#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
noorhaidar18
#بارت٢٣
ﻛﻠﻬﺎ ﻣِﻨﻚ !
ﺷﻮﻏﺘﻲ ﺍﻟﺮﺍﻓﮕﺖ ﻟﻴﻠﻲ ،
ﻭﺍﻟﺪﻣﻮﻉ ﺍﻟﺘﭽﻮﻱ ﺧﺪﻱ ،
ﻭﻃﻴﺤﺘﻲ ﺑﺎﻟﻤُﻐﺮﺑﻴﺔ ،
ﻭ ﺇﻧﻌﺰﺍﻟﻲ ﺍﻷَﺫﺓ ﺍﻫﻠﻲ ،
ﻭﻇﻠﻤﺔ ﺍﻟﻐﺮﻓﻪ ﺍﻟﺘﻐﺜﻬﻢ ،
ﻣﻦ ﻳﺸﻮﻓﻮﻧﻲ ﺿﮕﺖ ﻃﻌﻢ ﺍﻻﺫﻳﺔ .
ﻭ ﺯﺍﺩﻱ ﺍﻟﻴﺼِﺒﻮﺍ ﻭﺃﺭﻓﻀﺔ ..
ﻳﺄﺫﻱ ﺇﻣﻲ ﺍﻟﻤﺎﺩﺭﺕ ﺷﻨﻬﻲ ﺍﻟﻘﻀﻴﺔ !
ﻭ ﺃﺻﺪﻗﺂﺋﻲ ﺍﻟﻤِﻨﻲ ﻣَﻠﻮﺍ ، ﻣﻦ ﻛﺜﺮ ﻣﺎ ﺿﺎﻝ ﺃﻭﺭﺙ ﺑﺎﻟﺠﮕﺎﻳﺮ ، ﻣﻦ ﻧﺠﻲ ﻧﮕﻌﺪ ﺳﻮﻳﺔ 🖤! ﺀ
ﺃﻳﻮﺏ ﺑﺎﻭﻋﺘﻠﻪ ﺑﺼﺪﻣﻪ : ﻫﺎﺍﺍﺍ ﺷﺘﻜﻮﻟﻴﻦ
: ﻣﺜﻞ ﻣﺎﻛﻠﺖ ﻫﺬﺍ ﺍﻟﺨﻤﻴﺲ ﺧﻄﻮﺑﺘﻪ ﻭﺍﻣﻪ ﻋﺰﻣﺘﻨﻲ ﻭﻋﺰﻣﺖ ﺍﻣﻚ .. ﺍﻧﻲ ﻣﻦ ﻋﺮﻓﺖ ﺑﻬﺎﻱ ﺍﻟﺴﺎﻟﻔﻪ
ﺑﺴﺮﻋﻪ ﺍﺗﺼﻠﺖ ﻋﻠﻴﻪ ﻭﻋﺘﺒﺖ ﻋﻠﻴﻪ ﻛﺘﻠﻪ ﻫﻴﺞ ﺑﺴﺮﻋﻪ ﺑﻌﺘﻲ ﺍﻟﻮﻟﺪ ﻭﻫﻮ ﺭﺍﻳﺪﺝ ﻭﺷﺎﺭﻳﺞ
ﺑﺲ ﻫﻴﺎ ﻇﻠﺖ ﺗﺒﺠﻲ ﻭﻛﺎﻟﺖ ﻣﻮﺑﻴﺪﻱ ﻭﺍﻟﻠﻪ .. ﺃﻳﻮﺏ ﺍﻟﻲ ﺳﻮﻩ ﻫﻴﺞ ﻭﻛﺎﻝ ﻛﻞ ﻭﺍﺣﺪ ﺑﻄﺮﻳﻖ
ﻭﺍﻫﻠﻲ ﻫﻤﻴﻦ ﻋﺼﺒﻮ ﻋﻠﻴﻪ ﻭﻛﺎﻟﻮﻟﻲ ﺷﻌﻨﺪﺝ ﺗﺮﻓﻀﻴﻦ ﺍﻟﻲ ﻳﺠﻮﻧﺞ ﺷﻨﻮ ﺑﺲ ﻻ ﺗﺤﺒﻴﻦ ﺍﺣﺪ
ﻭﺍﻧﺠﺒﺮﺕ ﻋﻠﻰ ﻫﺬﺍ ﺍﻟﺰﻭﺍﺝ ﺑﺲ ﻛﺎﻟﺖ
ﺑﺎﻭﻋﺘﻠﻪ ﻭﻛﺘﻠﻪ : ﺑﺲ ﺷﻨﻮ ﻛﻮﻟﻲ
ﺣﺠﺖ ﺑﺤﺰﻥ : ﻛﺎﻟﺖ ﻭﺻﻠﻲ ﻫﺬﺍ ﺍﻟﻜﻼﻡ ﻻﻳﻮﺏ .. ﻫﺬﺍ ﺍﻟﻜﻠﺐ ﻋﻤﺮﻩ ﻣﺮﺍﺡ ﻳﺪﻙ ﻟﻐﻴﺮﻩ ﻭﻻ ﺭﺍﺡ ﺍﻧﺴﺎﻩ ﻳﺒﻘﻰ ﺣﺐ ﺍﻻﻭﻝ
ﻭﺭﺑﻲ ﻳﺴﻌﺪﻩ ﻭﻳﻬﻨﻴﻪ ﻭﻱ ﺑﻨﺖ ﺍﻟﺤﻼﻝ
ﺿﺮﺑﺖ ﺭﺟﻠﻲ ﺑﻘﻬﺮ : ﺃﺳﺘﻐﻔﺮ ﺍﻟﻠﻪ
ﻛﺎﻟﺖ : ﻭﺍﻧﻲ ﺍﺟﻴﺖ ﻫﻨﺎ ﺣﺘﻰ ﺍﺣﺠﻲ ﻭﻱ ﺍﻣﻚ ﻭﻃﻠﻌﺖ ﺗﻌﺮﻑ ﺑﺴﺎﻟﻔﻪ ﻭﻣﻦ ﻛﺘﻠﻪ ﻋﻠﻰ ﺍﻟﺰﻭﺍﺝ ﻛﺎﻟﺖ ﺍﻱ ﺍﻟﻠﻪ ﻳﺴﻌﺪﻩ ﺧﻠﻴﻪ ﺗﺘﺰﻭﺝ ﻭﺗﺸﻮﻑ ﺣﻴﺎﺗﻪ
ﻳﻌﻨﻲ ﺻﺪﻣﺘﻨﻲ ﺣﺴﺒﺎﻟﻲ ﺗﻐﻴﺮ ﺭﺍﻳﻪ ﺑﺲ ﻃﻠﻌﺖ ﻣﻌﺎﻧﺪﻩ ﻇﻠﻴﺖ ﺍﺧﺬ ﻭﺍﻧﻄﻲ ﻭﻳﺎﻫﺎ ﻭﻛﺘﻠﻪ ﺍﺑﻨﺞ ﻭﻣﺎﻳﺼﻴﺮ ﺑﺲ ﻫﻴﺎ ﺑﻘﺖ ﻣﺼﺮﻩ ﻋﻠﻰ ﺭﺋﻴﻪ ﻭﻣﺎﺗﻘﺒﻞ
ﻛﻤﺖ ﻣﻦ ﻣﻜﺎﻧﻲ ﺑﻌﺼﺒﻴﻪ ﻭﻗﻬﺮ ﻣﻦ ﺍﻣﻲ ﻭﺑﺮﻭﺩﻩ ﺷﺮﺍﺡ ﺗﺤﺼﻞ ﻣﻦ ﺳﻮﺕ ﻫﻴﺞ
ﺑﺎﻭﻋﺖ ﻟﻌﻤﺘﻲ ﻭﻛﺘﻠﻪ ﻭﺍﻧﻲ ﺍﺻﻴﺢ ﻓﺎﻗﺪ : ﻭﺍﻧﺘﻮﻭ ﻣﻨﻮ ﻛﻠﻜﻢ ﺗﺮﺣﻮﻥ ﻭﺗﺤﺠﻮﻥ ﻭﻳﺎﻫﺎ
ﻛﺎﻓﻲ ﻟﺨﺎﻃﺮ ﺍﻟﻠﻪ ﺳﺪﻭ ﺍﻟﻤﻮﺿﻮﻉ ﻭﻻ ﺗﺠﻴﺒﻮﻟﻪ ﻃﺎﺭﻱ ﻛﺎﻓﻲ ﺫﻟﻴﺖ ﻧﻔﺴﻲ ﻭﺫﻟﻴﺖ ﺍﻟﺒﻨﻴﻪ ﻭﻳﺎﻱ ﻭﻛﻠﻪ ﺑﺴﺒﺐ ﺍﻣﻲ ﻭﻛﺒﺮﻳﺎﺋﻪ ﻣﺎﺗﻘﺒﻞ ﺗﻨﺰﻝ ﺭﺍﺳﻪ ﻭﺗﺮﻭﺡ ﺗﺨﻄﺒﻠﻲ ﺍﻳﺎﻫﺎ
ﺍﺷﺮﺕ ﺍﻟﻪ ﻭﻛﻠﺖ : ﻛﺎﻓﻲ ﻋﻤﻪ ﺍﺭﺣﻤﻮﻧﺎ ﺑﻌﺪ ﺍﻟﺒﻨﻴﻪ ﻻ ﺗﺠﻴﺒﻮﻥ ﺳﻴﺮﺗﻪ ﺑﻬﺬﺍ ﺍﻟﺒﻴﺖ ﻭﻻ ﺗﺬﻛﺮﻭﻫﺎ ﻻ ﺑﺰﻳﻨﻪ ﻭﻻ ﺑﺸﻴﻨﻪ ﻣﻔﻬﻮﻭﻡ ﻫﺎﻫﻴﻪ ﺍﻟﺒﻨﻴﻪ ﺭﺍﺣﺖ ﻭﺍﻟﻠﻪ ﻳﺴﺘﺮ ﻋﻠﻴﻪ ﻭﻳﻮﻓﻘﻪ ﺑﺄﻱ ﻣﻜﺎﻥ ﺗﺮﻭﺣﻠﻪ
ﻭﺍﻣﻲ ﺑﻌﺪ ﻻ ﺗﺤﺠﻮﻥ ﻭﻳﺎﻫﺎ ﺗﺮﻯ ﺍﺫﺍ ﺣﺠﻴﺘﻦ ﻣﻌﻨﺎﻫﺎ ﺗﺬﻟﻨﻲ ..
ﺍﺧﺬﺕ ﻣﻔﺘﺎﺡ ﺍﻟﺴﻴﺎﺭﻩ ﺍﻟﻲ ﺟﺎﻥ ﻣﺸﻤﻮﺭ ﺑﻠﻜﺎﻉ ﻭﻃﻠﻌﺖ ﻣﻦ ﺍﻟﻐﺮﻓﻪ ﻃﺒﻜﺖ ﺍﻟﺒﺎﺏ ﺑﻘﻮﻭﻩ
ﻭﺍﺳﻤﻊ ﻋﻤﺘﻲ ﺗﺼﻴﺢ ﻋﻠﻴﻪ .. ﻧﺰﻟﺖ ﺟﻮﻩ ﻭﺷﻔﺖ ﺍﻣﻲ ﻛﺎﻋﺪﻩ ﺑﻼﺳﺘﻘﺒﺎﻝ
ﻫﻴﺎ ﻣﻦ ﺷﺎﻓﺘﻨﻲ ﻭﻛﻔﺖ ﻭﻛﺎﻟﺖ : ﻳﻤﻪ ﺃﻳﻮﺏ
ﺑﺎﻭﻋﺘﻠﻪ ﺑﻘﻬﺮ ﻭﻛﺘﻠﻪ : ﺍﻟﻠﻪ ﻳﺴﺎﻣﺤﺞ ﻋﻠﻰ ﺍﻟﻲ ﺳﻮﻳﺘﻴﻪ
ﺍﺟﺖ ﺍﻗﺘﺮﺑﺖ ﻣﻨﻲ ﻭﻛﺎﻟﺖ : ﻳﻤﻪ ﺃﻳﻮﺏ ﺍﺳﻤﻌﻨﻲ
ﺻﺤﺖ ﺑﻴﻪ : ﺍﻭﻭﻛﻔﻲ ﺍﺑﻘﻲ ﺑﻤﻜﺎﻧﺞ ﻻ ﺗﻮﺻﻠﻴﻦ ﻳﻤﻲ ﻭﺑﻌﺪ ﺩﻳﺮﻱ ﺑﺎﻟﺞ ﺍﺳﻤﻊ ﺍﺳﻤﻲ ﺑﻠﺴﺎﻧﺞ
ﻭﻻ ﺗﻜﻮﻟﻴﻦ ﻳﻤﻪ ﻟﻮ ﺍﺑﻨﻲ .. ﻻﻥ ﺍﻧﻲ ﻣﺎﻋﻨﺪﻱ ﺍﻡ ﻫﺎﻫﻴﻪ ﺧﻠﺺ ﻃﻠﻌﺘﺞ ﻣﻦ ﺣﻴﺎﺗﻲ ﻣﺜﻞ ﻣﺎﺧﻠﻴﺘﻴﻨﻲ ﺍﻃﻠﻊ ﺍﻟﺒﻨﻴﻪ ﺍﻟﻲ ﻋﺸﻜﺘﻪ ﻭﺣﺒﻴﺘﻪ ﻣﻦ ﺣﻴﺎﺗﻲ
ﻻﻥ ﻣﺎﺍﺗﺼﻮﺭ ﺍﻛﻮ ﺍﻡ ﻫﻴﺞ ﻓﺮﺣﺎﻧﻪ ﻋﻠﻰ ﺗﻌﺎﺳﺖ ﺍﺑﻨﻪ ﺑﺲ ﻣﻊ ﺍﻻﺳﻒ ﻭﺍﻟﻠﻪ ...
ﺣﺠﻴﺖ ﺑﻘﻬﺮ ﻭﺑﺼﻴﺎﺡ ﻛﻠﻪ ﺍﻟﺘﻤﺖ ﻋﻠﻴﻨﻪ : ﺑﻌﺪ ﺛﻘﻲ ﺑﺎﻟﻠﻪ ﻣﻌﺰﺗﺞ ﺭﺍﺣﺖ ﻣﻦ ﻛﻠﺒﻲ ﻭﺍﺫﺍ ﺍﺳﻮﻱ ﺷﻲ ﻓﺎ ﺑﺲ ﺍﺭﻳﺪ ﺍﻟﻠﻪ ﻳﺮﺿﻰ ﻋﻨﻲ ﻭﻫﺎﻫﻴﻪ ﻳﻌﻨﻲ ﻣﺜﻞ ﺍﻟﻮﺍﺟﺐ
ﻃﻠﻌﺖ ﻣﻦ ﺍﻟﺒﻴﺖ ﻭﺍﻧﻲ ﻛﺎﺭﻫﻪ ﻭﺍﺗﻤﻨﻰ ﺍﻃﻠﻊ ﻣﻨﺎ ﻭﺑﻌﺪ ﻣﺎﺭﺟﻊ
ﺻﻌﺪﺕ ﺑﻠﺴﻴﺎﺭﻩ ﻭﻗﺒﻞ ﻻ ﺍﺣﺮﻙ ﻧﻈﺮﺕ ﺍﺧﺮ ﻧﻈﺮﻩ ﻟﺒﻴﺖ ﻓﺎﻃﻤﻪ ﺟﺮﻳﺖ ﺣﺴﺮﻩ ﺑﻘﻮﻭﻩ : ﺍﺍﺍﺍﺍﺥ
ﺣﺮﻛﺖ ﻭﻃﻠﻌﺖ ﻣﻦ ﺍﻟﻤﻨﻄﻘﻪ ﻛﻠﻪ ﺍﺣﺲ ﻧﻔﺴﻲ ﻣﻴﺖ ﻭﻳﻤﺸﻲ
ﺍﺣﺲ ﻧﻔﺴﻲ ﺗﻌﺒﺎﻥ ﻛﻠﺶ .. ﺭﺣﺖ ﻟﻨﻔﺲ ﺍﻟﻤﻜﺎﻥ ﺍﻟﻲ ﻧﺮﻭﺣﻠﻪ ﺍﻧﻲ ﻭﺿﺮﻏﺎﻡ
ﺍﺧﺘﻨﻜﺖ ﻛﻠﺶ ﻧﺰﻟﺖ ﻣﻦ ﺍﻟﺴﻴﺎﺭﻩ ﺑﺴﺮﻋﻪ ﻭﻛﻌﺪﺕ ﺑﻠﻜﺎﻉ
ﺣﻄﻴﺖ ﺍﻳﺪﻱ ﻋﻠﻰ ﺭﻛﺒﺘﻲ ﺍﺭﻳﺪ ﺑﺲ ﺍﺧﺬ ﻧﻔﺲ
: ﺍﺍﺍﺥ ﺭﺑﻲ ﺍﺗﻤﻨﻰ ﺑﻬﺎﻱ ﺍﻟﺤﻈﻪ ﺍﻓﻘﺪ ﺍﻟﺬﺍﻛﺮﻩ ﻭﻛﻠﺸﻲ ﻣﺎﺫﻛﺮ ﻻ ﺍﻫﻠﻲ ﻭﻻ ﻓﺎﻃﻤﻪ
ﻭﻻ ﺍﺭﻳﺪ ﺍﻋﺮﻑ ﺣﺘﻰ ﻧﻔﺴﻲ .. ﻇﻠﻴﺖ ﺻﺎﻓﻦ ﻭﺑﺎﻭﻉ ﻋﻠﻰ ﺍﻟﻤﻜﺎﻥ ﻭﺍﺣﺲ ﻧﻔﺴﻲ ﺗﺎﻳﻬﻪ ﻭﻣﺎﻧﺪﻝ ﺩﺭﺑﻲ
ﻭﺍﺣﺲ ﺷﻲ ﺣﺎﺭ ﻧﺰﻝ ﻋﻠﻰ ﺧﺪﻱ .. ﻋﺮﻓﺘﻪ ﻫﺎﻱ ﺩﻣﻌﻪ ﻧﺰﻟﺖ ﻣﻦ ﻋﻴﻨﻲ
: ﻫﺎ ﺍﻳﻮﺏ ﺍﻧﺖ ﺍﻟﻲ ﺟﻨﺖ ﻣﺎﺗﻘﺒﻞ ﺩﻣﻌﻪ ﺗﻨﺰﻝ ﻣﻦ ﻋﻴﻮﻧﻚ ﻭﺗﻜﺎﺑﺮ ﻭﺗﺼﻨﻒ ﻋﻠﻰ ﺍﻱ ﺷﺨﺺ ﻳﺒﺠﻲ ﻫﺴﻪ ﻫﻴﺞ ﺑﺴﺮﻋﻪ ﻳﻨﺰﻟﻦ ﻳﺎﺣﻴﻒ ﻭﺍﻟﻠﻪ
ﺷﺼﺎﺭ ﻭﻳﺎﻙ ﺍﻟﺪﻧﻴﺎ ﻟﻴﺶ ﻇﻠﻤﺘﻚ ﻫﻴﺞ ﻭﻣﺎﻧﺼﻔﺘﻚ ﻻ ﺍﻧﺖ ﻭﻻ ﺍﻟﻲ ﺣﺒﻴﺘﻪ
....
ﻭﺭﻭﺩ / ﻣﻦ ﺑﻌﺪ ﺍﻟﻲ ﺻﺎﺭ ﻭﺃﻳﺎﺱ ﺍﺧﺘﻠﻒ ﻭﻳﺎﻱ ﺍﺧﺘﻼﻑ ﺟﺬﺭﻱ ﺍﺫﺍ ﺟﺎﻥ ﻗﺒﻞ ﻳﺤﺠﻲ ﻭﻳﺎﻱ ﻭﻳﺸﺎﻗﻪ ﻭﻳﻀﺤﻚ
ﻫﺴﻪ ﺍﺑﺪ ﺑﺲ ﻳﺬﺏ ﺍﻟﺴﻼﻡ ﻭﻫﺎﻫﻴﻪ ..
ﻭﻣﻦ ﻳﻨﺎﻡ ﻳﺪﻳﺮ ﻭﺟﻬﻪ ﻋﻨﻲ ﺣﺴﻴﺖ ﻧﻔﺴﻲ ﻣﺸﺘﺎﻗﺘﻠﻪ ﻭﻛﺮﻫﺖ ﺗﺠﺎﻫﻠﻪ ﻫﺬﺍ ﻭﻳﺎﻱ
ﻭﻣﻦ ﺍﺳﺌﻠﻪ ﻋﻠﻰ ﺷﻲ ﻳﺮﺩ ﺑﺲ ﻋﻠﻰ ﺍﻟﺠﻮﺍﺏ .. ﺷﻜﺪ ﺟﻨﺖ ﻣﺎﺍﻃﻴﻖ ﺍﻟﻜﻼﻡ ﻭﻳﺎﻩ ﻭﻛﺮﻫﺘﻪ
ﺑﺲ ﻫﺴﻪ ﻣﺎﻋﺮﻑ ﻟﻴﺶ ﻛﻤﺖ ﺍﺷﺘﺎﻕ ﻟﺼﻮﺗﻪ ﻭﺍﺣﺐ ﺳﻮﺍﻟﻔﻪ
ﺧﻼﻧﻲ ﺍﺗﺤﺴﺮ ﻋﻠﻰ ﻛﻼﻣﻪ ..
ﺍﻟﻴﻮﻡ ﺃﻣﻲ ﻣﺴﻮﻳﻪ ﻋﺰﻳﻤﻪ ﻋﺎﺯﻣﻪ ﺍﻗﺎﺭﺑﻨﻪ ﻭﺍﻫﻠﻨﻪ ﺑﻤﻨﺎﺳﺒﺔ ﺧﻄﻮﺑﺔ ﺿﺮﻏﺎﻡ
ﻟﺒﺴﺖ ﻓﺴﺘﺎﻥ ﻃﻮﻳﻞ ﺃﺑﻴﺾ ﻭﻣﺨﻄﻂ ﺑﺮﺻﺎﺻﻲ ﻭﻣﻦ ﺍﻟﺼﺪﺭ ﺑﻴﻪ ﺭﺳﻮﻡ ﻭﺭﺩ ﻭﺭﺩﻱ ﻭﺍﺯﺭﺍﺭ ﻋﻠﻰ ﺍﻟﻄﻮﻝ ﻭﺣﺰﺍﻡ ﻣﻦ ﺍﻟﺨﺼﺮ
ﻟﺒﺴﺖ ﺷﺎﻝ ﺭﺻﺎﺻﻲ ﻭﺣﺬﺍﺀ ( ﺗﻜﺮﻣﻮﻥ ) ﻓﻼﺕ
ﺧﻠﻴﺖ ﻣﺴﻜﺎﺭﺍ ﻭﻛﺤﻠﻪ ﻭﺣﻤﺮﻩ .. ﻣﻦ ﺧﻠﺼﺖ ﺍﻟﺘﻔﺖ ﻋﻠﻰ ﺍﻳﺎﺱ ﺷﻔﺘﻪ ﻳﺒﺎﻭﻋﻠﻲ ﻭﻣﻦ ﺷﺎﻓﻨﻲ ﻣﻨﺘﺒﻪ ﻋﻠﻴﻪ
ﺩﻧﻚ ﺭﺍﺳﻪ ﻭﻛﺎﻝ : ﻳﺎﻟﻪ ﺧﻞ ﻧﻤﺸﻲ
ﺣﺠﻴﺖ ﺑﺴﺮﻋﻪ : ﺃﻳﺎﺱ ﺍﻭﻛﻒ
ﺑﺎﻭﻋﻠﺲ ﻭﻛﺎﻝ : ﺷﺘﺮﺩﻳﻦ
ﺍﺑﺘﺴﻤﺖ : ﺷﺮﺍﻳﻚ ﺑﻠﺒﺴﻲ ﺣﻠﻮﻭ ﻟﻮ ﻻ
ﺑﺎﻭﻋﻠﻲ ﺑﺮﻭﺩ ﻭﻛﺎﻝ : ﻳﻌﻨﻲ ﺍﺫﺍ ﻣﻮ ﺣﻠﻮ ﻛﺘﻠﺞ ﺷﻨﻮ ﺭﺍﺡ ﺗﻐﻴﺮﻳﻪ .. ﻳﺎﻟﻪ ﺧﻞ ﻧﻤﺸﻲ ﻻ ﻧﺘﺄﺧﺮ
ﻋﺎﻓﻨﻲ ﻭﻃﻠﻊ ﻣﻦ ﺍﻟﻐﺮﻓﻪ ﻭﺧﻼﻧﻲ ﻭﺣﺪﻱ ﻣﻘﻬﻮﺭﻩ ﻭﺍﺳﺐ ﺑﻨﻔﺴﻲ ﺍﻟﻲ ﺫﻟﻴﺘﻪ
ﺣﺼﺮﺗﻨﻲ ﺍﻟﺒﺠﻴﻪ ﻋﻠﻰ ﻛﻼﻣﻪ ﻋﻠﻰ ﺍﻻﻗﻞ ﻛﻮﻝ ﻛﻠﻤﻪ ﻭﺣﺪﻩ ﻳﺎﺣﻠﻮ ﻳﺎ ﻻ ﻣﻮﺣﻠﻮ
ﺑﺲ ﻫﻮ ﺩﻭﻣﻪ ﻳﺤﺐ ﻳﻘﻬﺮﻧﻲ ﻭﻳﻨﻐﺺ ﻋﻠﻴﻪ ﻓﺮﺣﺘﻲ
ﺷﺪﻋﻲ ﻋﻠﻴﻚ ﻋﻠﻲ ﺷﻔﻜﺮﻙ ﺑﻴﻪ ﻫﺴﻪ ﻭﺍﺗﺼﻠﺖ
ﻟﻮ ﺍﻧﻲ ﻣﺮﺍﺡ ﺍﺩﻭﻣﻠﻲ ﺍﻟﻔﺮﺣﻪ .. ﺃﺧﺬﺕ ﻋﺒﺎﺗﻲ ﻭﻧﺰﻟﺖ ﺷﻔﺘﻪ ﻣﻨﺘﻈﺮﻧﻲ ﻫﻮ ﻭﺍﻣﻲ
ﻣﻦ ﻧﺰﻟﺖ ﺭﻓﻊ ﺭﺍﺳﻪ ﺍﻟﻲ ﻭﻳﺒﺎﻭﻋﻠﻲ ﺍﻧﻲ ﺩﺭﺕ ﻭﺟﻬﻲ ﻋﻨﻪ
ﻭﻛﻠﺖ ﺑﻬﺪﻭﺀ : ﺧﻠﺼﺖ ﻳﺎﻟﻪ ﻧﻤﺸﻲ
ﻛﺎﻡ ﻭﻛﺎﻝ : ﻳﺎﻟﻪ ﺧﻞ ﻧﻤﺸﻲ ﻟﻌﺪ
ﺻﻌﺪﺕ ﺑﻠﺴﻴﺎﺭﻩ ﻭﺳﺎﻛﺘﻪ ﺍﺑﺪ ﻣﺎﺣﺠﻲ .. ﻭﺻﻠﺖ ﻟﻠﺒﻴﺖ ﻧﺰﻟﺖ ﺑﺴﺮﻋﻪ
ﺳﻠﻤﺖ ﻋﻠﻴﻬﻦ ﻛﻠﻬﻦ ﻭﺷﻔﺖ ﻳﺎﻗﻮﺕ ﻭﺳﺪﻳﻢ ﻓﺪﻳﺘﻬﻦ ﺷﻜﺪ ﻣﺸﺘﺎﻗﺘﻠﻬﻦ ﻇﻠﻴﻨﻪ ﻧﺴﻮﻟﻔﻒ
ﻭﺑﻌﺪﻳﻦ ﺳﺎﻋﺪﻧﺎﻫﻢ ﺑﺲ ﻳﺎﻗﻮﺕ ﺧﻠﻴﻨﺎﻫﺎ ﺗﻜﻌﺪ ﻻﻥ ﻫﻴﺎ ﺍﻟﻌﺰﻳﻤﻪ ﺍﻟﻬﻢ
ﺷﻮﻱ ﻭﺩﺧﻞ ﺃﻳﺎﺱ ﻭﻣﺮﻭﺍﻥ ﻭﻏﺴﺎﻥ ﻳﻨﻜﻠﻮﻥ ﺑﺎﻻﻛﻞ
ﺍﺷﻮ ﻫﺎﻱ ﻣﻬﺎ ﺷﺎﻓﺖ ﺃﻳﺎﺱ ﻭﺭﺍﺣﺖ ﺭﻛﺾ ﺍﻟﻪ
ﻇﻠﺖ ﺗﺴﻮﻟﻒ ﻭﺗﻀﺤﻚ ﻭﻳﺎﻫﺎ ﻭﺍﻻﺥ ﻓﺮﺣﺎﻥ ﻳﻜﻮﻝ ﻣﺎﻣﺼﺪﻙ ﻭﻳﺴﻮﻟﻒ ﻭﻳﺎﻫﺎ
ﺷﻮﻱ ﻭﺑﺎﻭﻋﻠﻲ ﺍﻧﻲ ﺧﺰﺭﺗﻪ ﻭﻫﻮ ﺭﻓﻌﻠﻲ ﺣﺎﺟﺒﻪ ﻭﺭﺟﻊ ﺑﺎﻭﻉ
ﻳﺎﺍ ﺷﻨﻮ ﻫﺬﺍ ﻳﻌﺎﻧﺪﻧﻲ ﻋﻮﻭﺩ ﻣﺎﺷﻲ ﻳﺎ ﺍﺳﺘﺎﺫ ﺃﻳﺎﺱ
ﺭﺣﺖ ﻳﻢ ﻏﺴﺎﻥ ﻭﺍﺑﺘﺴﻤﺖ : ﻫﻼ ﻏﺴﺎﻥ ﺷﻠﻮﻧﻚ
ﺑﺎﻭﻋﻠﻲ ﻭﺍﺑﺘﺴﻢ : ﻳﺎﻫﻼ ﺑﺴﺖ ﻭﺭﻭﺩ ﺷﻨﻮ ﻋﻴﻨﻲ ﻛﻤﻨﻪ ﻣﺎﻧﺸﻮﻓﺞ ﻣﻦ ﺯﻭﺟﺘﻲ
: ﻫﻬﻬﻪ ﺷﺴﻮﻱ ﻣﺸﺎﻏﻞ ﺍﻟﺪﻧﻴﺎ
ﺿﺮﺑﻨﻲ ﺑﺨﻔﻪ ﻋﻠﻰ ﻛﺘﻔﻲ : ﻏﻴﺮ ﺗﺴﻜﺖ ﺭﺋﻴﺴﺔ ﺍﻟﻮﺯﺭﺍﺀ
ﺣﺠﻴﺖ ﺑﺜﻘﻪ : ﺍﻱ ﺷﻌﺒﺎﻟﻚ ﺍﺻﻼ ﺍﻟﻤﺼﺎﻧﻊ ﻭﺍﻻﻋﻤﺎﻝ ﺗﻮﻗﻔﺖ ﺍﻟﻴﻮﻡ ﻣﻦ ﺟﻴﺖ ﻫﺴﻪ
ﺿﺮﺑﻨﻲ ﻋﻠﻰ ﺭﺍﺳﻲ ﻭﺍﻧﻲ ﻟﺰﻣﺖ ﺍﻳﺪﻩ ﺍﺭﻳﺪ ﺍﻭﺧﺮﻩ ﻫﺎﻱ ﻫﻴﺞ ﺷﻘﺎﻱ ﻭﻱ ﻏﺴﺎﻥ ﻣﻴﺎﻧﻪ ﻭﻳﺎﻩ ﻋﺎﺩﻱ
ﻭﻣﺎﺣﺲ ﺍﻻ ﺃﻳﺎﺱ ﺣﺠﻪ ﺑﺼﻮﺕ : ﻫﺎﺍﻱ ﺷﻨﻮﻭ
ﺑﺎﻭﻋﻨﺎﻟﻪ ﺑﺄﺳﺘﻐﺮﺍﺏ ﻏﺴﺎﻥ ﻛﺎﻝ : ﺷﻨﻮ ﺷﺒﻴﻚ
: ﺷﻨﻮ ﻫﺬﺍ ﺍﻟﻌﺐ ﻛﺎﻓﻲ ﻭﺍﻟﻨﺎﺱ ﺗﻨﺘﻈﺮﻧﻪ ﻳﺎﻟﻪ ﺍﺧﺬﻭ ﺍﻻﻛﻞ
ﺻﺪﻙ ﻛﺎﻣﻮ ﻳﻨﻜﻠﻮﻥ ﺑﺎﻻﻛﻞ .. ﺑﺎﻭﻋﺖ ﻋﻠﻰ ﺃﻳﺎﺱ ﺧﺰﺭﻧﻲ ﻭﻛﺎﻝ ﺑﻬﺪﻭﺀ؛ﺗﻌﺎﻱ ﻭﺭﻭﺩ
ﻃﻠﻊ ﻭﺍﻧﻲ ﺭﺣﺖ ﻭﺭﺍﻩ ﻣﺎﺣﺲ ﺍﻻ ﺍﻳﺪ ﺳﺤﺒﺘﻨﻲ ﻋﻠﻴﻪ
ﺑﺎﻭﻋﺘﻠﻪ ﺑﺘﻔﺎﺟﺊ : ﺷﺒﻴﻚ ﺃﻳﺎﺱ
ﺣﺠﻪ ﺑﻌﺼﺒﻴﻪ : ﻫﺎﻱ ﺷﻨﻮ ﺍﻟﻲ ﺷﻔﺘﻪ ﻣﺴﺎﻉ ﺷﻠﻮﻥ ﺗﺨﻠﻴﻨﻪ ﻳﻠﺰﻡ ﺍﻳﺪﺝ ﻫﺎﺍﺍ
: ﻋﺎﺩﻱ ﻭﺷﺒﻴﻪ ﺗﺮﻯ ﺍﺣﻨﻪ ﻫﺬﺍ ﺷﻘﺎﻧﻪ
: ﻫﺎﻱ ﻣﻦ ﺟﻨﺘﻲ ﺑﻴﺖ ﺍﻫﻠﺞ ﺍﻣﺎ ﻫﺴﻪ ﺯﻭﺟﺘﻲ ﻣﺎﻳﺼﻴﺮ ﻫﻴﺞ ﺗﺴﻮﻳﻦ ﻭﻳﺎﻩ
ﺭﻓﻌﺖ ﺣﺎﺟﺒﻲ ﺍﻟﻪ : ﻟﻌﺪ ﻣﺎﻛﻠﺖ ﻟﻨﻔﺴﻚ ﻣﻦ ﻇﻠﻴﺖ ﺗﺴﻮﻟﻒ ﻭﺗﻀﺤﻚ ﻭﻱ ﻣﻬﺎ ﻭﻣﺎﻣﻬﺘﻢ ﻟﻮﺟﻮﺩﻧﻪ ﻣﺎﺧﺬ ﺭﺍﺣﺘﻚ
ﻭﻣﻦ ﺷﻔﺘﻨﻲ ﻭﻱ ﻏﺴﺎﻥ ﻫﻴﺞ ﻋﺼﺒﺖ ﺧﻠﺺ ﻭﺣﺪﻩ ﺑﻮﺣﺪﻩ
ﺑﺎﻭﻋﻠﻲ ﻭﺍﺑﺘﺴﻢ : ﺷﻨﻮ ﻏﻴﺮﺍﻧﻪ
: ﻋﺸﺘﻮ ﻭﻋﻠﻴﺶ ﺍﻏﺎﺭ ﺑﺲ ﻫﻴﺞ ﻭﺟﻬﺔ ﻧﻈﺮ ﻻﻥ ﻣﺎﻳﺤﻖ ﺍﻟﻚ ﺗﻌﺼﺐ ﻋﻠﻴﻪ ﻭﺗﺸﻮﻓﻨﻲ ﺍﻧﻲ ﻏﻠﻄﺎﻧﻪ ﻭﺍﻧﺖ ﺍﻟﺼﺢ
: ﻣﺎﺷﻲ ﺑﺲ ﺩﻳﺮﻱ ﺑﺎﻟﺞ ﺗﻌﻴﺪﻳﻨﻬﺎ ﻭﺍﻟﻠﻪ ﺍﻣﻮﺗﺞ
: ﻭﺍﻧﺖ ﻫﻢ ﻻ ﺗﻌﻴﺪﻫﺎ ﻭﺗﺤﺠﻲ ﻭﻳﺎﻫﺎ
: ﻫﻬﻬﻬﻪ ﻫﺴﻪ ﺍﻟﻲ ﻳﻜﻮﻝ ﻋﻨﺞ ﺍﻧﺘﻲ ﺗﺤﺒﻴﻨﻲ ﻭﺗﻐﺎﺭﻳﻦ ﻋﻠﻴﻪ
ﻛﺎﻓﻲ ﺗﻤﺜﻠﻴﻦ ﻋﻠﻰ ﻧﻔﺴﺞ ﻭﺗﺴﻮﻳﻦ ﻫﻴﺞبيج قصص عراقيه حقيقيه من واقعنا.روعه الطائي
ﺻﻔﻨﺖ ﻋﻠﻰ ﻛﻼﻣﻪ ﻭﻛﺘﻠﻪ : ﻟﻌﺪ ﻫﺴﻪ ﺍﻧﺖ ﺍﻟﻲ ﺗﺤﺒﻨﻲ ﻭﺗﻐﺎﺭ ﻋﻠﻴﻪ ﻣﻦ ﺷﻔﺘﻨﻲ ﻫﻴﺞ ﻭﻱ ﻏﺴﺎﻥ
ﺍﻗﺘﺮﺏ ﻣﻦ ﻳﻤﻲ ﻭﻫﻤﺲ ﻳﻢ ﺃﺫﻧﻲ : ﻭﻟﺞ ﺷﻠﻮﻥ ﻣﺎﻏﺎﺭ ﻋﻠﻴﺞ ﺗﺮﻯ ﺍﻧﺘﻲ ﻣﺮﺗﻲ ﻭﺣﺘﻠﻮ ﻣﺎﺣﺒﺞ
ﺭﻓﻊ ﺭﺍﺳﻪ ﻋﻠﻴﻪ ﻭﺍﺑﺘﺴﻢ ﻭﻋﺎﻓﻨﻲ ﻭﻣﺸﻪ .. ﻛﺴﺮﻧﻲ ﻣﻦ ﻛﺎﻝ ﻣﺎﺣﺒﺞ
: ﺷﺘﺘﻮﻗﻌﻴﻦ ﻭﺭﻭﺩ ﺭﺍﺡ ﻳﺤﺒﺞ ﺍﻟﺞ ﻭﺍﻧﺘﻲ ﺣﺘﻰ ﻃﺤﺘﻲ ﻣﻦ ﻋﻴﻨﻪ
ﻣﺸﻴﺖ ﻟﻠﻤﻄﺒﺦ ﻭﺍﺷﻮﻑ ﺃﻳﺎﺱ ﻳﺴﻮﻟﻒ ﻭﻱ ﻣﻬﺎ ﺑﺎﻭﻋﻠﻲ ﻭﻏﻤﺰﻟﻲ
ﺍﻧﺼﺪﻣﺖ ﻣﻨﻪ ﻋﺼﺒﺖ ﻛﻠﺶ ﻳﻌﻨﻲ ﻫﺎﻱ ﻳﺴﻮﻳﻪ ﻋﻨﺎﺩ
ﻣﺎﺍﺷﻲ ﺍﺳﺘﺎﺫ ﺃﻳﺎﺱ ﻭﺷﺴﻮﻳﻠﻚ ﻣﺜﻞ ﻣﺎﺍﻧﺖ ﻣﺎﻣﻬﺘﻤﻠﻲ ﺍﻧﻲ ﻫﻢ ﻣﺮﺍﺡ ﺍﻫﺘﻤﻠﻚ
ﻃﻠﻌﺖ ﻣﻦ ﺍﻟﻤﻄﺒﺦ ﻭﺍﻧﻲ ﻓﺎﻳﺮﻩ ﻭﻣﻌﺼﺒﻪ ﻣﻨﻪ ..
.............
ﻳﺎﻗﻮﺕ / ﺻﺪﻙ ﻣﻦ ﻫﺬﺍﻙ ﺍﻟﻴﻮﻡ ﺍﻟﻲ ﺗﻘﺎﺑﻠﻨﻪ ﺑﻴﻪ ﺍﻧﻲ ﻭﺿﺮﻏﺎﻡ ﺗﻐﻴﺮﺕ ﻣﻌﺎﻣﻠﺘﻪ ﻭﻳﺎﻱ
ﺗﻐﻴﺮﺕ ﻣﻌﺎﻣﻠﺘﻪ ﺍﻟﻰ ١٨٠ ﺩﺭﺟﻪ ﺍﻧﺼﺪﻣﺖ ﻛﻠﺖ ﻣﻌﻘﻮﻟﻪ ﻫﺬﺍ ﺿﺮﻏﺎﻡ ﻣﺴﺘﺤﻴﻞ ﻭﺍﻟﻠﻪ
ﻟﻮ ﺍﻋﺮﻑ ﺟﺎﻥ ﺍﺗﺼﻠﺖ ﻋﻠﻴﻪ ﻣﻦ ﺯﻣﺎﻥ ﻭﻋﺎﺗﺒﺘﻪ
ﻇﻞ ﻳﻮﻣﻴﻪ ﻳﺮﺍﺳﻠﻨﻲ ﺍﻛﻌﺪ ﺍﻟﺼﺒﺢ ﺍﻟﻜﺎﻩ ﺩﺍﺯﻟﻲ ﺻﺒﺎﺡ ﺍﻟﺨﻴﺮ ﻭﺑﻠﻴﻞ ﻳﺨﺎﺑﺮﻧﻲ ﻳﻜﻠﻲ ﻣﺎﻋﻨﺪﻱ ﻭﻗﺖ ﺑﺲ ﺑﻠﻴﻞ
ﻭﺍﻧﻲ ﻣﺮﺍﺕ ﺍﺗﺼﻞ ﻭﺍﻃﻤﻦ ﻋﻠﻴﻪ .. ﻭﻣﺮﻩ ﺍﺗﺼﻞ ﻋﻠﻴﻪ ﻭﻛﺎﻟﻲ ﺟﻬﺰﻱ ﻧﻔﺴﺞ ﻧﻄﻠﻊ ﻧﺘﻌﺸﻰ ﺑﺮﻩ
ﻳﻌﻨﻲ ﺻﺮﺍﺣﻪ ﻣﺼﺪﻭﻣﻪ ﻭﻛﻼﻣﻪ ﺣﻠﻮﻭ ﻣﻮ ﻣﺜﻞ ﻗﺒﻞ ﺟﺎﻥ ﺑﺎﺭﺩ ﻭﻳﺎﻱ
ﺑﺲ ﻭﻻ ﻣﺮﻩ ﻛﺎﻟﻲ ﺍﺣﺒﺞ ﻭﺗﻤﻨﻴﺘﻪ ﺍﺳﻤﻌﻪ ﻣﻨﻪ ﺑﺲ ﻳﺎﻟﻪ ﺍﻟﻌﺎﻓﻴﻪ ﺩﺭﺟﺎﺕ
ﺧﻠﻴﻪ ﻫﻴﺞ ﻭﻳﺎﺭﺏ ﻣﺎﻳﺘﻐﻴﺮ ﻋﻠﻴﻪ .. ﺍﺗﺼﻞ ﻋﻠﻴﻪ
ﺟﺎﻭﺑﺘﻪ ﻭﺍﻧﻲ ﻣﺒﺘﺴﻪ : ﺍﻟﻮﻭ ﻫﻼ ﺿﺮﻏﺎﻡ
: ﻫﻼ ﻳﺎﻗﻮﺕ ﺷﻠﻮﻧﺞ
ﺍﺑﺘﺴﻤﺖ : ﺯﻳﻨﻪ ﻭﻣﻦ ﺍﺗﺼﻠﺖ ﻋﻠﻴﻪ ﺻﺮﺕ ﺑﺨﻴﺮ
: ﺩﻭﻣﺞ ﻳﺎﺭﺏ ﺑﺨﻴﺮ .. ﺍﻻﻫﻞ ﺷﻠﻮﻧﻬﻢ
: ﺍﻟﺤﻤﺪﻟﻠﻪ ﺑﺨﻴﺮ
: ﻳﺎﻗﻮﺕ
: ﻧﻌﻢ
: ﺑﺎﺟﺮ ﺗﺮﻯ ﻣﻌﺰﻭﻣﻴﻦ ﻋﻠﻰ ﺍﻟﻌﺸﻰ ﻻﻥ ﺍﻫﻠﻲ ﻋﺰﻣﻮ ﺍﻗﺎﺭﺑﻨﻪ ﻋﻠﻤﻮﺩ ﺯﻭﺍﺟﻨﻪ
: ﻣﺎﺷﻲ ﺣﺒﻴﺒﻲ
: ﺍﻣﻢ ﻭﺷﻲ ﺛﺎﻧﻲ ﻻ ﺗﻠﺒﺴﻴﻦ ﻗﺼﻴﺮ ﻭﻻ ﺿﻴﻚ ﻭﻣﻜﻴﺎﺝ ﻃﻮﺥ ﻣﺎﺭﻳﺪ
: ﻳﺎﺍﺍ ﻛﻮﻝ ﺑﻌﺪ ﺍﺟﻲ ﺑﺪﺷﺪﺍﺷﻪ
: ﻭﺍﻟﻠﻪ ﺳﻮﻳﻦ ﻓﻀﻞ ﻃﻮﻝ ﻋﻤﺮﻱ ﻣﺮﺍﺡ ﺍﻧﺴﺎﻩ ﺑﺲ ﻫﻢ ﻃﻠﻌﻴﻦ ﺣﻠﻮﻩ ﺑﻴﻬﺎ .. ﺍﻧﺘﻲ ﻛﻠﺸﻲ ﻋﻠﻴﺞ ﺣﻠﻮﻭ
ﻓﺮﺣﺖ ﻣﻦ ﻛﻼﻣﻪ ﻭﺳﻜﺘﺖ ﻻﻥ ﺧﺠﻠﺖ
: ﺍﻟﻮ ﻳﺎﻗﻮﺕ ﻭﻳﺎﻱ ﺗﺴﻤﻌﻴﻨﻲ
: ﻫﺎﺍ ﺍﻱ ﻭﻳﺎﻙ
: ﺧﻮﺵ ﻟﻌﺪ ﻳﺎﻟﻪ ﺍﻧﻲ ﺍﺳﺘﺄﺫﻥ ﻻﻥ ﺍﺭﻳﺪ ﺍﻧﺎﻡ ﻣﻨﺎﻳﻢ ﻣﻦ ﺍﻟﺼﺒﺢ ﻭﺗﻌﺒﺎﻥ
: ﺍﻭﻭﻙ ﺗﺼﺒﺢ ﻋﻠﻰ ﺧﻴﺮ
: ﻭﺍﻧﺘﻲ ﺑﺨﻴﺮ ﻳﺎﻭﺟﻪ ﺍﻟﺨﻴﺮ
ﻏﻠﻘﺖ ﺍﻟﺨﻂ ﻣﻨﻪ ﻭﺍﻧﻲ ﺍﻛﻤﺰ ﻣﻦ ﺍﻟﻔﺮﺣﻪ ﻭﻣﻦ ﻛﻼﻣﻪ ﻣﻮ ﻣﻌﻘﻮﻟﻪ ﺿﺮﻏﺎﻡ ﻫﺬﺍ ﻟﻮ ﺍﻣﺒﺪﻟﻴﻨﻪ
ﺛﺎﻧﻲ ﻳﻮﻡ ﺻﺎﺭﺕ ﺍﻟﺴﺎﻋﻪ ﺏ٤ ﻭﻧﺺ ﻭﻧﺺ ﻛﻤﺖ ﻟﻐﺮﻓﺘﻲ ﻏﻴﺮﺕ ﻣﻼﺑﺴﻲ
ﻭﻟﺒﺴﺖ ﻓﺴﺘﺎﻥ ﺯﻳﺘﻮﻧﻲ ﻭﺣﺰﺍﻡ ﻣﻦ ﺍﻟﺨﺼﺮ ﻭﺭﻫﻤﺖ ﺷﺎﻝ ﻭﻳﺎﻩ ﻭﺣﺬﺍﺀ ﻛﻌﺐ ﺷﻮﻱ ﻋﺎﻟﻲ
ﺧﻠﻴﺖ ﻛﺤﻠﻪ ﻭﺣﻤﺮﻩ ﻭﺭﺩﻳﻪ .. ﺧﻠﺼﺖ ﻭﻃﻠﻌﻨﻪ
ﻭﺻﻠﻨﻪ ﻟﺒﻴﺖ ﻟﻜﻴﻨﺎﻫﻢ ﻛﻠﻬﻢ ﺟﺎﻳﻴﻦ ﻳﻌﻨﻲ ﺍﺧﺮ ﺷﻲ ﺍﺣﻨﻪ
ﺍﻡ ﺿﺮﻏﺎﻡ : ﻋﻴﻨﻲ ﻟﻴﺶ ﺗﺄﺧﺮﺗﻮ ﻏﻴﺮ ﻫﻴﺎ ﺍﻟﻌﺰﻳﻤﻪ ﺍﻟﻬﻢ ﻭﻻﺯﻡ ﺗﻜﻮﻥ ﺍﻭﻝ ﺍﻟﻤﻮﺟﻮﺩﻳﻦ ﺣﺘﻰ ﻳﺘﻌﺮﻓﻮﻥ ﻋﻠﻴﻪ ﻻﻥ ﺑﻴﻬﻢ ﻣﺎﺷﺎﻳﻔﻴﻨﻪ ﻭﻣﺎﺣﻀﺮﻥ ﺍﻟﺨﻄﻮﺑﻪ
ﺍﺧﺬﺗﻨﻪ ﺣﺎﺻﻞ ﻓﺎﺻﻞ ﺑﻠﻜﻼﻡ ﻳﻌﻨﻲ ﺻﺢ ﻏﻠﻂ ﻣﻦ ﺍﺗﺄﺧﺮﻧﻪ ﺑﺲ ﻣﻮ ﻫﻴﺞ
ﻭﺍﻟﻲ ﺿﻮﺟﻨﻲ ﺍﻣﻲ ﻇﻠﺖ ﺑﺲ ﺗﻌﺘﺬﺭ ﻣﻨﻪ ﻫﺴﻪ ﻋﻠﻴﺶ
ﺭﺣﺖ ﻭﻱ ﺍﻡ ﺿﺮﻏﺎﻡ ﻭﺳﻠﻤﺖ ﻋﻠﻴﻬﻢ ﻛﻠﻬﻢ ﺑﻴﻬﻦ ﺍﻟﻲ ﻳﺒﺘﺴﻢ ﻭﻳﺎﻱ ﻭﺍﻣﺒﻴﻨﺎﺕ ﻃﻴﺒﺎﺕ
ﻭﺑﻴﻬﻦ ﻣﺎﻣﺘﻘﺒﻼﺕ ﻭﺟﻮﺩﻱ ﻭﻳﺴﻠﻤﻦ ﻣﻦ ﻃﺮﻑ ﺧﺸﻤﻬﻦ ﻛﻔﻴﺎﻥ ﺷﺮ
ﻛﻌﺪﺕ ﻳﻢ ﺍﻫﻠﻲ ﻭﻫﻨﺎ ﻳﺴﻮﻟﻔﻦ ﻭﺍﻧﻲ ﺳﺎﻛﺘﻪ ﺑﻌﺪﻳﻦ ﺍﺟﺖ ﻭﺭﻭﺩ ﻭﺭﺣﻨﻪ ﻟﻠﻤﻄﺒﺦ ﺻﺎﺭ ﻭﻗﺖ ﺻﺐ ﺍﻟﻌﺸﻪ
ﻇﻠﻦ ﻳﺼﺒﻦ ﻭﻳﻨﻜﻠﻦ ﺑﺲ ﺍﻧﻲ ﻣﺎﻗﺒﻠﻦ ﻛﺎﻟﻦ ﻫﻴﺎ ﺍﻟﻌﺰﻳﻤﻪ ﺍﻟﺞ
ﻭﺍﺍﺥ ﻣﻦ ﻧﻈﺮﺍﺕ ﺳﻮﺯﺍﻥ ﺍﻟﻲ ﻟﻮ ﻫﻴﺎ ﺷﺨﺺ ﺟﺎﻥ ﻗﺘﻠﺘﻨﻲ
: ﻋﺸﺘﻮ ﻋﻴﻨﻲ ﻣﺎﺗﺠﻲ ﺗﺴﺎﻋﺪ ﻟﻮ ﻋﻮﺩ ﻋﺮﻭﺱ
ﻭﺭﻭﺩ ﻛﺎﻟﺖ : ﺗﻌﺎﻱ ﺍﻧﺘﻲ ﺳﺎﻋﺪﻱ ﺑﻼﻭﻝ ﻳﺎﻟﻪ ﻫﻴﺎ ﺗﺴﺎﻋﺪ
ﻫﻴﺎ ﺳﻜﺘﺖ ﻣﻦ ﻛﺎﻟﻦ ﻫﻴﺞ .. ﺩﺧﻞ ﺿﺮﻏﺎﻡ ﺑﻬﻴﺒﺘﻪ ﺍﻧﻲ ﻇﻠﻴﺖ ﺍﺑﺘﺴﻢ ﻭﺍﺩﺣﻜﻠﻮﻭ ﻓﺪﻳﺘﻮ ﺷﺨﺼﻴﻪ
ﻣﺎﻋﺮﻑ ﺍﻧﻲ ﺍﺷﻮﻓﻮ ﺣﻠﻮ ﻻﻥ ﺍﺣﺒﻮ ﻟﻮ ﻫﻮ ﺍﺻﻼ ﺣﻠﻮ
: ﺍﻟﺴﻼﻡ ﻋﻠﻴﻜﻢ ..
ﺭﺩﻳﻨﻪ ﻛﻠﻨﻪ ﺍﻟﺴﻼﻡ .. ﺍﺑﺘﺴﻤﺖ ﻭﺭﻭﺩ ﻭﻛﺎﻟﺖ : ﻳﻌﻨﻲ ﻣﻦ ﻋﺮﻓﺖ ﻳﺎﻗﻮﺕ ﻫﻨﺎ ﻳﺎﻟﻪ ﺍﺟﻴﺖ ﻟﻠﻤﻄﺒﺦ
ﻫﻴﺎ ﺣﺠﺖ ﻫﻴﺞ ﻭﻫﻮ ﺭﻓﻊ ﺭﺍﺳﻪ ﻭﺩﺣﻜﻠﻲ ﺑﻌﺪﻳﻦ ﺍﺑﺘﺴﻢ
ﺍﻗﺘﺮﺏ ﻋﻠﻴﻪ ﻭﺍﻧﻲ ﻛﻤﺖ ﻣﻦ ﻣﻜﺎﻧﻲ ﻭﻣﺘﻮﺗﺮﻩ
ﺍﻗﺘﺮﺏ ﻣﻨﻲ ﻭﺩﻧﻚ ﻭﺟﻬﻪ ﻭﺑﺎﺱ ﺭﺍﺳﻲ
ﺍﻧﻲ ﻣﺘﺖ ﻣﻦ ﺍﻻﺣﺮﺍﺝ ﻳﺎﺭﺑﻲ ﻣﻮﻛﺪﺍﻣﻬﻦ
ﺩﺣﻜﻠﻲ ﻭﺍﺑﺘﺴﻢ؛ﺷﻠﻮﻧﺞ ﻳﺎﻟﻐﺎﻟﻴﻪ
ﺣﺠﻴﺖ ﺑﺼﻮﺕ ﻧﺎﺻﻲ ﻣﻦ ﺍﻟﺨﺠﻞ : ﺍﻟﺤﻤﺪﻟﻠﻪ
: ﺩﻭﻣﺞ ﻳﺎﺭﺏ
ﻭﺭﻭﺩ ﻛﺎﻟﺖ : ﻋﻴﻨﻲ ﻋﻴﺐ ﻛﺪﺍﻣﻨﻪ ﺗﺮﻯ ﺍﻛﻮ ﺣﺪﺍﻳﻖ ﻫﻨﺎ
ﺿﺤﻜﻦ ﻋﻠﻰ ﻛﻼﻣﻬﻦ ﺣﺠﺖ ﺳﻮﺯﺍﻥ : ﻋﻴﻨﻲ ﺷﻴﺦ ﺷﺪﻋﻮﻩ ﻣﺎﻧﺸﻮﻑ ﻟﻌﺪ ﻣﺎﺗﺴﻠﻢ ﻋﻠﻴﻨﻪ
ﺩﺣﻜﻠﻪ ﻭﻛﺎﻝ ﺑﻬﺪﻭﺀ : ﻣﺎﺍﻧﺘﺒﻬﺖ ﻋﻠﻴﺞ ﺍﻋﺬﺭﻳﻨﻪ
ﺍﺑﺴﺘﻤﺖ ﺑﺄﺳﺘﻬﺰﺍﺀ : ﺷﺪﻋﻮﻩ ﻫﺴﻪ ﻟﻮ ﻧﻜﻮﻝ ﻳﺎﻗﻮﺕ ﺣﻠﻮ ﻭﺗﺨﺒﻞ ﻛﻠﻨﻪ ﻣﻴﺨﺎﻟﻒ ﺍﺷﻮ ﻫﻴﺎ ﻻ ﺟﻤﺎﻝ ﻻ ﺷﻲ
ﺷﻜﺪ ﺍﻧﻘﻬﺮﺕ ﻭﺿﺠﺖ ﻣﻦ ﻛﻼﻣﻪ ﺑﺲ ﺑﺮﺩ ﻛﻠﺒﻲ ﻛﻼﻡ ﺿﺮﻏﺎﻡ : ﻳﺎﻗﻮﺕ ﺍﺣﻠﻰ ﻭﺣﺪﻩ ﺍﺷﻮﻓﻪ ﻫﻨﺎ
ﺭﻓﻌﺖ ﺣﺎﺟﺒﻪ ﺑﻘﻬﺮ ﻭﻛﺎﻟﺖ : ﺍﺷﻮﻭ ﻋﻨﺪﻱ ﻣﻮ ﺣﻠﻮ .
: ﻭﺍﻟﻠﻪ ﻫﺬﺍ ﺍﻟﺸﻲ ﺭﺍﺟﻌﻠﺞ ﺑﺲ ﺍﻧﻲ ﺑﻨﻈﺮﻱ ﺍﺣﻠﻰ ﻭﺣﺪﻩ ﺑﻠﻜﻮﻥ ﻣﻮ ﺑﺲ ﻫﻨﺎ ﻭﺍﻧﺘﻲ ﻣﺎﺗﻜﺪﺭﻳﻦ ﺗﻐﻴﺮﻳﻦ ﺭﺋﻴﻲ
ﻫﻴﺎ ﺳﻤﻌﺖ ﻫﻴﺞ ﻭﻃﻠﻌﺖ ﻣﻦ ﺍﻟﻤﻄﺒﺦ ﻛﺒﻞ ﻭﻣﺒﻴﻨﻪ ﻣﻘﻬﻮﺭﻩ
ﻫﻮ ﻫﻢ ﻣﺸﻪ ﻻﻥ ﺍﺟﻪ ﺣﺘﻰ ﻳﺴﺘﻌﺠﻠﻬﻦ ﻫﻮ ﻣﻨﺎ ﺭﺍﺡ ﻭﺍﻟﺒﻨﺎﺕ ﻇﻠﻦ ﻳﻀﺤﻜﻦ
ﺩﺭﺓ : ﻓﺪﻳﺖ ﺿﺮﻏﺎﻡ ﻭﺍﻟﻠﻪ ﻋﻔﻴﻪ ﻋﻠﻴﻪ ﻣﻦ ﻗﺼﻔﻪ
ﻭﺭﻭﺩ : ﻓﻲ ﻣﻨﺘﺼﻒ ﺍﻟﺠﺒﻬﻪ
ﺟﻮﺭﻱ : ﻋﻴﻨﻲ ﺷﻨﻮ ﻫﺎﻱ ﺍﻟﺮﻭﻣﺎﻧﺴﻴﻪ ﺍﻭﻝ ﻣﺮﻩ ﺍﺷﻮﻑ ﺿﺮﻏﺎﻡ ﻫﻴﺞ
ﻭﻇﻠﻦ ﺍﻟﺒﻨﺎﺕ ﻳﺤﺠﻦ ﻭﻳﺼﻨﻔﻦ ﻋﻠﻰ ﺳﻮﺯﺍﻥ ﻭﻋﻠﻴﻪ
ﺧﻠﺼﻦ ﻣﻦ ﺻﺐ ﺍﻻﻛﻞ ﻟﺰﻟﻢ ﻭ ﻭﺍﺧﺬﻥ ﺳﻔﺮﻩ ﻭﻓﺮﺷﻨﻪ ﺑﻼﺳﺘﻘﺒﺎﻝ ﻭﺻﺒﻦ ﺍﻻﻛﻞ ﻟﻨﺴﻮﺍﻥ ﻛﻠﻬﻦ ﻛﻌﺪﻥ ﻭﻇﻠﻴﻨﻪ ﻧﺎﻛﻞ
ﻭﺍﻟﺠﺪﻩ ﻛﻠﺴﺎﻉ ﺣﺎﻃﻪ ﺍﻛﻞ ﺍﻟﻲ ﻭﺍﺗﻜﻠﻲ : ﻛﻠﻲ ﻳﻤﻪ ﺣﺘﻰ ﺗﺴﻤﻨﻴﻦ ﻭﺗﺼﻴﺮﻳﻦ ﻣﺮﺑﺮﺑﻪ .. ﺣﺘﻰ ﺍﺑﻨﻲ ﺿﺮﻏﺎﻡ ﻳﺪﻓﻪ ﺑﺤﻀﻨﺞ
ﻳﻤﺎ ﻳﺎﻛﺎﻉ ﺍﻧﺸﻜﻲ ﻭﺑﻠﻌﻴﻨﻲ .. ﺍﻟﺒﻨﺎﺕ ﻛﻠﻬﻦ ﻛﺎﻣﻦ ﻳﻀﺤﻜﻦ
ﺟﻮﺭﻱ : ﺣﺒﻮﺑﻪ ﻋﻠﻰ ﻛﻴﻔﺞ ﻭﻱ ﺍﻟﺒﻨﻴﻪ ﺷﻮﻓﻲ ﺧﻄﻴﻪ ﻭﺟﻬﻪ ﺷﻠﻮﻥ ﺍﺣﻤﺮ ﻣﻦ ﺍﻻﺣﺮﺍﺝ ﺻﺎﺭ
: ﻳﺎﺍﺍﺍ ﺟﺎ ﺍﻧﻲ ﻫﺴﻪ ﺷﻜﻠﺖ ﺣﺘﻰ ﺗﻨﺤﺮﺝ
ﻭﺭﻭﺩ : ﻻ ﺣﺒﻮﺑﻪ ﺍﺑﺪ ﻣﺎﻛﻠﺘﻲ ﺷﻲ ﺳﻼﻣﺘﺞ ﻫﻬﻬﻬﻪ
ﻛﻤﺖ ﻣﻦ ﻣﻜﺎﻧﻲ ﻭﺍﻧﻲ ﻣﻴﺘﻪ ﺍﺣﺮﺍﺝ
ﺍﻟﺠﺪﻩ : ﻫﺎ ﻳﻤﻪ ﺷﻮ ﻛﻤﺘﻲ
: ﺷﺒﻌﺖ ﺟﺪﻩ
: ﻫﻮ ﺍﻧﺘﻲ ﺷﻜﻠﺘﻲ ﺣﺘﻰ ﺗﻜﻮﻟﻴﻦ ﺷﺒﻌﺖ
ﻭﺭﻭﺩ : ﻛﻠﻪ ﻣﻨﺞ
ﻋﻔﺘﻬﻢ ﻣﺸﻴﺖ ﺍﻏﺴﻞ ﺍﻳﺪﻱ ﻭﺭﺣﺖ ﺭﺟﻌﺖ ﻛﻌﺪﺕ ﻳﻤﻬﻦ
ﺷﻮﻭﻱ ﻭﺍﺟﻪ ﻃﻔﻞ ﺍﺷﺮﻟﻲ ﺍﻧﻮ ﺍﺩﻧﻜﻠﻪ ﺩﻧﻜﺖ ﺭﺍﺳﻲ ﺍﻟﻪ
ﻭﺍﺟﻪ ﻫﻮ ﻭﻫﻤﺲ ﺑﺄﺫﻧﻲ ﻭﻛﺎﻝ : ﻋﻤﻮ ﺿﺮﻏﺎﻡ ﻳﺮﻳﺪﺝ ﺑﺮﻩ ﻳﻜﻮﻝ ﺧﻞ ﺗﺠﻲ
ﺩﺣﻜﺘﻠﻪ ﻣﺴﺘﻐﺮﺑﻪ ﺷﻴﺮﻳﺪ ﺿﺮﻏﺎﻡ ﻭﻟﻴﺶ ﺍﻟﻪ ﺑﺮﻩ ﻭﻫﺴﺎﻉ ﺍﻧﻲ ﺷﻔﺘﻪ
ﺷﻨﻮ ﺍﺷﺘﺎﻗﻠﻲ .. ﺍﺑﺘﺴﻤﺖ ﻭﻛﻤﺖ ﻣﻦ ﻣﻜﺎﻧﻲ
ﺭﺣﺖ ﻳﻢ ﺍﻟﻤﺮﺍﻳﻪ ﻋﺪﻟﺖ ﺭﻭﺣﻲ ﻭﻟﻔﻴﺖ ﺍﻟﺸﺎﻝ
ﻃﻠﻌﺖ ﺑﺮﻩ ﺍﻟﺪﻧﻴﺎ ﻇﻠﻤﻪ ... ﻭﺻﻠﺖ ﻳﻢ ﺍﻟﺤﺪﻳﻘﻪ ﻭﻣﺎﺷﻔﺖ ﺍﻱ ﺍﺣﺪ
: ﻭﻳﻦ ﺿﺮﻏﺎﻡ ﻣﻮ ﻋﻠﻰ ﺍﺳﺎﺱ ﻣﻨﺘﻈﺮﻧﻲ
ﺷﻮﻱ ﻭﻣﺎﺣﺲ ﺍﻻ ﺍﻳﺪ ﺣﺎﻭﻃﺖ ﺧﺼﺮﻱ ﻭﺣﻈﻨﺘﻨﻲ ﻣﻦ ﻭﺭﻩ ﻇﻬﺮﻱ
ﺧﻠﻪ ﺭﺍﺳﻪ ﻋﻠﻰ ﻛﺘﻔﻲ .. ﺍﻭﻝ ﺷﻲ ﺍﻧﺼﺪﻣﺖ ﺍﻧﻲ ﻭﺑﻌﺪﻳﻦ ﻋﺮﻓﺘﻪ ﺿﺮﻏﺎﻡ
ﺍﺑﺘﺴﻤﺖ ﺑﺨﺠﻞ : ﺿﺮﻏﺎﻡ ﻭﺧﺮ ﻋﻔﻴﻪ ﻻ ﻳﺸﻮﻓﻨﻪ ﺍﺣﺪ
: ﻣﺸﺘﺎﻗﻠﺞ ﺣﻴﺎﺗﻲ
ﻟﺤﻈﻪ ﻫﺬﺍ ﻣﻮ ﺻﻮﺕ ﺿﺮﻏﺎﻡ .. ﺷﺨﺺ ﺍﻭﻝ ﻣﺮﻩ ﺍﺳﻤﻊ ﺻﻮﺗﻮ ..
ﺑﻌﺪﺕ ﻧﻔﺴﻲ ﻋﻨﻪ ﺑﻘﻮﻭﻩ ﺩﺭﺕ ﻭﺟﻬﻲ ﻭﺍﻧﺼﺪﻣﺖ ﻣﻦ ﺍﻟﻲ ﺷﻔﺘﻮﻭ
ﺷﺨﺺ ﻏﺮﻳﺐ ﻭﻣﻠﺜﻢ ﺑﺸﻤﺎﻍ ﻣﺎﻳﺒﻴﻦ ﺷﻲ ﻣﻨﻮﻭ
ﺣﺠﻴﺖ ﺑﺨﻮﻭﻑ ﻭﻛﻠﺒﻲ ﻳﺪﻙ ﺑﺴﺮﻋﻪ : ﻣﻨﻮ ﺍﻧﺖ
ﺍﻗﺘﺮﺏ ﻣﻨﻲ ﻭﻛﺎﻝ : ﻳﺎﻗﻮﺕ ﺣﺒﻲ ﺷﺒﻴﺞبيج قصص عراقيه حقيقيه من واقعنا.روعه الطائي
ﺍﺑﺘﻌﺪ ﻭﻛﻠﺖ : ﻭﺧﺮ ﻻ ﺗﻘﺘﺮﺏ ..
ﺭﺩﺕ ﺍﺷﺮﺩ ﺑﺲ ﻫﻮ ﺟﺮﻧﻲ ﺍﻟﻪ ﻭﺣﻈﻨﻲ ﻭﻭﺧﺮ ﺍﻟﺸﺎﻝ ﻣﻦ ﺭﺍﺳﻲ
ﺩﻣﻮﻋﻲ ﻛﺎﻣﻦ ﻳﻨﺰﻟﻦ ﺑﻘﻮﻭﻩ .. ﺧﺎﻳﻔﻪ ﻣﻨﻪ ﻭﺧﺎﻳﻔﻪ ﻻ ﺍﺣﺪ ﻳﺠﻲ ﻭﻳﺸﻮﻓﻨﻪ ﺑﻬﺬﺍ ﺍﻟﻮﺿﻊ
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻩ ﺍﺭﻳﺪ ﺍﺑﻌﺪﻩ : ﻭﺧﺮ ﻛﺘﻠﻚ ﺣﻘﻴﺮ ﻻ ﺗﻠﻤﺴﻨﻲ
ﻣﺎﺳﻤﻊ ﺍﻻ ﺻﻮﺕ ﺿﺮﻏﺎﻡ ﺍﻟﻴﺮﻋﺪ : ﻳﺎﺍﺍﻗﻮﺕ
ﻓﺘﺤﺖ ﻋﻴﻨﻲ ﺑﺼﺪﻣﻪ .. ﻭﻫﺬﺍ ﻣﻦ ﺳﻤﻊ ﺻﻮﺗﻪ ﺩﻓﻌﻨﻲ ﺑﻘﻮﻭﻩ ﺭﺩﺕ ﺍﻭﻛﻊ ﻣﻦ ﺍﻟﺼﺪﻣﻪ
ﺍﺩﺣﻚ ﻋﻠﻰ ﺍﻟﻮﻟﺪ ﺭﻛﺾ ﺑﺴﺮﻋﻪ ﻭﻫﻮ ﺿﻌﻴﻒ ﺭﺍﺡ ﻃﻔﺮ ﺍﻟﺤﺎﻳﻂ ﻭﺷﺮﺩ ﻭﻣﺎﺣﺲ ﺍﻻ ﺿﺮﻏﺎﻡ ﺻﺎﺭ ﻭﺭﺍﻩ ﻳﺮﻛﺾ
ﻳﺮﻳﺪ ﻳﻤﺴﻜﻪ .. ﻭﺍﻧﻲ ﺑﻌﺪﻧﻲ ﺑﻤﻜﺎﻧﻲ ﺟﺴﻤﻲ ﻳﺮﺟﻒ ﻣﻦ ﺍﻟﺨﻮﻭﻑ ﻭﺩﻣﻮﻋﻲ ﺗﻨﺰﻝ
ﻻ ﻳﺎﺭﺑﻲ ﺩﺧﻴﻠﻚ ﻛﻠﺸﻲ ﻭﻻ ﺿﺮﻏﺎﻡ ﻳﺸﻮﻓﻨﻲ ﻫﻴﺞ
ﺷﺮﺍﺡ ﻳﺴﻮﻱ ﻫﺴﻪ ﺑﻴﻪ ﻇﻠﻴﺖ ﺍﺭﺟﻒ ﻭﺷﻔﺎﻳﻔﻲ ﻳﺮﺟﻔﻦ ﻣﻦ ﺍﻟﺨﻮﻑ ﻭﺍﻟﺒﺮﺩ
ﺷﻮﻱ ﻭﻣﺎﺣﺲ ﺍﻻ ﺿﺮﻏﺎﻡ ﺍﺟﻪ ﺑﺄﺗﺠﺎﻫﻲ ﻭﻋﻴﻮﻧﻪ ﻭﻭﺟﻬﻮ ﺻﺎﻳﺮﺍﺕ ﺣﻤﺮ ﻣﻦ ﺍﻟﻌﺼﺒﻴﻪ
ﺍﻗﺘﺮﺏ ﻣﻨﻲ ﻭﺍﺷﻮﻑ ﺩﻣﺎﺭﺍﺕ ﺭﻛﺒﺘﻪ ﺑﺎﺭﺯﺍﺕ .. ﺩﻧﻚ ﻭﺍﺧﺬ ﺍﻟﺸﺎﻝ ﻭﺷﻤﺮﻩ ﻋﻠﻰ ﻭﺟﻬﻲ
ﻭﻛﺎﻝ ﻫﻮ ﻳﺰﻛﺢ : ﺍﻟﺒﺴﻴﻪ ﻳﺎﻟﻪ
ﻟﺒﺴﺘﻪ ﺑﺴﺮﻋﻪ ﺷﻠﻮﻥ ﻣﺎﺟﺎﻥ ﻭﺍﺑﺎﻭﻋﻠﻪ ﺣﺠﻴﺖ ﺑﺼﻮﺕ ﻳﺮﺟﻒ ﻣﻦ ﺍﻟﺨﻮﻑ : ﺿﺮﻏﺎﻡ ﻓﺪﻭﻭﻩ
ﻛﻤﺰﺕ ﻣﻦ ﺻﻴﺎﺣﻪ : ﻣﺎﺭﻳﺪ ﺍﺳﻤﻊ ﺻﻮﺗﺞ ﻫﺴﻪ ﺩﻗﻴﻘﻪ ﻣﺎﺭﻳﺪ ﺍﺷﻮﻑ ﺧﻴﺎﻟﺞ ﻳﻤﻲ .. ﻛﺒﻞ ﺗﺼﻌﺪﻳﻦ ﻓﻮﻭﻙ ﻟﻐﺮﻓﺘﻲ
ﺩﻣﻮﻋﻲ ﺗﻨﺰﻝ : ﺿﺮﻏﺎﻡ
: ﻛﺘﻠﺞ ﺭﻭﻭﺣﻲ
ﺩﺭﺕ ﻭﺟﻬﻲ ﻋﻨﻪ ﻭﺧﺎﻳﻔﻪ .. ﻗﺒﻞ ﻻ ﺍﻭﺻﻞ ﻟﻠﻤﻄﺒﺦ ﻣﺴﺤﺖ ﺩﻣﻮﻋﻲ ﻭﻋﺪﻟﺖ ﺷﻜﻠﻲ ﺗﺎ ﻻ ﺍﺣﺪ ﻳﺸﻮﻓﻨﻲ
ﻣﺎﻟﻜﻴﺖ ﺍﺣﺪ ﺑﻠﻤﻄﺒﺦ ﻭﺭﺣﺖ ﺻﻌﺪﺕ ﻛﺒﻞ ﻓﻮﻭﻙ
ﺩﺧﻠﺖ ﻟﻐﺮﻓﺘﻪ ﻭﺳﺪﻳﺖ ﺍﻟﺒﺎﺏ ﻭﺭﺍﻱ ﻭﻇﻠﻴﺖ ﺍﻓﺘﺮ ﺑﻠﻐﺮﻓﻪ
ﺧﺎﻳﻔﻪ : ﺩﺧﻴﻠﻚ ﻳﺎﺭﺑﻲ ﺑﺮﺩ ﻛﻠﺐ ﺿﺮﻏﺎﻡ
ﻣﻴﺘﻪ ﺧﻮﻑ ﻻ ﻳﺴﻮﻱ ﺷﻲ ..
................
ﺿﺮﻏﺎﻡ / ﻣﻦ ﺧﻄﺒﺘﻪ ﺟﺎﻥ ﻛﻞ ﻓﻜﺮﻱ ﻋﻠﻤﻮﺩ ﺳﺮﺍﺝ ﻭﺑﺲ ﻭﻫﻢ ﻣﺎﺭﻳﺪ ﺍﺿﻠﻤﻪ
ﻭﻣﻦ ﺻﺎﺭ ﺍﻟﻌﻘﺪ ﻭﺩﺧﻠﺖ ﺣﺘﻰ ﺍﻟﺒﺴﻪ ﺍﻟﺬﻫﺐ ﻛﻠﺖ ﺧﻄﻴﻪ ﻛﻞ ﺑﻴﻨﻪ ﺣﻠﻤﻪ ﺑﻬﺬﺍ ﺍﻟﺸﻲ ﻓﺎ ﺧﻞ ﺍﺩﺧﻞ
ﻭﻣﻦ ﺷﻔﺘﻪ ﻛﻠﺖ ﺻﻮﺟﻲ ﺩﺧﻠﺖ ﺧﻞ ﻫﻴﺎ ﺗﻠﺒﺲ ﺍﻟﺬﻫﺐ ﻭﺣﺪﻩ
ﺷﺎﻳﻠﻪ ﺟﻤﺎﻝ ﻋﻠﻴﻪ ﻭﻻ ﻻﺑﺴﻪ ﻟﺒﺲ ﻣﻄﻠﻊ ﺯﻭﻧﺪﻩ ﻭﺭﺟﻴﻠﻪ ﻭﻫﻨﺎ ﺑﻴﺾ ﺟﻨﻬﻦ ﻛﻴﻤﺮ
ﺑﺲ ﻋﺼﺒﺖ ﻭﺍﺣﺲ ﺷﻲ ﺍﺷﺘﻌﻞ ﺑﺪﺍﺧﻠﻲ ﻣﻦ ﺷﻔﺖ ﺍﻟﻨﺴﻮﺍﻥ ﺗﺒﺎﻭﻉ ﻋﻠﻴﻪ ﻭﺗﺸﻮﻓﻪ
ﻭﺷﻲ ﺍﻛﻴﺪ ﻳﺮﺣﻦ ﻻﻫﻠﻬﻦ ﻭﻳﺴﻮﻟﻔﻦ ﻋﻨﻪ ﻭﻛﺪﺍﻡ ﺯﻟﻤﻬﻦ ﻫﻨﺎ ﻋﺼﺒﺖ
ﻭﻃﻠﺒﺖ ﻣﻦ ﻭﺭﻭﺩ ﺍﺗﺠﻴﺐ ﺷﻲ ﻳﻐﻄﻴﻬﺎ ﻭﺻﺪﻙ ﻏﻄﺘﻪ ﺑﺲ ﺑﻘﻪ ﺻﺪﺭﻩ ﻃﺎﻟﻊ ﻓﺎ ﻟﻔﻴﺖ ﺍﻟﻘﻤﺎﺵ ﻋﻠﻴﻪ
ﻭﺑﻘﺖ ﺍﻟﻄﺮﻛﺎﻋﻪ ﺭﺟﻠﻪ ﺑﺲ ﺷﺴﻮﻱ
ﻋﻔﺘﻬﻦ ﻭﻣﺸﻴﺖ ﻭﺧﻠﺼﺖ ﺍﻟﺤﻔﻠﻪ ﻭﻣﺮﺕ ﺍﻳﺎﻡ ﻭﺍﻧﻲ ﻣﺎﺗﺼﻠﺖ ﻋﻠﻴﻪ ﺍﻻ ﺷﻜﻢ ﻣﺮﻩ
ﻭﻫﻢ ﻗﻠﻴﻞ ﻛﻼﻣﻲ ﻭﻳﺎﻫﺎ ﻣﺎﺭﻳﺪ ﺍﺭﺍﺳﻞ ﻭﺍﺗﺼﻞ ﺑﻴﻪ
ﻭﻫﻢ ﺷﻔﺘﻪ ﺑﺲ ﻣﻦ ﺭﺣﻨﻪ ﻟﻠﻤﺤﻜﻤﻪ
ﻣﺮﻩ ﺍﺗﺼﻠﺖ ﻋﻠﻴﻪ ﻫﻴﺎ ﺍﺳﺘﻐﺮﺑﺖ ﻣﻨﻪ ﻛﺘﻠﻪ ﺭﺍﻳﺪﻩ ﺷﻲ
ﺍﺷﻮ ﻫﺎﻱ ﻇﻠﺖ ﺗﺒﺠﻲ ﻭﻣﺎﻣﻔﺘﻬﻢ ﻣﻨﻪ ﺍﻟﺴﺎﻟﻔﻪ ﻭﺗﻌﺎﺗﺐ ﺑﻴﻪ
ﻭﺳﺪﺗﻪ ﺑﻮﺟﻬﻲ ﻇﻠﻴﺖ ﺻﺎﻓﻦ ﻛﻠﺖ ﻫﺎﻱ ﺷﺒﻴﻪ
ﻛﻤﺖ ﺑﺴﺮﻋﻪ ﻟﺒﺴﺖ ﺩﺷﺪﺍﺷﻪ ﻛﻠﺸﻲ ﺟﺎﻥ ﻭﺭﺣﺖ ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﺍﺧﻮﻩ ﻛﺘﻠﻪ ﺻﻴﺤﻪ ﺍﻟﻲ ﺭﺍﺩ ﻣﻨﻲ ﺍﺩﺧﻞ ﺑﺲ ﺍﻧﻲ ﻣﺎﻗﺒﻠﺖ
noorhaidar18
ﻣﺘﺖ ﻣﻦ ﺍﻟﺒﺮﺩ ﺑﺲ ﺍﺭﻳﺪ ﺍﻓﺘﻬﻢ ﺳﺎﻟﻔﺘﻪ .. ﺍﺟﺖ ﻫﻴﺎ ﻭﻻﺑﺴﻪ ﺗﺮﺍﻙ ﻭﺷﻌﺮﻩ ﻧﺎﺯﻝ
ﺷﻜﻠﻪ ﻳﺠﺬﺏ .. ﻇﻠﻴﺖ ﺍﺳﺌﻞ ﺑﻴﻪ ﻫﻴﺎ ﺗﺒﺠﻲ
ﺍﺧﺮ ﺷﻲ ﻛﺎﻟﺖ ﻻ ﺗﺴﺌﻞ ﻋﻠﻴﻪ ﻳﻜﻮﻝ ﺍﻧﻲ ﻣﻮ ﻣﺮﺗﻚ ﺍﺭﻳﺪ ﺍﻫﺘﻤﺎﻡ ﻣﻨﻚ
ﺻﺪﻣﻨﻲ ﻛﻼﻣﻪ ﻭﻫﺬﺍ ﺍﻟﺸﻲ ﺣﻘﻪ ﻃﺒﻌﺎ .. ﻭﺑﻬﺎﻱ ﺍﻟﺤﻈﻪ ﻋﺮﻓﺖ ﺍﻧﻲ ﻇﻠﻤﺖ ﺍﻟﺒﻨﻴﻪ ﻭﻳﺎﻱ
ﺣﻈﻨﺘﻪ ﻭﺍﻭﻭﻑ ﻳﺎﺣﻈﻨﻪ ﺍﺗﻤﻨﻴﺖ ﻣﺎﻋﻮﻓﻪ ﻭﺍﻧﺘﺒﻬﺖ ﻋﻠﻰ ﺷﺎﻣﺘﻪ ﺑﺪﻭﻥ ﺍﻱ ﺳﺎﺑﻖ ﺍﻧﺬﺍﺭ ﺩﻧﻜﺖ ﻭﺑﺴﺘﻪ ﻣﻦ ﺍﻟﺸﺎﻣﻪ ﺟﻮﻩ ﺷﻔﺘﻪ
ﺣﺴﻴﺖ ﻋﻠﻰ ﻧﻔﺴﻲ ﻭﻛﺘﻠﻪ ﺭﻭﺣﻲ ﺑﺲ ﺍﺷﻮ ﻫﺎﻱ ﺍﺭﺟﻌﻲ ﻭﺑﻮﺳﻴﻨﻲ ﻣﻦ ﺧﺪﻱ
ﺍﻟﻤﻬﻢ ﺻﺎﺭﺕ ﺍﻻﻳﺎﻡ ﻭﻇﻠﻴﺖ ﺍﺧﺎﺑﺮﻩ ﻭﺗﻐﻴﺮﺕ ﻣﻌﺎﻣﻠﺘﻲ ﻭﻳﺎﻫﺎ ﻭﺑﺪﻳﺖ ﺍﺗﻌﻠﻖ ﺑﻴﻪ ﺷﻮﻱ ﺷﻮﻱ
ﺣﺒﻴﺖ ﺻﻮﺗﻪ ﻭﺿﺤﻜﺘﻪ .. ﺣﺒﻴﺖ ﺧﺠﻠﻪ ﺍﻟﻲ ﻓﻘﺪﻧﺎﻩ ﺑﻬﺬﺍ ﺍﻟﺰﻣﻦ
ﺑﺲ ﺑﻌﺪﻧﻲ ﻣﻮ ﻛﻠﺶ ﻭﻳﺎﻫﺎ ﻭﻣﺒﺘﻌﺪ ﻋﻨﻪ ﻻﻥ ﺑﻌﺪﻧﻲ ﻣﻦ ﺍﻟﻨﺴﻮﺍﻥ ﻣﺎﻋﻨﺪﻱ ﺛﻘﻪ
ﻭﺻﺎﺭﺕ ﺍﻟﻌﺰﻳﻤﻪ ﻭﻃﻠﺒﺖ ﻣﻨﻪ ﺗﺠﻲ ﻭﻃﻠﺒﺖ ﻣﻨﻪ ﻻ ﺗﻠﺒﺲ ﺿﻴﻚ ﻟﻮ ﺗﺤﻂ ﻣﻜﻴﺎﺝ
ﻭﺻﺪﻙ ﺍﺧﺬﺕ ﺑﻠﻜﻼﻡ ﺍﺑﺘﺴﻤﺖ ﺑﺮﺿﻰ ﺍﻧﻮ ﺳﻤﻌﺖ ﻛﻼﻣﻲ ﻭﺍﻧﻲ ﺍﺣﺐ ﻫﺬﺍ ﺍﻟﺸﻲ
ﺑﺲ ﺑﻘﺖ ﺣﻠﻮﻭﻩ .. ﺭﺣﻨﻪ ﺗﻌﺸﻴﻨﻪ ﻭﻣﻦ ﺧﻠﺼﻨﻪ ﺷﺮﺑﻨﻪ ﺟﺎﻱ ..
ﺷﻮﻱ ﻭﺍﺟﺎﻧﻲ ﺍﺣﺪ ﻭﻛﺎﻝ : ﺍﻻﻫﻞ ﻳﺮﺩﻭﻙ
ﻛﻤﺖ ﻣﻦ ﻣﻜﺎﻧﻲ ﻭﺍﺳﺘﺄﺫﻧﺖ ﻣﻦ ﺍﻟﻨﺎﺱ ﻃﻠﻌﺖ ﺑﺮﻩ ﻭﻭﺻﻠﺖ ﻳﻢ ﺍﻟﺒﻴﺖ ﻭﺟﺎﻥ ﺍﻧﺼﺪﻡ ﺑﻠﻲ ﺍﺷﻮﻓﻪ
ﻭﻟﺪ ﻣﻠﺜﻢ ﻭﺣﺎﻇﻦ ﻳﺎﻗﻮﺕ ﻣﺘﺖ ﻣﻦ ﺷﻔﺘﻬﻢ ﺑﻬﺬﺍ ﺍﻟﻮﺿﻊ
ﺍﺣﺲ ﻛﻤﺖ ﻣﺎﺍﺷﻮﻑ ﻣﻦ ﺍﻟﻌﺼﺒﻴﻪ
ﺻﺤﺖ ﺑﺼﻮﺕ ﻋﺎﻟﻲ : ﻳﺎﻗﻮﺕ
ﻫﻤﺎ ﺛﻨﻴﻬﻢ ﻛﻤﺰﻭ ﻣﻦ ﺷﺎﻓﻮﻧﻲ ﻭﻫﺬﺍ ﺍﻟﺠﻠﺐ ﻣﻦ ﺷﺎﻓﻨﻲ ﺷﺮﺩ ﻭﺭﺍﺡ ﻃﻔﺮ ﻣﻦ ﺍﻟﺤﺎﻳﻂ
ﺍﻧﻲ ﺭﻛﻀﺖ ﻭﺭﺍﻩ ﺑﺲ ﻣﺎﻟﺤﻜﺖ ﻋﻠﻴﻪ ﺭﺟﻌﺖ ﻭﺍﻧﻲ ﺍﻓﻮﺭ ﻣﻦ ﺍﻟﻘﻬﺮ ﺍﺭﻳﺪ ﺛﻨﻴﻨﻬﻢ ﺍﻣﻮﺗﻬﻢ ﻭﺍﺩﻓﻨﻬﻢ
ﺭﺣﺖ ﻳﻢ ﻫﺎﻱ ﺍﻟﺤﻘﻴﺮﻩ ﻭﺍﺷﻮﻓﻪ ﻭﺍﻛﻔﻪ ﻭﻣﻔﺮﻋﻪ
ﻭﺗﺒﺎﻭﻉ ﻋﻠﻴﻪ ﺻﺤﺖ ﻋﻠﻴﻪ ﻭﻛﺘﻠﻪ ﺻﻌﺪﻱ ﻓﻮﻭﻙ
ﻫﻴﺎ ﺻﻌﺪﺕ ﻭﺍﻧﻲ ﺑﻘﻴﺖ ﺑﻤﻜﺎﻧﻲ ﻛﻌﺪﺕ ﺑﻠﻜﺎﻉ ﻭﺍﺣﺲ ﻧﺎﺭ ﻭﺗﺴﻌﺮ ﺑﻜﻠﺒﻲ
: ﻟﻴﺶ ﻫﻴﺞ ﻳﺎﻗﻮﺕ ﻭﺣﺴﺒﺎﻟﻲ ﺍﻧﺘﻲ ﻏﻴﺮ ﻋﻨﻬﻦ ﻃﻠﻌﺘﻲ ﻣﺜﻠﻬﻦ
ﺭﻓﻌﺖ ﺭﺍﺳﻲ ﺑﻘﻬﺮ : ﻟﻴﺶ ﺭﺑﻲ ﺷﺴﻮﻳﺖ ﺍﻧﻲ ﺑﺤﻴﺎﺗﻲ ﻭﺗﺼﺪﻣﻨﻲ ﻫﻴﺞ
ﻟﻴﺶ ﻛﻞ ﻣﺎﺗﻌﻠﻖ ﺑﻮﺣﺪﻩ ﻭﺍﺭﻳﺪ ﺍﺣﺒﻪ ﺗﻄﻠﻊ ﺧﺎﻳﻨﻪ ﻣﻼﻙ ﺣﺒﻴﺘﻪ ﻭﺗﺤﺪﻳﺖ ﺍﻟﻌﺎﻟﻢ ﻋﻠﻤﻮﺩﻩ ﻭﻃﻠﻌﺖ ﺧﺎﻳﻨﻪ ﻭﺷﻔﺘﻪ ﺑﻌﻴﻨﻲ
ﻭﻳﺎﻗﻮﺕ ﺣﺒﻴﺖ ﺍﺧﻼﻗﻪ ﻭﺑﺮﺍﺋﺘﻪ ﻭﺻﺎﺭﺕ ﺯﻭﺟﺘﻲ ﻋﺮﺿﻲ ﻭﻫﻢ ﺗﺨﻠﻴﻨﻲ ﺍﺷﻮﻑ ﺧﻴﺎﻧﺘﻪ ﺑﻌﻴﻨﻲ
ﻃﻠﻊ ﺧﺠﻠﻪ ﻭﺑﺮﺍﺋﺘﻪ ﺟﺬﺏ ﺑﺲ ﺣﺘﻰ ﺗﺨﺪﻉ ﺍﻟﻌﺎﻟﻢ ...
ﻛﻤﺖ ﻣﻦ ﻣﻜﺎﻧﻲ ﻭﺍﻧﻲ ﺍﻟﺸﺮﺭ ﻳﻄﺎﻳﺮ ﻣﻦ ﻋﻴﻮﻧﻲ
ﺻﻌﺪﺕ ﻓﻮﻭﻙ ﻭﻭﺻﻠﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﺑﻘﻮﻩ ﻫﻴﺎ ﺷﺎﻓﺘﻨﻲ ﻭﻛﻤﺰﺕبيج قصص عراقيه حقيقيه من واقعنا.روعه الطائي
ﺳﺪﻳﺖ ﺍﻟﺒﺎﺏ ﺑﻘﻮﻭﻩ : ﺿﺮﻏﺎﻡ ﻋﻔﻴﻪ ﺍﻓﻬﻢ ﺧﻞ ﺍﺳﻮﻟﻔﻠﻚ
ﺍﻗﺘﺮﺑﺖ ﻣﻦ ﻳﻤﻪ ﻭﻣﻴﺖ ﻣﻦ ﺍﻟﻘﻬﺮ .. ﺿﺮﺑﺘﻪ ﺭﺍﺷﺪﻱ ﻣﻦ ﻗﻮﺗﻪ ﻃﺎﺣﺖ ﺑﻠﻜﺎﻉ ﺭﻓﻌﺖ ﺭﺍﺳﻪ ﻭﺗﺒﺎﻭﻋﻠﻲ ﺑﺼﺪﻣﻪ
ﺩﻧﻜﺖ ﺍﻟﻪ ﻭﻟﺰﻣﺘﻪ ﻣﻦ ﺯﻧﺪﻫﺎ ﺑﻘﻮﻩ ﻭﺟﺮﻳﺘﻪ ﺍﻟﻲ ﺗﺒﺎﻭﻋﻠﻲ ﻭﻫﻴﺎ ﺗﺒﺠﻲ : ﻟﻴﺶ ﻭﻟﺞ ﺑﺲ ﻛﻠﻴﻠﻲ ﻟﻴﺶ ﻫﻴﺞ ﺳﻮﻳﺘﻲ
ﺷﺴﻮﻳﺖ ﺍﻧﻲ ﻭﻳﺎﺝ ﺷﻘﺼﺮﺕ ﺑﺲ ﻛﻠﻴﻠﻲ ﺣﺘﻰ ﻫﻴﺞ ﺗﺴﻮﻳﻦ
ﺑﺲ ﻫﻴﺎ ﺳﺎﻛﺘﻪ ﻣﺎﺗﺤﺠﻲ ﻟﺰﻣﺖ ﻓﻜﻪ ﺑﻘﻮﻭﻩ ﻭﻫﻴﺎ ﺗﺘﺄﻟﻢ
: ﻛﻮﻭﻟﻲ ﻟﻴﺶ ﻓﻬﻤﻮﻭﻧﻲ ﺷﺴﻮﻳﺖ ﺍﻧﻲ ﺣﺘﻰ ﻫﻴﺞ ﻳﺼﻴﺮ ﻭﻳﺎﻱ
ﺷﻤﺮﺕ ﺑﻠﻜﺎﻉ ﺑﻘﻮﻭﻩ .. ﺑﺎﻭﻋﺘﻠﻪ ﺑﻘﻬﺮ ﻭﺟﻨﻲ ﺍﺷﻮﻑ ﻣﻼﻙ ﻭﻳﺎﻫﺎ : ﻭﻟﺠﻦ ﻟﻴﺶ ﺑﺲ ﻓﻬﻤﻨﻲ ﺷﻘﺼﺮﺕ ﻭﻳﺎﺟﻦ ﺍﻧﻲ ﺣﺘﻰ ﻫﻴﺞ ﺗﺴﻮﻥ ﻭﻳﺎﻱ
ﺭﺑﻲ ﻟﻴﺶ ﻫﻴﺞ ﺗﺨﻠﻴﻨﻲ ﺍﺷﻮﻑ ﺧﻴﺎﻧﺘﻬﻦ ﺑﻌﻴﻨﻲ ﻭﺍﻧﺼﺪﻡ
ﻫﻴﺎ ﻛﺎﻣﺖ ﻭﺍﻗﺘﺮﺑﺖ ﻣﻨﻲ ﻭﺗﺒﺠﻲ ﻭﺍﻧﻲ ﻣﻦ ﺣﺮﻛﺖ ﻛﻠﺒﻲ ﻣﺎﻫﺘﻤﻴﺖ ﻟﺪﻣﻮﻋﻪ
: ﺿﺮﻏﺎﻡ ﺑﺲ ﺍﺳﻤﻌﻨﻲ ﻓﺪﻭﻭﻩ
ﺿﺮﺑﺖ ﺣﻠﻜﻪ ﺑﻘﻮﻭﻩ : ﺍﺳﻤﻴﻲ ﻣﺎﺭﻳﺪ ﺍﺳﻤﻌﻪ ﺑﻠﺴﺎﻧﺞ ﺍﻟﻘﺬﺭ
ﺣﻄﺖ ﺍﻳﺪﻩ ﻋﻠﻰ ﺣﻠﻜﻪ ﻭﺗﺒﺠﻲ ﻭﻣﺘﺄﻟﻤﻪ .. ﻛﻌﺪﺕ ﻋﻠﻰ ﺍﻟﺠﺮﺑﺎﻳﻪ
ﺭﻓﻌﺖ ﺭﺍﺳﻪ ﺍﻟﻲ ﻭﺗﺒﺠﻲ ﻭﻋﻴﻮﻧﻪ ﺑﻴﻬﺎ ﻋﺘﺎﺏ ﻧﺰﻟﺖ ﻋﻴﻨﻲ ﻋﻠﻰ ﺷﻔﺘﻪ ﺍﻟﻲ ﻃﻠﻊ ﻣﻨﻪ ﺩﻡ
ﺩﻧﻜﺖ ﻭﻟﺰﻣﺖ ﺭﺍﺳﻲ ﺑﺜﻨﻴﻦ ﺍﻳﺪﻱ : ﻟﻴﺶ ﻫﻴﺞ ﺭﺑﻲ ﻟﻴﺶ
ﺣﺴﻴﺖ ﺍﻳﺪﻩ ﻭﺧﺮﺕ ﺍﻳﺪﻱ ﻭﻛﺎﻟﺖ ﺑﻬﻤﺲ : ﺿﺮﻏﺎﻡ ﺍﺫﺍ ﺗﺤﺒﻨﻲ ﺍﺳﻤﻊ ﻣﻨﻲ ﻭﺍﺛﻖ ﺑﻴﻪ
ﺩﻓﻌﺘﻪ ﻣﻦ ﻳﻤﻲ ﻭﻣﻦ ﺷﻮﻏﺖ ﻛﻠﺒﻲ ﻭﻗﻬﺮﻱ ﺻﻴﺤﺖ ﻋﻠﻴﻪ : ﻭﻟﺞ ﻫﻮ ﻳﺎﺣﺐ ﺍﻧﺖ ﻫﻢ ﻣﺼﺪﻛﻪ ﺭﻭﺣﺞ ﺑﺎﺑﺎ ﺍﻓﻬﻤﻲ ﺍﻧﻲ ﻣﺎﺣﺒﺞ
ﺍﻧﺼﺪﻣﺖ ﻫﻴﺎ : ﺷﻨﻮ ﺷﺘﻜﻮﻝ ﺍﻧﺖ ﺿﺮﻏﺎﻡ ﻻ ﺗﺤﺠﻲ ﻫﻴﺞ ﻓﺪﻭﻭﻩ
ﺭﺣﺖ ﺍﻗﺘﺮﺑﺖ ﻣﻨﻪ ﻭﺍﺿﺤﻚ : ﻻ ﺗﻐﺸﻤﻴﻦ ﺭﻭﺣﺞ ﺗﺮﻯ ﺍﻧﻲ ﺍﺧﺬﺗﺞ ﻣﻮ ﺣﺒﺎً ﺑﻴﺞ
ﺭﻓﻌﺖ ﺣﺎﺟﺒﻪ ﻭﺩﻣﻮﻋﻪ ﻳﻨﺰﻟﻦ : ﻟﻌﺪ ﻋﻠﻰ ﺷﻨﻮ
ﺣﺠﻴﺖ ﺑﻘﻬﺮ ﺍﺭﻳﺪ ﺍﺣﺮﻙ ﻛﻠﺒﻪ ﻣﺜﻞ ﻣﺎﺣﺮﻛﺖ ﻛﻠﺒﻲ ﻫﺴﻪ ﺑﺲ ﺍﻋﺮﻑ ﻣﺮﺍﺡ ﺗﻬﺘﻢ : ﻋﻠﻤﻮﺩ ﺍﺑﻨﻲ ﻻﻥ ﻫﻮ ﺭﺍﺩﺝ ﺣﺴﺒﺎﻟﻨﻪ ﺑﻴﺞ ﺣﻆ ﻭﺍﺧﻼﻕ ﻃﻠﻊ ﻛﻠﻪ ﻫﺬﺍ ﺟﺬﺏ
: ﻻ ﺿﺮﻏﺎﻡ ﻻ ﺗﺤﺠﻲ ﻫﻴﺞ ﻓﺪﻭﻩ ﺍﺩﺭﻱ ﻣﻦ ﻋﺼﺒﻴﺘﻚ ﺑﺲ ﺍﻓﻬﻤﻨﻲ ﺍﻧﺖ
: ﺍﺷﺶ ﻣﺎﺭﻳﺪ ﺍﺳﻤﻊ ﺷﻲ ﻣﻨﺞ ﻓﻬﻤﺘﻲ ﻭﻃﺒﺞ ﻣﺮﺽ ﺍﻟﺼﺪﻛﺘﻲ ﻟﻮ ﻻ ﻫﺬﺍ ﺍﻟﻌﻨﺪﻱ
: ﻳﻌﻨﻲ ﺍﻧﺖ ﻋﻠﻰ ﻣﻮﺩ ﻣﺼﻠﺤﺖ ﺍﺑﻨﻚ ﺍﺯﻭﺟﺘﻨﻲ
ﺣﺠﻴﺖ ﺑﻌﺼﺒﻴﻪ : ﺍﻱ ﻣﻊ ﺍﻻﺳﻒ ﺑﺲ ﻃﻠﻌﺖ ﺍﻣﻪ ﺍﻟﺜﺎﻧﻴﻪ ﻫﻢ ﺫﺍﺕ ﻋﻼﻗﺎﺕ ﻣﺘﻌﺪﺩﻩ ﻳﻮﻣﻴﻪ ﻭﻱ ﻭﺍﺣﺪ ﻭﺣﺴﺒﺎﻟﻨﻪ ﺷﺮﻳﻔﻪ
ﻣﺎﺣﺲ ﺍﻻ ﺿﺮﺑﺘﻨﻲ ﺭﺍﺷﺪﻱ .. ﺩﺭﺕ ﻭﺟﻬﻲ ﻋﻠﻴﻪ ﻭﻣﺎﺣﺲ ﺍﻻ ﻟﺰﻣﺘﻪ ﻣﻦ ﺷﻌﺮﻩ ﺑﻘﻮﻭﻩ ﻭﻫﻴﺎ ﻋﺎﻃﺖ ﻣﻦ ﺍﻻﻟﻢ
: ﻭﻟﺞ ﺍﻧﺘﻲ ﺗﻀﺮﺑﻨﻴﻲ ﺍﻟﻲ ﻫﻲ ﺟﻠﺒﻪ
ﺗﺒﺠﻲ ﻭﺗﺼﻴﺢ : ﻻ ﺗﻐﻠﻂ ﺍﻓﺘﻬﻤﺖ ﺍﺣﺘﺮﻡ ﻧﻔﺴﻚ
ﺩﻓﻌﺘﻪ ﻣﻦ ﻳﻤﻲ ﻭﻛﺘﻠﻪ : ﻳﺎﻟﻪ ﻧﻜﻠﻌﻲ ﻣﺎﺗﺤﻤﻞ ﺍﺷﻮﻑ ﻭﺟﻬﺞ ﻛﺪﺍﻣﻲ ﻭﺍﻧﻲ ﺍﻋﻠﻤﺞ ﻭﺍﻟﻠﻪ ﺍﻻ ﺍﻧﺪﻣﺞ ﻋﻠﻰ ﺣﻴﺎﺗﺞ
ﻛﺎﻣﺖ ﻣﻦ ﻣﻜﺎﻧﻪ ﻭﺑﺎﻭﻋﺘﻠﻲ ﺑﻘﻬﺮ ﻭﻫﻴﺎ ﺗﻤﺴﺢ ﺩﻣﻮﻋﻪ : ﻣﺎﺷﻲ ﺿﺮﻏﺎﻡ ﺍﻧﺖ ﺍﻟﻲ ﺭﺩﺗﻪ ﻭﻫﺎﻫﻴﻪ ﺍﺫﺍ ﺍﻧﺖ ﻣﺎﻋﻨﺪﻙ ﺛﻘﻪ ﺑﻴﻪ ﻭﻫﻴﺞ ﺗﺸﻚ ﺑﻴﻪ ﻭﺍﺧﺬﺗﻨﻲ ﻣﺼﻠﺤﻪ
. ﻭﺑﻌﺪ ﻣﺎﺷﻔﺖ ﻛﻼﻣﻚ ﻫﺬﺍ ﺷﻲ ﺍﻛﻴﺪ ﻣﺮﺍﺡ ﺍﺑﻘﻪ ﻋﻠﻰ ﺫﻣﺘﻚ ﻭﻛﻞ ﻭﺍﺣﺪ ﻳﺮﻭﺡ ﺑﺤﺎﻝ ﺳﺒﻴﻠﻪ
ﺭﺣﺖ ﻳﻤﻪ ﻭﺣﺠﻴﺖ ﺑﻌﺼﺒﻴﻪ : ﻣﻮ ﻫﻮ ﺑﻜﻴﻔﺞ ﺍﻧﺘﻲ ﺑﺎﺑﺎ ﺍﻧﻲ ﺍﻗﺮﺭ ﻓﻬﻤﺘﻲ ﻭﺍﻧﺘﻲ ﻋﻠﻴﺞ ﺑﺲ ﺗﻜﻮﻟﻴﻦ ﺣﺎﺿﺮ
: ﺷﻨﻮ ﻳﻌﻨﻲ ﺗﺠﺒﺮﻧﻲ ﻋﻠﻰ ﺍﻟﺰﻭﺍﺝ
: ﺍﻳﻲ ﻭﻏﺼﺒﺎ ﻣﺎﻋﻠﻴﺞ ﺗﻮﺍﻓﻘﻴﻦ ﻭﺍﻟﻠﻪ ﺍﻻ ﺍﻃﻠﻊ ﺣﺮﻛﺖ ﻛﻠﺒﻲ ﺑﻴﺞ ﻳﺎ ﻳﺎﻗﻮﺕ
ﻭﻫﺴﻪ ﻳﺎﻟﻪ ﻃﻠﻌﻲ
: ﻣﺎﻃﻠﻊ ﻣﻨﺎ ﺍﻻ ﻣﺎﺍﻃﻠﻜﻨﻲ
ﻟﺰﻣﺘﻪ ﻣﻦ ﺍﻳﺪﻫﺎ ﻭﺟﺮﻳﺘﻪ ﻭﻃﻠﻌﺘﻪ ﺑﺮﻩ ﺍﻟﻐﺮﻓﻪ ﺳﺪﻳﺖ ﺍﻟﺒﺎﺏ ﺑﻮﺟﻬﻪ ﻭﻗﻔﻠﺘﻪ
ﺣﺠﻴﺖ ﺑﻮﻋﻴﺪ : ﻣﺎﺷﻲ ﻳﺎﻗﻮﺕ ﻭﺍﻟﻠﻪ ﺍﺣﺮﻛﺞ ﻣﺜﻞ ﻣﺎﺣﺮﻛﺘﻴﻨﻲ
ﺍﺣﺲ ﻛﻠﺒﻲ ﻣﺤﺮﻭﻙ ﻭﻣﺨﺬﻭﻝ .. ﺍﻧﺨﺬﻟﺖ ﻭﺑﻌﺪ ﻣﺎﻛﺪﺭ ﺍﺳﺘﺤﻤﻞ ﺍﻱ ﺷﻲ ..
ﻓﺪﻳﺘﻜﻢ ﺗﻔﺎﻋﻠﻮ ﺑﻠﺮﻭﺍﻳﻪ ﻭﻧﺸﺮﻭﻫﺎ ﺑﻴﻦ ﺍﺻﺪﻗﺎﺋﻜﻢ ﻭﺍﻗﺮﺑﺎﺋﻜﻢ ﻭﻧﺸﺮﻭﻫﺎ ﺑﻠﻜﺮﻭﺑﺎﺕ ﺗﺮﻯ ﺍﺳﺘﺎﻫﻞ ﺍﻧﻲ 💔😇
ﻭﺍﻟﻲ ﻳﻜﻮﻝ ﻭﻳﻦ ﺿﺮﻏﺎﻡ ﻭﺷﻨﻮ ﻗﺼﺘﻪ ﺗﺮﻯ ﻫﺴﻪ ﺑﺪﺕ ﻗﺼﺘﻬﻢ ﻭﺍﻻﻛﺸﻦ 😂 ﺻﺢ ﺭﻛﺰﺕ ﻫﺬﻳﺞ ﺍﻟﻔﺘﺮﻩ ﺑﺲ ﻋﻠﻰ ﺍﻳﻮﺏ ﻭﻫﺴﻪ ﺭﺍﺡ ﺍﺭﻛﺰ ﻋﻠﻰ ﺿﺮﻏﺎﻡ ﻻﻥ ﺑﺪﺕ ﺍﻟﻘﺼﻪ ﻫﺴﻪ
ﺍﻟﻤﻬﻢ ﻳﺎﻟﻪ ﺍﻗﺮﻭ ﺍﻟﺒﺎﺭﺕ ﻗﺮﺍﺀﻩ ﻣﻤﺘﻌﻪ ✌
ﺍﺣﺒﻜﻢ ﻧﻔﺮ ﻧﻔﺮ ..
ﻳﺘﺒﻊ
