠﻰ ﺷﻨﻮ ﻫﺎﻱ ﺍﻟﺪﻣﻮﻉ
ﺩﺣﻜﺖ ﻋﻠﻴﻪ ﺑﻨﻈﺮﻩ : ﺷﻨﻮ ﻳﻬﻤﻚ
ﺭﻓﻊ ﺣﺎﺟﺒﻪ : ﻻ .. ﺑﺲ ﻫﻴﺞ ﻓﻀﻮﻝ ﺻﺎﺭ ﻋﻨﺪﻱ
ﺍﻧﻘﻬﺮﺕ ﻣﺎﻋﺮﻑ ﻟﻴﺶ ﻣﻦ ﺟﻮﺍﺑﻪ : ﻣﺎﺷﻲ ﺗﺮﻳﺪ ﺗﻌﺮﻑ ﻋﺎﺋﻠﺘﻚ ﺍﻟﻲ ﺑﻬﺬﺍ ﺍﻟﺒﻴﺖ ﻭﺍﻧﻲ ﺍﺷﺮ ﻋﻠﻰ ﺑﻴﺘﻬﻢ
: ﺷﺒﻴﻬﻢ
ﺣﺠﻴﺖ ﺑﻘﻬﺮ ﻭﻏﻀﺐ : ﺍﻫﺎﻧﻮﻧﻪ ﺍﻧﺎ ﻭﺍﺧﺘﻲ ﺫﻟﻮﻧﻪ ﻛﻞ ﻣﺎﻧﺤﺠﻲ ﻳﻜﻮﻟﻦ ﻧﺎﺯﺣﺎﺕ ﻭﺍﻧﺘﻦ ﺟﺎﻳﺎﺕ ﻳﻤﻨﺎ ﻧﺰﻭﺡ
ﺍﻧﺘﻦ ﻫﻴﺞ ﻋﻠﻰ ﺷﻨﻮ ﻫﺬﺍ ﺍﻟﺘﻜﺒﺮ ﻭﺍﻟﻐﺮﻭﺭ ﻫﺎﺍﺍ
ﺣﺮﺍﻡ ﻋﻠﻴﻜﻢ ﻛﻠﺴﺎﻉ ﺗﺬﻛﺮﻭﻧﻪ ﺑﻐﺮﺑﺘﻨﻪ ﻭﺑﺤﺰﻧﻪ ..
ﻇﻠﻴﺖ ﺍﺑﺠﻲ ﻭﺍﺣﺠﻲ ﻭﻳﺎﻩ ﺑﺤﺮﻛﻪ ﻳﻜﻮﻝ ﻫﻮ ﺍﻟﻲ ﺍﻫﺎﻧﻲ : ﺗﺮﻯ ﻧﻌﺮﻑ ﺍﺣﻨﻪ ﺍﺟﻴﻨﻪ ﻫﻴﻦ ﻧﺎﺯﺣﻴﻦ ﺑﺲ ﺣﺴﻮ ﺑﻴﻨﺎ ﻭﻻ ﺗﻔﺘﺤﻮﻥ ﺟﺮﺍﺣﻨﻪ ﺗﺮﻯ ﻣﺎﻳﺼﻴﺮ ﻭﺍﻟﻠﻪ ﺍﻧﻲ ﻣﻦ ﻫﺎﻱ ﺟﻨﺖ ﺧﺎﻳﻔﻪ ﻣﻦ ﺍﻟﺠﻴﻪ ﻫﻴﻦ ﺍﻛﻮﻝ ﻻ ﻧﻌﻴﺶ ﺑﺬﻟﻪ ﻭﺍﻫﺎﻧﻪ ﻭﺗﻔﺮﻗﻪ ﻭﺻﺎﺭ ﺍﻟﻲ ﺻﺎﺭ
: ﻳﺎﺍﺧﻲ ﺍﺗﻘﻮ ﺭﺑﻜﻢ ﺣﺮﺍﻡ ﻋﻠﻴﻜﻢ ﻋﻮﺩ ﺍﻧﺘﻮ ﺍﻫﻠﻨﻪ ﻭﻋﺎﻳﺸﻴﻦ ﺑﻮﻃﻦ ﻭﺍﺣﺪ ﻭﻫﻴﺞ ﺗﺴﻮﻭﻥ
ﺣﺠﻪ ﺑﻬﺪﻭﺀ : ﻣﻨﻮ ﺍﻟﻲ ﻛﺎﻝ
ﺣﺠﻴﺖ ﺑﻐﻀﺐ ﻭﺑﺸﺒﻪ ﺻﻴﺎﺡ ﺍﺭﻳﺪ ﺍﻓﺮﻍ ﻗﻬﺮﻱ ﺑﻴﻪ : ﻭﺍﻧﺖ ﺷﻴﻬﻤﻚ ﻫﺎﺍ ﺍﻧﺖ ﻫﻢ ﻣﺜﻠﻬﻢ ﻛﻠﻜﻢ ﻧﻔﺲ ﺑﻌﺾ ﻣﺘﻜﺒﺮﻳﻦ ﻭﻣﻐﺮﻭﺭﻳﻦ
ﻛﻀﺒﻨﻲ ﻣﻦ ﺯﻧﺪﻱ ﺑﻘﻮﻭﻩ ﻭﺑﻐﻀﺐ : ﺣﺴﺞ ﻻ ﻳﻌﻠﻰ ﻓﻬﻤﺘﻲ
ﻭﺗﺮﻯ ﺯﻭﺩﺗﻴﻬﺎ ﻣﻮﺻﻮﺟﺞ ﺻﻮﺟﻲ ﺍﻧﻲ ﺍﻟﻲ ﻭﺍﻛﻒ ﻟﺤﺪ ﻫﺴﻪ ﻭﺍﺳﻤﻊ ﻛﻼﻣﺞ
ﺣﺴﻴﺖ ﻋﻠﻰ ﻧﻔﺴﻲ ﻭﻋﻠﻰ ﻛﻼﻣﻲ ﺑﺲ ﺍﺗﺎﻟﻤﺖ ﻣﻦ ﻗﺒﻀﺘﻪ : ﺍﺍﺥ ﻭﺧﺮ ﺧﻞ ﺍﻣﺸﻲ
ﺑﻌﺪﻧﻲ ﻣﻦ ﻳﻤﻪ : ﻳﺎﻟﻪ ﺍﻣﺸﻲ ﺧﻞ ﺍﻭﺻﻠﺞ ..
ﻛﺘﻠﻮ ﺑﻌﻨﺎﺩ ﻭﻗﻬﺮ : ﺍﻧﻲ ﺍﺭﻭﺡ ﻭﺣﺪﻱ ﻭﻣﺎﺍﺣﺘﺎﺝ ﻣﺴﺎﻋﺪﺗﻚ
ﺑﺸﺒﻪ ﺻﻴﺎﺡ : ﺳﺪﻳﻢ
ﺧﻔﺖ ﻣﻨﻪ ﻭﺑﺲ ﻫﺬﺍ ﻣﻨﻴﻦ ﻋﺮﻑ ﺍﺳﻤﻲ ﺑﺎﻭﻋﺘﻠﻪ ﺑﻔﻀﻮﻝ : ﻣﻨﻴﻦ ﻋﺮﻓﺖ ﺍﺳﻤﻲ
ﻟﻤﺤﺖ ﻃﻴﻒ ﺍﺑﺘﺴﺎﻣﻪ ﻋﻠﻰ ﺷﻔﺘﻪ ﺑﺲ ﻫﻮ ﻣﺤﺎﻫﺎ ﺑﺴﺮﻋﻪ
ﺩﺍﺭ ﻭﺟﻬﻮ ﻋﻨﻲ ﻭﻛﺎﻝ : ﻳﺎﻟﻪ ﺍﻣﺸﻲ
ﻣﺸﻪ ﻭﺍﻧﻲ ﻣﺸﻴﺖ ﻭﺭﺍﻩ ﻭﺍﻓﻜﺮ ﻣﻨﻴﻦ ﻋﺮﻑ ﺍﺳﻤﻲ ﻇﻠﻴﺖ ﺍﺩﺣﻚ ﻋﻠﻴﻪ ﺑﺮﺍﺣﻪ ﻻﻥ ﻣﺎﻳﺸﻮﻓﻨﻲ
ﺍﺗﺄﻣﻞ ﻃﻮﻟﻮ ﻭﺍﻛﺘﺎﻓﻮﻭ ﺍﻟﻌﺮﻳﻀﻪ ﻭﻣﺸﻴﺘﻮ ﺍﻟﻲ ﻳﻤﺸﻲ ﺑﻬﻴﺒﻪ
ﺍﺑﺘﺴﻤﺖ ﻭﺍﻧﻲ ﺻﺎﻓﻨﻪ ﻋﻠﻴﻪ ﻭﻣﺎﺍﻫﺠﺲ ﺍﻻ ﺍﻧﻲ ﺍﻟﻄﺨﺖ ﺑﻈﻬﺮﻩ ﺍﺍﺥ ﻳﻤﺎ
ﺍﺑﺘﻌﺪﺕ ﻋﻨﻮ ﺑﺴﺮﻋﻪ ﻭﻫﻮ ﺩﺍﺭ ﻭﺟﻬﻮ ﻋﻠﻴﻪ ﻭﺭﺍﻓﻊ ﺣﺎﺟﺒﻮ : ﺷﺒﻴﺞ
ﺑﺨﺠﻞ ﻛﺘﻠﻮ : ﺍﺳﻔﻪ ﻣﺎﺍﻧﺘﺒﻬﺖ
ﺑﻬﺪﻭﺀ : ﻣﺼﺎﺭ ﺷﻲ ﻳﺎﻟﻪ ﺍﺩﺧﻠﻲ
ﺑﻐﺒﺎﺀ : ﻫﺎﺍﺍ ﺷﻨﻮ ! ؟
ﻏﻤﺾ ﻋﻴﻨﻮ ﻭﺭﺟﻊ ﻓﺘﺤﻬﻦ : ﺃﺳﺘﻐﻔﺮ ﺍﻟﻠﻪ ﺍﺩﺧﻠﻲ ﺟﻮﻩ ﻟﺒﻴﺘﻜﻢ
ﺩﺣﻜﺖ ﺷﻔﺖ ﻭﺍﻛﻔﻴﻦ ﻳﻢ ﺑﺎﺏ ﺍﻟﺒﻴﺖ ﻳﻲ ﻫﺎﻱ ﻳﻤﺘﻪ ﻭﺻﻠﻨﻪ ﻫﻴﻦ ﻭﺍﻟﻠﻪ ﻓﺸﻠﻪ : ﺍﺣﻢ ﺷﻜﺮﺍ
: ﻣﺎﻛﻮ ﺩﺍﻋﻲ ﻳﺎﻟﻪ ﺍﺩﺧﻠﻲ
ﻣﺮﻳﺖ ﻣﻦ ﻳﻤﻪ ﻭﻛﻔﺖ ﻳﻢ ﺑﺎﺏ ﺑﻴﺘﻨﻪ ﺩﺣﻜﺖ ﻋﻠﻴﻪ ﻣﻨﺘﻈﺮﻧﻲ ﺍﺩﺧﻞ ﺗﺎﻳﺮﻭﺡ ﻛﺘﻠﻮ : ﺗﺼﺒﺢ ﻋﻠﻰ ﺧﻴﺮ
ﻫﺰ ﺭﺍﺳﻪ؛ﻭﺍﻧﺘﻲ ﻣﻦ ﺍﻫﻠﻪ
ﺩﺧﻠﺖ ﺟﻮﻩ ﻭﺳﺪﻳﺖ ﺍﻟﺒﺎﺏ ﻭﺭﺍﻱ ﻭﺍﺟﻬﺲ ﻛﻠﺒﻲ ﺻﺎﺭ ﻳﺪﻙ ﻃﺒﻮﻝ : ﻳﻤﺎﺍﺍ ﻫﺎﻱ ﺷﻨﻮ ﺷﺨﺼﻴﻪ ﻭﺍﻟﻠﻪ
ﻓﺘﺖ ﺟﻮﻩ ﻭﺷﻔﺖ ﺍﻣﻲ ﻛﺎﻋﺪﻩ ﺳﻠﻤﺖ ﻋﻠﻴﻪ ﻭﺳﺌﻠﺘﻨﻲ ﻋﻠﻰ ﻳﺎﻗﻮﺕ ﻛﺘﻠﻪ ﺗﺒﻘﻰ ﻟﺤﺪ ﻣﻴﺨﻠﺼﻮﻥ ﻭﺍﻧﻲ ﺣﺴﻴﺖ ﺑﺘﻌﺐ ﻭﺍﺟﻴﺖ ﺍﻭﻝ ﺷﻲ ﺍﻋﺘﺮﺿﺖ ﺷﻨﻮ ﺗﺒﻘﻰ ﻭﺣﺪﻫﺎ ﻭﻋﻴﺐ ﻭﺍﺣﻨﻪ ﻏﺮﺑﻪ
ﺣﺠﻴﺖ ﺑﻨﻔﺴﻲ * ﺍﺍﻩ ﺍﻱ ﻭﺍﻟﻠﻪ ﻳﺎﻳﻤﻪ ﻏﺮﺑﻪ ﺍﺣﻨﺎ ﻫﻨﺎ *
: ﻳﻤﺎﺍ ﻣﺎﻛﻮ ﺷﻲ ﻫﻴﺎ ﺷﻮﻱ ﻭﺗﺠﻲ ﻻ ﺗﺸﻴﻠﻴﻦ ﻫﻢ
ﻫﺰﺕ ﺭﺍﺳﻪ ﻭﺍﻧﻲ ﻓﺘﺖ ﺟﻮﻩ ﻟﻐﺮﻓﻪ ﺍﺭﻳﺪ ﺍﺭﺗﺎﺡ ﺩﺧﻠﺖ ﻭﺫﺑﻴﺖ ﺍﻟﺼﺎﻳﻪ ﻭﺷﻤﺮﺕ ﻧﻔﺴﻲ ﻋﻠﻰ ﺍﻟﻔﺮﺍﺵ ﻏﻤﻀﺖ ﻋﻴﻨﻲ ﺑﺘﻌﺐ ﻭﺍﻓﻜﺮ ﺑﻜﻼﻣﻲ ﻭﻱ ﻭﺍﺋﻞ
: ﻭﺍﻟﻠﻪ ﻓﺸﻠﻪ ﻳﺎﺭﺑﻲ ﺍﺫﺍ ﺷﻔﺘﻮ ﻣﺮﻩ ﺛﺎﻧﻴﻪ ﺍﻋﺘﺬﺭ ﻳﻤﻜﻦ ﻣﻨﻪ ﺍﻱ
ﺍﺑﺘﺴﻤﺖ ﻭﺍﻧﻲ ﺍﺗﺨﺎﻳﻞ ﺷﻜﻠﻮﻭ ﺷﺨﺼﻴﻪ ﻭﺍﻟﻠﻪ ﻇﻠﻴﺖ ﻣﻨﺘﻈﺮﻩ ﻳﺎﻗﻮﻭﺕ ﻟﺤﺪ ﻣﺎﺗﺠﻲ ﺍﺭﻳﺪ ﺍﻓﺘﻬﻢ ﺍﻟﺴﺎﻟﻔﻪ ﺷﺼﺎﺭ ﻣﻦ ﺑﻌﺪ ﻣﺎﺭﺟﻌﺖ ﻫﻴﻦ ..
ﻭﻣﺎﺣﺴﻴﺖ ﻋﻠﻰ ﻧﻔﺴﻲ ﺍﻻ ﻭﺍﻧﻲ ﻧﺎﻳﻤﻪ ...
ﺍﻟﺴﺎﻋﻪ ﺏ ٩ ﺻﺒﺎﺣﺎ
ﻓﺘﺤﺖ ﻋﻴﻮﻧﻲ ﺑﺜﻘﻞ ﻭﺍﻧﻲ ﺍﺣﺲ ﺑﺎﺍﺷﻌﺔ ﺍﻟﺸﻤﺲ ﺩﺧﻠﺖ ﻟﻠﻐﺮﻓﻪ
: ﻳﻤﺘﻪ ﻧﻤﺖ ﻭﻛﻌﺪﺕ ﻣﺎﺣﺴﻴﺖ ﺑﻨﻔﺴﻲ
ﺩﺭﺕ ﻭﺟﻬﻲ ﺩﺣﻜﺖ ﻓﺮﺍﺵ ﻳﺎﻗﻮﺕ ﻣﻮﺟﻮﺩ ﺑﻌﺪﻭ ﺑﺲ ﻫﻴﺎ ﻣﺎﻛﻮ
ﻛﻤﺖ ﻣﻦ ﻣﻜﺎﻧﻲ ﺍﺗﺠﻬﺖ ﻟﻜﻨﺘﻮﺭ ﺍﺧﺬﺕ ﻟﺒﺲ ﻭﻃﻠﻌﺖ ﻣﻦ ﺍﻟﻐﺮﻓﻪ ﺭﺣﺖ ﻟﺤﻤﺎﻡ ( ﺗﻜﺮﻣﻮﻥ ) ﻏﺴﻠﺖ ﻭﺟﻬﻲ ﻭﺑﺪﻟﺖ
ﻃﻠﻌﺖ ﻭﺍﺗﺠﻬﺖ ﻟﻠﻤﻄﺒﺦ ﺩﺣﻜﺖ ﻳﺎﻗﻮﺕ ﻛﺎﻋﺪﻩ ﻭﺗﺸﺮﺏ ﺟﺎﻱ ﺣﺪﺭﺕ ﻛﻌﺪﺕ ﻳﻤﻪ
: ﺻﺒﺎﺡ ﺍﻟﺨﻴﺮ
ﺑﻬﺪﻭﺀ : ﺻﺒﺎﺡ ﺍﻟﻨﻮﺭ
: ﻳﻤﺘﻪ ﺍﺟﻴﺘﻲ ﺍﻟﺒﺎﺭﺣﻪ ﺭﺩﺕ ﺍﻧﺘﻈﺮﺝ ﺑﺲ ﻣﺎﺣﺴﻴﺖ ﻋﻠﻰ ﻧﻔﺴﻲ ﺍﻻ ﻭﺍﻧﻲ ﻧﺎﻳﻤﻪ
: ﺏ١١ ﻭﻧﺺ ﺗﻘﺮﻳﺒﺎ
: ﻳﻮﻭ ﻣﺘﺎﺧﺮﻩ ﻟﻴﺶ
: ﻻﻥ ﻇﻠﻴﺖ ﺍﻧﻈﻒ ﻭﻳﺎﻫﻦ ﺧﻄﻴﻪ ﻣﺤﺪ ﻭﻳﺎﻫﻦ ﻭﺍﻧﻲ ﺍﺗﺼﻠﺖ ﺑﺎﻣﻲ ﻭﺑﻠﻐﺘﻪ ﺧﺎﻑ ﺍﺗﺎﺧﺮ
: ﺻﺪﻙ ﺍﺣﺠﻴﻠﻲ ﺍﻟﻲ ﺻﺎﺭ ﻣﻦ ﻣﺸﻴﺖ
: ﻣﺎﺷﻲ .
ﻋﺪﻟﺖ ﻛﻌﺪﺗﻪ ﻭﺣﺠﺖ ﻛﻞ ﺍﻟﻲ ﺻﺎﺭ ﻭﺿﺮﻏﺎﻡ ﺷﻠﻮﻥ ﻇﻞ ﻳﺰﻛﺢ ﻋﻠﻴﻬﻦ ﻭﺗﻮﺑﻬﻦ
ﺑﺎﻭﻋﺘﻠﻪ ﺑﺎﻧﺪﻫﺎﺵ : ﻛﻮﻟﻲ ﻭﺍﻟﻠﻪ ﺍﻟﺸﻴﺦ ﺿﺮﻏﺎﻡ ﻫﻴﺞ ﺳﻮﻭﻩ
: ﺍﻱ ﻭﺍﻟﻠﻪ ..
ﺍﺑﺘﺴﻤﺖ ﺑﻤﻜﺮ ﺍﻟﻪ : ﺍﻣﻢ ﺍﻱ ﻋﻴﻨﻲ ﻳﺪﺍﻓﻊ ﻣﺎﻗﺒﻞ ﺍﺣﺪ ﻳﺤﺠﻲ ﻋﻨﺞ
: ﻛﻢ ﻣﺮﻩ ﺍﻛﻠﺞ ﺍﻛﻀﺒﻲ ﻟﺴﺎﻧﺞ .. ﻳﻮﻝ ﺍﻟﺮﺟﺎﻝ ﻣﺘﺰﻭﺝ ﻭﻋﻨﺪﻭﻭ ﻃﻔﻞ
ﺍﻧﺼﺪﻣﺖ ﻣﻦ ﻛﻼﻣﻪ : ﺷﻨﻮﻭ ﻣﺘﺰﻭﺝ ﻭﺷﻌﺮﻓﺞ
: ﻗﺒﻞ ﺍﻳﺎﻡ ﺷﻔﺖ ﺍﺑﻨﻮ ﻭﺍﺳﻤﻮ ﺳﺮﺍﺝ
: ﺑﺲ ﻣﺮﺗﻮ ﻣﺎﺷﻔﻨﺎﻫﺎ ﺍﻟﺒﺎﺭﺣﻪ
: ﺣﺘﻰ ﺍﻧﺎ ﺍﺳﺘﻐﺮﺑﺖ ﻣﺤﺪ ﻋﺮﻓﻨﻪ ﻋﻠﻴﻪ ﻭ ﻳﻤﻜﻦ ﻣﺎﻣﻮﺟﻮﺩﻩ ﻫﻴﺞ ﻳﻢ ﺍﻫﻠﻪ
: ﻳﻤﻜﻦ ﻛﻠﺸﻲ ﻳﺼﻴﺮ
ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﺻﺒﻴﺖ ﺍﻟﻲ ﺟﺎﻱ ﻭﻛﻌﺪﺕ ﻳﻤﻬﺎ ﻭﺛﻨﻴﻦ ﺳﺎﻛﺘﻴﻦ ﻣﺎﺣﺠﻴﻨﻪ ﺷﻲ ﺍﺗﺬﻛﺮﺕ ﻭﺍﺋﻞ ﺩﺣﻜﺖ ﻋﻠﻰ ﻳﺎﻗﻮﺕ ﺍﻟﻲ ﺻﺎﻓﻨﻪ ﺭﺩﺕ ﺍﻛﻠﻠﻪ ﺑﺲ ﺳﻜﺘﺖ ﻫﺴﻪ ﺭﺍﺡ ﺍﺗﻀﻞ ﺗﺤﻘﻖ ﻭﻳﺎﻱ ﻭﺍﻧﻲ ﺍﺻﻠﻦ ﺑﻌﺪﻧﻲ ﻣﺎﻣﺘﺎﻛﺪﻩ ﻣﻦ ﻣﺸﺎﻋﺮﻱ ﻓﻈﻠﺖ ﺍﻟﺴﻜﻮﺕ ﺍﺣﺴﻦ
ﻇﻠﻴﻨﻪ ﺷﺎﺭﺩﻳﻦ ﺍﻟﺒﺎﻝ ﻭﻛﻞ ﻭﺣﺪﻩ ﺻﺎﻓﻨﻪ ﺑﻌﺎﻟﻤﻪ ...
ﻭﺭﻭﺩ / ﻛﺎﻋﺪﻩ ﺑﺮﻩ ﺑﺴﺎﺣﺔ ﺍﻟﻤﺪﺭﺳﻪ ﻭﺣﺪﻱ ﻭﺻﺎﻓﻨﻪ ﻭﺍﺟﺖ ﺫﻛﺮﻳﺎﺗﻲ ﻋﻠﻰ ﻟﻴﻠﺔ ﺍﻟﺒﺎﺭﺣﻪ
ﺭﻓﻌﺖ ﺩﺷﺪﺍﺷﺘﻲ ﻻﻥ ﻃﻮﻳﻠﻪ ﻋﻠﻴﻪ ﺷﻮﻱ ﻭﻇﻠﻴﺖ ﺍﻏﺴﻞ ﺑﻠﻤﻮﺍﻋﻴﻦ ﻭﻱ ﺍﻟﺒﻨﺎﺕ ﻭﻣﻦ ﺧﻠﺼﻨﻪ
ﻛﻤﺖ ﻋﻠﻰ ﺣﻴﻠﻲ ﻭﻇﻠﻴﺖ ﺍﻧﻜﻞ ﺑﻠﻤﻮﺍﻋﻴﻦ ﻭﺍﺣﻄﻬﻦ ﺑﻠﻜﺎﻭﻧﺘﺮ
ﻭﺍﻟﺼﻮﺍﻧﻲ ﻭﺍﻟﺠﺪﺍﺭﻱ ﺭﺣﺖ ﻟﻠﻤﺨﺰﻥ ﺣﺘﻰ ﺍﺣﻄﻬﻦ ﻇﻠﻴﺖ ﺍﻧﻜﻞ ﺑﻴﻬﻦ ﺍﺭﻭﺡ ﻭﺍﺭﺟﻊ ﺍﺧﺮ ﻭﺟﺒﻪ ﻣﻦ ﺍﻟﺼﻮﺍﻧﻲ ﺍﺧﺬﺗﻬﻦ
ﻭﺩﺧﻠﺖ ﻟﻠﻤﺨﺰﻥ ﺑﻴﻪ ﺿﻮﻩ ﺧﻔﻴﻒ
ﺭﺣﺖ ﺣﻄﻴﺘﻬﻦ ﺑﻠﻜﺎﻉ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻧﺴﺪ ﺍﻧﻲ ﻛﻤﺰﺕ ﻭﺩﺭﺕ ﻭﺟﻬﻲ ﺍﺭﻳﺪ ﺍﺷﻮﻑ ﺷﻜﻮﻭ
ﻭﺟﺎﻥ ﺍﺷﻮ ﺍﻳﺎﺱ ﻭﺍﻛﻒ ﻛﺒﺎﻟﻲ ﺑﻠﻌﺖ ﺭﻳﻜﻲ : ﺍﻳﺎﺱ
ﻭﻣﺎﺍﺣﺲ ﺍﻻ ﺩﻓﻌﻪ ﻗﻮﻳﻪ ﻟﻄﺨﺘﻨﻲ ﺑﻠﺤﺎﻳﻂ ﺣﻄﻴﺖ ﺍﻳﺪﻱ ﻋﻠﻰ ﻇﻬﺮﻱ ﻣﻦ ﺍﻻﻟﻢ ﺻﺤﺖ : ﺍﺍﺍﺍﺥ ﻇﻬﺮﻱ
ﺭﻓﻌﺖ ﺭﺍﺳﻲ ﻋﻠﻴﻪ ﻭﺍﺷﻮﻑ ﻋﻴﻮﻧﻪ ﻛﻠﻪ ﻏﻀﺐ ﻛﺎﻝ : ﻟﻴﺶ ﻫﻴﺞ ﺗﺴﻮﻳﻦ
ﻛﺘﻠﻪ ﺑﺨﻮﻑ ﻭﺍﻟﻢ : ﺷﻨﻮ ﺷﻤﺴﻮﻳﻪ
ﺑﺤﺪﻩ ﻭﻋﺼﺒﻴﻪ : ﻟﻴﺶ ﺗﻌﺎﻧﺪﻳﻦ ﻭﻣﺎﺗﺴﻤﻌﻴﻦ ﺍﻟﻜﻼﻡ ﻫﺎﺍ ﻣﻦ ﻛﺘﻠﺞ ﻏﻴﺮﻱ ﻫﺎﻱ ﺍﻟﺦ .. ﻩ ﺍﻟﺪﺷﺪﺍﺷﻪ ﻟﻴﺶ ﻣﺎﻏﻴﺮﺗﻴﻬﺎ ﻫﺎ .. ﻟﻴﺶ ﺗﺨﻠﻴﻨﻲ ﺍﻃﻠﻊ ﻋﻦ ﻃﻮﺭﻱ ﻭﺍﺫﺏ ﺣﺮﻛﺘﻲ ﻛﻠﻪ ﺑﻴﺞ
ﻛﺘﻠﻪ ﺑﻘﻬﺮ : ﻭﺍﻧﺖ ﻣﻨﻮﻭ ﺣﺘﻰ ﺍﺳﻤﻊ ﻛﻼﻣﻚ ﺗﺮﻯ ﺍﻧﺖ ﻻ ﺍﺑﻮﻱ ﻭﻻ ﺍﺧﻮﻱ ﺣﺘﻰ ﺗﻤﻨﻌﻨﻲ ﻣﺠﺮﺩ ﺍﺑﻦ ﻋﻢ ﻓﻬﻤﺖ
ﻭﻣﺎﻟﻚ ﺩﺧﻞ ﺑﻠﺒﺴﻲ ﻣﻴﺔ ﻣﺮﻩ ﻛﺘﻠﻚ ﺍﻧﻲ ﺣﺮﻩ
ﺍﺗﻘﺪﻡ ﻋﻠﻴﻪ ﻭﻟﺰﻣﻨﻲ ﻣﻦ ﻛﺘﻮﻓﻲ : ﺗﺮﺩﻳﻦ ﺗﻌﺮﻓﻴﻦ ﻣﻨﻮ ﺍﻧﻲ
ﻫﺎﺍﺍ
ﺑﺎﻭﻋﺘﻠﻪ ﺑﻘﻮﻭﻩ ﺍﺭﻳﺪ ﻳﻜﻤﻞ ﻛﻼﻣﻪ .. ﺍﺷﻮ ﻫﻮ ﺩﻧﻚ ﺭﺍﺳﻪ
ﻭﻗﺮﺏ ﺷﻔﺎﻳﻔﻪ ﻳﻢ ﺃﺫﻧﻲ ﺍﺭﺗﺒﻜﺖ ﺍﻧﻲ ﻛﻠﺶ ﻣﻦ ﻗﺮﺑﻪ
: ﺍﻧﻲ ﺭﺍﺡ ﺍﻛﻮﻥ ﻛﻠﺸﻲ ﺑﻠﻨﺴﺒﻪ ﺍﻟﺞ .. ﺍﻧﻲ ﺍﻟﺤﻠﻢ ﺍﻟﻲ ﺭﺍﺡ ﺗﺤﻠﻤﻴﻦ ﺑﻴﻪ ﺑﻜﻞ ﻟﻴﻠﺔ ﺍﺗﻨﺎﻣﻴﻦ ﺑﻴﻬﺎ ﻭﺭﺍﺡ ﺍﻛﻮﻥ ﺍﻭﻝ ﺷﺨﺺ ﻳﺠﻲ ﻋﻠﻰ ﺑﺎﻟﺞ ﻣﻦ ﺗﻜﻌﺪﻳﻦ ﻣﻦ ﺍﻟﻨﻮﻡ
ﻳﻌﻨﻲ ﺑﺎﺧﺘﺼﺎﺭ ﺭﺍﺡ ﺍﻛﻮﻥ ﺑﻌﻘﻠﺞ ﻭﺑﻜﻠﺒﺞ ﻓﻬﻤﺘﻲ ...
ﺣﺠﻴﺖ ﺑﺘﻮﺗﺮ ﻭﺍﻧﻲ ﺍﺭﻳﺪ ﺍﻗﻮﻱ ﻧﻔﺴﻲ : ﺑﺤﻼﻣﻚ ﻫﺬﺍ ﺍﻟﺸﻲ
ﺍﺑﺘﺴﻢ ﺑﺎﺳﺘﻬﺰﺍﺀ ﻭﺑﻌﺪ ﻗﺮﻳﺐ ﻋﻠﻴﻪ : ﻫﻪ ﻧﺸﻮﻑ
ﺩﻧﻚ ﺭﺍﺳﻪ ﻋﻠﻰ ﺭﻗﺒﺘﻲ ﻭﺍﻧﻔﺎﺳﻪ ﺍﻟﺤﺎﺭﻩ ﺗﻠﻔﺢ ﻭﻭﺟﻬﻲ ﻃﺒﻊ ﺑﻮﺳﻪ ﺧﻔﻴﻔﻪ
ﺍﻧﻲ ﻫﻨﺎ ﻣﺎﻋﺮﻑ ﺷﺼﺎﺭ ﺑﻴﻪ ﺍﺣﻮﺍﻟﻲ ﻛﻠﻪ ﺍﺗﺨﺮﺑﻄﺖ ﺷﺼﺎﺭ ﺑﻴﻪ ﻣﺎﻋﺮﻑ .. ﻣﺸﺎﻋﺮ ﺍﺟﺘﺎﺣﺘﻨﻲ ﺑﺲ ﻣﺎﻋﺮﻑ ﺷﻨﻮ ﻫﻴﺎ ﺧﻮﻑ ﺍﻭ ﺧﺠﻞ ﺍﻭ ﺍﺭﺗﺒﺎﻙ ﻣﺎﻋﺮﻑ
ﺭﻓﻊ ﺭﺍﺳﻪ ﻋﻠﻴﻪ ﻭﺻﺎﺭﺕ ﻋﻴﻮﻧﻪ ﺍﻟﺤﺎﺩﺍﺕ ﻋﻠﻰ ﻋﻴﻮﻧﻲ ﺍﻟﻀﺎﻳﻌﻪ ﺍﻟﻲ ﻣﺎﻋﺮﻑ ﺷﺴﻮﻱ ﺑﻬﺎﻱ ﺍﻟﺤﻈﻪ
ﺍﺑﺘﺴﻢ ﺍﺑﺘﺴﺎﻣﻪ ﺟﺎﻧﺒﻴﻪ ﻋﻠﻰ ﻭﺟﻬﻪ ﻭﻣﺎﺍﺣﺲ ﺍﻻ ﺍﻧﻲ ﺍﻧﺠﺮﻳﺖ ﻋﻠﻴﻪ ﺍﻳﺪ ﺻﺎﺭﺕ ﻭﺭﻩ ﻇﻬﺮﻱ ﻭﺍﻻﻳﺪ ﺍﻟﺜﺎﻧﻴﻪ ﻧﺰﻟﺖ ﺩﺷﺪﺍﺷﺘﻲ ﺍﻟﻲ ﺟﺎﻧﺖ ﻣﺮﻓﻮﻋﻪ
ﻛﺎﻝ ﻭﻻﺯﺍﻟﺖ ﻋﻴﻨﻪ ﺑﻌﻴﻨﻲ : ﺛﺎﻧﻲ ﻣﺮﻩ ﺍﻣﻮﺗﺞ ﺍﺫﺍ ﺷﻔﺖ ﺩﺷﺪﺍﺷﺘﺞ ﻫﻴﺞ ﻣﺮﻓﻮﻋﻪ ﺍﻛﺺ ﺭﺟﻠﻴﺞ ﺍﻓﺘﻬﻤﺘﻲ ﻟﻮ ﻋﺠﺒﺘﺞ ﺍﻧﺘﻲ ﺗﺮﺩﻳﻦ ﺑﺲ ﺍﺣﺪ ﻳﺒﺎﻭﻉ ﻋﻠﻴﺞ ﻫﺎﺍﺍ
ﺍﻧﻘﻬﺮﺕ ﻣﻦ ﻛﻼﻣﻪ ﺍﻻﺧﻴﺮ ﺣﺎﻭﻟﺖ ﺍﺑﻌﺪ ﻧﻔﺴﻲ ﻋﻨﻪ ﻇﻞ ﻫﻮ ﺻﺎﻓﻦ ﻋﻠﻴﻪ ﺑﻌﺪﻳﻦ ﻭﺧﺮﻩ ﻧﻔﺴﻪ ﻋﻨﻲ
: ﺷﺒﻴﺞ ﺿﺠﺘﻲ ﺗﺮﻯ ﻣﺎﺣﺠﻴﺖ ﺷﻲ ﻏﻠﻂ
ﺍﻧﺼﺪﻣﺖ ﻣﻦ ﻛﻼﻣﻪ ﺑﺲ ﻫﻮ ﺩﺍﺭ ﻭﺟﻬﻪ ﻭﻃﻠﻊ ﻣﻦ ﺍﻟﻤﺨﺰﻥ
ﻭﺍﻧﻲ ﻇﻠﻴﺖ ﻭﺍﻛﻔﻪ ﺍﺗﺬﻛﺮ ﻛﻼﻣﻪ ...
ﺻﺤﻴﺖ ﻣﻦ ﺻﻔﻨﺘﻲ ﻋﻠﻰ ﺻﻮﺕ ﺩﺭﺓ ﺷﻔﺘﻬﺎ ﻛﺎﻋﺪﻩ ﺑﺼﻔﻲ ﻭﺗﺒﺎﻭﻋﻠﻲ ﺍﻧﻲ ﻭﻫﻴﺎ ﺑﻨﻔﺲ ﺍﻟﻤﺪﺭﺳﻪ ﺑﺲ ﻛﻞ ﻭﺣﺪﻩ ﺑﺸﻌﺒﻪ ﻭﻣﺮﺍﺕ ﻣﺎﻧﻠﺘﻘﻲ ﻻﻥ ﺩﺭﻭﺱ
: ﻫﺎﺍ
: ﺷﺒﻴﺞ ﺻﺎﻓﻨﻪ
: ﻫﺎﺍ ﻣﺎﻛﻮ ﺷﻲ
: ﻣﺘﺎﻛﺪﻩ ! ؟
ﺍﺑﺘﺴﻤﺖ ﺣﺘﻰ ﺍﻃﻤﻨﻪ : ﺍﻳﻲ
: ﻟﻌﺪ ﻳﺎﻟﻪ ﻛﻮﻣﻲ ﺟﻴﺒﻲ ﺟﻨﻄﺘﺞ ﺣﺘﻰ ﻧﻄﻠﻊ
ﺍﺳﺘﻐﺮﺑﺖ : ﺷﻨﻮ ﺩﻙ ﺍﻟﺠﺮﺱ
: ﻫﺎﺍ ﻣﻮ ﺍﻛﻠﺞ ﺍﻧﺘﻲ ﻣﻮ ﻭﻳﺎﻱ ﻭﺟﻨﺘﻲ ﺻﺎﻓﻨﻪ
: ﺍﻫﻮﻭ ﺷﻜﺪ ﺗﻠﺤﻴﻦ ﺍﻧﺘﻈﺮﻳﻨﻲ ﺧﻞ ﺍﺟﻴﺐ ﺍﻟﺠﻨﻄﻪ ﻭﺍﺟﻲ
ﺭﺣﺖ ﻟﺼﻒ ﻋﺪﻟﺖ ﺣﺠﺎﺑﻲ ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ ﺷﻔﺖ ﺩﺭﺓ ﻭﺍﻛﻒ ﺑﻠﺴﺎﺣﻪ ﻣﻨﺘﻈﺮﺗﻨﻲ ﻃﻠﻌﻨﻪ ﺛﻨﻴﻨﻪ ﺳﻮﻭﻩ
ﻭﺷﻔﺖ ﻣﺮﻭﺍﻥ ﻭﺍﻛﻒ ﻳﻢ ﺍﻟﺴﻴﺎﺭﻩ ﻭﺍﻟﺒﻨﺎﺕ ﻳﺒﺎﻭﻋﻦ ﻋﻠﻴﻪ ﻻﺑﺲ ﺩﺷﺪﺍﺷﻪ ﻧﻴﻠﻲ ﻣﻔﺼﻠﻪ ﻋﻠﻰ ﺟﺴﻤﻪ ﻭﺭﺍﻓﻊ ﺷﻌﺮﻩ ﻭﻻﺑﺲ ﺍﻟﻨﻈﺎﺭﻩ ﻭﻣﻦ ﺷﺎﻓﻨﻪ ﺍﺷﺮ ﻋﻠﻴﻨﻪ ﺍﻧﻮ ﻧﺠﻴﻪ
ﺩﺭﺕ ﻭﺟﻬﻲ ﻋﻠﻰ ﺩﺭﺓ ﺷﻔﺖ ﻭﺟﻬﻪ ﺍﺣﻤﺮ ﻣﻦ ﺍﻟﻐﻀﺐ : ﻫﺬﺍ ﺷﺠﺎﺑﻪ ﻫﻨﺎ ﻫﺎﺍ ﻭﺷﻨﻮ ﻫﺬﺍ ﻟﺒﺴﻪ ﻋﻮﺩ ﺷﻨﻮ ﺍﺟﻪ ﺣﺘﻰ ﺍﻟﺒﻨﺎﺕ ﻳﺒﺎﻭﻋﻦ ﻋﻠﻴﻪ
ﺿﺤﻜﺖ ﻋﻠﻰ ﻛﻼﻣﻪ ﺗﻐﺎﺭ ﺣﻘﻪ ﻋﻤﻲ ﺍﻛﻠﻨﻪ ﺍﻛﻞ ﻣﺸﻴﻨﻪ ﺍﺣﻨﻪ ﺍﻧﻲ ﺍﺑﺘﺴﻤﺖ ﺑﺨﺒﺚ ﻭﺭﻛﺒﺖ ﻟﻴﻮﺭﻩ ﻫﻴﺎ ﺭﺍﺩﺕ ﺗﻜﻌﺪ ﻳﻤﻲ ﺣﺠﻪ ﻫﻮﻭ
: ﺷﻨﻮ ﺳﺎﻳﻖ ﺍﻟﺨﻠﻮﻓﺠﻦ ﺍﻧﻲ ﺧﻞ ﺗﺠﻲ ﺗﻜﻌﺪ ﻭﺣﺪﻩ ﻟﻴﻜﺪﺍﻡ
ﻭﺭﻭﺩ : ﺍﻧﻲ ﺑﻌﺪ ﻣﺎﺑﻴﻪ ﺣﻴﻞ ﺍﻛﻮﻡ ﺭﻭﺣﻲ ﺩﺭﺓ
ﺩﺭﺓ : ﺭﻭﺣﻲ ﺍﻧﺘﻲ ﺍﻧﻲ ﺍﺭﻳﺪ ﺍﻛﻌﺪ ﻟﻴﻮﺭﻩ
ﻣﺮﻭﺍﻥ ﺻﺎﺡ : ﺷﻨﻮ ﻟﻌﺐ ﺟﻬﺎﻝ ﻫﻮ ﻭﺗﺘﻌﺎﺭﻛﻦ ﺗﻌﺎﻱ ﻳﺎﻟﻪ ﺩﺭﺓ ﺍﻛﻌﺪﻱ ﺍﺭﻳﺪ ﺍﺣﺮﻙ
ﻇﻠﺖ ﺍﺩﺭﺩﻡ ﻫﻴﺎ ﻭﺭﺍﺣﺖ ﻳﻤﻪ ﻛﻌﺪﺕ ﻋﺮﻓﺖ ﺍﻧﻲ ﺑﻴﻬﻢ ﺷﻲ ﻻﻥ ﺍﻻﺧﻮ ﺻﺎﺭﻟﻪ ﻓﺘﺮﻩ ﻛﺎﻟﺐ ﺧﻠﻘﺘﻪ ﻭﻣﻦ ﺗﺠﻲ ﺩﺭﺓ ﻳﻤﻨﻪ ﻣﺎﻳﺤﺠﻲ ﻭﻳﺎﻫﺎ ﻭﻫﻮ ﺑﻄﻞ ﻳﺮﻭﺡ ﺍﻟﻬﻢ ..
ﺻﻌﺪﻧﻪ ﺑﻠﺴﻴﺎﺭﻩ ﻭﻫﻮﻭ ﺣﺮﻙ ﺷﻮﻭﻱ ﻭﻭﺻﻠﻨﻪ ﻟﺒﻴﺘﻨﻪ
ﺩﺭﺓ : ﻟﻴﺶ ﻣﺎﻭﺻﻠﺘﻨﻲ ﻻﻫﻠﻲ ﻟﻌﺪ
ﻣﺮﻭﺍﻥ ﺑﻬﺪﻭﺀ ﻛﺎﻝ : ﻫﻮ ﺭﺍﺡ ﺍﻭﺻﻠﺞ ﺑﺲ ﻭﺻﻠﺖ ﺍﻭﻝ ﺷﻲ ﻭﺭﻭﺩ
ﻋﺮﻓﺖ ﺍﻧﻲ ﻳﺮﻳﺪ ﻳﺤﺠﻲ ﻭﻳﺎﻫﺎ ﻭﺣﺪﻫﻢ ﻧﺰﻟﺖ ﺑﻬﺪﻭﺀ ﺑﺪﻭﻥ ﻣﺎﺍﺣﺠﻲ ﺍﻱ ﺷﻲ ﺣﺮﻙ ﻫﻮﻭ ﻭﺍﻧﻲ ﺩﺧﻠﺖ ﻟﻠﺒﻴﺖ
.....
ﺩﺭﺓ / ﻣﺘﺖ ﻣﻦ ﺍﻟﻐﻴﺮﻩ ﻭﺍﻟﻘﻬﺮ ﻣﻦ ﺍﺟﺎﻧﻪ ﻣﺮﻭﺍﻥ ﻳﺎﺧﺬﻧﻪ ﻭﺍﻟﺒﻨﺎﺕ ﺍﻛﻠﻨﻪ ﺍﻛﻞ ﺑﻌﻴﻮﻧﻬﻢ ﻭﻳﺒﺘﺴﻤﻦ ﺍﻟﻪ ﺍﻧﻲ ﺍﻋﺮﻑ ﺣﺒﻴﺒﻲ ﻣﺎﻣﻌﺒﺮ ﻭﻻ ﻭﺣﺪﻩ ﺑﺲ ﺷﺴﻮﻱ ﺍﻧﻲ ﺍﻏﺎﺭ
ﺻﻌﺪﺕ ﺍﻧﻲ ﻟﻴﻜﺪﺍﻡ ﻳﻤﻪ ﺑﻄﻠﺐ ﻣﻨﻪ ﻇﻠﻴﻨﻪ ﺳﺎﻛﺘﻴﻦ ﻭﻫﺎﻱ ﻣﻮ ﻣﻦ ﻋﺎﺩﺗﻪ ﺍﺷﻮﻭ ﻭﺻﻞ ﻭﺭﻭﺩ ﺍﻭﻝ ﺷﻲ ﻭﺑﻌﺪﻳﻦ ﺍﻧﻲ ﻳﺮﻳﺪ ﻳﻮﺻﻠﻨﻲ ﺍﺗﻮﺗﺮﺕ ﻣﺎﻋﺮﻑ ﻟﻴﺶ
ﺣﺮﻙ ﻫﻮ ﺑﺲ ﻳﻤﺸﻲ ﺑﻬﺪﻭﺀ ﻭﺑﻄﺊ ﻭﺳﺎﻛﺖ ﺍﺑﺪ ﻣﺎﺣﺠﻪ ﺷﻲ ﺯﻳﻦ ﻟﻴﺶ ﺧﻼﻧﻲ ﺍﺧﻯﻄﺮ ﻭﺣﺪﻩ ﻳﻮﺻﻠﻨﻲ ﺷﻨﻮ ﺣﺘﻰ ﻳﻮﺗﺮﻧﻲ
ﻣﻠﻴﺖ ﻣﻦ ﺳﻜﻮﺗﻪ ﺟﺎﻥ ﻣﻦ ﻳﻮﺻﻠﻨﻪ ﻳﻀﻞ ﻳﺸﺎﻗﻴﻨﻲ ﻟﻮ ﻳﺘﻐﺰﻝ ﺑﻴﻪ ﻫﺴﻪ ﺍﺑﺪ ﺳﺎﻛﺖ
ﺍﺧﺮ ﺷﻲ ﻣﻠﻴﺖ ﻭﺣﺠﻴﺖ : ﻫﺴﻪ ﺍﻧﺖ ﻟﻴﺶ ﻫﻴﺞ ﺗﺴﻮﻱ
ﺑﺎﻭﻋﻠﻲ ﺑﺮﻭﺩ ﻭﺭﺟﻊ ﺣﺎﺟﺎﻧﻲ : ﺷﻨﻮ ﺷﻤﺴﻮﻱ ﺍﻧﻲ
ﻏﻮﺭﻛﺖ ﻋﻴﻮﻧﻲ ﻭﻇﻠﺖ ﺩﻣﻮﻋﻲ ﺗﻨﺰﻝ : ﺍﻋﺘﺬﺭﺕ ﻣﻨﻚ ﻭﻛﻠﻲ ﻧﺪﻡ ﻭﻟﺤﺪ ﻫﺴﻪ ﻣﺘﻨﺪﻣﻪ ﺑﻌﺪ ﺷﺘﺮﻳﺪ ﻭﺍﻟﻠﻪ ﺟﺎﻥ ﻣﻮ ﻗﺼﺪﻱ ﺑﺲ ﻻ ﺗﺴﻮﻱ ﻫﻴﺞ ﻭﻳﺎﻱ ﻭﻻ ﺗﺰﻋﻞ ﻋﻔﻴﻪ
ﻭﻭﻛﻒ ﺍﻟﺴﻴﺎﺭﻩ ﻭﺑﺎﻭﻋﻠﻲ ﻭﻛﺎﻝ ﺑﻬﺪﻭﺀ : ﺍﻭﻭﻑ ﻳﺎ ﺩﺭﺓ ﻣﻮﺗﻴﻨﻲ ﺍﻧﺘﻲ ﺍﻛﻠﺞ ﻻ ﺗﺴﻮﻳﻦ ﻫﻴﺞ ﺷﻲ ﺑﺲ ﺍﻧﺘﻲ ﺍﺗﺴﻮﻳﻨﻪ ﺍﻧﻲ ﻣﻮ ﻣﻨﻌﺘﺞ ﻻ ﺗﻘﺎﺑﻠﻴﻪ ﺑﺲ ﺍﺷﻮﻓﺞ ﺗﺤﺠﻴﻦ ﻭﻳﺎﻩ ﻭﺗﺘﻤﻀﺤﻜﻴﻦ ﺍﻭﻭﻑ ﻧﺎﺭ ﻭﺷﺘﻌﻠﺖ ﺑﺼﺪﺭﻱ ﻻ ﻭﺍﺗﺰﻳﺪﻳﻨﻬﺎ ﻋﻠﻲ ﺗﻜﻠﻴﻠﻲ ﻫﻤﺠﻲ ﻟﻴﺶ ﻭﻟﺞ ﻻﻥ ﺣﺒﻴﺘﺞ ﻫﻴﺞ ﺗﺴﻮﻳﻦ
ﺍﺑﺠﻲ ﻭﺍﺣﺠﻲ : ﺍﺳﻔﻪ ﻭﺍﻟﻠﻪ ﻣﺎﺍﺳﻮﻳﻪ .. ﻭﻛﺘﻠﻚ ﺑﻠﻐﻠﻂ ﺷﻔﺘﻪ ﺍﺻﻠﻦ ﺍﻧﻲ ﻣﺎﻣﻴﺘﻪ ﻋﻠﻰ ﺷﻮﻓﺘﻪ ﻳﺮﻭﺣﻠﻚ ﻓﺪﻭﻩ ﻫﻮ ﻭﻋﺸﻴﺮﺗﻪ
ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻔﻪ ﻋﻠﻰ ﻛﻼﻣﻲ ﻣﺴﺤﺖ ﺩﻣﻮﻋﻲ ﻭﻋﻨﺪﻱ ﺍﻣﻞ ﺍﻧﻮ ﻳﺴﺎﻣﺤﻨﻲ : ﻫﺎﺍ ﺳﺎﻣﺤﺘﻨﻲ
ﺑﺎﻭﻋﻠﻲ ﺑﻬﺪﻭﺀ ﻭﺑﺎﺍﺑﺘﺴﺎﻣﻪ : ﻭﺍﻧﻲ ﺍﻛﺪﺭ ﻋﻠﻰ ﺯﻋﻞ ﺩﺭﺗﻲ ﻃﻔﻠﺘﻲ
: ﺍﻱ ﻛﻠﺶ ﻭﺍﻧﺖ ﺻﺎﺭﻟﻚ ﺗﻘﺮﻳﺒﺎ ﺍﺳﺒﻮﻉ ﻭﻧﺺ ﻭﺍﻧﺖ ﺯﻋﻼﻥ ﻣﻦ ﻳﻤﻲ
ﺍﺑﺘﺴﻢ ﻭﻛﺮﺻﻨﻲ ﻣﻦ ﺧﺪﻱ : ﺳﻮﻳﺘﻬﺎ ﺍﻟﺞ ﻛﺮﺻﺖ ﺍﺫﻥ ﺣﺘﻰ ﺑﻌﺪ ﺍﺗﻮﺑﻴﻦ ﻭﺍﺗﺴﻤﻌﻴﻦ ﻛﻼﻣﻲ ﻭﻫﻢ ﺗﻌﺮﻓﻴﻦ ﺷﻠﻮﻥ ﺗﺤﺠﻴﻦ ﻫﻴﺞ ﺣﺠﻲ
: ﺍﺳﻤﻊ ﻛﻼﻣﻚ ﺑﻌﺪ ﻭﻣﺎﺍﺳﻮﻱ ﺷﻲ ﻳﺰﻋﻠﻚ ﻏﻴﺮ ﺭﺩﺕ ﺍﻣﻮﺕ ﻣﻦ ﺍﻣﺠﺎﻓﺎﻙ ﺍﻟﻲ ﻭﻣﺎﺗﺤﺠﻲ ﻭﻳﺎﻱ ﺍﻣﻮﺕ ﻣﻦ ﺍﻟﻘﻬﺮ ﻭﻳﻮﻣﻴﻪ ﺍﻇﻞ ﺍﺑﺠﻲ
ﻟﺰﻡ ﺍﻳﺪﻱ ﻭﺑﺎﺳﻬﺎ : ﺍﺳﻢ ﺍﻟﻠﻪ ﻋﻠﻴﺞ ﻳﺮﻭﺣﻲ ﻣﻦ ﻃﺎﺭﻱ ﺍﻟﻤﻮﺕ ﻭﻟﺞ ﺍﻧﻲ ﺣﺎﻟﻲ ﻣﻮ ﺍﺳﻬﻞ ﻣﻦ ﺣﺎﻟﺞ ﻫﻴﺞ ﻣﺘﺖ ﺑﺲ ﺍﺭﻳﺪ ﺍﺣﺠﻲ ﻭﻳﺎﺝ ﺑﺲ ﺍﻟﺰﻡ ﻧﻔﺴﻲ
ﺍﻧﻲ ﻫﻨﺎ ﺩﻭﺭﻭﻧﻲ ﻣﺎﺗﻠﻜﻮﻧﻲ ﻣﻦ ﺍﻟﺨﺠﻞ ﻣﺘﺖ ﺩﻧﻜﺖ ﺭﺍﺳﻲ ﻭﻭﺟﻬﻲ ﺻﺎﺭ ﺍﺣﻤﺮ ﻭﺍﺣﺲ ﺣﺮﺍﺭﻩ ﺑﻮﺟﻬﻲ
ﺿﺤﻚ ﻫﻮﻭ ﻣﻦ ﺷﺎﻓﻨﻲ ﻫﻴﺞ ﺩﺍﺭ ﻭﺟﻬﻪ ﻋﻨﻲ ﻭﺳﺎﻕ ﻭﺻﻠﻨﻪ ﻟﻠﺒﻴﺖ ﻧﺰﻟﺖ ﺍﻧﻲ ﺑﻌﺪ ﻣﺎﻭﺩﻋﺘﻪ ﺩﺧﻠﺖ ﻭﻫﻮ ﺣﺮﻙ ﺳﻴﺎﺭﺗﻪ ﻣﺸﻪ ﻭﺍﻧﻲ ﺍﺣﺲ ﻧﻔﺲ ﻃﺎﻳﺮﻩ ﻣﻴﺘﻪ ﻣﻦ ﺍﻟﻔﺮﺡ ﺍﺣﺲ ﺍﻟﺮﻭﺡ ﻫﺴﻪ ﺭﺩﺗﻠﻲ ﻳﻤﺎﺍ ﺑﻌﺪ ﺍﺑﺪ ﻣﺎﺍﺯﻋﻠﻪ ﻭﻣﺎﺍﺳﻮﻱ ﺷﻲ ﻣﺎﻳﻘﺒﻞ ﻋﻠﻴﻪ ﺯﻋﻠﻪ ﻫﺬﺍ ﺛﻜﻴﻞ ...
.....
ﻳﺎﻗﻮﺕ / ﺻﺎﺭ ﺍﻟﻌﺼﺮ ﻭﺩﺧﻠﺖ ﻟﻤﻄﺒﺦ ﺣﺘﻰ ﻧﺴﻮﻱ ﻋﺸﻪ ﺷﻔﺖ ﺍﻛﻮ ﻧﻮﺍﻗﺺ ﻓﺎ ﺭﺣﺖ ﻛﻠﺖ ﻻﻣﻲ
: ﻳﻤﺎ ﺭﺍﺡ ﺍﻃﻠﻊ ﺗﺎﺟﻴﺐ ﻏﺮﺍﺽ ﻋﺪﻧﺎ ﻫﻮﺍﻱ ﻧﻮﺍﻗﺺ
: ﻳﻤﺎ ﺍﻧﺘﻲ ﻣﺎﺗﻨﺪﻟﻴﻦ ﻫﻴﻦ ﺷﻲ ﺗﺮﺣﻴﻦ ﻭﺗﻀﻴﻌﻴﻦ
: ﻻ ﻳﻤﺎ ﻣﻦ ﺍﺟﻴﻨﻪ ﺩﺣﻜﺖ ﻋﻠﻰ ﺳﻮﺑﺮ ﻣﺎﺭﻛﺖ ﻣﻮﺟﻮﺩ ﻫﻴﻦ ﻗﺮﻳﺐ ﺑﺮﺍﺱ ﺍﻟﺸﺎﺭﻉ ﺍﺭﻭﺡ ﻭﻣﺎﺍﻃﻮﻝ
: ﺑﺮﺍﺣﺘﺞ ﻳﻤﺎ ﺑﺲ ﺩﻳﺮﻱ ﺑﺎﻟﺞ
: ﻣﺎﺷﻲ
ﺭﺣﺖ ﻟﺒﺴﺖ ﺻﺎﻳﻪ ﻋﻠﻰ ﺩﺷﺪﺍﺷﺘﻲ ﻭﺷﺎﻝ ﻟﻔﻴﺘﻮ ﻋﺪﻝ ﺣﺘﻰ ﻻ ﻳﺒﻴﻦ ﺷﻌﺮﻱ
ﻃﻠﻌﺖ ﻣﻦ ﺍﻟﺒﻴﺖ ﻭﻇﻠﻴﺖ ﺍﻣﺸﻲ ..
