٢______٣
#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
#ﺍﻟﺒﺎﺭﺕ٢
ﺑﻘﻠﻢ : ﻧﻮﺭ ﺣﻴﺪﺭ ✍
ﭼﻠﻤﺎﺕ ﺍﻟﻤﻌﺎﺗِﺐ ﮔِﻀَﻦ
ﻭﺃﻧﺖَ ﺇﻋﻠﻪ ﻃَﺒﻌﻚ ﺫﺍﻙ ..
ﺑﻤﻜﺎﻥ ﺛﺎﻧﻲ ..
ﻛﻌﺪ ﻋﻠﻰ ﺍﻟﻘﻨﻔﻪ ﺑﺘﻌﺐ ﻭﻳﺠﺮ ﺍﻟﻨﻔﺲ ﺑﻠﻜﻮﻩ : ﺍﻭﻭﻑ ﺗﻌﺒﺖ ﻭﺍﻟﻠﻪ ﻳﺎﺣﺒﻮﺑﻪ ﻧﺎﺱ ﺍﺟﺖ ﻫﻮﺍﻱ ﻟﻤﻮﻛﺐ
: ﺍﻟﺤﺴﻴﻦ ﻳﺤﻔﻈﻜﻢ ﻳﺎﻳﻤﻪ ﻋﻔﻴﻪ ﻋﻠﻴﻜﻢ ﺑﺲ ﺍﻛﻠﻚ ﻳﻤﻪ ﺿﺮﻏﺎﻡ ﻭﻳﻨﻪ ﺷﻮ ﻣﺎﺷﻔﺘﻪ
ﻧﺎﻡ ﺑﺤﻈﻨﻪ ﻭﻛﺎﻝ : ﺷﺪﺭﺍﻧﻲ ﺑﻴﻪ ﻋﺎﻳﻒ ﺍﻟﺸﻐﻞ ﻋﻠﻴﻪ ﻭﻫﻮ ﺣﻈﺮﺕ ﺟﻨﺎﺑﻪ ﻃﺎﻟﻊ ﻣﻦ ﺍﻟﺼﺒﺢ ﻭﻱ ﺭﺑﻌﻪ
: ﻳﺎ ﻭﻟﻚ ﻣﺮﻭﺍﻥ ﻫﺎﻱ ﻋﻠﻰ ﺿﺮﻏﺎﻡ
: ﺍﻱ ﻳﺠﺪﻩ ﻋﻠﻰ ﺿﺮﻏﺎﻡ ﻟﻌﺪ ﺷﻨﻮ ﻳﻀﺤﻚ ﻋﻠﻴﻪ ﻳﻜﻠﻲ ﺭﻭﺡ ﻭﺍﻧﻲ ﺍﻟﺤﻜﻚ ﺗﺎﻟﻴﻪ ﺍﻧﻲ ﺍﻛﻠﺘﻪ ﻭﻫﻮ ﻃﻠﻊ ﻳﺘﻮﻧﺲ ﻣﺪﺭﻱ ﻭﻳﻦ ﺷﺮﺩ
: ﻭﺍﻟﻠﻪ ﻳﺎ ﻣﺮﻳﻮﻥ ﻣﺎﻣﺼﺪﻛﺘﻚ
ﺍﺟﺎﻩ ﺻﻮﺕ ﻣﻦ ﺑﻌﻴﺪ : ﺍﻱ ﻳﺠﺪﻩ ﻻ ﺍﺗﺼﺪﻛﻴﻪ
ﻣﺮﻭﺍﻥ ﺳﻤﻊ ﺍﻟﺼﻮﺕ ﻭﻃﻔﺮ ﺑﺎﻭﻉ ﻭﺭﺍﻩ ﻭﺷﺎﻑ ﺍﺧﻮﻩ ﺿﺮﻏﺎﻡ ﻭﺍﻣﻪ ﻭﺧﻮﺍﺗﻪ ﻳﻀﺤﻜﻦ : ﺿﺮﻏﺎﻡ ﻫﺎﻱ ﻳﻤﺘﻪ ﺍﺟﻴﺖ
ﺿﺮﻏﺎﻡ : ﻣﻦ ﻛﻠﺖ ﻋﺎﻳﻒ ﺍﻟﺸﻐﻞ ﻋﻠﻴﻚ ﻭﻟﻚ ﻫﻮ ﺍﻧﺖ ﻛﻌﺪﺕ ﺏ١٢ ﺍﻟﻈﻬﺮ ﻭﻣﻦ ﺧﺎﺑﺮﺗﻚ ﺍﺟﻴﺖ ﺏ٤ ﺍﻟﻌﺼﺮ ﻣﺎﺗﻜﻠﻲ ﻳﺎ ﺷﻐﻞ ﺍﻟﻲ ﺳﻮﻳﺘﻪ
ﺍﻟﺠﺪﻩ : ﻣﻮ ﺍﻛﻮﻝ ﻣﺎﺻﺪﻛﺘﻪ ﻟﻬﺬﺍ ﺍﻟﻤﻠﻌﻮﻥ ﺍﻧﻲ ﺷﻔﺘﻪ ﻧﺰﻝ ﻣﻦ ﻏﺮﻓﺘﻪ ﻣﺘﺄﺧﺮ ﺑﺲ ﺍﻧﻲ ﻇﻠﻴﺖ ﻭﻳﺎﻩ ﺍﺳﻮﻟﻒ ﻫﻴﺞ
ﺍﻟﺒﻨﺎﺕ ﻛﺎﻣﻦ ﻳﻀﺤﻜﻦ ﻋﻠﻰ ﺷﻜﻞ ﻣﺮﻭﺍﻥ
ﻣﺮﻭﺍﻥ : ﺍﻟﻚ ﺍﻟﻠﻪ ﻳﻠﻔﻘﻴﺮ ﻫﺴﻪ ﻛﻠﻜﻢ ﺻﺮﺗﻮ ﺿﺪﻱ ﺍﻧﻲ ﻣﺤﺪ ﺍﻟﻲ ﻏﻴﺮ ﺣﺒﻴﺒﺔ ﻛﻠﺒﻲ ﺩﺭﺓ ﺍﻓﻴﺶ ﻳﻤﻪ
ﺿﺮﻏﺎﻡ : ﻭﻟﻚ ﺍﻧﺖ ﻣﺎﺗﺴﺘﺤﻲ ﻫﻴﺞ ﺗﺤﺠﻲ ﻛﺪﺍﻣﻨﺦ
ﻣﺮﻭﺍﻥ : ﻭﺷﺴﻮﻳﺖ ﺍﻧﻲ ﻋﻴﻨﻲ ﻫﻴﺎ ﻣﻮﻏﺮﻳﺒﻪ ﺑﺖ ﻋﻤﻨﻪ ﻭﺍﻥ ﺷﺎﺀﺍﻟﻠﻪ ﺗﺨﻠﺺ ﻫﺎﻱ ﺍﻟﺴﻨﻪ ﻭﺗﺠﻲ ﺗﻨﺎﻡ ﺑﺤﻈﺎﻧﻲ ﻳﻤﺘﻪ
ﺿﺮﻏﺎﻡ ﻧﺰﻉ ﻋﻜﺎﻟﻪ ﻭﺭﺍﺣﻠﻪ : ﺍﻟﻈﺎﻫﺮ ﻳﺤﺘﺎﺟﻠﻚ ﺗﺮﺑﻴﻪ ﺷﻮ ﺗﻌﺎﻝ
ﻣﺮﻭﺍﻥ ﺷﺎﻓﻪ ﻭﺭﺍﺡ ﺭﻛﺾ ﻭﻭﻛﻒ ﻳﻢ ﻧﻬﺎﻳﺔ ﺍﻟﺪﺭﺝ ﺍﺗﺨﻮﺻﺮ ﻭﻛﺎﻝ : ﺧﻮﺵ ﻳﺎﺿﺮﻏﺎﻡ ﺍﻧﻲ ﻳﺤﺘﺎﺟﻠﻲ ﺗﺮﺑﻴﻪ ﺍﺳﻤﻌﻲ ﻳﻤﻪ ﺷﻴﻜﻮﻝ ﺍﺑﻨﺞ ﻳﺤﺘﺎﺟﻠﻲ ﺗﺮﺑﻴﻪ ﻳﻌﻨﻲ ﺍﻧﻲ ﻣﺎﻣﺘﺮﺑﻲ ﻳﻌﻨﻲ ﺍﺑﻮﻱ ﻣﺎﻋﺮﻑ ﻳﺮﺑﻴﻨﻲ ﻟﻌﺪ ﺑﺴﻴﻄﻪ ﻳﺎﺿﺮﻏﺎﻡ ﺧﻞ ﻳﺠﻞ ﺍﻟﺼﺒﺢ ﻭﺍﺷﻮﻑ ﺍﺑﻮﻱ ﻭﺍﻛﻠﻪ ﺭﺑﻴﻨﻲ ﻣﻦ ﺟﺪﻳﺪ
ﺿﺮﻏﺎﻡ ﺭﺍﺣﻠﻪ : ﻻ ﺻﺪﻙ ﻳﺤﺘﺎﺟﻠﻚ ﻛﺘﻠﻪ
ﻣﺮﻭﺍﻥ ﺿﺤﻚ ﻭﺭﺍﺡ ﺷﺮﺩ ﻟﻐﺮﻓﺘﻪ
ﺍﻡ ﺿﺮﻏﺎﻡ ﺿﺤﻜﺖ : ﻋﻮﻓﻪ ﻳﺎﻳﻤﻪ ﺧﻠﻴﻪ
ﺿﺮﻏﺎﻡ : ﻻ ﻳﻤﻪ ﺧﻠﻴﻪ ﻳﺘﻌﻠﻢ ﺷﻠﻮﻥ ﻳﺠﻴﺐ ﻃﺎﺭﻱ ﺑﻨﺎﺕ ﺍﻟﻨﺎﺱ ﻫﻴﺞ ﻋﻴﺐ ﺗﺮﻯ ﺣﺘﻠﻮ ﺑﺖ ﻋﻤﻨﻪ ﻣﺎﻳﺼﻴﺮ ﻫﻴﺞ ﻳﺤﺠﻲ ﺑﻌﺪﻩ ﺗﺮﻯ ﻣﺼﺎﻳﺮﻩ ﻣﺮﺗﻪ
ﺍﻟﺠﺪﻩ : ﺍﻱ ﻳﻤﻪ ﺻﺢ ﻛﻼﻣﻚ ﺑﺲ ﺗﻌﺮﻑ ﻳﺤﺐ ﻳﻀﺤﻚ
ﺿﺮﻏﺎﻡ ﻛﺎﻡ : ﺑﺲ ﺟﺪﻩ ﺳﺮﺍﺝ ﻭﻳﻨﻪ
ﺍﻟﺠﺪﻩ : ﻭﺍﻟﻠﻪ ﻳﺎﻳﻤﻪ ﺗﻌﺸﻪ ﻭﻇﻞ ﻣﺘﺎﻧﻴﻚ ﻭﻣﻦ ﺷﺎﻓﻚ ﺍﺗﺄﺧﺮﺕ ﺭﺍﺡ ﻧﺎﻡ
ﺿﺮﻏﺎﻡ : ﺧﻮﺵ ﻟﻌﺪ ﺗﺼﺒﺤﻮﻥ ﻋﻠﻰ ﺧﻴﺮ...بيج قصص عراقيه حقيقيه من واقعنا.روعه الطائي
ﺭﺍﺡ ﺑﺎﺱ ﺭﺍﺱ ﺟﺪﺗﻪ ﻭﺍﻣﻪ ﻭﺑﺎﻭﻉ ﻟﺨﻮﺍﺗﻪ : ﻭﺍﻧﺘﻦ ﻣﺎﺗﺮﺣﻦ ﺗﻨﺎﻣﻦ ﺷﻌﺪﺟﻦ ﻟﺤﺪ ﻫﺴﻪ ﻛﺎﻋﺪﺍﺕ
ﺍﻟﺒﻨﺎﺕ ﻛﺎﻣﻦ ﺑﺨﻮﻑ : ﻫﺎﺍ ﺍﻱ ﺭﺍﺡ ﻧﺼﻌﺪ ﻳﺎﻟﻪ ﺗﺼﺒﺤﻮﻥ ﻋﻠﻰ ﺧﻴﺮ
ﺍﻡ ﺿﺮﻏﺎﻡ ﻭﺍﻟﺠﺪﻩ : ﻭﺍﻧﺘﻮ ﻣﻦ ﺍﻫﻠﻪ
ﺻﻌﺪ ﺿﺮﻏﺎﻡ ﻭﻫﻨﻪ ﻭﺭﺍﻩ ﻫﻮ ﺭﺍﺡ ﺩﺧﻞ ﻟﻐﺮﻓﺘﻪ ﻭﺭﺍﺡ ﻟﺤﻤﺎﻡ ( ﺗﻜﺮﻣﻮﻥ ) ﻏﺴﻞ ﻭﺟﻬﻪ ﻭﻓﺮﺵ ﺍﺳﻨﺎﻧﻪ ﻭﺭﺍﺡ ﻃﻠﻊ ﻧﺰﻉ ﺩﺷﺪﺍﺷﺘﻪ ﻭﻟﺒﺲ ﺗﺮﺍﻙ ﺍﺳﻮﺩ ﻭﺗﻤﺪﺩ ﻋﻠﻰ ﺍﻟﺠﺮﺑﺎﻳﻪ ﻭﻏﻔﻪ ﻣﻦ ﺍﻟﺘﻌﺐ
( ﺍﻋﺮﻓﻜﻢ ﺑﻨﻔﺴﻲ ﺍﺳﻤﻲ ﺿﺮﻏﺎﻡ ﻋﻤﺮﻱ ٣٠ ﺳﻨﻪ
ﺍﺑﻮﻱ ﺍﻟﺸﻴﺦ ﻭﻃﺒﻌﺎً ﺍﻧﻲ ﺑﻌﺪﻩ ﺍﺻﻴﺮ ﺑﻌﺪ ﻋﻤﺮ ﻃﻮﻳﻞ ﺍﻟﻪ ﺍﻥ ﺷﺎﺀﺍﻟﻠﻪ ﻻﻥ ﺍﻧﻲ ﺍﻳﺪﻩ ﺍﻟﻴﻤﻴﻦ ﻭﻣﻌﺘﻤﺪ ﻋﻠﻴﻪ ﺑﻜﻠﺸﻲ ﻭﻣﻦ ﻣﺎﻳﻜﺪﺭ ﻳﺮﻭﺡ ﺑﻜﻌﺪﻩ ﻟﻮ ﺍﺗﺼﻴﺮ ﻃﻼﺑﻪ ﺍﻧﻲ ﺍﺭﻭﺡ ﺑﻤﻜﺎﻧﻪ
ﻭﻭﻳﺎﻱ ﻭﻟﺪ ﻋﻤﻲ ﻭﺍﺧﻮﻱ ﻣﺮﻭﺍﻥ
ﺍﻧﻲ ﺟﻨﺖ ﻣﺘﺰﻭﺝ ﻭﻃﻠﻜﺖ ﺍﺧﺬﺕ ﻭﺣﺪﻩ ﻣﻦ ﺑﻐﺪﺍﺩ ﺟﺎﻧﺖ ﺗﺪﺭﺱ ﻭﻳﺎﻱ ﺑﻨﻔﺲ ﺍﻟﻘﺴﻢ ﻫﻴﺎ ﺟﺎﻧﺖ ﺣﻠﻮﻩ ﻭﻧﺎﺯﻛﻪ
ﻓﺎ ﻣﺸﻔﺘﻪ ﺣﺒﻴﺘﻪ ﻭﺩﺧﻠﺖ ﻟﻜﻠﺒﻲ ﺑﺲ ﻫﻴﺎ ﺟﺎﻧﺖ ﻛﻠﺶ ﺍﺟﺘﻤﺎﻋﻴﻪ ﻭﻋﺎﺩﻱ ﻋﺪﻩ ﺗﺤﺠﻲ ﻭﻱ ﺍﻟﻮﻟﺪ ﻭﺍﺣﻨﻪ ﻋﺪﻧﻪ ﺷﻠﻮﻥ ﻫﻴﺞ ﻳﺼﻴﺮ
ﺑﻌﺪ ﺳﻨﻪ ﻃﺒﻌﺎً ﻣﻦ ﺻﺮﻧﻪ ﻣﺮﺣﻠﻪ ﺛﺎﻧﻴﻪ ﺻﺎﺭﺣﺘﻪ ﺑﺤﺒﻲ ﺍﻟﻪ ﻻﻥ ﻛﻠﺶ ﺣﺒﻴﺘﻪ ﻭﻣﺎﻳﺠﻲ ﻳﻮﻡ ﻣﺎﺍﻓﻜﺮ ﺑﻴﻪ ﻭﺍﻟﻲ ﺻﺪﻣﻨﻲ ﻫﻴﺎ ﻫﻢ ﺍﺗﺤﺒﻨﻲ ﻭﻣﻦ ﺍﻭﻝ ﻣﺮﻩ ﻣﻦ ﺷﺎﻓﺘﻨﻲ ﺍﻧﻲ ﻣﻦ ﻛﺎﻟﺖ ﻫﻴﺞ ﻓﺮﺣﺖ
ﻇﻠﻴﻨﻪ ﻋﻠﻰ ﺗﻮﺍﺻﻞ ﺍﻧﻲ ﻭﻳﺎﻫﺎ ﻭﺑﻠﻜﻠﻴﻪ ﺳﻮﻩ ﻧﻤﺸﻲ ﻭﺍﻟﻲ ﻳﺘﻘﺮﺑﻠﻪ ﺍﻟﻌﺐ ﺑﻴﻪ ﻟﻌﺐ ﺣﺘﻰ ﺍﻟﻜﻠﻴﻪ ﻛﻠﻪ ﻋﺮﻓﺖ ﺍﻧﻮ ﻫﺎﻱ ﺣﺒﻴﺒﺘﻲ ﻭﺍﻱ ﺷﻲ ﺗﺮﻳﺪﻩ ﺍﺟﻴﺒﻪ ﺍﻟﻪ ﻭﺑﻐﺒﺎﺀ ﺍﻧﻔﺬ ﺍﻟﻲ ﺗﻄﻠﺒﻪ
ﻭﻫﻮﺍﻱ ﻧﺘﻌﺎﺭﻙ ﺍﻧﻲ ﻭﻭﻳﺎﻫﺎ ﻋﻠﻰ ﻟﺒﺴﻪ ﻻﻥ ﻣﺎﻳﻌﺠﺒﻨﻲ ﻛﻠﻪ ﻗﺼﻴﺮ ﻭﻫﻢ ﺟﺎﻧﺖ ﺗﺤﺠﻲ ﻭﻱ ﺍﻟﻮﻟﺪ ﺷﻜﻢ ﻣﺮﻩ ﻣﻨﻌﺘﻪ ﻭﻧﺘﻌﺎﺭﻙ ﺑﺲ ﻣﺎﺗﺠﻮﺯ ﻭﻣﺮﻩ ﺯﻋﻠﺖ ﻭﻳﺎﻫﺎ ﻭﻃﻮﻟﺖ ﺑﻠﺰﻋﻞ ﺷﻬﺮ ﻭﻫﻴﺎ ﺍﺟﺖ ﺻﺎﻟﺤﺘﻨﻲ ﻣﺎﺗﺤﻤﻠﺖ ﺯﻋﻠﻲ ﻋﻠﻴﻪ
ﻭﺗﻮﺑﺖ ﺑﻌﺪ ﻣﺎﺗﺤﺠﻲ ﻭﻱ ﺍﺣﺪ ﻏﻴﺮﻱ ﻣﺮﺕ ﺍﻟﺴﻨﻮﺍﺕ ﻭﺍﺗﺨﺮﺟﻨﻪ ﻭﺍﺣﻨﻪ ﺣﺒﻨﻪ ﻳﺰﻳﺪ ﺑﺲ ﻣﺎﻋﺮﻑ ﺷﻠﻮﻥ ﻋﺮﻑ ﺍﺑﻮﻱ ﻭﻣﻦ ﻛﺘﻠﻪ ﺍﻧﻲ ﺍﺣﺒﻪ ﻭﺍﺭﻳﺪ ﺍﺗﺰﻭﺟﻪ ﻣﺎﻗﺒﻞ ﻭﻇﻞ ﻳﺼﻴﺢ ﺷﻠﻮﻥ ﺗﺎﺧﺬ ﻏﺮﺑﻴﻪ ﻟﻌﺪ ﻭﺑﻨﺎﺕ ﻋﻤﻚ ﺍﻧﻲ ﻛﺘﻠﻪ ﻟﻮ ﻫﻴﺎ ﻟﻮ ﻣﺎﺍﺗﺰﻭﺝ
ﺍﺑﻮﻱ ﻣﻦ ﺷﺎﻓﻨﻲ ﻫﻴﺞ ﻭﺍﻓﻖ ﺑﺲ ﺷﺮﻁ ﺍﻧﻲ ﺗﺠﻲ ﻳﻤﻨﻪ ﺑﻠﻨﺎﺻﺮﻳﻪ ﺗﻌﻴﺶ ﺍﻧﻲ ﻇﻠﻴﺖ ﺣﺎﻳﺮ ﻫﺎﻱ ﺷﻴﻘﻨﻌﻪ ﺑﺲ ﻫﻴﺎ ﻻﺯﻡ ﺗﺠﻲ ﻫﻨﺎ ﺍﻧﻲ ﺷﻠﻮﻥ ﺍﻋﻮﻑ ﺍﻫﻠﻲ ﺍﺻﻠﻦ
ﻣﻦ ﻛﺘﻠﻪ ﻫﻴﺞ ﻫﻢ ﻣﺎﻗﺒﻠﺖ ﺑﺲ ﺍﻧﻲ ﻓﻬﻤﺘﻪ ﺍﺫﺍ ﻣﺎﺗﻮﺍﻓﻘﻴﻦ ﻳﻌﻨﻲ ﻣﺎﻧﺘﺰﻭﺝ ﺍﻧﻲ ﻭﻳﺎﺝ ﻫﻴﺎ ﻣﻦ ﺳﻤﻌﺘﻨﻲ ﻫﻴﺞ ﻭﺍﻓﻘﺖ
ﻭﺍﻟﻠﻪ ﺭﺣﻨﻪ ﻣﺸﺎﻳﻪ ﺗﺴﺪ ﻋﻴﻦ ﺍﻟﺸﻤﺲ ﻭﺍﻫﻠﻪ ﺍﻧﺼﺪﻣﺖ
ﻣﻦ ﺳﻤﻌﻨﻪ ﺍﻟﻤﻮﺍﻓﻘﻪ ﻭﺭﺍﻫﺎ ﺑﺴﺒﻮﻉ ﻋﻘﺪﻧﻪ ﺍﻧﻲ ﻭﻳﺎﻫﺎ ﻭﻣﺎﻃﻮﻟﻨﻪ ﺍﺗﺰﻭﺟﻨﻪ ﻻﻥ ﻧﻌﺮﻑ ﺑﻌﺾ
ﺍﻭﻝ ﺷﻬﺮ ﻣﻦ ﺯﻭﺍﺟﻨﻪ ﺟﻨﻪ ﺍﺣﻠﻰ ﺯﻭﺟﻴﻦ ﺍﺷﻮ ﺑﻌﺪﻳﻦ ﺍﺗﻐﻴﺮﺕ ﻛﻠﻪ ﺍﺗﺼﻴﺢ ﻭﺗﻌﺼﺐ ﻭﺟﺎﻳﻪ ﺑﺸﻲ ﺟﺪﻳﺪ ﻭﺍﻟﻠﻪ ﺗﺮﻳﺪ ﺑﻴﺖ ﺍﻟﻪ ﺍﻧﻲ ﺍﺳﺘﻐﺮﺑﺖ ﻭﻳﻦ ﻣﻼﻙ ﺍﻟﻲ ﺣﺒﻴﺘﻪ ﻭﺣﺒﻴﺖ ﻫﺪﻭﺋﻪ ﺍﺷﻮ ﻫﺎﻱ ﻭﺣﺪﻩ ﺛﺎﻧﻴﻪ
ﻭﺷﻜﻢ ﻣﺮﻩ ﺷﻔﺘﻪ ﺍﺗﺼﻴﺢ ﻋﻠﻰ ﺍﻣﻲ ﻭﺧﻮﺍﺗﻲ ﻳﻜﻮﻝ ﻳﺸﺘﻐﻠﻦ ﻋﺪﻩ ﺍﻧﻲ ﻣﻦ ﺍﺷﻮﻑ ﻫﻴﺞ ﺗﻌﺎﻣﻠﻪ ﺍﻓﻘﺪ ﺍﻋﺼﺎﺑﻲ ﻛﻠﺸﻲ ﻭﻻ ﺍﻫﻠﻲ ﻛﻤﺖ ﺍﻇﺮﺏ ﺑﻴﻪ ﺑﺲ ﻫﻴﺎ ﻣﺎﻛﻮ ﻓﺎﻳﺪﻩ ﺍﺑﺪ ﺻﻠﻔﻪ
ﺑﻌﺪﻳﻦ ﺣﻤﻠﺖ ﻣﻼﻙ ﺍﻧﻲ ﺍﻟﻔﺮﺡ ﻣﺎﻭﺳﻌﺘﻨﻲ ﻭﺭﺍﺡ ﺍﺻﻴﺮ ﺍﺏ ﻭﻛﻠﺖ ﺑﻠﻜﺖ ﻫﻴﺎ ﺍﻟﻠﻪ ﻳﻬﺪﻳﻪ ﻭﺗﻌﻘﻞ ﺑﺲ ﻻ ﻭﺍﻟﻠﻪ ﻫﻴﺎ ﺯﺍﺩ ﺧﺒﺎﻟﻪ ﻭﻣﺎﺗﺸﺘﻐﻞ ﻋﻠﻰ ﺷﻨﻮ ﺣﺎﻣﻞ ﺑﺲ ﺍﻧﻲ ﺍﺑﺪ ﻣﺎﺍﺳﻜﺘﻠﻪ
ﻭﺟﺎﺑﺖ ﻭﻣﻦ ﻋﺮﻓﺖ ﻭﻟﺪ ﻃﺮﺕ ﻣﻦ ﺍﻟﻔﺮﺣﻪ ﻻﻥ ﻫﻴﺎ ﻣﺎﻗﺒﻠﺖ ﺗﺸﻮﻑ ﻧﻮﻉ ﺍﻟﺠﻨﻴﻦ ﻭﺳﻤﻴﺘﻪ ﺳﺮﺍﺝ ﻻﻥ ﻧﻮﺭ ﺣﻴﺎﺗﻲ
ﺑﺲ ﻫﻴﺎ ﺍﻣﻪ ﻫﺎﻣﻠﺘﻪ ﻛﻠﺶ ﻭﻣﺎﻣﻬﺘﻤﻪ ﺑﻴﻪ ﺍﺻﻠﻦ ﺍﺧﻮﺍﺗﻲ ﻭﺍﻣﻲ ﻭﺟﺪﺗﻲ ﻫﻨﺎ ﺍﻟﻲ ﺭﺑﻨﻪ ﻭﻳﺤﺒﻨﻪ
ﻭﺍﻛﻠﻠﻪ ﻳﺒﺖ ﺍﻟﻨﺎﺱ ﻫﺬﺍ ﺍﺑﻨﺞ ﺍﻧﺘﻲ ﺧﻠﻴﻪ ﻳﺸﻮﻓﺞ ﻭﻳﺤﺒﺞ ﺑﺲ ﻫﻴﺎ ﺍﺑﺪ ﻣﺎﺗﺴﻤﻊ ﻭﺍﻧﻲ ﺳﺎﻛﺖ ﻻﻥ ﻣﺮﺗﻲ ﻭﺍﻟﻠﻪ ﺣﺘﻰ ﺣﺒﻪ ﻛﺎﻡ ﻳﺘﺒﺨﺮ ﻭﻳﺘﻼﺷﻰ ﻣﻦ ﻭﺭﻩ ﺳﻮﺍﻟﻔﻪ
ﻭﻣﺮﻩ ﻣﻦ ﺍﻟﻤﺮﺍﺕ ﺻﻌﺪﺕ ﻟﻐﺮﻓﺘﻲ ﻭﻗﺒﻞ ﻻ ﺍﻓﺘﺢ ﺍﻟﺒﺎﺏ ﺳﻤﻌﺘﻪ ﺗﺤﺠﻲ ﻭﻱ ﺷﺨﺺ ﻭﺗﻀﺤﻚ ﻭﺗﻨﻌﻢ ﺑﺼﻮﺗﻪ ﻭﺣﺒﻴﺒﻲ ﻭﻣﺎﻋﺮﻑ ﺷﻨﻮ ﺍﻧﻲ ﻣﻦ ﺳﻤﻌﺖ ﻫﻴﺞ ﺍﻟﺸﺮﺍﺭ ﺻﻌﺪ ﻟﻌﻴﻮﻧﻲ ﺑﺲ ﺍﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﻛﻠﺖ ﻻ ﺍﻇﻠﻤﻪ
ﺩﺧﻠﺖ ﺑﺴﺮﻋﻪ ﻋﻠﻴﻪ ﻭﻫﻴﺎ ﻛﻤﺰﺕ ﻣﻦ ﺷﺎﻓﺘﻨﻲ
ﻛﺘﻠﻪ ﻣﻦ ﻫﺬﺍ ﻫﻴﺎ ﺿﻤﺖ ﺍﻟﻤﻮﺑﺎﻳﻞ ﻭﻇﻠﺖ ﺳﺎﻛﺘﻪ ﺍﻧﻲ ﺭﺣﺖ ﺳﺤﺒﺖ ﺍﻟﻤﻮﺑﺎﻳﻞ ﻣﻨﻪ ﻭﺣﻄﻴﺘﻪ ﻋﻠﻰ ﺍﺫﻧﻲ ﻭﺍﺳﻤﻊ ﺻﻮﺕ ﻭﻟﺪ ﻳﻀﺤﻚ ﻭﻳﻜﻠﻠﻪ ﺍﻟﻮﻭ ﻭﻳﻨﺞ ﺣﺒﻴﺒﺘﻲ
ﺷﻤﺮﺕ ﺍﻟﻤﻮﺑﺎﻳﻞ ﺑﻐﻀﺐ ﻭﻛﻠﺖ ﻣﻨﻮ ﻫﺬﺍ ﻫﻴﺎ ﺟﺎﻭﺑﺘﻨﻲ ﺑﻌﻴﻦ ﺻﻠﻔﻪ ﺍﺗﻜﻠﻲ ﺣﺒﻴﺒﻲ : ﻫﺬﺍ ﺍﺣﺒﻪ ﻗﺒﻞ ﻻ ﺍﻋﺮﻓﻚ ﺍﺻﻠﻦ
ﺍﻧﺼﺪﻣﺖ ﻣﻦ ﻛﺎﻟﺖ ﻫﻴﺞ ﻛﺘﻠﻪ : ﻟﻌﺪ ﻭﺍﻧﻲ ﺷﻨﻮ
ﺍﺗﻜﻠﻲ ﺑﻌﻴﻦ ﻗﻮﻳﻪ : ﺍﻧﺖ ﻫﻴﺞ ﺍﺧﺬﺗﻚ ﻋﻠﻤﻮﺩ ﻓﻠﻮﺳﻚ ﺍﺻﻠﻦ ﻋﻠﻰ ﺷﻨﻮ ﺍﺣﺒﻚ ﻭﺍﻧﻲ ﻣﻠﻴﺖ ﻣﻨﻚ ﻭﻣﻦ ﺍﻫﻠﻚ ﻋﻮﻓﻨﻲ ﻭﺍﻋﺘﻘﻨﻲ ﻻﻥ ﺗﻌﺒﺖ ﻭﻣﺎﺗﺤﻤﻞ ﻋﻴﺸﺘﻜﻢ
ﺑﻐﻀﺐ ﻛﺘﻠﻪ : ﻣﺎﺷﻲ ﺗﺪﻟﻠﻴﻦ ﺑﺲ ﻗﺒﻞ ﻻ ﺍﺧﺬ ﺣﻘﻲ ﻻﻥ ﻣﺎﻳﺸﺮﻓﻨﻲ ﻭﺣﺪﻩ ﻣﺜﻠﺞ ﺍﺗﺼﻴﺮ ﻣﺮﺗﻲ
ﺍﺗﻘﺪﻣﺖ ﻋﻠﻴﻪ ﻭﻇﺮﺑﺘﻪ ﺭﺍﺷﺪﻱ ﻣﻦ ﻗﻮﺗﻪ ﻃﺎﺣﺖ ﺑﻠﻜﺎﻉ ﻭﺟﺮﻳﺘﻪ ﻣﻦ ﺷﻌﺮﻩ ﻭﺍﺿﺮﺏ ﺑﻴﻬﺎ ﻭﻫﻴﺎ ﺗﻌﻴﻂ ﺑﺲ ﺍﻧﻲ ﻛﻤﺖ ﻣﺎﺷﻮﻑ ﻭﺟﺒﺖ ﺍﻟﺤﺰﺍﻡ ﻭﺍﺿﺮﺏ ﺑﻴﻬﺎ ﻟﺤﺪ ﻣﺎﺟﻮ ﺍﻫﻠﻲ ﻫﺪﻭﻧﻲ ﻣﻨﻪ
ﺑﺎﻭﻋﺘﻠﻪ ﻭﻃﻠﻜﺘﻪ ﺑﻠﺜﻼﺙ : ﺍﺑﻨﺞ ﺗﻨﺴﻴﻪ ﺍﻓﺘﻬﻤﺘﻲ ﻭﻓﻠﺲ ﻭﺍﺣﺪ ﻣﺎﻧﻄﻴﺞ ﻭﺧﻞ ﺍﺷﻮﻑ ﻣﻨﻮ ﺍﻟﻲ ﻳﺠﻴﻨﻲ ﻣﻦ ﺍﻫﻠﺞ ﻭﺍﻟﻠﻪ ﺍﻗﺘﻠﻬﻢ ﺍﺫﺍ ﻭﺻﻠﻮﻧﻲ ﻭﺍﻧﺘﻲ ﺗﺪﺭﻳﻦ ﺑﻴﻪ ﺍﺳﻮﻳﻬﺎ
ﻫﻴﺎ ﻣﻦ ﺍﻟﺨﻮﻑ ﻫﺰﺕ ﺭﺍﺳﻪ ﻋﻔﺘﻪ ﻃﻠﻌﺖ ﻣﻦ ﺍﻟﺒﻴﺖ ﻭﺑﻠﻴﻞ ﻣﻦ ﺭﺟﻌﺖ ﻛﺎﻟﻮ ﻣﺸﺖ ﻭﺍﻫﻠﻪ ﻳﺘﺼﻠﻮﻥ ﺑﻴﻪ ﻭﻣﺎﻛﻮ ﺑﺲ ﺍﺧﺮ ﺷﻲ ﺧﺎﺑﺮﺕ ﺍﺑﻮﻫﺎ ﻭﻓﻬﻤﺘﻪ ﺣﺴﻴﺖ ﺍﺗﻔﺸﻞ
ﻭﺑﻌﺪ ﻫﺎﻫﻴﻪ ﻧﻬﻴﺘﻪ ﻭﻳﺎﻫﺎ ﻭﻭﻱ ﻭﻏﻴﺮﻩ ﻛﺮﻫﺖ ﻣﻦ ﻭﺭﺍﻫﺎ ﺟﻨﺲ ﺣﻮﺍﺀ ﻛﻠﻬﻢ ﺣﺴﻴﺘﻬﻢ ﻧﻔﺲ ﺍﻟﺸﻲ ﻃﻤﺎﻋﺎﺕ ﻭﻣﺎﻳﻔﻜﺮﻥ ﺑﺲ ﺑﻨﻔﺴﻬﻦ
ﻭﺻﺮﺕ ﻋﺼﺒﻲ ﻛﻠﺶ ﺍﻛﺜﺮ ﻣﻦ ﻗﺒﻞ ﻭﺧﻮﺍﺗﻲ ﻳﺨﺎﻓﻦ ﻣﻨﻲ ﻛﺎﻣﻦ ..
ﺑﺲ ﻭﻱ ﺷﺨﺺ ﻳﺮﻭﺡ ﻛﻞ ﺗﻌﺒﻲ ﻫﻮ ﺍﺑﻨﻲ ﺳﺮﺍﺝ
ﺣﺒﻴﺒﻲ
ﺍﻧﻲ ﺷﻜﻠﻲ ﺍﺑﻴﺾ ﻭﻋﻴﻮﻧﻲ ﺧﻀﺮ ﻭﺭﻣﻮﺷﻲ ﻃﻮﺍﻝ ﻃﻮﻳﻞ ﻭﺟﺴﻤﻲ ﻣﻌﻀﻞ ﺑﺲ ﻣﺮﺗﺐ ﺷﻔﺎﻳﻔﻲ ﺷﻮﻱ ﻛﺒﺎﺭ
ﻭﻣﺮﺑﻲ ﻟﺤﻴﻪ ﻭﺷﺎﺭﺏ
ﻋﻨﺪﻱ ﺍﺧﻮﻱ ﺍﺻﻐﺮ ﻣﻨﻲ ﻣﺮﻭﺍﻥ ﻋﻤﺮﻩ ٢٧ ﺳﻨﻪ ﺍﺗﺨﺮﺝ ﻭﻛﺎﻡ ﻳﺸﺘﻐﻞ ﺑﻤﻌﺮﺽ ﺍﻟﺴﻴﺎﺭﺍﺕ ﺍﻟﻲ ﻋﺪﻧﻪ ﻳﺤﺐ ﺑﻨﺖ ﻋﻤﻲ ﺩﺭﺓ ﻣﻦ ﺍﻟﺼﻐﺮ ﻭﻛﻠﻨﻪ ﻧﻌﺮﻑ ﻭﻣﻦ ﺗﻨﺠﺢ ﻣﻦ ﺍﻟﺴﺎﺩﺱ ﻳﺘﺰﻭﺟﻪ
ﻭﺍﻟﻲ ﺑﻌﺪﻩ ﺍﺧﺘﻲ ﺟﻮﺭﻱ ﻋﻤﺮﻩ ٢٢ ﺳﻨﻪ ﻫﺎﻱ ﻣﺘﺰﻭﺟﻪ ﻻﺑﻦ ﻋﻤﻲ ﻭﺻﺪﻳﻘﻲ ﻭﺍﺧﻮﻱ ﺍﻋﺘﺒﺮﻩ ﻫﻮ ﺑﻌﻤﺮﻱ
ﻭﺍﺻﻐﺮ ﻭﺣﺪﻩ ﺍﺧﺮ ﺍﻟﻨﻌﻘﻮﺩ ﻭﺭﻭﺩ ﻋﻤﺮﻩ ١٨ ﺳﻨﻪ ﺗﺪﺭﺱ ﺍﺧﺮ ﺳﻨﻪ ﺍﻟﻪ ﺑﺎﻻﻋﺪﺍﺩﻳﻪ؛
ﻃﺒﻌﺎً ﺍﺑﻮﻱ ﺍﻟﻴﻮﻡ ﻛﺎﻝ ﺭﺍﺡ ﻳﺠﻮﻥ ﻣﻦ ﺍﻟﻤﻮﺻﻞ ﻭﺍﻻﻧﺒﺎﺭ ﺷﺎﺭﺩﻳﻦ ﻣﻦ ﺩﺍﻋﺶ ﻭﺷﻲ ﺍﻛﻴﺪ ﻣﺎﻋﺪﻫﻢ ﺑﻴﻮﺕ ﻓﺎ ﺑﻴﻮﺗﻨﻪ ﻭﻣﻮﺍﻛﺒﻨﻪ ﻣﻔﺘﻮﺣﻪ ﺍﻟﻬﻢ ﺭﻭﺣﻮ ﺷﻮﻓﻮ ﻭﻧﻀﻮﻓﻮ ﺍﻟﻬﻢ
ﺍﻧﻲ ﺳﻤﻌﺖ ﻫﻴﺞ ﻃﻠﻌﺖ ﻣﻨﻪ ﻭﺭﺣﺖ ﻋﻮﺩ ﻻﺧﻮﻱ ﺍﻛﻌﺪﻩ ﻳﺮﻭﺡ ﻭﻳﺎﻱ ﻛﺎﻝ ﺍﻟﺤﻜﻚ ﻭﺍﻟﺠﺬﺍﺏ ﺍﻟﻌﺼﺮ ﻳﺎﻟﻪ ﺍﺟﺎﻧﻲ
ﺍﺗﺼﻠﺖ ﻋﻠﻰ ﻭﻟﺪ ﻋﻤﻲ ﻭﻭﻟﺪﻧﺎ ﺍﻟﻲ ﻳﻤﻨﻪ ﻳﺸﺘﻐﻠﻮﻥ ﻛﻠﻬﻢ ﻭﻫﻤﻪ ﻫﻢ ﻳﻌﺮﻓﻮﻥ ﻃﻠﻌﻨﻪ ﻛﻠﻨﻪ ﻟﻤﻮﻛﺒﻨﻪ ﻭﻇﻠﻴﻨﻪ ﺍﻧﻈﻒ ﺑﻴﻪ ﻻﻥ ﻣﺤﺪ ﺑﻴﻪ ﻭﺷﻲ ﺍﻛﻴﺪ ﻭﺻﺦ
ﻭﺟﺒﻨﻪ ﻓﺮﺍﺷﺎﺕ ﻫﻮﺍﻱ ﻭﻣﻲ ﻭﺍﻻﺷﻴﺎﺀ ﺍﻟﻲ ﻳﺤﺘﺎﺟﻮﻧﻪ
ﻭﺟﺒﻨﻪ ﻃﺒﺎﺥ ﻇﻞ ﻳﻄﺒﺦ ﻧﺎﺱ ﺍﺗﺴﺎﻋﺪﻩ
ﻟﻠﻌﺼﺮ ﻳﺎﻟﻪ ﺍﺟﻮ ﺍﺟﻪ ﻟﻮﺭﻱ ﻛﺎﻣﻞ ﺣﺎﻣﻞ ﺍﻟﻨﺎﺱ ﺍﺗﻘﺪﻣﻨﻪ ﻣﻦ ﻳﻤﻬﻢ ﻭﻇﻠﻴﻨﻪ ﺍﻧﺮﺣﺐ ﺑﻴﻬﻦ ﻭﻧﺴﺎﻋﺪﻫﻢ ﺑﻠﻨﺰﻭﻝ ﻫﺬﺍ ﺍﻟﺸﺎﻳﺐ ﺍﻟﻲ ﻣﺎﻳﻜﺪﺭ ﻟﻮ ﻋﺠﻮﺯ
ﻧﺰﻟﻮ ﻛﻠﻬﻢ ﻭﺑﻘﻦ ﺛﻨﻴﻦ ﻳﺮﺩﻥ ﻳﻨﺰﻟﻦ ﻭﺣﺪﻩ ﻧﺰﻟﺖ ﺑﻬﺪﻭﺀ ﻭﺍﻟﺜﺎﻧﻴﻪ ﺗﺮﺩﺩﺕ ﺑﻌﺪﻳﻦ ﻃﻔﺮﺕ ﻭﺭﺍﺩﺕ ﺗﻮﻛﻊ ﺑﺲ ﻟﺰﻣﺖ ﺍﺧﺘﻪ ﺑﺴﺮﻋﻪ
ﺍﻧﻲ ﺻﺤﺖ ﺍﻟﻠﻪ ﺍﻧﺘﺒﻬﻲ ﺑﻮﻳﻪ ﻻ ﺗﻮﻛﻌﻴﻦ ﺍﺷﻮ ﺭﻓﻌﺖ ﺭﺍﺳﻪ ﻭﻇﻠﺖ ﺻﺎﻓﻨﻪ ﻋﻠﻴﻪ ﺷﺒﻴﻪ ﺑﺲ ﺑﻌﺪﻳﻦ ﺍﺧﺘﻪ ﻧﺪﺯﺗﻪ ﻭﻣﺸﻦ ﻫﻴﺎ ﺻﺢ ﺣﻠﻮﻩ ﺑﺲ ﻣﺎﻫﺘﻤﻴﺖ ﺍﻧﻲ ﻫﺰﻳﺖ ﺍﻳﺪﻱ ﻭﻛﻠﺖ
: ﻛﻠﺠﻦ ﻧﻔﺲ ﺍﻟﺸﻲ ﻣﺎﺗﻮﺑﻦ ﻳﺎ ﻟﻨﺴﻮﺍﻥ ﺍﺑﺪ
ﻋﻔﺘﻪ ﻭﻇﻠﻴﺖ ﺍﺷﺘﻐﻞ ﻭﺑﻠﻴﻞ ﺭﺣﻨﻪ ﺳﻴﺎﺭﺍﺕ ﻧﻨﻜﻞ ﻣﻦ ﺑﻴﻮﺗﻨﻪ ﺍﻛﻞ ﻭﻣﻼﺑﺲ ﻭﻋﺼﺎﻳﺮ ﻭﺍﻟﻌﺎﺏ ﺍﻱ ﺷﻲ ﻣﻮﺟﻮﺩ ﺑﻠﺒﻴﺖ ﺟﺒﻨﺎﻩ ﺑﻴﺘﻨﻪ ﻭﺑﻴﻮﺕ ﻋﻤﻲ ﻫﻢ
ﻭﺍﺧﺬﻧﻪ ﻧﺴﻮﺍﻧﻪ ﻳﺸﻮﻓﻨﻬﻦ ﻭﺭﻩ ﺳﺎﻋﻪ ﺟﺒﺘﻬﻦ ﻭﺍﻣﻲ ﺗﺤﺠﻲ ﻋﻨﻬﻦ ﺗﻜﻮﻝ ﺧﻄﻴﻪ ﺗﻌﺒﺎﻧﺎﺕ ﻛﻠﺶ
ﺣﻘﻬﻢ ﻋﻤﻲ ﺍﻟﻲ ﺷﺎﻓﻨﻪ ﻣﻮ ﻗﻠﻴﻞ )
ﺛﺎﻧﻲ ﻳﻮﻡ ﺍﻟﺴﺎﻋﻪ ﺏ ٨ ﻭﻧﺺ ﺍﻟﺼﺒﺢ ﻛﻌﺪﺕ ﺭﺣﺖ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻟﺒﺴﺖ ﺩﺷﺪﺍﺷﻪ ﻧﻴﻠﻲ ﻭﺍﺧﺬﺕ ﺟﺮﺍﻭﻳﻪ ﻭﻟﻔﻴﺘﻪ ﺑﻄﺮﻳﻘﻪ ﺧﻠﻴﺠﻴﻪ ﻭﻟﺒﺴﺖ ﺳﺎﻋﺘﻲ ﻭﺭﺷﻴﺖ ﻋﻄﺮﻱ ﺍﻟﻲ ﺍﺣﺒﻪ ﻭﺍﺧﺬﺕ ﺳﺒﺤﺘﻲ ﻭﻟﺒﺴﺖ ﺍﻟﺨﺎﺗﻢ ﻣﻦ ﺍﻟﻌﻘﻴﻖ
ﻭﺍﺧﺬﺕ ﻧﻈﺎﺭﺗﻲ ﻭﻣﻮﺑﺎﻳﻠﻲ ﻭﻣﺤﻔﻈﺘﻲ ﻭﻧﺰﻟﺖ ﻟﻜﻴﺖ ﺍﺑﻮﻱ ﻛﺎﻋﺪ ﺑﺎﻻﺳﺘﻘﺒﺎﻝ ﻭﺍﻣﻲ ﻭﺟﺪﺗﻲ ﻭﻣﺮﻭﺍﻥ ﻭﻭﺭﻭﺩ
ﺿﺮﻏﺎﻡ : ﺻﺒﺎﺡ ﺍﻟﺨﻴﺮ
ﻛﻠﻬﻢ ﺭﺩﻭ ﺑﺼﻮﺕ ﻣﻔﺘﺮﻕ : ﺻﺒﺎﺡ ﺍﻟﻨﻮﺭ
ﺭﺣﺖ ﺑﺴﺖ ﺭﺍﺱ ﺍﻟﺠﺪﻩ ﻭﺍﻳﺪﻩ ﻭﻫﻢ ﺳﻮﻳﺖ ﻧﻔﺲ ﺍﻟﺸﻲ ﻻﻣﻲ ﻭﺍﺑﻮﻱ
ﻛﻌﺪﺕ ﺑﺼﻒ ﻭﺭﻭﺩ ﺑﺎﻭﻋﺘﻠﻪ ﻭﻛﻠﺖ : ﻟﻴﺶ ﻣﺎﻣﺪﺍﻭﻣﻪ ﺍﻟﻴﻮﻡ ﻫﺎ
ﻭﺭﻭﺩ ﺑﺨﻮﻑ : ﻫﺎﺍ ﻣﻮ ﺍﺟﻴﺖ ﻣﺘﺄﺧﺮﻩ ﻭﻣﻦ ﺍﻟﺘﻌﺐ ﺍﺗﺄﺧﺮﺕ ﺑﻠﻨﻮﻣﻪ
ﺿﺮﻏﺎﻡ : ﻳﺼﻴﺮ ﺧﻴﺮ ﺑﻌﺪ ﻻ ﺗﻌﻴﺪﻳﻪ ﺍﻓﺘﻬﻤﺘﻲ ﻭﺟﻮﺭﻱ ﺷﻮ ﻣﺎﻛﻮ ﻭﻳﻦ
ﺍﻟﺠﺪﻩ : ﻭﺍﻟﻠﻪ ﻗﻴﺲ ﺍﺟﻪ ﺍﺧﺬﻫﺎ ﻣﺎﻣﺴﺘﺤﻤﻞ ﺑﻌﺪﻫﺎ ﻋﺸﺘﻮﻭ ﻣﻦ ﺍﻟﺼﺒﺢ ﺍﺟﺎﻫﺎ ﻭﺍﻟﻠﻪ ﺷﻨﻮ ﻣﺎﻳﺘﺤﻤﻞ ﻓﺮﺍﻛﻪ ﻃﺎﺡ ﺣﻆ ﻫﻴﺞ ﺯﻟﻢ( ﺗﻘﺼﺪ ﻏﺴﺎﻥ (😁
ﻣﺮﻭﺍﻥ ﻳﺄﻳﺪﻩ : ﺍﻱ ﻭﺍﻟﻠﻪ ﻳﺠﺪﻩ ﻣﻦ ﻃﺎﺡ ﺣﻈﻪ ﻫﻮ ﺍﺷﺎﻑ ﺑﺠﻮﺭﻱ ﻭﺍﺧﺬﻩ
ﺿﺮﻏﺎﻡ : ﺍﻧﺠﺐ ﻭﻟﻚ ﻫﺎﻱ ﺍﺧﺘﻚ ﺷﻠﻮﻥ ﺗﺤﺠﻲ ﻫﻴﺞ ﻋﻠﻴﻪ
ﻣﺮﻭﺍﻥ : ﺷﺒﻴﻚ ﻧﺸﺎﻗﻪ ﻣﺎﺗﺘﺤﻤﻞ ﺷﻘﻪ ﺍﺳﻢ ﺍﻟﻠﻪ
ﺿﺮﻏﺎﻡ : ﻭﺍﻧﺖ ﺷﻌﻨﺪﻙ ﺍﻟﻴﻮﻡ ﻛﺎﻋﺪ ﻣﻨﻚ ﻣﻦ ﺍﻟﺸﻴﻄﺎﻥ
ﻣﺮﻭﺍﻥ ﺍﺑﺘﺴﻢ ﻭﻏﻤﺰﻟﻪ ﻭﺭﺍﺡ ﻛﻌﺪ ﺑﺼﻒ ﺍﺑﻮﻩ ﻭﺣﻈﻨﻪ : ﻻ ﻣﻨﻲ ﺷﻠﻮﻥ ﺗﺮﻳﺪ ﻣﻨﻲ ﺍﻋﻮﻑ ﻫﺎﻱ ﺍﻟﻔﺮﺻﻪ ﺍﻟﻲ ﻣﺎﺗﺘﻌﻮﺽ ﺍﻧﻲ ﺍﺻﺒﺢ ﺑﻮﺟﻪ ﺍﻟﻮﺍﻟﺪ
ﺍﺑﺘﺴﻢ ﺑﺨﺒﺚ : ﺍﻛﻞ ﻻﺑﻮﻱ ﺷﻜﻠﺖ ﺍﻟﺒﺎﺭﺣﻪ ﺿﺮﻏﻮﻣﻲ
ﺍﺑﻮ ﺿﺮﻏﺎﻡ : ﺧﻴﺮ ﺷﻜﻮﻭ ﺷﺼﺎﻳﺮ
ﻣﺮﻭﺍﻥ ﺍﺑﺘﺴﻢ ﻭﻛﺎﻡ ﻳﺤﺠﻲ ﻭﻳﺰﻭﺩ ﺑﻠﺤﺠﻲ : ﺗﺪﺭﻱ ﻳﻜﻠﻲ ﺗﺤﺘﺎﺝ ﺗﺮﺑﻴﻪ ﺍﺑﻮﻙ ﻣﺎﻋﺮﻑ ﻳﺮﺑﻴﻚ
ﺿﺮﻏﺎﻡ ﺑﺼﺪﻣﻪ : ﻭﻟﻚ ﺷﻮﻛﺖ
ﻣﺮﻭﺍﻥ : ﻫﺎﺍ ﻧﺴﻴﺖ ﺍﻟﺒﺎﺭﺣﻪ ﺑﻠﻴﻞ
ﺍﺑﻮ ﺿﺮﻏﺎﻡ ﻛﺎﻡ ﻭﻛﺎﻝ : ﺿﺮﻏﺎﻡ ﺷﻮﻓﻪ ﺍﺫﺍ ﻳﺤﺘﺎﺝ ﺗﺮﺑﻴﻪ ﺭﺑﻴﻪ ﻣﻦ ﺟﺪﻳﺪ ﻳﺎﻟﻪ ﺍﻧﻲ ﺍﺗﺮﺧﺺ ﻋﻨﺪﻱ ﺷﻐﻞ
ﺑﺎﻭﻉ ﻋﻠﻰ ﺿﺮﻏﺎﻡ : ﺻﺪﻙ ﺑﻮﻳﻪ ﺿﺮﻏﺎﻡ ﻧﺴﻴﺖ ﺍﻛﻠﻚ
ﺿﺮﻏﺎﻡ : ﻫﺎﺍ ﺑﻮﻳﻪ ﺷﻨﻮ
ﺍﺑﻮ ﺿﺮﻏﺎﻡ : ﺍﻟﻴﻮﻡ ﺭﺍﺡ ﻳﺠﻮﻥ ﺷﻴﻮﺥ ﻋﻠﻰ ﻃﻼﺑﻪ ﻃﻠﺒﻮ ﻣﻨﻲ ﺍﺣﻠﻪ ﻭﻛﺘﻠﻬﻢ ﻫﻼ ﺑﻴﻜﻢ ﺑﺲ ﻫﺴﻪ ﺍﻧﻲ ﻃﻠﻌﺖ ﻋﻨﺪﻱ ﺷﻐﻠﻪ ﺑﺮﻩ ﺍﻟﻤﺤﺎﻓﻈﻪ ﻭﻻﺯﻡ ﺍﺭﻭﺡ ﻓﺎ ﺍﺭﻳﺪﻙ ﺍﻧﺘﻪ ﺗﺴﺘﻘﺒﻠﻬﻢ ﻭﺍﻋﺮﻑ ﺑﻴﻚ ﺍﻧﺖ ﻛﺪﻩ
ﺿﺮﻏﺎﻡ ﺑﺜﻘﻪ : ﺍﻥ ﺷﺎﺀﺍﻟﻠﻪ ﺑﻮﻳﻪ ﻣﺎﻳﺼﻴﺮ ﺧﺎﻃﺮﻙ ﺍﻻ ﻃﻴﺐ ﻣﺤﻠﻮﻟﻪ ﺍﻥ ﺷﺎﺀﺍﻟﻠﻪ
ﺍﺑﻮ ﺿﺮﻏﺎﻡ : ﻳﺎﻟﻪ ﺍﺳﺘﻮﺩﻋﻨﺎﻛﻢ ﺑﺎﻟﻠﻪ
ﺍﻟﺠﺪﻩ : ﺍﻟﻠﻪ ﻭﻳﺎﻙ ﻳﻤﻪ ﻣﺤﺮﻭﺱ
ﺑﺎﺱ ﺭﺍﺱ ﺍﻣﻪ ﻭﻣﺸﻪ ﺑﺎﻭﻋﺖ ﻋﻠﻰ ﻣﺮﻭﺍﻥ ﺑﺨﺒﺚ
ﻣﺮﻭﺍﻥ ﺷﺎﻓﻪ ﻫﻴﺞ ﺻﺎﺡ : ﺑﻮﻭﻳﻪ ﺗﻌﺎﻝ ﻭﻳﻨﻚ ﻻ ﺗﻌﻮﻓﻨﻲ ﻭﺣﺪﻱ ﻫﻨﺎ ﺑﺎﺑﺎﺍﺍ
ﺿﺮﻏﺎﻡ ﻛﺎﻣﻠﻪ : ﺣﺘﻰ ﺍﺑﻮﻱ ﻛﺎﻝ ﺗﺤﺘﺎﺝ ﺗﺮﺑﻴﻪ
ﻣﺮﻭﺍﻥ ﺑﺨﻮﻑ : ﺍﺑﻮ ﺍﻟﻐﻴﺮﻩ ﺍﺷﺎﻗﻪ ﻭﻳﺎﻙ ﺍﻧﻲ ﻣﺎﺗﺘﺤﻤﻞ ﺷﻘﻪ
ﺿﺮﻏﺎﻡ : ﺍﻱ ﻣﺎﺍﺗﺤﻤﻞ
ﻣﺮﻭﺍﻥ : ﻭﺧﺮ ﺣﺒﺎﺏ ﻋﻨﺪﻱ ﺷﻐﻞ ﺍﺍﺍﺥ
ﺣﺼﻞ ﺿﺮﺑﻪ ﻋﻠﻰ ﺭﺟﻠﻪ ﻗﻮﻱ : ﻳﻤﺎﺍﺍ ﺍﻟﺤﻜﻴﻨﻲ ﻓﺪﺩﻭﻩ
ﺣﺼﻞ ﺷﻜﻢ ﻇﺮﺑﻪ ﻣﻦ ﺿﺮﻏﺎﻡ ﻭﻋﺎﻓﻪ ﻋﺪﻝ ﺍﻟﺠﺮﺍﻭﻳﻪ ﻭﺑﺎﻭﻉ ﻻﻣﻪ : ﻳﻤﻪ ﺟﻬﺰﺗﻮ ﺭﻳﻮﻙ ﻟﻨﺎﺱ ﺣﺘﻰ ﺍﺧﺬﻩ ﻭﺍﺭﻭﺡ ﻟﺸﻐﻠﻲ
ﺍﻡ ﺿﺮﻏﺎﻡ : ﺍﻱ ﻳﻤﻪ ﻭﺣﻄﻴﻨﺎﻫﻦ ﺑﻠﺒﺪﻱ ﻣﺎﻝ ﺍﻟﺴﻴﺎﺭﺓ
ﺿﺮﻏﺎﻡ : ﺧﻮﺵ ﻟﻌﺪ ،،ﻭﺑﺎﻭﻉ ﻋﻠﻰ ﻣﺮﻭﺍﻥ ﻭﻛﺎﻝ
: ﻫﺎﺍ ﺗﺤﺘﺎﺝ ﺗﺮﺑﻴﻪ ﺑﻌﺪ ﻟﻮﻭ
ﻣﺮﻭﺍﻥ ﻛﻤﺰ ﺑﻮﺟﻊ : ﻻ ﻛﺎﻓﻲ ﺗﺮﺑﻴﺖ ﻭﺍﻟﻠﻪ ﺗﺮﺑﻴﺖ
ﻭﻋﺎﻓﻪ ﻭﻣﺸﻪ ﻭﻫﻮ ﻳﺪﺭﺩﻡ
ﺿﺮﻏﺎﻡ ﺍﺑﺘﺴﻢ ﺍﻟﻪ : ﻳﺎﻟﻪ ﻣﻊ ﺍﻟﺴﻼﻣﻪ
ﺍﻡ ﺿﺮﻏﺎﻡ ﻭﺍﻟﺠﺪﻩ : ﺍﻟﻠﻪ ﻭﻳﺎﻙ
ﺭﺣﺖ ﺻﻌﺪﺕ ﺑﻠﺴﻴﺎﺭﻩ ﺳﻤﻴﺖ ﺑﺎﻟﻠﻪ ﻭﺣﺮﻛﺖ ﻣﺘﺠﻪ ﻟﻠﻤﻮﻛﺐ ﺷﻮﻱ ﻭﻭﺻﻠﺖ ﻻﻥ ﺍﻟﻤﻮﻛﺐ ﻗﺮﻳﺐ ﻋﻠﻰ ﺑﻴﺘﻨﻪ ﻧﺰﻟﺖ ﻣﻦ ﺍﻟﺴﻴﺎﺭﻩ ﺷﻔﺖ ﻭﻟﺪ ﻋﻤﻲ ﻣﻮﺟﻮﺩﻳﻦ ﻻﻥ ﺧﺒﺮﺗﻬﻢ...بيج قصص عراقيه حقيقيه من واقعنا.روعه الطائي
ﺍﻧﻲ ﺑﺲ ﻏﺴﺎﻥ ﻣﺎﻛﻮﻭ ﺍﻛﻴﺪ ﻧﺎﻳﻢ ﺑﻠﻌﺴﻞ ﺍﻧﻲ ﺍﻋﻠﻤﻪ
ﺭﺣﺖ ﺻﺤﺘﻬﻢ ﻭﻇﻠﻴﻨﻪ ﺍﻧﺰﻝ ﺑﻠﺠﺪﺍﺭﻱ ﻭﻛﻤﻨﻪ ﺍﻧﺼﺐ ﻭﻭﺯﻋﻨﻪ ﻟﺰﻟﻢ ﻭﻣﻦ ﺧﻠﺼﻨﻪ ﻭﺯﻋﻨﻪ ﻟﻨﺴﻮﺍﻥ ﺭﺣﻨﻪ ﻭﺩﻳﻨﺎﻩ ﺍﻟﻬﻦ ﻭﺣﻄﻴﻨﺎﻩ ﺍﻟﻬﻦ ﻳﻢ ﺍﻟﺒﺎﺏ ﻭﺩﻛﻴﻨﻪ ﺍﻟﺒﺎﺏ
ﺳﻤﻌﺖ ﺻﻮﺕ ﻭﺣﺪﻩ ﺻﺎﺣﺖ : ﻣﻨﻮﻭ
ﻛﻠﺖ ﺍﻧﻲ : ﺍﺧﺘﻲ ﻫﺬﺍ ﺭﻳﻮﻙ ﺍﻟﺠﻦ ﺍﺧﺬﻧﻪ
ﻛﺎﻟﺖ : ﻣﺸﻜﻮﺭ ﺧﻮﻳﻪ
ﻋﻔﺘﻪ ﻭﻣﺸﻴﺖ ﻭﻛﻌﺪﻧﻪ ﺑﺮﻩ ﺍﻧﻲ ﻭﻭﻟﺪ ﻋﻤﻲ ﻓﺮﺷﻨﻪ ﺍﻟﺴﻔﺮﻩ ﻭﺻﺒﻴﻨﻪ ﺭﻳﻮﻙ ﺍﻟﻨﻪ ﻭﻭﺍﺣﺪ ﻣﻦ ﺍﻟﻮﻟﺪ ﺣﻤﻪ ﺟﺎﻱ ﺍﻟﻨﻪ ﻭﻇﻠﻴﻨﻪ ﻧﺎﻛﻞ ﻭﺍﺣﺪ ﻣﻦ ﻭﻟﺪ ﻋﻤﻲ ﻛﺎﻝ
: ﺍﻛﻠﻜﻢ ﻏﺴﺎﻥ ﻣﺎﻛﻮﻭ ﻭﻻ ﻣﺮﻭﺍﻥ
ﻛﺎﻝ ﻭﺍﺣﺪ ﺛﺎﻧﻲ : ﻣﺮﻭﺍﻥ ﺧﺎﺑﺮﺗﻪ ﻛﺎﻝ ﻋﺪﻩ ﺷﻐﻞ ﻭﻏﺴﺎﻥ ﺷﻲ ﺍﻛﻴﺪ ﻧﺎﻳﻢ ﺑﻠﻌﺴﻞ ﻟﻌﺪ ﻣﺜﻞ ﺣﻈﻨﻪ
ﺿﺤﻜﻮ ﻛﻠﻬﻢ ﻭﺍﻧﻲ ﺍﺑﺘﺴﻤﺖ ﻭﻛﻠﺖ : ﺍﺗﺰﻭﺟﻮﻭ ﻭﺻﻴﺮﻭ ﻣﺜﻠﻪ
ﻛﺎﻝ : ﻻ ﻋﻤﻲ ﺧﻠﻴﻨﻪ ﻫﻴﺞ ﻣﺮﺗﺎﺣﻴﻦ ﺍﺣﺴﻦ ﻣﻦ ﺍﻟﻤﺴﺆﻭﻟﻴﻪ
ﻛﻤﻠﻨﻪ ﺍﻛﻠﻨﻪ ﻭﺧﻠﻴﺖ ﺛﻨﻴﻦ ﻏﺼﺐ ﻣﺎﻋﻠﻴﻬﻢ ﻳﻐﺴﻠﻮﻥ ﺍﻟﻤﻮﺍﻋﻴﻦ
ﺍﻧﺘﺒﻬﺖ ﺑﺎﺏ ﺍﻟﻨﺴﻮﺍﻥ ﻣﻔﺘﻮﺡ ﻭﻭﺣﺪﻩ ﺷﺎﻳﻠﻪ ﺻﻴﻨﻴﻪ ﻭﺣﺠﺎﺑﻪ ﻧﺺ ﻭﻧﺺ ﺍﻧﻲ ﻫﻨﺎ ﻓﺮﺕ ﻫﺎﻱ ﺍﻟﺒﻨﻴﻪ ﺍﻟﻲ ﺷﻔﺘﻪ ﺍﻟﺒﺎﺭﺣﻪ ﻭﺍﺗﻘﺪﻣﺖ ﺍﻟﻪ ﻫﻴﺎ ﺷﺎﻓﺘﻨﻲ
ﺿﺮﻏﺎﻡ ﺑﻌﺼﺒﻴﻪ : ﻟﻴﺶ ﻃﺎﻟﻌﻪ
ﻳﺎﻗﻮﺕ : ﻧﻌﻢ
ﺿﺮﻏﺎﻡ : ﻧﻌﻢ ﺍﻟﻠﻪ ﻋﻠﻴﺞ ﺳﻤﻌﺘﻲ ﺷﻜﻠﺖ
ﻳﺎﻗﻮﺕ ﺩﺣﻜﺖ ﻋﻠﻴﻪ ﻭﺷﻔﺘﻪ ﺷﻠﻮﻥ ﻋﺼﺒﻲ ﻭﻳﺰﻛﺢ ( ﻳﺼﻴﺢ )
ﻛﺘﻠﻮ : ﺟﺒﺖ ﺍﻟﻤﺎﻋﻴﻦ ﺣﺘﻰ ﺍﻏﺴﻠﻬﻦ
ﺿﺮﻏﺎﻡ ﺍﺧﺬ ﺍﻟﺼﻴﻨﻴﻪ ﻭﺩﻧﻚ ﺭﺍﺳﻪ : ﺑﻌﺪ ﻻ ﺍﻃﻠﻌﻦ ﻣﺎﻳﺼﻴﺮ ﺍﻟﻮﻟﺪ ﻳﻔﺘﺮﻭﻥ ﻭﺍﻟﺼﻮﺍﻧﻲ ﺣﻄﻨﻬﻦ ﻳﻢ ﺍﻟﺒﺎﺏ ﻭﺍﺣﻨﻪ ﻧﺎﺧﺬﻫﻦ
ﺍﺧﺬﺗﻪ ﻣﻨﻪ ﻭﻣﺸﻴﺖ ﺍﻧﻲ ﻋﺼﺒﺖ ﻣﻮ ﻋﻠﻰ ﺷﻲ ﺑﺲ ﺍﺣﻨﻪ ﻣﺎﻧﻘﺒﻞ ﻫﻴﺞ ﻭﻫﻨﺎ ﺩﺧﻴﻼﺕ ﻳﻤﻨﻪ ﻭﻻ ﻳﺼﻴﺮ ﻋﻠﻴﻬﻦ ﺷﻲ ﻓﺎ ﻏﻴﺮﺗﻲ ﻣﺎﺳﻤﺤﺖ ﻓﺎ ﺻﻴﺤﺖ ﻋﻠﻴﻪ ﺍﻟﻬﺎ ﺍﻭ ﻭﻱ ﻏﻴﺮﻩ
ﻳﺎﻗﻮﺕ / ﺳﻤﻌﻨﻪ ﺩﻛﺖ ﺑﺎﺏ ﻛﺎﻣﺖ ﻭﺣﺪﻩ ﻣﻦ ﺍﻟﺒﻨﺎﺕ ﻭﻛﺎﻟﺖ ﻣﻨﻮ ﻓﺎ ﺳﻤﻌﻨﻪ ﺻﻮﺕ ﺯﻟﻤﻪ ﻛﺎﻝ ﻫﺬﺍ ﺭﻳﻮﻙ ﺍﻟﻨﻪ ﻓﺘﺤﺖ ﺍﻟﺒﺎﺏ ﻭﻣﺎﻛﻮ ﺍﺣﺪ ﺟﺎﺑﺖ ﺍﻟﺼﻴﻨﻴﻪ
ﻭﻧﺎﺩﻳﺖ ﻋﻠﻰ ﺑﻨﻴﻪ ﻭﺟﺎﺑﻦ ﺍﻻﻛﻞ ﺑﺲ ﺍﻛﻞ ﺟﺜﻴﺮ ﺍﺟﺒﺎﻥ ﻣﻦ ﻛﻞ ﺍﻻﻧﻮﺍﻉ ﻭﻛﻴﻤﺮ ﻋﺮﺏ ﻭﺑﻴﺾ ﻭﺯﻳﺘﻮﻥ ﻭﺧﻴﺎﺭ ﻭﻣﺮﺑﻪ ﻭﺟﺎﻱ ﻣﺨﺪﺭ
ﻓﺮﺷﺖ ﺍﻟﺴﻔﺮﻩ ﺍﻧﻲ ﻭﺳﺪﻳﻢ ﻭﻛﻠﻨﻪ ﻛﻌﺪﻧﻪ ﻧﺎﻛﻞ ﺍﺧﺬﺕ ﺟﻨﻰ ﻣﻦ ﺣﻈﻦ ﻣﺮﺍﻡ ﻭﻇﻠﻴﺖ ﺍﻭﻛﻞ ﺑﻴﻪ ﺩﺣﻜﺖ ﻋﻠﻰ ﺳﺪﻳﻢ ﺗﺎﻛﻞ ﺑﻬﺪﻭﺀ ﻭﺗﺮﺟﻊ ﺗﺼﻔﻦ ﻧﺪﺯﺗﻬﺎ ﻋﻠﻰ ﻛﺘﻔﻪ
ﻳﺎﻗﻮﺕ : ﻳﻮﻝ ﺷﺒﻴﺞ ﺻﺎﻓﻨﻪ ﻟﻴﺶ ﻣﺎﺗﺎﻛﻠﻴﻦ
ﺳﺪﻳﻢ ﺍﻧﺘﺒﻬﺖ : ﻫﺎ ﻣﺎﻛﻮ ﺷﻲ
ﻳﺎﻗﻮﺕ : ﺷﻨﻮ ﻣﺎﻛﻮ ﺷﻲ ﻭﺍﻧﺘﻲ ﺻﺎﻓﻨﻪ ﻭﻣﺎﺗﺎﻛﻠﻴﻦ
ﺳﺪﻳﻢ ﺑﺤﺰﻥ : ﻳﺎﻗﻮﺕ ﺍﻧﻲ ﺧﺎﻳﻔﻪ
ﻳﺎﻗﻮﺕ ﺑﺎﺍﺳﺘﻐﺮﺍﺏ : ﻣﻦ ﺷﻨﻮ
ﺳﺪﻳﻢ ﺩﻧﻜﺖ ﺭﺍﺳﻪ : ﻣﻦ ﻛﻠﺸﻲ ﺧﺎﻳﻔﻪ ﻣﻦ ﺍﻟﻤﺴﺘﻘﺒﻞ
ﺷﺮﺍﺡ ﻳﺼﻴﺮ ﻭﻳﺎﻧﻪ ﺷﻨﻮ ﻳﻌﻨﻲ ﺭﺍﺡ ﻧﺒﻘﻪ ﻫﻴﺞ ﺭﺍﺡ ﻧﻨﺤﺸﻚ ﺑﻴﻦ ﻫﺎﻱ ﺍﻟﻨﺎﺱ ﺗﺮﻯ ﺍﻧﻲ ﻣﺎﻣﺘﻌﻮﺩﻩ ﻫﻴﺞ ﻳﻌﻨﻲ ﺍﻟﻰ ﻣﺘﻰ ﺗﺮﻯ ﻣﺎﻣﺘﻌﻮﺩﻩ ﻫﻴﺞ ﺩﺭﺍﺳﺘﻲ ﺷﻨﻮ ﻣﺮﺍﺡ ﺍﻛﻤﻠﻪ ﺗﺮﻯ ﻇﻠﻢ ﺍﻟﻲ ﻳﺼﻴﺮ ﺑﻴﻨﻪ ﻭﺍﻟﻠﻪ
ﻳﺎﻗﻮﺕ ﺑﺤﺰﻥ : ﺷﻨﺴﻮﻱ ﻫﺬﺍ ﺍﻟﻲ ﺍﻟﻠﻪ ﻛﺘﺒﻪ ﺍﻟﻨﻪ ﻭﻣﺎﻧﻜﺪﺭ ﻧﻌﺘﺮﺽ ﻋﻠﻰ ﺣﻜﻢ ﺍﻟﻠﻪ
ﺍﻥ ﺷﺎﺀﺍﻟﻠﻪ ﺑﺲ ﺗﻬﺪﺉ ﺍﻻﻭﺿﺎﻉ ﻧﺸﻮﻑ ﺣﻞ
ﺳﺪﻳﻢ : ﺍﻟﻠﻪ ﻛﺮﻳﻢ
ﻳﺎﻗﻮﺕ ﺍﺑﺘﺴﻤﺖ ﺍﻃﻤﻨﻪ : ﻻ ﺗﺨﺎﻓﻴﻦ ﻛﻠﺸﻲ ﻳﻨﺤﻞ ﻳﺎﻟﻪ ﺍﻛﻠﻲ ﺭﺍﺡ ﻳﺨﻠﺼﻦ ﺍﻻﻛﻞ ﻭﺍﺣﻨﻪ ﻣﻤﺎﻛﻠﻴﻦ
ﺍﺑﺘﺴﻤﺖ ﻭﻇﻠﺖ ﺗﺎﻛﻞ ﻭﺍﻧﻲ ﻫﻢ ﺍﻛﻠﺖ ﻭﻳﺎﻫﺎ ﻻﻥ ﺟﻮﻋﺎﻧﻪ ﻣﻦ ﺧﻠﺼﻨﻪ ﺣﻄﻴﺖ ﺍﻻﻛﻞ ﺑﻠﺼﻮﺍﻧﻲ ﻭﻃﻠﻌﺘﻬﻦ ﺑﺮﻩ ﺭﺩﺕ ﺍﻭﺩﻳﻬﻦ ﺍﻟﻬﻢ ﺑﺲ ﺳﻤﻌﺖ ﺻﻮﺕ ﻳﻤﻲ
ﻳﺤﺠﻲ ﺑﻌﺼﺒﻴﻪ ﺭﻓﻌﺖ ﺭﺍﺳﻲ ﺷﻔﺖ ﻫﺬﺍ ﻧﻔﺴﻪ
ﻳﺰﻛﺢ ﻋﻠﻴﻪ ﻭﻇﻞ ﻳﺘﺄﻣﺮ ﻭﺍﺧﺬ ﻣﻨﻲ ﺍﻟﺼﻴﻨﻴﻪ ﻣﺸﻪ ﻇﻠﻴﺖ ﺻﺎﻓﻨﻪ
: ﻫﺬﺍ ﺷﺒﻴﻪ ﺗﺨﺒﻞ ﺷﻨﻮ ﺍﻟﺤﻤﺪﻟﻠﻪ ﻭﺍﻟﺸﻜﺮ ﻋﻠﻰ ﺷﻨﻮ ﻳﺼﻴﺢ
ﺑﻤﻜﺎﻥ ﺛﺎﻧﻲ
ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ ﻭﺣﺎﻁ ﻇﻬﺮﻩ ﻋﻠﻰ ﺗﺎﺝ ﺍﻟﺠﺮﺑﺎﻳﻪ ﻭﻳﺒﺎﻭﻉ ﻋﻠﻴﻪ ﻭﻫﻮ ﻣﺒﺘﺴﻢ
ﻳﺘﺄﻣﻞ ﻛﻞ ﺗﻔﺎﺻﻴﻠﻪ ﺷﻠﻮﻥ ﺗﻨﺸﻒ ﺑﺸﻌﺮﻫﺎ ﺍﻟﻤﺒﻠﻞ ﻭﻣﺎﻣﻨﺘﺒﻪ ﻭﻳﺎﻩ
ﻗﺎﻃﻌﻪ ﻣﻦ ﺻﻔﻨﺘﻪ ﺻﻮﺗﻬﺎ : ﻏﺴﺎﻥ
ﻏﺴﺎﻥ ﺑﻔﻬﺎﻭﻩ : ﻫﺎﺍ ﻳﺎﻋﻴﻮﻥ ﻏﺴﺎﻥ
ﺟﻮﺭﻱ ﺑﺨﺠﻞ : ﻣﻮﺑﺎﻳﻠﻚ ﻳﺮﻥ
ﻏﺴﺎﻥ ﺍﻧﺘﺒﻪ ﻋﻠﻰ ﻣﻮﺑﺎﻳﻞ ﺷﺎﻓﻪ ﻳﺮﻥ ﺭﻓﻌﻪ ﻭﺷﺎﻑ ﺍﻻﺳﻢ ﺍﻟﻐﺜﻴﺚ ( ﻣﺮﻭﺍﻥ (😂
ﻏﺴﺎﻥ ﻣﺎﻝ ﺣﻠﻜﻪ ﺑﺄﻧﺰﻋﺎﺝ ﺑﻬﻤﺲ : ﺍﻫﻮﻭ ﻫﺴﻪ ﺷﻴﺨﻠﺼﻨﻲ ﻣﻦ ﺍﻟﺴﺎﻧﻪ
ﺟﻮﺭﻱ : ﻫﺎ ﺣﺒﻴﺒﻲ ﺷﻜﻠﺖ
ﻏﺴﺎﻥ ﺍﺑﺘﺴﻢ : ﻣﺎﻛﻮ ﺷﻲ ﺣﺒﻴﺒﺘﻲ ﻛﻤﻠﻲ ﺍﻧﺘﻲ ﻧﺸﻔﻲ ﺷﻌﺮﺝ ﻻ ﺗﺘﻤﺮﺿﻴﻦ.بيج قصص عراقيه حقيقيه من واقعنا.روعه الطائي
ﻫﺬﺍ ﻣﺮﻭﺍﻥ ﺍﺧﻮﺝ ﻳﺘﺼﻞ
ﻓﺘﺢ ﺍﻟﺨﻂ ﻭﻫﺴﺘﻮﻩ ﺭﺍﺩ ﻳﺠﺎﻭﺏ ﺑﺲ ﺑﻌﺪ ﺍﻟﻤﻮﺑﺎﻳﻞ ﻣﻦ ﺍﺫﻧﻪ ﻣﻦ ﺻﻮﺗﻪ ﺍﻟﻌﺎﻟﻲ
ﺭﺟﻊ ﺧﻼﻩ ﻋﻠﻰ ﺍﺫﻧﻪ : ﻭﺳﻢ ﻋﻠﻰ ﻫﺬﺍ ﺍﻟﺼﻮﺕ ﺷﺒﻴﻚ
ﻣﺮﻭﺍﻥ : ﺣﻈﺮﺕ ﺟﻨﺎﺑﻚ ﻟﻴﺶ ﻣﺎﺟﻨﺖ ﻭﻱ ﺍﻟﺸﺒﺎﺏ ﻧﺎﻳﻢ ﻳﻢ ﻣﺮﺗﻚ ﻟﺤﺪ ﻫﺴﻪ ﺷﻌﻨﺪﻙ
ﻏﺴﺎﻥ : ﺍﻧﺖ ﻛﻠﺖ ﻣﺮﺗﻲ ﻳﻌﻨﻲ ﺷﻠﻮﻥ ﺍﻋﻮﻑ ﻭﺟﻪ ﻣﺮﺗﻲ ﻭﺍﺑﺎﻭﻉ ﺑﻮﺟﻬﻚ ﺷﻨﻮ
ﻣﺮﻭﺍﻥ : ﻳﺤﺼﻠﻚ ﺍﺻﻠﻦ ﺗﺒﺎﻭﻉ ﺑﻮﺟﻬﻲ ﺑﺲ ﺍﻛﻠﻚ
ﻏﺴﺎﻥ : ﻫﺎﺍ ﺷﺘﺮﻳﺪ
ﻣﺮﻭﺍﻥ : ﻭﺟﻌﺎ .. ﺗﺮﻯ ﻣﺮﺗﻚ ﺗﺸﺒﻬﻨﻲ ﻗﺒﻞ ﻻ ﺗﺤﻒ ﺷﻮﺍﺭﺑﻪ ﻫﻬﻬﻬﻪ
ﻏﺴﺎﻥ ﺿﺤﻚ : ﻭﺟﻊ ﻫﻲ ﻻ ﺗﺤﺠﻲ ﻋﻠﻰ ﻣﺮﺗﻲ ﺍﺻﻠﻦ ﺍﺫﺍ ﺟﺎﻧﺖ ﺗﺸﺒﻬﻚ ﻣﺎﺍﺧﺬﻩ
ﻭﻫﺴﻪ ﻛﻠﻲ ﺷﺘﺮﻳﺪ
ﻣﺮﻭﺍﻥ ﺑﺨﺒﺎﺛﻪ : ﻫﻴﺞ ﻣﺮﺍﻳﺪ ﺷﻲ ﺑﺲ ﺣﺒﻴﺖ ﺍﺧﺒﺚ ﻭﻳﺎﻙ ﻭﺍﻗﻄﻊ ﺟﻮﻙ ﺍﻟﺮﻭﻣﺎﻧﺴﻲ
ﻏﺴﺎﻥ : ﺍﻳﺎ ﻃﺎﻳﺢ ﺍﻟﺤﻆ ﺣﺴﺒﺎﻟﻲ ﻋﻨﺪﻙ ﺷﻲ ﺑﻴﻪ ﺧﻴﺮ ﻳﺎﻟﻪ ﻭﻟﻲ
ﻭﻗﻄﻌﻪ ﺑﺪﻭﻥ ﻣﺎﻳﺴﻤﻊ ﻣﻨﻪ ﺟﻮﺍﺏ
ﻏﺴﺎﻥ : ﻭﺟﻊ ﺍﻧﻲ ﺍﻋﻠﻤﻚ ﺑﺲ ﺧﻞ ﺍﺷﻮﻓﻚ ﺻﺪﻙ ﻣﺎ ﺗﻨﺪﻣﺖ ﻳﻮﻡ ﺳﻤﻴﺘﻚ ﻏﺜﻴﺚ
ﺭﻓﻌﺖ ﺭﺍﺳﻲ ﻭﺷﻔﺖ ﺟﻮﺭﻱ ﺗﺒﺎﻭﻋﻠﻲ ﻭﻣﺎﺩﻩ ﺍﻟﺒﻮﺯ : ﺷﺒﻴﺞ ﻫﻴﺞ ﻣﺒﻮﺯﻩ
ﺟﻮﺭﻱ ﺑﺰﻋﻞ : ﻟﻴﺶ ﻫﻴﺞ ﺗﺤﺠﻲ ﻋﻠﻰ ﺍﺧﻮﻱ ﻭﺍﺗﻜﻮﻝ ﻋﻨﻪ ﻏﺜﻴﺚ
ﻏﺴﺎﻥ : ﻫﻬﻬﻪ ﻋﻠﻰ ﻫﺎﻱ ﻭﻟﺞ ﻏﻴﺮ ﻻﻥ ﺍﺣﺒﻪ ﺍﺳﻤﻴﻪ ﺍﻟﻐﺜﻴﺚ ﺑﺲ ﻭﺍﻟﻠﻪ ﻟﻮ ﺗﺪﺭﻳﻦ ﺷﻜﺎﻝ ﻋﻠﻴﺞ ﺟﺎﻥ ﺻﺮﺗﻲ ﻭﻳﺎﻱ ﻭﻭﻛﻔﺘﻲ ﺿﺪﻩ
ﺟﻮﺭﻱ ﺍﻗﺘﺮﺑﺖ ﻣﻨﻪ : ﻭﺷﻜﺎﻝ ﻋﻠﻴﻪ
ﻏﺴﺎﻥ ﻛﺘﻢ ﺿﺤﻜﺘﻪ ﻭﻛﺎﻝ : ﻳﻜﻮﻝ ﺍﻧﺘﻲ ﺍﺗﺸﺒﻴﻪ ﻗﺒﻞ ﻻ ﺗﺤﻔﻴﻦ ﺷﻮﺍﺭﺑﺞ
ﻭﻣﺎﻛﺪﺭ ﺿﺤﻚ ﺑﺼﻮﺕ ﻋﺎﻟﻲ ﻣﻦ ﺷﺎﻑ ﺷﻜﻞ ﺟﻮﺭﻱ
ﺣﺎﻃﻪ ﺍﻳﺪﻩ ﻋﻠﻰ ﺣﻜﻠﻪ ﺑﺼﺪﻣﻪ : ﺍﻳﺎ ﻧﺬﻝ ﻳﺎ ﻣﺮﻭﺍﻥ ﺍﻧﻲ ﺍﻋﻠﻤﻚ ﻫﻴﺞ ﻛﺎﻝ ﻋﻠﻴﻪ
ﻏﺴﺎﻥ : ﺍﻱ ﻫﻴﺞ ﻛﺎﻝ
ﻭﺟﺮﻩ ﻣﻦ ﺍﻳﺪﻫﺎ ﻭﻃﺎﺣﺖ ﺑﺤﻈﻨﻪ ﻭﻫﻤﺲ : ﻋﻮﻓﻴﻨﻪ ﻣﻦ ﻣﺮﻭﺍﻥ ﻫﺴﻪ ﺧﻠﻴﻪ ﻳﻮﻟﻲ
ﻭﺧﻠﻴﻨﻪ ﺑﻨﻔﺴﻨﻪ
ﺟﻮﺭﻱ ﺑﺨﺠﻞ ﺭﺍﺩﺕ ﺍﺗﻜﻮﻡ ﺑﺲ ﻫﻮ ﺛﺒﺘﻪ ﻭﻟﺰﻣﻪ ﻣﻦ ﺧﺼﺮﻩ : ﻭﻳﻦ ﺭﺍﻳﺤﻪ ﺗﻌﺎﻱ
ﺑﺎﺱ ﻣﻦ ﺭﻛﺒﺘﻪ ..
