#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
noorhaidar18
#بارت٢٨
ﺍﻟﻴﻮﻭﻡ ﻫﺎ ﺷﻠﻮﻧﻲ ﻭﻳﺎﻛﻢ ﺍﻟﺒﺎﺭﺕ ﻛﻠﻪ ﻋﻠﻰ ﻳﺎﻗﻮﺕ ﻭﺿﺮﻏﺎﻡ ﻭﻛﺘﺒﺖ٣٥٩٤ ﻛﻠﻤﻪ ﻟﺤﺪ ﻳﻜﻠﻲ ﻗﺼﻴﺮ ﺍﻟﻲ ﻳﻜﻮﻝ ﻗﺼﻴﺮ ﺗﺮﻯ ﺍﻧﺘﺤﺮ ﻣﻦ ﺍﻟﺠﺮﺑﺎﻳﻪ 😂💔😖
ﻓﺪﻳﺘﻜﻢ ﺍﺣﺒﻜﻢ ﻧﻔﺮ ﻧﻔﺮ
ﻭﺍﻋﺬﺭﻭﻧﻲ ﻋﻠﻰ ﺍﻻﺧﻄﺎﺀ ﺍﻻﻣﻼﺋﻴﻪ
..................
ﺍﻧﺘﻬﻰ ﺍﻣﻠﻲ ﺑﻚ، ﻟﻢ ﻳﻌﺪ ﻛﻞ ﺷﻲﺀ ﻛﻤﺎ ﺍﻟﺴﺎﺑﻖ، ﺍﻟﻠﻴﻠﻪ ﻗﺮﺭﺕ ﺍﻟﺬﻫﺎﺏ ﻟﻸﺑﺪ، ﻫﺬﺍ ﺍﻟﺤﻞ ﺍﻟﻮﺣﻴﺪ ﺍﻟﺬﻱ ﺑﺤﻮﺯﺗﻲ ﻹﺻﻼﺡ ﻛﻞ ﻣﺎﺣﺪﺙ، ﻟﻢ ﻳﻜﻦ ﺍﻟﺒﻘﺎﺀ ﺣﻞ، ﺃﻧﺎ ﺃﻓﺸﻞ ﻓﻲ ﻛﻞ ﻣﺮﺓ ﺃﺳﺘﻤﺮ ﻓﻴﻬﺎ ﺑﺎﻟﻤﺤﺎﻭﻻﺕ ﻣﻌﻚ، ﺍﻟﻌﻼﻗﻪ ﺧﺎﻃﺌﻪ ﺑﻴﻨﻤﺎ ﺷﻌﻮﺭﻱ ﺻﺤﻴﺢ، ﻻﻭﻝ ﻣﺮﻩ ﺍﺷﻌﺮ ﺑﻤﺮﺍﺭﺓ ﺍﻟﻨﺪﻡ ﻓﻲ ﺭﻭﺣﻲ، ﻟﻴﺘﻨﻲ ﻟﻢ ﺍﺣﺒﻚ ﻗﻂ .💙💙
....
ﻳﺎﻗﻮﺕ / ﺻﺎﺭ ﺍﻟﻴﻮﻡ ﻳﻮﻡ ﺍﻟﺴﺒﻌﻪ
ﻛﻌﺪﺕ ﺍﻟﺴﺎﻋﻪ ﺏ٨ ﻭﻧﺺ ﺩﺧﻠﺖ ﻟﻠﺤﻤﺎﻡ ( ﺗﻜﺮﻣﻮﻥ ) ﺳﺒﺤﺖ ﻣﻦ ﺧﻠﺼﺖ ﻃﻠﻌﺖ ﻟﻠﻐﺮﻓﻪ ﺷﺴﻮﺭﺕ ﺷﻌﺮﻱ
ﺭﺣﺖ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﻓﺴﺘﺎﻥ ﺃﺣﻤﺮ ..
ﺳﺮﺣﺖ ﺷﻌﺮﻱ ﻭﺧﻠﻴﺖ ﻣﻜﻴﺎﺝ ﻟﻨﻔﺴﻲ .. ﺭﺣﺖ ﻟﺒﺴﺖ ﺍﻟﻔﺴﺘﺎﻥ ﻻﻥ ﺍﻣﻮ ﻛﺎﻟﺖ ﻋﻠﻴﻤﻦ ﺻﺎﻟﻮﻥ ﻭﺟﻴﺐ ﻓﺴﺎﺗﻴﻦ ﻭﻫﻴﺎ ﺑﺲ ﺑﻴﻨﺎﺗﻨﻪ
ﺍﻧﻲ ﺍﻭﻝ ﺷﻲ ﺍﻋﺘﺮﺿﺖ ﺑﺲ ﻋﺎﻧﺪ ﻭﻳﺎﻱ ﺿﺮﻏﺎﻡ ﻭﺻﺪﻙ ﺳﻮﺍﻩ
ﺟﺎﻥ ﻃﻮﻟﻪ ﻟﺘﺤﺖ ﺍﻟﺮﻛﺒﻪ ﻭﺑﻴﻪ ﻓﺘﺤﻪ ﻣﻦ ﺍﻟﻈﻬﺮ ﻳﻌﻨﻲ ﻳﻌﻨﻲ ﺷﻮﻱ ﻣﻦ ﻇﻬﺮﻱ ﻃﺎﻟﻊ ﺑﺲ ﻓﺘﺤﺖ ﺷﻌﺮﻱ ﺣﺘﻰ ﻻ ﻳﺒﻴﻦ ..
ﻟﺒﺴﺖ ﺍﻟﺤﺬﺍﺀ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ ﺭﻓﻌﺖ ﺭﺍﺳﻲ
ﺟﺎﻥ ﺿﺮﻏﺎﻡ ﻭﺍﻛﻒ ﻭﻳﺪﺣﻜﻠﻲ ﻣﻦ ﻓﻮﻙ ﻟﻴﺠﻮﻩ
ﺗﻮﺗﺮﺕ ﻭﻛﻤﺖ .. ﻇﻞ ﻫﻮ ﻭﺍﻛﻒ ﺑﻤﻜﺎﻧﻮ ﻭﺻﺎﻓﻦ ﻋﻠﻴﻪ
ﻛﻠﺖ ﺑﺘﻮﺗﺮ ﻭﺧﺠﻞ : ﺍﺍ ﺭﺍﻳﺪ ﺷﻲ ﺿﺮﻏﺎﻡ
ﺍﺷﻮ ﻫﺬﺍ ﻇﻞ ﻳﻘﺘﺮﺏ ﻣﻨﻲ ﻫﻮ ﻳﻘﺘﺮﺏ ﻭﺍﻧﻲ ﺍﺭﺟﻊ ﻟﻴﻮﺭﻩ
ﻟﺤﺪ ﻣﺎﻟﺰﻣﻨﻲ ﻣﻦ ﺍﻳﺪﻱ
ﺍﻗﺘﺮﺏ ﻣﻨﻲ ﻭﺧﻠﻪ ﺍﻳﺪﻩ ﻋﻠﻰ ﺧﺪﻱ ﻭﻇﻞ ﻳﻤﺮﺭ ﻟﻤﺴﺎﺗﻪ ﻋﻠﻰ ﻭﺟﻬﻲ ﺑﻌﺪ ﺧﺼﻠﻪ ﻋﻦ ﻭﺟﻬﻲ ﻏﻤﻀﺖ ﻋﻴﻨﻲ ﺑﺘﻮﺗﺮ
ﻧﺰﻟﺖ ﻟﻤﺴﺎﺗﻪ ﻟﺮﻛﺒﺘﻲ ﻭﻛﺎﻝ ﺑﻬﻤﺲ : ﺭﺍﺡ ﺗﻨﺰﻟﻴﻦ ﺑﻬﺬﺍ ﺍﻟﺒﺲ
ﻓﺘﺤﺖ ﻋﻴﻨﻲ ﻭﻛﺘﻠﻮ : ﺍﻱ ﺷﺒﻴﻪ ﻟﻌﺪ
ﻧﺰﻝ ﻧﻈﺮﻩ ﻟﺠﺴﻤﻲ ﻭﺭﺟﻊ ﺩﺣﻜﻠﻲ ﻭﺧﻠﻪ ﺍﻳﺪﻩ ﻭﺭﻩ ﻇﻬﺮﻱ
ﺣﺴﻴﺖ ﺑﺮﻭﺩﺕ ﺍﻳﺪﻩ ﻭﺳﺮﺕ ﻗﺸﻌﺮﻳﺮﻩ ﺑﺠﺴﻤﻲ
ﺭﻓﻊ ﺣﺎﺟﺒﻪ ﻭﻛﺎﻝ : ﻫﺬﺍ ﻛﻠﻪ ﻭﺗﻜﻮﻟﻴﻦ ﺷﺒﻴﻪ . ﺿﻬﺮﺝ ﻃﺎﻟﻊ ﻭﺭﺟﻠﺞ ﻭﺗﻜﻮﻟﻴﻦ ﺷﺒﻴﻪ
: ﺍﻱ ﺑﺲ ﻣﺎﻛﻮ ﺍﺣﺪ ﻛﻠﻬﻦ ﻧﺴﻮﺍﻥ
ﺑﻌﺪ ﻋﻨﻲ ﻭﻛﺎﻝ : ﻭﺍﻟﻠﻪ ﻫﺬﺍ ﻣﺎﻳﺼﺮﻓﻠﻲ ﻫﺴﻪ ﺗﻜﻮﻣﻴﻦ ﻭﺗﻐﻴﺮﻳﻦ ﻟﺒﺴﺞ ﻭﺷﻮﻓﻲ ﺷﻲ ﻣﺴﺘﻮﺭ
: ﺷﻨﻮﻭ ﺑﺲ ﻣﺎﻛﺪﺭ ﻫﺴﻪ
: ﻭﻟﻴﺶ ﻳﻌﻨﻲ ﻣﺎﺗﻜﺪﺭﻳﻦ
: ﻳﻌﻨﻲ ﻣﻜﻴﺎﺝ ﺧﻠﻴﺖ ﻭﻳﺎﺍﻩ ﻧﻔﺲ ﺍﻟﺒﺲ ﻭﻫﺴﻪ ﺗﻜﻠﻲ ﺑﺪﻟﻲ ﺗﺮﻯ ﻣﺎﺑﻴﻪ ﺷﻲبيج قصص عراقيه حقيقيه من واقعنا.روعه الطائي
: ﺷﻮﻓﻲ ﻳﺎﻗﻮﺕ ﺍﻧﻲ ﻣﺎﺣﺐ ﺍﻋﻴﺪ ﻛﻼﻣﻲ ﻫﻮﺍﻱ ﺗﺮﺣﻴﻦ ﻫﺴﻪ ﺗﺬﺑﻴﻦ ﻫﺬﺍ ﺍﻟﻲ ﺍﺗﺴﻤﻴﻨﻪ ﻟﺒﺲ ﻭﺗﻐﻴﺮﻳﻨﻪ ﻭﺗﺸﻮﻓﻴﻦ ﺷﻲ ﻣﺴﺘﻮﺭ
ﻻ ﺗﺨﻠﻴﻨﻲ ﻫﺴﻪ ﺍﻧﻲ ﺍﻛﻮﻡ ﻭﺍﺫﺑﻪ ﺍﻟﺞ ﻭﺍﺳﻮﻳﻪ ﺍﻧﻲ ﻣﺎﺷﻲ
ﺿﺮﺑﺖ ﺭﺟﻠﻲ ﺑﻘﻬﺮ : ﺍﻧﺖ ﺷﻨﻮ ﻓﻬﻤﻨﻲ ﻛﻠﺸﻲ ﻋﻨﺪﻙ ﺍﻭﺍﻣﺮ
ﺷﻴﺼﻴﺮ ﻳﻌﻨﻲ ﻟﻮ ﺗﻄﻠﺐ ﻣﻨﻲ ﻧﻮ ﺗﺎﻣﺮ
: ﻓﻀﻴﻪ ﺍﻣﺸﻲ ﺑﺪﻟﻲ ﻻﻥ ﻣﺴﺘﻌﺠﻞ ﻭﻋﻨﺪﻱ ﺷﻐﻞ
: ﻟﻌﺪ ﻣﺎﺗﺮﻭﺡ
: ﻗﺒﻞ ﻣﺎﺷﻮﻑ ﺷﺘﻠﺒﺴﻴﻦ ﻳﺎﻟﻪ ﻓﻀﻴﻪ
: ﺗﺮﻯ ﻭﺍﻟﻠﻪ ﺣﺮﺍﻡ ﻭﻣﺎﻳﺼﻴﺮ ﻫﻴﺞ ﺍﻟﻲ ﺗﺴﻮﻳﻪ ﺑﻴﻪ
ﻛﺎﻡ ﻣﻦ ﻣﻜﺎﻧﻪ : ﻻ ﺍﻟﻀﺎﻫﺮ ﺍﻧﺘﻲ ﻣﺎﻧﺎﻭﻳﻪ ﺍﺗﺬﺑﻴﻪ ﺍﺻﻠﻦ ﺧﻞ ﺍﻧﻲ ﺍﺫﺑﻪ ﺍﻟﺞ
ﺍﻗﺘﺮﺏ ﻣﻦ ﻳﻤﻲ ﻭﺧﻔﺖ ﻣﻦ ﺗﻬﺪﻳﺪﻩ ﻛﺘﻠﻪ ﺑﺴﺮﻋﻪ : ﻻ ﺍﻧﻲ ﺭﺍﺡ ﻫﺴﻪ ﺍﺫﺑﻪ
ﻭﻛﻒ ﺑﻤﻜﺎﻧﻪ ﻭﻛﺎﻝ : ﺍﻱ ﻫﻴﺞ ﺻﻴﺮﻱ
: ﺑﺲ ﺍﻃﻠﻊ ﺷﻠﻮﻥ ﺍﺑﺪﻝ ﻛﺪﺍﻣﻚ
: ﺗﺮﻯ ﺍﻛﻮ ﺷﻲ ﺍﺳﻤﻪ ﺣﻤﺎﻡ ﺭﻭﺣﻲ ﺑﺪﻟﻲ ﻫﻨﺎﻙ
ﺭﺣﺖ ﻟﻠﻜﻨﺘﻮﺭ ﻭﻇﻠﻴﺖ ﺍﺩﻭﺭ ﻋﻠﻰ ﺷﻲ ﺣﻠﻮﻭ ﺍﺧﺮ ﺷﻲ ﺍﺧﺬﺕ ﻓﺴﺘﺎﻥ ﺭﺣﺖ ﻟﻠﺤﻤﺎﻡ ﻭﻟﺒﺴﺘﻪ
ﺟﺎﻥ ﺷﻮﻱ ﻗﺼﻴﺮ ﻫﻢ ﺗﺤﺖ ﺍﻟﺮﻛﺒﻪ ﻟﻮﻧﻪ ﺳﻤﺎﺋﻲ ﻭﻣﻄﺮﺯ ﺑﻠﻤﻊ ﻓﻀﻲ
ﻭﺣﺰﺍﻡ ﻣﻦ ﺍﻟﺨﺼﺮ ﻭﺭﺩﺍﻧﻪ ﻃﻮﻳﻞ ﻳﻌﻨﻲ ﻣﺴﺘﻮﺭ
ﻃﻠﻌﺖ ﻭﻫﻮ ﺷﺎﻓﻨﻲ : ﻫﺎﺍ ﺷﺮﺍﻳﻚ ﺑﺲ ﻫﺎﺍ ﻻ ﺗﻜﻮﻝ ﻣﻮﺣﻠﻮ ﺗﺮﻯ ﻭﺍﻟﻠﻪ ﻣﺎﺫﺑﻪ ﻣﻦ ﻫﺴﻪ ﺍﻛﻠﻚ
ﺍﺑﺘﺴﻢ ﻭﺩﺣﻜﻠﻲ : ﻫﺬﺍ ﺗﻤﺎﻡ
: ﺧﻮﻭﺵ ﻟﻌﺪ
: ﻳﺎﻟﻪ ﻟﻌﺪ ﺍﺭﻭﺡ ﺍﻧﻲ
ﺭﺍﺡ ﻫﻮ ﻃﻠﻊ ﻣﻦ ﺍﻟﻐﺮﻓﻪ ﻭﺭﺣﺖ ﺍﻧﻲ ﻋﺪﻟﺖ ﺷﻜﻠﻲ
ﻭﺷﻔﺖ ﻫﺬﺍ ﺣﺘﻰ ﺍﺣﻠﻰ ﻋﻠﻴﻪ
ﻣﺪﺭﻱ ﻻﻥ ﻋﺠﺒﻪ ﻭﺍﻧﻲ ﻋﺠﺒﻨﻲ ﻫﻢ ﻣﺎﻋﺮﻑ ..
ﻧﺰﻟﺖ ﺟﻮﻩ ﻭﻣﺎﺧﺬﺕ ﺷﺎﻝ ﻭﻳﺎﻱ ﻻﻥ ﻣﻄﻤﺌﻨﻪ ﻣﺎﻛﻮ ﻛﻞ ﺍﺣﺪ ﻻﻥ ﻧﺴﻮﺍﻥ ﻓﺎ ﻣﺎﻳﻜﺪﺭﻭﻥ
ﻧﺰﻟﺖ ﻭﺻﺎﺭﺕ ﺑﻮﺟﻬﻲ ﺳﻮﺯﺍﻥ ﺍﺳﺘﻐﻔﺮ ﺍﻟﻠﻪ ﻟﻌﺪ ﻳﻮﻣﻲ ﺻﺎﺭ ﺣﻠﻮﻭ ﻣﻦ ﺷﻔﺘﻪ
ﺍﺑﺘﺴﻤﺖ ﻭﻛﺎﻟﺖ : ﺍﻭﻭ ﻫﺎﻱ ﺍﻧﺘﻲ ﺑﻌﺪﺝ ﻫﻨﺎ
ﺭﻓﻌﺖ ﺣﺎﺟﺒﻲ ﻭﻣﺴﺘﻐﺮﺑﻪ ﻛﻼﻣﻪ : ﻟﻌﺪ ﻭﻳﻦ ﺍﻛﻮﻥ ﻃﺒﻌﺎ ﻫﻨﺎ
ﺿﺤﻜﺖ ﻭﻛﺎﻟﺖ : ﻫﻴﺞ ﺣﺒﻴﺒﻪ ﺑﺲ ﻋﻠﻰ ﻳﻮﻡ ﺭﺍﺡ ﺍﻃﻠﻌﻴﻦ ﻣﻨﺎ
: ﺷﻘﺼﺪﺝ ﺍﻧﺘﻲ ﻫﺎﺍﺍ
ﺩﺍﺭﺕ ﻭﺟﻬﻪ ﻭﺿﺤﻜﺖ : ﻫﻴﺞ ﺣﺒﻴﺒﺘﻲ
ﻭﻋﺎﻓﺘﻨﻲ ﻭﻣﺸﺖ ﻭﺍﻧﻲ ﻣﺴﺘﻐﺮﺑﻪ ﻛﻼﻣﻪ ﺷﻜﻮﻭ ﺷﺒﻴﻪ ﻭﻟﻴﺶ ﻫﻴﺞ ﺗﺤﺠﻲ ﺍﺻﻼ
ﺭﺣﺖ ﺷﻔﺖ ﺍﻫﻠﻬﻢ ﻣﺘﻠﻤﻴﻦ ﻭﺟﺎﻳﻴﻦ ﺳﻠﻤﺖ ﻋﻠﻴﻬﻦ ﻭﻛﻌﺪﺕ ﻭﺷﻮﻱ ﺷﻮﻱ ﺑﺪﺕ ﺍﻟﻨﺎﺱ ﺗﺠﻲ ﺍﻗﺮﺑﺎﺋﻬﻢ
ﻭﻇﻠﻦ ﻳﺮﻛﺼﻦ ... ﻭﻭﺭﻭﺩ ﻭﺩﺭﻩ ﻭﺟﻤﺎﻧﻪ ﻳﻘﺪﻣﻦ ﻟﻨﺴﻮﺍﻥ ﻣﺎﻱ ﻭﻋﺼﺎﻳﺮ
ﺍﺟﻦ ﺍﻟﺒﻨﺎﺕ ﻭﻛﻮﻣﻨﻲ ﺣﺘﻰ ﺍﺭﻛﺺ ﺑﺲ ﺍﻧﻲ ﺍﻋﺘﺮﺿﺖ ﻭﻫﻨﺎ ﺍﺻﺮﻥ
ﻛﻤﺖ ﻭﻳﺎﻫﻦ ﻭﺷﻐﻠﻦ ﺍﻏﻨﻴﻪ ﺭﺩﺡ ﺗﺨﻠﻲ ﺍﻟﻲ ﻣﺎﻳﺮﻳﺪ ﻳﺮﻛﺺ ﻳﻜﻮﻡ ﻏﺼﺐ ﻋﻨﻪ ﻭﻳﺮﻛﺺ
ﻇﻠﻴﺖ ﺍﺭﻛﺺ ﻭﻳﺎﻫﻦ ﻭﻧﺴﻴﺖ ﺍﻟﻨﺴﻮﺍﻥ ﺍﻟﻜﺎﻋﺪﻩ ﻭﺍﻟﻲ ﺗﺪﺣﻜﻠﻲ
ﺷﻮﻱ ﺍﺗﻮﻧﺴﺖ ﻭﺫﺑﻴﺖ ﺣﺮﻛﺘﻲ ﺑﻠﺮﻛﺺ ..
ﺧﻠﺼﺖ ﺍﻻﻏﻨﻴﻪ ﻭﺍﻟﻨﺴﻮﺍﻥ ﻇﻠﻦ ﻳﻬﻠﻬﻠﻦ ﺍﻧﻲ ﺍﺳﺘﺤﻴﺖ ﻣﻦ ﺩﺣﻜﺖ ﻋﻠﻴﻬﻦ ﻳﺪﺣﻜﻠﻲ
ﻛﻌﺪﺕ ﻭﻇﻠﺖ ﺍﻡ ﺿﺮﻏﺎﻡ ﺗﺨﺰﺭ ﺑﻴﻪ ﻣﺎﻗﺎﺑﻠﻪ ..
ﻣﺎﻫﺘﻤﻴﺖ ﺍﻧﻲ ﺍﻫﻢ ﺷﻲ ﻭﻧﺴﺖ ﻧﻔﺴﻲ
ﺷﻮﻱ ﻭﺍﺟﺖ ﺍﻣﻲ ﻭﺍﻟﺒﻨﺎﺕ ﺳﻠﻤﺖ ﻋﻠﻴﻬﻦ ﻭﺍﻣﻲ ﻛﻌﺪﺕ ﻳﻤﻬﻦ ﻭﺳﺪﻳﻢ ﻭﻣﺮﺍﻡ ﺭﺍﺣﻦ ﻳﺴﺎﻋﺪﻥ ﺍﻟﻨﺴﻮﺍﻥ
ﺷﻮﻱ ﻭﺍﺟﺖ ﻛﻌﺪﺕ ﻳﻤﻲ ﺟﻤﺎﻧﻪ ﺍﺑﺘﺴﻤﺖ ﻭﻛﺎﻟﺖ : ﺷﻠﻮﻧﺞ ﺣﺒﻴﺒﺘﻲ
: ﻫﻼ ﻋﻴﻨﻲ ﺍﻟﺤﻤﺪﻟﻠﻪ ﺍﻧﺘﻲ ﺷﻠﻮﻧﺞ
ﻛﺎﻟﺖ : ﺍﻱ ﺷﻠﻮﻧﻪ ﺿﺮﻏﺎﻡ ﻭﻳﺎﺝ ﻣﺮﺗﺎﺣﻪ ﺍﻧﺘﻲ ﻭﻳﺎﻩ
: ﺍﻱ ﺍﻟﺤﻤﺪﻟﻠﻪ
ﺍﺑﺘﺴﻤﺖ ﺑﻮﺩ : ﻳﺎﺭﺏ ﺩﻭﻣﺞ
ﻛﻠﺖ ﺑﻨﻔﺴﻲ ﻳﺎﺭﺑﻲ ﻣﻌﻘﻮﻟﻪ ﻫﺎﻱ ﺍﺧﺖ ﺳﻮﺯﺍﻥ ﻭﺍﻟﻠﻪ ﻓﺮﻕ ﺟﺒﻴﺮ ﺑﻴﻨﺎﺗﻬﻦ
ﺭﺟﻌﺖ ﺳﺌﻠﺘﻨﻲ ﺑﺲ ﺣﺴﻴﺘﻪ ﻣﺘﻮﺗﺮﻩ : ﺍﺍ ﻳﺎﻗﻮﺕ ﻣﻤﻜﻦ ﺍﺳﺌﻠﺞ ﺳﺆﺍﻝ
: ﺍﺗﻔﻀﻠﻲ ﺣﺒﻴﺒﺘﻲ ﺷﻨﻮ
ﺩﻧﻜﺖ ﺭﺍﺳﻪ ﻭﻛﺎﻟﺖ : ﺍﺍ ﺷﻠﻮﻧﻪ ﺗﻌﺎﻣﻞ ﺿﺮﻏﺎﻡ ﻭﻳﺎﺝ ﺯﻳﻦ ﻟﻮ ﻻ ﺍﻭ ﻳﻌﻨﻲ ﺳﻌﻴﺪﻩ ﻭﻳﺎﻩ ﺑﺲ ﺟﺎﻭﺑﻨﻲ ﺻﺮﺍﺣﻪ
ﺍﺳﺘﻐﺮﺑﺖ ﺳﺆﺍﻟﻪ ﻭﻛﻠﺖ : ﻟﻴﺶ ﺣﺒﻴﺒﺘﻲ ﺍﺗﺴﺌﻠﻴﻦ ﻫﺬﺍ ﺍﻟﺴﺆﺍﻝ ﻭﺑﻌﺪﻳﻦ ﺍﻧﻲ ﺟﺎﻭﺑﺘﺞ ﺍﻱ ﻣﺮﺗﺎﺣﻪ ﻭﻳﺎﻩ
: ﺍﺳﻔﻪ ﻋﻠﻰ ﺗﺪﺧﻠﻲ ﺑﺲ ﺣﺒﻴﺖ ﺍﺳﺌﻞ
ﺍﺑﺘﺴﻤﺖ ﻣﺠﺎﻣﻠﻪ ﺍﻟﻪ : ﺿﺮﻏﺎﻡ ﻣﺎﻛﻮ ﻣﺜﻠﻪ ﻭﺑﻬﺎﻱ ﺍﻻﻳﺎﻡ ﺍﻟﻲ ﻋﺸﺘﻪ ﻭﻳﺎﻩ ﺧﻼﻧﻲ ﺍﺳﻌﺪ ﺍﻧﺴﺎﻧﻪ ﺑﻠﺪﻧﻴﺎ
ﺷﺴﻮﻱ ﻻﺯﻡ ﺍﺟﺬﺏ ﻋﻠﻴﻪ ﻳﻌﻨﻲ ﺷﻜﻠﻠﻪ ﻳﺰﻛﺢ ﻋﻠﻴﻪ ﻟﻮ ﻳﻬﻴﻨﻲ ﺑﻠﻜﻼﻡ ﻟﻮ ﻳﻀﺮﺏ ﺷﻜﻠﻠﻪ
ﺍﺑﺘﺴﻤﺖ ﻫﻴﺎ : ﺧﻮﻭﺵ ﺍﻟﺤﻤﺪﻟﻠﻪ
: ﻟﻴﺶ ﺗﺴﺌﻠﻴﻦ
ﺿﺤﻜﺖ ﻭﻛﺎﻟﺖ : ﻫﺎﺍ ﻫﻴﺞ ﻳﻌﻨﻲ ﺍﻋﺘﺒﺮﻳﻪ ﻓﻀﻮﻝ ﻭﺍﺳﻔﻪ ﻋﻠﻰ ﺍﻟﺘﺪﺧﻞ ﻳﺎﻟﻪ ﻋﻦ ﺍﺫﻧﺞ ﺍﺭﻭﺡ ﺍﺳﺎﻋﺪ ﺍﻟﺒﻨﺎﺕ ﺍﻧﻲ
: ﻣﺎﺷﻲ ﺣﺒﻴﺒﻪ
ﻣﺸﺖ ﻫﻴﺎ ﻭﺍﻧﻲ ﺍﺩﺣﻜﻠﻪ ﻭﺻﺎﻓﻨﻪ ﻋﻠﻰ ﻛﻼﻣﻪ ﻟﻴﺶ ﻫﻴﺞ ﺳﺌﻠﺘﻨﻲ ﻭﻛﺎﻟﺖ ﻣﺎﻋﺮﻑ
ﺻﺎﺭ ﺍﻟﻀﻬﺮ ﺟﺎﺑﻦ ﺍﻟﺴﻔﺮﻩ ﺍﻟﺒﻨﺎﺕ ﻣﺪﻧﻪ ﻭﻧﻜﻠﻦ ﺍﻻﻛﻞ ﻭﺣﻄﻨﻪ
ﺍﻟﺘﻤﻦ ﻛﻠﻬﻦ ﻭﻛﻌﺪﻧﻪ ﻇﻠﻴﻨﻪ ﻧﺎﻛﻞ .. ﺧﻠﺼﻨﻪ ﻭﺭﺍﺣﻦ ﻫﻨﺎ
ﺷﺎﻟﻦ ﺍﻻﻛﻞ ﻭﺟﺎﺑﻦ ﺍﻟﺠﺎﻱ
ﺭﺣﺖ ﺍﻧﻲ ﺍﻏﺴﻞ ﺍﻳﺪﻱ .. ﻭﻓﺎﺕ ﺿﺮﻏﺎﻡ ﺷﺎﻓﻨﻲ ﻭﺍﺟﻪ ﻳﻤﻲ
ﻛﺎﻝ ﻭﻫﻮ ﻳﺨﺰﺭ : ﺻﺪﻙ ﺍﻟﻲ ﺳﻤﻌﺘﻪ
: ﺷﻨﻮ ﺳﻤﻌﺖ ﺑﺎﻟﻪ
: ﺻﺪﻙ ﺭﺍﻛﺼﻪ ﻛﺪﺍﻡ ﺍﻟﻨﺴﻮﺍﻥ ﻭﻫﻨﺎ ﻳﺒﺎﻭﻋﻠﺞ ﻭﺍﻧﺘﻲ ﻣﺎﻣﻬﺘﻤﻪ
: ﻭﻣﻨﻮ ﺍﻟﻲ ﻛﺎﻟﻚ
: ﻳﻌﻨﻲ ﺻﺤﻴﺢ
: ﺍﻱ ﺻﺤﻴﺢ ﻭﺷﺒﻴﻪ ﻳﻌﻨﻲ ﻭﺍﺫﺍ ﺭﻛﺼﺖ ﻭﺣﺪ ﻳﻌﻨﻲ ﻭﻫﻴﺎ ﺍﻟﻤﻨﺎﺳﺒﻪ ﺍﻟﻲ ﺧﻠﻴﻨﻲ ﺍﻓﺮﺡ
ﺑﺲ ﺣﺮﻣﺘﻨﻲ ﺍﻧﻮ ﺍﺳﻮﻱ ﺳﺒﻌﻪ ﻣﺜﻞ ﺍﻟﻌﺎﻟﻢ ﻫﺴﻪ ﻫﻢ ﺗﺤﺮﻣﻨﻲ ﺍﻧﻮ ﺍﺭﻛﺺ
ﺣﺠﻪ ﻭﻫﻮ ﺭﺍﺹ ﻋﻠﻰ ﺳﻨﻮﻧﻪ : ﺻﻮﺗﺞ ﻭﻟﺞ ﻻ ﻳﻌﻠﻰ ﻻ ﺍﺳﺤﻠﺞ ﻫﻨﺎ ﻭﻛﺪﺍﻣﻬﻦ
ﻛﻠﺖ ﺑﻘﻬﺮ : ﻫﻮ ﺍﻧﺖ ﺷﻌﻨﺪﻙ ﻏﻴﺮ ﺍﻟﺴﺤﻞ ﻭﺍﻟﻜﺘﻞ
: ﻫﺎﺍ ﻫﻴﺞ ﻳﻌﻨﻲ
: ﺍﻱ ﻫﻴﺞ ﺗﺮﻯ ﻣﻠﻴﺖ ﻭﺍﻟﻠﻪ .. ﻋﻠﻰ ﻛﻠﺸﻲ ﻻ ﻭﻻ ﻭﺑﺲ ﺗﺰﻛﺢ ﻋﻠﻴﻪ ﻭﺗﺎﻣﺮ ﺗﺮﻯ ﺗﻌﺒﺖ ﻭﻣﻠﻴﺖ ﻣﻨﻚ
ﺟﺮﻧﻲ ﻣﻦ ﺍﻳﺪﻱ ﻋﻠﻴﻪ ﻭﻛﺎﻝ ﺑﺤﺪﻩ : ﻳﺎﻗﻮﺕ ﻛﺎﺍﻓﻲ ﺗﺮﻯ ﻭﺍﻟﻠﻪ ﺍﺗﺼﺮﻑ ﻭﻳﺎﺝ ﺗﺼﺮﻑ ﻣﺮﺍﺡ ﻳﻌﺠﺒﺞ ﻓﻬﻤﺘﻲ
: ﺍﻱ ﺷﺘﺴﻮﻱ ﻳﻌﻨﻲ ﺗﻜﺘﻠﻨﻲ ﻋﺎﺩﻱ ﻋﻨﺪﻱ
: ﻳﺎﺍﺍﻗﻮﺕ
ﺳﻤﻌﻨﻪ ﺻﻮﺕ : ﺍﺣﻢ
ﻭﺧﺮ ﺍﻳﺪﻩ ﻋﻨﻲ ﻭﺩﺭﻧﻪ ﻭﺟﻬﻨﻪ ﻭﺷﻔﻨﻪ ﺟﻤﺎﻧﻪ ﻭﺍﻛﻔﻪ ﻭﺗﺪﺣﻜﻠﻨﻪ ﻭﻣﺼﺪﻭﻣﻪ
ﻫﻮ ﻛﺎﻝ : ﻣﺜﻞ ﻣﺎﻛﻠﺘﺞ ﻳﺎﻗﻮﺕ ﻣﻦ ﺗﻤﺸﻲ ﺍﻟﻨﺴﻮﺍﻥ ﺍﻛﻮﻱ ﺍﻟﻤﻼﺑﺲ
ﺣﺠﻴﺖ ﺑﺘﻮﺗﺮ : ﻫﺎ ﺍﻱ ﻣﻴﺨﺎﻟﻒ
ﻣﺸﻪ ﻫﻮ ﻭﻋﺎﻓﻨﻪ ﻫﻴﺎ ﺭﻓﻌﺖ ﺣﺎﺟﺒﻪ ﻭﺩﺣﻜﺘﻠﻲ ﻭﺩﺍﺭﺕ ﻭﺟﻬﻪ ﻋﻨﻲ ﻭﻣﺸﺖ ﺑﺪﻭﻥ ﻣﺎﺗﻜﻮﻝ ﺍﻱ ﺷﻲ
ﻳﺎﺭﺑﻲ ﺑﺲ ﻻ ﺷﺎﻓﺘﻨﻪ ﻫﻴﺞ ﻫﺴﺎﻉ ﺍﻧﻲ ﻣﺎﻳﻬﻤﻨﻲ ﺑﺲ ﺧﺎﻑ ﺗﻜﻮﻝ ﻻﺧﺘﻪ ﻭﻫﺬﻳﺞ ﺍﺳﻢ ﺍﻟﻠﻪ ﺗﺮﻳﺪ ﺑﺲ ﺳﺎﻟﻔﻪ ﻋﻠﻴﻪ ﻭﺗﺸﻤﺖ ﻻﻥ ﺍﻋﺮﻑ ﺑﺴﻮﺍﻟﻔﻪ ﺍﻧﻲ
ﺍﻭﻭﻑ ﻣﺎﺍﻇﻦ ﻻﻥ ﺍﻣﺒﻴﻦ ﻋﻠﻴﻪ ﻣﻮ ﻣﺎﻝ ﻗﺎﻝ ﻭﻗﻴﻞ .. ﺍﻭﻭﻑ ﺭﺑﻲ ﻫﺴﻪ ﺍﻧﻲ ﻳﻤﺘﻪ ﺍﺧﻠﺺ ﻣﻦ ﻫﺬﺍ ﺍﻟﻈﻴﻢ
ﺭﺣﺖ ﻛﻌﺪﺕ ﻳﻤﻬﻢ ﻭﺍﻟﺒﻨﺎﺕ ﻇﻠﻦ ﻳﺴﻮﻟﻔﻦ ﻭﺣﺪﻫﻦ ﻭﺍﻟﻨﺴﻮﺍﻥ ﻭﺣﺪﻫﻦ
ﺷﻮﻭﻱ ﻭﻛﺎﻟﺖ ﺍﻡ ﻏﺴﺎﻥ ﻭﻣﻮﺟﻬﻪ ﻫﺬﺍ ﺍﻟﻜﻼﻡ ﺍﻟﻰ ﺍﻣﻲ
: ﻳﻌﻨﻲ ﺍﻡ ﺍﻣﻴﺮ
ﺍﺑﺘﺴﻤﺖ ﺍﻣﻲ ﻭﻛﺎﻟﺖ : ﻫﺎ ﻋﻴﻨﻲ
ﺍﺑﺘﺴﻤﺖ ﺑﻬﺪﻭﺀ ﺍﻡ ﻏﺴﺎﻥ ﻭﻛﺎﻟﺖ : ﻭﺍﻟﻠﻪ ﺑﺎﺟﺮ ﻧﺮﻳﺪ ﻧﺠﻴﺞ ﺍﻟﻌﺼﺮ ﻋﺎﺩ ﻫﺎ ﺗﺴﺘﻘﺒﻠﻴﻨﻪ ﻟﻮ ﻻ ﻭﺿﺤﻜﺖ
ﺍﺑﺘﺴﻤﺖ ﺍﻣﻲ ﻭﻛﺎﻟﺖ : ﻫﻼ ﺑﻴﻜﻢ ﻋﻴﻨﻲ ﺍﻟﺒﻴﺖ ﺑﻴﺘﻜﻢ ﻃﺒﻌﺎ
: ﺍﻟﻠﻪ ﻳﺨﻠﻴﺞ ﺣﺒﻴﺒﻪ
ﻋﺮﻓﺖ ﺳﺮ ﺟﻴﺖ ﺍﻡ ﻏﺴﺎﻥ ﺍﻟﻨﻪ .. ﺩﺭﺕ ﻭﺟﻬﻲ ﻭﺩﺣﻜﺖ ﻋﻠﻰ ﺳﺪﻳﻢ ﻣﻦ ﺷﺎﻓﺘﻨﻲ
ﺍﺑﺘﺴﻤﺖ ﻭﻧﺼﺖ ﻭﺟﻬﻪ ﻋﻮﺩ ﺧﺠﻼﻧﻪ ﻭﺍﻟﻠﻪ ﻭﻻ ﻳﻠﻮﻙ ﻫﻬﻬﻪ
ﺻﺎﺭﺕ ﺍﻟﺴﺎﻋﻪ ﺏ٢ ﻭﻧﺺ ﻭﻣﺸﻦ ﺍﻟﻨﺴﻮﺍﻥ ﻭﺍﻫﻠﻲ ﺭﺍﺣﻮﻭ .. ﻗﺒﻞ ﻻ ﺍﻃﻠﻊ
ﻛﺎﻟﺖ ﺍﻡ ﺿﺮﻏﺎﻡ : ﺍﻛﻠﺞ ﻳﺎﻗﻮﺕ
ﺩﺣﻜﺘﻠﻪ : ﻫﺎﺍ ﻋﻤﻪ
: ﺑﻌﺪ ﻻ ﺗﻌﻴﺪﻳﻦ ﺍﻟﻲ ﺳﻮﻳﺘﻴﻪ ﺍﻟﻴﻮﻡ
ﺍﺳﺘﻐﻔﺮ ﺍﻟﻠﻪ ﺷﺒﻴﻬﻢ ﺫﻭﻟﻪ ﻭﻳﺎﻱ ﺍﻟﻴﻮﻡ : ﺷﺴﻮﻳﺖ ﻋﻤﻪ
: ﻋﻠﻰ ﺭﻛﺼﺞ ﺍﻟﻴﻮﻡ .. ﺑﺎﻟﻪ ﻣﻜﺎﻟﺞ ﺷﻲ ﺿﺮﻏﺎﻡ
: ﻫﺎﺍ ﻳﻌﻨﻲ ﺍﻟﻴﻮﻡ ﺍﻧﺘﻲ ﻛﻠﺘﻴﻠﻪ
ﺭﻓﻌﺖ ﺣﺎﺟﺒﻪ : ﺍﻱ ﺍﻧﻲ ﻛﺘﻠﻪ .. ﻭﺷﻜﺎﻟﺞ ﻫﻮ ﺑﺎﻟﻪ ﺍﻛﻴﺪ ﻛﺎﻟﺞ ﻻ ﺗﻌﻴﺪﻳﻨﻪ ﻻﻥ ﻋﻴﺐ ﻣﺎﻳﺼﻴﺮ
ﺍﺑﺘﺴﻤﺖ ﻭﻛﺘﻠﻪ : ﻻ ﻛﺎﻟﻲ ﺍﺗﻤﻨﻴﺖ ﺷﻔﺘﺞ ﺑﻴﻮﻣﻬﺎ ﻣﻦ ﺗﺮﻛﺼﻴﻦ ﻳﻌﻨﻲ ﻫﻤﻪ ﻳﺸﻮﻓﻮﻥ ﻭﺍﻧﻲ ﺍﻧﺤﺮﻡ ... ﻛﺘﻠﻪ ﺍﺻﻼ ﺭﻛﺼﻲ ﻣﻮ ﺣﻠﻮﻭﻭ ﻛﺎﻝ ﻻ ﻛﻠﺸﻲ ﻣﻨﺞ ﺣﻠﻮﻭﻭ ﺍﻧﺘﻲ
ﺍﺷﻮ ﺣﺠﻴﺖ ﻭﻫﻴﺎ ﻣﺎﺗﺖ ﻣﻦ ﺍﻟﻘﻬﺮ ﻭﻛﺎﻟﺖ : ﻳﻌﻨﻲ ﺷﻨﻮ ﺍﻻ ﺗﺤﺠﻴﻠﻲ ﻗﺼﺔ ﺣﻴﺎﺗﻜﻢ ﻛﺎﻟﻲ ﻭﻛﺘﻠﻪ ﺍﻧﻲ ﺷﻜﻮ
: ﻟﻴﺶ ﻋﻤﻪ ﻣﻮ ﺍﻧﺘﻲ ﺳﺌﻠﺘﻲ ﺷﻜﺎﻟﺞ ﺿﺮﻏﺎﻡ ﻭﺟﺎﻭﺑﺘﺞ ﺍﻧﻲ ﻭﻣﺎﺿﻤﻴﺖ ﻋﻨﺞ ﺷﻲ
ﻛﺎﻟﺖ ﺍﻟﺠﺪﻩ : ﺷﺒﻴﺞ ﻭﻳﺎﻫﺎ ﺧﻠﻲ ﺍﻟﺒﻨﻴﻪ ﺗﻔﺮﺡ ﻭﺗﺘﻮﻧﺲ ﺭﺣﺘﻲ ﻛﺒﻞ ﻛﻠﺘﻲ ﻟﺮﺟﻠﻪ ﻋﻠﻴﻪ ﻣﺎﺗﺮﺗﺎﺣﻴﻦ ﺍﻻ ﺗﺴﻮﻳﻦ ﻣﺸﻜﻠﻪ ﺑﻴﻨﺎﺗﻬﻢ
ﺍﺑﺘﺴﻤﺖ ﻭﻛﻠﺖ : ﺍﻟﻠﻪ ﻻ ﻳﺠﻴﺐ ﺍﻟﻤﺸﺎﻛﻞ ﺑﻴﻨﺎﺗﻨﻪ ﺣﺒﻮﺑﻪ
ﻛﺎﻟﺖ ﻫﻴﺎ ﺑﺄﻧﺰﻋﺎﺝ : ﻫﺴﻪ ﺍﻧﻲ ﺷﻜﻠﺖ ﻭﺻﺮﺗﻮ ﺿﺪﻱ ﺧﻞ ﺍﻛﻮﻡ ﺍﺣﺴﻠﻲ
ﻛﺎﻟﺖ ﺍﻟﺠﺪﻩ : ﺯﻳﻦ ﺗﺴﻮﻳﻦ ﻭﺍﻟﻠﻪ
ﻛﺎﻣﺖ ﺍﻡ ﺿﺮﻏﺎﻡ ﻭﻫﻴﺎ ﺗﺤﺠﻲ ﺑﻴﻨﻪ ﻭﺑﻴﻦ ﻧﻔﺴﻪ ﻭﺍﻣﺒﻴﻦ ﻣﺎﻋﺎﺟﺒﻪ ﺍﻟﻜﻼﻡ
ﺩﺍﺭﺕ ﻋﻠﻴﻪ ﺍﻟﺠﺪﻩ ﻭﻛﺎﻟﺖ : ﻳﻤﻪ ﻣﻌﻠﻴﺞ ﺑﻴﻪ ﻭﻻ ﺗﻬﺘﻤﻴﻦ ﻟﻜﻼﻣﻪ ﻫﻴﺎ ﺩﻭﻣﻪ ﻫﻴﺞ ﻛﻠﺸﻲ ﻣﺎﻳﻌﺠﺒﻪ
: ﻻ ﺣﺒﻮﺑﻪ ﻋﺎﺩﻱ ﻣﺼﺎﺭ ﺷﻲ ﺍﻧﻲ ﺍﺗﺮﺧﺺ ﺍﺻﻌﺪ ﻻﻥ ﺍﺭﻳﺪ ﺍﺭﺗﺎﺡ
: ﺭﻭﺣﻲ ﻳﻤﻪ ﺍﻟﻠﻪ ﻭﻳﺎﺝ
ﺻﻌﺪﺕ ﻓﻮﻙ ﻏﻴﺮﺕ ﻣﻼﺑﺴﻲ ﻭﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺣﺎﺳﻪ ﺑﻠﻀﻮﺟﻪ
ﻣﺴﺎﻉ ﺍﺿﺤﻚ ﻭﻣﺘﻮﻧﺴﻪ ﻭﻫﺴﺎﻉ ﺿﺎﻳﺠﻪ ﻣﻦ ﺗﺼﺮﻑ ﺿﺮﻏﺎﻡ ﻭﺍﻣﻪ ﻳﻌﻨﻲ ﻛﻠﺸﻲ ﻳﺼﻴﺮ ﺗﺮﻭﺡ ﺗﻨﻘﻠﻪ ﺍﻟﻪ ﻣﻮ ﺍﻧﻲ ﻧﺎﻗﺼﻪ ﻣﺸﺎﻛﻞ ﻭﻫﻢ ﻭﻫﻴﺎ ﺗﺰﻳﺪ ﻋﻠﻴﻪ ﺃﺳﺘﻐﻔﺮ ﺍﻟﻠﻪ
ﺷﺴﻮﻱ ﺍﻧﻲ ﺑﻬﺎﻱ ﺣﻴﺎﺗﻲ ﺿﻮﺟﻪ ﻭﻗﻬﺮ ﻭﻫﻢ ﺷﻨﻮ ﻫﺎﻱ ..
ﻓﺘﺢ ﺍﻟﺒﺎﺏ ﻭﺍﺟﻪ ﺿﺮﻏﺎﻡ ﺫﺏ ﺍﻟﻌﻜﺎﻝ ﻭﺍﻟﺸﻤﺎﻍ ﻋﻠﻰ ﺍﻟﻘﻨﻔﻪ ﻭﻓﺘﺢ ﺍﻭﻝ ﺍﺯﺭﺍﺭ ﺍﻟﺪﺷﺪﺍﺷﻪ
ﺭﺍﺡ ﻓﺘﺢ ﺍﻟﻜﺘﺘﻮﺭ ﻭﻃﻠﻊ ﻭﺣﺪﻩ ﺛﺎﻧﻴﻪ ﻭﺩﺧﻞ ﻟﻠﺤﻤﺎﻡ
ﻭﻫﺬﺍ ﻛﻠﻪ ﻭﻫﻮ ﻣﺎﻋﺒﺮﻧﻲ ﻭﻻ ﺣﺠﻪ ﻭﻳﺎﻱ ..
ﺷﻮﻱ ﻭﻃﻠﻊ ﺭﺍﺡ ﻫﻮ ﺍﺗﻤﺪﺩﺕ ﻋﻠﻰ ﺍﻟﺠﻬﻪ ﺍﻟﺜﺎﻧﻴﻪ ﻭﺩﺍﺭ ﻭﺟﻬﻪ ﻋﻨﻲ ﻭﻛﺎﻝ : ﺭﺍﺡ ﺍﻧﺎﻡ ﻭﻣﻦ ﺗﺼﻴﺮ ﺍﻟﺴﺎﻋﻪ ﺏ ٦ ﻛﻌﺪﻳﻨﻲ ﻋﻮﺩ ﻻﻥ ﻋﻨﺪﻱ ﺷﻐﻞ ﻛﻠﺶ ﻣﻬﻢ
: ﻣﺎﺷﻲ
ﺩﺭﺕ ﻭﺟﻬﻲ ﻋﻨﻪ ﻭﻧﻄﻴﺘﻪ ﺿﻬﺮﻱ ﻭﻏﻤﻀﺖ ﻋﻴﻨﻲ ﻭﻏﻔﻴﺖ ﺑﺴﺮﻋﻪ
ﻓﺘﺤﺖ ﻋﻴﻨﻲ ﻭﺩﺣﻜﺖ ﻋﻠﻰ ﺍﻟﺴﺎﻋﻪ ﻟﻜﻴﺘﻪ ﺑﻠﺨﻤﺴﻪ ﻭﻧﺺ
ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻬﻲ ﻭﻟﺒﺴﺖ ﺩﺷﺪﺍﺷﻪ ﻣﻦ ﺍﻟﺼﺪﺭ ﻳﻜﻮﻥ ﻟﻮﻧﻪ ﺭﺻﺎﺻﻲ ﻭﻋﻠﻴﻪ ﻛﺘﺎﺑﻪ ﺑﻼﻧﻜﻠﻴﺰﻱ
ﺧﻠﻴﺖ ﻛﺤﻠﻪ ﻭﺣﻤﺮﻩ ﻟﻮﻧﻪ ﻫﺎﺩﺋﻪ ..
ﺍﺗﺬﻛﺮﺕ ﻣﻦ ﻛﺎﻟﻲ ﻛﻌﺪﻳﻨﻲ .. ﺭﺣﺖ ﺍﻗﺘﺮﺑﺖ ﻣﻨﻪ ﻭﺩﺣﻜﺖ ﻋﻠﻴﻪ ﻇﻠﻴﺖ ﺻﺎﻓﻨﻪ
ﺷﻌﺮﻭ ﻣﻬﻮﺱ ﻭﺻﺎﻳﺮ ﻋﻠﻰ ﻋﻴﻮﻧﻮ ﻭﻣﻜﺘﻒ ﺍﻳﺪﻭ ﻭﻫﻮ ﻧﺎﻳﻢ ﻳﻤﻪ ﺣﺘﻰ ﻭﺍﻧﺖ ﻧﺎﻳﻢ ﺗﺨﻮﻑ ﺑﺲ ﺣﻠﻮﻭ ﺑﻌﻴﻨﻲ
ﺭﺩﺕ ﺍﻛﻌﺪﻩ ﺑﺲ ﺍﺑﺘﺴﻤﺖ ﺑﺨﺒﺚ ﻭﻛﻠﺖ ﻟﻴﺶ ﺍﻛﻌﺪﻩ ﺧﻠﻴﻨﻲ ﺍﻗﻬﺮﻩ ﻣﺜﻞ ﻣﺎﻳﻘﻬﺮﻧﻲ ﻭﻫﻮ ﻫﻢ ﺧﻄﻴﻪ ﺍﻣﺒﻴﻦ ﻋﻠﻴﻪ ﺗﻌﺒﺎﻧﻪ
ﺍﺑﺘﻌﺪﺕ ﻋﻨﻪ ﻭﻟﻔﻴﺖ ﺍﻟﺸﺎﻝ ﺯﻳﻦ .. ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﻃﻠﻌﺖ ﻭﺭﺟﻌﺖ ﺳﺪﻳﺘﻪ ﺑﻬﺪﻭﺀ ﺑﺪﻥ ﻣﺎﻃﻠﻊ ﺍﻱ ﺻﻮﺕ ﺗﺎ ﻻ ﻳﻜﻌﺪ
ﻧﺰﻟﺖ ﺟﻮﻭﻩ ﻭﻟﻜﻴﺖ ﻭﺭﻭﺩ ﻫﻨﺎ ﺿﺤﻜﺖ ﻭﻛﺘﻠﻪ ﺑﺸﻘﻪ : ﺍﻧﺘﻲ ﻣﺎﺗﺮﺣﻴﻦ ٢٤ ﺳﺎﻋﻪ ﻫﻴﻦ ﺭﺟﻠﺞ ﺷﻠﻮﻥ ﺻﺎﺑﺮ ﺍﻭ ﻳﻤﻜﻦ ﻫﻮ ﺍﻟﻲ ﺷﺎﻣﺮﺝبيج قصص عراقيه حقيقيه من واقعنا.روعه الطائي
ﺿﺤﻜﺖ ﻫﻴﺎ ﻭﻛﺎﻟﺖ : ﻫﺎﺍﺍ ﻭﻟﺞ ﻣﻦ ﺑﺪﺍﻳﺘﻪ ﻫﻴﺞ .. ﻭﺍﺻﻼ ﺧﻄﻴﻪ ﺍﻳﺎﺱ ﺣﺒﻴﺒﻲ ﻣﺤﺮﻭﻙ ﺩﻣﻪ ﻳﻜﻠﻲ ﺍﻧﻲ ﻋﻠﻴﺶ ﻣﺎﺧﺬﺝ ﺍﻧﻲ ﺍﻧﺘﻲ ﻳﻮﻣﻴﻪ ﻳﻢ ﺍﻫﻠﺞ ﺭﻭﺣﻲ ﻳﻤﻬﻢ ﺍﺣﺴﻦ
: ﻫﻢ ﺻﺪﻙ
: ﻭﻟﺞ ﻣﻮ ﺻﻮﺟﺞ ﺻﻮﺟﻲ ﺍﻧﻲ ﺍﻟﻲ ﻛﻠﺖ ﺧﻄﻴﻪ ﻭﺑﻌﺪﻫﻢ ﻋﺮﺳﺎﻥ ﻭﺍﺟﻲ ﺍﻧﻲ ﺍﻃﺒﺦ ﻟﻠﻌﺎﺋﻠﻪ ﺑﺲ ﻣﻦ ﺍﻟﻴﻮﻡ ﺍﻧﺘﻲ ﺑﻌﺪ ﺍﻃﺒﺨﻴﻦ ﻭﺗﻨﻈﻔﻴﻦ ﻻﻥ ﻫﺎﻫﻴﻪ ﻋﻴﻨﻲ ﺧﻠﺼﺖ ﺍﻟﺴﺒﻌﻪ
ﻫﻬﻬﻪ ﻣﺎﺷﻲ
ﻇﻠﻴﻨﻪ ﻧﺴﻮﻟﻒ ﻭﺳﺎﻋﺪﺗﻪ ﺑﻠﻌﺸﻪ ﺻﺎﺭﺕ ﺍﻟﺴﺎﻋﻪ ﺑﻞ ٦ ﻭﻧﺺ
ﻭﻣﺎﻧﺴﻤﻊ ﺍﻻ ﺻﻮﺕ ﺍﻡ ﺿﺮﻏﺎﻡ : ﻫﺎﺍﺍ ﻳﻤﻪ ﺿﺮﻏﺎﻡ ﺷﺒﻴﻚ ﺗﺮﻛﺾ ﺷﺼﺎﻳﺮ
: ﻣﺎﻛﻮ ﺷﻲ ﻳﻤﻪ ﺑﺲ ﻋﻨﺪﻱ ﺷﻐﻞ ﻣﺴﺘﻌﺠﻞ ﻭﺍﺗﺄﺧﺮﺕ
ﻳﻤﺎﺍﺍ ﻫﻨﺎ ﺍﻧﻲ ﻣﺘﺖ ﻋﺰﺍ ﺍﻟﻌﺰﺍﻧﻲ ﺷﺴﻮﻳﺖ .. ﺩﺧﻞ ﺿﺮﻏﺎﻡ ﻭﻭﺟﻬﻪ ﺍﺣﻤﺮ ﻣﺤﺘﻘﻦ ﻣﻦ ﺍﻟﻌﺼﺒﻴﻪ
ﻭﻭﺭﺍﻩ ﺍﻣﻪ : ﻟﻌﺪ ﻟﻴﺶ ﺍﺗﺄﺧﺮﺕ ﺷﻌﺠﺐ ﺍﻭﻝ ﻣﺮﻩ ﺗﺴﻮﻳﻪ
ﺩﺣﻜﻠﻲ ﻭﻋﻴﻮﻧﻪ ﺣﻤﺮ ﻣﺪﺭﻱ ﻣﻦ ﺍﺛﺎﺭ ﺍﻟﻨﻮﻡ ﻟﻮ ﻣﻦ ﺍﻟﻌﺼﺒﻴﻪ
: ﻻ ﻳﻤﻪ ﺑﺲ ﺍﺧﺬﺗﻨﻲ ﺍﻟﻨﻮﻣﻪ
ﻋﺎﻓﻨﻪ ﻭﻣﺸﻪ .. ﻛﺎﻟﺖ ﺍﻣﻪ : ﻳﺎﻟﻪ ﻫﻤﻦ ﺍﻳﺪﺟﻦ ﻻﻥ ﺭﺍﺡ ﻳﺠﻲ ﺍﻟﺸﻴﺦ ﺍﺑﻮ ﺿﺮﻏﺎﻡ ﻭﻣﺮﻭﺍﻥ ﻫﻢ ﻭﻋﺰﻟﻦ ﺍﻛﻞ ﻟﻀﺮﻏﺎﻡ ﺧﺎﻑ ﻣﺎﻳﺘﻌﺸﻰ ﺑﺮﻩ
ﻭﺭﻭﺩ ﻛﺎﻟﺖ : ﻣﺎﺷﻲ ﻳﻤﻪ
ﺻﺒﻴﻨﻪ ﺍﻻﻛﻞ ﻭﻭﺩﻳﻨﺎﻩ ﻭﻛﻌﺪﻧﻪ ﻛﻠﻨﻪ ﺳﻮﻩ ﻧﺎﻛﻞ ﺑﺲ ﺍﺑﺪ ﺑﺎﻟﻲ ﻣﻮ ﻳﻤﻬﻦ ﻭﺧﺎﻳﻔﻪ ﻣﻦ ﺿﺮﻏﺎﻡ ﻻ ﻳﺴﻮﻳﻠﻲ ﺷﻲ ﻻﻥ ﻣﺎﻛﻌﺪﺗﻪ ﺣﺘﻰ ﺍﻛﻞ ﻣﺎﻛﻠﺖ ﺑﺲ ﻟﻜﻤﻪ ﻭﺣﺪﻩ ﻭﺑﻠﻜﻮﻩ ﺑﻠﻌﺘﻪ
ﺣﺘﻰ ﻋﻤﻲ ﺍﺑﻮ ﺿﺮﻏﺎﻡ ﺍﻧﺘﺒﻪ ﻋﻠﻴﻪ ﻭﻛﺎﻝ : ﻫﺎﺍﺍ ﺑﻮﻳﻪ ﻟﻴﺶ ﻣﺎﺗﺎﻛﻠﻴﻦ
: ﻫﺎ ﻋﻤﻲ ﻛﺎﻋﺪ ﺍﻛﻞ
: ﺷﻨﻮ ﺗﺎﻛﻠﻴﻦ ﺍﺷﻮ ﺻﺤﻨﺞ ﺑﻌﺪﻩ ﻣﺘﺮﻭﺱ ﻭﻣﺎﻣﺎﻛﻠﻪ ﺷﻲ ﻣﻨﻪ ﻻ ﺗﺴﺘﺤﻴﻦ ﺑﻮﻳﻪ ﻭﺍﻛﻠﻲ
: ﺍﻥ ﺷﺎﺀﺍﻟﻠﻪ ﻋﻤﻲ
: ﻣﻮ ﻛﺘﻠﺞ ﻛﻮﻟﻲ ﺑﻮﻳﻪ
ﻛﺎﻟﺖ ﺍﻡ ﺿﺮﻏﺎﻡ : ﻋﻮﻭﻓﻪ ﺧﻠﻴﻪ ﻋﻠﻰ ﺭﺍﺣﺘﻪ ﻳﻤﻜﻦ ﻣﺎﺗﺮﻳﺪ ﺍﺗﻜﻮﻝ
ﺍﺑﺘﺴﻤﺖ ﺍﻟﻪ : ﺍﻥ ﺷﺎﺀﺍﻟﻠﻪ ﺑﻮﻳﻪ ﻫﺴﻪ ﺍﻛﻞ
ﺍﺑﺘﺴﻢ ﺑﺮﺿﺎ : ﻋﻔﻴﻪ ﻋﻠﻴﺞ ﺑﻮﻳﻪ ﻭﻫﺴﻪ ﺍﻛﻠﻲ ﻳﺎﻟﻪ
ﺍﻛﻠﺖ ﺷﻜﻢ ﻟﻜﻤﻪ ﻭﻛﻠﺖ : ﺍﻟﺤﻤﺪﻟﻠﻪ
: ﻫﺎ ﺑﻮﻳﻪ ﺷﻮ ﻣﺎﻛﻠﺘﻲ
: ﻋﻤﻲ ﻭﺍﻟﻠﻪ ﺷﺒﻌﺖ ﻭﻣﺎﺷﺘﻬﻲ
: ﺑﺮﺍﺣﺘﺞ ﺑﻮﻳﻪ
ﺧﻠﺼﺖ ﻭﺭﺣﺖ ﻏﺴﻠﺖ ﻭﺣﻄﻴﺖ ﺍﻟﻘﻮﺭﻱ ﻋﻠﻰ ﺍﻟﻨﺎﺭ .. ﻭﻇﻠﻴﺖ ﺍﻓﻜﺮ ﻭﺍﻟﻮﻡ ﺑﻨﻔﺴﻲ ﺍﻧﻲ ﺷﺴﻮﻳﺖ ﻟﻮ ﻣﻜﻌﺪﺗﻪ ﻭﻣﺨﻠﺼﻪ ﻣﻦ ﻫﺎﻱ ﺍﻟﺴﺎﻟﻔﻪ ﻟﻴﺶ ﺍﺟﻴﺐ ﺷﻠﻌﺎﻥ ﺍﻟﻜﻠﺐ ﻟﺮﻭﺣﻲ
ﺭﺣﺖ ﻭﺷﻔﺘﻬﻢ ﻣﺨﻠﺼﻴﻦ ﻟﻤﻴﻨﻪ ﺍﻻﻛﻞ ﺍﻧﻲ ﻭﺭﻭﺩ ﻭﻛﺘﻠﻪ ﺭﻭﺣﻲ ﻛﻌﺪﻱ ﺍﺭﺗﺎﺣﻲ ﺍﻧﻲ ﺍﻏﺴﻠﻬﻦ ﻋﻨﺞ
ﻭﺑﻠﻜﻮﻩ ﻳﺎﻟﻪ ﻗﺒﻠﺖ ... ﺭﺍﺣﺖ ﻭﺍﺧﺬﺕ ﺍﻟﺠﺎﻱ ﻭﻳﺎﻫﺎ ﻭﺍﻧﻲ ﻇﻠﻴﺖ ﺍﻏﺴﻞ ﺑﻴﻬﻦ ﺧﻠﺼﺖ ﻣﻨﻬﻦ .
ﻭﺣﻤﻴﺖ ﺍﻟﺠﺎﻱ ﻭﻛﻌﺪﺕ ﺍﺷﺮﺏ ﻭﺍﺟﺖ ﻛﻌﺪﺕ ﻳﻤﻲ ﻭﺭﻭﺩ ﺗﺴﻮﻟﻒ ﻭﺍﻧﻲ ﺑﺲ ﺍﺑﺘﺴﻢ ﻟﻮ ﺍﺭﺩ ﻋﻠﻴﻪ ﺑﻜﻠﻤﻪ ﻻﻥ ﺑﺎﻟﻲ ﻣﻮ ﻳﻤﻬﺎ
ﺑﺎﻟﻲ ﻳﻢ ﺍﻟﻌﺼﺒﻲ ﻫﺬﺍ ﺷﺮﺍﺡ ﻳﺴﻮﻱ ﺑﻴﻪ ..
ﺭﻥ ﻣﻮﺑﺎﻳﻠﻪ ﻭﺟﺎﻥ ﺍﻟﻤﺘﺼﻞ ﺯﻭﺟﻪ .. ﺳﻠﻤﺖ ﻋﻠﻴﻪ ﻭﺭﺍﺣﺖ
ﻻﻥ ﺟﺎﻱ ﻫﻮ ﻋﻠﻴﻪ
ﺑﻘﻴﺖ ﻭﺣﺪﻱ ﺑﻠﻤﻄﺒﺦ ﻭﻛﻠﻬﻢ ﺩﺧﻠﻮ ﻟﻐﺮﻓﻬﻢ ﺣﻄﻴﺖ ﺍﻛﻞ ﺿﺮﻏﺎﻡ ﺑﻠﻔﺮﻥ ﺧﺎﻑ ﻳﺠﻲ ﻭﻳﻜﻮﻥ ﺟﻮﻋﺎﻥ
ﺻﻌﺪﺕ ﻓﻮﻭﻙ .. ﺩﺧﻠﺖ ﻟﻠﻐﺮﻓﻪ ﻭﺑﺪﻟﺖ ﻟﺒﺴﺖ ﺩﺷﺪﺍﺷﻪ ﺭﺻﺎﺻﻲ ﻗﺼﻴﺮﻩ ﻭﻧﺺ ﺭﺩﻥ
ﻣﺸﻄﺖ ﺷﻌﺮﻱ ﻭﻛﻌﺪﺕ ﻋﻠﻰ ﺍﻟﺠﺮﺑﺎﻳﻪ ﻭﺍﻓﻜﺮ ﺷﺴﻮﻱ ﻫﺴﻪ ﻳﺎﺭﺑﻲ ﺣﺘﻰ ﻣﻮﺑﺎﻳﻞ ﻣﺎﻛﻮ ﺍﻛﻠﺐ ﺑﻴﻪ ﻟﻮ ﺍﺗﺼﻞ ﻋﻠﻰ ﺍﻫﻠﻲ
ﺭﺣﺖ ﻓﺘﺤﺖ ﺍﻟﺘﻠﻔﺰﻳﻮﻥ ﻇﻠﻴﺖ ﺍﺩﺣﻚ ﻋﻠﻰ ﻣﺴﻠﺴﻞ ﻛﻮﻳﺘﻲ
ﻭﺍﻧﻲ ﺻﺎﻓﻨﻪ ﻭﻣﺎﺣﺲ ﺍﻻ ﺍﻟﺒﺎﺏ ﺍﻧﻔﺘﺢ ﺑﻘﻮﻭﻩ .. ﻓﺰﻳﺖ ﺍﻧﻲ ﻭﺩﺣﻜﺖ ﺟﺎﻥ ﺿﺮﻏﺎﻡ ﻭﻭﺟﻬﻪ ﺻﺎﻳﺮ ﺍﺣﻤﺮ
ﺳﺪ ﺍﻟﺒﺎﺏ ﻭﻗﻔﻠﻪ ﻭﺭﺍﻩ
ﺫﺏ ﺍﻟﻌﻜﺎﻝ ﻭﺍﻟﺸﻤﺎﻍ ﺣﺘﻰ ﺍﻟﻌﺒﺎﻳﻪ ﺑﻠﻜﺎﻉ .. ﻓﺘﺢ ﺍﺯﺍﺭ ﺍﻟﺪﺷﺪﺍﺷﻪ
ﻭﻛﻞ ﻫﺬﺍ ﻭﻋﻴﻨﻪ ﻣﺎﻧﺸﺎﻟﺖ ﻋﻨﻲ ﻭﻳﺨﺰﺭ ﺑﻴﻪ ...
ﺣﺠﻪ ﺑﻌﺼﺒﻴﻪ : ﺍﺭﻳﺪ ﺍﻓﻬﻢ ﻫﺬﺍ ﻋﻨﺎﺩﺝ ﻭﻳﻦ ﺭﺍﺡ ﻳﻮﺩﻳﺞ ﻫﺎ ﻛﻮﻟﻲ
: ﺿﺮﻏﺎﻡ ﺷﺒﻴﻚ
ﺍﺟﻪ ﺑﺴﺮﻋﻪ ﻋﻠﻴﻪ ﻭﺿﺮﺑﻨﻲ ﺭﺍﺷﺪ ﻗﻮﻭﻱ ﺣﺴﻴﺖ ﻣﻨﻪ ﺧﺪﻱ ﺭﺍﺡ ﻭﻣﺎﺍﺳﻤﻊ ﺷﻲ ﺻﺎﺭﺕ ﺑﺲ ﺍﻟﻮﺷﻪ ﺑﺄﺫﻧﻲ
ﺷﻮﻱ ﻭﻭﺿﺤﺘﻠﻲ ﺍﻟﺼﻮﺭﻩ ﺩﺣﻜﺘﻠﻮ ﻣﺼﺪﻭﻣﻪ ﻭﻋﻴﻮﻧﻲ ﻣﺪﻣﻌﻪ ﻛﻠﺖ ﺑﻘﻬﺮ : ﻟﻴﺶ ﺗﻀﺮﺏ ﻓﻬﻤﻨﻲ
ﺟﺮﻧﻲ ﻋﻠﻴﻪ ﻭﻟﻄﺨﺖ ﺑﺼﺪﺭﻩ ﻭﻳﺰﻛﺢ : ﻭﻟﺞ ﻭﺍﺗﺴﺌﻠﻴﻦ ﻫﻢ ﻭﻟﺞ ﻣﻦ ﻭﺭﺍﺝ ﺍﻟﻴﻮﻡ ﺍﻟﻮﻟﺪ ﺍﺗﺼﻮﺏ ﺍﻟﻴﻮﻡ ﻭﺣﻤﺪﻱ ﺭﺑﺞ ﺟﺎﻧﺖ ﺳﻠﻤﻴﻪ ﺍﺻﺎﺑﺘﻪ
ﺩﺣﻜﺘﻠﻮ ﺑﺼﺪﻣﻪ : ﻫﺎﺍﺍ ﺷﺘﻜﻮﻝ
: ﻭﺟﻌﺎﺍﺍ ﻭﻟﺞ ﺍﻟﻴﻮﻡ ﺟﺎﻧﺖ ﻋﻨﺪﻱ ﻛﻌﺪﻩ ﺑﻴﻦ ﻋﺸﻴﺮﺗﻴﻦ ﺣﺘﻰ ﺍﺣﻠﻪ ﻭﺻﺎﻳﺮﻩ ﺑﻴﻨﺎﺗﻬﻢ ﺑﻠﺪﻡ ﻭﻛﻠﺖ ﺍﻧﻲ ﺍﺣﻠﻪ ﺍﻟﻬﻢ
ﻭﻣﺎﺭﺩﺕ ﺍﺗﺄﺧﺮ ﻋﻠﻴﻬﻢ .. ﻭﺣﻀﺮﺕ ﺟﻨﺎﺑﺞ ﻣﻦ ﻭﺭﺍﺝ ﻣﺎﻟﺤﻜﺖ ﻋﻠﻴﻬﻢ ﻭﻻ ﻋﻠﻰ ﺍﻟﻜﻌﺪﻩ
ﻻﻥ ﺍﻟﻴﻮﻡ ﺍﺧﺮ ﻣﻬﻠﻪ ﺑﻴﻨﺎﺗﻬﻢ ﻭﻣﻦ ﺍﺗﺄﺧﺮﺕ ﺭﺍﺣﺖ ﺍﻟﺠﻤﺎﻋﻪ
ﻭﺷﺨﺺ ﻣﻦ ﺫﻳﺞ ﺍﻟﻌﺸﻴﺮﻩ ﻣﺘﻬﻮﺭ ﺟﺎﻥ ﺻﻮﺏ ﻭﻟﺪ ﻣﻦ ﺍﻟﻌﺸﻴﺮﻩ ﺍﻟﺜﺎﻧﻴﻪ
ﻻﻥ ﻟﻮ ﺭﺍﻳﺢ ﺟﺎﻥ ﺍﺗﻌﻬﺪﻭ ﺑﺲ ﺍﻟﺤﻤﺪﻟﻠﻪ ﺻﺎﺭﺕ ﺳﻠﻤﻴﻪ ﻭﺍﻫﻞ ﺍﻟﻤﺘﺼﻮﺏ ﻧﺎﺱ ﻃﻴﺒﻴﻦ ﻭﻓﻀﻮ ﺍﻟﺴﺎﻟﻔﻪ
ﻭﻟﺞ ﺭﺣﺖ ﻳﻤﻬﻢ ﻣﺎﻛﺪﺭﺕ ﺍﺣﻂ ﻋﻴﻨﻲ ﺑﻌﻴﻨﻬﻢ ﻣﻦ ﻓﺸﻠﺘﻲ ﺍﻧﻲ ﺍﻟﺸﻴﺦ ﺿﺮﻏﺎﻡ ﻫﻴﺞ ﻳﺼﻴﺮ ﺑﻴﻪ ﻭﻛﻠﻪ ﻣﻦ ﻭﺭﺍﺝ
ﻫﻮ ﻳﺤﺠﻲ ﻭﺍﻧﻲ ﻣﺼﺪﻭﻭﻣﻪ ﻣﻦ ﻛﻼﻣﻪ ﻳﺎﺭﺑﻲ ﺷﻜﺪ ﻏﺒﻴﻪ ﻟﻌﺪ ﺍﻧﻲ ﻭﺣﺴﻴﺖ ﻧﻔﺴﻲ ﺣﻘﻴﺮﻩ
ﻛﺘﻠﻮﻭ : ﻭﺍﻧﻲ ﺷﻌﺮﻓﻨﻲ
: ﻳﻌﻨﻲ ﺷﻨﻮ ﻣﺎﻣﺘﻌﻤﺪﻩ ﺟﻨﺘﻲ
ﺑﻠﻌﺖ ﺭﻳﻜﻲ ﺑﺨﻮﻭﻑ ﻭﻛﻠﺖ : ﻻ ﻣﺎﻣﻌﺘﻤﺪﻩ
ﺟﺮﻧﻲ ﻣﻦ ﺍﻳﺪﻱ ﻭﺭﺣﻨﻪ ﻳﻢ ﺍﻟﻤﻌﺮﺽ ﻭﺟﺎﻥ ﺍﻛﻮ ﻗﺮﺍﻥ ﻭﺍﺷﺮ ﻋﻠﻴﻪ ﻭﻛﺎﻝ : ﺍﺣﻠﻔﺞ ﺑﻬﺬﺍ ﺍﻟﻘﺮﺍﻥ ﺍﻟﻜﺮﻳﻢ ﺟﻨﺘﻲ ﻣﺘﻌﻤﺪﻩ ﻣﺎﺗﻜﻌﺪﻳﻨﻲ ﻟﻮ ﻻ ﻭﻻ ﺗﺠﺬﺑﻴﻦ ﻓﻬﻤﺘﻲ
ﻣﺎﻛﺪﺭﺕ ﺍﺟﺬﺏ ﻻﻥ ﺣﻠﻔﻨﻲ ﺑﻠﻘﺮﺍﻥ ﺩﻧﻜﺖ ﺭﺍﺳﻲ ﻭﻣﺎﺣﺠﻴﺖ ﺷﻲ ..
ﻛﺎﻝ ﺑﻘﻬﺮ : ﺟﻨﺘﻲ ﻣﺘﻌﻤﺪﻩ ﻣﻮﻭﻭ
ﻫﺰﻳﺖ ﺭﺍﺳﻲ : ﺍﻳﻲ
ﺣﺠﻪ ﺑﺼﻮﻭﺕ ﻣﻘﻬﻮﻭﺭ : ﺍﺍﺍﺍﺥ ﺭﺑﻲ ﺩﺧﻴﻠﻚ ﺷﺴﻮﻳﺖ ﺍﻧﻲ ﻭﻫﻴﺞ ﻳﺼﻴﺮ ﺑﻴﻪ
ﻭﻟﺞ ﺑﻠﻮﻩ ﺍﻧﺘﻲ ﻭ ﻭﻛﻌﺘﻲ ﻋﻠﻰ ﺭﺍﺳﻲ ﺷﻠﻮﻥ ﺑﻴﻪ ..
ﺣﺠﻪ ﺑﻌﺼﺒﻴﻪ ﻭﺑﺴﺮﻋﻪ : ﺑﺲ ﺍﻧﻲ ﺷﺤﺠﻲ ﻟﻠﻤﺎﻋﻨﺪﻩ ﺷﺮﻑ ﻭﺷﻜﻮﻭﻝ
ﺭﻓﻌﺖ ﺭﺍﺳﻲ ﺍﻟﻪ ﻭﻣﺼﺪﻭﻭﻣﻪ ﻣﻦ ﻛﻼﻣﻪ ﺍﻟﻘﻮﻱ ﺻﺢ ﺟﺎﻥ ﻳﺠﺮﺣﻨﻲ ﺑﺲ ﻟﻬﺪﺭﺟﻪ ﻣﺎﻛﺪﺭ
ﺭﺣﺖ ﺍﻗﺘﺮﺏ ﻣﻨﻪ ﻭﺍﺑﺠﻲ ﺿﺮﺑﺘﻪ ﻋﻠﻰ ﺻﺪﺭﻩ ﻭﺍﺻﻴﺢ : ﻫﺬﺍﺍﺍﺍ ﺷﻨﻮﻭﻭ ﺑﺲ ﻛﻠﻲ ﻛﻠﺐ ﻟﻮ ﺻﺨﺮ ﺣﺲ ﺗﺮﻯ ﺍﻧﻲ ﺍﻧﺴﺎﻧﻪ ﻭﻣﺎﻛﺪﺭ ﺍﺗﺤﻤﻞ ﺍﻱ ﺷﻲ
ﺗﺤﻤﻠﺖ ﻭﺗﺤﻤﻠﺖ ﺑﺲ ﺑﻌﺪ ﻣﺎﻛﺪﺭ ﻻ ﺍﺗﺤﻤﻞ ﻭﻻ ﺍﺳﻜﺖ
ﻫﻮﺍﻱ ﺳﻜﺘﺖ ﺍﻟﻚ ﺿﺮﻏﺎﻡ ﺑﺲ ﻣﺎﻝ ﺗﺤﺠﻲ ﻋﻠﻰ ﺷﺮﻓﻲ ﻟﻬﻨﺎ ﻭﻛﺎﻓﻲ
ﺍﺩﺭﻱ ﻏﻠﻄﺖ ﻣﻦ ﻣﺎﻛﻌﺪﺗﻚ ﺑﺲ ﻣﻮ ﻣﻌﻨﺎﻫﺎ ﺗﺤﺠﻲ ﻋﻠﻰ ﺷﺮﻓﻲ ﻭﻋﻠﻰ ﺗﺮﺑﻴﺖ ﺍﻫﻠﻲ ﺍﻟﻲ ﻭﺗﺸﻜﻜﻨﻲ ﺑﺄﺧﻼﻗﻲ
ﻏﻤﻀﺖ ﻋﻴﻨﻲ ﻭﻛﻤﺖ ﻛﻠﺸﻲ ﻣﺎﺷﻮﻑ ﺑﺲ ﺍﺿﺮﺏ ﺑﻴﻪ
ﻭﻫﻮ ﻳﺼﻴﺢ : ﻛﺎﺍﻓﻲ ﻭﻟﺞ ﻃﺮﻛﺎﻋﻪ ﻣﻮ ﺗﻌﺒﺖ ﻛﺎﻓﻲ
ﻇﻠﻴﺖ ﺍﺷﻬﻚ ﻭﺍﺑﺠﻲ : ﻻ ﻣﻮ ﻛﺎﻓﻲ ﺧﻠﻴﻨﻲ ﻻﻥ ﺗﻌﺒﺖ ﻭﺍﻟﻠﻪ ﺑﻌﺪ ﻣﺎﺳﺎﻣﺤﻚ ﻳﺎﺿﺮﻏﺎﻡ ﻋﻠﻰ ﻛﻼﻣﻚ ﺍﻟﻲبيج قصص عراقيه حقيقيه من واقعنا.روعه الطائي
ﺍﻛﺮﻫﻚ ﺍﻧﻲ ﺣﺘﻰ ﺑﻌﺪ ﻻ ﺣﺒﻚ ﻭﻻ ﺷﻲ ﺣﺒﻚ ﻫﺎﻫﻴﻪ ﺍﻧﻤﺤﻰ ﻣﻦ ﻛﻠﺒﻲ
ﺍﻟﻠﻪ ﻳﺎﺧﺬﻧﻲ ﻭﺍﺧﻠﺺ ..
ﻟﺰﻡ ﺍﻳﺪﻱ ﺍﺛﻨﻴﻨﻬﻦ ﺑﻴﺪﻩ ﻭﺻﺎﺍﺡ ﻭ ﻭﺟﻬﻪ ﺻﺎﻳﺮ ﺍﺣﻤﺮ : ﺍﻟﻠﻪ ﻳﺎﺧﺬﻧﻲ ﺍﻧﻲ ﻭﺍﺧﻠﺺ ﻣﻦ ﻫﺎﻱ ﺍﻟﻌﻴﺸﻪ ﺍﻟﺴﻮﺩﻩ
ﻣﺎﺟﺎﺑﺘﻠﻲ ﻏﻴﺮ ﺍﻟﻬﻢ ﻭﺍﻟﻘﻬﺮ ﻭﺣﺮﻛﺖ ﺍﻟﻜﻠﺐ ..
ﺩﺣﻜﺘﻠﻮ ﻭﺩﻣﻮﻋﻲ ﻳﻨﺰﻟﻦ ﻣﺜﻞ ﺍﻟﺸﻼﻝ : ﻫﺎﻫﻴﻪ ﺿﺮﻏﺎﻡ ﺍﻧﺖ ﻛﺴﺮﺗﻨﻲ ﻭﻋﻤﺮﻩ ﻫﺬﺍ ﻛﺴﺮﻙ ﻣﺮﺍﺡ ﻳﻄﻴﺐ
ﺷﻜﻴﺖ ﺑﻴﻪ ﻭﺑﺮﺍﺋﺘﻲ .. ﻭﻫﻨﺘﻨﻲ ﻭﻛﻠﻪ ﻭﻫﺬﺍ ﺳﺎﻛﺘﻪ ﺑﺲ ﻟﻬﻨﺎ ﺑﻌﺪ ﻭﻛﺎﻓﻲ ﻻﻥ ﻭﺍﻟﻠﻪ ﺗﻌﺒﺖ ﺗﺮﻯ ﺍﻧﻲ ﺑﺸﺮ ﺣﺎﻟﻲ ﻣﻦ ﺣﺎﻟﻚ
ﺩﻓﻌﻨﻲ ﻭﺭﺍﺡ ﻃﻠﻊ .. ﻛﻌﺪﺕ ﺑﻠﻜﺎﻉ ﺍﺑﺠﻲ ﻭﻛﻼﻣﻪ ﻳﺮﻥ ﺑﺄﺫﻧﻲ
ﻭﺑﻌﻘﻠﻲ * ﺍﻧﻲ ﺷﺤﺠﻲ ﻟﻠﻤﺎﻋﻨﺪﻩ ﺷﺮﻑ *
ﺍﺍﺍﺥ ﺿﺮﻏﺎﺍﺍﻡ ﺍﻛﺮﻫﻚ ﻭﻣﺮﺍﺡ ﺍﺳﺎﻣﺤﻚ ﻋﻠﻰ ﻛﻠﺸﻲ ﺳﻮﻳﺘﻪ ﺍﻟﻲ .. ﺭﺑﻲ ﺍﺧﺬﻧﻲ ﺧﻠﻨﻲ ﺍﺭﺗﺎﺡ ﻭﺍﺧﻠﺺ
ﻇﻠﻴﺖ ﺭﺑﻊ ﺳﺎﻋﻪ ﻛﺎﻋﺪﻩ ﺑﻤﻜﺎﻧﻲ ﻭﺍﺑﺠﻲ .. ﺍﺧﺮ ﺷﻲ ﻛﻤﺖ ﻭﺭﺣﺖ ﻟﻠﺤﻤﺎﻡ ﺩﺣﻜﺖ ﻋﻠﻰ ﻧﻔﺴﻲ ﺑﻠﻤﺮﺍﻳﻪ ﻋﻴﻮﻧﻲ ﺣﻤﺮ ﺩﻡ ﻣﻦ ﺍﻟﺒﺠﻲ ﻭﻭﺟﻬﻲ ﺻﺎﻳﺮ ﺍﺣﻤﺮ
ﻭﺍﺛﺎﺭﻩ ﺍﻳﺪﻩ ﻣﻄﺒﻮﻋﻪ ﻋﻠﻰ ﺧﺪﻱ .. ﻏﺴﻠﺖ ﻭﺟﻬﻲ ﺑﻤﺎﻱ ﺑﺎﺭﺩ ﺑﺲ ﺑﻌﺪﻧﻲ ﺍﺣﺲ ﺑﺤﺮﻭﺭﻩ ﺑﻮﺟﻬﻲ ﻭﺑﺠﺴﻤﻲ
ﻇﻠﻴﺖ ﺍﻏﺴﻞ ﺑﻮﺟﻬﻲ ﻟﺤﺪ ﻣﺎﺷﻮﻱ ﺣﺴﻴﺖ ﺑﺮﻭﺩﻩ ﺳﺪﻳﺖ ﺍﻟﻤﺎﻱ ..
ﻭﻧﺸﻔﺖ ﻭﺟﻬﻲ ﻭﺭﺣﺖ ﺍﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺻﻔﻨﺖ ﻭﺍﻧﻲ ﺍﺩﺣﻚ ﻋﻠﻰ ﺍﻟﻤﻜﺎﻥ ﺍﻟﻲ ﻫﻮ ﺑﻴﻪ
ﺍﺗﺄﺧﺮ ﻫﻮﻭﻭ ﻭﺍﻧﻲ ﺻﺎﻓﻨﻪ ﻭﺍﺗﺬﻛﺮ ﻛﻼﻣﻪ ﺍﺑﺪ ﻣﺮﺍﺡ ﻳﺮﻭﺡ ﻣﻦ ﺑﺎﻟﻲ
ﻇﻠﻴﺖ ﺍﺑﺠﻲ ﻏﻤﻀﺖ ﻏﻴﻨﻲ ﻭﻧﻤﺖ ..
ﺣﺴﻴﺖ ﻋﻠﻰ ﺍﻳﺪ ﺗﻠﻤﺲ ﻭﺟﻬﻲ .. ﻭﺍﺻﺎﺑﻊ ﻣﺮﺭﺕ ﻋﻠﻰ ﺧﺪﻱ ﺑﻬﺪﻭﺀ
ﺷﻮﻱ ﻭﻣﺎﺣﺲ ﺍﻻ ﺷﻔﺎﻳﻒ ﻋﻠﻰ ﺧﺪﻱ ﻃﺒﻌﺖ ﺑﻮﻭﺳﻪ ﻫﺎﺩﺋﻪ
ﻭﺑﻌﺪ ﻋﻨﻲ ﺳﻤﻌﺖ ﺻﻮﺕ ﺑﺎﺏ ﺍﻟﺤﻤﺎﻡ ﺍﻧﺴﺪ ﻓﺘﺤﺖ ﻋﻴﻨﻲ ﺑﻬﺪﻭﻭﺀ ﻭﺩﺭﺕ ﻭﺟﻬﻲ ﻋﻠﻰ ﺑﺎﺏ ﺍﻟﺤﻤﺎﻡ
ﻫﺬﺍ ﺿﺮﻏﺎﻡ ﻳﻤﻜﻦ ﺩﺣﻜﺖ ﻋﻠﻰ ﺍﻟﺴﺎﻋﻪ ﺏ٢ ﻭﻧﺺ ﺑﻠﻴﻞ ﺷﻨﻮ ﻫﺴﻪ ﻳﺎﻟﻪ ﺍﺟﻪ ﻭﻳﻦ ﺟﺎﻥ
ﺍﺗﺬﻛﺮﺕ ﻟﻤﺴﺎﺗﻪ ﺣﻄﻴﺖ ﺍﻳﺪﻱ ﻋﻠﻰ ﺧﺪﻱ ﻭﺍﻧﻲ ﻟﺤﺪ ﻫﺴﻪ ﺍﺣﺲ ﺑﺸﻔﺎﻳﻔﻪ ﻋﻠﻰ ﺧﺪﻱ
ﺣﺴﻴﺖ ﺍﻟﺒﺎﺏ ﺍﻧﻔﺘﺢ ﺭﺟﻌﺖ ﻏﻤﻀﺖ ﻋﻴﻨﻲ .. ﺷﻮﻱ ﻭﺣﺴﻴﺘﻪ ﺭﻓﻊ ﺍﻟﻐﻄﻪ ﻭﻧﺎﻡ
ﻭﻣﺎﺣﺲ ﺍﻻ ﺧﻠﻪ ﺍﻳﺪﻩ ﻋﻠﻰ ﺧﺼﺮﻱ ﻭﺣﻈﻨﻲ ﻣﻦ ﻭﺭﻩ ﺻﺎﺭ ﻇﻬﺮﻱ ﻣﻼﺻﻖ ﻟﺼﺪﺭﻩ
ﻓﺘﺤﺖ ﻋﻴﻨﻲ ﻭﺍﻧﻲ ﺍﺷﻮﻑ ﺍﻳﺪﻩ .. ﺩﻣﻌﻪ ﻧﺰﻟﺖ ﻣﻦ ﻋﻴﻨﻲ
ﺣﺠﻴﺖ ﺑﻴﻨﻲ ﻭﺑﻴﻦ ﻧﻔﺴﻲ * ﻟﻴﺶ ﻫﻴﺞ ﻳﺎ ﺿﺮﻏﺎﻡ ﺳﻮﻳﺖ ﺑﻴﻪ ..
ﻏﻤﻀﺖ ﻋﻴﻨﻲ ﻭﻧﻤﺖ ﻣﻦ ﺍﻟﺘﻌﺐ ..
ﻛﻌﺪﺕ ﺛﺎﻧﻲ .. ﻓﺘﺤﺖ ﻋﻴﻨﻲ ﺑﺜﻘﻞ ﻭﻭﻇﻠﻴﺖ ﺍﺩﺣﻚ ﻋﻠﻰ ﺍﻟﻐﺮﻓﻪ ﻭﺍﺗﺬﻛﺮﺕ ﺷﺼﺎﺭ ﺍﻟﺒﺎﺭﺣﻪ
ﺩﺭﺕ ﻭﺟﻬﻲ ﻣﺎﻛﻮ ﺿﺮﻏﺎﺍﻡ .. ﻛﻤﺖ ﻣﻦ ﻣﻜﺎﻧﻲ ﻭﻃﻠﻊ ﺿﺮﻏﺎﻡ ﻣﻦ ﺍﻟﺤﻤﺎﻡ ﻭﺍﻟﻤﻨﺸﻔﻪ ﺑﻴﺪﻩ ﻳﻨﺸﻒ ﻭﺟﻬﻪ
ﺩﺣﻜﻠﻲ ﻭﺩﺍﺭ ﻭﺟﻬﻬﻪ ﻭﺭﺍﺡ ﻟﻠﻤﺮﺍﻳﻪ ﻳﻤﺸﻂ ﺷﻌﺮﻩ
ﺍﻧﻲ ﻫﻢ ﻣﺎﺣﺎﺟﻴﺘﻪ ﻓﺘﺤﺖ ﺍﻟﻜﻨﺘﻮﺭ ﺍﻃﻠﻊ ﻟﺒﺲ ﺍﻟﻲ .. ﺳﻤﻌﺖ ﺻﻮﺗﻪ ﻳﻜﻠﻲ
: ﺟﻬﺰﻭ ﻧﻔﺴﻜﻢ ﺍﻟﻴﻮﻡ ﺣﺘﻰ ﺗﺮﺣﻮﻥ ﻟﻬﻠﺞ ﻳﺨﻄﺒﻮﻥ ﺳﺪﻳﻢ ﻟﻮﺍﺋﻞ
ﻣﺎﺣﺠﻴﺖ ﺍﻱ ﺷﻲ ﻭﻳﺎﻩ ﺩﺧﻠﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﻟﺒﺴﺖ ﺩﺷﺪﺍﺷﻪ
ﻃﻠﻌﺖ ﻣﺎﻟﻜﻴﺘﻪ ﻫﻮﻭ .. ﻧﺰﻟﺖ ﺟﻮﻩ ﻭﻟﻜﻴﺘﻬﻢ ﻛﻠﻬﻢ ﻣﻠﺘﻤﻴﻦ ﻣﺎﻋﺪﺍﻩ ﻫﻮ ﻃﺒﻌﺎ
ﺧﻠﺺ ﺍﻟﻴﻮﻡ ﻋﺎﺩﻱ ﺻﺎﺭ ﺍﻟﻌﺼﺮ ﻭﺭﺣﺖ ﺻﻌﺪﺕ ﻓﻮﻙ ﻃﻠﻌﺖ ﻟﺒﺲ ﺍﻟﻲ ﻭﺑﺪﻟﺖ
ﺍﺟﻪ ﻫﻮﻭ ﻭﺣﺘﻰ ﺳﻼﻡ ﻣﺎﺳﻠﻢ ﻋﻠﻴﻪ .. ﺑﺪﻝ ﻭﺭﺍﺡ ﺍﺗﻤﺪﺩ ﻋﻠﻰ ﺍﻟﺴﺮﻳﺮ
ﺧﻠﺼﺖ ﺍﻧﻲ ﻭﻗﺒﻞ ﻻ ﺍﻣﺸﻲ ﻛﺎﻝ : ﺍﺧﺬﻱ ﻋﺒﺎﻳﻪ ﻣﻦ ﺍﺣﺪ ﻻ ﺗﺮﺣﻴﻦ ﻫﻴﺞ
: ﻣﺎﺷﻲ
ﻋﻔﺘﻪ ﻭﻣﺸﻴﺖ ﺭﺣﺖ ﻟﻜﻴﺖ ﺍﻡ ﺿﺮﻏﺎﻡ : ﻋﻤﻪ ﺍﺭﻳﺪ ﻋﺒﺎﻳﻪ ﻻﻥ ﻣﺎﻳﻘﺒﻞ ﺿﺮﻏﺎﻡ ﺍﻃﻠﻊ ﺑﻠﺼﺎﻳﻪ
: ﺍﻱ ﺣﻘﻪ ﻋﻴﻨﻲ ﺍﻧﺘﻲ ﻣﺮﺕ ﺍﻟﺸﻴﺦ ﺷﻠﻮﻥ ﺍﻃﻠﻌﻴﻦ ﻫﻴﺞ
ﺃﺳﺘﻐﻔﺮ ﺍﻟﻠﻪ ﻻﺯﻡ ﻳﻌﻨﻲ ﺍﺗﻌﻠﻖ .. ﺭﺍﺣﺖ ﻫﻴﺎ ﻭﺍﺟﺖ ﺟﺎﺑﺘﻠﻲ ﻋﺒﺎﻳﻪ
: ﻫﺎﺝ ﻫﺎﻱ ﺍﻟﻌﺒﺎﻳﻪ ﻋﻮﺩ ﺧﻴﻄﺘﻪ ﻟﻮﺭﻭﺩ ﺑﺲ ﻳﺎﻟﻪ ﻣﻴﺨﺎﻟﻒ ﺍﺳﻮﻳﻠﻪ ﻭﺣﺪﻩ ﺛﺎﻧﻴﻪ
: ﻣﺸﻜﻮﺭﻩ
ﻟﺒﺴﺘﻪ ﻭﻣﺪﺭﻱ ﺷﻠﻮﻥ ﺍﺣﺲ ﻧﻔﺴﻲ ﺑﻴﻪ ﻻﻥ ﻣﺎﻣﺘﻌﻮﺩﻩ ﺍﻟﺒﺴﻪ ﻭﺭﻓﻌﺘﻪ ﺷﻮﻱ ﺣﺘﻰ ﻻ ﺍﻭﻛﻊ
ﻭﻫﺴﻪ ﻋﻠﻴﺶ ﺍﻟﺒﺲ ﻋﺒﺎﻳﻪ ﻫﻤﻪ ﻫﺬﻭﻟﻪ ﺑﻨﻔﺲ ﺍﻟﺒﻴﺖ ﺍﺻﻼ ..
ﺭﺣﻨﻪ ﻟﻠﺒﻴﺖ ﻭﺷﻔﻨﻪ ﺍﻡ ﻏﺴﺎﻥ ﻭﺟﻮﺭﻱ ﺟﺎﻳﺎﺕ ﻗﺒﻠﻨﻪ ﺑﺲ ﻣﻮ ﺑﻬﻮﺍﻱ
ﺳﻠﻤﺖ ﻋﻠﻴﻬﻦ ﻭﺭﺣﺖ ﻟﺴﺪﻳﻢ ﺟﺎﻧﺖ ﻣﺒﺪﻟﻪ ﻭﺍﻣﺒﻴﻦ ﻋﻠﻴﻪ ﺍﻟﺨﺠﻞ ﻭﺍﻟﺨﻮﻑ
ﻇﻠﻴﺖ ﺍﺳﻮﻟﻒ ﻭﻳﺎﻫﺎ ﻭﺍﺧﻔﻒ ﻋﻨﻪ .. ﻭﺭﻩ ﺭﺑﻊ ﺳﺎﻋﻪ ﺍﺧﺬﺗﻪ ﻭﺣﻄﻴﺖ ﺍﻟﺼﻴﻨﻴﻪ ﺑﻴﺪﻩ
ﻭﺩﺧﻠﺖ ﻫﻴﺎ ﻭﺳﻠﻤﺖ ﻋﻠﻴﻬﻢ ﻭﻗﺪﻣﺖ ﺍﻟﻬﻢ ﺍﻟﻌﺼﻴﺮ ..
ﺍﺩﺣﻚ ﻋﻠﻰ ﺍﻡ ﻏﺴﺎﻥ ﺗﺪﺣﻜﻠﻪ ﻭﺗﺒﺘﺴﻢ .. ﻭﻣﻌﺎﻣﻠﺘﻪ ﻭﻛﻼﻣﻪ ﻃﻴﺐ ﻭﻱ ﺳﺪﻳﻢ ﻭﻭﻱ ﺍﻣﻲ
ﺍﺗﺬﻛﺮﺕ ﻣﻦ ﺍﺟﺖ ﺍﻡ ﺿﺮﻏﺎﻡ ﻭﺧﻄﺒﺘﻨﻲ ﺟﺎﻧﺖ ﺣﺘﻰ ﺑﻠﻜﻮﻩ ﺗﺤﺠﻲ ..
ﺑﺲ ﺍﻣﺒﻴﻦ ﺍﻡ ﻏﺴﺎﻥ ﻣﺮﻩ ﻃﻴﺒﻪ ﻭﺣﺒﺎﺑﻪ ﻭﺣﺒﺖ ﺳﺪﻳﻢ ﻣﻦ ﻛﻼﻣﻪ
ﻛﺎﻟﺖ : ﻋﻴﻨﻲ ﺍﻡ ﺍﻣﻴﺮ ﺍﺟﻴﻨﻪ ﺍﻟﻴﻮﻡ ﻭﺍﺣﻨﻪ ﻃﺎﻟﺒﻴﻦ ﺍﻟﻘﺮﺏ ﻣﻨﻜﻢ . ﺍﺟﻴﻨﻪ ﻭﺍﺣﻨﻪ ﻃﺎﻟﺒﻴﻦ ﺍﻳﺪ ﺑﻨﺘﻜﻢ ﺳﺪﻳﻢ ﻻﺑﻨﻪ ﻭﺍﺋﻞ
ﺍﺑﺘﺴﻤﺖ ﺍﻣﻲ ﻭﻛﺎﻟﺖ : ﻭﺍﻟﻠﻪ ﻭﺍﻟﻨﻌﻢ ﻣﻨﻜﻢ ﻭﻣﻦ ﺍﺑﻨﻜﻢ ﻭﺍﺗﺸﺮﻑ ﺍﻧﻲ ﺑﻴﻜﻢ
ﻭﺍﺣﻨﻪ ﺍﺟﺎﻧﻪ ﺍﻣﻴﺮ ﻭﻛﺎﻟﻨﻪ ﻫﻢ
: ﺍﻱ ﺻﺢ ﺍﺑﻨﻲ ﻭﺍﺋﻞ ﺭﺍﺡ ﻻﺑﻨﻜﻢ ﺍﻣﻴﺮ ﺍﻟﻠﻪ ﻳﺤﻔﻈﻪ ﻭﻛﺎﻟﻪ ﻳﺮﻳﺪ ﻳﺨﻄﺐ ﺍﺧﺘﻪ ﻭﻫﺴﻪ ﻧﺮﻳﺪ ﺍﻥ ﺷﺎﺀﺍﻟﻠﻪ ﺍﻟﻤﻮﺍﻓﻘﻪ ﻣﻨﻜﻢ
ﺍﺑﺘﺴﻤﺖ ﺍﻣﻲ : ﻭﺍﻟﻠﻪ ﻭﺍﻟﻨﻌﻢ ﻣﻦ ﺍﺻﻠﻜﻢ ﻭﺍﺧﻮﻫﺎ ﻭﺍﻟﺒﻨﻴﻪ ﻣﻮﺍﻓﻘﻴﻦ
: ﺍﻟﻠﻪ ﻳﺒﺸﺮﺝ ﺑﻠﺨﻴﺮ ﻻﻥ ﺍﺑﻨﻲ ﻣﻮﺗﻨﻲ ﻛﻠﺴﺎﻉ ﻭﻳﺪﻙ ﻟﻮ ﺧﺎﻑ ﺗﺮﺩﻭﻧﻪ
: ﻻ ﺍﺣﻨﻪ ﻣﺎﻧﻠﻜﻪ ﺍﺣﺴﻦ ﻣﻦ ﺍﺑﻨﻜﻢ ﻟﺒﻨﺘﻨﻪ
: ﻭﺍﻟﻨﻌﻢ ﻣﻨﻜﻢ ﺑﺲ ﻫﻮ ﻭﺍﻟﻠﻪ ﺍﻟﻮﻟﺪ ﻣﺴﺘﻌﺠﻞ ﻭﻳﺮﻳﺪ ﺍﻻﺳﺒﻮﻉ ﺍﻟﻲ ﻳﺠﻲ ﺍﻻﺛﻨﻴﻦ ﺍﻟﻌﻘﺪ
: ﺍﻥ ﺷﺎﺀﺍﻟﻠﻪ ﺑﺲ ﻧﺎﺧﺬ ﻣﻮﺍﻓﻘﺔ ﺍﺧﻮﻫﺎ
ﻇﻠﻦ ﻳﺴﻮﻟﻔﻦ ﻭﺑﻬﺬﺍ ﺣﺠﻲ ﺍﻟﻨﺴﻮﺍﻥ ﺍﻟﻜﺒﺎﺭ ..
ﺻﺎﺭ ﺍﻟﻤﻐﺮﺏ ﻭﻣﺸﻦ ﺍﻧﻲ ﻇﻠﻴﺖ ﻛﺎﻋﺪﻩ ﻛﺎﻟﺖ ﺍﻡ ﺿﺮﻏﺎﻡ : ﻳﺎﻟﻪ ﻳﺎﻗﻮﺕ ﺷﻨﻮ ﻣﺎﺗﺮﺣﻴﻦ
: ﻻ ﻋﻤﻪ ﻣﺎﺭﻭﺡ ﺑﻠﻴﻞ ﺍﺟﻲ ﺍﻥ ﺷﺎﺀﺍﻟﻠﻪ ﺍﺭﻳﺪ ﺍﺑﻘﻪ ﻫﺴﺎﻉ ﻳﻢ ﺍﻫﻠﻲ
noorhaidar18
ﺭﻓﻌﺖ ﺣﺎﺟﺒﻪ ﻭﻳﻜﻮﻝ ﻣﺎﻋﺠﺒﻪ ﺍﻟﻜﻼﻡ ﺑﺲ ﺷﺴﻮﻱ ﻟﻌﺪ ﺗﻌﺒﺖ : ﻭﺭﺟﻠﺞ ﻳﺪﺭﻱ
ﺟﺬﺑﺖ ﻋﻠﻴﻪ ﻭﺷﻠﻮﻥ ﺗﺎﻟﻴﺘﻲ ﻭﻱ ﻫﺬﺍ ﺍﻟﺠﺬﺏ : ﺍﻱ ﻋﻤﻪ ﻛﺘﻠﻪ ﻭﻛﺎﻝ ﻣﻴﺨﺎﻟﻒ ﻳﺠﻴﻨﻲ ﻫﻮ ﺑﻠﻴﻞ
: ﺧﻮﺵ ﻟﻌﺪ
ﻣﺸﻦ ﻫﻨﺎ ﻭﺍﻧﻲ ﻇﻠﻴﺖ ﻛﺎﻋﺪﻩ ﻭﺍﺳﻮﻟﻒ ﻭﻱ ﺳﺪﻳﻢ ﻭﻣﺮﺍﻡ ﻭﺭﺣﻨﻪ ﻟﻠﻤﻄﺒﺦ ﻧﺤﻀﺮ ﺑﻠﻌﺸﻪ
ﻫﺴﻪ ﺣﺴﻴﺖ ﻧﻔﺴﻲ ﻣﺮﺗﺎﺣﻪ ﺑﻴﻦ ﺍﻫﻠﻲ .. ﻭﺍﺧﺬﺕ ﺭﺍﺣﺘﻲ ﻛﻠﺶ
ﻭﻱ ﺍﻟﻌﺸﻪ ﺍﺟﻪ ﺍﻣﻴﺮ ﻭﻣﻦ ﺷﺎﻓﻨﻲ ﺍﺗﻔﺎﺟﺊ ﻭﻓﺮﺡ ﺭﺣﺖ ﺍﻧﻲ ﺣﻈﻨﺘﻪ ﺷﻜﺪ ﻣﺸﺘﺎﻗﺘﻠﻪ
ﻛﻌﺪﻥ ﻧﺘﻌﺸﻪ ﻭﺧﻠﺼﻨﻪ ﻭﺟﺎﺑﻦ ﺍﻟﺠﺎﻱ ﻭﺍﻣﻲ ﻛﺎﻟﺖ ﺍﻟﻪ ﻋﻠﻰ ﻗﺮﺍﺭ ﺍﻡ ﻏﺴﺎﻥ ﻭﻫﻮ ﻭﺍﻓﻖ ﻛﺎﻝ
: ﺧﻴﺮ ﺍﻟﺒﺮ ﻋﺎﺟﻠﻪ
ﻫﻮ ﻛﺎﻝ ﻫﻴﺞ ﻭﺳﺪﻳﻢ ﺷﺮﻛﺖ ﺑﻠﺠﺎﻱ ﻭﻇﻠﺖ ﺍﺗﻜﺢ ﻭﻭﺟﻬﻪ ﺻﺎﺭ ﺍﺣﻤﺮبيج قصص عراقيه حقيقيه من واقعنا.روعه الطائي
ﺿﺤﻜﺖ ﺍﻧﻲ ﻭﻋﺮﻑ ﻟﻴﺶ ﻫﻴﺞ ﺻﺎﺭ ﻭﻳﺎﻫﺎ ﺭﺣﺖ ﺟﺒﺘﻠﻪ ﻣﻲ ﻭﺍﺿﺤﻚ ﻋﻠﻴﻪ
: ﺍﺳﻢ ﺍﻟﻠﻪ ﺣﺒﻴﺒﺘﻲ ﺷﺒﻴﺞ
ﺣﺠﺖ ﺑﺼﻮﺕ ﻣﺒﺤﻮﺡ : ﻣﺎﺑﻴﻪ ﺷﻲ ﺳﻼﻣﺘﺞ
ﺻﺎﺭﺕ ﺏ٩ ﻭﻧﺺ ﻭﺍﻧﺪﻙ ﺍﻟﺒﺎﺏ ﻃﻠﻊ ﺍﻣﻴﺮ ﻭﺷﻮﻱ ﻭﺭﺟﻊ ﻛﺎﻝ : ﻳﺎﻗﻮﺕ ﺿﺮﻏﺎﻡ ﺍﺟﻪ ﻋﻠﻴﺞ ﻭﻳﻜﻮﻝ ﺧﻞ ﺗﺠﻲ ﻣﻨﺘﻈﺮﻩ
ﻳﻤﻪ ﺍﺟﺎﻙ ﺍﻟﻤﻮﺕ ﻳﺎﺗﺎﺭﻙ ﺍﻟﺼﻼﺓ : ﻣﺎﺷﻲ
ﺳﺪﻳﻢ : ﻛﻠﻴﻠﻪ ﻭﺑﺎﺗﻲ ﺍﻟﻴﻮﻡ
ﺍﻣﻲ ﻛﺎﻟﺖ : ﺍﻧﺠﺒﻲ ﻭﻟﺞ ﺳﺪﻳﻢ ﺧﻞ ﺗﺮﻭﺡ ﻭﻱ ﺭﺟﻠﻪ
ﺩﺣﻜﺖ ﻋﻠﻰ ﺍﻣﻲ : ﻫﺎ ﻳﻤﻪ ﺗﺮﺩﻳﻦ ﺗﺨﻠﺼﻴﻦ ﻣﻨﻲ
: ﻻ ﻭﺍﻟﻠﻪ ﻳﻤﻪ ﺍﻧﻲ ﺍﺗﻤﻨﻰ ﺗﺒﻘﻴﻦ ﺑﺲ ﻋﻴﺐ ﺻﺎﺭﻟﺞ ﺍﺳﺒﻮﻉ ﻭﻧﺺ ﻳﻤﻬﻢ ﻋﻴﺐ ﻣﻦ ﻫﺴﻪ ﺗﺒﺎﺗﻴﻦ ﻳﻤﻨﻪ ﺷﻴﻜﻮﻟﻮﻥ ﻋﻠﻴﻨﻪ
ﺍﺍﺥ ﻳﻤﻪ ﻟﻮ ﺗﺪﺭﻳﻦ ﺑﻬﺬﺍ ﺍﻻﺳﺒﻮﻉ ﺑﻨﺘﺞ ﺷﺼﺎﺭ ﻭﻳﺎﻫﺎ ﺑﺲ ﺍﻟﻠﻪ ﻛﺮﻳﻢ
ﺭﺣﺖ ﻟﺒﺴﺖ ﻋﺒﺎﺗﻲ ﻭﻃﻠﻌﺖ ﻟﻜﻴﺘﻪ ﺑﺮﻩ ﻭﺍﻛﻔﻪ ﻳﻨﺘﻈﺮﻧﻲ
ﺷﺎﻓﻨﻲ ﻭﻛﺎﻝ : ﺍﻧﺘﻲ ﺷﻠﻮﻥ ﺗﺒﻘﻴﻦ ﻳﻢ ﺍﻫﻠﺞ ﺑﺪﻭﻥ ﻣﺎﺗﺸﻮﺭﻳﻨﻲ ﻫﺎﺍﺍ ﻃﺮﻃﻮﺭ ﺍﻧﻲ ﻣﻮﺑﻌﻴﻨﺞ ﻭﻟﺞ ﺣﺘﻰ ﺣﺮﺍﻡ ﺗﺒﻘﻴﻦ ﺑﺪﻭﻥ ﺍﺫﻥ ﺭﺟﻠﺞ
: ﺑﺲ ﺍﻧﺖ ﺗﺪﺭﻱ ﺑﻴﻪ ﺭﺍﺡ ﺍﺭﻭﺡ
: ﺑﺲ ﻣﺎﺩﺭﻱ ﺑﻴﺞ ﺭﺍﺡ ﺗﺒﻘﻴﻦ ﻭﻟﺞ ﺧﻠﻴﺘﻴﻨﻲ ﺷﺼﻐﺮﻱ ﻛﺪﺍﻡ ﺍﻣﻲ ﻣﻦ ﺳﺌﻠﺘﻪ ﻋﻠﻴﺞ ﻛﺎﻟﺖ ﺑﻘﺖ ﻳﻢ ﺍﻫﻠﻪ ﺷﻨﻮ ﺍﻧﺖ ﻣﺎﺗﺪﺭﻱ ﺍﺷﻮ ﻫﻴﺎ ﻛﺎﻟﺖ ﺍﻧﺖ ﺗﻌﺮﻑ ..
ﻛﺘﻠﻪ ﻻ ﺍﻧﻲ ﺍﻋﺮﻑ ﺑﺲ ﻧﺴﻴﺖ .. ﻭﻟﺞ ﺍﻧﺘﻲ ﻭﺗﺎﻟﻲ ﻭﻳﺎﺝ ﺗﺮﺩﻳﻦ ﺗﻌﺎﻧﺪﻳﻦ ﻟﻴﺶ ﻣﺎﻛﻠﺘﻲ
: ﻫﻮ ﺍﻧﻲ ﺑﻴﺶ ﺍﻛﻠﻚ ﺍﺷﻮ ﻣﻦ ﺭﺣﺖ ﻋﺠﺒﻨﻲ ﺍﺑﻘﻪ ﻳﻤﻬﻢ ﻟﻮ ﺣﺘﻰ ﺍﻫﻠﻲ ﺗﺮﻳﺪ ﺗﻤﻨﻌﻨﻲ ﻣﻨﻬﻢ
: ﺍﻣﺸﻲ ﻭﻟﺞ ﻣﺎﺑﻴﻪ ﺣﻴﻞ ﺍﺗﻨﺎﻗﺶ ﻭﻳﺎﺝ ﻻﻥ ﺗﻌﺒﺎﻥ ﻛﻠﺶ
ﺣﺠﻴﺖ ﺑﺼﻮﺕ ﻧﺎﺻﻲ : ﺑﻌﺪ ﺍﺣﺴﻦ ﻭﺍﻟﻠﻪ ..
ﺭﺣﻨﻪ ﻭﺻﻠﻨﻪ ﻟﻠﺒﻴﺖ ﻭﺻﻌﺪﻧﻪ ﻛﺒﻞ ﻓﻮﻙ
ﻣﺮﺕ ﺍﻻﻳﺎﻡ ﻭﺍﻧﻲ ﻭﺿﺮﻏﺎﻡ ﻋﻠﻰ ﻧﻔﺲ ﺍﻟﻮﺿﻊ ﻣﺎﻧﺘﺤﺎﺟﻪ ﻭﺑﺲ ﺳﻼﻡ ﻓﻘﻂ
ﻻﻥ ﻟﺤﺪ ﻫﺴﻪ ﻛﻠﺒﺲ ﻣﺤﺮﻭﻙ ﻣﻨﻪ ﻭﻣﺎﺍﻧﺴﻪ ﺍﻟﻜﻼﻡ ﺍﻟﻲ ﻛﺎﻟﻪ ﺍﻟﻲ ..
ﺻﺎﺭ ﺍﻟﻌﻘﺪ ﻭﻟﺒﺴﺖ ﺍﻧﻲ ﻓﺴﺘﺎﻥ ﺍﺳﻮﺩ ﻭﺑﻴﻪ ﻟﻤﻊ ﻓﻀﻲ ﻗﺼﻴﺮ ﻳﻜﻮﻥ ﻟﻠﺮﻛﺒﻪ ﻭﺭﺩﺍﻧﻪ ﺷﻴﻔﻮﻥ ﺍﺳﻮﺩ
ﻭﺧﻠﺘﻠﻲ ﺍﻡ ﺍﻟﺼﺎﻟﻮﻥ ﻣﻜﻴﺎﺝ ﻃﻮﺥ ﻭﺭﻓﻌﺖ ﺷﻌﺮﻱ ﻭﻧﺰﻟﺖ ﺧﺼﻞ ﺍﻟﻲ
ﻭﺳﺪﻳﻢ ﻃﻠﻌﺖ ﺗﺨﺒﻞ ﻣﺜﻞ ﺍﻻﻣﻴﺮﺍﺕ
ﻓﺴﺘﺎﻥ ﺫﻫﺒﻲ ﻣﻦ ﻓﻮﻙ ﻣﻦ ﺍﻟﺼﺪﺭ ﺿﻴﻚ ﻭﻣﻦ ﺟﻮﻩ ﻃﻮﻳﻞ
ﻭﺑﺪﻭﻥ ﺭﺩﺍﻥ
ﻭﻣﻜﻴﺎﺝ ﺑﺴﻴﻂ ﻭﺧﻠﺖ ﺷﻌﺮﻩ ﻣﻔﺘﻮﺣﻮﺑﺲ ﺑﺮﻣﺘﻪ
ﻭﻣﺎﻋﺰﻣﻮ ﻧﺎﺱ ﻫﻮﺍﻱ ﻻﻥ ﺍﻟﺒﻴﺖ ﺻﻐﻴﺮ ﻭﻣﺎﻳﻜﻔﻲ ..
ﻇﻠﻦ ﻳﺮﻛﺼﻦ ﻭﻳﻬﻮﺳﻦ .. ﺷﻮﻱ ﻭﻧﺎﺩﻭ ﻋﻠﻴﻬﻢ ﺭﺍﺣﺖ ﻭﺍﻧﻲ ﻇﻠﻴﺖ ﺍﻭﺯﻉ ﻟﻨﺴﻮﺍﻥ ﻭﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ ..
ﺻﺎﺭ ﺍﻟﻌﻘﺪ ﻭﺗﻢ ﺍﻟﺰﻭﺍﺝ ﺍﻟﺤﻤﺪﻟﻠﻪ ..
ﺍﺟﺖ ﻣﺒﺘﺴﻤﻪ ﻭﻓﺮﺣﺎﻧﻪ ﺍﻟﻔﺮﺣﻪ ﺍﻣﺒﻴﻨﻪ ﺑﻌﻴﻮﻧﻪ
ﺷﻮﻱ ﻭﺩﺧﻞ ﻫﻮ ﻭﺍﺋﻞ ﻭﻓﺮﺣﺘﻪ ﻣﺜﻞ ﻓﺮﺣﺔ ﺳﺪﻳﻢ ﺍﺟﻪ ﻛﻌﺪ ﻳﻤﻪ ﻭﻛﻠﺴﺎﻉ ﻳﻬﻤﺲ ﻳﻢ ﺍﺫﻧﻪ ﻭﻫﻴﺎ ﻭﺟﻬﻪ ﻳﺼﻴﺮ ﺍﺣﻤﺮ ﻓﺪﻳﺘﻪ ﻭﺍﺧﻴﺮﺍ ﺷﻔﺘﻪ ﺧﺠﻼﻧﻪ ﺣﻖ ﻭﺣﻘﻴﻖ
ﺟﺎﺑﻮ ﺍﻟﺬﻫﺐ ﻭﻟﺒﺴﻪ ﺍﻟﻪ ﺣﺘﻰ ﺍﻟﺘﺮﺍﺟﻲ ﻫﻮ ﻟﺒﺴﻪ
ﻭﺑﺎﺱ ﺍﻳﺪﻫﺎ .. ﺩﻋﻴﺖ ﺍﻟﻠﻪ ﺍﻧﻮ ﻳﺴﻌﺪﻫﻢ ..
.........
ﺿﺮﻏﺎﻡ / ﺍﻋﺮﻑ ﺑﻨﻔﺴﻲ ﺟﺎﻱ ﺍﻗﺴﻲ ﻋﻠﻰ ﻳﺎﻗﻮﺕ ﺑﺲ ﻣﻮﺑﻴﺪﻱ ﻛﻞ ﻣﺎﺗﺬﻛﺮ ﺫﺍﻙ ﻭﻣﻦ ﺣﻀﻨﻪ
ﻧﺎﺭ ﻭﺗﺴﻌﺮ ﺑﻜﻠﺒﻲ ﺣﻘﻲ ﺗﺮﻯ ﻣﻦ ﺍﺷﻮﻓﻪ ﺑﻴﻦ ﺍﺣﻀﺎﻥ ﻭﺍﺣﺪ ﻏﺮﻳﺐ ﻭﻫﻴﺎ ﻋﻠﻰ ﺫﻣﺘﻲ ﻭﺣﺘﻰ ﻟﻮ ﻣﺎ ﺍﺣﺒﻪ ﺑﺲ ﺗﺒﻘﻰ ﻣﺮﺗﻲ ﻭﻋﻨﺪﻱ ﻏﻴﺮﻩ
ﻭﺍﻧﻲ ﺗﺠﺮﺑﺘﻲ ﺫﻳﺞ ﺧﻠﺘﻨﻲ ﺍﺷﻚ ﺑﻴﺎﻗﻮﺕ ﻣﺎﺻﺪﻛﻪ ﻭﻫﻴﺎ ﻫﻢ ﻣﺎﻋﺪﻩ ﺩﻟﻴﻞ
ﺑﺲ ﺍﺍﺥ ﻣﻦ ﺗﺒﺠﻲ ﻭﺍﻟﺤﺰﻥ ﺑﻌﻴﻨﻪ ﺍﺳﺐ ﺭﻭﺣﻲ ﺍﻟﻒ ﻣﺮﻩ
ﻭﺍﻛﻮﻝ ﺧﻞ ﺍﺳﻜﺖ ﻭﺍﺻﻴﺮ ﺯﻳﻦ ﻭﻳﺎﻫﺎ ﺑﺲ ﺍﺭﺟﻊ ﻣﻦ ﺍﺷﻮﻑ ﻛﻼﻣﻪ ﻭﻋﻨﺎﺩﻩ ﻭﻳﺎﻱ
ﺍﺭﺟﻊ ﺍﻗﺴﻮ ﻋﻠﻴﻪ ﻭﻫﻴﺎ ﺍﺩﺭﻱ ﺑﻴﻪ ﺭﺍﺡ ﺗﻜﺮﻫﻨﻲ ﺍﺫﺍ ﻣﺎﻛﺮﻫﺘﻨﻲ ﻫﺴﻪ
ﻭﺧﺎﺻﻪ ﺑﻴﻮﻡ ﻣﻦ ﻛﺘﻠﻪ ﻛﻌﺪﻳﻨﻲ ﻭﻋﺮﻓﺖ ﺑﻴﻪ ﻋﺎﻧﺪﺕ ﻭﻣﺎﻛﻌﺪﺗﻨﻲ ﻭﺻﺎﺭ ﺍﻟﻲ ﺻﺎﺭ
ﺣﺠﻴﺖ ﺍﻧﻲ ﺑﺴﺮﻋﺔ ﻏﻀﺐ ﻭﺑﺪﻭﻥ ﻭﻋﻲ ﻣﻨﻲ ﻛﺘﻠﻪ ﺍﻧﺘﻲ ﺑﻼ ﺷﺮﻑ
ﺍﻧﻲ ﺍﻧﺼﺪﻣﺖ ﻣﻦ ﻛﻼﻣﻲ ﺻﺢ ﺟﻨﺖ ﺍﻫﻴﻨﻪ ﻭﻫﻴﺞ ﺑﺲ ﻫﺴﻪ ﺍﺧﺘﻠﻒ
ﻫﻴﺎ ﻇﻠﺖ ﺗﻈﺮﺏ ﺑﺼﺪﺭﻱ ﻭﺍﻧﻲ ﺍﺑﺎﻭﻋﻠﻪ ﻭﺷﻠﻮﻥ ﺩﻣﻮﻋﻪ ﻳﻨﺰﻟﻦ
ﻭﺗﺼﺮﺥ ﺍﺣﺴﻪ ﺻﻮﺗﻪ ﺩﺧﻞ ﺟﻮﻩ ﺿﻠﻮﻋﻲ ﺍﺭﻳﺪﻩ ﺗﺴﻜﺖ ﺑﺲ ﻣﺎﻛﻮ
ﺑﻌﺪ ﺍﻟﻲ ﺻﺎﺭ ﻏﻴﺮﺕ ﻣﻌﺎﻣﻠﺘﻲ ﻭﻳﺎﻫﺎ ﻭﻫﻴﺎ ﻫﻢ ﻛﻤﺖ ﻣﺎﺍﺣﺘﻚ ﺑﻴﻪ ﺑﺲ ﻋﻠﻰ ﻛﺪ ﺍﻟﻲ ﺍﺭﻳﺪﻩ
ﻭﻫﻴﺎ ﻣﺎﺗﺤﺠﻲ ﻭﻳﺎﻱ
ﺑﺲ ﺻﺎﺭ ﺷﻲ ﻣﺎﺗﻮﻗﻌﺘﻪ ﻗﺒﻞ ﺍﻟﻌﻘﺪ ﺑﻴﻮﻣﻴﻦ ﺍﺟﺖ ﺟﻤﺎﻧﻪ ﻟﻠﺒﻴﺖ
ﺭﺩﺕ ﺍﻃﻠﻊ ﻭﻫﻴﺎ ﺻﺎﺭﺕ ﻛﺒﺎﻟﻲ ﺑﺮﻩ ﺑﻠﺤﺪﻳﻘﻪ ﺳﻠﻤﺖ ﻋﻠﻴﻪ ﻭﺭﺩﺕ ﺍﻣﺸﻲ ﺑﺲ ﻫﻴﺎ ﺻﺎﺣﺘﻨﻲ
: ﺧﻴﺮ ﺟﻤﺎﻧﻪ ﺭﺍﻳﺪﻩ ﺷﻲ
: ﺍﻱ ﺿﺮﻏﺎﻡ ﺍﺭﻳﺪ ﺍﻛﻠﻚ ﻋﻠﻰ ﺷﻲ
: ﺷﻨﻮ ﻛﻮﻟﻲ
ﻳﺘﺒﻊ
