#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
noorhaidar18
#بارت٣٠والأخيرررررر
ﺃﻧﺎ ﺿﺪَّ ﻛﻞِّ ﺍﻟﺘﻌﺎﺭﻳﻒ ﻓﻲ ﺍﻟﺤﺐِّ ..
ﻓﻬﻲ ﺟﻤﻴﻌﺎً ﻗﻮﺍﻟﺐ ..
ﻭﺿﺪ ﺟﻤﻴﻊ ﺍﻟﻮﺻﺎﻳﺎ ﺍﻟﻘﺪﻳﻤﺔِ،
ﺿﺪ ﺟﻤﻴﻊ ﺍﻟﻨﺼﻮﺹ،
ﻭﺿﺪ ﺟﻤﻴﻊ ﺍﻟﻤﺬﺍﻫﺐ ..
ﻓﻼ ﻳﺼﻨﻊ ﺍﻟﺤﺐ ﺇﻻ ﺍﻟﺘﺠﺎﺭﺏ ..
ﻭﻻ ﻳﺼﻨﻊ ﺍﻟﺒﺤﺮ .. ﺇﻻ ﺍﻟﺮﻳﺎﺡُ ﻭﺇﻻ ﺍﻟﻤﺮﺍﻛﺐْ
ﻭﻻ ﻳﺴﺘﻄﻴﻊ ﺍﻟﺤﺪﻳﺚَ ﻋﻦ ﺍﻟﺤﺮﺏ .. ﺇﻻ ﺍﻟﻤﺤﺎﺭﺏْ
ﺃﻧﺎ ﺃﻓﻌﻞ ﺍﻟﺤﺐ .. ﻟﻜﻦ ﺇﺫﺍ ﺳﺄﻟﻮﻧﻲ ﻋﻨﻪ .
ﻓﺈﻧﻲ ﺃﻓﻀﻞُ ﺃﻥ ﻻ ﺃﺟﺎﻭﺏ ..
| ﻧﺰﺍﺭ ﻗﺒﺎﻧﻲ .
ﻳﺎﻗﻮﺕ / ﺛﺎﻧﻲ ﺣﺴﻴﺖ ﻭﺟﻊ ﺭﺍﺳﻲ ﺭﺟﻌﻠﻲ ﻣﺜﻞ ﻗﺒﻞ .. ﺍﻫﺠﺲ ﺭﻭﺣﻲ ﺭﺍﺡ ﺗﻄﻠﻊ ﻣﻦ ﺍﻻﻟﻢ
ﺷﺪﻳﺖ ﺭﺍﺳﻲ ﺑﻠﺸﺎﻝ .. ﺧﻠﻴﺖ ﺭﺍﺳﻲ ﻋﻠﻰ ﺣﻈﻦ ﺍﻣﻲ
ﻭﺍﺑﺠﻲ
ﻣﻦ ﺍﻟﺼﺒﺢ ﻭﻟﺤﺪ ﻫﺴﻪ ﺍﻟﻈﻬﺮ ﻭﺍﻧﻲ ﻣﺎﺣﺎﻃﻪ ﺷﻲ ﺑﺤﻠﻜﻲ
ﺍﻣﻲ ﺗﺼﻴﺢ ﻋﻠﻴﻪ ﻭﺍﺗﻜﻠﻲ ﺭﺍﺳﺞ ﺷﻠﻮﻥ ﻳﻄﻴﺐ ﺍﺫﺍ ﻣﺎﺗﺎﻛﻠﻴﻦ
ﺑﺲ ﺍﻧﻲ ﻭﻳﻦ .. ﻣﺎﺍﺷﺘﻬﻲ ﺍﺣﻂ ﺍﻱ ﺷﻲ ﺑﺤﻠﻜﻲ
ﺣﺴﻴﺖ ﻣﺜﻞ ﺍﻟﻀﺮﺑﻪ ﺍﺟﺘﻨﻲ ﻋﻠﻰ ﺭﺍﺳﻲ .. ﺻﺮﺧﺖ ﺑﻘﻮﻭﻩ
: ﺍﺍﺍﺥ ﻳﻤﻪ
ﺑﻌﺪﺗﻨﻲ ﺍﻣﻲ ﻋﻨﻪ ﻭﺩﺣﻜﺘﻠﻲ ﺑﺨﻮﻭﻑ : ﻳﻤﻪ ﺷﺒﻴﺞ ..
ﻇﻠﻴﺖ ﺍﺷﻬﻚ ﻣﻦ ﺍﻟﺒﺠﻲ : ﻳﻤﻪ ﺭﺍﺳﻲ ﺩﺧﻴﻠﺞ ﺭﺍﺡ ﻳﻤﻮﺗﻨﻲ ﻭﺍﻟﻠﻪ .. ﺳﻮﻳﻠﻲ ﺣﻞ
ﻇﻠﺖ ﺗﻀﺮﺏ ﺭﺟﻠﻪ ﺑﻘﻬﺮ : ﻳﻤﻪ ﺷﺴﻮﻭﻱ ﺑﺲ ﻓﻬﻤﻴﻨﻲ ﻫﺴﺎﻉ ﺣﺘﻰ ﺍﺧﻮﺝ ﻣﺎﻛﻮﻭ ﻭﺍﺗﺼﻞ ﻋﻠﻴﻪ ﻣﺎﻳﺮﺩ
ﺍﺗﺼﻞ ﻋﻠﻰ ﺭﺟﻠﺞ ﺍﺣﺴﻦ ﺧﻞ ﻳﺎﺧﺬﺝ ﻟﻠﻄﺒﻴﺐ ..
ﻛﻠﺖ ﻭﺩﻣﻮﻋﻲ ﺗﻨﺰﻝ : ﻻ ﻳﻤﻪ ﻻ ﺗﺘﺼﻠﻴﻦ ﻋﻠﻴﻪ
: ﻟﻴﺶ ﻭﻟﺞ ﺧﻞ ﻳﺠﻲ ﻭﻳﺸﻮﻑ ﺣﺎﻟﺘﺞ
: ﻣﺎﻛﻮ ﻳﻤﻪ ﻫﺴﺎﻉ ﻭﺍﻃﻴﺐ ﻭﻳﺮﻭﺡ ﺍﻻﻟﻢ
: ﺍﺍﺥ ﻣﻨﺞ ﺑﺲ ﻟﻮ ﺗﺤﺠﻴﻦ ﺷﻜﻮ ﺷﺼﺎﻳﺮ ﺑﻴﻨﺎﺗﻜﻢ
: ﻣﺎﻛﻮ ﻳﻤﻪ ﻣﺸﻜﻠﻪ ﺑﺴﻴﻄﻪ ﻭﺍﺟﻴﺖ ﻫﻴﻦ ﺗﺎ ﺍﺭﺗﺎﺡ ..
ﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ ﻭﺍﻧﻲ ﻻﺯﻣﻪ ﺭﺍﺳﻲ .. ﺳﺪﻳﺖ ﺍﻟﺒﺎﺏ ﻭﺭﺣﺖ ﺍﺗﻤﺪﺩﺕ ﻋﻠﻰ ﺍﻟﻔﺮﺍﺵ
ﺩﻓﻨﺖ ﻭﺟﻬﻲ ﺑﻠﻤﺨﺪﻱ ﻭﺍﺿﻐﻂ ﺑﻘﻮﻭﻩ ﻋﻠﻰ ﺭﺍﺳﻲ ﺑﺲ ﺷﻮﻱ ﺍﺭﻳﺪ ﺍﻻﻟﻢ ﻳﺨﻒ
ﺍﺗﺬﻛﺮﺕ ﺿﺮﻏﺎﻡ .. ﻭﻇﻠﻴﺖ ﺍﺑﺠﻲ ﻭﺍﺷﻬﻚ ﺑﻘﻮﻭﻩ .
ﻫﻮ ﺍﻧﻲ ﻋﺎﻳﺰﻩ ﺍﻟﻢ ﻭﻗﻬﺮ ﺍﺩﻭﺭ ﻳﺠﻲ ﻫﻮ ﻋﻠﻰ ﺑﺎﻟﻲ .
: ﺭﺑﻲ ﺩﺧﻴﻠﻚ ﻃﻠﻌﻪ ﻣﻦ ﺑﺎﻟﻲ .. ﻻﻥ ﺗﻌﺒﺖ ﻭﻣﺎﻛﺪﺭ ﺑﻌﺪ
ﺭﺑﻲ ﺧﻔﻒ ﻫﺬﺍ ﺍﻻﻟﻢ ﻣﻦ ﺭﺍﺳﻲ ﻻﻥ ﺭﺍﺡ ﺍﻣﻮﻭﺕ ﻣﻨﻪ ..
ﻇﻠﻴﺖ ﺍﺑﺠﻲ ﻭﺗﻌﺒﺖ ﻛﻠﺸﻲ .. ﻣﺴﺤﺖ ﺩﻣﻮﻋﻲ ﻭﻇﻠﻴﺖ ﺻﺎﻓﻨﻪ
ﺣﺴﻴﺖ ﺑﺜﻘﻞ ﺑﻌﻴﻮﻧﻲ .. ﺷﻮﻱ ﺷﻮﻱ ﻭﻏﻤﻀﺖ ﻋﻴﻨﻲ ﻭﻏﻔﻴﺖ ..ﺣﺴﻴﺖ ﻋﻠﻰ ﺍﻳﺪ ﺗﻨﺪﻫﻨﻲ .. ﻛﺎﻋﺪ ﺍﺳﻤﻊ ﺣﺴﻮﻭ
ﺍﻧﻲ ﺍﺣﻠﻢ ﻟﻮ ﺣﻘﻴﻘﻪ ﻫﺬﺍ ﺻﻮﺗﻮ ..
ﻓﺘﺤﺖ ﻋﻴﻨﻲ ﻭﺍﺣﺲ ﺍﻟﺼﻮﺭﻩ ﻣﻐﻮﺷﻪ .. ﺭﺟﻌﺖ ﻏﻤﻀﺖ ﻋﻴﻨﻲ ﻭﻓﺘﺤﺘﻪ ﻭﺿﺤﺘﻠﻲ ﺍﻟﺼﻮﺭﻩ
ﺩﺣﻜﺖ ﻟﻜﻴﺖ ﺿﺮﻏﺎﻡ ﻻﺯﻡ ﺍﻳﺪﻱ ﻭﻳﺒﺘﺴﻢ ..
: ﺷﻠﻮﻥ ﺻﺮﺗﻲ
ﻳﻌﻨﻲ ﺻﺪﻙ ﻣﻮﺟﻮﺩ ﻭﻣﻮ ﺣﻠﻢ ﺩﺣﻜﺖ ﺍﻧﻲ ﺑﻐﺮﻓﺘﻲ ..
ﺍﺗﺬﻛﺮﺕ ﺷﺼﺎﺭ ﻭﻳﺎﻱ ﺍﻟﻴﻮﻡ ... ﺭﺟﻌﺖ ﺩﺣﻜﺖ ﻋﻠﻴﻪ ﻫﻮ
ﺩﺣﻜﺘﻠﻮ ﺑﺤﻘﺪ ﻭﺳﺤﺒﺖ ﺍﻳﺪﻱ ﻣﻨﻪ .. ﺭﻓﻌﺖ ﺟﺴﻤﻲ ﻭﻋﺪﻟﺖ ﻛﻌﺪﺗﻲ
ﻛﺘﻠﻮ ﺑﻘﻬﺮ : ﺍﻧﺖ ﺷﺘﺴﻮﻱ ﻫﻨﺎ ﺷﺠﺎﺑﻚ
: ﺍﺟﻴﺖ ﺣﺘﻰ ﺍﺷﻮﻓﺞ ﻭﺍﻣﺞ ﻛﺎﻟﺖ ﺗﻌﺒﺎﻧﻪ ﻭﺍﺟﻴﺖ ﻛﻌﺪﺕ ﺑﻠﻐﺮﻓﻪ ﺣﺘﻰ ﺍﺷﻮﻓﺞ ﺑﺲ ﺟﻨﺘﻲ ﻧﺎﻳﻤﻪ ﻭﺍﻧﺘﻈﺮﺗﺞ ﺣﺘﻰ ﺍﺗﻜﻌﺪﻳﻦ ..
: ﻭﻋﻠﻴﺶ ﺟﺎﻱ ﻫﺎﺍ ﻣﻮ ﻛﺘﻠﻚ ﺍﺭﻳﺪ ﺍﺑﻘﻪ ﻭﺍﺭﺗﺎﺡ .. ﻋﻮﻓﻨﻲ ﺧﻠﻴﻨﻲ ﻫﻨﺎ ﺍﺭﺗﺎﺡ
ﻻﻥ ﻣﻦ ﺍﺷﻮﻓﻚ ﺍﺗﺬﻛﺮ ﻛﻞ ﺍﻟﻲ ﺻﺎﺭﻟﻲ .. ﺍﻧﻲ ﺷﺤﺼﻠﺖ ﻳﻤﻚ ﻫﺎ ﻏﻴﺮ ﺍﻟﻘﻬﺮ .
ﻋﺎﺩ ﺧﻠﻴﻨﻲ ﻫﺎﻱ ﺍﻻﻳﺎﻡ ﻳﻢ ﺍﻫﻠﻲ ﻭﻓﺮﺣﺎﻧﻪ ﺑﻴﻬﻢ ..
: ﻣﺎﺷﻲ ﺭﺍﺡ ﺗﺒﻘﻴﻦ ﻫﻨﺎ ﺑﺲ ﻛﺘﻠﺞ ﻣﻜﺎﻧﺞ ﻣﻮ ﻫﻨﺎ .. ﺍﻧﺘﻲ ﻣﻜﺎﻧﺞ ﻳﻤﻲ
ﻭﻫﺴﻪ ﺧﻠﻴﺘﺞ ﻋﻠﻰ ﺭﺍﺣﺘﺞ ﻻﻥ ﺷﻔﺘﺞ ﺗﻌﺒﺎﻧﻪ ..
ﺳﻜﺘﺖ ﻣﺎﺣﺠﻴﺖ ﺷﻲ ﻭﻳﺎﻩ .. ﺭﺟﻊ ﻫﻮ ﺳﺌﻠﻨﻲ ﻭﻛﺎﻝ
: ﺯﻳﻦ ﺷﻠﻮﻥ ﺻﺎﺭ ﺭﺍﺳﺞ ﻫﺴﻪ
: ﺍﻟﺤﻤﺪﻟﻠﻪ ﺍﺣﺴﻦ
: ﻭﻟﻴﺶ ﻣﺎﺗﻘﺒﻠﻴﻦ ﺗﺎﻛﻠﻴﻦ .. ﻟﻴﺶ ﺗﻌﺎﻧﺪﻳﻦ ﻳﺎﻗﻮﺕ ﺍﻛﻠﻲ ﻓﺪﻭﻩ ﻻ ﻳﺼﻴﺮ ﺑﻴﺞ ﺷﻲ
ﺭﻓﻌﺖ ﺣﺎﺟﺒﻲ : ﻭﺍﻧﺖ ﺷﻨﻮ ﺧﺎﻳﻒ ﻋﻠﻴﻪ ﻭﺗﻬﻤﻚ ﺻﺤﺘﻲ
: ﺍﺳﺘﻐﻔﺮ ﺍﻟﻠﻪ .. ﻳﺎﻗﻮﺕ ﺍﺫﺍ ﻣﻮ ﻋﻠﻤﻮﺩ ﻧﻔﺴﺞ ﻓﺎ ﻋﻠﻤﻮﺩ ﺳﺮﺍﺝ ﺧﻄﻴﻪ ﺍﻟﺒﺎﺭﺣﻪ ﻛﻠﻪ ﻳﺴﺌﻞ ﻋﻠﻴﺞ
ﺩﻣﻌﻪ ﻧﺰﻟﺖ ﻣﻦ ﻋﻴﻨﻲ : ﺍﻧﺖ ﻫﺬﺍ ﻛﻠﻪ ﺍﻟﻲ ﻳﻬﻤﻚ ﻣﺼﻠﺤﺘﻚ ﻭﻣﺼﻠﺤﺔ ﺍﺑﻨﻚ
ﺯﻳﻦ ﺍﻧﻲ ﺷﻨﻮ ﻣﻮﻗﻌﻲ ﺑﻴﻨﺎﺗﻜﻢ ﺷﻨﻮ ﻣﺼﻠﺤﺘﻲ ﺍﺷﻮ ﺗﺰﻭﺟﺘﻚ ﻭﻣﺎﺷﻔﺖ ﻳﻮﻡ ﺭﺍﺣﻪ ..
ﺑﺲ ﺍﻧﺖ ﺍﻟﻲ ﺗﺮﻳﺪﻩ ﺭﺍﺣﺘﻚ ﻭﺭﺍﺣﺖ ﺳﺮﺍﺝ ..
ﻫﺴﻪ ﺣﺘﻰ ﻣﺎﻛﻠﺖ ﺧﺎﻳﻒ ﻋﻠﻴﺞ ﻟﻮ ﺍﺗﻬﻤﻴﻨﻲ ﻟﻮ ﺗﺠﻲ ﺗﻌﺘﺬﺭ ﻣﻨﻲ ..
ﻻ ﺍﺟﻴﺖ ﻭﻛﻠﺖ ﻋﻠﻤﻮﺩ ﺳﺮﺍﺝ .. ﺧﻔﺖ ﻋﻠﻴﻪ ﻭﺍﻧﻲ ﺯﻳﻦ ﻣﻨﻮ ﺍﻟﻲ ﻳﺨﺎﻑ ﻋﻠﻴﻪ ﻫﺎ
ﺩﺣﻜﻠﻲ ﻣﺼﺪﻭﻡ ﻣﻦ ﺍﻧﻔﻌﺎﻟﻲ ﻋﻠﻴﻪ : ﺯﻳﻦ ﻟﻴﺶ ﻫﻴﺞ ﺗﺤﺠﻴﻦ ﺗﺮﻯ ﺍﻧﻲ ﻣﺎﻛﻠﺖ ﺷﻲ ﻭﺍﻧﺘﻲ ﻫﻠﻜﺪ ﺷﺎﻳﻠﻪ ﻋﻠﻰ ﺳﺮﺍﺝ ﺗﺮﻯ ﻫﻮ ﻳﺤﺒﺞ
: ﺍﻧﻲ ﻫﻢ ﺍﺣﺒﻪ ﻭﺍﻟﻠﻪ ﺑﺲ ﺗﻌﺒﺎﻧﻪ ﻣﻨﻚ ﺿﺮﻏﺎﻡ ﻓﺪﻭﻭﻩ ﻋﻮﻓﻨﻲ ﺧﻠﻴﻨﻲ ﻭﺣﺪﻱ ..
ﺍﺭﻳﺪ ﺍﺭﺗﺎﺡ ﻣﺎﺭﻳﺪ ﺍﺷﻮﻓﻚ ﻛﺎﻓﻲ ﺣﺲ ﺑﻴﻪ
ﻇﻞ ﺻﺎﻓﻦ ﻋﻠﻴﻪ ﺍﻗﺘﺮﺏ ﻭﺑﺎﺳﻨﻲ ﻣﻦ ﺭﺍﺳﻲ ﻭﺍﻧﻲ ﺍﺑﺠﻲ
ﺍﺑﺘﻌﺪ ﻋﻨﻲ ﻭﻛﺎﻝ : ﺍﻥ ﺷﺎﺀﺍﻟﻠﻪ ﺍﻧﻲ ﺭﺍﺡ ﺍﺧﻠﻴﺞ ﻋﻠﻰ ﺭﺍﺣﺘﺞ ﺣﺘﻰ ﺗﺮﺗﺎﺣﻴﻦ ﻭﺣﺪﺝ ﻣﻨﺎ ﻟﺰﻭﺍﺝ ﻭﺍﺋﻞ ﻭﺳﺪﻳﻢ
ﻭﺑﻌﺪﻩ ﺍﺟﻲ ﺍﺧﺬﺝ .. ﻭﻫﺴﻪ ﺍﻋﻮﻓﺞ ﺍﻧﻲ ﻭﺍﻱ ﺷﻲ ﺗﺤﺘﺎﺟﻴﻪ ﺍﻧﻲ ﻣﻮﺟﻮﺩ ..
ﻣﻊ ﺍﻟﺴﻼﻣﻪ
ﻛﺎﻡ ﻭﻃﻠﻊ ﻣﻦ ﺍﻟﻐﺮﻓﻪ ﻭﺳﺪ ﺍﻟﺒﺎﺏ .. ﻫﻮ ﻃﻠﻊ ﻣﻨﺎ ﻭﺍﻧﻲ ﻇﻠﻴﺖ ﺍﺑﺠﻲ
ﺍﺍﺍﺥ ﺭﺑﻲ ﺷﺼﺎﺭ ﺑﻴﻪ ﺍﻧﻲ .. ﺳﺎﻋﻪ ﺍﺭﻳﺪﻩ ﻭﺳﺎﻋﻪ ﻻ ..
ﺷﺴﻮﻱ ﺍﻧﻲ ﺗﻌﺒﺖ ﺭﺑﻲ ﺩﺧﻴﻠﻚ ﺭﻳﺢ ﺑﺎﻟﻲ ﻭﻛﻠﺒﻲ .. ﻓﺮﺝ ﻫﻤﻲ ﻳﺎﺭﺏ ..
ﺑﻘﻴﺖ ﺣﺎﺑﺴﻪ ﻧﻔﺴﻲ ﺑﻠﻐﺮﻓﻪ .. ﻟﻠﻴﻞ ﻳﺎﻟﻪ ﻃﻠﻌﺖ ﻟﻜﻴﺘﻬﻢ ﻛﻠﻬﻢ ﻣﻠﺘﻤﻴﻦ
ﻛﻌﺪﺕ ﻳﻤﻬﻢ ﻭﺍﻣﻲ ﻛﺎﻟﺖ : ﺷﻠﻮﻥ ﺻﺮﺗﻲ ﻫﺴﺎﻉ ﻳﻤﻪ
ﻫﺰﻳﺖ ﺭﺍﺳﻲ : ﺑﺨﻴﺮ ﻳﻤﻪ ﺍﺣﺴﻦ ﺻﺮﺕ
: ﺧﻮﺵ ﻳﻤﻪ ﻟﻌﺪ ﺧﻞ ﻧﺼﺒﻠﺞ ﺍﻛﻞ
: ﻻ ﻳﻤﻪ ﻣﺎﺭﻳﺪ ﻻﻥ ﻣﺎﺷﺘﻬﻲ
: ﻳﻤﻪ ﻓﺪﻭﻩ ﺍﺫﺍ ﺍﻟﻲ ﺧﺎﻃﺮ ﻋﻨﺪﺝ ﺍﻛﻠﻲ .. ﺍﻧﺘﻲ ﺷﺎﻳﻔﻪ ﺭﻭﺣﺢ ﺷﻠﻮﻥ ﺻﺎﻳﺮﻩ
ﺿﻌﻔﺎﻧﻪ ﻛﻠﺶ ﻭﻭﺟﻬﺞ ﺫﺑﻼﻥ ..
: ﻳﻤﻪ ﻣﺎﺭﻳﺪ ﻭﺍﻟﻠﻪ
: ﻳﻤﻪ ﻛﻠﺖ ﻟﺨﺎﻃﺮﻱ ﻳﻌﻨﻲ ﻣﺎﻟﻲ ﺧﺎﻃﺮ ﻋﻨﺪﺝ
: ﻣﺎﺷﻲ ﻳﻤﻪ ﻋﻠﻤﻮﺩﺝ ﺭﺍﺡ ﺍﻛﻞ
ﺳﺪﻳﻢ ﻛﺎﻣﺖ ﻭﻛﺎﻟﺖ : ﺭﺍﺡ ﺍﺭﻭﺡ ﺍﺟﻴﺒﻠﺞ ﺍﻛﻞ
ﺭﺍﺣﺖ ﻭﺷﻮﻳﻪ ﺟﺎﺑﺖ ﻋﺸﻪ ﺍﻟﻲ .. ﺣﻤﺘﻪ ﻭﺟﺎﺑﺘﻪ
ﺍﻛﻠﺖ ﺍﻭﻝ ﻟﻜﻤﻪ ﻭﺑﻠﻌﺘﻪ ﺑﺼﻌﻮﺑﻪ ﻭﺍﺣﺲ ﺍﻟﻌﺒﺮﻩ ﺧﺎﻧﻜﺘﻨﻲ
ﺍﻛﻠﺖ ﺷﻜﻢ ﻟﻜﻤﻪ ﻭﻛﻤﺖ ﻻﻥ ﺑﻌﺪ ﻣﺎﻛﺪﺭ ﺍﻛﻞ ..
ﻣﺮﺕ ﺍﻻﻳﺎﻡ ﻭﺍﻧﻲ ﺑﺎﻗﻴﻪ ﻋﻨﺪ ﺍﻫﻠﻲ ﻭﺳﺪﻳﻢ ﻟﺤﺪ ﻫﺴﻪ ﺗﺠﻬﺰ ﺑﻨﻔﺴﻪ ﻭﺭﺍﺡ ﺗﺨﻠﺺ ﻣﻦ ﺗﺠﻬﻴﺰﺍﺗﻪ
ﻭﺷﻠﻮﻥ ﻳﻌﺪﻟﻦ ﻭﻳﺴﻮﻥ ﻭﺍﻧﻲ ﺑﺲ ﻫﻴﺞ ﺍﺩﺣﻚ ﻋﻠﻴﻬﻦ ﻛﻠﺸﻲ ﻣﺎﺳﻮﻱ
ﺣﺘﻰ ﻓﺴﺘﺎﻥ ﻣﺎﺷﺘﺮﻳﺖ ﺍﻟﻲ .. ﻳﺮﺩﻥ ﻳﻄﻠﻌﻨﻲ ﻣﻦ ﻫﺬﺍ ﺍﻟﻤﻮﺩ ﻭﺍﻟﻜﺄﺑﻪ ﺍﻟﻲ ﺻﺎﺭﺕ ﻋﻨﺪﻱ
ﺑﺲ ﺍﻧﻲ ﻋﺎﺯﻟﻪ ﻧﻔﺴﻲ ﻛﻠﺶ ﻋﻨﻬﻦ ..بيج قصص عراقيه حقيقيه من واقعنا.روعه الطائي
ﺍﺣﺲ ﻧﻔﺴﻲ ﺻﺮﺕ ﺑﻘﺎﻳﻪ ﺍﻧﺴﺎﻥ .. ﺻﺮﺕ ﺟﺴﺪ ﺑﻼﺭﻭﺡ ﻫﻴﺞ ﻳﻤﺸﻲ ﻭﻋﺎﻳﺶ ﺑﻬﺎﻱ ﺍﻟﺪﻧﻴﺎ ﺑﺲ ﻛﻠﺸﺐ ﻣﺎﺣﺲ
ﺣﻴﺎﺗﻲ ﺻﺎﺭﺕ ﺑﺪﻭﻥ ﻃﻌﻢ .. ﺳﺮﺍﺝ ﺷﻜﻢ ﻣﺮﻩ ﺍﺟﻪ ﻋﻠﻴﻪ
ﻭﻳﺮﻳﺪﻧﻲ ﺍﺟﻲ ﻭﺍﻧﻲ ﺭﻓﻀﺖ ﻻﻥ ﻛﺮﻫﺖ ﻫﺬﺍﻙ ﺍﻟﺒﻴﺖ ﺍﺣﺴﻪ
ﻭﺍﻣﻪ ﻫﻢ ﻣﺮﻩ ﺍﺟﺖ ﻭﻋﺎﺗﺒﺖ ﻭﻛﺎﻟﺖ ﻣﺼﺎﺭﻟﻬﻢ ﺷﻬﺮ ﻭﺍﺟﺖ ﻟﻬﻠﻪ ﺷﻴﻜﻮﻟﻮﻥ ﻋﻠﻴﻨﻪ ﺍﻟﻨﺎﺱ
ﻭﺍﻣﻲ ﺍﺟﺖ ﻭﻛﻌﺪﺕ ﻳﻤﻲ ﻭﺗﻘﻌﻦ ﺑﻴﻪ ﺍﻧﻮ ﺍﺭﺟﻊ ﺑﺲ ﺍﻧﻲ ﻛﻠﺶ ﻣﻌﺎﻧﺪﻩ ﻭﻣﺎﺭﻭﺡ ﻫﻨﺎﻙ
ﺍﺧﻮﻱ ﺍﻣﻴﺮ ﺍﺑﺪ ﻣﺎﺩﺧﻞ ﻛﺎﻝ ﻫﻴﺎ ﺑﻴﻨﺎﺗﻬﻢ ﻭﺗﻨﺤﻞ ﺑﺲ ﺍﺫﺍ ﻃﻮﻟﺖ ﻻ ﺍﺗﺼﺮﻑ ﻭﺍﻋﺮﻑ ﺷﺼﺎﺭ ﺯﻳﺎﻫﻢ
ﻭﻳﻜﻞ ﻻﻣﻲ ﻭﺍﻟﺒﻨﺎﺕ .. ﺧﻠﻨﻪ ﻋﻠﻰ ﺭﺍﺣﺘﻪ ﻻ ﺗﻀﻐﻄﻦ ﻋﻠﻴﻪ
ﺍﻣﺒﻴﻦ ﻋﻠﻴﻪ ﺍﻟﺘﻌﺐ
ﻭﺻﺪﻙ ﻣﻦ ﺍﺭﻭﺣﻠﻪ ﻭﻳﺒﺘﺴﻢ ﺑﻮﺟﻬﻲ .. ﺍﻧﻲ ﺑﺴﺮﻋﻪ ﺍﺑﺘﺴﻢ ﺍﺣﺲ ﺑﺎﻻﻣﺎﻥ ﻳﻤﻪ ..
ﻇﻠﻴﺖ ﺣﺎﺑﺴﻪ ﻧﻔﺴﻲ ﺑﻠﻐﺮﻓﻪ ﻣﺎﻃﻠﻊ ﻣﻨﻪ .. ﻣﺎﻋﺮﻑ ﻟﻴﺶ ﻣﻦ ﺍﺩﺧﻞ ﻟﻠﻐﺮﻓﻪ ﻭﺍﻋﺰﻝ ﻧﻔﺴﻲ ﻋﻦ ﺍﻟﻌﺎﻟﻢ
ﻳﺠﻲ ﺿﺮﻏﺎﻡ ﻋﻠﻰ ﺑﺎﻟﻲ .. ﻭﺍﻛﻮﻡ ﺍﺣﻦ ﺍﻟﻪ ﻭﺍﺷﺘﺎﻗﻠﻪ ﻭﺍﻧﺴﻪ ﻛﻠﺸﻲ ﺳﻮﺍﻩ ﺍﻟﻲ
ﻭﺑﺪﻱ ﺍﺭﻭﺡ ﻫﺴﺎﻉ ﺍﻣﺸﻴﻠﻪ ﻭﺍﻛﻠﻪ ﺧﻞ ﻧﺒﺪﻱ ﺻﻔﺤﻪ ﺟﺪﻳﺪﻩ ..
ﺑﺲ ﺷﻲ ﻳﻤﻨﻌﻨﻲ ﻭﺍﻣﻨﻊ ﻧﻔﺴﻲ ﻣﻦ ﻫﺬﺍ ﺍﻻﺷﺘﻴﺎﻕ ﻛﻞ ﻣﺎﺗﺬﻛﺮ ﺷﺴﻮﻩ ﺑﻴﻪ ..
ﻭﺍﺗﺬﻛﺮ ﻛﻠﻤﺘﻪ ﺍﻧﻲ ﺑﻼ ﺷﺮﻑ ﻳﻜﻠﻲ .. ﺻﺮﺕ ﺑﻠﻴﻞ ﺍﻏﻄﻲ ﻭﺟﻬﻲ ﺑﻠﻐﻄﻰ ﻭﺍﺑﺠﻲ ﻭﻣﺮﺍﺕ ﺗﺠﻲ ﺳﺪﻳﻢ ﺗﺤﻀﻨﻲ ﻭﺗﻮﺍﺳﻴﻨﻲ ..
ﺻﺎﺩﻑ ﺍﻟﻴﻮﻡ ﺣﻨﺔ ﺳﺪﻳﻢ ﺍﺟﻮ ﻋﺎﺋﻠﺘﻪ ﻭﺍﻫﻞ ﺿﺮﻏﺎﻡ ﻭﺷﻜﻢ ﻭﺣﺪﻩ ﻣﻦ ﺍﻗﺮﺑﺎﺋﻪ
ﻃﻠﻌﺖ ﺳﺪﻳﻢ ﻛﻠﺶ ﺣﻠﻮﻩ ﻻﺑﺴﻪ ﺑﺪﻟﻪ ﻟﻮﻧﻪ ﻣﺎﺭﻭﻧﻲ ﻭﺑﻴﻪ ﻭﺭﺩ ﻣﻦ ﺍﻟﺼﺪﺭ ..
ﻭﻣﻨﻔﻮﺷﻪ .. ﻭﺗﺴﺮﻳﺤﺘﻪ ﻛﻠﺶ ﺣﻠﻮﻭ .. ﻓﺮﺣﺎﻧﻪ ﻭﺍﻟﻔﺮﺣﻪ ﺍﻣﺒﻴﻦ ﻣﻦ ﻋﻴﻮﻧﻪ
ﺩﻋﻴﺖ ﻣﻦ ﻛﻞ ﻛﻠﺒﻲ ﺍﻟﻠﻪ ﻳﺴﻌﺪﻩ ﻭﻳﻔﺮﺣﻪ .. ﻋﺎﺩ ﺧﻞ ﺗﺮﻭﺡ ﻭﺣﺪﻩ ﻣﻦ ﻳﻤﻨﻪ ﻭﺗﻜﻮﻥ ﺳﻌﻴﺪﻩ ﺑﺤﻴﺎﺗﻪ ..
ﺭﺣﺖ ﺳﻠﻤﺖ ﻋﻠﻰ ﺟﻮﺭﻱ ﻭﻭﺭﻭﺩ ﻭﻫﻨﺎ ﻫﻢ ﺳﻠﻤﻦ ﻋﻠﻴﻪ
ﻭﻋﺎﺩﻱ ﻭﻳﺎﻱ ﺑﺲ ﻣﺎﺳﺌﻠﻦ ﻭﻻ ﻃﻠﺒﻦ ﻣﻨﻲ ﺍﻧﻮ ﺍﺭﺟﻊ ..
ﻭﻫﺬﺍ ﺍﻟﺸﻲ ﺍﺭﺗﺎﺣﻴﺖ ﻣﻨﻪ ﻻﻥ ﺟﻨﺖ ﺧﺎﻳﻔﻪ ﻻ ﻳﻄﻠﺒﻦ ﻣﻨﻲ ﻫﺬﺍ ﺍﻟﺸﻲ
ﺳﻠﻤﺖ ﻋﻠﻰ ﺍﻡ ﺿﺮﻏﺎﻡ ﻭﻫﻴﺎ ﺭﺩﺕ ﺍﻟﺴﻼﻡ ﺑﻮﺟﻪ ﺛﻜﻴﻞ ﻭﻛﺎﻟﺖ : ﻣﺎﻧﺎﻭﻳﻪ ﺗﺸﺮﻓﻴﻦ ﻋﻴﻨﻲ ﻟﻮ ﻋﺠﺒﺘﺞ ﺍﻟﻜﻌﺪﻩ ﻳﻢ ﺍﻫﻠﺢ
ﻣﺎﺣﺒﻴﺖ ﺍﻃﻮﻝ ﺑﻠﻜﻼﻡ ﻭﻳﺎﻫﺎ ﻛﺘﻠﻪ ﺑﺲ : ﺍﻥ ﺷﺎﺀﺍﻟﻠﻪ ﻋﻤﻪ
ﻋﻮﺟﺖ ﺣﻠﻜﻪ ﻭﻛﺎﻟﺖ : ﻫﺴﻪ ﻣﺎﻓﻬﻤﻨﻪ ﺗﺮﺟﻌﻴﻦ ﻟﻮ ﻻ
ﺍﻟﺠﺪﻩ ﻛﺎﻟﺖ : ﺧﻠﻴﻪ ﻋﻠﻰ ﺭﺍﺣﺘﻪ ﻻ ﺗﻠﺤﻴﻦ .. ﻣﻦ ﺗﺸﻮﻑ ﻧﻔﺴﻪ ﻣﺴﺘﻌﺪﻩ ﺗﺮﺟﻊ ﺍﻥ ﺷﺎﺀﺍﻟﻠﻪ ﺗﺮﺟﻊ ﻭﺗﻨﻮﺭ ﺍﻟﺒﻴﺖ
ﺍﺑﺘﺴﻤﺖ ﺍﻟﻪ . ﺭﺑﻲ ﻳﺤﻔﻈﻪ ﺩﻭﻣﻪ ﻭﻳﺎﻱ ﻭﻣﺎﺗﻘﺒﻞ ﻋﻠﻴﻪ
ﺑﺪﺕ ﺍﻟﺤﻔﻠﻪ ﻭﻛﺎﻣﻦ ﺍﻟﺒﻨﺎﺕ ﻳﺮﻛﺼﻦ ﻭﻛﻮﻣﻦ ﺳﺪﻳﻢ ﺗﺎ ﺗﺮﻛﺺ ﻭﻫﻴﺎ ﻣﺎﻛﺎﻟﺖ ﻻ ..
ﻇﻠﺖ ﺗﺮﻛﺺ ﻭﻳﺎﻫﻦ ﻭﺗﻀﺤﻚ .. ﺍﻟﻔﺮﺣﻪ ﺑﻌﻴﻮﻧﻪ ﻣﺮﺳﻮﻣﻪ
ﺷﻮﻱ ﻭﺭﺟﻌﺖ ﻛﻌﺪﺕ
ﻭﻇﻠﻦ ﻫﻨﺎ ﻳﻬﻮﺳﻦ ﻭﺑﺪﺕ ﺍﻟﺠﻠﻮﻩ .. ﻭﺣﻨﻦ ﺍﻳﺪﻫﺎ
ﻫﺬﺍ ﻛﻠﻪ ﻭﺍﻧﻲ ﻭﺍﻛﻔﻪ ﺑﺼﻔﺤﻪ ﺑﻌﻴﺪﻩ ﻋﻨﻪ ﻭﺍﺩﺣﻚ ﻋﻠﻴﻪ ﻭﻣﺪﻣﻌﻪ ﻋﻴﻨﻲ ..
ﺷﻮﻱ ﻭﺩﺧﻞ ﻭﺍﺋﻞ ﻣﺒﺘﺴﻢ ﻛﻌﺪ ﻳﻤﻪ ﻭﺣﻨﻪ ﺍﻳﺪﻫﺎ ﻭﻫﻴﺎ ﻫﻢ ﺣﻨﺖ ﺍﻳﺪﻭ
ﻭﻳﻀﺤﻚ ﻭﻳﺎﻫﺎ ﻭﻳﺴﻮﻟﻒ ﻭﻫﻴﺎ ﻣﺪﻧﻜﻪ ﺭﺍﺳﻪ ﺧﺠﻼﻧﻪ ..
ﻣﺎﻋﺮﻑ ﻟﻴﺶ ﺍﺟﻪ ﻋﻠﻰ ﺑﺎﻟﻲ ﺿﺮﻏﺎﻡ .. ﻭﻣﺮﺍﺕ ﻣﻦ ﻳﺒﺘﺴﻢ
ﺍﻟﻲ ﻟﻮ ﻋﺼﺒﻴﺘﻮ
ﺣﺴﻴﺖ ﻧﻔﺴﻲ ﻣﺸﺘﺎﻗﺘﻠﻮ ﻭﺍﺭﻳﺪ ﺑﺲ ﺍﺷﻮﻓﻮ ..
ﻟﻠﻌﺼﺮ ﻭﺧﻠﺼﺖ ﺍﻟﺤﻨﻪ ﻭﻛﻠﻬﻢ ﻣﺸﻮﻭ ..بيج قصص عراقيه حقيقيه من واقعنا.روعه الطائي
ﺑﻘﻪ ﺍﻟﺒﻴﺖ ﻫﻮﺳﻪ .. ﺳﺪﻳﻢ ﺭﺍﺩﺕ ﺗﺴﺎﻋﺪﻧﻪ ﺑﺲ ﺍﻧﻲ ﻛﺘﻠﻪ ﺭﻭﺣﻲ ﻟﻐﺮﻓﻪ ﻭﺍﺭﺗﺎﺣﻲ ﺍﻧﺘﻲ ﻋﺮﻭﺱ
ﻇﻠﻴﻨﻪ ﺍﻧﻈﻒ ﺍﻧﻲ ﻭﻣﺮﺍﻡ .. ﻭﻫﺎﻱ ﺍﻟﺜﺎﻧﻴﻪ ﺑﻨﺘﻪ ﻛﺎﻣﺖ ﺗﺒﺠﻲ ﻣﺪﺭﻱ ﺷﺠﺮﺍﻟﻪ ﻭﻛﺘﻠﻪ ﺭﻭﺣﻲ
ﺑﻘﻴﺖ ﻭﺣﺪﻱ ﺍﻋﺰﻝ ﺑﻠﺒﻴﺖ ﺍﻭﻝ ﺷﻲ ﺑﺪﻳﺖ ﺑﻠﺒﻴﺖ ﻛﻨﺴﺘﻪ ﻭﻋﺪﻟﺘﻪ
ﻭﻟﻤﻴﺖ ﺍﻟﻬﻮﺳﻪ ..
ﻭﺭﺣﺖ ﻟﻠﻤﻄﺒﺦ ﻏﺴﻠﺖ ﺍﻟﺼﻴﺎﻧﻲ ﻭﺍﻟﻜﻼﺻﺎﺕ . ﻭﻧﻈﻔﺖ ﺍﻟﻤﻄﺒﺦ ﻛﻨﺴﺘﻪ ﻭﻣﺴﺤﺘﻪ ..
ﻭﺍﻧﻲ ﻛﻠﻪ ﺍﻧﻈﻒ ﻭﻣﺎﺣﺲ ﺑﺮﻭﺣﻲ .. ﺭﺣﺖ ﻟﻠﻄﺒﺎﺥ ﻭﻇﻠﻴﺖ ﺍﻧﻈﻒ ﺑﻴﻪ ﺑﺤﺮﻛﻪ
ﺍﺣﺲ ﺫﺑﻴﺖ ﻗﻬﺮﻱ ﻭﺣﺮﻛﺘﻲ ﺑﻠﺒﻴﺖ ﻭﺑﻠﺘﻨﻈﻴﻒ ..
ﺍﻧﻈﻒ ﻭﺍﻛﻮﻝ ﺑﻘﻬﺮ : ﻟﻴﺶ ﻫﻴﺞ ﺳﻮﻳﺖ ﺿﺮﻏﺎﻡ
ﺧﻠﺼﺖ ﻭﺭﺣﺖ ﻟﻠﻐﺮﻓﻪ ﻭﺍﺩﺣﻚ ﻋﻠﻰ ﺳﺪﻳﻢ ﻻﺯﻣﻪ ﺍﻟﻤﻮﺑﺎﻳﻞ ﻭﺗﺒﺘﺴﻢ ..بيج قصص عراقيه حقيقيه من واقعنا.روعه الطائي
ﺭﺣﺖ ﻟﻠﻜﻨﺘﻮﺭ ﺍﺧﺬﺕ ﻣﻼﺑﺲ ﺍﻟﻲ ﻭﻃﻠﻌﺖ ﻣﻦ ﺍﻟﻐﺮﻓﻪ
ﺩﺧﻠﺖ ﻟﻠﺤﻤﺎﻡ ﻭﺍﻧﻲ ﺍﺭﻳﺪ ﺍﺳﺒﺢ
ﺧﻠﺼﺖ ﻭﺭﺣﺖ ﺷﺴﻮﺭﺕ ﺷﻌﺮﻱ ﻭﻣﺸﻄﺖ ..
ﺭﺣﺖ ﻟﻠﻤﻄﺒﺦ ﻭﻟﻜﻴﺖ ﻣﺮﺍﻡ ﻛﺎﻋﺪ ﺗﺴﻮﻱ ﺑﻠﻌﺸﻪ ﺳﺎﻋﺪﺗﻪ ﻭﻛﻠﻴﺖ ﺍﻟﻜﺒﻪ ..
ﺣﻀﺮﻧﻪ ﺻﻴﻨﻴﺔ ﺍﻟﻌﺸﻪ .. ﻭﻛﻌﺪﻧﻪ ﻛﻠﻨﻪ ﺍﻟﺘﻤﻴﻨﻪ ﻭﻇﻠﻴﻨﻪ ﻧﺎﻛﻞ ﺳﺎﻛﺘﻴﻦ
ﻛﺎﻟﺖ ﺍﻣﻲ : ﺍﻳﻲ ﺑﺎﺟﺮ ﺗﺮﻭﺡ ﺳﺪﻳﻢ ﻭﻫﻢ ﺗﺮﺟﻊ ﻳﺎﻗﻮﺕ ﻟﻌﻴﺎﻟﻪ ﻭﻳﻔﺮﻍ ﺍﻟﺒﻴﺖ ﺑﺲ ﺍﺣﻨﻪ
ﺳﻜﺘﺖ ﺛﻨﻴﻨﻪ ﻭﺩﺣﻜﺖ ﻋﻠﻰ ﺳﺪﻳﻢ ﻣﻐﻮﺭﻛﻪ ﻋﻴﻮﻧﻪ
ﻛﺎﻝ ﺍﻣﻴﺮ ﺑﻬﺪﻭﺀ : ﺍﻟﻠﻪ ﻳﺴﻌﺪﻫﻢ ﺍﻥ ﺷﺎﺀﺍﻟﻠﻪ
ﺿﺤﻜﺖ ﻣﺮﺍﻡ ﻭﻛﺎﻟﺖ : ﻫﺎ ﻋﻤﻪ ﻋﺠﻞ ﺍﻧﻲ ﻣﺎﺗﻌﺘﺒﺮﻳﻨﻲ ﺑﻨﺘﺞ
ﻭﻣﺎ ﺍﻣﻠﻲ ﺍﻟﺒﻴﺖ ﺍﻧﻲ ﻭﺑﻨﺘﻲ
ﺿﺤﻜﺖ ﺍﻣﻲ ﻭﻛﺎﻟﺖ : ﻻ ﻳﻤﻪ ﺍﻟﻠﻪ ﻳﺸﻬﺪ ﻋﻠﻲ ﻣﻌﺰﺗﺞ ﻣﺜﻞ ﻣﻌﺰﺕ ﻳﺎﻗﻮﺕ ﻭﺳﺪﻳﻢ
ﺳﻜﺘﻨﻪ ﻭﻛﻤﻠﻨﻪ ﺍﻛﻞ ﻭﻟﻤﻴﻨﻪ ﺍﻟﺴﻔﺮﻩ ..
ﺳﺪﻳﻢ ﺿﺤﻜﺖ ﻭﻛﺎﻟﺖ : ﺧﻞ ﺍﻛﻮﻡ ﺍﺳﻮﻳﻠﻜﻢ ﺟﺎﻱ ﺣﺘﻰ ﺗﺬﻛﺮﻭﻧﻲ
ﺭﺍﺣﺖ ﺳﻮﺕ ﺟﺎﻱ ﻭﺍﺣﻨﻪ ﻇﻠﻴﻨﻪ ﻛﺎﻋﺪﻳﻦ ﻧﺴﻮﻟﻒ ﺷﻮﻱ ﻭﺍﺟﺖ ﻭﺟﺎﺑﺖ ﺍﻟﺠﺎﻱ ﺷﺮﺑﻨﻪ
ﻭﻟﻠﻴﻞ ﻛﻠﺶ ﻛﻞ ﺷﺨﺺ ﻭﺭﺍﺡ ﻟﻐﺮﻓﺘﻪ ..
ﺍﺗﻤﺪﺩﺕ ﻋﻠﻰ ﻓﺮﺍﺷﻲ ﻭﻣﺎﺣﺲ ﺍﻻ ﺳﺪﻳﻢ ﺣﻈﻨﺘﻨﻲ ﻭﻛﺎﻟﺖ : ﺭﺍﺡ ﺍﺷﺘﺎﻗﻠﺞ ﻳﻮﻝ
: ﺍﻧﻲ ﻫﻢ ﺑﺲ ﺍﻟﺤﻤﺪﻟﻠﻪ ﻣﺮﺍﺡ ﻧﺒﺘﻌﺪ ﻋﻦ ﺑﻌﺾ .. ﻻﻥ ﻧﻔﺲ ﺍﻟﻤﻜﺎﻥ
: ﺍﻱ ﺍﻟﺤﻤﺪﻟﻠﻪ
ﺭﺟﻌﺖ ﺳﺌﻠﺘﻨﻲ ﻭﻛﺎﻟﺖ : ﺯﻳﻦ ﺍﻧﺘﻲ ﻣﺎﻧﺎﻭﻳﻪ ﺗﺮﺟﻌﻴﻦ ﻟﻀﺮﻏﺎﻡ ﻣﺎﺣﻨﻴﺘﻲ ﺍﻟﻪ ﻣﺎﺷﺘﺎﻗﻴﺘﻴﻠﻮ
ﺍﺑﺘﺴﻤﺖ ﻭﻏﻮﺭﻛﺖ ﻋﻴﻮﻧﻲ : ﻣﺎﺟﺬﺏ ﻋﻠﻴﺞ ﺍﺫﺍ ﺍﻛﻠﺞ ﻣﺎﺷﺘﺎﻗﻴﺘﻠﻮ ﺑﺲ ﺟﺮﺣﻨﻲ ﻭﺟﺮﺣﻪ ﺻﻌﺐ ﻳﻨﺴﻲ
ﻃﺒﻌﺎ ﺍﻧﻲ ﻛﻠﺖ ﻟﺴﺪﻳﻢ ﻛﻠﺸﻲ ﺻﺎﺭ ﺑﻴﻨﺎﺗﻨﻪ ﻻﻥ ﺗﻌﺒﺖ ﻭﺣﺘﺎﺟﻴﺖ ﺍﺣﺪ ﺍﻛﻠﻪ ...
ﺳﺪﻳﻢ ﺍﺑﺘﺴﻢ : ﺷﺮﺍﻳﺞ ﺗﺮﺟﻌﻴﻠﻪ ﺍﺫﺍ ﻫﻴﺞ ﻣﺸﺘﺎﻗﺘﻠﻪ ﻭﺍﻧﻲ ﻫﻢ ﺍﻋﺮﻑ ﺿﺮﻏﺎﻡ ﻣﻴﺖ ﻋﻠﻴﺞ ﻭﻳﺤﺒﺞ
: ﻣﺎﻛﺪﺭ ﺳﺪﻳﻢ ﺍﻫﻴﻦ ﻧﻔﺴﻲ ﻭﻛﺮﺍﻣﺘﻲ ﺍﺫﺍ ﺭﺣﺖ ﺍﻟﻪ ﻭﺍﺳﺎﻣﺤﻪ
ﺳﺪﻳﻢ ﻛﺎﻣﺖ ﻭﺍﺑﺘﺴﻤﺖ : ﻭﻟﺞ ﻻ ﻣﻮ ﺗﺮﺣﻴﻦ ﺍﻟﻪ ﻭﺗﺴﺎﻣﺤﻴﻨﻪ ﺑﺴﺮﻋﻪ
ﺭﻓﻌﺖ ﺣﺎﺟﺒﻲ ﻭﻛﺘﻠﻪ : ﻟﻌﺪ ﺷﻠﻮﻥ
ﺿﺤﻜﺖ ﻭﻛﺎﻟﺖ : ﻭﻟﺞ ﺍﻓﻬﻤﻲ ﺭﻭﺣﻲ ﻫﻨﺎﻙ ﻭﺍﺩﻟﻌﻲ ﻋﻠﻴﻪ ﻭﻟﺒﺴﻲ ﻣﻦ ﺍﻟﻤﻼﺑﺲ ﺍﻟﻲ ﻣﺸﺘﺮﻳﺘﻬﻦ ﻭﺿﺎﻣﺘﻬﻦ ﺑﻠﻜﻨﺘﻮﺭ
ﻭﺧﻞ ﻳﺸﻮﻓﺞ ﻭﻳﺤﺘﺮﻙ ﻫﻬﻬﻬﻪ ﻭﻣﻦ ﻳﺴﺌﻠﺞ ﻏﻠﺴﻲ ﻭﻻ ﺗﺠﺎﻭﺑﻴﻦ ﻓﻬﻤﺘﻲ
ﻭﻫﻴﺞ ﻃﻨﺸﻴﻪ ﻭﺍﻟﻠﻪ ﻛﻠﺒﻪ ﻳﺤﺘﺮﻙ ﺍﻟﻒ ﻣﺮﻩ
ﻋﺠﺒﻨﻲ ﻛﻼﻣﻪ ﻻﻥ ﺍﻧﻲ ﻓﻌﻼ ﻣﺸﺘﺎﻗﺘﻠﻪ ﺑﺲ ﻣﺎﺭﻳﺪ ﺍﺳﺎﻣﺤﻪ ﺑﺴﻬﻮﻟﻪ ﺍﺭﻳﺪ ﺍﺷﻠﻊ ﻛﻠﺒﻪ ..
ﺛﺎﻧﻲ ﻳﻮﻡ ..
ﻛﺎﻋﺪﻳﻦ ﻭﻣﻨﺘﻈﺮﻳﻦ ﺍﻟﺰﻓﻪ ﻭﺳﻤﻌﻨﻪ ﺻﻮﺕ ﺍﻟﻬﻮﺭﻧﺎﺕ .. ﺍﻧﻲ ﺑﺴﺮﻋﻪ ﺭﺣﺖ ﺣﻈﻨﺖ ﺍﺧﺘﻲ ﻭﺑﺠﻴﺖ
ﻛﺘﻠﻪ : ﺭﺑﻲ ﻳﺴﻌﺪﺝ ﻳﺮﻭﺣﻲ
ﺍﺟﻪ ﻫﻮ ﻭﻻﺑﺲ ﺍﻟﻘﺎﻁ ﻭﻃﺎﻟﻊ ﻛﻠﺶ ﺣﻠﻮ ﺑﻴﻪ . ﺍﺧﺬ ﺍﻳﺪﻫﺎ ﻭﺣﻈﻨﻪ ﺑﺜﻨﻴﻦ ﺍﻳﺪﻳﻪ
ﺍﺧﺬﻩ ﻭﻣﺸﻮﻭ .. ﻃﺒﻌﺎ ﺑﺲ ﺍﻣﻲ ﺭﺍﺣﺖ ﻭﺑﻘﻴﻨﻪ ﺍﻧﻲ ﻭﻣﺮﺍﻡ ﻫﻨﺎ
ﻣﺸﺖ ﺍﻟﺰﻓﻪ ﻭﺍﻧﻲ ﻭﻣﺮﺍﻡ ﻇﻠﻴﻨﻪ ﻧﺒﺠﻲ
ﻣﺴﺤﺖ ﻣﺮﺍﻡ ﺩﻣﻮﻋﻪ ﻭﻛﺎﻟﺖ : ﻳﻌﻨﻲ ﺑﻌﺮﺳﺞ ﺍﻧﻲ ﻭﺳﺪﻳﻢ ﻧﺒﺠﻲ ﻭﻫﺴﻪ ﺑﻌﺮﺱ ﺳﺪﻳﻢ ﺍﻧﻲ ﻭﻳﺎﺝ
ﻳﻌﻨﻲ ﺷﻨﻮ ﺍﻧﻲ ﺍﺷﻴﻞ ﻫﻤﻮﻣﺠﻦ ﻭﺍﺑﺠﻲ ﻭﻳﺎﺟﻦ ..
ﺷﻮﻱ ﻭﺩﺧﻞ ﺍﻣﻴﺮ ﻭﺍﻣﺒﻴﻦ ﻋﻠﻴﻪ ﺿﺎﻳﺞ ﺭﺍﺡ ﺻﻌﺪ ﻓﻮﻙ ﻟﻐﺮﻓﺘﻪ ﻭﻣﺎﻧﺰﻝ
ﺻﺎﺭ ﺍﻟﻌﺼﺮ ﻭﺍﻧﺪﻙ ﺍﻟﺒﺎﺏ ﺭﺍﺡ ﻓﺘﺤﻪ ﺍﻣﻴﺮ ﻭﺷﻮﻱ ﻭﻛﺎﻝ : ﻳﺎﻗﻮﺕ ﺿﺮﻏﺎﻡ ﻫﻴﻦ ﻭﻳﺮﻳﺪ ﻳﻜﻠﻤﺞ
ﺍﻧﻲ ﻫﻨﺎ ﺍﺭﺗﺒﻜﺖ ﻭﻛﻠﺒﻲ ﻇﻞ ﻳﺪﻙ ﺑﺴﺮﻋﻪ .. ﻏﻤﻀﺖ ﻋﻴﻨﻲ ﻭﺭﺟﻌﺖ ﻓﺘﺤﺘﻬﻦ
ﺭﺣﺖ ﻭﻟﻜﻴﺘﻮ ﻭﺍﻛﻒ ﺑﻠﺤﻮﺵ .. ﺩﺣﻚ ﻫﻮ ﻋﻠﻴﻪ ﻭﺍﺑﺘﺴﻢ ﻭﻋﻴﻮﻧﻮ ﺫﺑﻼﻧﻪ ﻭﻭﺟﻬﻮ ﺿﻌﻔﺎﻥ
ﻫﺎﻱ ﺷﺼﺎﻳﺮ ﻭﻳﺎﻩ ..
ﻣﻦ ﺷﻔﺘﻮ ﺣﺴﻴﺖ ﺭﻭﺣﻲ ﺭﺟﻌﺘﻠﻲ ﻭﻋﺎﻓﻴﺘﻲ ﻫﻢ .. ﺍﺛﺎﺭﻱ ﻋﺎﻓﻴﺘﻲ ﻭﺭﻭﺣﻲ ﺟﺎﻧﻦ ﻳﻤﻪ
ﻭﻣﻦ ﺍﺟﻪ ﺭﺩﻫﻦ ﺍﻟﻲ ..
ﺍﻗﺘﺮﺏ ﻣﻨﻲ ﻭﻣﺎﺣﺲ ﺍﻻ ﺣﻈﻨﻲ ﺑﻘﻮﻭﻩ ﻭﻛﺎﻝ ﺑﻬﻤﺲ : ﺷﻠﻮﻧﺞ ﻳﺎﻟﻐﺎﻟﻴﻪ
ﻛﺘﻠﻮ ﺑﻨﻔﺲ ﺍﻟﻬﻤﺲ : ﺍﻟﺤﻤﺪﻟﻠﻪ ﻭﺍﻧﺖ
ﺍﺑﺘﻌﺪ ﻋﻨﻲ ﻭﻛﺎﻝ : ﺗﺼﺪﻛﻴﻦ ﺍﺫﺍ ﻛﺘﻠﺞ ﻣﻦ ﺷﻔﺘﺞ ﻫﺴﻪ ﻳﺎﻟﻪ ﺻﺮﺕ ﺑﺨﻴﺮ
ﺳﻜﺘﺖ ﻣﺎﺟﺎﻭﺑﺘﻪ ﻫﻮ ﻛﺎﻝ : ﻟﻴﺶ ﻫﻴﺞ ﺷﻤﺴﻮﻳﻪ ﺑﻨﻔﺴﺞ ﺿﻌﻔﺎﻧﻪ ﻭﻭﺟﻬﺞ ﺫﺑﻼﻥ
: ﻭﺍﻧﻲ ﻫﻢ ﺍﺳﺌﻠﻚ ﻫﺬﺍ ﺍﻟﺴﺆﺍﻝ ﻟﻴﺶ ﻫﻴﺞ ﺻﺎﻳﺮ ﻭﻳﺎﻙ
ﺍﺑﺘﺴﻢ ﻭﻛﺎﻝ : ﻣﻦ ﻓﺮﺍﻛﺞ ﺍﻧﻲ ﻫﻴﺞ ﺻﺎﺭ ﻭﻳﺎﻱ
: ﺍﻱ ﺻﺪﻛﺘﻚ
: ﺑﻜﻴﻔﺞ ﺑﺲ ﺑﻌﺪﻳﻦ ﺍﺛﺒﺖ ﺍﻟﺞ .. ﻭﻫﺴﻪ ﺍﻧﻲ ﺍﻧﻄﻴﺘﺞ ﻣﻬﻠﻪ ﺗﺮﺗﺎﺣﻴﻦ ﺑﻴﻪ ﻟﺰﻭﺍﺝ ﺍﺧﺘﺞ ﻭﻫﺎﻫﻴﻪ ﺧﻠﺼﺖ ﺍﻟﻤﻬﻠﻪ ﺭﻭﺣﻲ ﺣﻀﺮﻱ ﻧﻔﺴﺞ ﺣﺘﻰ ﺗﺮﺣﻴﻦ ﻭﻳﺎﻱ
ﺣﺠﻴﺖ ﻭﺍﻧﻲ ﺍﺗﻌﺰﺯ ﻋﻠﻴﻪ : ﻣﺎﺭﻳﺪ ﺍﺭﻭﺡ ﺍﺭﻳﺪ ﺍﺑﻘﻪ ﻫﻨﺎ ﺗﺎ ﺍﺭﺗﺎﺡ
ﺣﺠﻪ ﺑﻌﺼﺒﻴﻪ : ﻭﻟﺞ ﻫﺎﻱ ﺍﻻﻳﺎﻡ ﻛﻠﻪ ﻭﻣﺎﺭﺗﺎﺣﻴﺘﻲ ﺑﻴﻪ .. ﺗﺪﺭﻳﻦ ﺷﺼﺎﺭ ﺑﻴﻪ ﻣﻦ ﻋﻔﺘﻴﻨﻲ ﺍﻟﻨﻮﻡ ﻣﺎﺷﻔﺘﻪ
ﻭﻣﺎﺭﻭﺡ ﻟﻠﺒﻴﺖ ﺣﺘﻰ ﻣﺎﺗﺬﻛﺮﺝ ﺑﻴﻪ ﻭﺳﺮﺍﺝ ﺧﻄﻴﻪ ﻳﻮﻣﻴﻪ ﻳﺴﺌﻠﻨﻲ ﺑﺎﺑﺎ ﻳﻤﺘﻪ ﺗﺠﻲ ﺍﻣﻲ ﻭﺍﻧﻲ ﺍﻛﻠﻪ ﻋﻦ ﻗﺮﻳﺐ ﺍﻥ ﺷﺎﺀﺍﻟﻠﻪ
ﻭﻫﺴﻪ ﺗﺎﻟﻴﺘﻪ ﺍﺗﻜﻮﻟﻴﻦ ﻣﺎﺭﻭﺡ .. ﺗﺮﻯ ﻣﻮﺑﻜﻴﻔﺞ ﻫﺴﻪ ﺗﺮﺣﻴﻦ ﺗﺠﻬﺰﻳﻦ ﺍﻭ ﻋﻠﻰ ﺷﻨﻮ ﺗﻠﺒﺴﻴﻦ ﻋﺒﺎﺗﺞ ﻭﺗﺮﺣﻴﻦ ﻭﻳﺎﻱ
ﺧﻔﺖ ﻣﻨﻪ ﻭﻛﻠﺖ : ﻣﺎﺷﻲ ﻋﻠﻴﺶ ﻫﺴﻪ ﺗﻌﺼﺐ ﺭﺍﻳﺤﻪ ﻭﻳﺎﻙ
: ﻳﺎﻟﻪ ﻟﻌﺪ ﺑﺴﺮﻋﻪ ﺟﻴﺒﻲ ﻋﺒﺎﺗﺞ ﻭﺗﻌﺎﻱ
ﺭﺣﺖ ﻣﻦ ﻳﻤﻪ ﻭﻟﺒﺴﺖ ﻋﺒﺎﺗﻲ ... ﻃﻠﻌﺖ ﻟﻜﻴﺘﻮ ﻣﻨﺘﻈﺮﻧﻲ
ﻃﻠﻌﻨﻪ ﻣﻦ ﺍﻟﺒﻴﺖ ﻭﻭﺻﻠﻨﻪ ﻟﺒﻴﺘﻬﻢ ﻛﺎﻝ : ﺍﺩﺧﻠﻲ ﺍﻧﺘﻲ ﻭﺍﻧﻲ ﻣﺎﺷﻲ ﻻﻥ ﻋﻨﺪﻱ ﺷﻐﻞ
ﺭﻓﻌﺖ ﺣﺎﺟﺒﻲ ﻭﻛﺘﻠﻮ : ﻭﺍﻟﻠﻪ ﻭﺗﺒﻘﻴﻨﻲ ﻭﺣﺪﻱ ﻫﻨﺎ
: ﻟﻌﺪ ﺷﻨﻮ ﺭﺍﺡ ﻳﻜﺘﻠﻮﺝ ﻭﻻﺯﻡ ﺍﺑﻘﻪ ﻳﻤﺞ ﺍﺩﺍﻓﻌﻠﺞ
: ﻫﺎ ﻣﻮ ﻫﻴﺞ ﻗﺼﺪﻱ
: ﺭﻭﺣﻲ ﺍﻧﺘﻲ ﻭﺍﻧﻲ ﺑﺎﻟﻴﻞ ﺍﺟﻲ
ﻋﺎﻓﻨﻲ ﻭﻣﺸﻪ ﻭﺍﻧﻲ ﺭﺣﺖ ﺩﺧﻠﺖ ﻟﻠﺒﻴﺖ ﻭﺟﺎﻥ ﻛﻠﻬﻢ ﻣﻮﺟﻮﺩﻳﻦ ﺳﻠﻤﺖ ﻋﻠﻰ ﻋﻤﻲ ﺍﺑﻮ ﺿﺮﻏﺎﻡ ﻭﻋﻠﻰ ﺍﻟﺠﺪﻩ ﻭﺻﻞ ﺍﻟﺴﺮﻩ ﻻﻡ ﺿﺮﻏﺎﻡ ﺳﻠﻤﺖ ﻋﻠﻴﻪ ﻭﻛﺎﻟﺖ؛ﻫﻤﺰﻳﻦ ﺷﺮﻓﺘﻲ
ﻣﺎﻛﻠﺖ ﺷﻲ ﺭﺣﺖ ﺻﻌﺪﺕ ﻟﻠﻐﺮﻓﻪ ﻓﺘﺤﺘﻪ ﻭﺷﻔﺘﻪ ﻣﺜﻞ ﻣﺎﻫﻲ
ﺍﺑﺘﺴﻤﺖ ﻳﺎﻟﻠﻪ ﺷﻜﺪ ﻣﺸﺘﺎﻗﺘﻠﻪ ﻫﺴﻪ ﻳﺎﻟﻪ ﺍﺭﺗﺎﺣﻴﺖ ﻣﻦ ﺍﺟﻴﺖ ﻫﻨﺎ ﻟﻐﺮﻓﺘﻲ
ﻭﻋﻮﺩ ﺍﻛﻮﻝ ﺍﻛﺮﻩ ﺍﺟﻲ ﻫﻨﺎ ﻃﻠﻊ ﻛﻼﻣﻲ ﻛﻠﻪ ﺟﺬﺏ ﺑﺠﺬﺏ ..
ﺫﺑﻴﺖ ﻋﺒﺎﺗﻲ ﻭﺷﻔﺖ ﺍﻟﻤﻐﺮﺏ ﺭﺍﺡ ﻳﺼﻴﺮ
ﻧﺰﻟﺖ ﺟﻮﻩ ﻭﺩﺧﻠﺖ ﻟﻠﻤﻄﺒﺦ ﻭﺳﻮﻳﺖ ﻋﺸﻪ ﺍﻟﻬﻢ ﺧﻠﺼﺖ ﻭﻓﺮﺷﺖ ﺍﻟﺴﻔﺮﻩ
ﻛﻌﺪﻧﻪ ﻛﻠﻨﻪ ﻧﺎﻛﻞ ﻭﺍﻧﻲ ﺍﺳﺘﺤﻲ ﺍﺳﺌﻞ ﻋﻠﻰ ﺿﺮﻏﺎﻡ .. ﻭﻫﻤﺰﻳﻦ ﻣﻦ ﺳﺌﻠﺖ ﺍﻟﺠﺪﻩ
: ﺍﻛﻠﻚ ﻳﻤﻪ ﺟﺎ ﺿﺮﻏﺎﻡ ﺷﻮ ﻣﺎﻛﻮ
: ﻳﻤﻪ ﻋﻨﺪﻩ ﺷﻐﻞ ﻭﻳﻄﻮﻝ
ﺧﻠﺼﻨﻪ ﻋﺸﻪ ﻭﻟﻤﻴﺘﻪ ﻭﺣﻄﻴﺖ ﺍﻟﻘﻮﺭﻱ ﻋﻠﻰ ﺍﻟﻨﺎﺭ ﻏﺴﻠﺖ ﺍﻟﻤﺎﻋﻴﻦ
ﻭﺻﺒﻴﺖ ﺍﻟﺠﺎﻱ ﻭﻗﺪﻣﺘﻪ ﺍﻟﻬﻢ ﻭﺭﺣﺖ ﺻﻌﺪﺕ ﻗﻮﻙ ﻛﺒﻞ .. ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ
ﺷﺴﻮﺭﺕ ﺷﻌﺮﻱ ﻭﻣﺸﻄﺘﻪ ﻭﺧﻠﻴﺘﻪ ﻣﻔﺘﻮﺡ .. ﺭﺣﺖ ﻟﻠﻜﻨﺘﻮﺭ ﻭﻃﻠﻌﺖ ﻗﻤﻴﺺ ﻧﻮﻡ ﺍﺳﻮﺩ
ﺑﻴﻪ ﻓﺘﺤﻪ ﻭﺍﺻﻞ ﻟﻠﻔﺨﺬ ﻭﺍﻟﻈﻬﺮ ﻃﺎﻟﻊ ﻣﻦ ﻭﺭﻩ .. ﻫﺬﺍ ﻣﻨﻮ ﺍﻟﻲ ﺍﺧﺘﺎﺭﻩ ﻣﺎﻋﺮﻑ
ﺧﻠﻴﺖ ﻣﻜﻴﺎﺝ ﻗﻮﻭﻱ ﻃﻮﺥ ﻭﺭﺷﻴﺖ ﻋﻄﺮ ..
ﺍﺩﺣﻚ ﻋﻠﻰ ﻧﻔﺴﻲ ﺑﻠﻤﺮﺍﻳﻪ ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ ..
ﺩﺭﺕ ﻭﺟﻬﻲ ﻭﺍﺷﻮﻑ ﺿﺮﻏﺎﻡ ﻭﺍﻛﻒ ﻭﻳﺪﺣﻜﻠﻲ ﻣﻦ ﻓﻮﻙ ﻟﻴﺠﻮﻩ ..
ﺳﺪ ﺍﻟﺒﺎﺏ ﻭﺭﺍﻩ ﻭﻗﻔﻠﻪ ﻭﺍﺗﻘﺪﻡ ﺍﺗﺠﺎﻫﻲ ﻭﻋﻴﻨﻪ ﻋﻠﻴﻪ ..
ﺍﻧﻲ ﻇﻠﻴﺖ ﻭﺍﻛﻔﻪ ﺑﻤﻜﺎﻧﻲ ﻭﺧﺎﻳﻔﻪ ﻭﻣﺘﻮﺗﺮﻩ ﺑﺲ ﻣﻦ ﺷﻔﺘﻪ ﺍﻗﺘﺮﺏ ﻛﻠﺶ ﻋﻠﻴﻪ ..
ﺭﺣﺖ ﻋﺒﺮﺕ ﻣﻦ ﻳﻤﻪ ﺍﺭﻳﺪ ﺍﺭﻭﺡ ﻟﻠﺠﻬﻪ ﺍﻟﺜﺎﻧﻴﻪ ﻭﻣﺎﺣﺲ ﺍﻻ ﻟﺰﻣﻨﻲ ﻣﻦ ﺍﻳﺪﻱ ﻭﺟﺮﻧﻲ ﻋﻠﻴﻪ
ﻟﻄﺨﺖ ﺑﺼﺪﺭﻩ ﺭﻓﻌﺖ ﻋﻴﻨﻲ ﻋﻠﻴﻪ ﻭﻋﻴﻮﻧﻮ ﺗﺪﺣﻜﻠﻲ ﺑﻨﻈﺮﺍﺕ ﻭﻣﺒﺘﺴﻢ
ﺧﻠﻪ ﺍﻳﺪﻩ ﻋﻠﻰ ﻭﺟﻬﻲ ﻭﻇﻞ ﻳﺘﻠﻤﺲ ﺑﻌﺪﻳﻦ ﺧﻠﻪ ﺍﻳﺪﻩ ﻭﺭﻩ ﺿﻬﺮﻱ ..
ﺑﻌﺪ ﺷﻌﺮﻱ ﻭﺧﻼﻩ ﺑﻠﺠﻬﻪ ﺍﻟﺜﺎﻧﻴﻪ ﺩﻧﻚ ﻭﺩﻓﻦ ﻭﺟﻬﻪ ﺑﺮﻛﺒﺘﻲ ..
ﺍﺧﺬ ﻧﻔﺲ ﻭﻛﺎﻝ : ﺍﻓﻴﻴﺶ ﺷﻜﺪ ﻣﺸﺘﺎﻗﻠﺞ ﻭﻟﺞ
ﺭﺩﺕ ﺍﺑﻌﺪﻩ ﻋﻨﻲ ﺑﺲ ﻣﺎﻛﺪﺭ ﺟﺴﻤﻲ ﻛﻠﻪ ﻳﺮﺟﻒ ﻣﻦ ﻗﺮﺑﻪ
: ﻭﺧﺮ ﺿﺮﻏﺎﻡ
noorhaidar18
ﻫﻤﺲ ﻳﻢ ﺍﺫﻧﻲ : ﺍﺷﺶ ﻭﻟﺞ ﻣﺸﺘﺎﻗﻠﺞ ﺑﻜﺪ ﺭﺣﻤﺔ ﺍﻟﻠﻪ .. ﺗﺮﻯ ﺗﻌﺒﺖ ﺑﺪﻭﻧﺞ
ﻛﺘﻠﻪ ﺑﺘﻮﺗﺮ :: ﺑﺲ ﺍﻧﻲ ﻟﺤﺪ ﻫﺴﻪ ﻣﺎﺳﺎﻣﺤﺘﻚ ..
ﺣﺴﻴﺘﻪ ﻫﺪﺉ ﻭﺑﻌﺪ ﻧﻔﺴﻪ ﻋﻨﻲ ﻭﻛﺎﻝ : ﻣﺎﺷﻲ ﻳﺎﻗﻮﺕ ﺑﻜﻴﻔﺞ ﺍﻟﻲ ﻳﺠﺮﺍﻟﺞ ﻣﺮﺍﺡ ﺍﻗﺘﺮﺏ ﻣﻨﺞ ﻭﻻ ﺭﺍﺡ ﺍﺗﻜﻠﻢ ﻭﻳﺎﺝ ﻟﺤﺪ ﻣﺎﺗﺠﻴﻦ ﺑﻨﻔﺴﺞ ﻭﺗﻜﻮﻟﻴﻦ ﺳﺎﻣﺤﺘﻚ
ﻋﺎﻓﻨﻲ ﻭﻣﺸﻪ ﺩﺧﻞ ﻟﻠﺤﻤﺎﻡ ﻭﺭﻛﻊ ﺍﻟﺒﺎﺏ ﻭﺭﺍﻩ ﺑﻘﻮﻭﻩ ﺍﻧﻲ ﻛﻤﺰﺕ ﻣﻦ ﻗﻮﺓ ﺍﻟﺮﻛﻌﻪ ..
ﺻﺢ ﺍﻧﻘﻬﺮﺕ ﻋﻠﻴﻪ ﺑﺲ ﻛﻠﺖ ﻳﺴﺘﺎﻫﻞ ﺧﻠﻴﻪ ﺷﻮﻱ ﻳﺘﺄﺩﺏ ﻭﻻ ﻳﻔﻜﺮ ﻳﺸﻚ ﺑﻴﻪ
..........
ﺳﺪﻳﻢ / ﻛﺎﻋﺪ ﺑﻠﻐﺮﻓﻪ ﺑﻌﺪ ﻣﺎﺯﻓﻮﻧﻲ ﻭﻣﻴﺘﻪ ﺧﻮﻭﻑ ..
ﺍﻣﻲ ﺗﺤﺠﻲ ﻭﻳﺎﻱ ﻭﺗﻮﺻﻴﻨﻲ ﻭﺍﻧﻲ ﺑﺎﻟﻲ ﻣﻮ ﻳﻤﻪ ﺍﺻﻼ ﻭﺩﻣﻌﻪ ﺑﻄﺮﻑ ﻋﻴﻨﻲ ﻳﻤﻪ ﺷﺴﻮﻱ ﻳﺎﺭﺑﻲ
ﺍﺭﻳﺪ ﺍﻛﻞ ﻻﻣﻲ ﺍﺧﺬﻳﻨﻲ ﻭﻳﺎﺝ ﺑﺲ ﻳﻤﻜﻦ ﺗﺸﻤﺮﻧﻲ ﻣﻦ ﺍﻟﺠﺎﻣﻪ ﻋﺎﺩﻱ ﻋﺪﻫﺎ ﺗﺴﻮﻳﻬﺎ ..
ﺳﻤﻌﻨﻪ ﺻﻮﺕ ﺍﻟﻬﻮﻭﺳﻪ ﻭﻫﻮﺳﺎﺕ ﺍﻟﺰﻟﻢ ﺍﻧﻲ ﻫﻨﺎ ﻛﻠﺒﻲ ﺭﺍﺡ ﻳﻮﻛﻒ ﻭﻳﻤﻜﻦ ﺭﺍﺡ ﺍﻣﻮﺕ ﺑﺪﻗﻴﻘﺘﻪ ..
ﺍﻣﻲ ﺳﻠﻤﺖ ﻋﻠﻴﻪ ﻭﺭﺍﺣﺖ ﺑﻘﻴﺖ ﻛﺎﻋﺪﻩ ﻭﺣﺪﻱ ﻭﺧﺎﻳﻔﻪ ..
ﺷﻮﻱ ﻭﺍﻧﻔﺘﺢ ﺍﻟﺒﺎﺏ ﺭﻓﻌﺖ ﺭﺍﺳﻲ ﻭﺩﺣﻚ ﻋﻠﻴﻪ ﺍﻻﺑﺘﺴﺎﻣﻪ ﻣﺮﺳﻮﻣﻪ ﻋﻠﻰ ﻭﺟﻬﻮ
ﺳﺪ ﺍﻟﺒﺎﺏ ﻭﺍﺟﻪ . ﻛﻤﺖ ﻣﻦ ﻣﻜﺎﻧﻲ ﻭﻫﻮ ﺍﻗﺘﺮﺏ ﻭﺑﺎﺱ ﺭﺍﺳﻲ : ﻣﺒﺮﻭﻙ ﻳﺮﻭﻳﺤﺘﻲ ﻭﺍﺧﻴﺮﺍ ﺻﺮﺗﻲ ﺍﻟﻲ
ﺣﺠﻴﺖ ﺑﺼﻮﺕ ﻛﻮﻩ ﻳﻨﺴﻤﻊ : ﺍﻟﻠﻪ ﻳﺒﺎﺭﻙ ﺑﻴﻚ
ﻫﻮ ﺍﺑﺘﺴﻢ ﻭﻛﺎﻝ : ﺷﻨﻮﻭ ﻣﺎﺳﻤﻌﺖ ... ﻫﺎﻱ ﺷﻨﻮ ﺑﺰﻭﻧﺘﻲ ﺷﻮ ﺧﻨﺴﺖ ﻭﺭﺍﺡ ﻟﺴﺎﻧﻪ
ﺭﻓﻌﺖ ﺣﺎﺟﺒﻲ ﺍﻟﻪ ﻭﻣﺎﻋﺎﺟﺒﻨﻲ ﻛﻼﻣﻪ .. ﻫﻮ ﺷﺎﻓﻨﻲ ﻫﻴﺞ ﻭﻛﺎﻡ ﻳﻀﺤﻚ
ﺑﻌﺪﻳﻦ ﺳﻜﺖ ﻭﻇﻞ ﻳﺪﺣﻜﻠﻲ ﻭﺍﻗﺘﺮﺏ ﻣﻦ ﻳﻤﻲ
ﻛﺘﻠﻮ ﺑﺨﻮﻭﻑ : ﺷﻨﻮﻭ ﺷﺒﻴﻚ ﻫﻴﺞ ﺗﺪﺣﻜﻠﻲ
ﺍﺑﺘﺴﻢ : ﺳﻼﻣﺘﺞ ﺑﺲ ﺍﺑﺎﻭﻉ ﻋﻠﻰ ﻣﺮﺗﻲ ﺍﻛﻮﻝ ﺷﻜﺪ ﺣﻠﻮﻭﻩ
ﻭﻟﺞ ﺗﻌﺎﻱ ﺑﺤﻀﻨﻲ ﺷﻜﺪ ﺗﻤﻨﻴﺖ ﻫﺬﺍ ﺍﻟﻴﻮﻡ
ﺧﻔﺖ ﻣﻦ ﻛﻼﻣﻪ ﻭﺭﺣﺖ ﻟﺰﻣﺖ ﺍﻟﺒﺪﻟﻪ ﻣﻦ ﺍﻃﺮﺍﻓﻪ ﻭﺷﺮﺩﺕ ﺩﺧﻠﺖ ﻟﻠﺤﻤﺎﻡ ﻭﻗﻔﻠﺖ ﺍﻟﺒﺎﺏ ﻭﺭﺍﻱ ..
ﻳﻌﻨﻲ ﺟﻨﺖ ﺍﺣﺲ ﺑﺜﻘﻠﻪ ﺑﺲ ﻫﺴﻪ ﺍﺑﺪ ﺣﺴﻴﺖ ﻧﻔﺴﻲ ﺧﻔﻴﻔﻪ ﻣﻦ ﺍﻟﺨﻮﻑ
ﻫﻮ ﻳﺪﻙ ﺍﻟﺒﺎﺏ ﻭﻳﻜﻮﻝ : ﺳﺪﻳﻢ ﺷﺒﻴﺞ ﻭﻟﺞ ﺍﻃﻠﻌﻲ
ﻛﺘﻠﻮ ﺑﺨﻮﻑ : ﺭﻭﺡ ﻣﺎﻃﻠﻊ ﻣﻨﺎ
: ﻳﺎﺍ ﻟﻴﺶ ﻭﻟﺞ ﺗﺨﺒﻠﺘﻲ
: ﺍﻱ ﺗﺨﺒﻠﺖ ﺍﺫﺍ ﺍﺧﻠﻴﻚ ﺗﺴﻮﻳﻠﻲ ﺷﻲ
: ﻭﻟﺞ ﺍﻃﻠﻌﻲ ﻭﻣﺮﺍﺡ ﺍﺳﻮﻳﻠﺞ ﺷﻲ
: ﻫﺎﺍ ﻛﻮﻝ ﺍﻟﺼﺪﻙ
: ﺃﺳﺘﻐﻔﺮ ﺍﻟﻠﻪ ﺳﺪﻳﻢ ﺍﻃﻠﻌﻲ
ﺣﺠﻴﺖ ﺑﺨﻮﻑ : ﺷﻮﻑ ﺍﺟﺬﺏ ﻋﻠﻴﻪ ﺗﺮﻳﺪﻧﻲ ﺑﺲ ﺍﻃﻠﻊ
: ﻭﻟﺞ ﺍﻃﻠﻌﻲ ﻣﺎﺟﺬﺏ ﻋﻠﻴﺞ ﺑﺲ ﺧﻞ ﻧﺴﻮﻟﻒ ﺍﻧﻲ ﻭﻳﺎﺝ .. ﻳﻌﻨﻲ ﻫﻴﺞ ﻛﻠﺒﺞ ﻳﻨﻄﻴﺞ ﻭﺗﺤﺮﻣﻴﻨﻲ ﻣﻨﺞ ﺧﻮﺵ ﺍﻧﻲ ﻃﺎﻟﻊ ﻭﺍﺑﻘﻲ ﺍﻧﺘﻲ ﻭﺣﺪﺝ ﺑﻠﻐﺮﻓﻪ ﺗﺎﺧﺬﻳﻦ ﺭﺍﺣﺘﺞ
ﺍﻧﻘﻬﺮﺕ ﻋﻠﻴﻪ ﻭﺻﺪﻛﺖ ﻛﻼﻣﻪ ﻣﺮﺍﺡ ﻳﺴﻮﻳﻠﻲ ﺷﻲ ﻭﺣﺴﺒﺎﻟﻲ ﺻﺪﻙ ﻃﻠﻊ
ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﺩﺣﻜﺖ ﻋﻠﻰ ﺍﻟﻐﺮﻓﻪ ﻭﺍﻧﻲ ﻣﻦ ﻭﺭﻩ ﺍﻟﺒﺎﺏ ﻣﺎﻛﻮ ﻛﻞ ﺍﺣﺪ
ﺍﺑﺘﺴﻤﺖ ﻭﻃﻠﻌﺖ : ﻭﺍﺧﻴﺮﺍ
ﻣﺎﺣﺲ ﺍﻻ ﻭﺍﺣﺪ ﺣﻀﻨﻲ ﻣﻦ ﻭﺭﻩ ﻭﻛﺎﻝ : ﻭﺍﺧﻴﺮﺍ ﻟﺰﻣﺘﺞ
ﺷﻬﻜﺖ ﻭﻛﺘﻠﻪ؛ﺍﻧﺖ ﻭﻳﻦ ﺟﻨﺖ ﺧﺎﺗﻞ
: ﻣﻌﻠﻴﺞ ..
ﺩﺍﺭﻧﻲ ﻋﻠﻴﻪ ﻭﺍﻧﻲ ﻣﺮﺗﺒﻜﻪ ﻭﺧﺎﻳﻔﻪ ﻛﺎﻝ : ﻫﻴﺞ ﻭﻟﺞ ﺗﺮﺩﻳﻦ ﺗﺤﺮﻣﻴﻨﻲ ﻣﻨﺞ
: ﺍﻧﺖ ﻭﻋﺪﺗﻨﻲ ﻣﺎﺗﺴﻮﻳﻠﻲ ﺷﻲ
ﺍﺑﺘﺴﻢ ﻭﻛﺎﻝ : ﻛﻼﻡ ﺍﻟﻠﻴﻞ ﻳﻤﺤﻮﻩ ﺍﻟﻨﻬﺎﺭ
ﻛﻤﻞ ﻛﻼﻣﻲ ﻭﻛﺎﻝ : ﻋﻠﻰ ﻛﻮﻟﺘﺞ ﺧﻴﺮ ﺍﻟﺒﺮ ﻋﺎﺟﻠﻪ
ﻏﻤﺰﻟﻲ ﻭﺿﺤﻚ ...
ﺧﺠﻠﺖ ﻭﻫﻢ ﺧﻔﺖ ﻛﺘﻠﻮ : ﺑﺲ ﺍﻧﺖ
ﻭﻣﺎ ﺣﺲ ﺍﻻ ﻣﻘﺎﻃﻌﻨﻲ ﺑﺒﻮﺳﻪ ﻋﻠﻰ ﺷﻔﺎﻳﻔﻲ ..
ﺭﺩﺕ ﺍﻣﻨﻌﻪ ﻭﻣﺎﻛﺪﺭﺕ ﻭﻭ ...
( ﻳﺎﻟﻪ ﺑﺪﻭﻥ ﻣﻄﺮﻭﺩ (😂
..............
ﻳﺎﻗﻮﺕ / ﻣﺮ ﺍﺳﺒﻮﻋﻴﻦ ﻋﻠﻰ ﺟﻴﺘﻲ ﻫﻨﺎ .. ﻭﻛﻤﺖ ﻳﻮﻣﻴﻪ ﺍﻟﺒﺲ ﺷﻜﻞ
ﻭﺍﺗﺠﺎﻫﻞ ﺑﻠﻜﻼﻡ ﻭﻳﺎﻩ ﻭﻫﻮ ﺧﻄﻴﻪ ﻣﻦ ﻳﺸﻮﻓﻨﻲ ﺷﻼﺑﺴﻪ ﻳﻈﻞ ﺑﺲ ﻳﺴﺐ ﻟﻮ ﻣﺮﺍﺕ ﻳﺴﺘﻐﻔﺮ
ﻟﻮ ﻳﺬﺏ ﺣﺠﻲ ﻭﻳﻜﻮﻝ ﻧﺎﺱ ﻣﺎﺗﺨﺎﻑ ﺍﻟﻠﻪ ﻫﻬﻬﻪ
ﺣﻘﻪ ﻣﺎﻧﻌﻪ ﻋﻨﻪ ﻛﻠﺸﻲ ﻣﺴﻮﻳﻪ ﻭﻳﺎﻩ ﺣﺼﺎﺭ ..
ﻭﺍﻧﻲ ﺳﺎﻣﺤﺘﻪ ﺻﺢ ﺷﺎﻳﻠﻪ ﻟﺤﺪ ﻫﺴﻪ ﺑﻜﻠﺒﻲ ﻋﻠﻴﻪ ﺑﺲ ﺣﺒﻲ ﺍﻟﻪ ﺍﻛﺒﺮ ﻣﻦ ﺍﺑﻘﻪ ﻫﻴﺞ ﻭﻗﺎﺳﻴﻪ ﻭﻳﺎﻩ
ﻓﺎ ﺍﻟﻴﻮﻡ ﻟﺒﺴﺖ ﻗﻤﻴﺺ ﻧﻮﻡ ﻟﻮﻧﻪ ﻣﺎﺭﻭﻧﻲ ﻗﺼﻴﺮ ﻓﻮﻙ ﺍﻟﺮﻛﺒﻪ ﻳﻮﺻﻞ .. ﻭﺑﻴﻪ ﻓﺘﺤﻪ ﻣﻦ ﺍﻟﺼﺪﺭ
ﻣﺸﻄﺖ ﺷﻌﺮﻱ ﻭﺍﺷﻮﻑ ﺍﻟﺒﺎﺏ ﺍﻧﻔﺘﺢ ﺍﺑﺘﺴﻤﺖ ..
ﺩﺭﺕ ﻭﺟﻬﻲ ﻭﺍﺷﻮﻓﻪ ﻭﺍﻛﻒ ﻭﻳﺪﺣﻜﻠﻲ ﺍﺟﻪ ﺍﻗﺘﺮﺏ ﻣﻨﻲ ﻭﻛﺎﻝ ﺑﻌﺼﺒﻴﻪ : ﻭﻟﺞ ﺍﺫﺍ ﺍﻧﺘﻲ ﻣﺎﺗﺤﺠﻴﻦ ﻭﻳﺎﻱ ﻭﺑﻌﺪﺝ ﺯﻋﻼﻧﻪ ﻭﻣﺴﻮﻳﻪ ﻋﻠﻴﻪ ﺣﺼﺎﺭ
ﻟﻴﺶ ﻫﻴﺞ ﺗﻠﺒﺴﻴﻦ ﻫﺬﺍ ﺍﻟﺒﺲ ﻭﻟﺞ ﻛﻮﻩ ﻻﺯﻡ ﻧﻔﺴﻲ ﻋﻨﺞ ﻭﺍﻧﺘﻲ ﻣﺮﺗﻲ ﺣﻼﻟﻲ ﺑﺲ ﺍﻛﻮﻝ ﺍﻧﻲ ﻭﻋﺪﺗﻪ ﻭﻣﺎﻛﺪﺭ ﺍﺧﻠﻒ ..
ﺗﺮﻯ ﻭﻟﺞ ﺍﻧﻲ ﺭﺟﺎﻝ ﻣﻮ ﻣﻼﻙ ﻫﺎﺍﺍ ﻣﻦ ﻳﺸﻮﻑ ﻫﻴﺞ ﻣﺎﻳﺘﺄﺛﺮ ﻓﻬﻤﺘﻲ ...
ﺧﻄﻴﻪ ﻳﺤﺠﻲ ﻫﻮﻭﻭ ﻭﺑﻌﺼﺒﻴﻪ ﻭﺍﻧﻲ ﺍﺑﺘﺴﻢ
ﻛﺎﻝ : ﻋﻠﻴﺶ ﺗﺒﺘﺴﻤﻴﻦ ﻓﻬﻤﻴﻨﻲ
ﻛﻠﺖ ﺑﺎﺑﺴﺘﺎﻣﻪ : ﺍﺣﺒﻚ
ﻫﻮ ﺭﻓﻊ ﺣﺎﺟﺒﻪ ﻭﻣﺼﺪﻭﻡ : ﺷﻜﻠﺘﻲ ﺑﻮﻳﻪ ﻋﻴﺪﻱ
ﺿﺤﻜﺖ ﻭﻛﻠﺖ : ﺍﺣﺒﻚ
ﻏﻤﻀﺖ ﻋﻴﻨﻪ ﻭﺭﺟﻊ ﻓﺘﺤﻬﻦ : ﻳﻌﻨﻲ ﺷﻨﻮ ﻳﻌﻨﻲ ﺳﺎﻣﺤﺘﻴﻨﻲ
ﻫﺰﻳﺖ ﺭﺍﺳﻲ ﺑﻠﻤﻮﺍﻓﻘﻪ : ﺍﻱ ﻣﺴﺎﻣﺤﺘﻚ
ﻣﺎﺣﺲ ﺍﻻ ﺣﻈﻨﻲ ﻭﻛﺎﻝ : ﺍﺍﺍﻩ ﻭﻟﺞ ﺷﻜﺪ ﺍﺗﻤﻨﻴﺖ ﻫﺎﻱ ﺍﻟﻜﻠﻤﻪ ﻣﻨﺞ
ﺍﺑﺘﻌﺪﺕ ﻋﻨﻪ ﻭﻛﺘﻠﻪ : ﺑﺲ ﺍﻧﻲ ﺑﻌﺪﻧﻲ ﺷﺎﻳﻠﻪ ﺑﻜﻠﺒﻲ ﺑﺲ ﻻﻥ ﺍﺣﺒﻚ
ﺿﺤﻚ ﻭﻛﺎﻝ : ﻭﻟﺞ ﻭﺍﻟﻠﻪ ﺍﻧﺘﻲ ﻏﻴﺮﺗﻲ ﻫﻮﺍﻱ ﺍﺷﻴﺎﺀ ﺟﺎﻧﺖ ﺑﻴﻪ ... ﺻﺪﻛﻴﻨﻲ ﺑﻌﺪ ﻣﺮﺍﺡ ﺍﺳﻮﻱ ﻫﺬﺍ ﺍﻟﺸﻲ ﻭﺍﺣﻜﻢ ﺑﺪﻭﻥ ﻣﺎﺷﻮﻑ ﺩﻟﻴﻞ ﻭﻳﺎﺝ ﻟﻮ ﻭﻱ ﻏﻴﺮﺝ
: ﻭﻋﺪ
ﺍﺑﺘﺴﻢ ؛ﻭﻋﺪ ﺭﺟﺎﻝ
ﺭﺟﻊ ﻛﺎﻝ : ﻫﺎﻱ ﻳﻌﻨﻲ ﺍﻧﻔﻚ ﺍﻟﺤﺼﺎﺭ ﻣﻮﻭﻭ
ﺿﺤﻜﺖ ﻭﻫﺰﻳﺖ ﺭﺍﺳﻲ ﺑﺨﺠﻞ .. ﻣﺎﺣﺲ ﺍﻻ ﺷﺎﻟﻨﻲ ﺑﺜﻨﻴﻦ ﺍﻳﺪﻩ ﻭﺧﻼﻧﻲ ﻋﻠﻰ ﺍﻟﺠﺮﺑﺎﻳﻪ
ﺩﺣﻜﻠﻲ ﺑﺎﺑﺘﺴﺎﻣﻪ ﻭﻛﺎﻝ : ﺍﺣﺒﺞ ﻳﺎﻗﻮﺗﻪ ..
ﺍﺑﺘﺴﻤﺖ ﺍﻟﻪ ﻭﺑﺎﺳﻨﻲ ﺑﺮﻗﻪ ﻋﻠﻰ ﺷﻔﺎﻳﻔﻲ ....
ﺑﻌﺪ ﻣﺮﻭﺭ ﺳﻨﻪ ﻭﻧﺺ
ﺣﻴﺎﺗﻲ ﻣﺎﻛﻮ ﺍﺣﻠﻰ ﻣﻨﻪ ﻭﺍﺣﺲ ﻧﻔﺴﻲ ﺍﺳﻌﺪ ﺍﻧﺴﺎﻧﻪ ﺻﺢ ﻣﺎﺗﺨﻠﻮ ﻣﻦ ﺍﻟﻤﺸﺎﻛﻞ ﻻﻥ ﺿﺮﻏﺎﻡ ﻋﺼﺒﻲ ﻭﻣﺮﺍﺕ ﻳﺠﻲ ﻋﺼﺒﻲ ﻣﻦ ﺍﻟﺸﻐﻞ
ﻭﻧﺘﻌﺎﺭﻙ ﺍﻧﻲ ﻭﻳﺎﻩ ﺑﺲ ﻧﺮﺟﻊ ﻧﺘﺼﺎﻟﺢ ﺑﺪﻗﻴﻘﺘﻪ ﻻﻥ ﻣﺎﻧﻜﺪﺭ ﻋﻠﻰ ﻓﺮﺍﻙ ﺑﻌﺾ
ﻭﺻﺪﻙ ﺍﺑﺸﺮﻛﻢ ﺻﺎﺭ ﻋﺪﻧﻪ ﻃﻔﻠﻪ ﺳﻤﻴﻨﺎﻫﺎ ﺳﺎﺭﻩ
ﻋﻤﺮﻩ ﺷﻬﺮﻳﻦ ﻭﻧﺺ ﺗﺸﺒﻬﻨﻲ ﺍﻟﻲ ﻣﻌﺎﻧﻴﻪ ﻋﻠﻴﻪ ﺑﺲ ﻣﺎﺧﺬﻩ ﻟﻮﻥ ﺍﻟﻌﻴﻮﻥ ﻋﻠﻰ ﺍﺑﻮﻫﺎ ﺧﻀﺮ
ﻭﺿﺮﻏﺎﻡ ﺣﺘﻰ ﻧﺴﺎﻧﻲ ﻭﺻﺎﺭ ﺳﻮﺍﻟﻔﻪ ﻭﻳﺎﻫﺎ ﻛﻤﺖ ﺍﻏﺎﺭ ﻣﻨﻪ
ﺣﺘﻰ ﻣﺮﺍﺕ ﺍﻟﻜﺎﻩ ﻧﺎﻳﻢ ﺑﺼﻔﻪ ﻣﺨﻠﻴﻬﺎ ﻳﻤﻪ ..
ﺣﺘﻰ ﺳﺮﺍﺝ ﺍﺫﺍ ﻳﺸﻮﻓﻪ ﺑﻌﺪ ﻫﺎﻫﻴﻪ ﻳﺒﻘﻰ ﻛﺎﻋﺪ ﻳﻤﻪ ﻣﺎﻳﻌﻮﻓﻪ ﻭﺻﺎﺭﺕ ﺍﻟﻌﺰﻳﺰﻩ ﺑﻬﺬﺍ ﺍﻟﺒﻴﺖ ﻛﻠﻪ ﺗﺤﺒﻪ
ﺣﺘﻰ ﻋﻤﺘﻲ ﺍﻡ ﺿﺮﻏﺎﻡ ..
ﻣﺮﻩ ﺍﻟﺴﺎﻋﻪ ﺑﻠﺜﻨﺘﻴﻦ ﺑﻠﻴﻞ ﻛﺎﻣﺖ ﺗﺒﺠﻲ ﻭﺍﺭﻳﺪ ﺍﺳﻜﺘﻪ ﻣﺎﺗﻘﺒﻞ
ﻛﻌﺪ ﺿﺮﻏﺎﻡ ﺑﺄﻧﺰﻋﺎﺝ : ﺷﻠﻮﻥ ﻫﺴﻪ ﻣﺎﻧﻜﺪﺭ ﺍﻧﺎﻡ
: ﺍﻧﻲ ﺷﻜﻮ ﻏﻴﺮ ﻛﻠﻪ ﻣﻦ ﻭﺭﻩ ﺑﻨﺘﻚ ﻣﺎﺗﺮﺿﻪ
ﻛﺎﻡ ﻣﻦ ﻣﻜﺎﻧﻪ ﻭﺍﺟﻪ ﻳﻤﻲ : ﺷﺒﻴﻪ
: ﺷﺒﻌﺎﻧﻪ ﻋﻴﻨﻲ ﻧﻮﻡ ﻭﻣﺎﺗﻘﺒﻞ ﺗﻨﺎﻡ ..
ﺍﺧﺬﻩ ﻣﻨﻲ ﻭﺣﻈﻨﻪ ﻭﻇﻞ ﻳﺤﺠﻲ ﻭﻳﺎﻫﺎ ﻳﻜﻮﻝ ﺗﻔﻬﻢ ﻋﻠﻴﻪ
ﻭﻇﻞ ﻳﻔﺘﺮ ﺑﻴﻪ ﺻﺪﻙ ﺷﻜﻠﻪ ﺣﻠﻮ ﻣﻦ ﻫﻴﺞ ﺣﺎﻇﻨﻪ ﻭﻳﻔﺘﺮ ﺑﻴﻪ
ﺍﺧﺮ ﺷﻲ ﺳﻜﺘﺖ ﻭﻧﺎﻣﺖ ﺍﺟﻪ ﻭﻛﺎﻝ ﺑﻬﺪﻭﺀ : ﻭﺧﺮﻱ ﺧﻞ ﺍﻧﻮﻣﻪ
ﺍﺑﺘﻌﺪﺕ ﻋﻨﻪ ﻭﺍﺟﻪ ﺣﻄﻪ ﻋﻠﻰ ﺍﻟﺴﺮﻳﺮ ﻭﻧﺎﻳﻤﻪ ..
ﺩﺣﻜﻠﻲ ﻭﺭﺍﻓﻊ ﺧﺸﻤﻮ ﻭﻛﺎﻝ : ﺷﻮﻭﻓﻲ ﻭﺗﻌﻠﻤﻲ ﺍﻣﻬﺎﺕ ﺍﺧﺮ ﺯﻣﻦ
: ﻻ ﻭﺍﻟﻠﻪ ﻭﻣﻦ ﻳﻤﺘﻪ ﺻﺮﺕ ﺗﻌﺮﻑ ﻻﻃﻔﺎﻝ
ﺍﺟﻪ ﺣﻈﻨﻲ ﻭﺍﺧﺬﻧﻲ ﻋﻠﻰ ﺍﻟﺴﺮﻳﺮ ﻭﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻩ : ﺍﻳﻲ ﻟﻌﺪ ﺷﻌﺒﺎﻟﺞ ﻧﺴﻴﺘﻲ ﻋﻨﺪﻱ ﺍﺑﻦ ﻏﻴﺮﻩ ﺳﺮﺍﺝ
ﺟﺎﻥ ﻳﻨﺎﻡ ﻳﻤﻲ ﻭﺑﻠﻴﻞ ﻣﻦ ﻳﻜﻌﺪ ﺍﺷﻴﻠﻪ ﺍﻧﻲ ﻟﺤﺪ ﻣﺎﻳﻨﺎﻡ ﻻﻥ ﺟﻨﺖ ﻣﺎﺭﻳﺪ ﺍﺯﻋﺠﻬﻢ
ﺍﺑﺘﺴﻤﺖ : ﻫﻨﻴﺎﻟﻨﻪ ﻋﻠﻰ ﻫﺬﺍ ﺍﻻﺑﻮﻭ
ﻛﺎﻝ : ﺍﻧﻲ ﻫﻨﻴﺎﻟﻲ ﻋﻠﻴﻜﻢ ﻭﺍﺩﻋﻲ ﺭﺑﻲ ﻻﻳﺤﺮﻣﻨﻲ ﻣﻨﻜﻢ ..
ﺍﺑﺘﺴﻤﺖ ﻭﺑﺴﺘﻪ ﻣﻦ ﺧﺪﻩ : ﻭﻻ ﻳﺤﺮﻣﻨﻪ ﻣﻨﻚ ...
..
ﺳﺪﻳﻢ ﻭ ﻭﺍﺋﻞ ﻋﺎﻳﺸﻴﻦ ﻗﺼﺔ ﺣﺐ ﺣﻠﻮﻭﻩ ﻭﺍﺋﻞ ﺣﺐ ﺳﺪﻳﻢ ﻣﻦ ﻟﺴﺎﻧﻪ ﻭﻛﻠﻪ ﻣﻦ ﻳﺸﻮﻓﻪ ﻳﺼﻴﺤﻠﻪ ﺑﺰﻭﻧﺘﻲ ﻭﻫﻴﺎ
ﺗﻤﻮﺕ ﻭﻻ ﻳﻜﻠﻠﻪ ﻫﻴﺞ ﺑﺲ ﻣﻦ ﻳﺰﺍﻋﻠﻮﻥ ﻭﻳﻈﻞ ﻳﻨﺎﺩﻳﻪ
ﺑﺮﺳﻤﻴﻪ ﺳﺪﻳﻢ .. ﺗﻤﻮﺕ ﻗﻬﺮ ﻳﻌﻨﻲ ﻣﺎﻳﻨﻔﻬﻢ ﺍﻟﻪ ﺳﺪﻳﻢ ﺣﺎﻣﻞ ﺑﺒﻨﻴﻪ ﻫﻢ ﻭﺑﻠﺸﻬﺮ ﺍﻟﺴﺎﺩﺱ ﻫﻴﺎ ..
....
ﺍﻳﻮﺏ / ﻟﺤﺪ ﻫﺴﻪ ﻣﺎﺗﺰﻭﺝ ﻭﻻ ﺷﺎﻑ ﺑﻨﻴﻪ ﻣﻦ ﺑﻌﺪ ﻓﺎﻃﻤﻪ ﺳﻜﻨﺖ ﻛﻠﺒﻪ ﻭﺑﻘﻪ ﻋﺎﻳﺶ ﻫﻨﺎﻙ ﺑﻠﻜﻮﺕ ﺷﻐﻠﻪ ﻭﺑﻴﺘﻪ ﻋﺎﻳﺶ ﻭﺣﺪﻩ ..
ﻭﻛﻞ ﺷﻬﺮ ﻫﻴﺞ ﻳﺮﻭﺡ ﻋﻠﻰ ﺍﻫﻠﻪ ﻭﻋﻼﻗﺘﻪ ﻭﻱ ﺍﻣﻪ ﺭﺳﻤﻴﻪ ﺻﺎﺭﺕ ﺑﺲ ﻋﻠﻰ ﻛﺪ ﺍﻟﺴﻼﻡ ﻟﺤﺪ ﻫﺴﻪ ﻣﺎﻣﺴﺎﻣﺤﻪ ﻋﻠﻰ ﺍﻟﻲ ﺳﻮﺗﻪ ﻭﺷﺎﻳﻞ ﺑﻜﻠﺒﻪ ﻋﻠﻴﻪ
ﻭﻫﻴﺎ ﻣﺘﻨﺪﻣﻪ ﻻﻥ ﺑﻌﺪﺗﻬﻢ ﻋﻦ ﺑﻌﺾ ﻣﻦ ﺷﺎﻓﺖ ﻣﻌﺎﻣﻠﺔ ﺍﺑﻨﻪ ﻫﻴﺞ ﻭﻳﺎﻫﺎ
ﻭﺻﺪﻙ ﻓﺎﻃﻤﻪ ﻋﺎﻳﺸﻪ ﻫﺴﻪ ﺣﻴﺎﺗﻪ ﻭﻱ ﺯﻭﺟﻪ ﻭﺟﺎﺑﺖ ﻭﻟﺪ ﻭﺳﻤﺘﻪ ﺃﻳﻮﺏ ﻋﻠﻰ ﺍﺳﻤﻪ ..
ﻭﻫﻮ ﻋﺮﻑ ﺑﻬﺬﺍ ﺍﻟﺸﻲ ﺑﺲ ﺷﻴﺴﻮﻱ ﺑﻌﺪ ﻣﺎﺑﻴﺪﻩ ﺍﻱ ﺷﻲ ..
........
ﻣﺮﻭﺍﻥ / ﻣﺎﺩﺭﺍﻙ ﻣﺎ ﻣﺮﻭﺍﻥ ﻭﺍﺧﻴﺮﺍ ﺗﺰﻭﺝ ﺑﻌﺪ ﻣﻌﺎﻧﺎﺓ ﻭﺍﺳﺘﻘﺮ ﺑﺤﻴﺎﺗﻪ ﻣﻦ ﺗﺰﻭﺝ ﻭﺑﻬﺎﻱ ﺍﻟﻤﺪﻩ ﺣﺘﻰ ﻣﺎﺧﻠﻪ ﻣﺮﺗﻪ ﺗﺮﻭﺡ ﻟﻬﻠﻪ ﺷﻠﻊ ﻛﻠﺒﻪ
ﻳﻜﻠﻠﻪ ﻛﺎﻓﻲ ﻣﺎﺷﺒﻌﺘﻲ ﻣﻨﻬﻢ ﺻﺎﺭﻟﻲ ﺳﻨﻴﻦ ﻳﻤﻬﻢ ﻫﺴﻪ ﺍﻧﺘﻲ ﺻﺮﺗﻲ ﺍﻟﻲ ﺧﻞ ﺍﺷﺒﻊ ﻣﻨﺞ
ﻭﺍﻃﻠﻊ ﺿﻴﻢ ﻭﻗﻬﺮ ﺍﻟﺴﺎﺩﺱ ﻭﻟﺤﺪ ﻫﺴﻪ ﻣﺼﺎﺭﺕ ﺣﺎﻣﻞ ﻳﻜﻮﻝ ﺑﻌﺪﻧﻪ ﻻﺣﻜﻴﻦ ﻋﻠﻰ ﺍﻟﻬﻮﺳﻪ ..
ﻭﻓﺮﺣﺎﻧﻴﻦ ﻭﻋﺎﻳﺸﻴﻦ ﺑﺴﻌﺎﺩﻩ ...
.......
ﺟﻤﺎﻧﻪ / ﺗﺪﺭﺱ ﻛﻠﻴﻪ ﻭﻫﻢ ﻣﺨﻄﻮﺑﻪ ﻣﻦ ﻗﺒﻞ ﺯﻣﻴﻞ ﺍﻟﻪ ﺑﻨﻔﺲ ﺍﻟﻜﻠﻴﻪ
ﺍﻣﺎ ﺳﻮﺯﺍﻥ ﻓﺎ ﺗﺰﻭﺟﺖ ﺷﺨﺺ ﻏﺮﻳﺐ ﻭﻣﻦ ﻏﻴﺮ ﻣﺤﺎﻓﻈﻪ ..
ﻭﻫﺎﻱ ﺣﻴﺎﺓ ﻛﻞ ﺷﺨﺺ ﺑﻬﺎﻱ ﺍﻟﻘﺼﻪ
noorhaidar18
( ﻟﻜﻞ ﻗﺼﻪ ﻧﻬﺎﻳﻪ ﻭﺍﻟﻰ ﻫﻨﺎ ﻭﺗﻨﺘﻬﻲ ﻗﺼﺘﻲ ﻭﻳﺎﻛﻢ (💙😊
| ﺳﻴﻒ ﻧﺒﻴﻞ - ﻗﻠﺐ ﺛﺎﻧﻲ - ﻓﻴﺪﻳﻮ ﻛﻠﻴﺐ ﺣﺼﺮﻱ
ﺍﻧﺘﻬﻰ ﺍﻟﺒﺎﺭﺕ ﻳﺎﺭﺏ ﻋﺠﺒﻜﻢ ﺣﺒﺎﻳﺒﻲ 💙
ﺍﺣﺐ ﺍﺷﻜﺮ ﻛﻞ ﺷﺨﺺ ﺩﻋﻤﻨﻲ ﻭﺷﺠﻌﻨﻲ ﺍﻛﻤﻞ ﺍﻟﺮﻭﺍﻳﻪ ﻭﻛﻞ ﺷﺨﺺ ﺗﻔﺎﻋﻞ ﺑﻴﻪ ..
ﻭﺍﻋﺘﺬﺭ ﻣﻨﻜﻢ ﻋﻠﻰ ﺍﻟﺘﺄﺧﻴﺮ ﻭﺧﺎﻑ ﺷﻠﻌﺖ ﻛﻠﺒﻜﻢ ﻭﺍﺷﻜﺮﻛﻢ ﻻﻥ ﺍﺳﺘﺤﻤﻠﺘﻮﻧﻲ ﻟﺤﺪ ﻣﺎﻛﻤﻠﺘﻪ ❤😍
ﺭﺍﺡ ﺍﺷﺘﺎﻗﻠﻜﻢ ﺟﺜﻴﺮ ...
ﺍﺣﺒﻜﻢ ﻧﻔﺮ ﻧﻔﺮ ﻓﺪﻳﺘﻜﻢ 🌺
