٦______٧
# ﻏﺮﻳﺒﻪ ﻓﻲ ﺍﻟﻤﺪﻳﻨﺔ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
#بارت٦
ﺍﻧﻪ ﺑﻠﻴﺎﻙ
ﻣﺪﺭﻱ ﺷﺒﻴﻪ ﻣﺎﺑﻴﻪ
ﺯﻟﻒ ﻭﺑﻼﻳﻪ ﺗﺮﭼﯿﻪ
ﻧﻬﺮ ﻓﺎﺽ ﻭﺗﺒﻊ ﻣﻴﻪ
ﺭﺟﻊ .. ﺑﺲ ﻣﺎﻟﮕﺎﻟﻪ ﺟﺮﻭﻑ
ﻭﻛﻮﻥ ﺗﺸﻮﻑ
ﺭﻭﺣﻲ ﺷﺨﻠﻪ ﺑﻴﻬﺎ ﺍﻟﺨﻮﻑ
_ ﺟﺒﺎﺭ ﺭﺷﻴﺪ
.....................
ﺃﻳﻮﺏ : ﻫﺎ ﻋﻤﻪ ﻛﻮﻟﻲ
ﺃﻓﺮﺍﺡ : ﻭﺍﻟﻠﻪ ﻳﺎﻋﻤﻪ ﻣﺎﻋﺮﻑ ﺷﻜﻠﻚ
ﺃﻳﻮﺏ : ﻋﻤﻪ ﺧﻠﺼﻴﻨﻲ ﺗﺮﻯ ﺻﺒﺮﻱ ﺧﻠﺺ ﻭﺍﻟﻠﻪ
ﺃﻓﺮﺍﺡ ﺍﺑﺘﺴﻤﺖ : ﺭﺣﺖ ﺍﻟﻬﻢ ﻭﻛﻌﺪﺕ ﻭﻳﺎﻫﺎ ﻭﺳﻮﻟﻔﺖ ﻋﻠﻴﻚ ﻭﻛﺘﻠﻪ ﺍﻟﻮﻟﺪ ﻳﺤﺒﺞ ﻣﻦ ﺯﻣﺎﻥ ﻭﺗﺮﻯ ﻫﻮ ﺷﺎﺭﻳﺞ ﻭﻳﺮﻳﺪﺝ ﺑﻠﺤﻼﻝ ﻭﺩﺯﻧﻲ ﺍﻟﺞ ﺣﺘﻰ ﻳﺸﻮﻑ ﺭﺍﻳﺞ ﺍﻭﻝ ﺷﻲ
ﺃﻳﻮﺏ : ﺍﻱ ﻭﻫﻴﺎ ﺷﻜﺎﻟﺖ
ﺃﻓﺮﺍﺡ : ﻫﻴﺎ ﺍﻭﻝ ﺷﻲ ﺧﺠﻠﺖ ﻭﻣﺎﺣﺠﺖ ﺷﻲ ﺑﻌﺪﻳﻦ ﻛﺎﻟﺖ ﺍﻟﻘﺮﺍﺭ ﺍﻻﻭﻝ ﻭﺍﻻﺧﻴﺮ ﺑﻴﺪ ﺃﺑﻮﻱ
ﺃﻳﻮﺏ ﺑﺴﺮﻋﻪ : ﺑﺲ ﺍﻧﻲ ﺍﺭﻳﺪ ﻗﺮﺍﺭﻫﺎ ﻫﻴﺎ ﻳﺎﻋﻤﻪ
ﺃﻓﺮﺍﺡ : ﺍﻱ ﺷﺒﻴﻚ ﺧﻠﻴﻨﻲ ﺍﻛﻤﻞ ﻻ ﻛﻠﺴﺎﻉ ﺗﻘﺎﻃﻌﻨﻲ
ﺃﻳﻮﺏ ﺑﻨﻔﺎﺫ ﺻﺒﺮ : ﺃﻣﺮﻱ ﻟﻠﻪ ﻛﻤﻠﻲ
ﺃﻓﺮﺍﺡ : ﻛﺘﻠﻪ ﻻ ﻫﻮ ﻳﺮﻳﺪ ﺭﺍﻳﺞ ﺑﺎﻻﻭﻝ ﺣﺘﻰ ﺍﺫﺍ ﻣﻮﺍﻓﻘﻪ ﻳﺨﻄﺒﺞ ﺍﻧﺘﻲ ﻛﻠﻴﻠﻲ ﺷﻨﻮ ﺭﺍﻳﺞ ﺑﻴﻪ ﺗﺪﺭﻱ ﺷﻜﺎﻟﺖ ﻳﺎﺍﺑﻦ ﺍﺧﻮﻱ
ﺃﻳﻮﺏ : ﺷﻜﺎﻟﺖ
ﺃﻓﺮﺍﺡ ﺑﻔﺮﺣﻪ : ﺍﻟﺒﻨﻴﻪ ﻃﻠﻌﺖ ﺍﺗﺤﺒﻚ ﻣﻦ ﺳﻨﺘﻴﻦ ﺍﺗﻜﻮﻝ ﻋﺠﺒﺘﻨﻲ ﻫﻴﺎ ﺷﺨﺼﻴﺘﻪ ﻭﺍﺧﻼﻗﻪ ﻭﺣﺒﺘﻚ
ﺃﻳﻮﺏ ﺑﺼﺪﻣﻪ ﻛﺎﻡ ﻣﻦ ﻣﻜﺎﻧﻪ ﻭﺑﺎﻭﻋﻠﻪ : ﻛﻮﻟﻲ ﻭﺍﻟﻠﻪ ﻳﺎﻋﻤﻪ
ﺃﻓﺮﺍﺡ : ﺍﻱ ﻳﺎﻋﻤﻪ ﺍﻟﺒﻨﻴﻪ ﺍﺗﺤﺒﻚ ﻭﻣﻌﺠﺒﻪ ﺑﻴﻚ
ﺃﻳﻮﺏ ﻭﻫﻮ ﻣﻮ ﻣﺼﺪﻙ : ﺷﻠﻮﻥ
ﺃﻓﺮﺍﺡ : ﺍﺗﻜﻠﻲ ﺍﻧﻌﺠﺒﺖ ﺑﺨﻼﻗﻚ ﻭﺑﺸﺨﺼﻴﺘﻚ ﻭﻫﻴﺎ ﻣﻼﺣﻈﻪ ﻋﻠﻴﻚ ﺍﺻﻠﻦ ﻧﻈﺮﺍﺗﻚ ﺍﻟﻪ
ﺃﻳﻮﺏ ﺍﺑﺘﺴﻢ ﻭﻛﻌﺪ ﻋﻠﻰ ﺍﻟﺠﺮﺑﺎﻳﻪ ﻫﻤﺲ : ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺑﻲ ﺗﻤﻢ ﻋﻠﻴﻪ
ﺃﻓﺮﺍﺡ : ﺍﻟﻠﻪ ﻳﺘﻤﻢ ﻋﻠﻴﻚ ﺍﻟﻔﺮﺣﻪ ﻳﺎﻋﻤﻪ ﻳﺎﻟﻪ ﺃﻧﺎ ﻻﺯﻡ ﺍﺭﻭﺡ
ﺃﻳﻮﺏ ﻭﻫﻮ ﺻﺎﻓﻦ : ﺍﻟﻠﻪ ﻭﻳﺎﺝ ﻋﻤﻪ ..بيج قصص عراقيه حقيقيه من واقعنا.روعه الطائي
ﻭﻛﻔﺖ ﻭﺩﺍﺭﺕ ﻭﺟﻬﻪ ﻭﻓﺘﺤﺖ ﺟﻨﻄﺘﻪ ﻭﻃﻠﻌﺖ ﻭﺭﻗﻪ : ﺻﺪﻙ ﻫﺎﻙ
ﺃﻳﻮﺏ : ﺷﻨﻮ ! ؟
ﺃﻓﺮﺍﺡ ﺍﺑﺘﺴﻤﺖ : ﺟﺒﺖ ﺍﻟﻚ ﺭﻗﻤﻪ ﺧﺎﻑ ﺗﺮﻳﺪ ﺗﺘﻮﺍﺻﻞ ﻭﻳﺎﻫﺎ
ﺃﻳﻮﺏ ﺑﺼﺪﻣﻪ : ﺷﻨﻮ ﺷﺘﻜﻮﻟﻴﻦ ﻋﻤﻪ ﻣﻨﻴﻦ ﺟﺒﺘﻴﻪ
ﺃﻓﺮﺍﺡ : ﻣﻦ ﻣﺼﺎﺩﺭﻱ ﺍﻟﺨﺎﺻﻪ
ﺃﻳﻮﺏ : ﺑﺲ ﻋﻤﻪ ﻣﺎﻳﺼﻴﺮ ﺷﻠﻮﻥ ﺗﺎﺧﺬﻳﻨﻪ ﺑﺪﻭﻥ ﻣﻮﺍﻓﻘﺔ ﺍﻟﺒﻨﻴﻪ ﻭﻫﺴﻪ ﺗﻔﻬﻢ ﻏﻠﻂ
ﺃﻓﺮﺍﺡ ﺣﻄﺖ ﺍﻟﺮﻗﻢ ﻋﻠﻰ ﺍﻟﻤﻴﺰ ﻭﻛﺎﻟﺖ : ﻫﺬﺍ ﻳﻤﻚ ﺍﺫﺍ ﺗﺮﻳﺪ ﺗﺘﺼﻞ ﺍﻭ ﻻ ﺑﻜﻴﻔﻚ ﻳﺎﻟﻪ ﺑﺎﻱ
ﻋﺎﻓﺘﻨﻲ ﻭﺑﻘﻴﺖ ﻭﺣﺪﻱ ﺍﺑﺎﻭﻉ ﻋﻠﻰ ﺍﻟﺮﻗﻢ ﺍﻭﻭﻑ ﻫﻴﺞ ﺍﺳﻬﻠﺖ ﻋﻠﻴﻪ ﺷﺴﻮﻳﺘﻲ ﺑﺤﺎﻟﻲ ﻳﺎﻓﺎﻃﻤﻪ ﻻ ﻭﻃﻠﻌﺖ ﻫﻢ ﺍﺗﺤﺒﻨﻲ ﺍﺷﻮ ﻣﺎﺍﻧﺘﺒﻬﺖ ﻋﻠﻴﻪ ﺍﻧﻲ ﻣﺪﺭﻱ ﻫﻴﺎ ﻣﺎﺍﺗﺒﻴﻦ ﻭﺿﺎﻣﺘﻪ
ﻣﺜﻞ ﻣﺎﺟﻨﺖ ﺍﻧﻲ ﺿﺎﻣﻪ ﺑﻜﻠﺒﻲ ﻭﻣﻦ ﺧﻠﺺ ﺻﺒﺮﻱ ﻛﺘﻴﺖ ﺍﻻﻭﻝ ﻭﺍﻟﺘﺎﻟﻲ ﻭﻛﻠﺖ ﻟﻌﻤﺘﻲ ﺍﺗﻜﻠﻪ
ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﺍﺧﺬﺕ ﺍﻟﻮﺭﻗﻪ ﻓﺘﺤﺘﻪ ﻭﺷﻔﺖ ﺍﻟﺮﻗﻢ ﺍﺑﺘﺴﻤﺖ ﻭﺑﺪﻱ ﺍﺿﻢ ﺍﻟﻮﺭﻗﻪ ﺑﻜﻠﺒﻲ ﻻﻥ ﺑﻴﻪ ﺷﻲ ﺍﻟﻪ ﺷﻲ ﻳﺨﺼﻬﺎ ... ﻓﺘﺤﺖ ﺍﻟﻤﺠﺮ ﻭﺣﻄﻴﺖ ﺍﻟﻮﺭﻗﻪ ﻭﺳﺪﻳﺘﻪ
ﻭﺭﺣﺖ ﺣﺘﻰ ﺍﻏﻴﺮ ﻟﺒﺴﻲ
ﻭﺭﻭﺩ ﻓﺘﺤﺖ ﻋﻴﻨﻲ ﺑﻠﻜﻮﻩ ﻭﺍﻧﻲ ﺍﺳﻤﻊ ﺍﻟﺒﺎﺏ ﻳﻨﺪﻙ ﻭﺍﺣﺪ ﻳﺤﺠﻲ ﻣﻴﺰﺕ ﺍﻟﺼﻮﺕ ﻫﺎﻱ ﺍﻣﻲ
ﺍﻡ ﺿﺮﻏﺎﻡ : ﻳﻤﻪ ﻛﻮﻣﻲ ﻟﻴﺶ ﻗﺎﻓﻠﻪ ﺍﻟﺒﺎﺏ ﻋﻠﻴﺞ
ﻭﺭﻭﺩ ﺣﺠﻴﺖ ﻭﺑﻠﻜﻮﻩ ﺻﻮﺗﻲ ﻳﻄﻠﻊ : ﻛﺎﻳﻤﻪ ﻳﻤﻪ
ﺍﻡ ﺿﺮﻏﺎﻡ : ﺷﺒﻴﺞ ﻳﺎﺭﻭﺣﻲ ﺷﻠﻮﻥ ﺻﺮﺗﻲ ﻫﺴﻪ
ﻭﺭﻭﺩ ﺑﻐﺼﻪ : ﻣﺎﺑﻴﻪ ﺷﻲ ﻳﻤﻪ ﺻﺮﺕ ﺯﻳﻨﻪ
ﺍﻡ ﺿﺮﻏﺎﻡ : ﺧﻮﺵ ﻟﻌﺪ ﻳﻤﻪ ﺗﻌﺎﻱ ﺍﻧﺰﻟﻲ ﺟﻮﻩ ﺣﺘﻰ ﺗﺎﻛﻠﻴﻠﺞ ﺷﻲ
ﻭﺭﻭﺩ ﺳﻤﻌﺖ ﺧﻄﻮﺍﺗﻪ ﺑﻌﺪﺕ .. ﺭﺟﻌﺖ ﺣﻄﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﻭﺻﺎﻓﻨﻪ
ﺍﺧﺬﺕ ﺍﻟﻤﻮﺑﺎﻳﻞ ﻟﺰﻣﺘﻪ ﻭﺍﺑﺎﻭﻉ ﻋﻠﻰ ﺍﻟﺸﺎﺷﻪ ﻭﺃﻛﻮﻝ ﻫﺴﻪ ﻳﺮﺟﻊ ﻋﻠﻲ ﻳﺘﺼﻞ ﻭﻳﻜﻠﻲ ﺟﻨﺖ ﺍﺟﺬﺏ ﻋﻠﻴﺞ ﺳﻮﻳﺖ ﺑﻴﺞ ﻣﻘﻠﺐ ﺃﻧﻲ ﺍﺣﺒﺞ ﻣﺎﻟﻲ ﻏﻴﺮﺝ
ﻭﺭﻭﺩ ﺑﺪﻣﻌﻪ ﻧﺰﻟﺖ ﻣﻦ ﻋﻴﻨﻪ ﻣﻦ ﺷﺎﻓﺖ ﻣﺎﻛﻮ ﺍﻣﻞ ﺍﻧﻮ ﻳﺘﺼﻞ ﻋﻠﻴﻪ : ﺍﻟﻠﻪ ﻳﺎﺧﺬﻧﻲ ﺍﻥ ﺷﺎﺀﺍﻟﻠﻪ ﻭﺍﺧﻠﺺ ﻟﻴﺶ ﻫﻴﺞ ﺳﻮﻳﺖ ﺑﻴﻪ ﻋﻠﻲ ﻟﻴﺶ ﻛﺴﺮﺕ ﻛﻠﺒﻲ ﺑﺴﻮﺍﻳﺘﻚ ﺍﻧﻲ ﺣﺒﻴﺘﻚ ﻣﻦ ﻛﻞ ﻛﻠﺒﻲ ﺗﺎﻟﻴﺘﻚ ﺟﻨﺖ ﺗﻠﻌﺐ ﻋﻠﻴﻪ ﻭﻣﻦ ﺷﻔﺖ ﻣﺎﺳﻮﻳﺖ ﺍﻟﻲ ﺗﺮﻳﺪﻩ ﻣﻠﻴﺖ ﻣﻨﻲ ﻭﻋﻔﺘﻨﻲ
ﺍﻟﻠﻪ ﻻ ﻳﻮﻓﻘﻚ ﺍﻥ ﺷﺎﺀﺍﻟﻠﻪ ﻭﺍﻟﻠﻪ ﻳﺎﺧﺬ ﺣﻘﻲ ﻣﻨﻚ
ﺍﺗﺬﻛﺮﺕ ﻛﻼﻡ ﺃﻳﺎﺱ ﻫﺎﻱ ﺍﻭﻝ ﻣﺮﻩ ﺑﺤﻴﺎﺗﻲ ﺍﺷﻮﻑ ﺃﻳﺎﺱ ﻫﻴﺞ ﻋﺼﺒﻲ ﺟﻨﺖ ﺍﻛﻮﻝ ﻋﻠﻴﻪ ﺍﻟﺒﺎﺭﺩ ﻻﻥ ﻛﻠﻪ ﻫﺎﺩﺉ ﻭﻗﻠﻴﻞ ﻣﻦ ﻳﺤﺠﻲ
ﻫﺴﻪ ﺃﺧﺬ ﻋﻠﻴﻪ ﻧﻈﺮﻩ ﻣﻮ ﺯﻳﻨﻪ ﻭﻳﻜﻮﻝ ﺍﻧﻲ ﺭﺧﺼﺖ ﻧﻔﺴﻲ ﺍﻟﻪ
ﻣﺴﺤﺖ ﺩﻣﻮﻋﻲ ﻭﻛﻤﺖ ﻣﻦ ﺍﻟﺠﺮﺑﺎﻳﻪ ﺭﺣﺖ ﺩﺧﻠﺖ ﻟﻠﺤﻤﺎﻡ( ﺗﻜﺮﻣﻮﻥ ) ﻭﻛﻔﺖ ﻳﻢ ﺍﻟﻤﻐﺴﻠﻪ ﻭﺑﺎﻭﻋﺖ ﻋﻠﻰ ﺷﻜﻠﻲ ﺑﻠﻤﺮﺍﻳﻪ ﻋﻴﻮﻧﻲ ﺣﻤﺮ ﻭﻣﻨﻔﻮﺧﺎﺕ ﻣﻦ ﺍﻟﺒﺠﻲ ﻭﺷﻌﺮﻱ ﻣﻬﻮﺱ
ﻭﺭﻭﺩ : ﺻﻴﺮﻱ ﻗﻮﻳﻪ ﻻ ﺗﻀﻌﻔﻴﻦ ﻗﻮﻱ ﻧﻔﺴﺞ ﻻﺗﺨﻠﻴﻦ ﺍﻱ ﺷﻲ ﻳﻜﺴﺮﺝ ﺍﺣﻤﺪﻱ ﺭﺑﺞ ﻭﺷﻜﺮﻳﻪ ﻣﻦ ﺑﻴﻨﻪ ﺍﻟﺞ ﻋﻠﻰ ﺣﻘﻴﻘﺘﻪ ﻃﻠﻊ ﻭﺍﺣﺪ ﺳﺎﻓﻞ ﻭﻧﺬﻝ ﻭﺭﺍﺩ ﻳﺒﺘﺰﻧﻲ ﺑﺲ ﺍﻟﺤﻤﺪﻟﻠﻪ ﻣﻦ ﻋﺮﻓﺖ
: ﻣﺴﺘﺤﻴﻞ ﺗﻨﺰﻝ ﺩﻣﻮﻋﻲ ﻋﻠﻴﻪ ﻻﻥ ﻣﺎﻳﺴﻮﻩ ﻻﻥ ﻃﻠﻊ ﺳﺎﻓﻞ ﻭﺣﻘﻴﺮ ﻻﺯﻡ ﺍﻓﺮﺡ ﻣﻮ ﺍﻧﻜﺴﺮ
ﻏﺴﻠﺖ ﻭﺟﻬﻲ ﻣﺮﻩ ﻣﺮﺗﻴﻦ ﻭﺛﻼﺛﻪ ﻟﺤﺪ ﻣﺎﺗﻌﺒﺖ ﺷﻮﻱ ﺍﺭﺗﺎﺣﻴﺖ ﻧﺸﻔﺖ ﻭﺟﻬﻲ ﻭﻏﻴﺮﺕ ﻣﻼﺑﺴﻲ ﻟﺒﺴﺖ ﺍﻟﺤﺠﺎﺏ ﻭﻧﺰﻟﺖ ﺟﻮﻩ ﺷﻔﺘﻬﻢ ﻛﻠﻬﻢ ﻛﺎﻋﺪﻳﻦ ﻣﺎﻋﺪﺍ ﻣﺮﻭﺍﻥ
ﻭﺭﻭﺩ : ﻣﺴﺎﺀ ﺍﻟﺨﻴﺮ
ﺭﺩﻭ ﻛﻠﻬﻢ ﺑﺼﻮﺍﺕ ﻣﺘﻔﺮﻗﻪ : ﻣﺴﺎﺀ ﺍﻟﻨﻮﺭ
ﺿﺮﻏﺎﻡ ﺍﺑﺘﺴﻢ : ﺷﻠﻮﻥ ﺻﺮﺗﻲ ﻫﺴﻪ ﺍﻥ ﺷﺎﺀﺍﻟﻠﻪ ﺯﻳﻨﻪ
ﻭﺭﻭﺩ ﺍﺑﺘﺴﻤﺖ : ﺍﻟﺤﻤﺪﻟﻠﻪ ﺯﻳﻨﻪ
ﺃﺑﻮ ﺿﺮﻏﺎﻡ ﺃﺷﺮ ﺍﻟﻪ ﺗﺠﻲ ﺗﻜﻌﺪ ﺑﺼﻔﻪ : ﺗﻌﺎﻱ ﺣﺒﻴﺒﻪ ﻛﻌﺪﻱ ﻳﻤﻲ
ﻭﺭﻭﺩ ﺭﺣﺖ ﻛﻌﺪﺕ ﺑﺼﻔﻪ ﻭﺣﻂ ﻫﻮ ﺍﻳﺪﻩ ﻋﻠﻰ ﻛﺘﻔﻲ ﻣﻴﻠﺖ ﺭﺍﺳﻲ ﻟﺼﺪﺭﻩ ﻭﻇﻞ ﻳﻤﺴﺢ ﺑﺸﻌﺮﻱ
ﺣﺴﻴﺖ ﺑﻠﺮﺍﺣﻪ ﻭﺍﻻﻣﺎﻥ ﺑﺤﻈﻨﻪ
ﺃﺑﻮ ﺿﺮﻏﺎﻡ : ﺷﻠﻮﻧﻪ ﻫﺴﻪ ﺣﺒﻴﺒﺔ ﺍﺑﻮﻫﺎ
ﻭﺭﻭﺩ : ﻫﺴﻪ ﺻﺮﺕ ﺑﺨﻴﺮ ﻣﻦ ﺷﻔﺘﻚ
ﺃﺑﻮ ﺿﺮﻏﺎﻡ : ﺍﻟﻠﻪ ﻳﺤﻔﻈﻜﻢ ﺍﻥ ﺷﺎﺀﺍﻟﻠﻪ
ﺿﺮﻏﺎﻡ ﻛﺎﻡ : ﻳﺎﻟﻪ ﺃﻧﻲ ﺍﺗﺮﺧﺺ ﻻﺯﻡ ﺍﺭﻭﺡ
ﺃﺑﻮ ﺿﺮﻏﺎﻡ : ﺍﻟﻠﻪ ﻭﻳﺎﻙ ﺑﻮﻳﻪ
ﻳﺎﻗﻮﺕ / ﺑﻠﻤﻄﺒﺦ ﻛﺎﻋﺪﻩ ﺍﺳﻮﻱ ﻏﺪﻩ ﻭﺍﻫﺠﺲ ﺑﻨﻔﺴﻲ ﻫﺴﻪ ﻳﺎﻟﻪ ﺍﺭﺗﺎﺣﻴﺖ ﺳﻤﻌﺖ ﺣﺲ ﺳﺪﻳﻢ ﺗﺰﻛﺢ ﺗﻨﺎﺩﻳﻨﻲ
ﻳﺎﻗﻮﺕ : ﺳﺪﻳﻢ ﺣﺪﺭﻱ ﻫﻴﻦ ﺑﻠﻤﻄﺒﺦ ﺃﻧﻲ
ﻣﺎﺍﺣﺲ ﺍﻻ ﻭﻫﻴﺎ ﻭﺍﻛﻔﻪ ﺑﺼﻔﻲ : ﺍﻛﻮﻝ ﻳﺎﻗﻮﺕ
ﻳﺎﻗﻮﺕ ﻭﻫﻴﺎ ﺗﻐﺴﻞ ﺑﻠﺨﻀﺮﻩ : ﻫﻤﻢ ﻛﻮﻟﻲ
ﺳﺪﻳﻢ : ﻫﺬﺍ ﺍﻟﺒﻴﺖ ﻣﺎﻟﻤﻦ
ﻳﺎﻗﻮﺕ ﺳﺪﻳﺖ ﺍﻟﻤﻲ ﻭﺩﺣﻜﺖ ﻋﻠﻴﻪ : ﻳﺎﺑﻴﺖ ﺗﻘﺼﺪﻳﻦ
ﺳﺪﻳﻢ : ﻗﺼﺪﻱ ﻋﻠﻰ ﺍﻟﻲ ﺳﺎﻛﻨﻴﻦ ﺑﻴﻪ ﺍﺣﻨﻪ
ﻳﺎﻗﻮﺕ : ﻳﻌﻨﻲ ﺍﻟﻤﻦ ﻏﻴﺮ ﻟﻬﻞ ﺍﻟﻤﻮﻛﺐ ﺍﻟﻲ ﺟﻨﻪ ﻛﺎﻋﺪﻳﻦ ﺑﻴﻪ
ﺳﺪﻳﻢ ﺍﺑﺘﺴﻤﺖ : ﻭﺷﻤﻌﻨﻪ ﺑﺲ ﺍﺣﻨﻪ ﺟﻠﺐ ﺑﻴﻨﻪ ﺍﺑﻮ ﺍﻟﻤﻮﻛﺐ ﻭﻛﺎﻝ ﺗﺠﻮﻥ ﻳﻤﻨﻪ ﻭﺷﻐﻞ ﺍﺧﻮﻱ ﺍﻣﻴﺮ ﻋﻨﺪﻭﻭ ﻫﺎ
ﻳﺎﻗﻮﺕ : ﻭﺍﻧﻲ ﺷﻤﺪﺭﻳﻨﻲ
ﺳﺪﻳﻢ ﺑﻨﺺ ﻋﻴﻦ : ﺍﻣﻢ ﻋﻠﻴﻨﻪ ﻳﻮﻝ ﻫﻮ ﺷﻜﻢ ﻣﺮﻩ ﺑﻤﺮﻩ ﺷﺎﻓﺞ ﻭﻳﻤﻜﻦ ﺍﻧﻌﺠﺐ ﺑﻴﻪ ﻭﺳﻮﻩ ﻫﻴﺞ ﺣﺘﻰ ﻳﺘﻘﺮﺑﻠﺞ
ﻳﺎﻗﻮﺕ ﺑﺼﺪﻣﻪ ﻣﻦ ﺍﺳﺘﻔﺴﺎﺭ ﺍﺧﺘﻪ : ﻳﻮﻝ ﺃﻧﺘﻲ ﺷﻜﺎﻋﺪ ﺗﺨﺮﺑﻄﻴﻦ ﺍﻟﺰﻟﻤﻪ ﺳﻮﻩ ﻫﻴﺞ ﻻﻥ ﺷﺎﻓﻨﻪ ﻃﺎﻟﻌﻴﻦ ﻭﻣﺎﻟﻨﻪ ﻣﻜﺎﻥ ﻧﺮﻭﺣﻠﻮ ﻓﺎﺣﺐ ﻳﺴﺎﻋﺪﻧﻪ ﻻ ﺗﻈﻠﻤﻴﻦ ﺑﺨﺖ ﺍﻟﺰﻟﻤﻪ
ﺳﺪﻳﻢ : ﺍﻫﻮﻭ ﻫﺴﻪ ﺃﻧﻲ ﺷﻜﻠﺖ ﻭﻫﻴﺞ ﺗﺤﺠﻴﻦ
ﻳﺎﻗﻮﺕ : ﻻ ﻣﺎﻛﻠﺘﻲ ﺷﻲ ﺧﻄﻴﻪ ﻫﺴﻊ ﺍﻟﻲ ﻳﺴﻤﻌﺞ ﻣﻮ ﻳﺼﺪﻙ
ﺳﺪﻳﻢ : ﺍﻱ ﻳﻌﻨﻲ ﻛﻮﻟﻲ ﻧﻔﺘﺮﺽ ﻭﻫﻮ ﺍﻧﻲ ﺷﻔﺘﻮ ﻣﻦ ﺑﻌﻴﺪ ﻭﺍﻟﻠﻪ ﺍﻟﺰﻟﻤﻪ ﺣﻠﻮﻭ ﻭﺷﺨﺼﻴﻪ ﻫﻨﻴﺎﻟﺞ ﻋﻠﻴﻪ ﻳﺤﻀﺞ ﻟﻌﺪ ﻣﺜﻠﻲ
ﻳﺎﻗﻮﺕ : ﻋﺰﺍ ﺍﻟﻌﺰﺍﺝ ﻭﻟﺞ ﺍﻧﺘﻲ ﺷﺘﺤﺠﻴﻦ ﺍﻛﻀﺒﻲ ﺍﻟﺴﺎﻧﺞ ﻭ ﺭﻭﺣﻲ ﻣﻦ ﻫﻴﻦ ﻻ ﺍﺑﺘﻠﻲ ﺑﻴﺞ ﺷﻨﻮ ﺷﺨﺼﻴﻪ ﺷﻨﻮ ﺣﻠﻮﻭ
ﺳﺪﻳﻢ ﺑﻀﺤﻜﻪ : ﻫﺎﺍﺍ ﻏﺮﺗﻲ ﺑﺲ ﻻ ﺣﺒﻴﺘﻴﻪ ﻛﻠﻤﺔ ﺍﻟﺤﻖ ﺗﻨﻜﺎﻝ ﻫﻮ ﻳﻨﺤﺐ
ﻳﺎﻗﻮﺕ ﺑﻘﻬﺮ ﺩﻓﻌﺘﻪ : ﻳﺎﻭﻳﻞ ﺣﺎﻟﻲ ﻭﺝ ﻭﺭﻳﺘﻴﻨﻲ ﻭﺭ ﺍﻣﺸﻲ ﺍﻃﻠﻌﻲ ﻣﻦ ﻫﻴﻦ ﺣﺴﺒﺎﻟﻲ ﺗﺴﺎﻋﺪﻳﻨﻲ ﺍﺟﻴﺘﻲ ﺑﻬﺬﻟﺘﻴﻨﻲ
ﺳﺪﻳﻢ ﺿﺤﻜﺖ ﻭﻃﻠﻌﺖ : ﻃﺎﻟﻌﻴﻦ ﻳﺎﺑﻪ ﻃﺎﻟﻌﻴﻦ ﺑﺲ ﻻ ﺗﻨﺴﻴﻦ ﻛﻼﻣﻲ ...
ﻋﺎﻓﺘﻪ ﻭﻣﺸﺖ
ﻳﺎﻗﻮﺕ : ﺃﻋﻮﺫ ﺑﺎﻟﻠﻪ ﺍﻧﺠﻨﺖ ﻫﺎﻱ
ﺭﺣﺖ ﻛﻤﻠﺖ ﺷﻐﻠﻲ ﻭﺍﻧﻲ ﺍﺿﺤﻚ ﻋﻠﻰ ﻛﻼﻡ ﺳﺪﻳﻢ ﻣﺮﺍﺡ ﺗﻌﻘﻞ
ﺳﻤﻌﺖ ﺻﻮﺕ ﺷﺨﺺ ﺣﺎﻓﻈﺘﻮ ﺑﻌﻘﻠﻲ ﻭﺍﻟﺼﻮﺕ ﻗﺮﻳﺐ ﻋﻠﻰ ﺍﻟﺒﻴﺖ ﻣﺎﺍﻫﺠﺲ ﺍﻻ ﻭﺍﻧﻲ ﻭﺍﻛﻔﻪ ﻳﻢ ﺍﻟﺒﺎﺏ ﺩﺣﻜﺖ ﻋﻠﻰ ﻧﻔﺴﻲ ﻛﻠﺖ ﺑﻬﻤﺲ : ﻳﻮﻝ ﻫﺎﻱ ﻭﻳﻦ ﺍﺟﻴﺖ
ﺭﺩﺕ ﺍﺭﺟﻊ ﺑﺲ ﺭﺟﻊ ﺍﻟﺼﻮﺕ ﻗﺮﻳﺐ ﺍﺗﺮﺩﺩﺕ ﺑﺲ ﺑﻌﺪﻳﻦ ﻗﻮﻳﺖ ﻧﻔﺴﻲ ﻭﻓﺘﺤﺖ ﺷﻮﻱ ﻣﻦ ﺍﻟﺒﺎﺏ ﺩﺣﻜﺖ ﻣﻨﻮ ﻭﺷﻔﺘﻮ ﻻﺑﺲ ﺩﺷﺪﺍﺷﻪ ﺳﻮﺩﻩ ﻭﻻﻑ ﺍﻟﺠﺮﺍﻭﻳﻪ ﻋﻠﻰ ﺭﺍﺳﻮ ﻭﺭﺍﻓﻊ ﺍﻟﻤﻮﺑﺎﻳﻞ ﻋﻠﻰ ﺍﺫﻧﻮ ﻭﻳﺨﺎﺑﺮ ﻭﻣﻨﺰﻝ ﻋﻴﻮﻧﻮ
ﺻﻮﺗﻮ ﻋﺎﻟﻲ ﻭﺍﺳﻤﻌﻮ ﻳﻜﻮﻝ : ﺟﺎﻳﻚ ﻫﺴﻪ ﻣﺮﺍﺡ ﺍﺗﺄﺧﺮ
ﺳﻜﺖ ﺷﻮﻱ ﺑﻌﺪﻳﻦ ﺿﺤﻚ ﻛﺎﻝ : ﻫﻬﻬﻬﻪ ﺷﺒﻴﻚ ﺍﻧﺖ ﺍﺗﺨﺒﻠﺖ ﻛﺘﻠﻚ ﺃﺟﻲ ﻭﺍﻟﺸﻴﺦ ﺿﺮﻏﺎﻡ ﺍﺫﺍ ﻛﺎﻝ ﺷﻲ ﻳﺴﻮﻳﻪ
... ﺃﺭﺗﺒﻜﺖ ﻣﻦ ﺿﺤﻜﺘﻪ : ﻳﺤﻘﻠﻚ ﻳﺎﺑﻪ ﻋﻠﻰ ﻫﺬﻩ ﺍﻟﺜﻘﻪ ﻳﺎﻭﻳﻠﻲ ﺷﺴﻮﻳﺖ ﺑﺤﺎﻟﻲ ﺃﻧﺖ ﻭﺭﻳﺖ ﻛﻠﺒﻲ ﻭﺭﻱ ﺑﻬﺎﻱ ﺍﻻﻳﺎﻡ ﺍﻟﻲ ﺷﻔﺘﻚ ﺑﻴﻪ
ﻭﺟﺎﻥ ﺃﺳﻤﻊ ﺻﻮﺕ ﻣﻦ ﻭﺭﺍﻳﻪ : ﺷﻜﻠﺖ ﺃﻧﻲ ﻣﺎﻃﻠﻌﺖ ﻏﻠﻄﺎﻧﻪ
ﻛﻤﺰﺕ ﻭﺳﺪﻳﺖ ﺍﻟﺒﺎﺏ ﺣﻄﻴﺖ ﺃﻳﺪﻱ ﻋﻠﻰ ﻛﻠﺒﻲ ﻭﺃﻧﻲ ﺍﺩﺣﻚ ﻋﻠﻰ ﺳﺪﻳﻢ ﺑﻘﻬﺮ : ﺑﺴﻢ ﺍﻟﻠﻪ ﺷﺒﻴﺞ ﺃﻧﺘﻲ ﺍﺣﺪ ﻳﻜﻠﻢ ﺑﻨﻲ ﺃﺩﻡ ﻫﻴﺞ ﺭﺩﺗﻲ ﺗﺠﻠﻄﻴﻨﻲ
ﺳﺪﻳﻢ ﺑﺨﺒﺚ : ﻳﻮﺍﺵ ﺣﺒﻲ ﺃﺳﻢ ﺍﻟﻠﻪ ﻋﻠﻴﺞ ﻣﺎﻋﺎﺯﺍ ﺍﺟﻠﻂ ﻛﻠﺒﺞ ﻏﻴﺮﻱ ﺍﻟﻲ ﺑﻬﺬﻟﺞ ﻭﻛﻠﺐ ﺣﺎﻟﺞ
ﻳﺎﻗﻮﺕ : ﺍﻭﻭﻑ ﺟﻨﻲ ﺍﻧﺘﻲ ﺧﻮ ﻣﻮ ﺟﻨﻲ ! ؟بيج قصص عراقيه حقيقيه من واقعنا.روعه الطائي
ﺳﺪﻳﻢ ﺿﺤﻜﺖ : ﻫﻬﻬﻬﻪ ﺍﻟﺤﻤﺪﻟﻠﻪ ﻣﻦ ﺷﻔﺘﺞ ﻫﻴﺞ ﻳﺎﻟﻪ ﺍﻋﺘﺮﻓﻲ
ﻳﺎﻗﻮﺕ : ﻳﻮﻝ ﺷﻜﺎﻋﺪ ﺗﺤﺠﻴﻦ ﺍﻧﺘﻲ ﺷﻌﺘﺮﻑ
ﺳﺪﻳﻢ : ﺍﺗﺤﺒﻴﻨﻮ ﻫﺬﺍ ﺍﻟﺸﻴﺦ ﺍﻧﺘﻲ
ﻳﺎﻗﻮﺕ ﺑﺘﺮﺩﺩ : ﺍﺍ ﻻ ﻃﺒﻌﺎً ﻣﺎﺍﺣﺒﻮ
ﺳﺪﻳﻢ : ﺍﻣﻤﻢ ﺻﺪﻛﺖ ﻫﺴﻪ ﻣﻮﻭﻗﺘﻮ ﻟﻜﻼﻡ ﻷﻥ ﺃﻣﻲ ﺗﻨﺎﺩﻳﺞ ﺣﺘﻰ ﺗﺼﺒﻴﻦ ﺍﻻﻛﻞ
ﻳﺎﻗﻮﺕ ﺣﻤﺪﺕ ﺍﻟﻠﻪ ﺑﺴﺮﻱ ﻻﻥ ﻣﺎﻟﺤﺖ : ﻳﺎﻟﻪ ﺗﻌﺎﻱ ﻭﻳﺎﻱ ﺧﻠﻲ ﻧﺼﺐ
ﺳﺪﻳﻢ : ﻳﺎﻟﻪ
ﺭﺣﺖ ﻭﻳﺎﻫﺎ ﻭﺻﺒﻴﻨﻪ ﺍﻻﻛﻞ ﺍﺟﺖ ﻣﺮﺍﻡ ﺍﺧﺬﺕ ﺍﻟﺴﻔﺮﻩ ﻭﻓﺮﺷﺘﻪ ﺑﻠﻬﻮﻝ ﻭﺳﺪﻳﻢ ﻧﻜﻠﺖ ﺍﻻﻛﻞ ﻛﻌﺪﻧﻪ ﻛﻠﻨﻪ ﻭﻇﻠﻴﻨﻪ ﻧﺎﻛﻞ ﺑﻬﺪﻭﻭﺀ
ﺷﻮﻱ ﻭﺃﻣﻲ ﻛﺎﻟﺖ : ﻳﻤﻪ ﺃﻣﻴﺮ
: ﻫﻼ ﻳﻤﻪ
: ﻫﺎﺍ ﺷﻠﻮﻧﻪ ﺷﻐﻠﻚ ﺍﻥ ﺷﺎﺀﺍﻟﻠﻪ ﻣﺮﺗﺎﺡ
: ﺍﻟﺤﻤﺪﻟﻠﻪ ﻳﻤﻪ ﻣﺮﺗﺎﺡ ﻭﻓﻀﻞ ﺍﻟﺸﻴﺦ ﺿﺮﻏﺎﻡ ﺃﺑﺪ ﻣﺮﺍﺡ ﺍﻧﺴﺎﻩ ﺷﻐﻠﻨﻲ ﻋﻨﺪﻩ ﻭﺧﻼﻧﻪ ﺍﺑﻴﺘﻬﻢ ﺣﺘﻰ ﺍﻟﻘﺮﻳﺐ ﻣﺮﺍﺡ ﻳﺴﻮﻱ ﻫﻴﺞ ...
: ﺍﻱ ﻭﺍﻟﻠﻪ ﻳﺎﻳﻤﻪ .. ﺍﻟﻠﻪ ﻳﺤﻔﻈﻮ ﻷﻫﻠﻪ ﻭﻟﺸﺒﺎﺑﻪ ﻳﺎﺭﺏ ﻣﺎﻗﺼﺮ ﻭﻳﺎﻧﻪ
ﺃﻧﻲ ﻣﺪﻧﻜﻪ ﺭﺍﺳﻲ ﻭﺍﻛﻞ ﻭﺍﺳﻤﻊ ﺷﻴﺤﺠﻮﻥ ﺃﺑﺘﺴﻤﺖ ﻣﺎﺣﺴﻴﺖ ﺍﻻ ﻛﺮﺻﻪ ﺑﻔﺨﺬﻱ ﺭﻓﻌﺖ ﺭﺍﺳﻲ ﻭﺍﺩﺣﻚ ﺳﺪﻳﻢ ﺗﺒﺎﻭﻋﻠﻲ ﻭﺗﺒﺘﺴﻢ ﻗﺮﺑﺖ ﻳﻢ ﺭﺍﺳﻲ ﻭﻫﻤﺴﺖ
: ﻳﻮﻝ ﺳﻤﻌﺘﻲ ﺷﻴﻜﻮﻟﻮﻥ
ﺑﻬﻤﺲ : ﺍﻱ ﺳﻤﻌﺖ
: ﺍﻱ ﻭﺷﺮﺍﻳﺞ ﺑﻬﺬﺍ ﺍﻟﻤﺪﻳﺢ
: ﺷﻨﻮ ﺷﺮﺍﻳﻲ ﺍﻧﻲ ﺷﻜﻮﻭ ﻭﺍﺣﺪ ﺻﺪﻙ ﻭﻛﻒ ﻭﻳﺎﻧﻪ ﻭﺃﺧﻮ ﺧﻴﺘﻪ
: ﺑﺲ ! ؟
: ﺍﻱ ﺑﺲ ... ﺳﺪﻳﻢ ﺷﺘﺮﺩﻳﻦ ﺗﻮﺻﻠﻴﻦ ﻛﺎﻓﻲ ﻟﺨﺎﻃﺮ ﺍﻟﻠﻪ ﻣﻮ ﺭﺍﺡ ﺍﺗﺠﻠﻄﻴﻨﻲ ﺷﻜﺪ ﺍﺗﺴﻮﻟﻔﻴﻦ
ﺭﺍﺩﺕ ﺗﺤﺠﻲ ﺑﺲ ﻗﺎﻃﻌﻪ ﺻﻮﺕ ﺍﻣﻪ : ﺃﻧﺘﻦ ﺷﺒﻴﺠﻦ ﺗﺘﺒﺴﺒﺴﻦ ﺍﺣﺘﺮﻣﻦ ﺍﻟﻨﻌﻤﻪ ﻭﺍﻛﻠﻦ ﻭﺃﻧﺘﻦ ﺳﺎﻛﺘﺎﺕ
ﺳﻜﺘﻨﻪ ﻭﻇﻠﻴﻨﻪ ﻧﺎﻛﻞ ﺑﺲ ﻣﺎﺍﺧﻠﺺ ﻣﻦ ﻫﻤﺴﺎﺕ ﺳﺪﻳﻢ ﻣﻠﻠﺘﻨﻲ ﻋﻠﻰ ﺳﺎﻋﻪ ﺭﺍﺡ ﺍﻛﻮﻡ ﺍﺩﻭﺱ ﺍﺑﻄﻨﻪ ..
ﺧﻠﺼﻨﻪ ﺍﻛﻞ ﻭﻟﻤﻴﻨﻪ ﺍﻟﺴﻔﺮﻩ ﺭﺍﺣﺖ ﻣﺮﺍﻡ ﺍﺗﺴﻮﻱ ﺟﺎﻱ ﻭﺍﻧﻲ ﻏﺴﻠﺖ ﺍﻟﻤﻮﺍﻋﻴﻦ ﻣﻦ ﺧﻠﺼﺖ ﺭﺣﺖ ﻛﻌﺪﺕ ﻳﻤﻬﻢ ﻭﻟﻜﻴﺘﻬﻢ ﻛﺎﻋﺪﻳﻦ ﻭﺑﻠﻨﺺ ﺍﻟﺠﺎﻱ ﺣﺎﻃﻴﻨﻪ ﻭﻳﺸﺮﺑﻮﻥ ﻛﻌﺪﺕ ﺑﺼﻔﻬﻢ ﻭﻇﻠﻴﻨﻪ ﻧﺴﻮﻟﻒ ﻭﻧﻀﺤﻚ ﺍﺩﺣﻚ ﻋﻠﻰ ﻭﺟﻮﻫﻢ ﺷﻔﺖ ﺍﻟﺮﺍﺣﻪ ﺑﻌﻴﻮﻥ ﺃﻣﻲ ﻭﺃﺧﻮﻱ ﺻﺎﺭﻟﻪ ﻓﺘﺮﻩ ﻣﻔﺘﻘﺪﻳﻨﻪ
ﺷﻜﺪ ﺣﻠﻮﻭ ﻣﻦ ﻭﺍﺣﺪ ﻳﺤﺲ ﻧﻔﺴﻪ ﺑﺄﻣﺎﻥ ﻫﻮ ﺍﻫﻠﻪ ﻭﻣﺴﺘﻘﺮ
ﺃﺗﺬﻛﺮ ﻣﻦ ﺟﻨﻪ ﺧﺎﻳﻔﻴﻦ ﻭﻛﻞ ﻳﻮﻡ ﺟﺎﻳﺒﻴﻦ ﺷﻬﻴﺪ ﻟﻤﻨﻄﻘﺘﻨﻪ ﻭﺃﺻﻮﺍﺕ ﺍﻟﺒﺠﻲ ﻭﺻﺮﻳﺦ ﺍﻻﻣﻬﺎﺕ ﻟﺤﺪ ﻫﺴﻪ ﻣﺎﻳﺮﻭﺡ ﻣﻦ ﺑﺎﻟﻲ ﻭﺍﺣﻨﻪ ﺗﻈﻞ ﻛﻠﻮﺑﻨﻪ ﺍﺗﺼﻴﺮ ﺍﻃﺒﻮﻝ ﻣﻦ ﺍﻟﺨﻮﻑ ﻭﻧﻜﻮﻝ ﺍﻱ ﻫﺴﻪ ﻳﺼﻴﺮ ﺩﻭﺭﻧﻪ ﻫﺴﻪ ﺭﺍﺡ ﻳﻘﺘﻠﻮﻧﻪ ﺣﺘﻰ ﺃﺧﻮﻱ ﺃﻣﻴﺮ ﺍﻣﻲ ﻣﻨﻌﺘﻪ ﻳﻄﻠﻊ ﻭﻫﻮ ﻳﻈﻞ ﻳﺼﻴﺢ ﻭﻳﻌﺼﺐ ﻳﻜﻠﻠﻪ ﻟﻴﺶ ﺍﺗﺤﺴﺴﻴﻨﻲ ﺟﺎﻫﻞ ﺗﺮﻯ ﻛﻞ ﻭﺍﺣﺪ ﻭﻳﻮﻣﻪ
ﺍﻭﻭﻑ ﻳﺎﺭﺑﻲ ﻻﺗﺮﺩ ﻫﺎﻱ ﺍﻻﻳﺎﻡ ...
ﺩﻧﻜﺖ ﺭﺍﺳﻲ ﻭﻏﻤﻀﺖ ﻋﻴﻨﻲ ﺑﻘﻮﻭﻩ ﺣﺘﻰ ﺃﻣﻨﻊ ﻧﺰﻭﻝ ﺍﻟﺪﻣﻌﻪ ﺷﻮﻱ ﻭﺭﻓﻌﺖ ﺭﺍﺳﻲ ﻭﺗﻨﺎﺳﻴﺖ ﻫﺎﻱ ﺍﻟﺬﻛﺮﻳﺎﺕ
ﻭﻇﻠﻴﻨﻪ ﻧﺴﻮﻟﻒ ﺷﻮﻭﻱ ﻭﺳﻤﻌﻨﻪ ﺻﻮﺕ ﺍﻟﺒﺎﺏ ﻳﻨﺪﻙ
ﺃﻡ ﺍﻣﻴﺮ : ﻳﻤﻪ ﺃﻣﻴﺮ ﺭﻭﺡ ﺷﻮﻑ ﻣﻨﻮ
ﻛﺎﻡ ﺃﻣﻴﺮ ﻭﺷﻮﻱ ﻭﺃﺳﻤﻌﻪ ﻳﻜﻮﻝ : ﻫﻼ ﺑﻴﻜﻢ ﺣﺪﺭﻭ ﻫﻴﻦ ﺣﺪﺭﻭ
ﺳﻤﻌﻨﻪ ﺻﻮﺕ ﻧﺴﻮﺍﻥ ﺍﺣﻨﻪ ﻭﻛﻔﻨﻪ ﺩﺧﻠﻦ ﻭﺷﻔﻨﻪ ﻫﺎﻱ ﺍﻡ ﺍﻟﺸﻴﺦ ﺿﺮﻏﺎﻡ ﻭﺑﻨﺘﻪ ﻭﻣﺮﻩ ﺟﺒﻴﺮﻩ ﺑﻠﻌﻤﺮ ﻣﺸﺎﻳﻔﺘﻪ
ﺍﻣﻲ ﺭﺣﺒﺖ ﺑﻴﻬﻦ : ﻳﺎﻫﻼ ﺑﻴﻜﻢ ﺗﻔﻀﻠﻮ
ﻛﻌﺪﻥ ﻭﺣﺠﺖ ﺍﻟﻤﺮﻩ ﺍﻟﺠﺒﻴﺮﻩ : ﻫﻼ ﺑﻴﺞ ﻳﻤﻪ ﺷﻠﻮﻧﻜﻢ
: ﺍﻟﺤﻤﺪﻟﻠﻪ ﻭﻫﺬﺍ ﺑﻔﻀﻞ ﺍﻟﻠﻪ ﻭﺑﻔﻀﻠﻜﻢ ﻋﻤﺮﻧﻪ ﻣﺮﺍﺡ ﻧﻨﺴﻪ ﺍﻟﺴﻮﻳﺘﻮﻩ ﻭﻳﺎﻧﻪ
ﺍﻡ ﺿﺮﻏﺎﻡ : ﻻ ﻋﻴﻨﻲ ﻣﺎﺳﻮﻳﻨﻪ ﺷﻲ ﻫﺬﺍ ﻭﺍﺟﺒﻨﻪ ﺍﻧﺘﻢ ﺍﻫﻠﻨﻪ ﻭﻫﺬﺍ ﺑﻴﺘﻨﻪ ﻳﻤﻜﻢ ﺍﻟﻠﻪ ﻋﻠﻴﻜﻢ ﺍﻱ ﺷﻲ ﺗﺤﺘﺎﺯﻭﻧﻪ ﺑﻠﺨﺪﻣﻪ ﻭﻫﻢ ﺗﻌﺎﻟﻮﻧﻪ ﻻ ﺗﻈﻠﻮﻥ ﻫﻨﺎ ﻭﺣﺪﻛﻢ ﻛﺎﻋﺪﻳﻦ
ﺍﻡ ﺍﻣﻴﺮ : ﻣﺸﻜﻮﺭﻩ ﺑﺲ ﻣﺎﻧﺮﻳﺪ ﻧﺜﻘﻞ ﻋﻠﻴﻜﻢ
ﻭﺭﻭﺩ ﺣﺠﺖ : ﻻ ﺍﻓﺎ ﺧﺎﻟﻪ ﻋﻴﺐ ﻫﺬﺍ ﺍﻟﻜﻼﻡ ﺍﺣﻨﻪ ﺍﻫﻞ ﻭﻫﻢ ﺍﻟﺒﻨﺎﺕ ﻳﺠﻦ ﺍﺗﻮﻧﺲ ﻭﻳﺎﻫﻦ ﻻﻥ ﻭﺣﺪﻱ ﻛﺎﻋﺪﻩ ﻭﺍﺿﻮﺝ
ﺑﺎﻭﻋﺖ ﻋﻠﻰ ﺳﺪﻳﻢ ﻭﺿﺤﻜﺖ ﺻﺎﺭﺕ ﺻﺪﺍﻗﻪ ﺑﻴﻨﻬﻦ ﺷﻨﻮ
ﺑﺎﻭﻋﺘﻠﻲ ﻭﻛﺎﻟﺖ : ﺍﻧﺘﻲ ﺍﺳﻤﺞ ﻳﺎﻗﻮﺕ ﺻﺢ
ﺍﺑﺘﺴﻤﺖ ﺍﻟﻪ : ﺍﻱ ﺍﺳﻤﻲ ﻳﺎﻗﻮﺕ ﻭﺍﻧﺘﻲ ﺍﺳﻤﺞ ﺷﻨﻮ
: ﺍﻧﻲ ﺍﺳﻤﻲ ﻭﺭﻭﺩ
: ﻋﺎﺷﺖ ﺍﻻﺳﺎﻣﻲ ﺣﺒﻴﺒﺘﻲ
ﻇﻠﻴﻨﻪ ﻧﺴﻮﻟﻒ ﻭﻃﻴﺒﺎﺕ ﻛﻠﺶ ﻭﻣﺎﺷﻔﺖ ﺑﻌﻴﻮﻧﻬﻦ ﺗﻜﺒﺮ ﺍﻭ ﻣﻨﻦ ﻋﻠﻴﻨﻪ ﺑﻠﻌﻜﺲ ﻭﻫﺎﻱ ﺍﻟﻤﺮﻩ ﺍﻟﺠﺒﻴﺮﻩ ﻃﻠﻌﺖ ﺟﺪﺕ ﺍﻟﺸﻴﺦ ﺿﺮﻏﺎﻡ ﺭﺣﺖ ﺳﻮﻳﺖ ﺟﺎﻱ ﻭﻗﺪﻣﺘﻪ ﺍﻟﻬﻦ
ﻭﺭﻩ ﻧﺺ ﺳﺎﻋﻪ ﻛﺎﻣﻦ ﻳﺮﺩﻥ ﻳﺮﺣﻦ ﻭﺻﻠﻨﺎﻫﻦ ﻳﻢ ﺍﻟﺒﺎﺏ
ﺍﻡ ﺿﺮﻏﺎﻡ : ﻣﺜﻞ ﻣﺎﻛﻠﺖ ﻫﺬﺍ ﺍﻟﺒﻴﺖ ﻳﻤﻜﻢ ﻭﺍﻋﺘﺒﺮﻭﻩ ﺑﻴﺘﻜﻢ ﻭﻫﻼ ﺑﻴﻜﻢ ﺑﺄﻱ ﻭﻗﺖ
ﺍﻡ ﺍﻣﻴﺮ : ﺍﻟﻠﻪ ﻳﻌﺰﺝ ﺍﻥ ﺷﺎﺀﺍﻟﻠﻪ ﻭﺍﻧﺘﻮ ﺍﻱ ﺷﻲ ﺗﺤﺘﺎﺟﻮﻧﻪ ﺷﻐﻞ ﺍﻭ ﺷﻲ ﺧﺎﻑ ﻣﺎﻋﺪﻛﻢ ﺍﺣﺪ ﺍﺣﻨﻪ ﻣﻮﺟﻮﺩﺍﺕ ﺍﺫﺍ ﺻﺪﻙ ﺗﻌﺘﺒﺮﻭﻧﻪ ﺍﻫﻠﻜﻢ
ﺍﻡ ﺿﺮﻏﺎﻡ ﺍﺑﺘﺴﻤﺖ : ﺍﻥ ﺷﺎﺀﺍﻟﻠﻪ ﺣﺒﻴﺒﻪ
ﻭﺭﻭﺩ ﺑﺎﻭﻋﺖ ﻋﻠﻴﻨﻪ : ﺍﻟﻠﻪ ﻋﻠﻴﺠﻦ ﺗﻌﺎﻟﻦ ﻋﻠﻴﻨﻪ ﺣﺒﺎﺑﺎﺕ
ﺳﺪﻳﻢ : ﺍﻥ ﺷﺎﺀﺍﻟﻠﻪ ﺣﺒﻴﺒﺘﻲ
ﺍﻟﺤﺠﻴﻪ : ﻳﺎﻟﻪ ﺧﻞ ﻧﻤﺸﻲ ﻧﻈﻞ ﻫﻴﺞ ﻭﺍﻛﻔﺎﺕ ﻃﻮﻝ ﺍﻟﻮﻛﺖ ﻳﻌﻨﻲ ﻣﺎﺣﻠﺖ ﺳﻮﺍﻟﻔﺠﻦ ﺍﻻ ﻳﻢ ﺍﻟﺒﺎﺏ ﺷﻮ ﺍﻣﺸﻦ ﺗﺮﻯ ﺭﺟﻠﻲ ﺑﻌﺪ ﻣﺎﺣﺲ ﺑﻴﻬﻦ ﺗﻌﺒﺖ
ﺿﺤﻜﻨﻪ ﻋﻠﻰ ﻛﻼﻣﻪ ﻭﻣﺸﻦ ﻭﺍﺣﻨﻪ ﺩﺧﻠﻨﻪ ﺟﻮﻩ ﻟﻠﺒﻴﺖ
ﺳﺪﻳﻢ : ﺣﺒﻴﺖ ﺑﻨﺘﻬﻢ ﻭﺭﻭﺩ ﺍﺳﻢ ﻋﻠﻰ ﻣﺴﻤﻪ
ﺍﻡ ﺍﻣﻴﺮ : ﺍﻟﻠﻪ ﻳﻌﺰﻫﻢ ﻭﻳﺠﺜﺮ ﺧﻴﺮﻫﻢ ﺣﺘﻰ ﻣﺎﺣﺴﺴﻮﻧﻪ ﺑﺸﻲ ...
..........
ﺍﻟﺴﺎﻋﻪ ﺏ٧ ﻣﺴﺎﺀﺍً
ﻣﻠﺘﻤﻴﻦ ﻛﻠﻬﻢ ﻋﻠﻰ ﺍﻟﺴﻔﺮ ﻭﻳﺘﻌﺸﻮﻥ ﺷﻮﻱ ﻭﺩﺧﻞ ﺿﺮﻏﺎﻡ
ﺿﺮﻏﺎﻡ : ﺍﻟﺴﻼﻡ ﻋﻠﻴﻜﻢ
ﻛﻠﻬﻢ ﺻﺎﺣﻮ ﺑﺼﻮﺍﺕ ﻣﻔﺘﺮﻗﻪ : ﻭﻋﻠﻴﻜﻢ ﺍﻟﺴﻼﻡ
ﺳﺮﺍﺝ ﻣﻦ ﺷﺎﻓﻪ ﻃﻔﺮ ﻣﻦ ﻣﻜﺎﻧﻪ ﻭﺭﺍﺣﻠﻪ : ﺑﺎﺑﺎ
ﺿﺮﻏﺎﻡ ﺍﺑﺘﺴﻢ ﻭﻓﺘﺢ ﺍﻳﺪﻳﻨﻪ ﺍﺟﺎﻩ ﻫﻮ ﻭﺣﻀﻨﻪ ﺑﻘﻮﻩ : ﻫﻼ ﺣﺒﻴﺒﻲ ﺷﻠﻮﻧﻚ
ﺳﺮﺍﺝ ﺑﺎﺍﺑﺘﺴﺎﻣﻪ : ﺯﻳﻦ
ﺑﺴﺘﻪ ﻣﻦ ﺭﺍﺳﻪ ﻭﺳﻤﻌﺖ ﺻﻮﺕ ﺣﺒﻮﺑﺘﻲ ﺗﻨﺎﺩﻳﻨﻲ ﺭﻓﻌﺖ ﺭﺍﺳﻲ ﺍﻟﻪ : ﻫﺎﺍ ﺟﺪﻩ
ﺍﻟﺠﺪﻩ : ﺗﻌﺎﻝ ﻳﻤﻪ ﺍﺗﻌﺸﺎ ﺍﻛﻠﻚ ﻟﻜﻤﻪ ﻣﻦ ﺍﻟﺼﺒﺢ ﻃﺎﻟﻊ ﻭﻣﺎﺷﻔﻨﺎﻙ
ﺿﺮﻏﺎﻡ : ﺍﻱ ﻫﺴﻪ ﺑﺲ ﺧﻞ ﺍﻏﺴﻞ ﻭﺟﻬﻲ ﻭﺍﺟﻲ
ﺭﺍﺡ ﻭﺭﻩ ﺷﻮﻭﻱ ﻭﺍﺟﻪ ﻛﻌﺪ ﻭﻇﻞ ﻳﺎﻛﻞ .. ﻛﻤﻠﻮ ﻭﺷﺎﻟﻮ ﺍﻟﺴﻔﺮﻩ ﻭﻛﺎﻣﻮ ﻳﻐﺴﻠﻮﻥ ﻭﺭﺟﻌﻮ ﻛﻌﺪﻭ ﻭﻇﻠﻮ ﻳﺴﻮﻟﻔﻮﻥ ﻋﻠﻰ ﺍﻟﺸﻐﻞ
ﺟﺎﺑﻮ ﺍﻟﺠﺎﻱ ﻳﺸﺮﺑﻮﻥ ﺷﻮﻱ ﻭﻛﺎﻝ ﺍﺑﻮ ﺿﺮﻏﺎﻡ : ﻫﺎ ﻳﻤﻪ ﺭﺣﺘﻮ ﻟﻨﺎﺱ ﺷﻔﺘﻮﻫﻢ
ﺍﻟﺠﺪﻩ : ﺍﻱ ﻳﻤﻪ ﺭﺣﻨﻪ ﻭﺧﻮﺵ ﻧﺎﺱ ﻭﺍﻟﻠﻪ ﻭﺍﺧﻼﻕ ﻭﻇﻠﻮ ﺑﺲ ﻳﺪﻋﻮﻥ ﺍﻟﻨﻪ ﻭﻳﺘﺸﻜﺮﻭﻥ
ﺍﻡ ﺿﺮﻏﺎﻡ : ﻭﻛﻨﺎﻟﻬﻢ ﺍﻱ ﺷﻲ ﺗﺮﺩﻭﻧﻪ ﻛﻮﻟﻮ ﻻ ﺗﺨﺠﻠﻮﻥ
ﺍﺑﻮ ﺿﺮﻏﺎﻡ : ﺧﻮﻭﺵ .. ﺍﻟﺘﻔﺖ ﻋﻠﻰ ﻭﺭﻭﺩ
: ﻭﺍﻧﺘﻲ ﺑﻨﻴﺘﻲ ﺭﺣﺘﻲ
ﻭﺭﻭﺩ : ﺍﻱ ﺑﺎﺑﺎ ﺭﺣﺖ ﻭﺗﻌﺮﻓﺖ ﻋﻠﻰ ﺑﻨﺎﺗﻬﻢ ﺧﻮﺵ ﺑﻨﺎﺕ ﺣﺒﺎﺑﺎﺕ
ﻣﺮﻭﺍﻥ ﺑﺸﻘﻪ : ﻭﺷﻠﻮﻧﻬﻦ ﺣﻠﻮﻭﺍﺕ ﻟﻮ ﻻ ﻫﺎﺍ
ﺿﺮﻏﺎﻡ ﺑﺤﺰﻡ : ﻣﺮﻭﺍﻥ ﺷﻨﻮ ﻫﺬﺍ ﺍﻟﺤﺠﻲ ﻋﻴﺐ
ﻣﺮﻭﺍﻥ : ﺷﺒﻴﻚ ﺍﺗﺸﺎﻗﻪ ﺍﻧﻲ
ﺿﺮﻏﺎﻡ ﺑﺤﺪﻩ : ﺑﺲ ﻫﺬﺍ ﻣﻮ ﺷﻘﻪ ﻭﺍﺣﺘﺮﻡ ﺍﺑﻮﻱ ﻭﺍﻟﻲ ﻛﺎﻋﺪﻳﻦ ﻋﻴﺐ ﻫﻴﺞ ﺗﺤﺠﻲ
ﻣﺮﻭﺍﻥ : ﺳﻜﺘﻨﻪ ﻋﻤﻲ
ﺍﻟﺠﺪﻩ ﺗﺒﺎﻭﻉ ﻋﻠﻰ ﺿﺮﻏﺎﻡ : ﻭﺍﻟﻠﻪ ﻳﺎﻳﻤﻪ ﺷﻠﻮﻥ ﺑﻨﺎﺕ ﺍﻟﻠﻪ ﻳﺴﺘﺮ ﻋﻠﻴﻬﻦ ﺧﺎﺻﻪ ﺍﻟﺠﺒﻴﺮﻩ ﻣﺎﺷﺎﺀﺍﻟﻠﻪ ﺟﻤﺎﻝ ﻭﺍﺧﻼﻕ ﺍﻟﻠﻪ ﻳﻬﻨﻲ ﺍﻟﻲ ﻳﺎﺧﺬﻩ ﻭﺍﻟﻠﻪ ﺍﻣﻪ ﺩﺍﻋﻴﺘﻠﻪ ﺑﻠﻴﻠﺔ ﺍﻟﻘﺪﺭ
ﺿﺮﻏﺎﻡ ﺑﺎﻭﻉ ﻋﻠﻴﻪ ﻭﺭﻓﻊ ﺣﺎﺟﺒﻪ ﻭﻛﺄﻧﻮ ﻋﺮﻑ ﻗﺼﺪﻩ
ﺃﺑﻮ ﺿﺮﻏﺎﻡ : ﺍﻟﻠﻪ ﻳﺴﺘﺮ ﻋﻠﻴﻬﻦ
ﺿﺮﻏﺎﻡ ﻛﺎﻡ : ﻳﺎﻟﻪ ﻋﻦ ﺍﺫﻧﻜﻢ
ﺍﻟﺠﺪﻩ : ﻫﺎ ﻳﻤﻪ ﻭﻳﻦ ﺭﺍﻳﺢ
ﺿﺮﻏﺎﻡ : ﻭﺍﻟﻠﻪ ﻳﺎﺟﺪﻩ ﺗﻌﺒﺎﻥ ﻭﺍﺭﻳﺪ ﺍﺭﻭﺡ ﺍﻧﺎﻡ ﻳﺎﻟﻪ ﺗﺼﺒﺤﻮﻥ ﻋﻠﻰ ﺧﻴﺮ
ﺭﺩﻭ : ﻭﺃﻧﺘﻪ ﻣﻦ ﺍﻫﻠﻪ
ﻳﺎﻗﻮﺕ / ﺩﺧﻠﺖ ﻟﻠﻐﺮﻓﻪ ﻭﻓﺮﺷﺖ ﻓﺮﺍﺷﻲ ﻭﺗﻤﺪﺩﺕ ﻭﻏﻄﻴﺖ ﻧﻔﺴﻲ ﻭﺍﺑﺎﻭﻉ ﻋﻠﻰ ﺍﻟﺴﻜﻒ ﺻﺎﻓﻨﻪ ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﻔﺘﺢ ﺩﺭﺕ ﻭﺟﻬﻲ ﺩﺣﻜﺖ ﺳﺪﻳﻢ ﺩﺧﻠﺖ ﻭﺳﺪﺕ ﺍﻟﺒﺎﺏ ﺭﺍﺣﺖ ﻓﺮﺷﺖ ﻓﺮﺍﺷﻪ ﺑﺼﻔﻲ ﻣﻼﺻﻖ ﻳﻤﻲ ﻭﺭﺍﺣﺖ ﻃﻔﺖ ﺍﻟﻀﻮﻩ ﻭﺍﺟﺖ ﻧﺎﻣﺖ ﺑﺼﻔﻲ
ﻳﺎﻗﻮﺕ : ﻫﺎ ﻳﻮﻝ ﺷﻜﻮ ﺍﻟﻴﻮﻡ ﻳﻤﻲ
: ﺣﺒﻴﺖ ﺍﻧﺎﻡ ﻳﻤﺞ ﺍﻟﻴﻮﻡ ﻻﻥ ﺻﺎﺭ ﻫﻮﺍﻱ ﻣﻨﺎﻳﻤﻦ ﻫﻴﺞ ﻧﻮﻣﻪ
: ﺍﻱ ﻭﺍﻟﻠﻪ ﺍﺷﺘﺎﻗﻴﺖ
ﺳﺪﻳﻢ : ﺣﺘﻰ ﺃﻧﻲ
ﻇﻠﻦ ﻳﺒﺎﻭﻋﻦ ﻋﻠﻰ ﺍﻟﺴﻜﻒ ﻭﺻﺎﺭﺕ ﺍﻟﻐﺮﻓﻪ ﻫﺪﻭﺀ ﺑﺲ ﺻﻮﺕ ﺍﻧﻔﺎﺳﻬﻦ ﺍﻟﻤﺴﻤﻮﻉ
ﻗﻄﻌﺖ ﺍﻟﺼﻤﺖ ﺳﺪﻳﻢ : ﻳﺎﺍﻗﻮﺕ
: ﻫﻤﻢ
: ﺗﺬﻛﺮﻳﻦ ﻣﻦ ﺟﻨﻪ ﺻﻐﺎﺭ ﻭﺟﻨﻪ ﻧﻄﻠﻊ ﺑﺮﻩ ﻭﻧﻠﻌﺐ ﻃﻮﺑﻪ ﻭﻱ ﻭﻟﺪ ﺍﻟﻤﻨﻄﻘﻪ ﻭﺍﺻﻴﺮ ﺍﻧﻲ ﺍﻟﺤﺎﺭﺱ ﻏﺼﺐ ﻋﻨﻲ
ﻭﺟﺎﻧﻮ ﻣﻦ ﻳﺮﺩﻭﻥ ﻳﻮﺻﻠﻮﻥ ﻳﻤﻲ ﻭﻳﺮﻣﻮﻥ ﺑﻠﻄﻮﺑﻪ ﺍﻧﻲ ﺍﺩﻧﻚ ﺭﺍﺳﻲ ﻭﺍﻏﻤﺾ ﻋﻴﻨﻲ ﺑﺨﻮﻑ ﻭﻫﻤﻪ ﻳﻔﻮﺯﻭﻥ
ﻳﺎﻗﻮﺕ : ﻫﻬﻬﻬﻬﻪ ﺍﻱ ﻭﻳﺠﻲ ﻗﺼﻲ ﺍﺑﻦ ﻋﻤﻲ ﻳﺠﺮﺝ ﻣﻦ ﻛﺼﺎﻳﺒﺞ ﻭﻳﺼﻴﺢ ﻋﻠﻴﺞ ﻭﺍﻟﻠﻪ ﺟﺎﻥ ﻳﺨﻮﻓﺞ
ﺳﺪﻳﻢ ﺍﺑﺘﺴﻤﺖ : ﻳﻤﺎﺍ ﺟﻨﺖ ﺍﻣﻮﺕ ﻣﻦ ﺍﻟﺮﻋﺐ ﻣﻦ ﺍﺷﻮﻓﻪ ﻳﻈﻞ ﻳﺨﺰﺭ ﺑﻴﻪ ﻳﻜﻠﻲ ﻳﺎﺟﺒﺎﻧﻪ ﻣﻊ ﺍﻧﻮ ﺍﻧﻲ ﻟﺴﺎﻥ ﺑﺲ ﻳﻤﻪ ﺍﺧﻨﺲ ﻭﺍﻧﺘﻲ ﻭﻳﺎﻩ ﺟﺎﻧﺖ ﻋﻼﻗﺘﻜﻢ ﺣﻠﻮﻩ ﻛﻠﺶ
ﻳﺎﻗﻮﺕ : ﺍﻱ ﺟﻨﻪ ﺳﺎﻋﻪ ﻧﺘﻌﺎﺭﻙ ﻭﺳﺎﻋﻪ ﻧﺼﺎﻓﻪ
ﺳﺪﻳﻢ : ﻻ ﻭﺗﺬﻛﺮﻳﻦ ﻣﻦ ﻧﺮﻭﺡ ﻋﻠﻰ ﺩﻛﺎﻥ ﻋﻤﻲ ﺃﺑﻮ ﻣﺤﻤﺪ ﻭﺍﺣﻨﻪ ﻭﺍﻟﻔﻴﻠﻖ ﻭﻧﺴﻮﻳﻪ ﻫﻮﺳﻪ ﻭﻫﻮ ﻳﻤﻞ ﻣﻦ ﻳﻤﻨﻪ ﻭﻳﺼﻴﺢ
ﻳﺎﻗﻮﺕ : ﺍﻳﻲ ﻭﻣﻦ ﻛﺒﺮﺕ ﻭﺍﺭﻭﺡ ﻟﻠﻤﺪﺭﺳﻪ ﻭﻣﻦ ﺍﻣﺮ ﻋﻠﻴﻪ ﻻﺯﻡ ﺍﺳﻠﻢ ﻭﻳﻜﻠﻲ ﻫﺎﺍ ﺍﻡ ﺩﻣﻴﻌﻪ ﻻﻥ ﻛﻠﻪ ﺍﺑﺠﻲ...بيج قصص عراقيه حقيقيه من واقعنا.روعه الطائي
ﺳﺪﻳﻢ ﺑﺤﺰﻥ ﻭﺩﻣﻌﻪ ﺑﻄﺮﻑ ﻋﻴﻨﻪ : ﺍﻟﻠﻪ ﻳﺮﺣﻤﻪ ﻗﺘﻠﻮ ﺍﻟﻲ ﻣﺎﻳﺨﺎﻓﻮﻥ ﺍﻟﻠﻪ
ﻳﺎﻗﻮﺕ ﺩﻣﻌﺘﻪ ﻧﺰﻟﺖ ﻣﻦ ﺍﺗﺬﻛﺮﺗﻪ : ﺍﻟﻠﻪ ﻳﺮﺣﻤﻪ ..
ﺃﺑﺘﺴﻤﺖ ﺑﺤﺰﻥ ﻭﻫﻴﺎ ﺗﺮﻳﺪ ﺗﻐﻴﺮ ﺍﻟﺠﻮﻭ ﻣﺴﺤﺖ ﺩﻣﻮﻋﻪ : ﺷﻮﻓﻲ ﻧﺰﻟﻦ ﺩﻣﻮﻋﻲ ﺻﺪﻙ ﺍﻧﻲ ﺍﻡ ﺩﻣﻴﻌﻪ ﻣﺎﻏﻠﻂ ﻣﻦ ﻛﺎﻝ
ﻣﺎﺣﺴﻴﺖ ﺍﻻ ﺳﺪﻳﻢ ﺣﻀﻨﺘﻨﻲ ﻭﺗﺒﺠﻲ ﻇﻠﻴﺖ ﺍﻣﺴﺢ ﻋﻠﻰ ﺭﺍﺳﻪ : ﺍﺷﺶ ﻟﻴﺶ ﻫﺴﻪ ﺗﺒﺠﻴﻦ ﺷﻜﻮﻭ
ﺳﺪﻳﻢ : ﺃﺷﺘﺎﻗﻴﺖ
ﻳﺎﻗﻮﺕ ﺑﺤﺰﻥ : ﺍﻟﻤﻦ
: ﻟﻜﻠﺸﻲ ﻟﺒﻴﺘﻨﻪ ﻟﺤﻮﺷﻨﻪ ﺍﺷﺘﺎﻗﻴﺖ ﻟﻐﺮﻓﺘﻲ ﻭﻟﻤﺪﺭﺳﺘﻲ ﺍﺷﺘﺎﻗﻴﺖ ﻟﻤﻨﻄﻘﺘﻨﻪ ﻭﻟﻨﺎﺳﻪ ﺍﺷﺘﺎﻗﻴﺖ ﻟﺼﺪﻳﻘﺎﺗﻲ ﻭﻟﻬﻠﻲ
ﻳﺎﻗﻮﺕ : ﺍﻧﻲ ﻫﻢ ﺍﺷﺘﺎﻗﻴﺖ ﻭﺍﻟﺸﻮﻕ ﻛﺎﺗﻠﻨﻲ ﺑﺲ ﺷﻨﺴﻮﻱ ﻫﺬﺍ ﺍﻟﻲ ﺍﻧﻜﺘﺐ ﺍﻟﻨﻪ
ﺳﺪﻳﻢ : ﻳﺎﻗﻮﺕ ﺍﻧﻲ ﺍﺣﺲ ﺑﻐﺮﺑﻪ ﻫﻨﺎ ﻭﺑﻮﺣﺸﻪ ﺻﺢ ﻧﺎﺱ ﺯﻳﻨﻪ ﻭﺍﻫﻞ ﻏﻴﺮﻩ ﻭﻣﻌﺘﺒﺮﻳﻨﻪ ﺍﻫﻠﻬﻢ ﻭﺣﺎﻃﻴﻨﻪ ﺍﺑﻴﺘﻬﻢ ﺑﺲ ﻓﺮﻕ ﻣﻦ ﺍﻧﺘﻲ ﻛﺎﻋﺪﻩ ﺍﺑﻴﺘﺞ ﺍﻭ ﺍﺑﻴﺖ ﻧﺎﺱ ﺍﺣﺲ ﻧﻔﺴﻲ ﻋﺎﻟﻪ
ﻳﺎﻗﻮﺕ : ﻻ ﺗﺤﺠﻴﻦ ﻫﻴﺞ ﻭﺍﻥ ﺷﺎﺀﺍﻟﻠﻪ .. ﺍﻟﻠﻪ ﻳﻔﺮﺟﻪ ﻋﻠﻴﻨﻪ ﻭﺭﺍﺡ ﻳﺠﻲ ﻳﻮﻡ ﺗﻄﻠﻊ ﺍﻟﺸﻤﺲ ﻭﺗﻨﻮﺭ ﺩﻳﺎﺭﻧﺎ ﻭﻳﺮﻭﺡ ﺍﻟﻈﻠﻢ ﻣﻨﻪ ﻭﻧﺮﺟﻊ ﻟﺪﻳﺎﺭﻧﺎ ﻓﺮﺣﺎﻧﻴﻦ ﻭﻟﺒﻴﺘﻨﻪ
ﺳﺪﻳﻢ : ﺍﻥ ﺷﺎﺀﺍﻟﻠﻪ
ﻳﺎﻗﻮﺕ : ﻳﺎﻟﻪ ﻣﺴﺤﻲ ﺩﻣﻮﻋﺞ ﻭﻧﺎﻣﻲ
ﻣﺴﺤﺖ ﺩﻣﻮﻋﻪ ﻭﻏﻤﻀﺖ ﻋﻴﻨﻬﺎ ﻭﺭﻩ ﺭﺑﻊ ﺳﺎﻋﻪ ﺣﺴﻴﺖ ﻧﻔﺴﻪ ﺛﻘﻞ ﺑﺎﻭﻋﺖ ﻋﻠﻴﻪ ﻟﻜﻴﺘﻪ ﻧﺎﻳﻤﻪ ﺍﺑﺘﺴﻤﺖ ﺑﺤﺰﻥ
: ﻳﺎﺭﺏ ﺍﻓﺮﺟﻪ ﻋﻠﻴﻨﻪ
ﻏﻤﻀﺖ ﻋﻴﻨﻲ ﻭﻣﻦ ﺍﻟﺘﻌﺐ ﻣﺎﺣﺴﻴﺖ ﻋﻠﻰ ﻧﻔﺴﻲ ﻭﻧﻤﺖ
............
ﺛﺎﻧﻲ ﻳﻮﻡ ﺍﻟﺼﺒﺢ ﺍﻟﺴﺎﻋﻪ ﺏ ٦ : ٣٠
ﻭﺭﻭﺩ / ﻛﻌﺪﺕ ﻣﻦ ﺍﻟﻨﻮﻡ ﻭﺍﻧﻲ ﺩﺍﻳﺨﻪ ﻭﺍﻓﺘﺢ ﻋﻴﻨﻲ ﺑﻠﻜﻮﻩ
: ﺍﻭﻭﻑ ﻻ ﻫﻠﻪ ﺩﻭﺍﻡ ﺍﺳﺘﻐﻔﺮﺍﻟﻠﻪ ﺭﺑﻲ ﻳﻤﺘﻪ ﻧﺨﻠﺺ
ﻭﺧﺮﺕ ﺍﻟﺤﺎﻑ ﻭﻛﻤﺖ ﻭﺍﻧﻲ ﺍﻣﺸﻲ ﺑﺜﻘﻞ ﺩﺧﻠﺖ ﻟﻠﺤﻤﺎﻡ( ﺗﻜﺮﻣﻮﻥ ) ﻏﺴﻠﺖ ﻭﺟﻬﻲ ﻭﻓﺮﺷﺖ ﺍﺳﻨﺎﻧﻲ
ﻃﻠﻌﺖ ﻟﺒﺴﺖ ﺍﻟﺰﻱ ﺍﻟﻤﺪﺭﺳﻲ ﺻﺪﺭﻳﻪ ﺳﻮﺩﻩ ﻭﻣﺨﺼﺮﻩ ﺷﻮﻱ ﻋﻠﻰ ﺟﺴﻤﻲ ﻭﻗﻤﻴﺺ ﺍﺑﻴﺾ ﺳﺎﺩﻩ
ﻣﺸﻄﺖ ﺷﻌﺮﻱ ﻭﻇﻔﺮﺗﻪ ﺻﻔﺢ ﻟﻔﻴﺖ ﺷﺎﻟﻲ ﻭﻟﺒﺴﺖ ﺣﺬﺍﺀ ﺭﻳﺎﺿﻲ( ﺗﻜﺮﻣﻮﻥ ) ﺍﺑﻴﺾ ﺍﺧﺬﺕ ﺟﻨﻄﺘﻲ ﻭﻧﺰﻟﺖ
ﺷﻔﺖ ﻣﺤﺪ ﺟﻮﻯ ﻳﻌﻨﻲ ﺍﻟﻜﻞ ﻧﺎﻳﻢ
ﺣﺠﻴﺖ ﺑﺤﺴﺮﻩ : ﺍﺍﻩ ﺑﻠﻌﺎﻓﻴﻪ ﻋﻠﻴﻬﻢ ﻛﻠﻪ ﻧﺎﻳﻤﻪ ﻭﺍﻧﻲ ﺣﻈﻲ ﻛﺎﻋﺪﻩ ﻣﻦ ﺍﻟﺼﺒﺢ ﺍﻟﻚ ﺍﻟﻠﻪ ﻳﻠﻔﻘﻴﺮ
ﻳﻌﻨﻲ ﺍﻧﻲ ﻛﺎﻋﺪﻩ ﻭﻫﺬﺍ ﻣﺮﻭﺍﻥ ﻧﺎﻳﻢ ﻇﻠﻢ ﻭﺍﻟﻠﻪ
ﻃﻠﻌﺖ ﻣﻦ ﺍﻟﺒﻴﺖ ﻭﺭﺣﺖ ﻣﺸﻲ ﻟﻠﻤﺪﺭﺳﻪ ﻻﻥ ﺍﺣﺐ ﺍﻣﺸﻲ ﻭﺧﺎﺻﻪ ﺍﻟﺼﺒﺢ ﻭﺍﻟﺠﻮ ﺣﻠﻮ ﻭﺑﻴﻪ ﺑﺮﻭﺩﻩ ﻻﻥ ﺑﺪﺍﻳﻪ ﺍﻟﺸﺘﺎﺀ
ﻭﺻﻠﺖ ﻟﻠﻤﺪﺭﺳﻪ ﻭﺩﺧﻠﺖ ﻭﺑﺪﺕ ﺍﻟﺤﺼﺺ ﻭﺣﺪﻩ ﻭﺭﻩ ﺛﺎﻧﻴﻪ ﻭﺍﻧﻲ ﺑﺎﻟﻲ ﻣﻮ ﻳﻤﻬﻦ ﺍﺻﻠﻦ ﺣﺴﻴﺖ ﺍﻟﻮﻗﺖ ﻃﻮﻝ ﺍﻟﺜﺎﻧﻴﻪ ﺣﺴﻴﺘﻪ ﺳﺎﻋﻪ ﺻﺎﺭﺕ ﺍﻟﺤﺼﻪ ﺍﻻﺧﻴﺮﻩ ﻋﺪﻧﻪ ﺷﺎﻏﺮ ﺍﻟﻤﺪﺭﺳﻪ ﻣﺠﺎﻳﻪ ﻳﻔﺮﺣﺘﻲ ﺷﻔﺖ ﺍﻟﺼﻒ ﻓﺎﺭﻍ ﻛﻠﻬﻦ ﻃﺎﻟﻌﺎﺕ ﺑﻠﺴﺎﺣﻪ ﺑﻘﻴﺖ ﻭﺣﺪﻱ ﺣﻄﻴﺖ ﺭﺍﺳﻲ ﻋﻠﻰ ﺍﻟﺮﺣﻠﻪ ﻭﻏﻤﻀﺖ ﻋﻴﻨﻲ ﻭﺍﺟﺖ ﺍﻟﺬﻛﺮﻯ ﺍﺑﺎﻟﻲ ﻭﻧﻈﺮﺍﺕ ﺍﻳﺎﺱ ﺍﻟﻐﺎﺿﺒﻪ ﻭﺍﻟﻤﺸﻤﺌﺰﻩ ﻣﻨﻲ
ﻭﺭﻩ ﺭﺑﻊ ﺳﺎﻋﻪ ﺳﻤﻌﺖ ﺻﻮﺕ ﺍﻟﺠﺮﺱ ﻛﻤﺖ ﻋﻠﻰ ﺣﻴﻠﻲ ﻭﻃﻠﻌﺖ ﺍﻟﻤﺮﺍﻳﻪ ﻣﻦ ﺟﻨﻄﺘﻲ ﻟﻔﻴﺖ ﺷﺎﻟﻲ ﻭﺍﺧﺬﺕ ﺍﻟﺠﻨﻄﻪ ﻭﻃﻠﻌﺖ ﻣﻦ ﺍﻟﻤﺪﺭﺳﻪ
ﻭﺻﻠﺖ ﻟﻨﺺ ﺍﻟﻄﺮﻳﻖ ﻭﺻﺎﺭﺕ ﺑﺼﻔﻲ ﺳﻴﺎﺭﻩ ﺣﺴﻴﺘﻪ ﺧﻔﻔﺖ ﻣﻦ ﺳﺮﻋﺘﻪ ﻭﻛﻞ ﻣﺎﺍﺧﻄﻮ ﺧﻄﻮﻩ ﻫﻴﺎ ﺗﺼﻴﺮ ﺑﺼﻔﻲ ﺍﺧﺮ ﺷﻲ ﻣﻦ ﺧﻮﻓﻲ
ﺳﺮﻋﺖ ﺑﻤﺸﻲ ﻭﺳﻤﻌﺖ ﺻﻮﺕ : ﺍﻭﻭﻛﻔﻲ
